Post: #1 Title: الزول ده لو سمع خطابات البشير كان مات !! "مرسي ميييين يا عم!!" Author: محمد حيدر المشرف Date: 07-03-2013, 05:15 PM Parent: #0
هههههههههههههه مرسي مييييين يا عم !!.. والذي رفع السماء بلا عمد .. خطاب مرسي بتاعكم ده لا يساوى 1% من ابداعات البشير !!!..
Post: #2 Title: Re: الزول ده لو سمع خطابات البشير كان مات !! andquot;مرسي ميييين يا عم!! Author: Hani Arabi Mohamed Date: 07-03-2013, 05:20 PM
ود الباوقة بس كان جاب كثافته
ربنا يكتب ليه ولود الباوقة ولكم ولنا السلامة والصحة والعافية
Post: #5 Title: Re: الزول ده لو سمع خطابات البشير كان مات !! andquot;مرسي ميييين يا عم Author: محمد حيدر المشرف Date: 07-03-2013, 05:26 PM Parent: #2
Quote: ود الباوقة بس كان جاب كثافته
ههههههههههههههههههههههه ..
Post: #3 Title: Re: الزول ده لو سمع خطابات البشير كان مات !! andquot;مرسي ميييين يا عم!! Author: Isa Date: 07-03-2013, 05:21 PM
بالزبط يا محمـد، وكان كل ما يردد: مافيش رئيس في الدنيا الخ: بقول ليه أصلك ما تعرفش حاجة في الدنيا يا بيه، ما دام ما سمعت ناس شذاذ الآفاق، وناس نحنا ما طلعنا مجاهدينا الحقيقيين، وناس (شدوا الجرذان) الخ..
Post: #6 Title: Re: الزول ده لو سمع خطابات البشير كان مات !! andquot;مرسي ميييين يا عم Author: محمد حيدر المشرف Date: 07-03-2013, 05:29 PM Parent: #3
Quote: كل ما يردد: مافيش رئيس في الدنيا الخ: بقول ليه أصلك ما تعرفش حاجة في الدنيا يا بيه،
هههههههه القلوب عند بعضيها يا عيسي .. شكلو أي سوداني شاف الكلام ردد ذات الكلام .. ذات الخاطرة
Post: #4 Title: Re: الزول ده لو سمع خطابات البشير كان مات !! andquot;مرسي ميييين يا عم!! Author: محمد حيدر المشرف Date: 07-03-2013, 05:24 PM
المذيعة قامت من كرسيها تهدي فيهو .. والضيف المعاهو قال ليه اهدى يا ايهاب .. دنتا عندك القلب .. انت حتموت كده .. مرسي ما يستهلش !!
.. لابد من ابداء الاعجاب بهذه الوطنية الدافقة علي اية حال ..
Post: #7 Title: Re: الزول ده لو سمع خطابات البشير كان مات !! andquot;مرسي ميييين يا عم Author: ABDALLAH ABDALLAH Date: 07-03-2013, 05:55 PM Parent: #4
Quote: .. لابد من ابداء الاعجاب بهذه الوطنية الدافقة علي اية حال ..
فعـلا يا لـهـا من غــيره وطنيه صادقه تثير الإعجاب بغض النظر عن طريقة إبدائها .
التحيه للك د . المشرق .
Post: #9 Title: Re: الزول ده لو سمع خطابات البشير كان مات !! andquot;مرسي ميييين يا عم Author: محمد حيدر المشرف Date: 07-03-2013, 06:16 PM Parent: #7
استاذنا عبدالله ..
نعم .. هو شعب يتمتع بالوطنية .. وأقولها وكان المسألة ليست من المسلمات !!
.. أمرنا عجيب بين امم الأرض يا عبدالله !!!
Post: #8 Title: Re: الزول ده لو سمع خطابات البشير كان مات !! andquot;مرسي ميييين يا عم Author: أحمد ابن عوف Date: 07-03-2013, 06:07 PM Parent: #4
ههههههههههه يا ود المشرف
تخيل انا شخصيا لمن سمعت خطاب مرسي قلت يا اخوانا الزول دا ما كويس المصريين هايجين فيهو مالم لوووووول
وسام الصمود دا مفروض يدوهو لكل سوداني، دا احنا طلعنا جدعان اوي يا راجل
Post: #10 Title: Re: الزول ده لو سمع خطابات البشير كان مات !! andquot;مرسي ميييين يا عم Author: محمد حيدر المشرف Date: 07-03-2013, 06:20 PM Parent: #8
ابن عوف يا صديقي ..
Quote: تخيل انا شخصيا لمن سمعت خطاب مرسي قلت يا اخوانا الزول دا ما كويس المصريين هايجين فيهو مالم لوووووول
هههههههههههه .. خطاب لا فوقو الفاظ ولا شتايم ولا ربًه ولا رقيص ؟!! الناس دي زعلانة فوق كم ما عارف ؟!!!
Post: #11 Title: Re: الزول ده لو سمع خطابات البشير كان مات !! andquot;مرسي ميييين يا عم Author: حيدر حسن ميرغني Date: 07-03-2013, 06:40 PM Parent: #10
Post: #15 Title: Re: الزول ده لو سمع خطابات البشير كان مات !! andquot;مرسي ميييين يا عم Author: محمد حيدر المشرف Date: 07-03-2013, 07:18 PM Parent: #11
في داعي يا حيدر ياخي !! وهل غاب عنا وجه التأسي يا صديقي ؟!! صابرين و الله وفي منتهى التجمل !! ههههههههههههه .. شفت ليك ماساة كهذه ؟!!
.
Post: #12 Title: Re: الزول ده لو سمع خطابات البشير كان مات !! andquot;مرسي ميييين يا عم Author: منتصر صلاح Date: 07-03-2013, 06:43 PM Parent: #10
ههههههههه والله الراجل دة طيب يسمع فد خطاب من البشير يطب ساكت . خمسة وعشرين سنة ... خمسة وعشرين سنة ونحنا يوماتي بنسمع لـ علي الطلاق والحس كوعك وشذاذ افاق وقميصين .
دكتور المشرف ... مع انو مقطع معبر بس ضحكنا من تعابير وش الراجل .
تحاياي
Post: #13 Title: Re: الزول ده لو سمع خطابات البشير كان مات !! andquot;مرسي ميييين يا عم Author: محمد حيدر المشرف Date: 07-03-2013, 07:03 PM Parent: #12
هههههههههه
Quote: خمسة وعشرين سنة ... خمسة وعشرين سنة
انا فاااااهم ومقدر يا صلاح ياخي .. بس المهم تتماسك يا صديق ..
Post: #14 Title: Re: الزول ده لو سمع خطابات البشير كان مات !! andquot;مرسي ميييين يا عم Author: Amani Al Ajab Date: 07-03-2013, 07:12 PM Parent: #13
أبكي على وطني! هل ماتت الوطنية ؟! ما حدث في مصر لا يساوي قطرة مما حدث في السودان ! ---------------------------------------------------------- شكراً الأخ محمد المشرف ولك التحية والتقدير ..
Post: #16 Title: Re: الزول ده لو سمع خطابات البشير كان مات !! andquot;مرسي ميييين يا عم Author: محمد حيدر المشرف Date: 07-03-2013, 07:23 PM Parent: #14
أماني يا عزيزتي ..
Quote: أبكي على وطني! هل ماتت الوطنية ؟! ما حدث في مصر لا يساوي قطرة مما حدث في السودان !
نبدو مشغولين جدا بأشياء أخرى غير هذا الوطن .. مؤسف جدا هذا الحال يا أماني ..
Post: #17 Title: Re: الزول ده لو سمع خطابات البشير كان مات !! andquot;مرسي ميييين يا عم Author: مهدي صلاح Date: 07-03-2013, 07:23 PM Parent: #14
واضح انو نحنا بناكل من اونطة الكيزان وبشراهة في حين المصريين ممنوعين منه بامر الدكتور خطاب زي حق مرسي بتاع امبارح والذي جاء في ظاهره حانيا راقيا عاطفيا ، خطاب زي دا كان رقّد الشعب السوداني كلو سلطة واولنا ناس الجبهة الثورية اشرس من يواجهون الطغمة الكيزانية الحاكمة في السودان لكن المصريين وبوعيهم الذي لا نتحفظ ابدا في ابداء انبهارنا به التقطوا مضمون الحوار وفهموا منه ان مرسي باق حتى لو كان الثمن دماء المصريين ومزيد من الانقسامات والمعاناة
التحية لك المشرف على الفيديو
Post: #18 Title: Re: الزول ده لو سمع خطابات البشير كان مات !! andquot;مرسي ميييين يا عم Author: أحمد ابن عوف Date: 07-03-2013, 07:30 PM Parent: #17
Quote: هههههههههههه .. خطاب لا فوقو الفاظ ولا شتايم ولا ربًه ولا رقيص ؟!!
يا زول الرقيص هين هو ما سمع بـ "تقطيع الاوصال" بتاعت صلاح قوش
معاك المرجف المرتزق الخائن العميل الشاذ افقيا لاحس كوعو ابو قميص واحد أحمد ابن عوف
Post: #23 Title: Re: الزول ده لو سمع خطابات البشير كان مات !! andquot;مرسي ميييين يا عم Author: محمد حيدر المشرف Date: 07-03-2013, 09:06 PM Parent: #18
ابن عوف ..
تقطيع الاوصال ذااااتو هين .. قول هو ما شاف الخريطة دي ؟!!
Post: #19 Title: Re: الزول ده لو سمع خطابات البشير كان مات !! andquot;مرسي ميييين يا عم Author: محمد حيدر المشرف Date: 07-03-2013, 07:30 PM Parent: #17
هههههههه ..
Quote: خطاب زي حق مرسي بتاع امبارح والذي جاء في ظاهره حانيا راقيا عاطفيا ، خطاب زي دا كان رقّد الشعب السوداني كلو سلطة واولنا ناس الجبهة الثورية اشرس من يواجهون الطغمة الكيزانية الحاكمة في السودان
هو نحنا لاقين الحنية يا مهدي يا أخوي ؟!.. ماهو راقدين سلطة خمسه وعشرين سنه .. خطاب حنية واااحد ما شفناهو ؟!! رقاد سلطه ناااااااشف زي ده ما مر في التأريخ ..
Post: #20 Title: Re: الزول ده لو سمع خطابات البشير كان مات !! andquot;مرسي ميييين يا عم Author: محمد حيدر المشرف Date: 07-03-2013, 08:01 PM Parent: #19
فايقه ..
Quote: سلام هذا الايهاب لمن يطلع من الاستديو ح يقبل وفى سره انتو سدأتو يا أولاد العبيطة
ما بعرفو معرفه شخصية والله .. واحتمال معرفتك بيهو ممكن تبرر الكلام ده .. بالنسبة الينا هو واحد من الكم وتلاتين مليون الذين يملأون شوارع وطنهم بالهتاف والثورة والنضال .. ويانا شايفنهم شوف العين ..
.. اولاد العبيطه ديل نحنا كلنا ولا جزو مننا ؟!!
Post: #21 Title: Re: الزول ده لو سمع خطابات البشير كان مات !! andquot;مرسي ميييين يا عم Author: محمد حيدر المشرف Date: 07-03-2013, 09:00 PM Parent: #20
الأخ العزيز يوسف ابوصالح ..
Quote: قبل قليل سمعت واحد بتكلم فى قناة الجزيرة قال : مرسى فشل فشل ذريع فى الحكم والشعب المصرى مش قادر يتحمل اكتر من كده ، حينها ادركت اننا الشعب الاقوى والاقدر على تحمل المآسى والمصاعب وان ما حدث لنا جراء سياسات اخوان مسيلمة لربع قرن كفيل بمسح اى شعب من على وجه البسيطة .
نحنا يا عزيزي التقول ما فارقه معانا حاجه ..
تعرف !! من علامات ال ACUTE DEPRESSION المرضي انو الواحد بتكون ما فارقه معاهو ... شكلو الشعب السوداني ده كلو مصاب بالدبرسه المرضيه و .. ما فارقه !!
Post: #22 Title: Re: الزول ده لو سمع خطابات البشير كان مات !! andquot;مرسي ميييين يا عم Author: محمد حيدر المشرف Date: 07-03-2013, 09:02 PM Parent: #21
Post: #24 Title: Re: الزول ده لو سمع خطابات البشير كان مات !! andquot;مرسي ميييين يا عم Author: Mahjob Abdalla Date: 07-04-2013, 01:02 PM Parent: #22
في اخر زيارة للسودان تسأل اي واحد عن احواله يقول ليك "والله مية مية".
________________ هذا الرجل زكرني بشخصية اخري كان من مؤيدي مبارك و اول ما مبارك كسح قعد يبكي في التلفزيون.
Post: #25 Title: Re: الزول ده لو سمع خطابات البشير كان مات !! andquot;مرسي ميييين يا عم Author: صبري طه Date: 07-04-2013, 08:31 PM Parent: #24
يا ود المُشرف .. غايتو المكنة دي أنا أبت تقسّم معاي ... صاحبنا دا كتّر المحلبية .. وغايتو واضح بالنسبة لي التمثيل .. واحتمال الشغلانة كلها يكون سيناريو مُعد سلفاً ...
تسلم ،،،
Post: #26 Title: Re: الزول ده لو سمع خطابات البشير كان مات !! andquot;مرسي ميييين يا عم Author: Mohammed Alhasan Mohammed Date: 07-05-2013, 08:56 AM Parent: #25
الله يمسيها بالخير سوزان مبارك ....فضلت 30 سنة تكافح فى شلل الاظفال .......وجه مرسى شل الشعب كلو فى خطاب واحد.. كاركتير مصرى
