هل سيطول انتظاري وانتظار جمهور معجبي تنظيرات طلحة عبد الله لاعتذاره ..

لو اعتمدت البرازيل على نيمار


ـــــــــــــــــــ
اديناك زمن كافي عشان تعمل مؤتمر صحفي تضع فيه النقاط فوق الحروف لعدم قراءتك الثاقبة كالعادة هذه المرة..
لكنك عملت نايم ..

مع قناعتي طبعا التامة بان الامر لا يعدو ان تكون قراءتك قد تعرضت للتشويش بفعل عوامل اغلبها يعود لهذا المنبر الظالم اهله .. وورجغتهم الكتيرة ..
وايضا بسبب انشغالك بمدافرة الزول القاعد جنبك وازعاجه لك باكل قطع التورتة..

يا ود الزين صباحاتك بُيض ياخى
بالله بطل التنميط بتاعك واضيف معاهو البرلوم دا
( ياسر منصور عثمان )
والله البرالمة عندك لا يعتذرون

:
:
:
:
:
مع التحيات لله الزاكيات

بصفتي رئيس رابطة معجبي طلحة تنظير بالبورد فأنا اشجب و أدين و أستنكر إستهداف أحد رموز المنبر

هههههههههه\دا شنو يا حيدروف النجم ؟؟؟؟؟؟
والله خذلتني وشككتني في حصافتي ..
البوست بتاعي قلت فيهو لو اعتمدت البرازيل على نيمار .. الخ ..
خط خطين تحت (لو) دي ..
هل تعتقد حقا أن البرازيل اعتمدت على نيمار عشان تفوز بكأس القارات ؟؟ دا الخذلان البقول ليك عليهو ذاتو ..
اذا كانت البرازيل اعتمدت فقط على أنس النور أقصد نيمار لتفوز بكأس القارات فما كان دور اللاعب المهاجم ( المسلم ) فريد هداف البطولة ؟؟
وما دور المدافع أبو شعر طويل ( دافيد لويز ) الذي أبعد كورة اسبانية لبيدرو كانت في طريقها للمرمي كانت أيضا ستغير مجريات اللعب ..
الشاهد يا حيدروف أن نيمار وكما قلت سابقا هو مجرد ( فردة هجوم في البرازيل) بامكانه أن يسجل أهدافا مثله ومثل أي مهاجم
في أي فريق في الدنيا .. وليس لاعب يعتمد عليه كمارادونا أو رنالدو أو ميسي أو غيره من النجوم الذي يستطيعون أن (يشيلوا) الفريق .
نيمار يا حيدروف حتي الأهداف التي سجلها لم تكن حاسمة أو لها تأثير على مجريات اللعب كما زميله أفريد الذي سجل
الهدف الأول في أسبانيا ورفع من معنويات زملائه كما أربك بشكل كبير جدا حسابات الماتادور .. وهو أيضا الذي سجل الهدف
الثالث الذي أنهي المباراة تماما لصالح البرازيل ..
البرازيل لم تعتمد أبدا والله على نيمار وهذا ذكاء كبير من المدرب فيليب سكولاري الذي عرف كيف يستفيد من كل ذرة امكانات
لدي كل لاعب برازيلي في تشكيلة السامبا وتاليا أفلح في ترجيح كفته ..
البرازيل لو كانت اعتمدت على نيمار صدقني ما كانت فازت بالبطولة .. وهذا بالضبط ما عنيته في البوست ولم أقل أبدا أن
البرازيل لن تفوز بالبطولة .

غايتو يا حدير انا عجبتنى الثقه الدائمه دى .... !

ايوااااتا ليك .. قبضت ..

شكرا يا سامي يآخي على هذا الدليل الدامغ الذي وضح الحقيقة ساطعة ..


ـــــــــــــــــــــــــــــ..
حبيبنا طلحة .. شكلك عاوز تتجرجر وتحوم باعتذار مثلك ومثل قيقراوي " سابقاً " ...
غايتو لو خالتو تراجي اعتذرت قبالك يبقي يا لوم الشوم




از اي سووون ويل بي سووون باك سووون از اي هاف نو اربيك كيبورد ناوي رايت momment

Quote: هل سيطول انتظاري وانتظار جمهور معجبي تنظيرات طلحة عبد الله لاعتذار

غايتو انت زول بتاع مشكل ساهي وانا نفضت ايدي منك تب، اتا يا زول رايح لك اعتذار؟ مرة متلح تراجي، مرة عماد ومحمد جلال واعتقد انك اتلحت صلاح غريبة (رد الله غربته) كمان هسي جاي تهابش في طويل العمر الاخطبوط دام ظله؟

Quote: هههههههههه\دا شنو يا حيدروف النجم ؟؟؟؟؟؟ والله خذلتني وشككتني في حصافتي .. البوست بتاعي قلت فيهو لو اعتمدت البرازيل على نيمار .. الخ .. خط خطين تحت (لو) دي .. هل تعتقد حقا أن البرازيل اعتمدت على نيمار عشان تفوز بكأس القارات ؟؟ دا الخذلان البقول ليك عليهو ذاتو .. اذا كانت البرازيل اعتمدت فقط على أنس النور أقصد نيمار لتفوز بكأس القارات فما كان دور اللاعب المهاجم ( المسلم ) فريد هداف البطولة ؟؟ وما دور المدافع أبو شعر طويل ( دافيد لويز ) الذي أبعد كورة اسبانية لبيدرو كانت في طريقها للمرمي كانت أيضا ستغير مجريات اللعب .. الشاهد يا حيدروف أن نيمار وكما قلت سابقا هو مجرد ( فردة هجوم في البرازيل) بامكانه أن يسجل أهدافا مثله ومثل أي مهاجم في أي فريق في الدنيا .. وليس لاعب يعتمد عليه كمارادونا أو رنالدو أو ميسي أو غيره من النجوم الذي يستطيعون أن (يشيلوا) الفريق . نيمار يا حيدروف حتي الأهداف التي سجلها لم تكن حاسمة أو لها تأثير على مجريات اللعب كما زميله أفريد الذي سجل الهدف الأول في أسبانيا ورفع من معنويات زملائه كما أربك بشكل كبير جدا حسابات الماتادور .. وهو أيضا الذي سجل الهدف الثالث الذي أنهي المباراة تماما لصالح البرازيل .. البرازيل لم تعتمد أبدا والله على نيمار وهذا ذكاء كبير من المدرب فيليب سكولاري الذي عرف كيف يستفيد من كل ذرة امكانات لدي كل لاعب برازيلي في تشكيلة السامبا وتاليا أفلح في ترجيح كفته .. البرازيل لو كانت اعتمدت على نيمار صدقني ما كانت فازت بالبطولة .. وهذا بالضبط ما عنيته في البوست ولم أقل أبدا أن البرازيل لن تفوز بالبطولة .

ياحيدر ياحبيبي قبل كل شيء كل سنة وانت طيب وضيفوك كمان يصومو ويفطروا على خير
ياريت ترفع لينا يدك من طلحه لان طلحه يشهد له الكثير في قراته السليمه حسب معطيات الفريق
ويكفي رشح اسبانيا من قبل في كاس العالم وصدق في ذلك وكان كلامه مبني على اشياء كثيره تجعل اي شخص يعي كرة القدم وله نظره ثاقبه في المنهج الكروي ( منهج دي كيفتني عديييل )
...



بالجنبة
بجيك راجع في نظرية نيمار وليه طلحه قال هذا الكلام واعتمد على شنو

طلحة تنظير خط احمر ياهؤلاء........شهادة من هلالابى

حبيبنا وليد عبد اللطيف .. صباحاتك

Quote: بجيك راجع في نظرية نيمار وليه طلحه قال هذا الكلام واعتمد على شنو

كدي تعال راجع واقنعنا .. عشان نرفع...


وإلا فإننا في انتظار الاعتذار لا محالة



ـــــــــــــــــــــــ..

يا طلحه ياخ ماتعتزر عزبتنا (مش ايام الانتخابات ديك كان فى دعية بتاعت ياخلف الله ماعزبتنا ) هههههه

ياطلحة الكوره دى مالعبة جماعية والله صحى ف كلامك الفوق دا قولو لى زول ماعندو حديده .. يعنى مثلاً لمن

مافى زول قال ليك نيمار شال كاس القارات ولو سالتو هو ظااااااااتة ماحيقول ليك كدى اكييييد المجهود

وجماعية الفريق والجهاز الفنى وكل المنظومه بتاعت المنتخب البرازيلى هم الشالو الكاس ولا شنوووو ..

اها قصة نيمار لعاب ومؤثر ولا ما لعاب دى خلى كلام كل المحللين العالمين والناس بتاعين اتحاد الكوره

وناس ادارة برشلونة السجلتو ومبارنوا ليهم قريب ال3 سنه خلى دا كلو وبالله عليك ارجع شوف قون الزول

دا فى اليابان وشوف معاك قونو فى اسبانيا (ياخ الزول دا رجع من الاوف ذى الماف حاجه وخبت ليك الاسبان

ديل لمن كاسياس عرف حاجه ) هههههه

ياخ اعتزر اعتزر

Quote: لولا أخاف أن أشق على عشاق السامبا لقلت ان هذا الود الضعيف ( نيمار ) ما هو إلا (وارغو) برازيلي .. الكلام دا بناء على مشاهدتي له في مباراة البرازيل وانجلترا الودية أمس .. ناس برشلونة ديل عوراء واللا شنو ؟

كان كدي عليك الاعتذار ياطلحه وتاني يوم في رمضان ههههههههه وتصوم يوم زياده كمان رايك شنو
ياحيدروف
ودي مراقة طلحه ياحيدروف

Quote: غايتو الولد دا قدامو 12 شهر قبل بداية كأس العالم وفي الأثناء سيلعب ضمن صفوف البارسا عندو فرصة يتصلح ويبقي برازيلي وحينئذ احتمال تكون عندو بعض المساهمات.. لكن كونو يكون زي البرازيليين العارفنهم فعايز ليهو شغل تقيل لمدة أربع سنوات على الأقل .

وكما قال طلحه
الود لسه عوده لم يقوى على تحمل الكثير في كرة القدم لان مهارة فرق كبير بينه وبين الساحر روناليدنو والفك المفترس روماريو والقاطره البشرية رونالدو الماعاجب عمر عثمان جنابو ودا الموضوع فيهو يطول
اها طلحه قال لو ... ولو في بداية حديثة دي تفعل الافاعيل ياحيدروف خليك مفتح ياخ
وفعلا البرازيل في كل منتخباتها السابقة والجايه لم تعتمد على اللاعب الواحد كما فعلت الارجنتين في يوم من الايام في زمن مردونا وفي زمن ميسي
ياخي البرازيل دي في يوم من الايام ابعدت روماريو رغم انه جابوه عشان يحل مشكلة دخول كاس العالم وفعلا جابوهو ودخلهم ولكن رغم عن ذلك تم ابعاده
بعد دخولهم كاس العالم ودا ديدين منتخبات البرازيل
الود نميمار حريف وحريف جدا ولكن للان لم يحصل مستوى عمالقة البرازيل
.
.
معاوية حسين شكر ا على رفع الفديوهات لان كنت عايز اجيبها خير دليل على مهارة هذا اللاعب الفنان ياخي طولنا ما شفنا البرازيل تحمل كاس عالم ياخ

صاحبي محمد حمزة الحسين..

رمضان كريم وتصوم وتفطر على خيـر..

Quote: ( ياسر منصور عثمان )

لا حولااا ولا قوة الا بالله ..

Quote: البراميل الصفراء...لن تحرز حتى المركز الرابع في كاس العالم التي تنظمها.. المنتخب ضعييييييييييييف وليس به مواهب ..

دا يا محمد حمزة اعتذارو ما بيفيدو

مفروض يلبس فانيلة البرازيل .. ويلف الميدان اربعة مرات ..
وطلحة يمسك ليهو " جركانات صفراء " ويدق ليهو جلالة عشان يشجعو بيها :)

هههههههههههههههههه
بالغت يا ياسر والله .. انت عاوز ليك منبر براك للاعتذارات...

ورمضانكم كريم

السلام عليكم ورمضان كريم علينا وعليكم كلكم ..
يا جماعة كلامي واحد وواضح وقاصدو حرفيا ..
البرازيل لو كانت اعتمدت على الود نيمار ما كانت شمت الكأس دا قدحة ولسة لو اعتمدت على (وارغو) دا ح تطلع من كأس العالم كما طلعت بتسوانا وجزر القمر ..
نيمار الذي صدعنا به الجميع ما هو إلا فردة هجوم مثله ومثل أي فردة هجوم في واحد من المنتخبات العالمية لا مقارنة بينه وميسي مثلا في إيجاد الحلول من العدم
بما يمكنه الوصول لمرمي الخصم حتي وهو في أضيق حلقات الحصار ( مراوغة، سرعة ، وقوف في المكان المناسب في الوقت المناسب، متي يشوت ومتي يتقدم قبل
أن يشوت، ومتي يلعب الكورة باص لزميله ليسجل منها هدف، وكيف يستطيع أن يخدع الجميع بمن فيهم زملائه لينفرد وحده بالمرمي قبل ان يسجل الهدف.. الخ )
نيمار أكتر حاجة ممكن يعملا انو يلقي ليهو كورة في وضع انفراد من باص مقشر فيستغل سرعته ليسبق أقرب مدافع له إلى المرمي، كما كان يفعل بريش الموردة،
أو يشوت من ضربة حرة ليسجل كما كان يفعل روبرتو كارلوس .. الخ .. عكس أساطير الكورة المعروفين من البرازيل وكل أنحاء العالم من الذين يستطيعون أن يرجحوا
كفة الفريق لوحدهم حتي ولو كان بقية زملائهم في أسوأ حالاتهم .
البرازيل في كأس القارات الأخيرة كل لاعب فيها تفوق على نفسه وكان فريقا لحاله ولذلك طبيعي ان يسجل نيمار كما سجل فريد وتاليا طبيعي أن تفوز بالبطولة لأنها
لم تعتمد على نيمار ..
يا حيدروف السؤال مرة أخري : هل تعتقد أن نيمار هو اللي جاب كأس القارات للبرازيل أم فريد هو من فعل ؟؟؟؟؟؟؟؟؟؟
أقول ليك يا أبو الشباب ..
نيمار لغاية هسع عندي لاعب عادي جدا ( كبرازيلي) ولا يستطيع بحالته الفنية الراهنة أن يكون جمل شيل للبرازيل في حال كان منتخب السامبا ليس في يومه ..
يعني مثلا لو لعبت البرازيل مباراة وكانت حالتها مثل حالة أسبانيا في مباراة النهائي بتاع القارات الأخير دا فالود نيمار دا لن يفعل أي شىء كما كان يفعل ماردونا
مع أنجلترا أو ميسي مع برشلونة مثلا ..

يا معلم
اتا قايل برشلونة طلعت بدري بدري من كأس الأندية الأوربية لشنو ؟؟؟
الإجابة لأنو ميسي كان معوق .. ودا ذاتو الكلام الكنتا بقول فيهو وبغالطوني فيهو الجماعة وبقولوا كلام زي كلامك دا يا حيدروف ..
كنت بقول أن برشلونة فريق الراجل الواحد إذا مسكتو حمي واللا طعنتو شوكة تداعي له ساير أفراد الفريق بالآهات وأحححححي أنا .
لما كنت بقول أن ايفوسا بتاع المريخ الزمان داك ما ح يفيد الفريق وح يكون خصم عليهو كانوا ناس مزمل وكتير جدا من المريخاب
يسخرون من كلامي ويضحكون عليه بعد أن يجزموا أن الود لعاب وح يعمل ويعمل وفي النهاية مشوا وجوا لى كلامي ..
ووارغو كنت بقول أنو أراجوز مهرج في وسط المريخ ومن الأفضل للمريخاب يستفيدوا من خانتو.. وكان الجماعة يمارسون سخريتهم
وزعمهم الكذوب بأنهم مقطعنها وأنو وارغو دا تاني أحسن لاعب ناشىء في أفريقيا وما عارف شنو .. وفي النهاية مشوا وجوا لى
كلامي ...
لغاية قريب دا موضوع الكهل المصري الكذاب المدعو الحضري كانوا مقطعني فيهو المريخاب وغير المريخاب وأهو اتا براك شفت
وعرفت أن كل سطر قلته عن هذا الكهل طلع بالكربون زي ما قلتا بالضبط ..
وقبلها لما قلتا البرازيل ح تطلع من دور الثمانية في كأس العالم وأسبانيا ح تشيل الكأس دا .. المنبر دا قام وقعد وضج بالضحك والسخرية
والادعاءات وطلعت أنا ما عندي علاقة بكرة القدم ذاتو وفي النهاية حصل ما قلته بحذافيرو .. البرازيل طلعت من دور التمانية
والماتدور شال الكأس ..
أها هسع دي اتا يا حيدروف أظنك عايز ترجع الأسطوانة دي ذاتا ..
نيمار لغاية هسع لا يمكن الاعتماد عليه ليكون جمل شيل في الفريق البرازيلي اللهم إلا اذا طور من مستواه ونضج كرويا لى قدام ..
ما تغالطوني يا شباب لأنو تعبت من الغلاط الساي دا .

حليفي الاستراتيجي محمد عمر الفكي..

Quote: غايتو انت زول بتاع مشكل ساهي وانا نفضت ايدي منك تب، اتا يا زول رايح لك اعتذار؟ مرة متلح تراجي، مرة عماد ومحمد جلال واعتقد انك اتلحت صلاح غريبة (رد الله غربته) كمان هسي جاي تهابش في طويل العمر الاخطبوط دام ظله؟

طبعاً لا انكر الكثير مما " بهتني " به اعلاه هنا

لكن صراحة اعترض وبشدة على قصة صلاح غريبة..
غريبة هو المتلحني ومتلح معاي مارك زوكنبيرج ومتلح بيل جيتس وبكري ابوبكر ومااااطي الشعب السوداني دا كله..
مش كدة وبس ..الله يعنيهم اتلح برورداب الخرطوم..
صلاح غريبة يا حليفي كائن لا فقاري لاصق يتتلح الكون اليونيفيرس كامل ولا تجرؤ ان تتلحه نمتيّة..

حبيبنا خالد عبد الله .. رمضان كريم وتصوم وتفطر على خير

Quote: بصفتي رئيس رابطة معجبي طلحة تنظير بالبورد فأنا اشجب و أدين و أستنكر إستهداف أحد رموز المنبر

هذا هو الغرور الداعي للهلاك.
نعم طلحة من ابرع الاقلام التحليلية بهذا المنبر .. ومن ابرز الكتاب .. وأميز الرياضيين .. لا شك في ذلك البتة..

لكن كمان ما تسمعوا كلام زي دا عشان يتطنقع فينا ويكتب لينا تاني بالنقاطة والقطارة..
دا من ناحية .. ومن ناحية اخرى نقد الكتابة والمطالبة بالاعتذار واجب حتى يعلم ان خلفه اعين فاحصة ناظرة لما يكتب..


ـــــــــــــــــــ
مصداقاً لكلامي سامع الليلة قالوا غوارديولا دقّ روبن دق العيش عشان غلط في التدريب

شكراً للاخ محمد صديق عبر نافذة الفيس بوك .. افضل ان ابدأ بمداخلتك قبل ما اجي لكلام الحبيب طلحة الــ"تبريراتي " الفوق دا

Quote: Mohammed Siddig سلامات يا شباب، أستاذ طلحه: أنا ما عارف عن نظريتك في الإعتماديه علي نيمار الممكن جداً اتفق معاها، بس انت هنا في شرحك و حججك إتكلمت عن أدوار الهداف فريد و المدافع دايفيد لويز + أدوار اللاعب البشيل الفريق + أدوار مارادونا و ميسي و كريستيانو. في تقديري دا خلط لمفاهيم: "فريق اللاعب الواحد"، "اللاعب المنقذ" و "السوبرستار"...يعني: إذا كنت قاصد بالإعتماد علي نيمار إنو يسجل الأهداف زي فريد و يطلع الكوره من القون زي لويز و يوفر كاريزما و هيبه زي مارادونا و البعدو و يشتغل صناعة لعب، تبقى عصرت عليهو و علينا. أما كونك إعتبرت شغل المدرب بالإستفاده من كل ذره من إمكانيات التيم ذكاء و حاجه فارقه تبقى عصرت عليهو شديد لانو دا شغلو و أقل من كدا مفروض يجي يقعد معانا ما يدرب البرازيل. خلاصةً: شايف حججك دي بتضرب فكرة جماعية اللعبه من كم محور و بتتغول علي مفهوم "الإعتماديه"..سلام ليكم كلكم

شكرا ..شكراً محمد صديق.. شكراً

اها يا طلحة كلامك ( شن نفرو* ) بعد الكلام دا ...




ـــــــــــــــــــــــــ
*

لحين عودة قريبة *


ـــــــــــــــــــ
العيد باقي ليهو كم

يا محمد صديق السلام عليك ورمضان كريم وكل سنة واتا طيب وبصحة جيدة
كلامي من الأول أنو البرازيل إذا اعتمدت على نيمار يجيب ليها كأس القارات باعتبارو سوبر استار
زيو وزي ماردونا وميسي وغيرهما ممكن يشيل الفريق كلو في حال أنو كان الفريق دا ما في يومو فكدا البرازيل ما ح تجيب حاجة ..
وتكون اعتمدت على حيطة مايلة دا على أساس أنو نيمار من زاوية شوفي أقل كثير جدا من الضجة والهالة العظيمة المحاط بيها ..
البرازيل في كأس القارات كانت قوية جدا في جميع الخطوط وأولاد سكولاري كانوا على قلب راجل واحد مسلحين بالعزيمة والاصرار
لاستعادة مجد السامبا ساعدهم على ذلك عاملي الأرض والجمهور .. أما نيمار فكان ضمن المنظومة ولم يصنع الفرق الذي
صنعه فريد مثلا وبالتالي لم يكن كما قالوا ويقولون .
.....................
حيدروف عليك الله تعال بى هناك في بوست عمر الفاروق شوف لينا نبيل فاروق دا .. أقصد أساسي دا ..

Quote: حيدروف عليك الله تعال بى هناك في بوست عمر الفاروق شوف لينا نبيل فاروق دا .. أقصد أساسي دا ..

يا طلحة ياخي صلي على النبي .. بوست شنو
والله اخير بوست خضر الطيب بتاع الغواصة لؤي المستشار ..
داك على الاقل اتسحب .. مش زي القاعد عود العشر



ـــــــــــــــــــــ
واخبار الزول القاعد جنبك ايه يا حبيبنا طلحة .. :)(:

Quote: لو اعتمدت البرازيل على نيمار

البوست دا قررب لبوست الكهربا بتاع محمد فرح!

_____
يا حيدر كل سنة وانت طيب وليك وحشة!
رمضان خش العضم، عاينت صورتك قايلك عملت تسريحة جديدة، طلعت شجرة بي ورا!

محمد زين

كل سنة وانت طيب يا عزيزي..
حقيقة والله مشتاقييين شدييييد..

معقولة ليك كم شهر هسع؟؟!

مرحب عماد ..وسلامات

Quote: طلحة تنظير خط احمر ياهؤلاء........شهادة من هلالابى

دي شهادة غواصة وطابور خامس..
أو زيها وزي شهادة الترابي عن محمد ابراهيم نقد ..:)