Post: #1
Title: إيجيبشيانزأونلاين!!!!
Author: Musab Osman Alhassan
Date: 07-03-2013, 08:29 AM
صوت لوم وبس!!!
|
Post: #2
Title: Re: إيجيبشيانزأونلاين!!!!
Author: Musab Osman Alhassan
Date: 07-03-2013, 08:34 AM
Parent: #1
مفهوم دور مصر تاريخيا في السودان والمصير المشترك والكلام الكبار كبار داك، مع أن مصر أصبحت في الآونة الأخيرة أصبحت خصما علينا كسودانيين بداية من القمح مرورا باللحوم وليس إنتهاءا بحلايب وشلاتين!!!
|
Post: #3
Title: Re: إيجيبشيانزأونلاين!!!!
Author: Musab Osman Alhassan
Date: 07-03-2013, 08:37 AM
Parent: #2
الإهتمام بأخبارها شئ معقول في حدود... لكن ما يحدث غير معقول أبدا...
|
Post: #4
Title: Re: إيجيبشيانزأونلاين!!!!
Author: أيمن الطيب
Date: 07-03-2013, 08:47 AM
Parent: #3
سلامات أخى مصعب,,
وقعت فى نفس الورطة وفتحت خط جديد لنفس الغاغا,,
مصر بتاعت الساعة كم!؟
تحياتى,,
|
Post: #5
Title: Re: إيجيبشيانزأونلاين!!!!
Author: عبد الناصر الخطيب
Date: 07-03-2013, 09:07 AM
Parent: #4
Musab Osman Alhassan
ياخي معقول ده بوست يقراهوا الواحد من ما يخش المنبر ....... معقولة مافي أى مرعاه لمشاعرنا
ياخي اتاثرته شديد وقربته أبكي عديل كدة .......
طوالى فتشته في النت وسمعته نشيدي الوطني ( السرى )
مصر هى امى نيلها هو دمى
شمسها فى سمارى شكلها فى ملامحى
حتى لونى قمحى لون نيلك يا مصر
مصر ... مصر
----------------------------------
بتخيل لى أي سوداني ..... مصري في ( سرو ) حتى انت صاحب البوست أكيد مصري بس لسه ماكتشفته الحته دي جواك 
تخريمة :
| Quote: مفهوم دور مصر تاريخيا |
دور مصر التاريخي في السودان !!!!ياخي ما بتخيل لى مصر دي مجرد دور تاريخي وبس
مصر دي الاساس ( اهل الجلد والراس ) ونحنه اصحاب الادوار الهامشية في تاريخنا ياخي بس عين للنيل البجينا من مصر ده
وانت تعرف أنو السودان هبه مصر .... يا حبيبتي يا مصر
تحياتي
---------------------------------------
*غايتو الواحد بخجل عديل يقرى الغاغا الحاصلة دي كلها واهتماموا بمصر والحاصل فيها يكون ((( صفر )))
|
Post: #6
Title: Re: إيجيبشيانزأونلاين!!!!
Author: محمد عمر الفكي
Date: 07-03-2013, 09:14 AM
Parent: #5
الاخ مصعب
الاخوة ايمن وعبد الناصر
بصفتي واحد من المهتمين بالموضوع المصري لحاجتين، الاولى تعاطفي مع الرئيس السابق
الثانية والاهم
مصر هي اساس قطع الدومنو الاسلاموية وسقوطهم هناك له توابع كبرى عشان كده كل التركيز عليها واؤكد لكم ما ناس المنبر هنا بس المهمتين بالموضوع، بل يكاد يكون الراعي في البيداء عارف مواعيد المهلة بتنتهي متين
تحياتي لكم
|
Post: #7
Title: Re: إيجيبشيانزأونلاين!!!!
Author: عبد الناصر الخطيب
Date: 07-03-2013, 09:27 AM
Parent: #6
ود الفكي
نهارك سعيد
للأسف ممكن اكون من الناس الما عندهم إدني اهتمام يتابعوا الشأن المصري الا لو أرتبط بموضوع
يهم السودان أو إثيوبيا ده ما معناها جهل بمصر _ عشته فيها سنتين من عمري كطالب بداية التسعينات _
ياخي يندر تلاقي مصري عندو اهتمام بالشان السوداني والمهتم بتلقي معرفتوا غاية في السطحية
فما في حاجة تخلى الوحد يهتم بجيران زي ديل
| Quote: مصر هي اساس قطع الدومنو الاسلاموية وسقوطهم هناك له توابع كبرى |
ربط تطورات الوضع في مصر وتداعياتوا على السودان بشوفوا أمر ما منطقي إطلاقا .......
لاختلاف الحالة بمصر ديمقراطية أى كان حجم الصراع والتدافع فيها
في السودان دكتاتورية ونوع من الحكم عصي على أى ثورات او حركات شعبية
لو حتكتب لى نهاية حتكون حالة مقاربة للحصل في ليبيا أو البحصل حاليا في سوريا
ولانوا يمكن ما عندي تعاطف مع رئيس مصر السابق ولا الاسبق ولا حتى المسمي على أسموا
بالجد حتي في نشرة الاخبار ما قاعد أهتم اتابع الحاصل فيها
----------------
*طبعا بتمني من مصعب ( صاحب البوست ) يكون عارف انو مداخلتي الأولي ضحك × ضحك ( منزوعة الجدية )
تحياتي
|
Post: #8
Title: Re: إيجيبشيانزأونلاين!!!!
Author: نصر الدين عثمان
Date: 07-03-2013, 11:46 AM
Parent: #7
مصعب وضيوفك الكرام .. تحياتي،
الآن في مصر فريقان متصارعان...
الشوارع والساحات والميادين مكتظة بأعداد ضخمة من الناس..
وهناك خطر كبير محدق يتهدد أرواح الكثيرين...
ونحن من منطلق إنساني – على الأقل – نبتهل إلى المولى الكريم
أن يحمي هؤلاء وأولئك من كل شر
آمين .. آمين.. آمين..
|
Post: #9
Title: Re: إيجيبشيانزأونلاين!!!!
Author: Musab Osman Alhassan
Date: 07-05-2013, 10:25 PM
Parent: #8
العزيز أيمن الطيب تحية وإحترام
عذرا على التأخر في الرد، لم أرى البوست المشار إليه إلا بعد تعليقك ، ولو رإيته لظننته شكلا آخر من (مصرنة البورد)...
بعدين يا خي مستكتر على اللايمين بوستيين بس!!!
تحياتي
|
Post: #10
Title: Re: إيجيبشيانزأونلاين!!!!
Author: Musab Osman Alhassan
Date: 07-05-2013, 10:27 PM
Parent: #9
العزيز ناصر الخطيب سلام و تقدير
والله شكلك زعلان أكتر مني .... بعدين إنت قايلني مصري أفهما وهي طايرة!!!
تحياتي
|
Post: #11
Title: Re: إيجيبشيانزأونلاين!!!!
Author: Musab Osman Alhassan
Date: 07-05-2013, 10:28 PM
Parent: #10
الأخ نصر الدين عثمان تحية وإحترام
أشاركك الدعوات بالسلامة للجميع ، وشكرا لردك النبيل
تحياتي
|
Post: #12
Title: Re: إيجيبشيانزأونلاين!!!!
Author: Musab Osman Alhassan
Date: 07-05-2013, 10:29 PM
Parent: #11
الأخ محمد عمر الفكي تحية وإحترام
يشهد الله لم أقصد أن أسبب ضيقا أو حرجا لأحد، ولكن عملا بالمثل السوداني(الما دارك ما لامك)، وإن كنت أختلف تماماً مع الرأي القائل بأهمية ما يحدث لإخوان مصر بالنسبة لتأثيره على حكومة المؤتمر الوطني.
تحياتي
|
|