محطات الوجع

انا الضليت.
ونسيت شارع البيت...
ولى محطات الوجع
تبتب ولوليت...
عمرك ياعصفور
لاشكيت
ولاظنيت...
وبتعايم
لى وعدا بلوح
ومن طاقات الامل
اوميت...
وصنقر فى الرصيف
للموانئ ديك شابيت...
ماقطع العشم
كتب مسدار ودوبيت...
فى حضرتك يابلد
كتم سرى وختيت...
....انا الضليت
ومشوارا يفتر معاكا
مشيت...
وحتى لوعصروك
لامن تجيب الزيت...
عمرك ياعصفور
عن المابدئ متخليت...
دقيت ابواب المدن
فى كل مكان زازيت...
انت مصمم نكمل
مابديت...
للزول الكان معاى
فى الدرب حكيت...
لامن كملت الحكاوى
وتانى بديت....
دحين ارفيق
انت مامليت...
وانا بالجد
منالدرب طشيت...
انا الضليت...
انا الضليت

الاخوة بالمنبرظللت اكتب لم اجد تجاوبا انشاءالله انت وين ياكتكوت