Post: #2
Title: Re: لمن يرغب.. تجدون اغنياتى فى هذا الموقع..
Author: يحي قباني
Date: 07-01-2013, 06:26 PM
جميل كعادك يا دكتور يا فنان ...
الماعندنا في مكتبة الاغنية السودانية حاشيلوا اوديهو بي هناك ...
بعد اذنك طبعا ...
|
Post: #3
Title: Re: لمن يرغب.. تجدون اغنياتى فى هذا الموقع..
Author: عمر الفاروق
Date: 07-01-2013, 07:27 PM
Parent: #2
الزول الحلووو ياسر البياع وليس المبيوع ..:)
يعلم الله يا مبيوع شدة ما بريد أسمع صوتك ده لمممن الواحد مشتهي الونسة معاك ساااي كده..
شنو يا صاااحب من دييييك و تاني ما لميت فيك ..
جيت السودان كممم مرة وفتشت دربك ما لميت فيك قالوا كنت طافش برة البلد..
ياخ عندي طلب صغمبروووتي كده ..؟
ما بتقدر تستأذن شاويش تغني غناهو ؟؟ عندي إحساس إنو صوتك ده ح يعيد إنتاج اغاني شاويش بي نكهة جديييدة إضافة لي نكهة شاويش الفواحة ..
|
Post: #6
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-01-2013, 08:07 PM
Parent: #3
سلام ياحبيبنا عمر...
مشتاقين والله ..تعرف
قراية الكبر زائد حبة مرض .. زاائد كم سفره كده منعونا التلاقى ... هسه فى الخرطوم ولو جيت اكيد بنتلاقى ياصاحب
للضمان كده تعال لى فى الفيس بتلقى حسابى باسمى عربى....
حا اعمل بوصيتك بخصوص جاويش... بلاقيهو الاسبوع ده ان شاء الله ...
سلامى لك والاسره الكريمه وكل الاحباب بطرفكم
|
Post: #4
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-01-2013, 07:53 PM
Parent: #2
اتفضل يا ود قبانى... كل الغنا تحت امرك
بالمناسبه الباسويرد رايحه منى ياريت تتواصل معاى على الايميل [email protected]
ايقونة الرد دى مرات بتروح ومدخلانى فى لوم مع الناس....
|
Post: #5
Title: Re: لمن يرغب.. تجدون اغنياتى فى هذا الموقع..
Author: سيف اليزل سعد عمر
Date: 07-01-2013, 08:05 PM
Parent: #4
الأخ ياسر
شكرا جزيلا عى توزيع هذا الفرح الغنائي على الملاء
بس عندي سؤال ،،،،لو تسمح
بحثت عن بعض الأغاني السودانية فى iTunes ووجدت اغانى للأستاذ الكابلى، الاستاذ محمد الأمين ، الاستاذ عبد القادر سالم، الاستاذ عبد العزيز المبارك وآخرون . هؤلاء هم نفس الفنانين الذين اصدروا أسطوانات مضغوطة تباع فى الأسواق خارج السودان خاصة أمريكا وأوروبا . السؤال هو لماذا لا يتم عرض هذه الأغاني عن طريق iTunes مثلا. يعنى من مبداء نشر الأغنية السودانية وليس من مبداء القروش، القروش طايرة فى السماء. كدى نورونا
ومرة أخري شكرا على الشير
|
Post: #12
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-02-2013, 03:55 PM
Parent: #5
شكرا لك اخى سيف اليزل
الظاهر انت بعيد عن السودان من زمن...
الاسطوانات دى وراها شركات منتجه وبالتالى طبيعى انهم يواكبو اليات النشر والانتشار الجديده...
اما الفنانين الشباب فمعظمهم ينظر للامر كله من زاوية المنفعه الشخصيه ولاوجود لقيم الفن ونشره وسفارة الفنون فى اذهانهم..
اكبر احلامهم هو الظهور مع السر قدور.... عشان كده ممكن يصرفو عشان يعملو (ضهر) داخل الفضائيات او يصاحبو ليهم مخرج
اى والله بالبساطه دى... فننا الجديد غاااارق فى المحليه... ولو قعدت احكى كتير غير وجع القلب ما حتلقى منى حاجه...
تيك ات ايزى...
|
Post: #7
Title: Re: لمن يرغب.. تجدون اغنياتى فى هذا الموقع..
Author: نافع الكوماوي
Date: 07-01-2013, 08:08 PM
Parent: #4
الأخ مبيوع
سلامات وتحايا
| Quote: الماعندنا في مكتبة الاغنية السودانية حاشيلوا اوديهو بي هناك ... |
تكون كسبت ثواب ياقباني
المافي وديهو لينا هناك
تحياتي
|
Post: #8
Title: Re: لمن يرغب.. تجدون اغنياتى فى هذا الموقع..
Author: عمر الفاروق
Date: 07-01-2013, 08:20 PM
Parent: #7
هوووي يا مبيوع اوووعا تكشحني ..
موضوع جاويش ده الإسبوع الجاي ح أزرزرك فيهو جااادي والله ..
فعليك الله خوتو في بالك شديد ..وبالله عيش التجربة واديني رايك نظريتي نجحت ولا فشلت ..
بس أهم شي نققي ليك حاجات نضييييفة من شغل جاويش ...
وبالله اول ما تعمل ليك سامبل شووتو لينا نسمعو..
|
Post: #9
Title: Re: لمن يرغب.. تجدون اغنياتى فى هذا الموقع..
Author: طارق جبريل
Date: 07-01-2013, 08:26 PM
Parent: #8
ياخي نفسي اسمع منك «غيب وتعال»
سمعتها منك قبل كدة وكانت مبالغة
|
Post: #10
Title: Re: لمن يرغب.. تجدون اغنياتى فى هذا الموقع..
Author: يحي قباني
Date: 07-01-2013, 09:25 PM
Parent: #9
Quote: اتفضل يا ود قبانى... كل الغنا تحت امرك
بالمناسبه الباسويرد رايحه منى ياريت تتواصل معاى على الايميل [email protected]
ايقونة الرد دى مرات بتروح ومدخلانى فى لوم مع الناس.... |
ما غريب عليك الجمال يا دكتور ...
تم عمل اللازم بالنسبة للباس وورد
راجع ايميلك ... وفي انتظارك يا فنان ...
|
Post: #11
Title: Re: لمن يرغب.. تجدون اغنياتى فى هذا الموقع..
Author: الامين موسى البشاري
Date: 07-01-2013, 11:24 PM
Parent: #10
ياسر مبيوع يا دفعة
سلامي وتحياتي ...
لا زلت تحتفظ بذلك الصوت الفخيم
رجعتنا زي 23 سنة لي ورا أيام اللاذقية وحلب وحمص الخ الخ
يااااه يا لها من ايام جميلة تمر الآن أمام ناظري كأنها شريط مصور
كبرنا مش كده؟
شكراً على الرابط يا حبيب
كن بخير
|
Post: #19
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-03-2013, 00:47 AM
Parent: #11
ود البشارى كيف حالك...
ياسلام على ايام سوريا...
السنين بتعدى ونحنا ما حاسين
سلامى لك واشواقى
|
Post: #15
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-02-2013, 04:11 PM
Parent: #9
طارق جبريل يا حبيبنا ازيك
تسمعها ونص ولايف كمان لو حبيت....
سلامى لك ..
|
Post: #14
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-02-2013, 04:05 PM
Parent: #8
يا عمر الفاروق مااالك حكاااك كده ياخ
اصلا ماشى اتحاد المهن الموسيقيه بكره.. ودى حكايه ومسلسل غريب لو فتحناهو حايكون اضخم انتاج سودانى...
انت وحظك يا لاقيتو يا سكيتو هههههه....
حا اوريك اول باول... وحيكون يننا بوست عجيب
|
Post: #13
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-02-2013, 03:59 PM
Parent: #7
سلامى لك اخى نافع....
اتمنى ان نلتقى قريبا بخصوص موضوع الاسرى....
شايف جماعة العدل والمساواه عاملين نايمين... قول ليهم اصحو قبل ما البشتنه تحصل....
|
Post: #16
Title: Re: لمن يرغب.. تجدون اغنياتى فى هذا الموقع..
Author: Dr. Moiz Bakhiet
Date: 07-02-2013, 04:36 PM
Parent: #13
حبيبنا الغالي ياسر مبيوع،
انت أغنايتك مكانا في قلوبنا
ومشاعرنا واحسيسنا النبيلة
يا زول يا رائع..
بس انا خايف عمر الفاروق وصحبه الميامين لو عرفوا انك غنيت لي أربعة أغنيات
تاني لا شاويش يحلك لا أمين شرطة.. ههههههه
بس يمكن حكاية انك مذكر دي شويييييييييييييييية تحلك ..
_________
بالجنبة كدة يا عمر الفاروق أدينا رأيك في (لا موعود بالنيل في بيتنا) دي
والللللللله يستر عليك يا ياسر بعد ده ههههههههه
لكن الصراحة عمر الفاروق هين.. المشكلة في أصحابه الميامين ديلاك (وجه هاني وقانع وسعيد).
|
Post: #17
Title: Re: لمن يرغب.. تجدون اغنياتى فى هذا الموقع..
Author: عمر الفاروق
Date: 07-02-2013, 06:37 PM
Parent: #16
يا دكترة يا معز ..
ياخ انا كممم مرة كتبت واااخر مرة برضو قلتها ليك ..إنت زول شعّار جداً والله وعندك مفردة قاعد تكتبا بي طريقة ما بتشبه كلام الشعراء الساي ..وأفكارك الشعرية لمن تكون عايز تكتب بتختارا بي طريقة مختلفة ..أكيد لكل شاعر خرمجات ومرات مجاملات بيكتب تحت ضغوط إنو شعر ولازم يكتب ودي بتطلع ما حلوة ..
بعدين ياخ مبيوع ده النصيييحة أوجه وأسمح من الجكس الأديتو غناك :) :) :)
|
Post: #18
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-02-2013, 10:55 PM
وصلت كلمة المرور ياقبانى..
وتجولنا فى مكتبتكم العامره.. شكرا ليك يا الحبيب
|
Post: #20
Title: Re: لمن يرغب.. تجدون اغنياتى فى هذا الموقع..
Author: MOHAMMED ELSHEIKH
Date: 07-03-2013, 11:35 AM
Parent: #18
استمتعنا يادكتور بالجد
ياريت نلاقيك عيانا بيانا "عن قريب"
تسلم
-----
عمر الفاروق ياطلحة الغنا
|
Post: #22
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-04-2013, 05:10 AM
Parent: #20
اخى محمد الشيخ
شكرى الجزيل على الاطراء..
ولنا لقاء اذا اذن المولى...
|
Post: #21
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-03-2013, 12:21 PM
ازيك يابروف واحوالك... طولنا منك ياجميل
غنانا المشترك ياهو ذاتو غنانا المشتهنو... والاربعه مفروض يبقو خمسه فى عين العدو هههه
انا منفتح على النقد وبفرح بيهو... بس مابحب اكون مثير للجدل مع انو فيهو الشهره.....
ود الفاروق بكون لقاك بتتنشن وتزعل من كلامو البجى شايتو ضفر..واستحلى الموضوع... يا عمر بالله اتق البروف ده..
ولما تجى بشترى ليك رطلين سمسميه ياخ...
تعرف يبروف البتقدمو من اصوات دى اضافه جديده
ومحاوله وارد فيها النجاح والفشل... هم ماشافو العمم والسماسره البجو فى التلفزيون سايقين الفنانات ... مافى داعى عشان ما ننتلوم
ساكت.... للغناء اهداف اخرى غير التسليه والهجيج.... سلامى لك ونلتقى قريبا ان شاء الله
|
Post: #24
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-06-2013, 03:43 PM
Parent: #23
تسلم اخى نافع...
|
Post: #25
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-13-2013, 09:46 AM
تحية قلبية خالصه لاخى وصديقى محى الدين
والاخت منال محمد على التعليقات الموجوده اسفل الصفحه...
|
Post: #26
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-17-2013, 01:07 AM
Parent: #25
@
|
Post: #27
Title: Re: لمن يرغب.. تجدون اغنياتى فى هذا الموقع..
Author: أحمد التجانى حمودى
Date: 07-17-2013, 03:26 AM
Parent: #26
الحبيب ياسر
كل سنة وانت طيب ورمضان كريم ....
تسلم علي اضافاتك الرائعة والدائمة لاثراء مكتبة الغناء السودانية الراقية...
عزيزي انتهز الفرصة واتقدم لك بكل الشكر والتقدير لزيارتك لنا في منزلنا بايرلندا ومعك النخبة المميزة من ابناء بلدي الاساتذة فتحي الضؤ ، قاسم اب زيد ، يحيي فضل الله والاستاذ الهادي ود الجبل ......
وكانت ليلة ما منظور نعيدها ...
ولن تبرح خيالنا ابدا ...
لكم كل الشكر والتقدير
وربنا يديم المودة والاحترام
د. احمد التيجاني (حمودي)
|
Post: #28
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-17-2013, 03:08 PM
Parent: #27
الصديق النبيل د حمودى
لك التحية والاشواق وسؤال عن الحال والاسرة الكريمه
كانت ايام لاتنسى والمقيل العندك كان من اجملها...
تحياتى لك وودى على امل اللقاء قريبا...وشكرا على الصور الجميله
|
Post: #29
Title: Re: لمن يرغب.. تجدون اغنياتى فى هذا الموقع..
Author: baha eassa
Date: 07-17-2013, 06:05 PM
Parent: #28
سهرة بمركز نبتة بالقاهرة :
|
Post: #30
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-21-2013, 09:03 PM
Parent: #29
شكرا لك صديقى بهاء... صاحب الكاميرا الحساسه
|
Post: #31
Title: Re: لمن يرغب.. تجدون اغنياتى فى هذا الموقع..
Author: مبيوع
Date: 07-27-2013, 02:54 PM
Parent: #30
تنبيه
هذه الاغنيات عمرها اكثر من 5 سنوات
والاغنيات الجديده هى قيد التسجيل وربما البث
|
|