Post: #2 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 07:45 AM Parent: #1
الوزن الذي يناسبنـي جدّاً هو ما بيـن الـ 80 كيلو إلـى الـ 83 كيـلو وهو الوزن الذي يـجعلنـي فـي حالة نفسيّة وبدنيّة مـمتازة مقاس البنطلون 36 ومقاس البدلة 52
زيادة الوزن بدت تداهـمنـي شويّة شويّة بدون ما أوزن نفسـي تدريـجيّاً مقاس البنطلون 36 بقـى ما مريـح البنطلونات بقت ضيقة لـمّا أجـي أقفلـها وأحس وأنا لابسـها بأنفاسـي متضايقة طول اليوم بقيـت لـمّا أجـي أشتـري بنطلون جديد أو بدلة جديدة ألقـى الـمقاسات 38 للبنطلونات و54 للبِدَل هـي الأنسب وإتركنت معظـم الـملابس السّابقة تلقائيّاً وبقت الـجّديدة هـي البتتلبس معظـم الوقت
الوزن كان تقريباً وقتـها فـي حدود الـ 86 إلـى 88 كيلو يعنـي زي 6 كيلو زيادة عن الوزن الـمثالـي
Post: #3 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: زول ساكت Date: 07-01-2013, 07:50 AM Parent: #2
سلامات يالؤي تغريبا قياساتنا في الطول والوزن المثالي متشابهه انا ايضا الزمن سرقني في حكاية الوزن حاليا بديت مشوار مماثل لكن النزول بطيء جداً يعني حوالي 3 كيلو في شهر ياريت نستفيد من التجربة واصل متابعنك
Post: #6 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: ياسر منصور عثمان Date: 07-01-2013, 08:09 AM Parent: #3
Quote: انا ايضا الزمن سرقني في حكاية الوزن
الزمن والا ابو الهوس والطشة والطحينة؟؟
ههههههههههههههههههههه
Post: #10 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 08:27 AM Parent: #6
Quote: الزمن والا ابو الهوس والطشة والطحينة؟؟
ههههههههههههههههههههه
ياسر سلامات
والله بينـي وبينك الطّيّبات دي كارثة ياخ حـمانا الله منـها
تـحاياي
Post: #13 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: زول ساكت Date: 07-01-2013, 08:44 AM Parent: #6
Quote: الزمن والا ابو الهوس والطشة والطحينة؟؟
ههههههههههههههههههههه
ياعمك انت حاسد ولا بغران
تاني الفول زاتو مابتلم فيهو خلي ابوالهوس كمان انا لما بديت البرنامج كان الوزن 96-98 حسب الميزان الطول 180( الموازين زادت مجهجاهنا بتاع البيت يختلف عن بتاع المستشفى عن بتاع النادي) بديت رياضة غالبها مشي من 40-60 دقيقة بشكل شبه يومي احيانا سباحة مرة في الاسبوع تقليل السكر والدهون والارز والخبز الابيض بشكل كبير والتركيز على الخضار والفواكه نسبة النزول مع المجهود المبذول غير مشجعة حاليا بين 93-94 كيلو يعني في 13 كيلو لازم تتخارج وعايزة طولة روح ربنا يوفق الجميع
Post: #64 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 09:22 AM Parent: #13
Quote: ياعمك انت حاسد ولا بغران
تاني الفول زاتو مابتلم فيهو خلي ابوالهوس كمان انا لما بديت البرنامج كان الوزن 96-98 حسب الميزان الطول 180( الموازين زادت مجهجاهنا بتاع البيت يختلف عن بتاع المستشفى عن بتاع النادي) بديت رياضة غالبها مشي من 40-60 دقيقة بشكل شبه يومي احيانا سباحة مرة في الاسبوع تقليل السكر والدهون والارز والخبز الابيض بشكل كبير والتركيز على الخضار والفواكه نسبة النزول مع المجهود المبذول غير مشجعة حاليا بين 93-94 كيلو يعني في 13 كيلو لازم تتخارج وعايزة طولة روح ربنا يوفق الجميع
Post: #9 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 08:24 AM Parent: #3
Quote: سلامات يالؤي تغريبا قياساتنا في الطول والوزن المثالي متشابهه انا ايضا الزمن سرقني في حكاية الوزن حاليا بديت مشوار مماثل لكن النزول بطيء جداً يعني حوالي 3 كيلو في شهر ياريت نستفيد من التجربة واصل متابعنك
زول ساكت سلامات
طبعاً بالنّسبة للنّزول البطـيء فـي معلومات مهـمّة جدّاً جدّاً البعض بيحبط وما بيكون عارفـها فبيقيف أو ينتكس
الدّهون الفـي الـجّسـم بتزول ببطء شديـد خالص لكن مع استـمرار البرنامج وعدم إيقافه بتبدأ فـي مرحلة متأخّرة مسألة إنـهيار الدّهون وقتها الوزن بيبدأ يقل بنسب كبيـرة وبسرعة وبرجع أشرح دا كُلّه لاحقاً
بالـتّوفيـق
Post: #4 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: الزبير بشير Date: 07-01-2013, 07:54 AM Parent: #2
الاخ لؤي
لك التحيه
نفس الشعور
بالله حصلنا بالبرنامج
حاليا الطول 176 سم
حاليا الوزن 102 كلجم
حاليا البنطلون مقاس 38 و البدله 56 و القميص 17 و نص و الضغط 110 / 160
جينا الخليج
سابقا الوزن 79 كلجم
سابقا البنطلون 32 و القميص 14
حصلنا بالبرنامج
Post: #11 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 08:33 AM Parent: #4
Quote: الاخ لؤي
لك التحيه
نفس الشعور
بالله حصلنا بالبرنامج
حاليا الطول 176 سم
حاليا الوزن 102 كلجم
حاليا البنطلون مقاس 38 و البدله 56 و القميص 17 و نص و الضغط 110 / 160
جينا الخليج
سابقا الوزن 79 كلجم
سابقا البنطلون 32 و القميص 14
حصلنا بالبرنامج
الأخ الزّبيـر سلامات
أهـمّ حاجة الإلتـزام ومـحاربة النّفس والشّهيّة مهـما كانت الـمغريات بدون كدا القصّة ما بتبقـى وطبعاً دي ما حاجة ساهلة زي مسألة ناس السّجائر ومـحاولات الإمتناع عن الـتّدخيـن أعتقد إنّـها حاجة صعبة خلاص وتـحقيقـها عاوز قوّة عزيـمة شديدة
تـحاياي
Post: #102 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-08-2013, 09:31 AM Parent: #2
Post: #5 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 07:58 AM Parent: #1
ومع مرور الزّمن شويّة شويّة بديت أحس الـمقاس الـجّديد 38 ذاتو بقـى ما مريـح ورغـم كدا واصلت ألبس الـ 38 وأحس بضيق النّفَس وأقلّل من لبس البِدَل ومع الزّمن بقـى أيّ بنطلون جديد لـمّا يتقاس لـحظة الشّراء لازم يكون مقاس 40 وبرضو شويّة شويّة بدت الـملابس السّابقة ( الـجّديدة ) تتركن وبقـى الـمقاس الأجدّ 40 هو الأقرب لطرف الدّولاب
وقتـها كان الوزن قفز لـما فوق الـ 90 يعنـي فـي حدود 92 إلـى 94 كدا تقريباً بزيادة حوالـيّ الـ 10 إلـى 12 كيلو من الوزن الأنسب وبرضو زي 6 كيلو تانية من الزّيادة السّابقة
Post: #7 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: بكري الخير Date: 07-01-2013, 08:11 AM Parent: #5
في انتظار البرنامج يا لؤي
اسرع ياخ سمح؟
Post: #12 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 08:43 AM Parent: #7
Quote: في انتظار البرنامج يا لؤي
اسرع ياخ سمح؟
بكري سلامات
وحاضر
تـحاياي
Post: #8 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 08:17 AM Parent: #1
الـمرحلة الأخيـرة مرحلة الإنفـجار نفس الـحصل سابقاً آخر مقاس 40 بقـى برضو ما مريـح وما إشتغلت بالـموضوع واصلت ألبـس الـ 40 رغـم ضيق الأنفاس وخنقة البطن وضيق الأخلاق وتدهور النّفسيّات وعدم الرّاحة بدنيّاً
لـمّا البِدَل إتـهـجرت عديـل وقياس أيّ بنطلون 40 بقـى يكون ما مريـح ما مشيت للـ 42 ولا إشتريت بنطلون جديد وقتـها كان الوزن الـجّديد بقـى حوالـيّ الـ 98 كيلو إلـى 100 كيلو يعنـى زي 15 إلـى 20 كيلو كدا زيادة عن الوزن الأنسب وبرضو زي 6 كيلو تالتة زيادة عن الـمرحلة السّابقة فقرّرت طوّالـي أبدأ برنامـج دايت جاد وبدون ما أرهق نفسـى أو أضغط عليـها شويّة شويّة فبديت أقرأ عن كُلّ الوسائل الـمتاحة والصّادقة أشوف برامج أتابع حوارات أنزّل تطبيقات ريـجيـم فـي الآيباد واستـخلصت برنامج خاص من إختياري بقوّة عزيـمة شديدة وبدون تراجع وعلـى مراحل وبدون خطوة رياضة واحدة كـمان قرّرت إنّـي أتبع البرنامج دا شهر وبعد شهر أشوف الـنّتيـجة لو إيـجابيّة أنتقل لـمرحلة جديدة ولو ما إيـجابيّة الـمرحلة الـجّديدة تكون فيـها رياضة وبرنامج أقسـى
Post: #14 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: ياسر منصور عثمان Date: 07-01-2013, 08:45 AM Parent: #8
الموضوع ده شكلو حا يحصل موضوع الصمغ بتاع معنز ود القريش
بي سرعة ياخ
الناس ديل كلهم منتظرين
الكيلو الاول
Post: #18 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: Mutaz Suliman Date: 07-01-2013, 08:57 AM Parent: #14
Quote: الموصوع ده شكلو حا يحصل موضوع الصمغ بتاع معنز ود القريش مع الصمغ
بي سرعة ياخ
الناس ديل كلهم منتظرين
الكيلو الاول
والله الراجل ده بقول كلام ذي الفل
ياسر والله لقيتك متابع جيد
Post: #68 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 10:20 AM Parent: #18
Quote: والله الراجل ده بقول كلام ذي الفل
أخ معتز سلامات
لك الشُّكر وأتـمنّـى أن يعود الـموضوع بالفائدة
تقديـري
Post: #65 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 09:34 AM Parent: #14
Quote: الموضوع ده شكلو حا يحصل موضوع الصمغ بتاع معنز ود القريش
بي سرعة ياخ
الناس ديل كلهم منتظرين
الكيلو الاول
ياسر سلامات
ما قريت موضوع الصّـمغ والفنكوش وصل من أمس فإن شاء الله يـجيب فائدة
تـحاياي
Post: #15 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: حامد بدري Date: 07-01-2013, 08:51 AM Parent: #8
يافنان صباحك عافيه اتلمينا اهل الكرررش يالله ادرشنا دررش شديد وخلي لينا العضم بس
Post: #69 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 10:21 AM Parent: #15
Quote: يافنان صباحك عافيه اتلمينا اهل الكرررش يالله ادرشنا دررش شديد وخلي لينا العضم بس
يا حامـد سلامات
إتلـمّينا شـخصيّات ليـها وزن
وُدّي
Post: #16 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: Mutaz Suliman Date: 07-01-2013, 08:54 AM Parent: #8
وبعدين ؟؟؟
الكرشة خلاص قربت تغطي السستة
Post: #17 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: ياسر منصور عثمان Date: 07-01-2013, 08:56 AM Parent: #16
بس النبي فيك يا لؤي ابعد لينا من حكاية الكركم وعين الجمل ولسان العصفور ومش عارف ايه
خلينا في حاجة ممكنة
يعني فول عدس فاصوليا والذي منو
Post: #20 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: محمد أبوالعزائم أبوالريش Date: 07-01-2013, 09:07 AM Parent: #17
سلام يا لؤي .....
أخوك وقف التدخين تماماً من أكتر من سنتين. تفتكر دي عزيمة تؤهل الواحد للبرنامج بتاعك؟
الرياضة (حتى المشي) ما قادر ألتزم بيها، رغم إنها نصيحة الدكتور.
_____ بالمناسبة ما عندي وزن مفرط ... لكن أتطلع لوزن صحي. عندي نظرية ما عارفها صحيحة والا لأ .... بتخيل إنو أصحاب الأوزان المفرطة، بعد اتباع نظام رجيم ورياضة، إلخ .... بيصلوا لنتائج أسرع من الأقل سمنة وعايزين يبقوا (سمبتيك).
Post: #72 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 10:59 AM Parent: #20
Quote: سلام يا لؤي .....
أخوك وقف التدخين تماماً من أكتر من سنتين. تفتكر دي عزيمة تؤهل الواحد للبرنامج بتاعك؟
الرياضة (حتى المشي) ما قادر ألتزم بيها، رغم إنها نصيحة الدكتور.
_____ بالمناسبة ما عندي وزن مفرط ... لكن أتطلع لوزن صحي. عندي نظرية ما عارفها صحيحة والا لأ .... بتخيل إنو أصحاب الأوزان المفرطة، بعد اتباع نظام رجيم ورياضة، إلخ .... بيصلوا لنتائج أسرع من الأقل سمنة وعايزين يبقوا (سمبتيك).
مـحـمّد أبو العزائـم سلامات
ياخـي إيقاف الـتّدخيـن دا فـي حدّ ذاته كُلّ العزيـمة والإرادة ماشاء الله عارف ؟ رغـم إنّـي كنت زول رياضـي ولاعب كاراتيه لكن قصّة الـمشـي دي مؤخّراً غلبتنـي قُـمت جبت ليك جـهاز من إيّاهـم وأشوف ليك مواعيـد فيلـم شيّق ولاّ كورة بتستاهـل والـجّهاز مقابل التّلفزيون وأبدأ ليك الـمشـي بالتّدريج بسرعة بطيئة وأزيدها كُلّ كـم دقيقة لغاية ما أصل سرعة 7 و 8 كيلو فـي السّاعة يعنـي مشـي سريع شديد ساعة ونُص بالطّريقة دي لقيت الـموضوع ناجـح شديد
نظريتّك سليـمة أصلاً الشّـحوم الـمفرطة دي زائدة ومنتظرة اليقدر عليـها فـي البداية بتاخد وقت بس بالـمواصلة علـى الـحرق بتنـهار ولـمّا تبدأ فـي الإنـهيار بتستـمر تنـهار بسرعة شديدة عشان كدا الـمسألة قد تاخد أسابيع بدون تغيير بس فجأة بتبدأ الكيلوهات تتفقد شديد وسريع بعد داك
مودّتـي
Post: #71 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 10:24 AM Parent: #17
Quote: بس النبي فيك يا لؤي ابعد لينا من حكاية الكركم وعين الجمل ولسان العصفور ومش عارف ايه
خلينا في حاجة ممكنة
يعني فول عدس فاصوليا والذي منو
ياسر سلام
أهو زي ما إنت شايف القصّة فعلاً عدس وفول تقريباً يلاّ إنكرب
تـحاياي
Post: #70 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 10:23 AM Parent: #16
Quote: وبعدين ؟؟؟
الكرشة خلاص قربت تغطي السستة
يا معتز سلامت تانـي
الـموضوع نزل يلاّ شد حيلك
بالـتّوفيـق
Post: #19 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 09:02 AM Parent: #1
الواجب ذكره أنا ما قصدت علـى الإطلاق أخسر وزن بشكل سريع جدّاً أو بإتّباع وسائل قاسية أو ما أمارس رياضة إطلاقاً وعارف تـماماً الرّيـجيـم القاسـي والسّريـع والبدون رياضة بيقود لزيادة سريعة لاحقاً لكن أنا قصدت أتبع برنامج علـى مراحل الـمرحلة الأولـى بـهدوء لـمدّة شهر بدون مواد أو خلطات لـخسارة وزن وبدون رياضة قاسية وضغط قُلت أواصل نفس شكل سيـر حياتـي بس مع تغيـير برنامـج أكلـي بنظام ثابت وبأكل صحّـي لـمدّة شهر واحد وبعدها أنتقل لـمرحلة تانية
Post: #21 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: ياسر منصور عثمان Date: 07-01-2013, 09:07 AM Parent: #19
إييييييييييييه
عمك زول ساكت بكون اغمن عليهو من الانتظار
Post: #23 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: أسامه الكرور Date: 07-01-2013, 09:22 AM Parent: #21
سلامات يا لؤى
ياخ مع زيادة الوزن ... جبت لينا زيادة ضغط
أها كده كويس ؟؟؟
هات من الآخر
أنا هين .. ناس أمير فاروق وهناى .. وهناى ديل بفتحو البوست كل خمسه دقايق .. ممكونين
Post: #74 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 11:05 AM Parent: #23
Quote: سلامات يا لؤى
ياخ مع زيادة الوزن ... جبت لينا زيادة ضغط
أها كده كويس ؟؟؟
هات من الآخر
أنا هين .. ناس أمير فاروق وهناى .. وهناى ديل بفتحو البوست كل خمسه دقايق .. ممكونين
يا جنابو سلامات وأشواق
ياخـي إنت ماشاء الله مع الطّول الشّديد ما عندك مشكلة أميـر فاروق عرفناهو هناي دا ما يكون أميـر بشيـر ؟ أميـر بشيـر دا عاوز برنامج معاكس لـهـما ولك الـتّحيّة
مـحبّتـي
Post: #25 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: ولياب Date: 07-01-2013, 09:33 AM Parent: #21
الأخ / لؤي
مع التحية والتقدير في إنتظار التجربة ، لأنني حالياً داخل برنامج لتخفيف الوزن ولا سيما وجدت فرصتي بعد سافر العيال وأصبحت لحالي طليقاً ، غير ملزم بأكل البيت المكون من النشويات والدهون والسكريات ، الذي يزيد جسم الانسان بصورة كبيرة .
حالياً أمارس رياضة المشي ليلا ( من 11 حتى 12) حيث أمشي وأهرول لمسافة تقرب الـ 4 كم.
برنامج الغذاء :- ابتعدت نهائياً من الدهون والنشويات ، ومركز في السلطات وزبادي منزوع الدسم، أما الحلويات فبعدت عنها نهائياً ، حيث كنت مهووس بكافة أنواع الحلويات والمعجنات المحلى .
بدء البرنامج يوم الجمعة 21/6/2013م بعد أن ودعت الأسرة وبالأمس قلت أرى النتيجة ، فكانت مفرحة بالنسبة لي
فقد أصبح وزني 92.8 من 95 كج بمعني أنني فقدت 2.2 كج خلال 10 ايام ، ولكني أطمح في فقدان المزيد من الوزن وبأسرع وقت ممكن وأطمح في وزن مثالي (75 - 80كج) .
Post: #75 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 03:29 PM Parent: #25
Quote: الأخ / لؤي
مع التحية والتقدير في إنتظار التجربة ، لأنني حالياً داخل برنامج لتخفيف الوزن ولا سيما وجدت فرصتي بعد سافر العيال وأصبحت لحالي طليقاً ، غير ملزم بأكل البيت المكون من النشويات والدهون والسكريات ، الذي يزيد جسم الانسان بصورة كبيرة .
حالياً أمارس رياضة المشي ليلا ( من 11 حتى 12) حيث أمشي وأهرول لمسافة تقرب الـ 4 كم.
برنامج الغذاء :- ابتعدت نهائياً من الدهون والنشويات ، ومركز في السلطات وزبادي منزوع الدسم، أما الحلويات فبعدت عنها نهائياً ، حيث كنت مهووس بكافة أنواع الحلويات والمعجنات المحلى .
بدء البرنامج يوم الجمعة 21/6/2013م بعد أن ودعت الأسرة وبالأمس قلت أرى النتيجة ، فكانت مفرحة بالنسبة لي
فقد أصبح وزني 92.8 من 95 كج بمعني أنني فقدت 2.2 كج خلال 10 ايام ، ولكني أطمح في فقدان المزيد من الوزن وبأسرع وقت ممكن وأطمح في وزن مثالي (75 - 80كج) .
الأخ الكريـم ولياب سلامات
يا سلام عليك ياخـي إنت ماشّـي صـح وحاتوصل إن شاء الله 10 أيّام ما كفاية طبعاً للـحكـم علـى نتيـجة الـمجهودات خلّيك ماشّـي بنفس الأسلوب وشوف الـنّتيـجة فـي العشرينات من يوليو أبشّرك حاتلقـى نفسك خسران فوق الـ 10 كيلو طالـما بعدت من البلاوي ديك وشغال سلطات فدا الطّريق الـبيوصّل بإذن الله
مودّتـي
Post: #73 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 11:02 AM Parent: #21
Quote: إييييييييييييه
عمك زول ساكت بكون اغمن عليهو من الانتظار
ياسر
شكلك إنت الأُغـمن عليك
وُدّي
Post: #22 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: Muna Khugali Date: 07-01-2013, 09:20 AM Parent: #19
صباح الخير يا لؤي..
اولا شكرا علي البوست وروحنا معلقة في الإنتظار وما تنسي رمضان علي الأبواب.. يعني الإغراءات بالسكريات الفي العصاير والحلويات والكنافات والقطايف وأم علي والطعمية بتقضي علي اي خطة.. في طريقة للبرنامج يبدأ بعد رمضان وبدل ما تنزل 12 كيلو تنزل 20؟؟ يخيل لي هاتحتاج تمدنا بخطة جديدة..
.......... ..........
ثانيا يإخوانا عرفنا مقاساتكم وفضل العناوين.. من دربي ده أمشي أشتري ليكم ملابس تناسب مقاساتكم بعد رمضان أصلو لندن الايام دي فيها تخفيضات كبيرة.. بزيد في كل مقاس اتنين أزيد يعني بدل البدله 54 تكون 56
كل سنة وإنتو طيبين..
يا لؤي.. هل في أبدا طريقة أنزل بيها وزني من 145 ك ل 102 ك في خلال شهرين؟؟
Post: #76 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 03:43 PM Parent: #22
Quote: صباح الخير يا لؤي..
اولا شكرا علي البوست وروحنا معلقة في الإنتظار وما تنسي رمضان علي الأبواب.. يعني الإغراءات بالسكريات الفي العصاير والحلويات والكنافات والقطايف وأم علي والطعمية بتقضي علي اي خطة.. في طريقة للبرنامج يبدأ بعد رمضان وبدل ما تنزل 12 كيلو تنزل 20؟؟ يخيل لي هاتحتاج تمدنا بخطة جديدة..
.......... ..........
ثانيا يإخوانا عرفنا مقاساتكم وفضل العناوين.. من دربي ده أمشي أشتري ليكم ملابس تناسب مقاساتكم بعد رمضان أصلو لندن الايام دي فيها تخفيضات كبيرة.. بزيد في كل مقاس اتنين أزيد يعني بدل البدله 54 تكون 56
كل سنة وإنتو طيبين..
يا لؤي.. هل في أبدا طريقة أنزل بيها وزني من 145 ك ل 102 ك في خلال شهرين؟؟
إزّيّك يا منـى الأخبار ؟
لا شكر علـى واجب يا منـى ورمضان دا مفروض يبقـى فرصة حقيقيّة تساعد فـي تـخفيف الوزن لو النّاس إلتزمت بأكل صحّـي وليس جوع أمّا ناس السُّكّريّات والـمغريات الذّكرتيـها دي فصدّقينـي ضررها أكتر من نفعـها أنا رأيـي شـخصيّاً لو فـي برنامج ، يبدأ أوّل رمضان ويبقـى الشّـهر مقياس
كُلّ سنة وإنتي كـمان طيبة وكان رسّلتـي رسّلـي لـي مقاس 34 عسـى ولعلّ علـى العيد نكون رجعنا للشّباب
فـي شهريـن تنزيـل 20 كيلو مـمكن جدّاً حسب تـجربتـي بس النّاس تلتزم وما تيأس ولا تستسلـم أو تتراجع
مودّتـي
Post: #103 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-09-2013, 09:45 AM Parent: #76
Post: #112 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: Awad Daoud Date: 07-18-2013, 11:48 PM Parent: #22
الأخ / لؤي رمضان كريم - كلنا نعاني من زيادة الوزن بسبب عدم الحركة لوجودنا في الخليج -بس الواحد لو التزم ببرنامج صارم يمكن أن يفقد جزء من وزنه ( يعني البعد من الأبيضين -السكر و الملح وأضيف الزيوت والدهون)
Post: #24 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 09:24 AM Parent: #1
Post: #26 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: Azhari Nurelhuda Date: 07-01-2013, 09:37 AM Parent: #24
يا لؤي يا راجل يا ثمين
إزيك ياخ ومشتاقون وكده...
ياخ والله أنحنا ماشين في السكة نمد في الزيادة أكعب منك والباقين.. كرش وحاجات تانية حامياني... وعليك الله.... كان عندك خطة قوية كده ومضمونة... لايمنا عليها سريع ينوبك ثواب...
وبين وبينك كده ...أوعاك من طريقة الظلامي (ود القريش معتز) قدد عيونا بالقراية وفي النهاية ما طلعنا منو بأي حاجة...
مع دعواتي لك يأن يصير البنطلون مقاس: 30 والقميص 14 ونص والبدلة 38 إن شاء الله...
Post: #28 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: الشاذلى خيرى عبد الله Date: 07-01-2013, 09:58 AM Parent: #26
استاذ لؤى ازيك ..
ازداد وزنى بشكل مخيف مباشرة بعد توقفى عن التدخين لمدة ثلاث سنوات - رجعت تانى - - تخطيت ال 104 كيلو مع انو وزنى المثالى 86 كيلو .. وما كنت مؤمن اصلو بقصة الرياضة لتخفيف الوزن ... بمعية زميلى فى العمل وداخل المعسكر عملنا لينا عدة كاااااااااربة من بواقى الحديد على الصاج وبدينا .. جكة داخل المعسكر مع تمارين لمدة نصف ساعة يوميا ومقاطعة المطعم الشرقى تماما" وصلت للوزن المثالى فى شهر فقط .. الاكل Chinese food بس حيث لا شحم لا سكر لا دوشة ..
ـــــــــــــــــــــــــــــ خايف اجيب ليك صور قبل وبعد الحادث يدونى عين ساى
Post: #78 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 04:50 PM Parent: #28
Quote: استاذ لؤى ازيك ..
ازداد وزنى بشكل مخيف مباشرة بعد توقفى عن التدخين لمدة ثلاث سنوات - رجعت تانى - - تخطيت ال 104 كيلو مع انو وزنى المثالى 86 كيلو .. وما كنت مؤمن اصلو بقصة الرياضة لتخفيف الوزن ... بمعية زميلى فى العمل وداخل المعسكر عملنا لينا عدة كاااااااااربة من بواقى الحديد على الصاج وبدينا .. جكة داخل المعسكر مع تمارين لمدة نصف ساعة يوميا ومقاطعة المطعم الشرقى تماما" وصلت للوزن المثالى فى شهر فقط .. الاكل Chinese food بس حيث لا شحم لا سكر لا دوشة ..
ـــــــــــــــــــــــــــــ خايف اجيب ليك صور قبل وبعد الحادث يدونى عين ساى
الشّاذلـي سلامات
بس ما تكون رجعت تانـي للـتّدخيـن ؟ عفارم عليك إنت وزميلك والله دي إرادة قويّة ماشاء الله وفعلاً الأكل الصّينـي والـمأكولات البـحريّة مـمتازة وجيب الصّورة ياخـي عيننا باردة
تـحاياي
Post: #77 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 04:44 PM Parent: #26
Quote: يا لؤي يا راجل يا ثمين
إزيك ياخ ومشتاقون وكده...
ياخ والله أنحنا ماشين في السكة نمد في الزيادة أكعب منك والباقين.. كرش وحاجات تانية حامياني... وعليك الله.... كان عندك خطة قوية كده ومضمونة... لايمنا عليها سريع ينوبك ثواب...
وبين وبينك كده ...أوعاك من طريقة الظلامي (ود القريش معتز) قدد عيونا بالقراية وفي النهاية ما طلعنا منو بأي حاجة...
مع دعواتي لك يأن يصير البنطلون مقاس: 30 والقميص 14 ونص والبدلة 38 إن شاء الله...
الفواكه ، ودي فيـها أنواع لا تُـحبّذ زي الـمنقة والـموز وفيـها أنواع سرّها باتع زي القريب فروت والـحـمضيّات التّفّاح الأخضر تـحديداً الشّـمّام والبطّيـخ
الأسـماك دي أفضل أنواع اللـحوم وطبعاً بلا زيوت يعنـي مشويّة أو علـى الفرن أو حتّـى مسلوقة
نـجـي لبـرنامـج الأكل اليومـي
Post: #29 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: أحمد عزالدين Date: 07-01-2013, 10:14 AM Parent: #27
سلامات اخ لؤى بوست مهم جداً, زيادة الوزن مرض حقيقى يقود لأمراض قد تصيير مزمنة كالسكر كما حدث لى وارتفاع الضغط والقلب وغيرها من الامراض حمانا الله واياكم تحياتى,,,
Post: #79 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 04:58 PM Parent: #29
Quote: سلامات اخ لؤى بوست مهم جداً, زيادة الوزن مرض حقيقى يقود لأمراض قد تصيير مزمنة كالسكر كما حدث لى وارتفاع الضغط والقلب وغيرها من الامراض حمانا الله واياكم تحياتى,,,
أخـي أحـمد مساء الـخيـر
ياخـي شفاك الله وعافاك إن شاء الله وبالفعل زيادة الوزن جالبة للأمراض الـخطيـرة كفانا الله شرورها جـميعاً
تقديـري
Post: #30 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: Saifelyazal Elmaki Date: 07-01-2013, 10:15 AM Parent: #27
لؤي وضيوفة سلامات ياخي عليك الله ادخل في البرنامج طوالي عندنا 14 كيلو دي زيادة عاوزين نتخلص منهم جربنا التمارين والجري وكلو ما منو فائدة ادخل لينا في البرنامج خصوصا رمضان على الابواب
Post: #80 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 04:59 PM Parent: #30
Quote: لؤي وضيوفة سلامات ياخي عليك الله ادخل في البرنامج طوالي عندنا 14 كيلو دي زيادة عاوزين نتخلص منهم جربنا التمارين والجري وكلو ما منو فائدة ادخل لينا في البرنامج خصوصا رمضان على الابواب
سيف اليزل سلامات
دخلنا فـي البـرنامج يلاّ أدخل فـي الـتّنفيذ
تـحاياي
Post: #31 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: Ahmed musa Date: 07-01-2013, 10:15 AM Parent: #27
متابعة ....
غايتو يامنى خوجلي طلبك ده حيرني بجد ... وسلام ....
Post: #81 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 05:00 PM Parent: #31
Quote: متابعة ....
الأخ أحـمد موسـى سلامات
ولك الشُّكر
تـحاياي
Post: #32 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: محمد أبوالعزائم أبوالريش Date: 07-01-2013, 10:19 AM Parent: #27
ينصر دينك في الأسماك.
لكن إتلوّمت مع الطحنية ........ ما بتلقى ليها طريقة مباصرة؟
Post: #33 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: مريم بنت الحسين Date: 07-01-2013, 10:36 AM Parent: #32
لؤي ازيك... ,الف مبروك العزيمة القوية والإصرار.. وده فعلا كل ما يحتاجه الواحد عشان ينجح في المهمة دي.... اسمح لي اجيب كلام أم المؤيد من جماعة الفيسبوك لانه عجبني جداً
Quote: عسل نحل وموزة والخضار والفواكه وخبز النخالة الايام الاولي بيخنق ما بتبلع بس بعد شوية بقى لذيذ معاه مشي بديت بي 10 دقايق لين وصلت اكثر من 30 دقيقة صباحاً ومساء .البرتقال كان من الفواكه النادرة في البيت اصبحت المحببة للجميع وفوق كل ذلك اصرار وعزيمة وتوكل على الله . جات شهور الصيف وقللت من المشي بس برجع ان شاء الله في الشتاء الوزن كان فوق الـ 90 كيلو الطول 174 العمر باص ههههه بس والله ما كبيرة خالص يعني . نزلت اكتر من 26 كيلو عندي 3 كيلو للاحتياطي بمشي وبجي فيهم مابقل منهم ولا بذيد .. دا كلو في 6 شهور ميزة الرجيم البي مهلة الوزن ما بيرجع تاني للاول بس البنزل سريع برجع سريع .. وحياة الصحة والعافية للجميع . سلام يالؤي وللمعاك ..
ام مؤيد، انا برضه المويه هي النفعتني، وما بس مع الوزن مع المصران والصداع النصفي والامساك المزمن (عفوا يعني) وهو طبعا مشكلة اي سيدة في الدنيا دي! فعلا يا جماعة اعملوا حسابكم من النقصان السريع، مره نقصته 11 كيلو في شهر، وكان معاه رياضة وكل شي، لكن حارمه نفسي من كل شي بحبه، وعندي فكرة انه الريجيم حيقيف يوم من الايام، وفعلا وقف، وفي ظرف شهر رجعوا وفوقهم حبة مسك ههههههههههههه
الله يوفقك يا لؤي ومبروك مره تانية
Post: #34 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: رشا سالم Date: 07-01-2013, 10:49 AM Parent: #33
Quote: المعـجّنات الـمقليّات الأجـبان
ابو اللول.. كدا ما عصرت على أختك شديد !
Post: #35 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: ياسر منصور عثمان Date: 07-01-2013, 11:11 AM Parent: #34
اهم حاجة:
1- المشي 2- العشاء يكون خفيف (يفضل الزبادي والا الروب) وبرضو يكون بدري شوية. 3- التقليل من السكر والنشويات 4- شرب اكبر كمية من الموية ( بس نبعد من الموية اثناء الاكل وبعد الاكل مباشرة) 5- الابتعاد عن المشروبات الغازية 6- شراب الزنجبيل او القرفة او الشاي الاخضر. 7- شراب العصائر الطبيعية بدون سكر (افضلها الفراولة) 8- الاكثار من الفواكه والخضروات
غايتو تاني علا نقع البحر
Post: #58 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: منير عثمان Date: 07-02-2013, 08:12 AM Parent: #35
لؤي سلمات ياخوي اسرع شوية في اكمال برنامجك ده نحن في الانتظار ساكت زدنا 3 كيلو
Post: #86 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-03-2013, 07:10 AM Parent: #58
Quote: لؤي سلمات ياخوي اسرع شوية في اكمال برنامجك ده نحن في الانتظار ساكت زدنا 3 كيلو
منيـر صباح الـخيـر
البـرنامج نزل من يوميـن أتـمنّـى تكون خسرت ليك 3 كيلو كدا فـي اليوميـن ديـل
تـحاياي
Post: #85 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-03-2013, 07:08 AM Parent: #35
Quote: اهم حاجة:
1- المشي 2- العشاء يكون خفيف (يفضل الزبادي والا الروب) وبرضو يكون بدري شوية. 3- التقليل من السكر والنشويات 4- شرب اكبر كمية من الموية ( بس نبعد من الموية اثناء الاكل وبعد الاكل مباشرة) 5- الابتعاد عن المشروبات الغازية 6- شراب الزنجبيل او القرفة او الشاي الاخضر. 7- شراب العصائر الطبيعية بدون سكر (افضلها الفراولة) 8- الاكثار من الفواكه والخضروات
غايتو تاني علا نقع البحر
ياسر صباح الـخيـر
دا كلام سليـم أمّا النّقطة 3 فأنا أرى إيقاف النّشويّات والسُّكّريّات ، وليس تقليلـها
تقديـري
Post: #84 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 05:13 PM Parent: #34
Post: #36 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: صديق_ضرار Date: 07-01-2013, 11:22 AM Parent: #33
سلامات لؤى والزملاء خلوا بالكم كويس من الكلام دا . دا مهم جدا
( Fath Abuagla يا اخ لوءي وكل الاخوة اصحاب الوزن الزائد انا نصيحتي ليك نقص الوزن بسرعة بواسطة الرجيم غير صحي ولن يستمر وسوف تعاود هذا الوزن واكثر لانك ستدخل في حالة ما يسمي الجو جو فالرجيم الصحيح ان تخسر الوزن في حدود 3 ل 4 كيلو في الشهر وليست بواسطة الرجيم فقط بل رجيم ورياضة لانك عندما تخسر وزن عن طريق الرياضة والرجيم فالجسم بيخسر فات وبيكسب عضل والعضل بيستهلك طاقة اكثر وهذا يساعد علي الرشاقة الدائمة بالاضافة لتناسق الجسم فاكرر نقص الوزن السريع بواسطة الرجيم فقط غير صحي ولن يستمر بالاضافة لذلك فسوف يكون ا لجسم غير متناسق والشكل غير حذاب بظهور تجاعيد كانت عير موجودة و انا اقول لك هذا الكلام عن تجربة وعلم فانا خسرت 28 كيلو في خلال سنة وشهرين وبنيت عضل ظاهر للبيان يعني 6 باك وكنت قبلها كتلة شحم وبطن والان بطن ضامر وصدر بارز وعضلات وغير ذلك فقد اضحت الرياضة جزء اساسي في برنامج حياتي اذهب 3 مرات في الاسبوع للفتنس سنتر وامارس رياضة الجري علي الاقل نصف ساعة في اليوم في التريدمل في البيت فاكرر اخسر الوزن ببطء بالرجيم والرياضة وليست الرجيم فقط والرجيم يجب الا يكون حاد لان الجسم عندما يخسر وزن بسرعة في فترة قصيرة فسوف يكون في حالة جوع وهمة لاستعادة السعرات الحرارية التي فقدها لفترة قد تستمر لمدة 5 سنوات وهذا فسيولوجيا مثبت ولن تستطيع ان تصمد علي الرجيم الحاد لفترة خمسة سنوات فاكرر رجيم بسيط ورياضة وفقد للوزن ببطء فهذا هو الصحي والدائم
أهم شىء العمر - فالشخص الكبير فى السن - يعنى فوق الخمسين - يجب أخذ الحذر فى كلا الحالتين الرجيم والرياضة - والوزن فى تلك السن إن نقص 2 كيلو فيحمد الشخص ربه لأن هذه الدهون والشحوم تكون متراكمة . بعدين كمان مسألو زيادة الوزن والمنطقة التى تكون فيها - إن كانت فى الوسط ، يعنى الخصر والبطن فهذه أكيد لابد وأن تزال برياضة - والرياضة كل منطقة ولها تمارين معينة ، ويمكن أن تمارس من غيير الحاجة إلى مدرب ومركز لياقة ؛ بل بمشورة أى رياضى قديم ورياضى موش معناها لاعب كورة - فكل رياضة ولها تمارين ، بل يجب مشورة من مارس رياضة الملاكمة مثلا . أديكم مثال أن وكان وقتها عمرى 52 سنة أنزلت الوزن من 89 كيلو إلى 76 كيلو وفى شهر واحد لكن مارست رياضة عنيفة شوية منها الجرى ورياضة القفز بالحبل والتراقص به ؛ كنت قبلها قد رجعت إلى ممارسة الرياضة وعمرى 38 سنة - وأحيانا كنت أنقطع عنها وأكتغى باللياقة التى اكتسبتها - وأنا أرى أن اللياقة البدنية ربما أهم وهى فاعلة أكثر من الرجيم - ليس قى إنقاص الوزن ولكن فى الشعور بالراحة الجثمانية والفكرية - وجربوا معاكم الحبل ليس زى نط البنات زمان بل الحبل بالطريقة الرياضية ، كما والجرى - والتمارين السويدية مهمة جدا - واستعمال الماسورة أو البار بتاع رفع الأثقال فى تحريك الخصر والجوانب ؛ برضه مهم جدا التريض بالأثقال وأفضلها الياى ( الصاندو ) وله تمارين ممتازة ؛ هنا ما يأتى به الثقل من عضلات سيأخذها الحبل والجرى والتمارين السويدية فلن تكون هنالك عضلات بارزة كبيرة ومزعجة بل ستكون عضلات بليقة عالية مما يجنب الجسم أن يترهل إذا ترك الواحد الرياضة أو خرمج وسفسف كتير - فاهمين أنا حسى وزنى زايد لكن ممارستى للرياض بشكل شبه يومى مدينى بفضل الله النفس والتحرك والمرونة مع وزن زايد لأنه كبير فى السن وموش من السهولة إنه أنزل كتير - لا بسرع ولا بغير سرعة - يعنى لا زمن وجيز أو كتير المهم المشى ، الجرى ، الحبل - وحاولوه حتى تتقنوه ، والتمااااااااااااااارين السويدى - ودى عرفنها
Post: #87 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-03-2013, 07:21 AM Parent: #36
Quote: سلامات لؤى والزملاء خلوا بالكم كويس من الكلام دا . دا مهم جدا
( Fath Abuagla يا اخ لوءي وكل الاخوة اصحاب الوزن الزائد انا نصيحتي ليك نقص الوزن بسرعة بواسطة الرجيم غير صحي ولن يستمر وسوف تعاود هذا الوزن واكثر لانك ستدخل في حالة ما يسمي الجو جو فالرجيم الصحيح ان تخسر الوزن في حدود 3 ل 4 كيلو في الشهر وليست بواسطة الرجيم فقط بل رجيم ورياضة لانك عندما تخسر وزن عن طريق الرياضة والرجيم فالجسم بيخسر فات وبيكسب عضل والعضل بيستهلك طاقة اكثر وهذا يساعد علي الرشاقة الدائمة بالاضافة لتناسق الجسم فاكرر نقص الوزن السريع بواسطة الرجيم فقط غير صحي ولن يستمر بالاضافة لذلك فسوف يكون ا لجسم غير متناسق والشكل غير حذاب بظهور تجاعيد كانت عير موجودة و انا اقول لك هذا الكلام عن تجربة وعلم فانا خسرت 28 كيلو في خلال سنة وشهرين وبنيت عضل ظاهر للبيان يعني 6 باك وكنت قبلها كتلة شحم وبطن والان بطن ضامر وصدر بارز وعضلات وغير ذلك فقد اضحت الرياضة جزء اساسي في برنامج حياتي اذهب 3 مرات في الاسبوع للفتنس سنتر وامارس رياضة الجري علي الاقل نصف ساعة في اليوم في التريدمل في البيت فاكرر اخسر الوزن ببطء بالرجيم والرياضة وليست الرجيم فقط والرجيم يجب الا يكون حاد لان الجسم عندما يخسر وزن بسرعة في فترة قصيرة فسوف يكون في حالة جوع وهمة لاستعادة السعرات الحرارية التي فقدها لفترة قد تستمر لمدة 5 سنوات وهذا فسيولوجيا مثبت ولن تستطيع ان تصمد علي الرجيم الحاد لفترة خمسة سنوات فاكرر رجيم بسيط ورياضة وفقد للوزن ببطء فهذا هو الصحي والدائم
أهم شىء العمر - فالشخص الكبير فى السن - يعنى فوق الخمسين - يجب أخذ الحذر فى كلا الحالتين الرجيم والرياضة - والوزن فى تلك السن إن نقص 2 كيلو فيحمد الشخص ربه لأن هذه الدهون والشحوم تكون متراكمة . بعدين كمان مسألو زيادة الوزن والمنطقة التى تكون فيها - إن كانت فى الوسط ، يعنى الخصر والبطن فهذه أكيد لابد وأن تزال برياضة - والرياضة كل منطقة ولها تمارين معينة ، ويمكن أن تمارس من غيير الحاجة إلى مدرب ومركز لياقة ؛ بل بمشورة أى رياضى قديم ورياضى موش معناها لاعب كورة - فكل رياضة ولها تمارين ، بل يجب مشورة من مارس رياضة الملاكمة مثلا . أديكم مثال أن وكان وقتها عمرى 52 سنة أنزلت الوزن من 89 كيلو إلى 76 كيلو وفى شهر واحد لكن مارست رياضة عنيفة شوية منها الجرى ورياضة القفز بالحبل والتراقص به ؛ كنت قبلها قد رجعت إلى ممارسة الرياضة وعمرى 38 سنة - وأحيانا كنت أنقطع عنها وأكتغى باللياقة التى اكتسبتها - وأنا أرى أن اللياقة البدنية ربما أهم وهى فاعلة أكثر من الرجيم - ليس قى إنقاص الوزن ولكن فى الشعور بالراحة الجثمانية والفكرية - وجربوا معاكم الحبل ليس زى نط البنات زمان بل الحبل بالطريقة الرياضية ، كما والجرى - والتمارين السويدية مهمة جدا - واستعمال الماسورة أو البار بتاع رفع الأثقال فى تحريك الخصر والجوانب ؛ برضه مهم جدا التريض بالأثقال وأفضلها الياى ( الصاندو ) وله تمارين ممتازة ؛ هنا ما يأتى به الثقل من عضلات سيأخذها الحبل والجرى والتمارين السويدية فلن تكون هنالك عضلات بارزة كبيرة ومزعجة بل ستكون عضلات بليقة عالية مما يجنب الجسم أن يترهل إذا ترك الواحد الرياضة أو خرمج وسفسف كتير - فاهمين أنا حسى وزنى زايد لكن ممارستى للرياض بشكل شبه يومى مدينى بفضل الله النفس والتحرك والمرونة مع وزن زايد لأنه كبير فى السن وموش من السهولة إنه أنزل كتير - لا بسرع ولا بغير سرعة - يعنى لا زمن وجيز أو كتير المهم المشى ، الجرى ، الحبل - وحاولوه حتى تتقنوه ، والتمااااااااااااااارين السويدى - ودى عرفنها
أُستاذ صدّيق صباح الـخيـر
ربّنا يدّيك الصّـحّة والعافية وبالفعل دا كلام مـهـم جدّاً بتّفق معاك فـي كُلّ ما أوردته بـخصوص الرّياضة وأهـمّيّة الـتّـماريـن السّويديّة وتـمرينات العضلات الـمـختلفة وبضيف كـمان علـى كلامك أهـميّة الأكل الصّـحّي دا شـيء فعلاً مـهـم جدّاً جدّاً معظـم أمراض الشّراييـن وأمراض القلب الـجّلطات أمراض السُّكّري والضّغط مشاكل الـخصوبة والعقـم أمراض الـمرارة الإمساك والبواسيـر تساقط الشّعر مشاكل الـجِّلد والبشرة والكتيـر بترجع بشكل أساسـي لأسلوب الـتّغذيّة لذا الطّعام الصّـحّـي ومـمارسة الرّياضة معه هـما الـمخرج من تلك الأزمات وتلافيـها هذا بالإضافة للأثـر النّفسـي الـممتاز والوقاية خيـر من العلاج
إمتنانـي
Post: #83 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 05:09 PM Parent: #33
Quote: لؤي ازيك... ,الف مبروك العزيمة القوية والإصرار.. وده فعلا كل ما يحتاجه الواحد عشان ينجح في المهمة دي.... اسمح لي اجيب كلام أم المؤيد من جماعة الفيسبوك لانه عجبني جداً
Quote: عسل نحل وموزة والخضار والفواكه وخبز النخالة الايام الاولي بيخنق ما بتبلع بس بعد شوية بقى لذيذ معاه مشي بديت بي 10 دقايق لين وصلت اكثر من 30 دقيقة صباحاً ومساء .البرتقال كان من الفواكه النادرة في البيت اصبحت المحببة للجميع وفوق كل ذلك اصرار وعزيمة وتوكل على الله . جات شهور الصيف وقللت من المشي بس برجع ان شاء الله في الشتاء الوزن كان فوق الـ 90 كيلو الطول 174 العمر باص ههههه بس والله ما كبيرة خالص يعني . نزلت اكتر من 26 كيلو عندي 3 كيلو للاحتياطي بمشي وبجي فيهم مابقل منهم ولا بذيد .. دا كلو في 6 شهور ميزة الرجيم البي مهلة الوزن ما بيرجع تاني للاول بس البنزل سريع برجع سريع .. وحياة الصحة والعافية للجميع . سلام يالؤي وللمعاك ..
ام مؤيد، انا برضه المويه هي النفعتني، وما بس مع الوزن مع المصران والصداع النصفي والامساك المزمن (عفوا يعني) وهو طبعا مشكلة اي سيدة في الدنيا دي! فعلا يا جماعة اعملوا حسابكم من النقصان السريع، مره نقصته 11 كيلو في شهر، وكان معاه رياضة وكل شي، لكن حارمه نفسي من كل شي بحبه، وعندي فكرة انه الريجيم حيقيف يوم من الايام، وفعلا وقف، وفي ظرف شهر رجعوا وفوقهم حبة مسك ههههههههههههه
الله يوفقك يا لؤي ومبروك مره تانية
مريـم سلامات
الله يبارك فيك وبالفعل العزيـمة والإصرار ديل زاد الرّحلة الصّعبة دي وفعلاً كلام أُم مؤيّد تـمام الـتّـمام ويا مريـم تعرفـي العرديب حقّنا دا دواء إمساك ما ساهل ؟
تـحاياي لنادر والعيال
Post: #82 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 05:03 PM Parent: #32
Quote: ينصر دينك في الأسماك.
لكن إتلوّمت مع الطحنية ........ ما بتلقى ليها طريقة مباصرة؟
يا عزائـم مساء الـخيـر
السّـمك دا حبيب الـملاييـن الـحقيقـي والطّحنيّة دي زيت وسُكّر يودّي الـتّوج ماااااا بتتباصر
تـحاياي
Post: #37 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 03:15 PM Parent: #1
نـجـي للبـرنامج
طبعاً نسيت فوق برضو من أعداء الوزن الـخفيف الرُّز والـمكرونة والشّعيريّة والسُّكسُكانيّة وما إليه
أوّل حاجة عـملتـها أصرّيت لـمدّة أسبوعيـن أقيف من الـحاجات الفوق ديك كُلّـها وقفت تـماماً من الشّاي باللبن بالبسكويت الصّباحـي أو برضو النّسكافيه باللبن حاربت النّيدو خالص وحتّـى الـحليب السّائل أسبوعيـن ما فـي شاي صباح لا سادة لا بلبن
ببدأ يومـي بعصيـر برتقال طبيعـي بالبتاعة دي وبشرب العصير بدون أيّ إضافات لا سُكّر لا موية وبشيل معاي للشُّغل تفّاحة خضراء علـى السّاعة عشرة كدا باكل التّفّاحة مع ملاحظة إنّـها تتأكل بقشرتـها القشرة مفيدة جدّاً وبشرب موية باستمرار وبشكل زائد
Post: #38 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 03:53 PM Parent: #1
Post: #39 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 04:01 PM Parent: #1
مع السّلطة الفوق دي وهي بالـمناسبة كافية جدّاً بالنّسبة لـي معاها يا شوربة عدس أو شوربة شوفان أو شوربة خضار أو شوربة فطر
أو دجاج منزوع الـجِّلد مشوي أو مسلوق أو سـمك مشوي
فـي السّلطة استبدلت مرّات التّونة بالدّجاج أو السّـمك دا أو جـمبـري مسلوق أو مشوي
Post: #40 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 04:10 PM Parent: #1
علـى الـمغربيّة كدا سلطة فواكه طبيعيّة
أو مـجرّد طبق بطّيخ وشـمّام
Post: #41 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: عمار عبدالله عبدالرحمن Date: 07-01-2013, 04:18 PM Parent: #40
ربنا يديكم الصحة والعافية ,,
افضل برنامج لتخفيف الوزن انكم ترجعوا تقعدوا ليكم شهر في السودان جري وجوع والامور تزبط ,, ما في طريقة ترجعوا السودان , تتابع تلفزيون السودان وبالاخص اخبار الريس والصادق المهدي وتتعصب للهلال او المريخ , بترجع عصاي بس , كل ما عليك ان تتفادى الضغط والسكري ,,
اعتبروا المداخلة دي فاصل اعلاني ,,
Post: #43 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: عمر نملة Date: 07-01-2013, 04:43 PM Parent: #41
سلام بوست مفيد وعملي مريت بنفس تجربتك واتبعت نفس الاغذيه وساعدني برنامج اسمه كيف تفقد الوزن من خلال الجري وتعبت الايام لاولى في قطع 100 متر والحمد لله اليوم بعد 4 سنوات بشارك في مختلف السباقات من 5 كم الي المارثون
Post: #89 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-03-2013, 07:36 AM Parent: #43
Quote: سلام بوست مفيد وعملي مريت بنفس تجربتك واتبعت نفس الاغذيه وساعدني برنامج اسمه كيف تفقد الوزن من خلال الجري وتعبت الايام لاولى في قطع 100 متر والحمد لله اليوم بعد 4 سنوات بشارك في مختلف السباقات من 5 كم الي المارثون
أخـي عـمر صباح الـخيـر
يا سلام عليك ياخـي دي إرادة أحيّيـك عليـها ولأمثالك تُرفع القبّعات ومعاك نثـمّن علـى دور الرّياضة والطّعام الصّـحّـي
تـحاياي
Post: #44 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: حسن الطيب يس Date: 07-01-2013, 04:54 PM Parent: #41
الزول الظريف العزيز لؤي الله يديك الفي المراد و الصحة و العافية إنت بتفتش في الرجيم و عمك حسن بيفتش في كيف يذيد وزنه عارف يا لؤي انا 42 سنة الوزن ثابت في 56 كيلو و الحمد لله صحة وعافية و بتريض جري و كورة شبة يوميا مع العمر الحمد لله 67 سنة الاكلالطبق السوداني و بالاخص القراصة لما بقري في السلطة بتاعتك القبل الغدا الحاجة قالت لي صاحبك دة عاوز يضعف كيف؟ و لو عاوز يضعف ما ياكل لوحده ياكل مع الحاجة حقتو في صحن واحد و يتونس حيضعف في شهر و الحاجة حتسمن و الحمد لله انا اي طحنية تصل البيت باخذ نصيب الاسد الكويس ما ياكل كتير ورينا عشان نذيد الوزن شوية نصيحة الحاجة ما تنساها نوم عافية عمك حسن
Post: #90 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-03-2013, 07:49 AM Parent: #44
Quote: الزول الظريف العزيز لؤي الله يديك الفي المراد و الصحة و العافية إنت بتفتش في الرجيم و عمك حسن بيفتش في كيف يذيد وزنه عارف يا لؤي انا 42 سنة الوزن ثابت في 56 كيلو و الحمد لله صحة وعافية و بتريض جري و كورة شبة يوميا مع العمر الحمد لله 67 سنة الاكلالطبق السوداني و بالاخص القراصة لما بقري في السلطة بتاعتك القبل الغدا الحاجة قالت لي صاحبك دة عاوز يضعف كيف؟ و لو عاوز يضعف ما ياكل لوحده ياكل مع الحاجة حقتو في صحن واحد و يتونس حيضعف في شهر و الحاجة حتسمن و الحمد لله انا اي طحنية تصل البيت باخذ نصيب الاسد الكويس ما ياكل كتير ورينا عشان نذيد الوزن شوية نصيحة الحاجة ما تنساها نوم عافية عمك حسن
ياااااا عـم حسن سلامات وأشواق شديدة والله أتـمنّـى تكون بألف خيـر إنت والأُسرة
والله إنت نـموذج للـمحافظة مـحافظة القاهرة ربّنا يزيدك صـحّة وعافية خلّيك فـي وزنك دا وفـي رياضتك دي وقُرّاصتك وطـحنيتّك ربّنا يقوّيك ويطوّل عـمرك يا رب عارف ؟ أنا لو لا الـمدام خالص ما كنت قدرت أواصل الله يدّيـها العافية كانت سند حقيقـي وقفت معاي بشكل لا تتصوّره أكلنا فـي طبق واحد إتقاسـمنا السّلطة والفاكهة ونزلت معاي نزول شديـد رجعت بنيّة صغيرووووووونة وبالنّسبة لكلام الـحاجّة عندك عن سلطتنا صدّقنـي االـمدام أخوها دكتور عاقب قبـل شهـر إلتقينا فـي مكّة وشافنـي بقطّع فـي السّلطة بتاعتـي إيّاها والفواكه قال : والله ريـجيـمكم دا لا ريـجيـم لا حاجة ، دا تسـميـن عديــــل هسّا لو شاف وزننا ما حايصدّق
لك وللأُسرة الـتّحايا والـمودّة والإحتـرام
Post: #88 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-03-2013, 07:32 AM Parent: #41
Quote: ربنا يديكم الصحة والعافية ,,
افضل برنامج لتخفيف الوزن انكم ترجعوا تقعدوا ليكم شهر في السودان جري وجوع والامور تزبط ,, ما في طريقة ترجعوا السودان , تتابع تلفزيون السودان وبالاخص اخبار الريس والصادق المهدي وتتعصب للهلال او المريخ , بترجع عصاي بس , كل ما عليك ان تتفادى الضغط والسكري ,,
اعتبروا المداخلة دي فاصل اعلاني ,,
عـمّار صباح الـخيـر
وربّنا يعافيك ويـملاك صـحّة تصدّق فاصلك الإعلانـي اللطيف دا حقيقة ؟ أنا مشيت السُّودان فـي عيد الأضحـى كـمّيّة الـجّري والـجّوطة كانت بـمثابة ريـجـيم حقيقـي
أمّا الـتّلفزيون دا والسّياسة والكورة فدي أمور جالبة للأمراض الـمستعصية حـمانا الله
مودّتـي
Post: #42 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 04:35 PM Parent: #1
نـجـي لأعظـم حاجة علـى الإطلاق لو النّاس تدري أقوى حارق دهون فـي الدُّنيا
القريب فروت
بالليل لازم أقشّر حبّتيـن قريب فروت يوميّاً القريب حارق دهون عـجيب حتّـى والإنسان بياكل أكل ما أكل ريـجيـم بيـحرق مع القريب فروت وبيفقد زي إتنين كيلو شهريّاً
Post: #45 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 04:56 PM Parent: #1
بعد الأسبوع الأوّل إحباط شديد ما فـي أيّ تغيير علـى الوزن
بعد الأسبوع التّانـي الوزن نقص قليل جدّاً زي كيلو ونص أو إتنين كيلو كدا
عصيـر ليـمون مع زنـجبيل مطحون ونعناع وسُكّر دايت بُنّـي
تـمر
وقرّرت ما أوزن تانـي إلاّ بعد أسبوعيـن تانـي يعنـي يكون إنقضـى شهر كامـل
Post: #46 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 05:15 PM Parent: #45
بعد شهر بالضّبط من ضربة البداية وقفت علـى الـميـزان الوزن الكان وصل زي 100 بقـى 90 كيلو نزلت 10 كيلو فـي شهر
قرّرت أواصل نفس البـرنامج وأدخّل حاجات إضافيّة
نظريّة مقدرة الـجِّـمال علـى حفظ الغذاء فـي السّنام جسـم الإنسان بيعـمل بنظريّة زيّـها لو الإنسان دخل فـي حالة تـجويع لنفسه الـجّسـم بيـحس بنقص الغذاء وبيبدأ يـحتفظ بالدّهون والسُّكّريّات عشان يعيش لو الإنسان أكثـر من الأكل ( الصّحّـي ) الـجّسـم بيبدأ يتـخلّص من الـمُخزّن عشان يدّي مساحة للقادم لو القادم ما صحّـي بتتراكـم البلاوي وبتـحصل السّـمنة ولو القادم صحّـي بيُستبدل غيـر الـمفيد بالـمفيد
وعشان النّظريّة دي كان لازم آكل دهون مفيدة عشان الـجّسـم يتـخلّص من الدّهون غيـر الـمفيدة لذا أدخلت زيت الزّيتون فـي عـمل البيض بالطّوّة دجاج أو سـمك خفيف علـى الطّوّة بزيت الزّيتون فقط فول بـملح وشـمار وليـمون وزيت زيتون خبز أسـمر وعشان الـخـبز الأسـمر الخفيف ما مستساغ
باكل خبـز أسـمر طوست
شوكولاتة داكنة أحياناً
وبعد أسبوعيـن تانـي يعنـي شهر ونُص من البداية لقيت الوزن بقـى زي 86 كيلو الكلام دا قبل أقلّ من أسبوعيـن وأنا لازلت مواصل علـى نفس البرنامج والليلة الوزن 82 كيلو يعنـي نقص زي 18 كيلو فـي أقلّ من شهريـن
Post: #47 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-01-2013, 05:48 PM Parent: #1
الأكل الصّحّـي يكافح أمراض السّكّري أمراض القلب أمراض الشّراييـن الـجّلطات تساقط الشّعر العقـم أمراض الـخصوبة الإمساك والبواسيـر
Post: #48 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: عمر الفاروق Date: 07-01-2013, 07:16 PM Parent: #47
غايتو انا والكاشف أخوي حميدة منتظرين ناس سليمان الحبيب يعملوا عرض في عمليات شفط الدهون ..
Post: #49 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: الشاذلى خيرى عبد الله Date: 07-01-2013, 08:59 PM Parent: #48
أم مؤيد - البى تحت - كيفنك والعيال ..
جانى خبرك قالو بقيتى زى السوط
Quote: سلامات يا مريم بت الحسين ومبروك الاستاذية للوالد وعقبالك .. فعلا الامساكالمزمن مشكلة اي سيدة كما تفضلتِ ( ربنا يكرمك ) والموية والفايبر كان خضار ولا فواكه هي المفيدة في الحالة دي .. وشكرا ليك . فعلا يا استاذ لؤي قائمة الممنوعات دي وبما فيهما الابيضان ( الملح والسكر ) نفسها الانا امتنعت منها تماما حتى الشاي والقهوة حاربتهم حسيت بيهم ذيادة مع الاكل والشراب العاديات يعني بيهم نحن شبعانيين وكويسين ومن دونهم نحن برضو شبعانيين وكويسين . طيب الفايدة منهم شنو ؟؟ ومن هذا المنطلق ابتعدت عنهم باختياري وبرجع ليهم مرة مرة ومن دون اسراف بس اللحوم البيضاء والحمراء وكافة الدهون بقيت اشوف ليهم بدايل وبجرب شوية شوية .. ومن تجربتك حنستفيد ان شاء الله .. عافيلقو ..
كما ونبارك الاستاذية للوالد يا مريم ... أم مؤيد شكلها متابعة المنبر اكتر مننا ...
ـــــــــــــــــــــــــــ رايك شنو نأجر ليك الباسويرد بتاعى يا أم مؤيد بدل المتابقة بالحيط
Post: #95 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-03-2013, 09:29 AM Parent: #49
Quote: أم مؤيد - البى تحت - كيفنك والعيال ..
جانى خبرك قالو بقيتى زى السوط
الشّاذلـي صباح الـخيـر
واللهُـمّ أوعدنا بعديـن إنت قبـل يوميـن قُلت ما عاوز تورّينا صورتك بعد الرّيـجيـم عشان ما نسـحرك فصورة البروفايل دي الفيـها دا إنت ؟ ولو إنت الصّورة قبـل ولاّ بعد ؟ وأتـمنّـى فـي كُلّ الأحوال ألاّ تكون البقرة مشروع لـحـم ولبـن
تـحاياي
Post: #94 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-03-2013, 09:17 AM Parent: #48
Quote: غايتو انا والكاشف أخوي حميدة منتظرين ناس سليمان الحبيب يعملوا عرض في عمليات شفط الدهون ..
يا عـمر مشتاقيـن
يا زول إنت ما كنت زول سيمباتيك الـحصل شنو ؟ غايتو أعـمل حسابك الأكل الـما صحّـي بيعـمل تساقط شعر فما تغامر
معزّتـي
Post: #50 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: زول ساكت Date: 07-02-2013, 06:59 AM Parent: #47
والله ياعمك الريجيم بتاعك دهن عديل ورفاهية من الاشياء الغير متوقعة فيه حكاية الذرة وحبوب الفايبر والبيض المقلي وكمان التونة لاني قريت انها ممكنوعة
عندب اسئلة ليك وللجميع ماهو موقف هذه الاطعمة زيت السمسم الا######## قليلة الدسم الشاورما بدون حبز مشويات المطاعم الكلها زيت دي هل تعتر مشويات (الكباب والاوصال الخ) اللحوم الحمراء مشوية اومسلوقة(ابومنصور مايشوفني) وتاني ايهما افضل السكر القليل ام السكر الدايت واي نوع من السكر الدايت افضل
Post: #51 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: ياسر منصور عثمان Date: 07-02-2013, 07:06 AM Parent: #50
يا عمك ..
اضرب ساااااااااكت
كلام لؤي ده علا ندخلو الجامعة
ده شيتن صعب بالحيل ياخ
هسي عليك الله جنس ده مع ناس الربنس والكمساري ببقى؟؟
Post: #97 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-03-2013, 10:18 AM Parent: #51
Quote: يا عمك ..
اضرب ساااااااااكت
كلام لؤي ده علا ندخلو الجامعة
ده شيتن صعب بالحيل ياخ
هسي عليك الله جنس ده مع ناس الربنس والكمساري ببقى؟؟
ياسر سلامات
يضرَب من ضَرْب ولاّ يضرِب من إضراب ؟ يا زول جامعة شنو ؟ سلطة وفواكه عيبـها لـي شهر ويعدّي وشوف النّتيـجة
مودّتـي
Post: #96 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-03-2013, 09:54 AM Parent: #50
Quote: والله ياعمك الريجيم بتاعك دهن عديل ورفاهية من الاشياء الغير متوقعة فيه حكاية الذرة وحبوب الفايبر والبيض المقلي وكمان التونة لاني قريت انها ممكنوعة
عندب اسئلة ليك وللجميع ماهو موقف هذه الاطعمة زيت السمسم الاجـبان قليلة الدسم الشاورما بدون حبز مشويات المطاعم الكلها زيت دي هل تعتر مشويات (الكباب والاوصال الخ) اللحوم الحمراء مشوية اومسلوقة(ابومنصور مايشوفني) وتاني ايهما افضل السكر القليل ام السكر الدايت واي نوع من السكر الدايت افضل
يا زول ساكت صباح الـخيـر
رفاهيّة شديدة أيوا بس كُلّـها سلطة وفاكـهة فـي الآخر وطبعاً مهـما كانت التّفاصيل الفيـها من ذرة وتونة فصدّقنـي إيقاف السُّكّريّات والدّهون والنّشويّات والـمـواصلة علـى الـخضروات والفواكه بشكل يومـي دا كُلّ السّر وتونة الـموية ما تونة الزّيت مشكورة جدّاً جدّاً حبوب الفطور مفيدة جدّاً جدّاً البيض الـمقلـي أحياناً وبزيت زيتووووووون فقط ما أيّ زيت وبكـميّة قليلة ودا طبعاً للتّغييـر عشان ما يـحصل ملل واستسلام
بالنّسبة لأسئلتك زيت السّـمسـم مفيد زي زيت الزّيتون بيـخلّـي الـجّسـم يتـخلّص من الدّهون الـمشبّعة وبيساعد فـي تنقية الشّراييـن من الكوليسترول وتنشيط الدّورة الدّمويّة ومـحاربة الإمساك فهو مفيد زي زيت الزّيتون بس شهرة زيت الزّيتون طغت
الألبان والأجـبان قليلة الدّسـم غيـر مضرّة طبعاً كالكاملة الدّسـم أنا أتحاشـى الأجـبان عـموماً لكن باكل زبادي وألبان خالية الدّسـم تـماماً وللتّغييـر برضو يعنـي ما بشكل مستـمر
بالنّسبة للشّاورما خلّينـي أدّيك قاعدة بسيطة الأطعـمة السّريعة هـي أسوأ أنواع الأطعـمة عـموماً والشّاورما من الأطعـمة السّريعة ومعاها ناس بيرقر وبيتزا وما إليه وأسوأ الدّهون علـى الإطلاق هـي دهون اللـحوم وخصوصاً دهون شـحوم اللـحوم والشّاورما عبارة عن شـحوم ولـحوم ودهون
مشويّات الـمطاعـم دي ما مضـمونة فهـي مطمورة فـي زيت للـحفظ فـي ثلاّجات وبالتّالـي يُفضّل تشوي براااااااك
اللـحوم الـحـمراء بتـحتوي علـى دهون أكتـر مـمّا فـي دهون لـحوم الأسـماك والبـحريّات ولـحوم الدّجاج لذا يُفضّل تقليلـها والاستغناء عنّـها لو أمكن والاستعاضة بـما ورد ذكره
السُّكّر الأبيض العادي مضر مضر مضر حتّـى ولو قليل يُفضّل طبعاً عدم السُّكّر خالص ولو صعب سُكّر الدّايت والبُنّـي أفضل أنواعه
مودّتـي
Post: #52 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 07:21 AM Parent: #1
Quote:
أُم مؤيّد صباح الـخيـر
برافو عليك والله 26 كيلو حاجة ما ساهلة ماشاء الله عليك وبتّفق معاك تـماماً الرّيـجيـم البطـيء أضـمن وأبقـى وأطول عـمراً ربّنا يدّيكِ الصّـحّة والعافية يا رب
تقديـري
Post: #53 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 07:30 AM Parent: #1
Quote:
Grmake Ali صباح الـخيـر
بعدم الصّبـر دا ربّنا يقدّرك علـى الرّيـجيـم
تـحاياي
Post: #54 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 07:36 AM Parent: #1
Quote:
Maldiny Myamy صباح الـخيـر
البـرنامج نزل ورّينا فلاحتك وأنزل إنت
تـحاياي
Post: #55 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 07:41 AM Parent: #1
Quote:
Altoom Alison Said Altoom صباح الـخيـر
حكينا الصّبـر اليبل الآبريه بالزّنـجبيل والنّعناع ما فـي ؟
تـحاياي
Post: #56 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 07:59 AM Parent: #1
Quote:
Fath Abuagla صباح الـخيـر
بتّفق معاك تـماماً فـي طرحك ودي طبعاً حاجة فعلاً معروفة وصـحيـحة أنا شـخصيّاً بدأت البـرنامج الرّياضـي بعد الشّـهر الأوّل ربّنا يقدّرنا ونواصل بنفس النَّفَس خطوتك ما ساهلة ألف مبـروك علـى خسارة 28 كيلو وتـماريـن العضلات والبـرنامج الرّياضـي الـمستـمر الـحـمد لله الذي وفّقك وربّنا يوفّق كُلّ مـجتهد ومـجتهدة يا رب
تقديـري
Post: #57 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 08:04 AM Parent: #1
Quote:
Nizar Mubarak Ahmed صباح الـخيـر
ما الـمطعومات والأشربة دي هـي سبب الأكرشة
تـحاياي
Post: #59 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 08:31 AM Parent: #1
Quote:
Maldiny Myamy الـتّحيّة مُـجدّداً
حأشوف ريـجيـم دكتور أُسامة حـمدي دا رغـم إنّـي قريت برامج ريـجيـم كتـيرة جدّاً واستـخلصت منّـها برنامـجـي دا أتـمنّـى إنّك ترجع تانـي وما تستسلـم
بالـتّأكيد أعلـم أنّ النّاس كانت فـي إنتظار برنامـجي لكنّـي كنت أتّبع طريقتـي فـي السّرد ولا أرّى أنّنـي تأخّرت كثـيراً جدّاً فـي إيراده خلال نفس اليوم هذا بالنّظر لكُلّ ظروف الـحياة الـمحيطة
تـحاياي
Post: #60 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 08:40 AM Parent: #1
Quote:
Ummoayad Moayad الـتّحيّة مُـجدّداً
وبنبارك معاك لأُستاذنا ودّ الـحسيـن وفعلاً الفايبـر والـخضروات والفواكه هـي علاج الإمساك وأقول ليك كـمان إكتشاف عـجيب عصيـر العرديب هو أفضل علاج للإمساك وكلامك سليـم ، أصلاً مادام مـمكن نشبع بأكل صحّـي لازمة الأكل الـمضر شنو ؟ ربّنا يدّيكِ العافية
تقديـري
Post: #61 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 08:44 AM Parent: #1
Quote:
Nazar Alhassan صباح الـخيـر
ههههههههههههه سودانيـز أون لاين طلع موقع عنده وزنه فعلاً
تـحاياي
Post: #62 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 08:59 AM Parent: #1
Quote:
Maldiny Myamy
أشكرك لإيـرادك للرّابط وهذا هو مـحتواه
Quote:
http://forum.rjeem.com/t1232.html رجيم الدكتور اسامه حمدي من 20 الى 30 كيلو في الشهر اليوم جايبه لكم افضل رجيم وحده اعرفها نزلت عليه 19 كيلو وتغير حتى شكلها بعدما كانت تعاني منذ طفولتها من زيادة الوزن
يقول الدكتور:- ان النقص في هذا النظام نقص حقيقي لانه يتم من دهن الجسم لذا ليس من السهل اعادة تكوينه في فترات قصيره لذلك يبقى الشخص دون زياده لفترات طويله جدا طالماحافظ في اكله على نظام متوازن وقلل من السكريات والدهون
وان النقص وان كان كبيرا لايؤثر على اي من القياسات الحيويه داخل الجسم
يصلح لجميع الاعمار ولاضروره للفيتامينات مع ضرورة الالتزام بالوجبات المذكوره دون تعديل ان حيز المعده يباء في النقصان بالتدريج فيجد الشخص نفسه يصل الى مرحلة الشبع بسرعه شديده
الاسبوع الأول
الفطور اليومي:- بيضتين مسلوقه+ نصف برتقاله
(السبت)
الغداء:- فاكهه صنف واحد وبأي كميه( ماعداالمناجو والتين والموز ممنوع)
العشاء:- لحم مشوي ( شرائح اومفروم)+سلطة خضروات
(الأحد)
الغداء :- دجاج مسلوق اومشوي +طماطم+برتقاله وحده
العشاء:- 2 بيضه مسلوقه+ سلطه(خيار,خس,طماطم,جزر,فلفل اخضر)+توست واحد +برتقاله
Post: #63 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-02-2013, 09:07 AM Parent: #1
Quote:
Mohamed Hassen Abdallah سلامات
يا زول الـحـمد لله علـى الصّـحّة والعافية لكن إنت فعلاً عاوز ليك 20 كيلو تانية بس طوّالـي تقع الطّيّبات أصلك ما تقصّر
تقديـري
Post: #66 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: الشاذلى خيرى عبد الله Date: 07-02-2013, 09:37 AM Parent: #63
Quote: انا عملت فل مخفي وركبت تظليل برضو ما نفع معاك يابو الشوش ..قصة عجيبة الفيس بوك دا (ايك شنو نأجر ليك الباسويرد بتاعى يا أم مؤيد بدل المتابقة بالحيط ).. الشاذلي خيري . انت داير المفتش كرمبو ( استاذ ابو حسين والخال وهبة ) يعملو لي اثبات حالة ويقبضوني بالثابتة وبكرة نقعد انا ما قاصدة هو الورطني. صح ؟؟ العيال كويسين نحمد الله انا الما كويسة لانو الصيفية بدت وبرامج الطاخ طيخ بدا معاها ينوبك ثواب اعزمونا نجيكم طايرين .
ما تخافى وهبة وابوحسين ديل ما بيجو بى جاى
ـــــــــــــــــــــــــــــ
معليش يا لؤى .. بتونس بالجنبة بس متابع كويس معاك
Post: #67 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: Mohamed Abdelgaleel Date: 07-02-2013, 09:53 AM Parent: #66
Quote: نظريّة مقدرة الـجِّـمال علـى حفظ الغذاء فـي السّنام جسـم الإنسان بيعـمل بنظريّة زيّـها لو الإنسان دخل فـي حالة تـجويع لنفسه الـجّسـم بيـحس بنقص الغذاء وبيبدأ يـحتفظ بالدّهون والسُّكّريّات عشان يعيش لو الإنسان أكثـر من الأكل ( الصّحّـي ) الـجّسـم بيبدأ يتـخلّص من الـمُخزّن عشان يدّي مساحة للقادم لو القادم ما صحّـي بتتراكـم البلاوي وبتـحصل السّـمنة ولو القادم صحّـي بيُستبدل غيـر الـمفيد بالـمفي
لؤي كيف حالك ياخ
خليك من الريجيم .. عاوز أقول ليك إنتا زول مرتب شديد
لدي تجربة خطيرة عملتها قبل حوالي 17 سنة وهي توقف كامل عن أي أكل أو شراب عدا
الماء والحليب واللبن كاملي الدسم وجميع غير المطهية وفواكه + رياضة مكثفة ساعتين يومياً + ساعة سباحة
النتيجة: ما عارف نقصت كم كيلو؟ ولكن كل من يقابلني كان يقول لي أمش أكشف إنتا عيان يا زول والشيء الذي لم يعرفوه .. أن تلك الأيام كانت أكثر أيام حياتي عافية على الإطلاق ..
ولن أستطيع تكرار تلك التجربة فالموضوع كلو إرادة .. إرادة الإرادة تحقق المستحيل يا لؤي .. شكرا
Post: #99 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-03-2013, 10:42 AM Parent: #67
Quote: لؤي كيف حالك ياخ
خليك من الريجيم .. عاوز أقول ليك إنتا زول مرتب شديد
لدي تجربة خطيرة عملتها قبل حوالي 17 سنة وهي توقف كامل عن أي أكل أو شراب عدا
الماء والحليب واللبن كاملي الدسم وجميع غير المطهية وفواكه + رياضة مكثفة ساعتين يومياً + ساعة سباحة
النتيجة: ما عارف نقصت كم كيلو؟ ولكن كل من يقابلني كان يقول لي أمش أكشف إنتا عيان يا زول والشيء الذي لم يعرفوه .. أن تلك الأيام كانت أكثر أيام حياتي عافية على الإطلاق ..
ولن أستطيع تكرار تلك التجربة فالموضوع كلو إرادة .. إرادة الإرادة تحقق المستحيل يا لؤي .. شكرا
مـحـمّد عبد الـجّليـل سلامات أتـمنّـى تكون بـخيـر
الله يدّيك الصّـحّة والعافية ياخـي ويـملاك إرادة وقُدرة وعارف ؟ الـحصل معاك دا هو الـحاصل معاي طيلة الأسابيع الـماضية كُلّـما يلاقينـي زول يقول لـي إنت عيّان ؟ وتـماماً زي ما قلت الـحـمد لله أنا علـى العكس حاسس بكُلّ العافية والصّـحة بدنيّة ونفسيّة
وُدّي
Post: #98 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-03-2013, 10:21 AM Parent: #66
Post: #100 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-04-2013, 07:20 AM Parent: #1
Post: #101 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-07-2013, 08:28 AM Parent: #1
Post: #104 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: أبوالزفت Date: 07-09-2013, 03:02 PM Parent: #101
النوم اربعة ساعات علي الاقل بعد العشاء وقبل صلاة الفجر في عتمة اقاف: تناول السكر المشروبات الغازية الخبز بجمع انواعة (الاكل بالملعقة) المشي كل يوم لمدة ساعة النتيجة: نزول بطئ في الوزن من 90 كيلو ال 75 في ثلاث اشهر
Post: #105 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: شهاب الفاتح عثمان Date: 07-10-2013, 06:00 AM Parent: #104
Quote: لؤي كيف حالك ياخ
خليك من الريجيم .. عاوز أقول ليك إنتا زول مرتب شديد
2
يا ابو وردي بوست رائع وهادف وواعي وصحي .. ومتابعة من اول يوم .. كنت بدائت رجيم قلصت فيه 10 كيلو في شهرين كان ذلك من شهر ونصف تقريبا
اهم ما في الريجيم ما ذكرته , وهي ذات الخلطة للتسمين بعكسها طبعا , دخلت باب لتسمين اصطاف معنا في عيادة في السودان فتحول الي يوم كامل كل اسبوع من بقية السكان , فالدعاية هنا واضحة المعالم :),اقل مجهود ونتائج فعالة الحكاية وعي اولا اكثر من كمية ما تاكل ..
الريجيم بدائته والحمدلله وكنت اكل وبكثرة, و فقط بوعي ولا شيء بعد 7 مساء الا قطعة خضار او فاكهه ابتعدت عن السكر الابيض واخذت بدائلة من زمن , وابتعدت عن المياه الغازية قدر ما استطيع , العصير حبابه
السعرات الحرارية عالية حسب الترتيب التالي في الاتي: اعلى القائمة الزيوت بانواعها , ويتبعها زيت السمسم والطحنية النشويات والسكريات اللحوم بدرجاتها كما تفضلت اعلاه ومهمة للبروتين الحيواني , النباتي من البقوليات عدس فول فاصوليا .. الخ الفاكهه والخضار اقل في السعرات الحرارية اعلا في الفيتامينات وعموما سكر الفاكهه سكر ثنائي فركتوز لا خطر كبيرمنه مقارنة مع سكر المائدة سكر سداسي الرائع بلا سعرات والهام الماء
الرياضة مهمة خاصة لاكساب الجسم حجمة ,
ماذا تتبع من نظام بعدها سينجح ما دام العزيمة موجودة والخلطة اعلاه في راسك , بالتوفيق لكل مجتهد .. القاعدة قلل السعرات الحرارية وزيد الاستهلاك بالمشي والرياضة المتوازنة تجد الرجييم ناجح ..
وللباحثين عن زيادة الوزن تاكد من الخلو من الامراض ديدان معوية وخلافة اولا زد من كمية المتناول حسب القائمة اعلاه , اذا لم تكن هناك رغبة في الاكل يمكن الاستعانة بملتي فيتامين اي ماركة جيدة حبة يوميا لمدة شهر , بعدها مرة يوم بعد عند نجاح الريجييم , تساعد في فنح الشهية .. العب رياضة متوازنة ايضا فلانريد شحوم بل عضل .. لا تستخدم الا اشياء صحية ومعروفة , مثلا كل الفول ذات كميتك لكن زد زيت السمسم به , وعند السبع تناول لقمتين ثلاثة اضافية ستصنع فرق الطحنية والخلطات السودانية كخلطها بالمديدو والعسل وخلافة خامات محلية سريعة الانتاج لا تتجاوز وزنك المثالي ابدا .. فالعالم كله ساعي خلف الصحة والرشاقة .. وبالتوفيق ..
المحافظة للطرفين بعد ذلك تحتاج الوعي والتوازن .. وهي الاصعب طبعا .. ابو وردي وضيوفه الكرام ياغاليين رمضان كريم .. وسعيد بنجاح رجيمكم وحافظوا عليه , وسبحان كان في ذات فترتي ايضا وبدون اتفاق :) تصومو وتفطرو على خير .. تحياتي
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
Post: #107 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: شهاب الفاتح عثمان Date: 07-13-2013, 11:08 AM Parent: #105
Quote: وسعيد بنجاح رجيمكم وحافظوا عليه , وسبحان كان في ذات فترتي ايضا وبدون اتفاق :) تصومو وتفطرو على خير .. تحياتي
Post: #109 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-15-2013, 10:17 AM Parent: #107
Quote:
Quote: وسعيد بنجاح رجيمكم وحافظوا عليه , وسبحان كان في ذات فترتي ايضا وبدون اتفاق :) تصومو وتفطرو على خير .. تحياتي
يا دكتـور سلامات
معليـش مع لـخـمة رمضان إتأخّرت عليك فـي الرّد يادوب استعدلنا
مودّتـي
Post: #108 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-13-2013, 03:39 PM Parent: #105
Quote:
2
يا ابو وردي بوست رائع وهادف وواعي وصحي .. ومتابعة من اول يوم .. كنت بدائت رجيم قلصت فيه 10 كيلو في شهرين كان ذلك من شهر ونصف تقريبا
اهم ما في الريجيم ما ذكرته , وهي ذات الخلطة للتسمين بعكسها طبعا , دخلت باب لتسمين اصطاف معنا في عيادة في السودان فتحول الي يوم كامل كل اسبوع من بقية السكان , فالدعاية هنا واضحة المعالم :),اقل مجهود ونتائج فعالة الحكاية وعي اولا اكثر من كمية ما تاكل ..
الريجيم بدائته والحمدلله وكنت اكل وبكثرة, و فقط بوعي ولا شيء بعد 7 مساء الا قطعة خضار او فاكهه ابتعدت عن السكر الابيض واخذت بدائلة من زمن , وابتعدت عن المياه الغازية قدر ما استطيع , العصير حبابه
السعرات الحرارية عالية حسب الترتيب التالي في الاتي: اعلى القائمة الزيوت بانواعها , ويتبعها زيت السمسم والطحنية النشويات والسكريات اللحوم بدرجاتها كما تفضلت اعلاه ومهمة للبروتين الحيواني , النباتي من البقوليات عدس فول فاصوليا .. الخ الفاكهه والخضار اقل في السعرات الحرارية اعلا في الفيتامينات وعموما سكر الفاكهه سكر ثنائي فركتوز لا خطر كبيرمنه مقارنة مع سكر المائدة سكر سداسي الرائع بلا سعرات والهام الماء
الرياضة مهمة خاصة لاكساب الجسم حجمة ,
ماذا تتبع من نظام بعدها سينجح ما دام العزيمة موجودة والخلطة اعلاه في راسك , بالتوفيق لكل مجتهد .. القاعدة قلل السعرات الحرارية وزيد الاستهلاك بالمشي والرياضة المتوازنة تجد الرجييم ناجح ..
وللباحثين عن زيادة الوزن تاكد من الخلو من الامراض ديدان معوية وخلافة اولا زد من كمية المتناول حسب القائمة اعلاه , اذا لم تكن هناك رغبة في الاكل يمكن الاستعانة بملتي فيتامين اي ماركة جيدة حبة يوميا لمدة شهر , بعدها مرة يوم بعد عند نجاح الريجييم , تساعد في فنح الشهية .. العب رياضة متوازنة ايضا فلانريد شحوم بل عضل .. لا تستخدم الا اشياء صحية ومعروفة , مثلا كل الفول ذات كميتك لكن زد زيت السمسم به , وعند السبع تناول لقمتين ثلاثة اضافية ستصنع فرق الطحنية والخلطات السودانية كخلطها بالمديدو والعسل وخلافة خامات محلية سريعة الانتاج لا تتجاوز وزنك المثالي ابدا .. فالعالم كله ساعي خلف الصحة والرشاقة .. وبالتوفيق ..
المحافظة للطرفين بعد ذلك تحتاج الوعي والتوازن .. وهي الاصعب طبعا .. ابو وردي وضيوفه الكرام ياغاليين رمضان كريم .. وسعيد بنجاح رجيمكم وحافظوا عليه , وسبحان كان في ذات فترتي ايضا وبدون اتفاق :) تصومو وتفطرو على خير
ولقيتك شغال معانا ريـجيـم بتوارد الـخواطر يا زول دا كلام تـمام الأكل الصّحّـي دا ما فـي زيّو وهسّا مع رمضان دا الـمـشـي كـمان برنامج ثابت كلامك طبعاً سليـم وعلـمـي ولا يُفتـى ودكتـور شهاب فـي الـمدينة وأنا شغال زيّك عصائر طبيعيّة وبس قريب فروت وبرتقال وسلطة فواكه وحاربت الدّهون والسُّكّريّات والرّغيف الأبيض والـحـمد لله مع برنامج الـهرولة اليومـي نتـمنّـى نصل للـمفيد
مـحبّتـي
Post: #106 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-12-2013, 06:04 PM Parent: #104
Quote: النوم اربعة ساعات علي الاقل بعد العشاء وقبل صلاة الفجر في عتمة اقاف: تناول السكر المشروبات الغازية الخبز بجمع انواعة (الاكل بالملعقة) المشي كل يوم لمدة ساعة النتيجة: نزول بطئ في الوزن من 90 كيلو ال 75 في ثلاث اشهر
أبو الزّفت رمضان كريـم
4 ساعات دي ذاتـها شويّة ولو أدّيناها دفرة بـخضار وفاكـهة بتبقـى 100%
تقديـري
Post: #110 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: شهاب الفاتح عثمان Date: 07-17-2013, 08:54 PM Parent: #106
Quote: 4 ساعات دي ذاتـها شويّة ولو أدّيناها دفرة بـخضار وفاكـهة بتبقـى 100%
قلة فقط تستطيع النوم 4 ساعات يوميا او اقل بدون حدوث مضاعفات!!
قلة النوم عادة تاتي يالتوتر و التشنج و تساعد على زيادة الوزن اكثر من قلته وقد يصل الامر الي انهيار عصبي السكر والضغط وامراض القلب ..
النوم في حدود 7 الي 8 ساعات هو الاسلم حتى اذا عبر مرحلتين خلال اليوم .. مفهوم ان النوم يقل مع تقدم العمر .. 4 قليلة جدا حبابك
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
Post: #111 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-18-2013, 09:33 PM Parent: #110
Quote: قلة فقط تستطيع النوم 4 ساعات يوميا او اقل بدون حدوث مضاعفات!!
قلة النوم عادة تاتي يالتوتر و التشنج و تساعد على زيادة الوزن اكثر من قلته وقد يصل الامر الي انهيار عصبي السكر والضغط وامراض القلب ..
النوم في حدود 7 الي 8 ساعات هو الاسلم حتى اذا عبر مرحلتين خلال اليوم .. مفهوم ان النوم يقل مع تقدم العمر .. 4 قليلة جدا
يا دكتـور حبابك
أنا شـخصيّاً بتعب جدّاً جدّاً من النّوم الـما كافـي وبـحتاج علـى الأقل 7 ساعات عشان أحس إنّـي مرتاح النّوم القليـل بيضعف مقاومتـي بسرعة وطوّالـي بكون عرضة لفايروس الإنفلونزا لو ما نـمت كويّس وطبعاً نـحن تقدّم عـمر ما عندنا ههههههههه
مودّتـي
Post: #113 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: Awad Daoud Date: 07-18-2013, 11:53 PM Parent: #111
الأخ / لؤي رمضان كريم - كلنا نعاني من زيادة الوزن بسبب عدم الحركة لوجودنا في الخليج -بس الواحد لو التزم ببرنامج صارم يمكن أن يفقد جزء من وزنه ( يعني البعد من الأبيضين -السكر و الملح وأضيف الزيوت والدهون)
Post: #114 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-19-2013, 11:36 AM Parent: #113
Quote: الأخ / لؤي رمضان كريم - كلنا نعاني من زيادة الوزن بسبب عدم الحركة لوجودنا في الخليج -بس الواحد لو التزم ببرنامج صارم يمكن أن يفقد جزء من وزنه ( يعني البعد من الأبيضين -السكر و الملح وأضيف الزيوت والدهون)
أخـي عوض الله أكرم وتصوم وتفطر علـى خيـر
دي حقيقة بس طريقة تفكيـرنا لازم تتغيّـر الصّـحّة دي ما فـي زيّـها وأتّفق معاك بـخصوص الأبيضيـن والدّهون
تقديـري
Post: #115 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: Haytham Abdulaziz Date: 07-20-2013, 09:52 PM Parent: #114
صديقي لؤي و ضيوف البوست الأفاضل رمضان كريم عليكم..... هاكم الرجيم دا لمن أجيكم بي رواقة..... الداير الوصفة دي يرفع يدو.....
Post: #116 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 07-21-2013, 11:14 AM Parent: #115
Quote:
صديقي لؤي و ضيوف البوست الأفاضل رمضان كريم عليكم..... هاكم الرجيم دا لمن أجيكم بي رواقة..... الداير الوصفة دي يرفع يدو.....
والله دي قلبتَ فيـها الـهوبة أهنّيك بـحرارة وياريت تفيـد النّاس بالوصفة
معزّتـي
Post: #117 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: Haytham Abdulaziz Date: 08-01-2013, 10:49 PM Parent: #116
حبيبنا لؤي آسف للتأخير و تعرف وقت رمضان ضيق......
البداية كانت لابد منها و هي كانت تجربة....تجربة....تجربة ..... صعيبة جد (مع الإعتذار للأغنية).... فهذه كانت حالتي الصحية قبل الرجيم......
* الوزن قبل الرجيم كان 103 كيلو جرام و كان ذلك في يوم 11/01/2011..... * صداع كل يومين أو ثلاث و بندول كل يوم أربع حبات و ما بسوي شئ..... * تصحى من النوم تعبان و عاوز تنوم تاني.... * شخيييييير موباااالغــــــــــة...... * إرتجاع مريئي..... * إلتهاب الجيوب الأنفية.... * قيام النفَس في أقل جهد يُبزل.... __________________
Quote: معلومات عن الإرتجاع المرئي :- أولا ً : ماهو ارتجاع حامض المعده للمرىء؟ Gastro-esophageal reflux من المعروف ان إتجاه حركة محتويات القناة الهضمية هو من أعلى الى اسفل إى من المرىء الى المعدة ومنها الى الامعاء ومن الطبيعى أن يحدث على فترات متباعدة عودة جزء من حامض المعدة الى المرىء وهو غير مؤذى طالما الكمية قليلة ولكن اذا زادت الكمية وحدث على فترات متقاربة فانها تسبب التهابا ًوتآكُلا ً فى الغشاء المخاطى المبطن للمرىء.... الأسباب : ضعف صمام اسفل المرىء , فتح الحجاب الحاجز , السمنة , إمتلاء المعدة وبطء تفريغها فى الامعاء . الأعراض : الإحساس بالحموضة , طعم مُر فى الفم , الآم فى الصدر تشبه الآم الذبحة الصدرية . المضاعفات المحتملة : تقرح المرىء , فقر دم نتيجة نزيف قرح المرىء وصعوبة فى البلع , التهاب الحنجرة والشُعب الهوائية . العلاج : نقص الوزن لدى البدناء وتفادى الوجبات الدسمة والتدخين وينصح بتناول العشاء قبل النوم بمدة لاتقل عن ثلاث ساعات .
و هذا ما كنت أعاني منه بالظبط ......
و عليه، فقد نصحني الطبيب أولاً بإنقاص وزني قبل كل شئ.... و ممارسة الرياضة بشكل يومي..... فكانت المرحلة الأولى لي صعبة للغاية غير محتملة لكن الحمدلله إجتزتها..... ثانياً بعض الفحوصات العامة تأكد بأنني أعاني من جيوب أنفية ولابد من عملية... فقد كان... عملت العملية يوم 30/03/2011 وقتها كان وزني وصل إلى 93 كيلو جرام...... تحيــاتــــي...... ________________ سوف أعود إن أمد الله في الآجال.....
Post: #118 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: الصادق يحيى عبدالله Date: 08-02-2013, 12:18 PM Parent: #117
شكرا لؤي على هذا المجهود التعليمي المفيد، و متابعين.
Post: #119 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: الطيب بشير Date: 08-02-2013, 02:42 PM Parent: #118
. مرحبتين لؤي و ضيوفو
أنا مدين لك بعشرة كيلو فقدتها بعد البوســـت...و أربعة كيلو قبله شالتها مشاوير الخرطوم الكداري
إستبعدت السكر و الرغيف الأبيض و الدهون و المياه الغازية(نهائي)...
متحملآ سخرية الأصحاب، من شاكلة كبرتوا خلاص و ما إليه، و مفضلآ الإعتذار الشديد على المجاملة
الجديد في طريقتي أنني لا أسهر في رمضان، بالتالي ..لا عــشــاء....البتة...و لا ســـحور
فقط آكــل لحظة الإفطار...و أنام بعد الحادية عشرة قبل أن أشعر بالجوع
أمارس المشي بكثافة...البارح من موقف شروني لحدي كبري أم درمان!!
و عادي من جامعة الخرطوم لجامعة النيلين بالمقرن...عادي..
و النتيجة فقدان أربعة عشر كيلو في واحد و ستين يوم بالتحديد
من يوم نزولي السودان و حتى كتابة هذا الرد
أنا الآن على (بعد) ستة كيلو من هدفي...
تقديري لك و لكل من أسهم في البوســــت .
Post: #120 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: عمر نملة Date: 08-02-2013, 05:01 PM Parent: #119
سلام لؤي وضيوفه خواتم مباركه لمزيد من الفائده في برنامج غير مكلف وينفع للناس المشغوله you are on your own gym
Post: #121 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: علاء الدين عبدالوهاب Date: 08-02-2013, 10:03 PM Parent: #120
تشكر الاخ لؤي علي مشاركتنا مجهودك الرائع والمقدر وتجربتك مع رحلة إنقاص الوزن عندي تجربة حبيت اشاركم فيها وهي بالطيع قد لا تصلح للباقيين (شفاكم الله ) ؛؛ لكن مجرد القاء الضوء على تبعاتها قد يكون مفيد ؛؛ اكتساب الوزن بداء عندي في السنتين الاخيرات حيث اذداد وزني من 72 الي 93 أنشغلت ببرنامج رياضي كثيف ولكن معدل النزول كان يتراوح بين 2 الي 3 كيلو ؛؛ وما ان اتوقف عن الرياضة حتى اعاود اكتساب الوزن من جديد؛؛ يقولون رب ضارة نافعة ؛؛ في الاسبوع الاول من رمضان شكيت من الم في البطن واظهرت التحليلات الاوليه انو اعاني من تقرح في المعدة ؛؛ مع نصائح الطبيبب بتقليل كميات الاكل وزيادة معدل الوجبات من وجبتين الي خمسة وجبات في اليوم شرط ان تكون وجبات خفيفة تخلو من الدهون والتوابل ؛؛ شعرت بخسارة بعض الوزن اخر زيارة للطبيب لقيت وزني نقص حتى 81 كيلو ؛؛ اي بنقصان 12 كيلو ؛؛ المستفاد من السطور اعلاه ؛؛ انو من اهم برامج الرجيم او انقاص الوزن زيادة عدد الوجبات في اليوم الواحد شرط ان تكون وجبة خفيفة مثلا: وبما انو نحن في رمضان بلح و بطيخ او شمام بعد الآذان؛؛ خمسة الي سته ملاعق من العصيدة سواء بتقلية او نعيمية بعد الصلاة؛؛ سلطة خضار مع زبادي بعد ساعتين ؛؛اي بعد التراويح ز تفاحه او بطيخ او شمام ؛؛ منتصف الليل تماما . السحور سلطة حمراء مع جبنه بالاضافة لي كوب حليب او كوب عصير مع سكر (ما بتفرق كتير اكون عصير مسكر) طبعا دا كلو مع الاكثار من شراب الموية بكميات كبيرة (حتى بدون عطش) أسال الله ان يشفي الجميع ومشكور
Post: #127 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 08-04-2013, 08:07 AM Parent: #121
Quote: تشكر الاخ لؤي علي مشاركتنا مجهودك الرائع والمقدر وتجربتك مع رحلة إنقاص الوزن عندي تجربة حبيت اشاركم فيها وهي بالطيع قد لا تصلح للباقيين (شفاكم الله ) ؛؛ لكن مجرد القاء الضوء على تبعاتها قد يكون مفيد ؛؛ اكتساب الوزن بداء عندي في السنتين الاخيرات حيث اذداد وزني من 72 الي 93 أنشغلت ببرنامج رياضي كثيف ولكن معدل النزول كان يتراوح بين 2 الي 3 كيلو ؛؛ وما ان اتوقف عن الرياضة حتى اعاود اكتساب الوزن من جديد؛؛ يقولون رب ضارة نافعة ؛؛ في الاسبوع الاول من رمضان شكيت من الم في البطن واظهرت التحليلات الاوليه انو اعاني من تقرح في المعدة ؛؛ مع نصائح الطبيبب بتقليل كميات الاكل وزيادة معدل الوجبات من وجبتين الي خمسة وجبات في اليوم شرط ان تكون وجبات خفيفة تخلو من الدهون والتوابل ؛؛ شعرت بخسارة بعض الوزن اخر زيارة للطبيب لقيت وزني نقص حتى 81 كيلو ؛؛ اي بنقصان 12 كيلو ؛؛ المستفاد من السطور اعلاه ؛؛ انو من اهم برامج الرجيم او انقاص الوزن زيادة عدد الوجبات في اليوم الواحد شرط ان تكون وجبة خفيفة مثلا: وبما انو نحن في رمضان بلح و بطيخ او شمام بعد الآذان؛؛ خمسة الي سته ملاعق من العصيدة سواء بتقلية او نعيمية بعد الصلاة؛؛ سلطة خضار مع زبادي بعد ساعتين ؛؛اي بعد التراويح ز تفاحه او بطيخ او شمام ؛؛ منتصف الليل تماما . السحور سلطة حمراء مع جبنه بالاضافة لي كوب حليب او كوب عصير مع سكر (ما بتفرق كتير اكون عصير مسكر) طبعا دا كلو مع الاكثار من شراب الموية بكميات كبيرة (حتى بدون عطش) أسال الله ان يشفي الجميع ومشكور
الأخ علاء الدّيـن صباح الـخيـر وكُلّ عام وأنتـم بـخيـر
لا شكر علـى واجب يا عزيـزي وأشكرك بدوري علـى مشاركتك الـمفيدة أتّفق معك بـخصوص زيادة الوجبات وتقليـل كمّيّات الطّعام فيـها وكذلك بـخصوص الشّـمّام والبطّيخ ديـل برنامـج يومـي عندي أنا فـي رمضان العصيـدة أنا مـحاربـها تـماماً والـموية طبعاً سِت الكُل ونسأل الله لك الشّفاء والصّـحّة والعافية
تقديـري ووُدّي
Post: #125 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 08-03-2013, 10:08 AM Parent: #120
Quote: سلام لؤي وضيوفه خواتم مباركه لمزيد من الفائده في برنامج غير مكلف وينفع للناس المشغوله you are on your own gym
الأخ عـمر نـملة سلامات وكُلّ عام وأنتـم بـخيـر
سـمعت عن الـتّطبيق بالأمس عبـر برنامج خواطر وسأطّلع عليه إن شاء الله
تـحاياي
Post: #124 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 08-03-2013, 09:37 AM Parent: #119
Quote: . مرحبتين لؤي و ضيوفو
أنا مدين لك بعشرة كيلو فقدتها بعد البوســـت...و أربعة كيلو قبله شالتها مشاوير الخرطوم الكداري
إستبعدت السكر و الرغيف الأبيض و الدهون و المياه الغازية(نهائي)...
متحملآ سخرية الأصحاب، من شاكلة كبرتوا خلاص و ما إليه، و مفضلآ الإعتذار الشديد على المجاملة
الجديد في طريقتي أنني لا أسهر في رمضان، بالتالي ..لا عــشــاء....البتة...و لا ســـحور
فقط آكــل لحظة الإفطار...و أنام بعد الحادية عشرة قبل أن أشعر بالجوع
أمارس المشي بكثافة...البارح من موقف شروني لحدي كبري أم درمان!!
و عادي من جامعة الخرطوم لجامعة النيلين بالمقرن...عادي..
و النتيجة فقدان أربعة عشر كيلو في واحد و ستين يوم بالتحديد
من يوم نزولي السودان و حتى كتابة هذا الرد
أنا الآن على (بعد) ستة كيلو من هدفي...
تقديري لك و لكل من أسهم في البوســــت .
أُستاذ الطّيّب سلامات
ونشدّ علـى يدك علـى هذا الإنـجاز 14 كيلو ما ساهـلة وفـي شهريـن ماشاء الله ومعاك حق السّودان دا دايت مـمتاز نسأل الله أن يـحفّنا بنعـمة الصّـحّة والعافية
مودّتـي وتقديـري
Post: #123 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 08-03-2013, 09:08 AM Parent: #118
Quote: شكرا لؤي على هذا المجهود التعليمي المفيد، و متابعين.
أخـي الصّادق سلامات وكُلّ عام وأنتـم بـخيـر
الشُّكر لك يا عزيـزي وأفادنا الله جـميعاً
لك الـتّقديـر
Post: #122 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 08-03-2013, 08:53 AM Parent: #117
Quote: حبيبنا لؤي آسف للتأخير و تعرف وقت رمضان ضيق......
البداية كانت لابد منها و هي كانت تجربة....تجربة....تجربة ..... صعيبة جد (مع الإعتذار للأغنية).... فهذه كانت حالتي الصحية قبل الرجيم......
* الوزن قبل الرجيم كان 103 كيلو جرام و كان ذلك في يوم 11/01/2011..... * صداع كل يومين أو ثلاث و بندول كل يوم أربع حبات و ما بسوي شئ..... * تصحى من النوم تعبان و عاوز تنوم تاني.... * شخيييييير موباااالغــــــــــة...... * إرتجاع مريئي..... * إلتهاب الجيوب الأنفية.... * قيام النفَس في أقل جهد يُبزل.... __________________
Quote: معلومات عن الإرتجاع المرئي :- أولا ً : ماهو ارتجاع حامض المعده للمرىء؟ Gastro-esophageal reflux من المعروف ان إتجاه حركة محتويات القناة الهضمية هو من أعلى الى اسفل إى من المرىء الى المعدة ومنها الى الامعاء ومن الطبيعى أن يحدث على فترات متباعدة عودة جزء من حامض المعدة الى المرىء وهو غير مؤذى طالما الكمية قليلة ولكن اذا زادت الكمية وحدث على فترات متقاربة فانها تسبب التهابا ًوتآكُلا ً فى الغشاء المخاطى المبطن للمرىء.... الأسباب : ضعف صمام اسفل المرىء , فتح الحجاب الحاجز , السمنة , إمتلاء المعدة وبطء تفريغها فى الامعاء . الأعراض : الإحساس بالحموضة , طعم مُر فى الفم , الآم فى الصدر تشبه الآم الذبحة الصدرية . المضاعفات المحتملة : تقرح المرىء , فقر دم نتيجة نزيف قرح المرىء وصعوبة فى البلع , التهاب الحنجرة والشُعب الهوائية . العلاج : نقص الوزن لدى البدناء وتفادى الوجبات الدسمة والتدخين وينصح بتناول العشاء قبل النوم بمدة لاتقل عن ثلاث ساعات .
و هذا ما كنت أعاني منه بالظبط ......
و عليه، فقد نصحني الطبيب أولاً بإنقاص وزني قبل كل شئ.... و ممارسة الرياضة بشكل يومي..... فكانت المرحلة الأولى لي صعبة للغاية غير محتملة لكن الحمدلله إجتزتها..... ثانياً بعض الفحوصات العامة تأكد بأنني أعاني من جيوب أنفية ولابد من عملية... فقد كان... عملت العملية يوم 30/03/2011 وقتها كان وزني وصل إلى 93 كيلو جرام...... تحيــاتــــي...... ________________ سوف أعود إن أمد الله في الآجال.....
هيثـم العزيـز صباح الـخيـر
ياخـي ألف سلامة وبرافو والله نتيـجة الدّايت ماشاء الله وياريت تورّينا برنامـجك لإنقاص الوزن
مودّتـي
Post: #126 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: ياسر منصور عثمان Date: 08-03-2013, 11:24 AM Parent: #122
ابعد من السكر والرغيف الابيض والرز والدهون والمياه الغازية
تعيش بسلام
Post: #128 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 08-04-2013, 08:24 AM Parent: #126
Quote: ابعد من السكر والرغيف الابيض والرز والدهون والمياه الغازية
تعيش بسلام
أخ ياسر سلامات وكُلّ عام وأنتـم بـخيـر
بالفعل خيـر الكلام ما قلّ ودلّ وإضافة صغيـرة لكلامك كتّـر من الـموية والـخضار والفواكه والـحركة
تـحاياي
Post: #129 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: صبري طه Date: 08-14-2013, 06:40 PM Parent: #128
تحياتي أخي لؤي .. وكل عام وأنتم بخير ...
Post: #130 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: عبد الدائم سيد أحمد Date: 08-15-2013, 08:26 AM Parent: #129
كل سنة وانت طيب يا ابو اللول
اخوك خارج الشبكة ليهو زمن
بس متابع من بره بره
Quote: والـحركة
فيها البركة ... بدينا نجــــك فى ميدان ايكيا كان الرطوبة خلتنا ...
Post: #132 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 08-17-2013, 12:04 PM Parent: #130
Quote:
كل سنة وانت طيب يا ابو اللول
اخوك خارج الشبكة ليهو زمن
بس متابع من بره بره
Quote: والـحركة
فيها البركة ... بدينا نجــــك فى ميدان ايكيا كان الرطوبة خلتنا ...
سلامات يا عبده وكُلّ عام وأنتـم بـخيـر
والله كُلّنا خارج الشّبكة بقينا الرّطوبة دي ذاتـها حارق دهون واصل إنت بس
تـحاياي للأُسرة
Post: #131 Title: Re: 15 كيلو في شهر ونصف .. ريجيم بأسرع الوسائل .. تجربة شخصيّة Author: لؤى Date: 08-15-2013, 08:18 PM Parent: #129
.jpg)
