Post: #1
Title: يا تلفزيون يا ..(أخطاء وطرائف القنوات الفضائية السودانية )
Author: جمال السنوسي
Date: 04-30-2013, 08:31 AM
لا أعتقد أنني الوحيد الذي شاهد وسمع
ولكن الكثير منا شاهدوا وسمعوا الكثير من الطرائف الغريبة والمواقف والجمل الخاطئة في القنوات التلفزيونية السودانية الفضائية
وهذا البوست مخصص لعرض تلك المواقف والطرائف في كل ما تقدمه القنوات الفضائية السودانية من
برامج لقاءات أعلانات وحتى التصوير والاغاني وخلافه
وبالتأكيد هناك الكثير المثير
|
Post: #2
Title: Re: يا تلفزيون يا ..(أخطاء وطرائف القنوات الفضائية السودانية )
Author: جمال السنوسي
Date: 04-30-2013, 08:54 AM
Parent: #1
امبارح دي قناة امدرمان
قدمت برنامج اسمه توقيعات
الموضوع كان عما يحدث في بيت البكا وانشغال المعزين بامور الدنيا
لستطلاعات مع الجمهور لنقد هذه التصرفات
واحد من الجمهور قال
الناس ما بتشتغل بالعزاء خالص
بس نسأل الله أن يغرف للمرحوم
..............
ما عرفنا يغرف ليهو شنو وكم غرفة
|
Post: #3
Title: Re: يا تلفزيون يا ..(أخطاء وطرائف القنوات الفضائية السودانية )
Author: فتح العليم دفع الله
Date: 04-30-2013, 09:39 AM
Parent: #2
طبعا الخطأ وارد، فالإنسان يخطي ويصيب.
الأسواء في الأخطأ بالتلفزيون أن يتم إعادة البرنامج بالخطأ نفسه أعادة وإعادتين ولا ينتبه أحد ولا يعتذر من بعد.
المؤمن مرأة أخيه ... أرسلوا لنا أخطأ الشروق خصوصا الفنية منها قبل الإعادات ونكون لكم من الشاكرين.
|
Post: #9
Title: Re: يا تلفزيون يا ..(أخطاء وطرائف القنوات الفضائية السودانية )
Author: جمال السنوسي
Date: 05-02-2013, 07:04 AM
Parent: #3
| Quote: أرسلوا لنا أخطأ الشروق خصوصا الفنية منها قبل الإعادات ونكون لكم من الشاكرين. |
فتح العليم تحياتي
تابعنا تجد ما يسرك
|
Post: #4
Title: Re: يا تلفزيون يا ..(أخطاء وطرائف القنوات الفضائية السودانية )
Author: جمال السنوسي
Date: 04-30-2013, 09:42 AM
Parent: #2
إعلان منتزه الباسقات في النيل الأزرق
في الإعلان جمع كلمة تخريج تخاريج
يعني جمع تكسير التكسير ذاتو
نتخارج كيف ما عرفنا
|
Post: #5
Title: Re: يا تلفزيون يا ..(أخطاء وطرائف القنوات الفضائية السودانية )
Author: مجاهد نايل
Date: 04-30-2013, 09:51 AM
Parent: #4
البرير كان منفعل و متضايق في اللقاء بتاعو على قناة قون
و التلفونات تلخم ..
قام قال : أنا جيت الرياسة منتخب ما جيت الرياسة راكب دبابة ..و .. و هناي
و قام اكل باقي الكلام و عيونو بقت قدر الضربه
........
المونتاج ما لحق يعملا ربابه
|
Post: #6
Title: Re: يا تلفزيون يا ..(أخطاء وطرائف القنوات الفضائية السودانية )
Author: garjah
Date: 04-30-2013, 11:29 AM
Parent: #5
شكرا جمال السنوسي
القناة المفضلة قناة امدرمان وبرنامجي المفضل صالة تحرير
ويوم الجمعة بتابع الوجيه محمد يوسف طبعا بضحك على غزل المتصلات الواضح للولد الحليو
ومحمد يوسف بلباقته وذكائه يزوغ منهن لتتصل اخرى
وهكذا دواليك
|
Post: #7
Title: Re: يا تلفزيون يا ..(أخطاء وطرائف القنوات الفضائية السودانية )
Author: عبداللطيف شريف على
Date: 04-30-2013, 03:33 PM
Parent: #6
الاخ جمال السنوسى
لك التحية ..
امدرمان
قناة محبوبة ومهضومة ...
اليوم عصرا (بتوقيت السعودية) برنامج عن نيالا ونهضتها ...
قال التقرير: بنت الحكومة فيها مبانى جديدة مثل مبنى الولاية ...!!
ومبنى مجلس الشعب ...!!!
ومبنى الموتمر الوطنى ....!!!!!
امتلك الموتمر الوطنى البلاد واصبح هو الحكومة (الدولة) وعجبى منهم .....!!!!
|
Post: #8
Title: Re: يا تلفزيون يا ..(أخطاء وطرائف القنوات الفضائية السودانية )
Author: أحمد محمد موسى
Date: 04-30-2013, 03:53 PM
Parent: #7
|
Post: #10
Title: Re: يا تلفزيون يا ..(أخطاء وطرائف القنوات الفضائية السودانية )
Author: ياسر منصور عثمان
Date: 05-02-2013, 07:39 AM
Parent: #8
مذيع قناة النيل الازرق ...في تقديم لبرنامج عن الاستقلال...شابكنا ليك ..
نحـن أبنـاؤكِ فـي الفـرح الجميـل
نحـن أبنـاؤكِ فـي الحُـزن النبيـل
سنغني لك يا وطني كما غنى الخليـل
مثـلـمـا (صدحت) مـهـيــرة
تُلهـم الأجيـال جيـل بعـد جـيـل
ونغني لحريق المَكِ في قلـب الدخيـل
لـــلــــجــــســــارة حينما (مات) في مدفعـه عبدالفضيـل
.
.صدحت ومات ..مرة واحدة ...
والعجيبة القعدة بالجنبة..نظام مثقف وكده..
|
Post: #11
Title: Re: يا تلفزيون يا ..(أخطاء وطرائف القنوات الفضائية السودانية )
Author: ياسر منصور عثمان
Date: 05-02-2013, 07:41 AM
Parent: #10
وفي حاجة تانية شايف بقت عادية خالص خالص..وهي قولهن (لأنها دائماً ما تأتي من مقدمات البرامج)..
نحي فلان الفلاني
وفلان الفلاني ده بكون مات وشبع موت..
|
Post: #12
Title: Re: يا تلفزيون يا ..(أخطاء وطرائف القنوات الفضائية السودانية )
Author: جمال السنوسي
Date: 05-02-2013, 08:57 AM
Parent: #11
برضو في برنامج استضاف اتنين موظفين كده في الحكومة
( شكلهم وطني)
وهما من شرق السودان
اتحدثوا بإسهاب عن القهوة في شرق السودان
صناعتها
تحضيرها
مرافقاتها
ما خلو حاجة ما وصفوها في القهوة
في نهاية البرنامج
المذيعة سالت الأتنين عن طعم ومذاق القهوة
الاول قال أنا ما بشربها لاني عندي قولون
والتاني قال انا إتولدت نشأت في الخرطوم وما حصل مشيت الشرق
طيب انتو ببتكلموا عن شنو
وزي ما قال الجابري الله يرحمه ( جني وجن الزول البفتي في الشي وهو ما ضاقو)
|
Post: #13
Title: Re: يا تلفزيون يا ..(أخطاء وطرائف القنوات الفضائية السودانية )
Author: عبد الباقي الجيلي
Date: 05-02-2013, 10:10 AM
Parent: #12
تحياتي جمال ......
أتوقع أن يكون بوستاً دسماً
الأخطاء أكثر من أن تحصى .....
*****************************************
لكن قبل بضع سنين .. وأنا أطالع رسائل الإس إم إس على الشريط
قرأت رسالة لفتاة معجبة بفرفور .... تقول والعياذ بالله ..... أنها تعبده بعد الله مباشرة؟؟؟؟
*********************************
مذيعة تقول : مارتن لوثر كنج ...... مؤسس حركة الإصلاح الديني!!!!!!!!!!!!!
******************************************
|
Post: #14
Title: Re: يا تلفزيون يا ..(أخطاء وطرائف القنوات الفضائية السودانية )
Author: Mahmoud Mustafa Mahmoud
Date: 05-02-2013, 01:13 PM
Parent: #13
قالوا يا جيمي...في جنازة فنان كبير - الله يرحمه..
فريق عمل إحدى تلفزيوناتنا الكتيرة دي ما شاء الله..
عامل فيها حزين ...وفي المقابر..ووسط المشيعين..
يعني نظام الولد عايز يعمل تغطية رهيبة للرحيل والفراق المر..
يفتش على زملاء الفقيد حتى يتصيد منهم عبارات العزاء للشعب المكلوم..وكدا..
لسوء حظه..وقع اختياره على فنان لئيم جداً...
طوالي دخل معاهو في الحوار...
- ومن بين المشيعيين أعزائي المشاهدين وجدنا أحد رفاق الدرب وتبدو عليه علامات التأثر والحزن على الفقيد..
(سعداء جداً ) يكون معانا الأستاذ..............ويكلمنا عن هذه اللحظات الرهيبة...
- إنت يا ولدي قريت شنو؟؟ دي حتة بتاعة سعداء جداً؟؟ أما قلة حياء فارغة..
.. طبعاً كتر خير المونتاج...
..
.
|
Post: #15
Title: Re: يا تلفزيون يا ..(أخطاء وطرائف القنوات الفضائية السودانية )
Author: Mohamed Redman
Date: 05-02-2013, 03:59 PM
Parent: #1
|
Post: #16
Title: Re: يا تلفزيون يا ..(أخطاء وطرائف القنوات الفضائية السودانية )
Author: جمال السنوسي
Date: 05-12-2013, 11:46 AM
Parent: #15
Quote: Mohammed Elsheikh
i wiil come to you Gamal after solving my Arabic key bord problem[/QUOTE
منتظرنك يا محمد الشيخ]
|
Post: #17
Title: Re: يا تلفزيون يا ..(أخطاء وطرائف القنوات الفضائية السودانية )
Author: م. سيد احمد قدورة
Date: 07-02-2013, 08:37 AM
Parent: #16
مذيعة قناة النيل الازرق فى لقاءها مع الفريق طيار الفاتح عروه
قالت موباتل بدلا من موبيتل
فما الفرق بين المذيعه وو
هى الحكايه بياض بشره بس
|
Post: #18
Title: Re: يا تلفزيون يا ..(أخطاء وطرائف القنوات الفضائية السودانية )
Author: مهدي صلاح
Date: 07-02-2013, 09:26 AM
Parent: #17
والكبكبة التي تعتري من تصوّب عليه الكاميرا من الحضور في البرامج الجماهيرية
وقبل ما يكمّل كبكبتو الكاميرا تتحرك منو
|
Post: #19
Title: Re: يا تلفزيون يا ..(أخطاء وطرائف القنوات الفضائية السودانية )
Author: م. سيد احمد قدورة
Date: 07-02-2013, 11:33 AM
Parent: #18
مذيعاتنا مالن كلهم بقو صففففففففر
عاوزين مذيعه سمراء يا مدير التلفزيون
حتى لو تجيبا لينا من جنوب افريقيا لو هنا عدم
|
Post: #20
Title: Re: يا تلفزيون يا ..(أخطاء وطرائف القنوات الفضائية السودانية )
Author: aosman
Date: 07-02-2013, 12:31 PM
Parent: #19
أكتر حاجة بتضايقني في قناة النيل الأرزق, يجيبوا دعاية لبرنامج ما ويكتبوا قريبا .... طيب هم لمن ما قادرين يحددوا زمن البرنامج ليه بجيبوا دعايته ما ينتظروا لحدي ما يحددوا المواعيد؟ أنا غايتو الحركة دي ما شفتها إلا في قناة النيل الأزرق.
الشروق مرت من هنا فيها كمية من الأخطاء وبعدها ترتقي لقلة الأدب ولو في رقابة صحيحة مفرضو يتم محاسبتها. مثلا حكاية الإسبتالية بي وين؟ خشوا بي هنا؟ اللبيب بالإشارة يفهم
|
Post: #21
Title: Re: يا تلفزيون يا ..(أخطاء وطرائف القنوات الفضائية السودانية )
Author: أسامه الكرور
Date: 07-02-2013, 04:32 PM
Parent: #20
تحياتى صاحب البوست وضيوفه
فى قناة زول ( الله يرحمها) برنامج عن شعراء الأغنيه -على ما أذكر-
فى إتصال خارجى - ذكرت المتصله أنها إبنة أخت الشاعر محمد سعيد العباسى
طوالى المذيعه (الشليقه وجاهله ).. نطت .. يا سلاااااااااااااام ... بالله بلغيهو تحياتنا
|
|
|