Post: #15 Title: Re: Sudanvideo : فيديوهات من السودان ! Author: سارة عيسى أحمد Date: 03-24-2013, 10:38 PM Parent: #14
Quote: وشكرا لـ سـرور أن جعلتي هذا ممكنا! مع الأشــواق وكـدا
تسلم يا محمد :)
بالاكتر والله
Post: #16 Title: Re: Sudanvideo : فيديوهات من السودان ! Author: سارة عيسى أحمد Date: 03-24-2013, 10:46 PM Parent: #15
Quote: لكن حيرني في الغنا ماحافظ ولا اغنية غير الشتاره والصوت الرهيب. غيركده ابداع التحيه لصاحبة الاكتشاف
سلامات يا هشام ...
في واحد من الفيدوهات بدافع عن صوته وقال أهم شئ الطرب ..ما شرط صوتك يكون جميل :)
Post: #17 Title: Re: Sudanvideo : فيديوهات من السودان ! Author: سارة عيسى أحمد Date: 03-24-2013, 10:49 PM Parent: #16
Quote: أول حاجه بعمله بعد ادخل النت بشوف الجديد في سودان فيديو ياخ متعه لا تضاهيها متعه وتعليقات وخستكة تريحك في حنانك
يا مرتضي أجمل ما في الفيدوهات دي الخستكة البي فهم دي !
Post: #18 Title: Re: Sudanvideo : فيديوهات من السودان ! Author: سارة عيسى أحمد Date: 03-24-2013, 10:55 PM Parent: #17
Quote: يا ود الصايم ما هو ربنا ما ممكن يديك اربعة ايادي واحدة للدركسون وواحدة للتعشيقة ( gear) وواحدة للكميرا وواحدة للرادي
وبعد دا كلو يكون صوتك جميل وزمنك ظابط... اتخيل لي كدا بكون كتير:)
إنت كمان يا نوباتيا ما تبالغ !
يعني كان سايق طيارة حربية وبالليل والانوار مطفية وفي دفاع بالنظر ..مافي مبرر إنو يغني بالطريقه دي :
Post: #19 Title: Re: Sudanvideo : فيديوهات من السودان ! Author: سيف النصر محي الدين Date: 03-25-2013, 00:37 AM Parent: #18
شكرا يا سارة شنو يا شباب ما شايف اي لايكات ولا Subscription شدو حيلكم و خلو اعجابكم يكون عملي اكتر.
Post: #20 Title: Re: Sudanvideo : فيديوهات من السودان ! Author: سارة عيسى أحمد Date: 03-25-2013, 05:04 AM Parent: #19
Quote: شكرا يا سارة شنو يا شباب ما شايف اي لايكات ولا Subscription شدو حيلكم و خلو اعجابكم يكون عملي اكتر.
تسلم يا سيف النصر ...فعلاً يستحق التشجيع
Post: #21 Title: Re: Sudanvideo : فيديوهات من السودان ! Author: محمد عبد الماجد الصايم Date: 03-25-2013, 08:14 AM Parent: #20
لايكنا وسبكربنا يا د. سيف .. يستاهل ياخ!!
غايتو عمكـ دا جاب ليهو كمية مصطلحات أنسى بس! أنجض حاجة فيها: قوم لف = U turn
وبالتالي الوهمة الجديدة ح تكون: UT!!
Post: #22 Title: Re: Sudanvideo : فيديوهات من السودان ! Author: أمير محي الدين محمد Date: 03-25-2013, 11:37 AM Parent: #21
Quote: وبالتالي الوهمة الجديدة ح تكون: UT!!
DONE ــ و...شايفك ليك كم يوم كايس ليك لبتاعات تعبيريّة جديدة وباي زا واي ..بعد ما كتبت ليك ياااااله من - وشّ مُرعب ظهر به ود الصايم.. الخ ..الخ لقيت الجو هناك مشحون ومُكهرّب وما بِستحمل ..والكُل في واااحده النرّجسي ..فــ آثرت السلامة
Post: #23 Title: Re: Sudanvideo : فيديوهات من السودان ! Author: محمد عبد الماجد الصايم Date: 03-25-2013, 12:08 PM Parent: #22
ههههههههههههههههههههههههههه@ أمير! هذا لا يمنع برضو نجرّب فيكـ أول UT!!
إني هاو ..
Post: #24 Title: Re: Sudanvideo : فيديوهات من السودان ! Author: أمير محي الدين محمد Date: 03-25-2013, 01:07 PM Parent: #23
Quote: هذا لا يمنع برضو نجرّب فيكـ أول UT!!
بس فلاحتك فيني أنا ههههههههههه...مكسب ياعمك أول فشّة لخيتني بيها أنا ... أها..بعد تجرّبها بالله تعال أديني في آفآآآآي
Post: #25 Title: Re: Sudanvideo : فيديوهات من السودان ! Author: وائل فاروق Date: 03-25-2013, 01:28 PM Parent: #1
لو ما اخاف الكضب الصوت صوت زميل فى المنبر و لكن حفاظا على الخصوصية نستناهو يجى براه ينفى .... W.
Post: #26 Title: Re: Sudanvideo : فيديوهات من السودان ! Author: هيثم طه Date: 03-25-2013, 02:56 PM Parent: #25
سلامات سارة لقيت الفيديو دا برضو
-----
وائل فاروق كيفك يا حبتين تلفونك مقفول
جاييك الويكند دا خليك جاهز !!
Post: #27 Title: Re: Sudanvideo : فيديوهات من السودان ! Author: وائل فاروق Date: 03-25-2013, 06:58 PM Parent: #26
waiting for your visit
w.
Post: #28 Title: Re: Sudanvideo : فيديوهات من السودان ! Author: سارة عيسى أحمد Date: 03-26-2013, 03:33 AM Parent: #27
سلام للجميع ..
Quote: لو ما اخاف الكضب الصوت صوت زميل فى المنبر و لكن حفاظا على الخصوصية نستناهو يجى براه ينفى .... W.
غايتو :) :)
اني هاو
Quote: سلامات سارة لقيت الفيديو دا برضو
تشكر يا هيثم ...
كل ما تلقى واحد جيبو بجاي
Post: #29 Title: Re: Sudanvideo : فيديوهات من السودان ! Author: سارة عيسى أحمد Date: 03-26-2013, 03:42 AM Parent: #28
Post: #39 Title: Re: Sudanvideo : فيديوهات من السودان ! Author: محمد عبد الماجد الصايم Date: 03-30-2013, 09:45 AM Parent: #38
هههههههههههههههههه ممكن صورة من القيادة العامة
عمكـ قالوا سكران واقف لط ما لاقي محل المواصلات قام سأل واحد .. قال ليهو: أمشي يمين يلاقيكـ كشك بسط الأمن الشامل .. منو شمال طوالي لحدي نقطة البوليس اتعداها بتلاقي مكتب جهاز الأمن .. منو شمال بتلقى الموقف!!
عمكـ عاين ليهو كـدا .. وقال ليهو: هسي لو شارب شاي بي لبن بمش بي وصفكـ دا!!
Post: #40 Title: Re: Sudanvideo : فيديوهات من السودان ! Author: سارة عيسى أحمد Date: 03-30-2013, 07:47 PM Parent: #39
Quote: مممكن ششششارع الحوادث
يحول الطلب لصاحب الفيدوهات في قناة اليوتوب الخاصه به ..
إنتي يا سهام تطلبي هنا قايلاهو عضو في البورد ولا شنو ؟ :) :)
Post: #41 Title: Re: Sudanvideo : فيديوهات من السودان ! Author: سارة عيسى أحمد Date: 03-30-2013, 07:52 PM Parent: #40
Quote: قالو ليك شارع الحوادث ما شارع النيل ياخ !!!
شكراً يا وائل ..
ده شكلو آخر ابداعات هذا " الشقي و مجنون "
Post: #42 Title: Re: Sudanvideo : فيديوهات من السودان ! Author: سارة عيسى أحمد Date: 03-30-2013, 07:56 PM Parent: #41
Quote: هههههههههههههههههه ممكن صورة من القيادة العامة
ود الصائم ليه طلباتك كلها إنتحارية كدا ؟ مره دينا خالد مره القيادة
خليك مرهف واتفرج على شارع النيل الفوق ده !
Post: #43 Title: Re: Sudanvideo : فيديوهات من السودان ! Author: ombadda Date: 03-30-2013, 08:25 PM Parent: #42
تحايا سارة. وشكرا للفت أنظارنا لهذا العمل التوثيقى الهام. قيمة أعمال كتلك تظهر بعد عقود وعقود من الازمان.. . قبل حوالى الساعة كنت مستقلا مركبة عامة راجعا لمنزلنا فى أمبدة.. تذكرت البوست دة فصورت فيديو لشارع الردمية بأمبدة بالليل.. على وزن الخرطوم بالليل.. مشاركة منى.. :-) وإشتركوا أيضا فى قناتى فى اليوتيوب بس فيديوهاتى بدون تعليق وقصيرة جدا. . http://www.youtube.com/watch?v=57g0kucYczkandfe...youtube_gdata_player
Post: #44 Title: Re: Sudanvideo : فيديوهات من السودان ! Author: وائل فاروق Date: 03-30-2013, 08:48 PM Parent: #43
العزيز أمبده : بعد السلام و التحية : أنت مشكلتك متحيز تحيز شديد لى أمبده بالرغم من أن وضاحة ما مدياك فرقة تبين "النواحى الجمالية " لأمبدة . و بعدين بتصور من ركشة تابعة لى جهاز الامن ! (الدليل صقر الجديان) و نرجو أنك تواصل مدنا كل جميل أنت و صاحب المقام sudanvideo >>>
وائل .......
Post: #45 Title: Re: Sudanvideo : فيديوهات من السودان ! Author: سارة عيسى أحمد Date: 03-31-2013, 06:21 AM Parent: #44
Quote: تحايا سارة. وشكرا للفت أنظارنا لهذا العمل التوثيقى الهام. قيمة أعمال كتلك تظهر بعد عقود وعقود من الازمان.. .
سلامات امبدة ..
فعلاً أهمية التوثيق بتظهر بعد مرور أزمان وأزمان ..
تشكر على الفيديو ..أتمني تواصل التوثيق ..
Post: #46 Title: Re: Sudanvideo : فيديوهات من السودان ! Author: سارة عيسى أحمد Date: 03-31-2013, 08:14 PM Parent: #45
Post: #47 Title: Re: Sudanvideo : فيديوهات من السودان ! Author: ombadda Date: 04-01-2013, 09:33 AM Parent: #46
امبدة بالنهار...
وائل سلامات.. امبدة بثقلها السكانى وامتدادتها مهمشة شديد. بعض الوفاء لتلك القارة
Post: #48 Title: Re: Sudanvideo : فيديوهات من السودان ! Author: هيثم طه Date: 04-05-2013, 07:03 PM Parent: #47
سارة سلامات تاني لقيت ليك فيديو عن مرسي وحلايب علي شارع النيل !!
--- وائل : الدور الجايي عليك!!
Post: #49 Title: Re: Sudanvideo : فيديوهات من السودان ! Author: سارة عيسى أحمد Date: 04-07-2013, 03:57 PM Parent: #48
تصدق يا هيثم جيت البوست أنزل نفسس الفيديو ده !!
تشكر والله ..ونواصل عادى كأنووو حلايب سودانية !
Post: #50 Title: Re: Sudanvideo : فيديوهات من السودان ! Author: هيثم طه Date: 04-09-2013, 12:34 PM Parent: #49
سلام يا حبة وللحضور والمتابعين بالطريقة دي انا ح اشيل البوست لمكتبيتي :)
هاك دي حلقة خاصة مع الجمهور !!
--- يا امبدة اشتركنا في قناتك - يلا واصل
Post: #51 Title: Re: Sudanvideo : فيديوهات من السودان ! Author: ibrahim fadlalla Date: 04-09-2013, 03:50 PM Parent: #50
ألف شكر يا سارة
ويا بتاع الكاميرة غايتو تعليقاتك منتهى الظرافة ...وأظنها هي البتشد الواحد عشان يتابع الفيديو للنهاية ...
يا بكري يا سيد الحوش ... يا خي ما تدي الشاب الظريف ده باسويرد خليهو يفضفض بي هنا كمان ...
وتاني شكرا ليك يا سارة على النافذة الجميلة دي ...
Post: #53 Title: Re: Sudanvideo : فيديوهات من السودان ! Author: خضر صيام Date: 04-09-2013, 07:02 PM Parent: #30
قمة الروعة
Post: #75 Title: Re: Sudanvideo : فيديوهات من السودان ! Author: هيثم طه Date: 05-23-2013, 04:58 PM Parent: #30
يا سارة الأحزان لا تنتهي إلا بالخروج منها عنوة !
تعالي ياخ ! ----- زولك دا شكلو بدا اسبوع الولايات بعطبرة يا ناس عطبرة الحقوا ! --- متحف السكة حديد :
Post: #88 Title: Re: Sudanvideo : فيديوهات من السودان ! Author: مجاهد محمد الهادي Date: 06-21-2013, 05:16 AM Parent: #30
بصراحة الفكرة حقت سودان فيديو دي خلاَّقة
مبالغة
بلدنا سمحة ياخي وحنيْنَة وبس
شكرا سارة
Post: #52 Title: Re: Sudanvideo : فيديوهات من السودان ! Author: مجاهد محمد الهادي Date: 04-09-2013, 06:18 PM Parent: #1
Quote: الحقيقه أصبحت أبدأ يومي بها ! لان حالي حال السودانيين البعيدين عن الوطن يفرحو باي شئ من ريحة السودان ..
كان هذا شعوري تماماً حين مررت عليها صباح اليوم على الفيس عن طريق صديق جميل - سمبا
هذه السلسلة من أروع ما شاهدت على اليوتيوب
وقد وضعتها على المفضلات
أنتوي شراء سماعة خارجة كي أسمعها واستمتع بها ما وجدت إلى ذلك سبيلا
شكراً سارة
Post: #54 Title: Re: Sudanvideo : فيديوهات من السودان ! Author: مها عبدالمنعم Date: 04-09-2013, 07:05 PM Parent: #52
شي جميل والله برافو عليه
Post: #55 Title: Re: Sudanvideo : فيديوهات من السودان ! Author: سارة عيسى أحمد Date: 04-10-2013, 04:30 AM Parent: #54
ibrahim fadlalla
خضر صيام
مجاهد محمد الهادي
مها عبد المنعم
تحياتي وتقديري ..ما يقوم به صاحب سودان فيديو حقيقة عمل جميل ومقدر وهو يستحق التشجيع ..
تسلمو على المرور ..
Post: #56 Title: Re: Sudanvideo : فيديوهات من السودان ! Author: سارة عيسى أحمد Date: 04-10-2013, 04:54 AM Parent: #55
Quote: سلام يا حبة وللحضور والمتابعين بالطريقة دي انا ح اشيل البوست لمكتبيتي :)
بالله انتا الجيت امبارح عندك مكتبة ؟ ما تراعي شويه لمشاعر فتح الرحمن حييمودي !!! إني هاو
Quote: يا بكري يا سيد الحوش ... يا خي ما تدي الشاب الظريف ده باسويرد خليهو يفضفض بي هنا كمان ...
نثني والله ...لكن مافي ضمان يكون ظريف هنا كمان :)
التحيه لصاحب حفاظات المويه البارده الفي السوق العربي ..عمل إنساني جميل :
Post: #57 Title: Re: Sudanvideo : فيديوهات من السودان ! Author: هيثم طه Date: 04-11-2013, 08:44 AM Parent: #56
أها ! في فيديو لكبري ام درمان القديم -وعم عبد الرحيم !
-- وين ناس حمودي واولاده بالتبني !!
Post: #58 Title: Re: Sudanvideo : فيديوهات من السودان ! Author: هيثم طه Date: 04-13-2013, 01:41 AM Parent: #57
Post: #59 Title: Re: Sudanvideo : فيديوهات من السودان ! Author: الصادق اسماعيل Date: 04-13-2013, 04:21 AM Parent: #58
Quote: زولك دا مصر يغني يا سارة !!
هيثم طه يا حبيب
ما تخليهو يغنى ياخ
انا في زيارتي الاخيرة للسودان بعد الانفصال اقترحت انو ما دام ما بقى بلد المليون ميل حقو يسموهو بلد المليون فنان
Post: #60 Title: Re: Sudanvideo : فيديوهات من السودان ! Author: مجاهد محمد الهادي Date: 04-13-2013, 05:13 AM Parent: #59
شكراً سارة
ما أخبرت به سودان فيديو وصاحبها كان : إنو لو في سبب وداني السوداني بالسرعة المسرعة وقبل الأوان المضروب - بعد ما يقارب ال 9 أعوام قاربت على التقفيل - فحيكون هو و فيديوهاته..
أقسم بالله إن البلد رغم تعبها وهلكانها لكن لها في القلب معزة وإعزاز ومحبة لا تضاهيها محبات الكون..
جعلني الفيديو حق السوق العربي أدمع مدراراً .. ولا أداري ولا أبالي :
وأثار فيّ الشجون ..
لغة الرجل صاحب الفيديو جميلة وحلوة حلاوة دواخله وفيديوهاته ..
ودي زاد الشجون للأستاذ محمد الأمين مهداة لزوارك ها هنا ول سودان فيديو وصاحبها الجميل .. ولكل عشّاق الجمال في كل شبر في السودان :
Post: #61 Title: Re: Sudanvideo : فيديوهات من السودان ! Author: سارة عيسى أحمد Date: 04-15-2013, 03:28 AM Parent: #60
مجاهد محمد الهادي
سلامات ..
Quote: أقسم بالله إن البلد رغم تعبها وهلكانها لكن لها في القلب معزة وإعزاز ومحبة لا تضاهيها محبات الكون..
صدقت والله ...وتشكر على زاد الشجون وعلى الكلام الصادق المعبر
Post: #62 Title: Re: Sudanvideo : فيديوهات من السودان ! Author: Kostawi Date: 04-15-2013, 03:33 AM Parent: #61
أنا بالصدفة لقيت الفيديو دا.....lol
Post: #63 Title: Re: Sudanvideo : فيديوهات من السودان ! Author: مجاهد محمد الهادي Date: 04-15-2013, 05:20 AM Parent: #62
بأمانة طبعا أنا ود الكلاكلات وأول حتة عتبتها كانت هي فلها محبات وإعزاز لا يكمُل
هذا الشخص جميل ومبدع واضح أنه شخص فنان فهو رجل ليس منا نحن العامة :
أرجو أن يقوم أحد الحادبين على دعم الأشخاص المبدعين "زي صاحب سودان فيديو دا"، أن يقدم له دعوة مجانية لبلد مثل سويسرا الجميلة أو تركيا .. والكثير المثير من دول العالم ليخرج لنا بعمل خلاّق- وأن يتم ترقية فكرته لتتسع وتنبثق منها أفكار; رائعات.. قد تصبح هذه الفكرة الصغيرة الجميلة فكرة متسعة الأطُر والأبعاد.. عشقي للشخوص والأمكنة لا ينتهي.. سرّ على دربك وسوف تنجح النجاح الباهر يا زول جميل.
Post: #64 Title: Re: Sudanvideo : فيديوهات من السودان ! Author: محمد عبد الماجد الصايم Date: 04-15-2013, 09:13 AM Parent: #63
هههههههههههههههههههه@ كبري أم درمان القديم! ياخ كلمو الزول دا يصلح مساعدات العربية .. هلكتنا بالمطبات!!
_ يرحمكم الله .. بعد العطسة طبعا!!
Post: #65 Title: Re: Sudanvideo : فيديوهات من السودان ! Author: محمد عبد الماجد الصايم Date: 04-15-2013, 09:14 AM Parent: #64
مع التأكيد على الرأي السابق .. شتارتكـ عينة في الغُنا!!
Post: #66 Title: Re: Sudanvideo : فيديوهات من السودان ! Author: محمد عبد الماجد الصايم Date: 04-15-2013, 09:30 AM Parent: #65
شكرا يا خردة .. فيديو من بيت الكلاوي!!
Post: #67 Title: Re: Sudanvideo : فيديوهات من السودان ! Author: ibrahim fadlalla Date: 04-15-2013, 01:01 PM Parent: #66
Quote: Mohammed Mansor Albadri · Sudan University of Science and Technology بطلوا النقة وادعموا الزول دة بـ حق البنزين وسمو البرنامج دة المخستق مر من هنا .. سامع يا ود الصائم
Post: #69 Title: Re: Sudanvideo : فيديوهات من السودان ! Author: محمد عبد الماجد الصايم Date: 04-15-2013, 01:22 PM Parent: #68
حبابكـ يا محمد البدري .. وجاهزين تب .. والله صحي!! المشكلة نلم فيه سيد الفيديوهات دا كيفن؟
_ يلا يا إبراهيم وأمير .. أبقو جاهزين!
Post: #70 Title: Re: Sudanvideo : فيديوهات من السودان ! Author: أمير محمد ادريس Date: 04-15-2013, 01:26 PM
جاهزين
Post: #71 Title: Re: Sudanvideo : فيديوهات من السودان ! Author: هيثم طه Date: 04-17-2013, 08:51 AM Parent: #70
Quote: مع التأكيد على الرأي السابق .. شتارتكـ عينة في الغُنا!!
يا ود الصائم انا نازل السودان شهر ستة و من جانبي مساعدتي ح تكون عينية ! ح اعمل ليهو (vocal training ) باعتباري متخصص جدا في المجال دا ! انت رسل حق مساعدات العربية ! و هاك دا مطار الخرطوم :
-- يا سارة صحيح انتي عندك قناة اسمها America video ! ياخي حقو اي زول يصور البلد الهو فيها و بالمرة نقارن طبقات اصوات البورداب علي الايفون ! وبالذات الناس القاعدين جنب الكعبة -عشان نعرف شكلهم بكون كيف وهم (يمالئون الالحاد !)
Post: #72 Title: Re: Sudanvideo : فيديوهات من السودان ! Author: هيثم طه Date: 04-23-2013, 10:44 AM Parent: #71
سارة بت عيسي سلامات تالت ! دي حلقة خاصة تانية مع الجمهور !
يا حمودي الصائم الزول جاك لحد عندك "بالمساعدات " !
Post: #73 Title: Re: Sudanvideo : فيديوهات من السودان ! Author: ibrahim fadlalla Date: 04-23-2013, 11:37 AM Parent: #72
حال البلد واقف ... والقومة ليك يا وطن ...
شكرا لصاحب الخستكات الفنانة ...وأنصحو يشارك في برنامج ريحة البن كمقدم برنامج ...فالصوت ما شاءا الله والتداعي الحر ..أنسى بس ...
شكرا هيثم على إشراكنا صيد اليوتيوب ...
وشكرا سارة ... عسى الغيبة عافية ؟؟
Post: #74 Title: Re: Sudanvideo : فيديوهات من السودان ! Author: هيثم طه Date: 05-12-2013, 06:12 PM Parent: #73
سارة وين انتي --مختفية مع بوستك ! --- يابا مع السلامة في سكة سلامة (شارع المطار):
Post: #76 Title: Re: Sudanvideo : فيديوهات من السودان ! Author: هيثم طه Date: 05-23-2013, 05:42 PM Parent: #74
يا سارة الأحزان لا تنتهي إلا بالخروج منها عنوة !
تعالي ياخ ! ----- زولك دا شكلو بدا اسبوع الولايات بعطبرة يا ناس عطبرة الحقوا ! --- متحف السكة حديد :
Post: #77 Title: Re: Sudanvideo : فيديوهات من السودان ! Author: هيثم طه Date: 06-02-2013, 07:42 PM Parent: #76
إهرامات البجرواية الضائعة !
---- فضل الله سلامات -
Post: #78 Title: Re: Sudanvideo : فيديوهات من السودان ! Author: ibrahim fadlalla Date: 06-02-2013, 09:04 PM Parent: #77
سلامات يا هيثم ..وشكرا ياخي رجعت البوست الظريف ده للواجهة ... يديك العافية يا هيثم ...ومعاك بنسأل البيت محروس وستو تكوس ...
أظهري يا سارة ... ================================================== غايتو يا سارة ، الزول بتاع سودان فيديو ده لو نزل لينا أسبوع أبوكرشولا ...يكون ما قصر معانا ... على الأقل نشوف العكة الحاصلة دي فوق كم ....بالله كلموه يجي بي هنا عشان يلبي طلبات المشاهدين .
سلام للجميع ..
Post: #79 Title: Re: Sudanvideo : فيديوهات من السودان ! Author: قاسم المهداوى Date: 06-02-2013, 10:00 PM Parent: #78
سلام يا سارة شكرا ـــ عميقا ــ الفكرة وكل هذا الجمال
كونى بخير
قاسم المهداوى
Post: #80 Title: Re: Sudanvideo : فيديوهات من السودان ! Author: سارة عيسى أحمد Date: 06-03-2013, 05:48 AM Parent: #79
سلام للجميع ...
ود الصائم
أمير
كوستاوي تشكر على الفيديو ...دي منو دي ؟ :)
قاسم المهداوي
تسلمو
Post: #81 Title: Re: Sudanvideo : فيديوهات من السودان ! Author: سارة عيسى أحمد Date: 06-03-2013, 05:53 AM Parent: #80
Post: #84 Title: Re: Sudanvideo : فيديوهات من السودان ! Author: هيثم طه Date: 06-17-2013, 10:03 AM Parent: #83
سلام للمتابعين :
جولة داخلية في متحف كرمة- كرمة المحس الشمالية
- يا فضل الله تعال لينا بجاي -انساك من سارة الحزينة دي !
Post: #85 Title: Re: Sudanvideo : فيديوهات من السودان ! Author: هيثم طه Date: 06-18-2013, 10:51 PM Parent: #84
فيديو عن مصانع ومساحن التمباك في الفاشر !
اهداء لكل من لا يهمه الأمر !
Post: #86 Title: Re: Sudanvideo : فيديوهات من السودان ! Author: هيثم طه Date: 06-20-2013, 10:58 AM Parent: #85
متحف وقصر السلطان علي دينار الفاشر
Post: #87 Title: Re: Sudanvideo : فيديوهات من السودان ! Author: هيثم طه Date: 06-20-2013, 09:44 PM Parent: #86
سلام للمتابعين والمشاهدين الصحراء الكبري -الطريق الي دنقلا والدبة سودان فيديو 112
Post: #89 Title: Re: Sudanvideo : فيديوهات من السودان ! Author: مجاهد محمد الهادي Date: 06-21-2013, 05:41 AM Parent: #87
عفوا حبيبنا هيثم للتكرار .. شكلي ما شفت مداخلتك عن مساحن التمباك ..
Post: #90 Title: Re: Sudanvideo : فيديوهات من السودان ! Author: Kabar Date: 06-21-2013, 10:15 AM Parent: #89
كتر خيرك يا سارة يا صديقة.. على هذه التجربة الجميلة.. و التحية لصاحب الفيديوهات.. طبعا في البداية استغربت لغياب الناس.ز يعني الموضوع قايم على الشواراع و العربات فقط ..و في بعض الأحيان البيوت و العمران..! لكن بعد داك ركزت على حتة التلقائية.. يعني حاجة لا مخططة..ولا مدبرة ولا مؤامرة ذاتو.. عشان كده زي ما تجي تجي..و في النهاية ح تبقى المناظر هي الخالدة.. عجبني للغاية فيديو التمباك.. و الغريبة ما قاعد اتعاطى التمباك نوهائي.. لكن الفيديو اداني فرصة مشاهدة صناعة الحاجة دي من بدايتها... و خصوصا الفيديو اتصور في الفاشر و هي مدينة لم اراها قط في حياتي..و الفيديو اداني فرصة اشوف جانب منها..
افتقدت السناريو في كل هذه الفيديوهات.. يعني الفيديو بتاع اركويت.. طبعا من اول فيديو الساكي فيهو الدفار المكتوب فيهو شنو كده كردفان.. كنت افتقد السناريو أو الريبورتاج المعلوماتي الصغير.. يعني فيديو اركويت.. لو جات لمحة لمحطة البلابل..و كلام شوية عن البلابل.. يتخيل لي القصة ح تكون اكتر تسبيكا..! طبعا الناس الهواة.. اصلا بيعتمدوا على التلقائية..لكن الفيديوهات دي بالرغم من انها جميلة للغاية.. لو لقت ليها سناريو مجيه ح تطلع حاجة تانية خالص..! كل شارع مر بيهو صاحب الكاميرا.. الواحد قاعد يدق التربيرة و يقول .. ياخي و الله العظيم مريت بالشارع ده..! و الأجمل ناس كتيرة اخر مرة شافت الخرطوم في السبيعنات.. و ما ح تصدق انو الشوارع دي في الخرطوم.. طبعا يا صاحب الفيديوهات (شايفك قاعد تقرا ألتعليقات و تعلق كمان).. اندهشت لمن شفت في الخرطوم كباري طايرة زي بتاعة القاهرة و كالقري (المدينة القاعد فيها الآن).. و فيديو كبري توتي.. و انت داخل لو كان وجهت الكاميرا يمين.. و عاينت لكبري المك نمر.. ياخي كان تراجي مصطفى رجعت الليلة و صرفت النظر عن النضال العجيب الما جايب حقو..الغريبة محل لفيت..و تحت الكبري طوالي.. انا شربت شاي هناك..و الفرق كنت ماشي كداري عشان استمتع بالناس الطيبة..و اتونس معاهم...و الونسة جبناها عابرا في بوست صديقنا محسن خالد بتاع النبي هابيل..و قامت النخبة فهمتنا غلط..!!! المهم..
برج الفاتح.. لو النساريو مشى شوية و قال دي جنينة الحيوانات ..و البرج قايم بعد فندق السودان القديم...و التقاطع بتاع كبري توتي هو الشارع المتفرع من حتة الهيئة القومية للكهرباء و متلاقي مع شارع النيل في زاوية قاعة الصداقة..صدقني لو السناريو قال المعلومات البسيطة دي كان سبب نوستالجيا في خلق كتيرة خلاص..!! يعني يا صاحب الفيديوهات.. شوارعك دي في خلق كتيرة في المنبر ده مشت بيها و عبرتها لمن قطعت سفنجاتها.. لكن الغربة ..و دي حتة خلتني اندهشت كتير خلاص.. يعني في خلق سودانية هنا متذكرة السودان طشاش..و نفس الشوارع الحامت فيها ممكن تتعرض ليها في مثل هذه الفيديوهات و بتكون ما جايبة ليها خبر.. و الله صحي..!! اها التجسير بين ذاكرة و ذاكرة بيكون عبر السناريو.. البيقوم على معلومات مبسطة تربط الماض بالحاضر.. عشان تكون الصورة اقوى..!!! و لو الفيديوهات اتعرضت للناس من قريب .. برضك بتكون عملت شغل كويس خلاص..!!!
التحية لصاحب فناة سودان فيديو.. و لو بيسمع كلامي.. اقول ليهو اخونا ابراهيم فضل الله طلب اب كرشولا.. لكن على ضمانتي .. صور ليه مدخل مدينة ربك في مدخل كبري النيل الأبيض..و جزء من مدينة كوستي.. و صاحبك يقوم ينسى ليك اب كرشولا...و موسكو في ذات نفسها..! و ياود الصايم.. جيب الفيها النصيب و نحن ح نوصلها لصاحب القناة ( ياخياصلوا الواحد في الدنيا دي ما ياكل ليهو حق زول و لو مرة واحدة)..!!
فيديوهات تلقائية و جميلة... و ياريت نشوف المزيد.. و شكرا يا سارة..
كبر
Post: #91 Title: Re: Sudanvideo : فيديوهات من السودان ! Author: هيثم طه Date: 06-22-2013, 11:04 PM Parent: #90
عزيزنا كبر مرحب بيك معانا ومنور الفاشر ! - طبعا سارة موكلاني استقبل ضيوفها ! وان شاء الله صاحب الفيديو يستفيد من ملاحظاتك وملاحظات المتداخلين
والفيديو دا شكلو عن ذاكرة المكان ! شكلو الزول دا بقرا جزء من افكارك ! حي مكاركا في الفاشر :
Post: #92 Title: Re: Sudanvideo : فيديوهات من السودان ! Author: محمد عبد الماجد الصايم Date: 06-23-2013, 07:58 AM Parent: #91
غايتو عمكم سودان فيديو دا شكلو كـدا سواق باظ سفري!!
Post: #93 Title: Re: Sudanvideo : فيديوهات من السودان ! Author: محمد عبد الماجد الصايم Date: 06-23-2013, 08:06 AM Parent: #92
غايتو غرفت ليكم معاي الفيديو دا لقيتو في طريقي .. ما عارفو جاكم قبل كـدا ولّ لا ..
Post: #94 Title: Re: Sudanvideo : فيديوهات من السودان ! Author: وائل فاروق Date: 06-23-2013, 11:00 AM Parent: #93
ود الصائم السلام و التحية
دى أول مره نشوف "صناعة" التمباك . باقى لى فى بوست فى المنبر شبكنا ليك بعر حمير و عفيص رجلين و جنازة بحر ...
بس بفتش للبوست بتاعو و ألصق ليه المرجع .......
وائل .... و التحية للعجيب أو العجيبة سودان فيديو (عشان ناس الجندرة ديل بقو واصلين )
Post: #95 Title: Re: Sudanvideo : فيديوهات من السودان ! Author: هيثم طه Date: 06-25-2013, 01:26 AM Parent: #94
وائل يا حبيب سلامات ووينك ؟
يا فضل الله صاحبك شكلو وصل كرشولة !
Post: #96 Title: Re: Sudanvideo : فيديوهات من السودان ! Author: محمد حيدر المشرف Date: 06-25-2013, 02:05 AM Parent: #95
ده واحد من أمتع البوستات .. شكرا ساره ..
Post: #97 Title: Re: Sudanvideo : فيديوهات من السودان ! Author: محمد عبد الماجد الصايم Date: 06-25-2013, 08:23 AM Parent: #96
هههههههههههههههههههههههه أبو كرشولا عدييييييييل!! ياخ الزول دا اتهوووور عديل!!
Post: #98 Title: Re: Sudanvideo : فيديوهات من السودان ! Author: محمد عبد الماجد الصايم Date: 06-25-2013, 08:28 AM Parent: #97
بعدين الفيكـ اعترفت يا مشرّف! سودان فيديو يمرقا في أب كرشولا والشكر لـ (سارة)!!
Post: #99 Title: Re: Sudanvideo : فيديوهات من السودان ! Author: هشام قريب الله صديق Date: 06-25-2013, 10:47 AM Parent: #98
ياخي الله يحميه الولد مع السفر والشوارع الضيقه دي. شارع الدويم مخيف جدا. والدليل السياحي حرمنا الغناء الاشتر تحياتي للجميع
Post: #100 Title: Re: Sudanvideo : فيديوهات من السودان ! Author: ibrahim fadlalla Date: 06-25-2013, 11:17 AM Parent: #99
Quote: هههههههههههههههههههههههه أبو كرشولا عدييييييييل!! ياخ الزول دا اتهوووور عديل!!
مبالغة لاكين ...والله حيرتنا عديل يا بتاع القناة ..وشكرا ليك على الإستجابة لطلبات المتابعين ...
أعجبتني فيديوهات المناطق الأثرية ...هه ..ودليلك السياحي ...ضلك بس...الله كريم يا زول ...
الكلام بتاع أخوي كبر ده في السلك أعتقد ...الفيديوهات لو إتعمل ليها سيناريو بسيط حتكون رايعة جداً ...
يعني متحف كرمة ..مثلا ...الراجل كلفتنا فيهو شديد وهو يتحدث عن حضارات لها آلاف السنين ...كان ممكن يتمهل شوية في كل مرحلة ويشرح شوية ...ول كمان يخلي الدلييييل السياحي يشرح لينا ...
وفي عطبرة قطار غردون ..يحدث عن أمجاد سادت ثم بادت ...وللأسف يبدو أن القطار منذ أن قرشوه الخواجات ... بقي واقف صنفور ...والجبة وقعت في البير ...
شكرا ليك يا سارة أن دليتنا على هذا الخيط البديع ..وشكرا لي حماد وللخيل البتجقلب ... ولي ود الصايم تحية ومستني الشيرينغ بتاع البنزين والمساعدات ...سامع ؟؟؟...
Post: #101 Title: Re: Sudanvideo : فيديوهات من السودان ! Author: هيثم طه Date: 06-25-2013, 09:13 PM Parent: #100
مرحب بالجميع وشكرا لكل المتابعين والحضور بالانابة عن سارة الحزينة لحين عودتها !
فيديو عن مدينة ربك لمنظر اقاشي غريب وعجيب كما يقول صاحب الفيديو !
لمزيد من الاطلاع ولو في زول عاجبو فيديو ممكن يجيبو من رابط القناة "
Post: #102 Title: Re: Sudanvideo : فيديوهات من السودان ! Author: Yassir Tayfour Date: 06-26-2013, 01:39 AM Parent: #101
Quote: يا بكري يا سيد الحوش ... يا خي ما تدي الشاب الظريف ده باسويرد خليهو يفضفض بي هنا كمان ...
تاني!؟ _____ الداير يعرف سيد الفيديوهات دي يضرب تلفونات لكل الأعضاء المشاركين في البوست، بيعرفو . عليك اللعنة يا صاحب الفيديوهات، يادوب قدرت أفك التشفير...
Post: #103 Title: Re: Sudanvideo : فيديوهات من السودان ! Author: محمد عبد الماجد الصايم Date: 06-26-2013, 08:55 AM Parent: #102
Post: #104 Title: Re: Sudanvideo : فيديوهات من السودان ! Author: Yassir Tayfour Date: 06-27-2013, 12:56 PM Parent: #103
يضحك السمك؛)
Post: #105 Title: Re: Sudanvideo : فيديوهات من السودان ! Author: مجاهد محمد الهادي Date: 06-27-2013, 01:11 PM Parent: #104
ما عنصرية بس بالجد سودان فيديو روعة فايتة الحد ياخي .. فيديوهات كرمة والنوبة دي حلوة حلاوة الطعمية والتركين زاتو
جولة داخلية في متحف كرمة - المحس الشمالية أرض الجمال.. جزء أول
جزء تان
Post: #106 Title: Re: Sudanvideo : فيديوهات من السودان ! Author: عوض الله نواي Date: 06-27-2013, 11:52 PM Parent: #105
سرور شكرا انا دخلت من خلال الايباد وعملت داونلود لمعظم الافلام وحكاية راقية وانت الارقي ياستي
Post: #107 Title: Re: Sudanvideo : فيديوهات من السودان ! Author: سارة عيسى أحمد Date: 06-29-2013, 03:50 PM Parent: #106
ويا ود الصايم ...وين الشرينغ حق البنزين يا زول ؟؟؟ بالطريقة دي بعد شوية حنبقى في شيرنغ بتاع وقود طيارات وكدة ... عشان كدة حقو تستعجل ...خصوصا ورمضان واقف على قدم وساق ...والفلس حاصل ...( الأخيرة دي غلطة كيبورد ما تركز فيها شديد )..
Post: #121 Title: Re: Sudanvideo : فيديوهات من السودان ! Author: هيثم طه Date: 07-22-2013, 07:57 PM Parent: #120
يا فضل الله , ودالصائم بقي طمعان في البرادو !
----
دعوة بالله للجميع لمشاهدة هذا الفيديو جمال الطبيعة -الطريق بين الدلنج وكادوقلي
Post: #122 Title: Re: Sudanvideo : فيديوهات من السودان ! Author: Yassir Tayfour Date: 07-22-2013, 08:54 PM Parent: #121
عندي إحساس إنو صاحب الفديوهات دي فاطر ؛)
Post: #123 Title: Re: Sudanvideo : فيديوهات من السودان ! Author: هيثم طه Date: 07-27-2013, 10:46 PM Parent: #122
يا ياسر مش نحن صائمين 20 ساعة -وطيب ! مش فرض كفاية -وبعدين ما تنسي "ومن كان منكم علي سفر" في حتة خطرة !!
--- مشارف مدينة الدلنج حيث تدور المعارك الآن -نسأل السلامة للاهالي
Post: #124 Title: Re: Sudanvideo : فيديوهات من السودان ! Author: مرتضى احمد عبد القادر Date: 07-28-2013, 08:46 AM Parent: #123
الما فاطر ما بخاطر ،، نشكر سودان فيديو على تكبده المخاطر ونسأل الله أن يهديه كونو فاطر
Post: #125 Title: Re: Sudanvideo : فيديوهات من السودان ! Author: هيثم طه Date: 07-30-2013, 08:24 PM Parent: #124
عن احداث يوم "الكتمة" 6/6/2011 !! منظر كادوقلي من أعلي الجبل(1)
-- يا مورتا إنك لا تهدي من أحببت !
Post: #126 Title: Re: Sudanvideo : فيديوهات من السودان ! Author: هيثم طه Date: 07-30-2013, 11:41 PM Parent: #125
اكتشف الجمال في كادوقلي
Post: #127 Title: Re: Sudanvideo : فيديوهات من السودان ! Author: هيثم طه Date: 08-28-2013, 08:38 AM Parent: #126
سلامات للناس
Post: #128 Title: Re: Sudanvideo : فيديوهات من السودان ! Author: هيثم طه Date: 09-21-2013, 12:30 PM Parent: #127
سلامات يا الناس الهنا :
مدينة الدمازين - جولة
---- للمزيد من الفيديوهات عن سنار والنيل الازرق يمكن زيارة الرابط ادناه