(وماتدري نفس بأي أرض تموت) جاهزين لتقديم اوراقكم؟

(وماتدري نفس بأي أرض تموت) جاهزين لتقديم اوراقكم؟
ربنا يديكم كلكم الصحة و العافية و طولة العمر. لكن ....
Nobody will get out of it alive
المعني ؟ كلنا ح نموت. السؤال: جاهزين لتقديم أوراقكم؟
و لما اسأل السؤال ده ما قصدي جاهزين من صلاة و صيام (لو مسلمين) او عبادة عموما( لو ما مسلمين).
السؤال للناس اللي عندها أولاد عموما و اللي عايشين خارج السودان. عندكم وصايا مكتوبة؟

في كل دولة ( في أمريكا : في كل ولاية) بتختلف القوانين بتاعة الوراثة. لو لا قدر الله الوالدين ( أو حتي واحد منهم) اتوفي شنو بيحصل للأطفال ؟ اغلب الناس في الغرب عندها تأمين حياة، بمزاجهم أو غصبا عنهم بحكم الوظيفة. منو اللي ح يتصرف في القروش دي و كيف. الأطفال ذاتهم ح يمشوا وين؟ عاوزهم يعيشوا في البلاد اللي كنتوا فيها أم يرجعوا السودان، تفاصيل كبيرة جداً.

الهدف من البوست التثقيف. كل زول عايش في بلد يورينا قوانين البلد كيف؟ أحسن حاجة ممكن يعملها الأب و الأم عشان أطفالهم ما يتبهدلوا في الغربة لو لا قدر الله حصل حاجة للآب أو الأم أو الاتنين. هل مفروض الأهل يمشوا لمحامي أم ممكن الزول يعمل الوصية وحده ( من فورمات في الإنترنت أو او بس ورقة مكتوبة بخط اليد)
الهدف التاني هو تذكيركم كلكم بالموت و بأهمية كتابة الوصية.
--------------------------------------------------------
الموضوع بدا باني كتبتا في حيطتي في الفيس عن الموضوع و افتتح نقاش طويل عريض، لكن رحاب خليفة( يديها العافية و يخليها لأولادها) اقترحت افتح الموضوع هنا.

What a shocking App

ما كنا كويسين يا ريلي سمارت... مالك علينا..

و الله انا كسوداني بحت معظم اموري بخليها على الله. جني و جن التخطيط.بس ما عارف يمكن الحياة في بلدكم دي تغيرنا LOL
سلامات يا اسمارت.

خلاص الايفونات كمات ؟؟
ون وتو وثيرى فوووور دا طوالى بعدو القيامة ؟؟
هو انا متتا مالى ومال القروش؟؟
وما تدرى نفس باى ارض تموت و برضو مافى زول استنو لما جهز اوارقو !
موت هو يا سمارت ولا لوترى ؟ ولا دخول جامعة قالوك .. !!
هو لو فى زول مقتنع انو ح يموت ح يموت الدنيا دى كانت اتساطت كدا !
استهدى بالله يا سمارت
وبوستيك دا ح يشكو قلة المداخلات .... لوووووووب ..








ـــــــــــــــــــــــــ
ناس ارميكا ديل كلموهم بالله قول ليهم الدنيا شريعة
لما يجوا يقسموا فللرجل مثل حظ الانثيين ..
هسه يعنى هشام هبانى دا ممكن يموت ؟؟
ود البشرى دا خوااااف قبل ما يدفنوا بججن !!
ود الصايم دا البقفل لى خشمو شنو ؟
و قصدك انو وليد بمشى يخلى بتو فى الجردل دا ؟
حمد لسسه مأمل ياخ ...
لكن الحبشى عليك لى ورقو كلو جاهز ...
مولانا التضى ورقو الا يموصو يشرب مويتو ...
خالى من اى املاك او اشياء مفيده هى محض سيديهات ...
حسين ملاسى مسلللم اوراقه كلها سطرين ..
هسه عليك الله رشاد دا يموت كيف يعنى ؟؟ تقدرى توصفى ؟

Quote: الهدف من البوست التثقيف. كل زول عايش في بلد يورينا قوانين البلد كيف؟ أحسن حاجة ممكن يعملها الأب و الأم عشان أطفالهم ما يتبهدلوا في الغربة لو لا قدر الله حصل حاجة للآب أو الأم أو الاتنين. هل مفروض الأهل يمشوا لمحامي أم ممكن الزول يعمل الوصية وحده ( من فورمات في الإنترنت أو او بس ورقة مكتوبة بخط اليد

سمارت يا جميلة ...

بوست مهم جدا ... وحقيقة لا يفهم مقصدك الا من عاش في دول المهجر ...

وحتي من عاش في دول المهجر ... قليل من يهتم بمثل هذه الاشياء ... رغم ان التجارب قاسية جدا لمن مروا بها ...

أرجو من ( غير المهتمين ) بمثل هذه الامور ان يتركوا المجال للمهتمين ... فالجمرة تحرق الواطيها ...

سيف النصر محى الدين دا لما يكتب اسموا الرباعى
بكون خلاص نوفخ فى الصور ...

جنى دا بكتب ويشرط يكتب ويشرط لما الجبال تبقى
كالعهن المنفوش ..

بوست مهم جدا للناس العايشين في الغرب

في الانتظار

تحياتي

will be back in sha Allah :)

أقترح بكري يعمل مكتبة للوصايا
و الخاين الله يخونو

قومى لفى .. كما يقول الكرمبا كوستاوى ..

بريمة

موضوع الموت في المهجر ...حقيقة هاجس ..

وله اكتر من شق و يجب علي الجميع ( من اهل المهجر ) ... الاهتمام بكل التفاصيل ..

موضوع الميراث هو اكبر مشكلة تواجه اهل المتوفي في كندا ( كمثال ) ...

وهو موضوع في حد ذاته به شقين ...

الشق الاول ... الميراث الشرعي بالنسبة للمسلمين ...

و الشق الآخر ادارة التركة نفسها و تكاليفها ...

لكل الحالتين .. وجدنا هنا ان كتابة وصية لدى المحامي هي الحل الاسلم ...

فتح الوصية ايضا له تكلفته و لكنه اوفر بكثير جدا من عدم الوصية ...

من أهم الاشياء .. واكبر استثمار تقوم به الأسر هنا هو شراء منزل ...

لذلا من اول الاشياء التي ننصح بها الزوجين ...عند شراء المنزل يجب ان تكون ملكية المنزل مشتركة بين الزوج و الزوجة

و نسميها Joint Tenancy هنا في كندا ... واهم مافيها ...انه في حالة وفاة احد الطرفين ... تنتقل ملكية المنزل بنسبة 100% الي الطرف الآخر ...

وانا اعمل في مجال العقارات ... ورأيت الكثير من ( الرجال ) السودانيين ...يفضل ان يسجل المنزل بأسمه فقط ... وهذا خطأ كبير و فادح ...

تسجيل المنزل بأسم الزوج ... او الزوجة فقط ... في حال وفاته او وفاتها ... و مع عدم وجود الوصية ...

تضع الدولة يدها ... وما ادراك ما يد الدولة ...

نتابع ...

سلامات أخ محمود مصطفي.
ما تتجرس يا أخي. الموت علينا حق. :)

سلامات يا د. سيف. الحياة في البلد دي صعبة جدا. و محتاجة نظام و تخطيط.
طبعا يا أخي كلنا متكلين علي ربنا. لكن لازم تعمل العليك.

دندوة، بالغتي لكن. انا بضحك لحدي ما شرقتا.
مالك يا بنتي اتجرستي كده!!!!
تعرفي يا دينا شكلي ح أقسمها عليهم بالتساوي. حق السودان خلي حبوباتهم و جدودهم يقسموا بالذكر مثل حق الانثيين. و قبل ما يجي زول يقول لي الشريعة و الذكر و الأنثي انا ح أتصرف في التلت اللي مسموح لي اعمل فيه اي حاجة بمزاجي.
جني ده ما تجيبي ليه سيرة الموت. و لا حتي سيرة المرض. ما ييدورهم كلو كلو.

مستر قباني. يا أخي انا عاجزة عن الشكر. ربنا يديك الصحة و العافية و طولة العمر. لكن سؤال، الرجال السودانيين مالهم ما بيكتبوا أسماء زوجاتهم في ملكية البيت؟؟ مستخوننهم؟؟

سلامات تسنيم. شكرًا جزيلا. لو عندك اي معلومة عن البلد اللي عايشة فيها ما تبخلي علينا.

رحاب، منتظرنك. :)

شكرا اسمارت وحقيقي بوست مهم وما بعرف مقدار اهميتوا الا العاش الظرف

اولا لو مافي وصية لازم يتعمل حصر للورثة بتفاصيل دقيقة ولازم يتعرف الورثة منو .. وهم الزوجة والابناء ولا يسمح لاي منهم بوضع يدهم علي اي شي الا بعد تقديم طلب للمحكمة والمحكمة بعد كدة تدي شهادة بموجبها تقدم للبنوك واماكن العمل .. وبعد ذلك تقوم بعمل ضريبة السنة ودفع الديون.. وبعد كل الاجراءت دي حتي تقدر تتصرف في اي شي سواء عقار او اموال في بنوك او سيارات . اي نوع املاك باسم المتوفي.

الشي الثاني القانون الكندي لو مافي وصية ترث الزوجة كل التركة حتي مبلغ 250 الف دولار .. بعد ذلك لو في اولاد تقسم الورثة بينهم.

حاجة مهمة وليها علاقة بالبوست يا اسمارت هي شراء المقبرة "القبر" في مقابر مسلمين لان تكلفة القبر عالية وممكن في حياة الانسان يدفع المبلغ بالتقسيط لكن بعد الوفاة هناك تمن القبر وايضا مصاريف غسل الجنازة للمسجد وال funeral home الحيستلم الجثمان من المستشفي وينقلوا للمسجد للغسل والصلاة وما الي ذلك ..

كلها تفاصيل دقيقة لكنها صعبة ان لم يخطط لها مسبقا خاصة ان الناس بتكون في حالة حزن واخر شي ينقصهم في الوقت دة هو الدخول في هذة التفاصيل.

طولة العمر ليكم جميعا ولكن التخطيط جيد

يا جماعة الوصية ما قروش و أولادك يمشو وين بس.
في حاجة مهمة تانية الناس ما قاعدة تفكر فيها. في حالة ( بتقدر الله) حصل لزول حادث. او مرض شديد. الوصية مفروض يكون مكتوب فيها منو اللي ح يأخد القرارات الطبية. ممكن الواحد مننا يكتب في الوصية خطوط عاملة للتفاصيل. مثلا ممكن أقول في وصيتي أني لو حصل لي حادث ما عاوزه يركبوا لي جهاز تنفس. لو ما بقدر اتنفس براي يخلوني أموت بهدوء. او قلب صناعي. او لو حصل موت دماغي ما يخلوني في ابقي فجتابل. يخلوني أموت. او العكس. ممكن أقول ليهم اعملي اي حاجه في مقدرة العلم عشان ما أموت.

شــكرا جـزيلا يا سمارت

دا موضوع هام جدا زى ماقال أخونا قبانى

واحد صديقنا عليه رحمة الله توفى مافى زول عرف يطلع حاجة لى بتو الوحيد الصغيرة ولا أهلوا ولا حتى قروشه الفى البنك.

عمل الوصية بواسطة محامى مهمة عشان التفاصيل الدقيقه وتداخل القوانيين خاصة قوانين الضرائب والإدخار والإستثمار والإستدانة.

تعرف يا دكتور سـيف الجماعة ديل حتى حساباتك فى القوقل من إى ميل ولا خلافه عملوا ليه نظام وصية وتوريث وآكسس.

واحد قال والله لو كتلوه ما بعمل وصية على حساباته الإلكترونية والإسفيرية. قلنا ليه ليه؟

قال يازول أنا ما بداير يطلعونى من قبرى! أنا أخلى المرة تعرف أسرلرى الداسيها قريب العشرين سنة؟ والحالة دا ما سودانى!!!

شفت كيف يادكتور.

كلامك صاح ياسمارت والله يجعلها فى ميزان حسناتك.

أما الأستاذة دينا فنرجو أن تمنع الفوضى أو تقدم للوترى عشان تستبين أهمية الحاجات دى هنا.

واللا رأيك شنو يا أستاذه؟ برضو البلد دى فيها حوافز وعندهم سيمات كثيرة.

سلامات يا جميلة. يديك الصحة و العافية و يخليك لاولادك و تشوفي أولاد أولادهم. يا رب.
حقيقي موضوع المقابر ده انا خالص ما فكرتا فيه.

سلامات عبد الرحمن إبراهيم محمد.
دينا و باقي الجماعة اللي ما ح يعتبوا علي البوست شكلهم خائفين من الموت.
ذي ما بقول لاصحابي قبل دايما، ما يكون عندي أطفال كنت بقول أني جاهزة لتقديم أوراقي. بعد ما بقي عندي أطفال بقيت اسأل رب العالمين يديني طولة العمر لحدي ما يكبروا و يعتمدوا علي روحهم.

Quote: مثلا ممكن أقول في وصيتي أني لو حصل لي حادث ما عاوزه يركبوا لي جهاز تنفس. لو ما بقدر اتنفس براي يخلوني أموت بهدوء. او قلب صناعي. او لو حصل موت دماغي ما يخلوني في ابقي فجتابل. يخلوني أموت. او العكس. ممكن أقول ليهم اعملي اي حاجه في مقدرة العلم عشان ما أموت

كده دخلنا في الحلال و الحرام يا سمارت ...

واهي الحاجات دى بالذات البنخليها علي ربنا ...

شكلنا طلعنا من لب الموضوع ولا شنو ؟

Quote: ابقي فجتابل

عينى على الترجمة ؟؟ ..

بريمة

أبدا يا مستر قباني.
الله لا حوجك لاتخاذ قرار من النوع ده، لكن عادي ممكن ناس المستشفي يجوا يقولوا ليك ( خلينا نقول صحبك) الزول ده ده في حالة موت دماغي، عاوزه يقعد كده ام أحسن. pull the plug
او لو دخلتا في غيبوبة و الأطباء شايفين أنهم ممكن يعملوا عملية بس خطرة شوية او ممكن ينتظروا شوية. لكن الأنتظار ممكن يكون خطر. اها في الوصية ممكن تكتب انت عاوز منو يأخد القرارات دي.
ربنا لا حوجكم للحجات دي.

في أمريكا ( و احتمال باقي العالم)في حاجتين قريبات من بعض بيقوموا مقام الوصية
1- the will
2 Living Trust
عاوزه لي كم ساعة عشان اشرح الفرق بينهم بالعربي.

العندو زوج وزوجة ما كويس..

العوجة في الزول القاعد براهو

الأزواج بالنسبة للأموال المودعة في حسابات البنوك ما افتكر انو بيكون عندهم مشكلة لأنهم ممكن يعملوا Joint account

وده طبعاً في حالة كون الراجل ما عاوز يدس على المرة أو الزوجة انو عندو كم من المال مودع في الحساب :)

لأنو في النوع ده من الحساب كل "الأطراف" بيكون عندهم حق الوصول للحساب في أي وقت ..


بتبقى المشكلة الحقيقية هي مشكلة العزابة ..

ودي أفتكر حلها الوحيد بالنسبة للأموال المودعة في البنوك إنو يتعمل الحساب POD أو Payable On Death

تعين شخص " موثوق " تمام الثقة لديك، يدفع له البنك الأموال المودعة في الحساب في حالة الوفاة لا سمح الله.. ما تجيب زول من طرف ساي ..

في الحالة دي ما بيكون للشخص المعني أي حق في التصرف في الحساب أو حتى الاطلاع عليه إلا بعد وفاة صاحب الحساب..

وديل النوعين من الحساب يا سمارت :

الـ Joint Account

http://wills.about.com/od/howtoavoidprobate/a/jointpod.htm


وده الـ POD Account
http://wills.about.com/od/howtoavoidprobate/q...h-Or-Pod-Account.htm


قد تكون هناك حلول أخرى ما بعرفا.. كدي أسألي نوباتيا احتمال يكون عارف

سلامات الهادي.
شكرًا جزيلا علي المعلومات المفيدة.
موضوع الحسابات اللي ممكن زول معين يشوفه بعد الموت ده أصلي ما سمعت بيه. شكرًا جزيلا علي الوصلات.

عشان كدا يا سمارت بقوليك وات هابنز ان فيس بووك ستاي إن فيس بووك
هسّي شوفي الجاتنا في صمة خشمنا من دندون
يا دينا الما بخاف من الموت غلطان لأنو الخوف دا هو البدفعك تستعد ليه

____________________

يا سمارت "تسميم" شنو ياخ الله يهديك

العزيزة سمارت، سبحان الله ياخي! تعرفي الموضوع دا مؤرقني شديد،
وناوي أول ما أصل أمريكا في الإجازة القادمة أعمل وصيتي، وكويس
إنك فتحتي الموضوع دا هنا علشان نتنور، وباللبناني أنا بتشكرك كتير
وممنون لِكْ - على قول أحبتنا اللبنانيين - وأنا بالجد في الموضوع
دا زيرو كبييييييييير وما ناقش فيهو أي حاجة، وما كان يؤرقني هو
نحن في السودان والدول المسلمة الميراث معروف وما بحتاج لوصية،
وحتى الوصية في الدول الإسلامية تبلها وتشرب مويتها، كان إتفقنا،
أو إختلفنا في قانون الميراث الإسلامي، ولكن أحسن شيء فيها هو أن
أهل المتوفي هم الذين سيورثونه.

أما في أمريكا إذا ما مات الشخص ولم يترك وصية فلمن ستؤول تركته؟!
هل سؤول إلى أهله؟ أم ستؤول إلى الجمعيات الخيرية؟! أرجو الإفادة
يا شباب، وياريت الأستاذ سيف يجيء ينورنا.

الموضوع الثاني الذي يؤرقني هو أنني أبو بنيات يعني ما عندي ابن
ذكر، وفي الميراث الإسلامي إذا لم يكن للميت أبناء ذكور سيتقاسم أخوة
الميت في الميراث مع بنات المتوفي؟!! هل تعلمون ذلك؟! بصراحة وبكل
وضوح أنا بشوف الميراث الإسلامي لا يناسبني وغير منصف لبناتي وللمرأة عموماً، ولذا
سأكتب وصتي لبناتي بتقاسم تركتي بالمناصفة بينهما بعدما يبلغا سنة الـ 21
سنة من العمر على أن تتصرف أمهما في التركة بإحسان حتى بلوغهما سن
الرشد.

هذه هي الأسباب التي تؤرقني، ونرجو الإفادة من الشباب ويا ريت يا أستاذ
سيف تسجل حضور في هذا البوست أو أي واحد من المحامين.

وشكراً يا الهادي على المعلومة التي ذكرتها وسأطبقها على الفور حالما
أصل الولايات المتحدة الأمريكية.

تحياتي وتقديري للجميع

شكراً (إسمارت) موضوع مهم جداً،
بكل المقاييس الدينية والدنيوية!

سلام يا اسمارت

لي فترة الموضوع دا بقى مزعج جدا لي

خليك من الموت يمين الواحد في الغربة دي بيخاف من المرض الخفيف دا أو لأي سبب يتأخر منن البيت بسبب حادث مشكلة ألخ

ياخ هنا الأطفال والأمهات لا حيلة لهم ، موية الشراب دي مشكلة .

شيئ تاني وجود قروش كتيرة في البيت مشكلة ووجودها في البنك مشكلة عويصة بالذات هنا
يعني عشان يسلموا تركة ميت عيييك

غايتو الحافظ الله ومتوكلين عليهو

لكن الموضوع مخيف في الزمن العلينا دا نسأل الله يدينا طول العمر لحدي ما نمسكهم الطريق

ود البشرى، كلام دندونه دي كلام جرسة بس.
ما قلتا لينا، جاهز؟
امي بتزعل مني لما أبدا اتكلم في الموضوع ده عن نفسي، مع أنها اليوم كلو شباكانا لما أموت اعملوا كده و ما تعملوا كده.

سلامات يا النذير. و ربنا يديك العافية و طولة العمر و ان شاء الله تشوف بناتك عروسات و تشوف أولادهم. و ربنا يديك ولد عشان المشاكل دي :)
و الله يا النذير انا ما بقدر افتي في ان الموضوع ده حلال ام غير حلال. لكن انا بعرف ناس كتار ما عندهم أولاد ذكور فسجلوا كل أملاكهم لبناتهم. في السودان بتتعمل كانه بيع و شراء.
في أمريكا لو زوجتك عارف حساباتك ( علي الأقل ) في اي بنك. او املاكك عموما، في النهاية بيدوهم حجاتك دي لكن فيها محاكم و برنامج.
حتي الوصية العادية the will في النهاية بتمشي المحكمة. و مصاريف المحكمة و المحامين دي كلها بتكون من قروش أولادك. و اظن لو عندك بيت في ولايات معينة المحامي بتكون مصاريفه نسبة من قيمة البيت. عشان كده ( اظن) انه انك تعمل حاجه اسمها living trust. مصاريفه في الأول اكتر من الwill لكن المحامين ما عندهم تاني قروش في النهاية. في تفاصيل كتيرة طبعا لكن دي رؤوس المواضيع.

سلامات أخونا صلاح عباس.
الموضوع مهم جدا، لكن إحنا ديما بنستبعد الموت لروحنا و للاقربين منا.

سلامات حمد عبد الغفار. ربنا يديك الصحة و العافية و يكبروا و يخلوا هم بالهم منك.
تعرف دي واحدة كن الحجات البتخليني افكر أني ما ح اقدر أعيش في السعودية. انا من السودان و من العيشة في أمريكا معتمدة علي روحي. في حجات كتيرة ما قاعدة اعملها لكن الشعور أني بقدر اعمل اي حاجه انا عاوزاها بيطمني.


سلامات ام آياد من الفيسبوك.
انا فاهمة وجهة نظر النذير تمام. و كمان فاهمة وجهة نظرك. و حقيقي الموضوع معقد. انا شخصيا ( لو لا قدر الله) و ورثتنا مع أولاد واحد من إخواني او أخواتي ما اظن ارضي اشيل القروش دي. و ح أرجعها للأطفال اليتامي.


سلامات محمد ادم. يا أخي ربنا يسهل ليك و يوفقك. و يديك طولة العمر كمان :)

انا هنا، سلامات.
دينا خالد ح تدفن معاها حساباتها كلها. ذي الفراعنة. :)

Quote: ميراث العصبة مع البنات موقع القرضاوي من مزايا الشريعة الإسلامية أن أحكامها متماسكة متكاملة ومتناسقة يأخذ بعضها بحجز بعض، ولا ينفصل بعضها عن بعض، فهي وحدة لا تتجزأ، ولا يجوز أخذ بعضها معزولاً عن البعض الآخر.. السؤال: أثار أحد الصحفيين المرموقين زوبعة من القيل والقال، حول حكم الشريعة الإسلامية الغراء في توريث العصبة وهم أقارب الأب من الإخوة وأبناء الإخوة والأعمام وأبناء الأعمام ونحوهم مع بنات الميت من صلبه. وتساءل الكاتب عن الحكمة والمصلحة من وراء هذا التشريع، مع أن كثيرًا من هؤلاء العصبات من إخوة وأعمام، قد يكونون أبعد ما يكون عن الميت المورث من الناحية الواقعية، فلا مودة ولا صلة ولا تزاور، حتي إذا مات الرجل، وترك ابنة أو اثنتين أو ثلاثًا، ظهر هؤلاء العصبة بعد اختفاء، وقربوا بعد ابتعاد، وطالبوا بنصيبهم في التركة، فهل هذا يتفق مع حكمة الشريعة التي أقامت أحكامها علي أساس تحقيق مصالح العباد في المعاش والمعاد؟ لقد أثار هذا الكلام بعض البلبلة لدي بعض الناس. لهذا نرجو بيان حكمة الشريعة في هذا الأمر. ولكم الأجر من الله والشكر من الناس. ح . ع . ع من القاهرة جواب العلامة الدكتور يوسف القرضاوي: من مزايا الشريعة الإسلامية أن أحكامها متماسكة متكاملة ومتناسقة يأخذ بعضها بحجز بعض، ولا ينفصل بعضها عن بعض، فهي وحدة لا تتجزأ، ولا يجوز أخذ بعضها معزولاً عن البعض الآخر، ومن هنا قال الله تعالي لرسوله ولكل من يحكم في الأمة من بعده : (وأن احكم بينهم بما أنزل الله ولا تتبع أهواءهم واحذرهم أن يفتنوك عن بعض ما أنزل الله إليك) (المائدة: 49). وأنكر أشد الإنكار علي بني إسرائيل أخذهم ببعض الكتاب دون بعض، بقوله: (أفتؤمنون ببعض الكتاب وتكفرون ببعض فما جزاء من يفعل ذلك منكم إلا خزي في الحياة الدنيا ويوم القيامة يردون إلي أشد العذاب) (البقرة: 85). وعلي هذا الأساس كان تشريع ميراث (العصبة) في الإسلام. وأصل هذا ثابت بالسنة الصحيحة المتفق عليها عن رسول الله -صلي الله عليه وسلم- أنه قال: "ألحقوا الفرائض بأهلها، فما بقي فلأولي رجل ذكر". والفرائض هي المقادير والأنصبة التي فرضها الله وقدرها في كتابه لأصحابها من الثمن، والربع، والنصف، والسدس، والثلث، والثلثين، ومن المعلوم أن هذه الفرائض قد لا تستغرق التركة في بعض الأحوال، كما إذا ترك الميت بنات لا ذكور معهن، فكيف يوزع الباقي، الذي سكت عنه القرآن؟ هنا جاء الحديث الصحيح، وحدد طريقة التوزيع والاستحقاق، وأنه "لأولي رجل ذكر"، وأولي الرجال الذكور هؤلاء هم الذين نسميهم "العصبة" وهو الذي يأخذ ما بقي بعد أصحاب الفروض من التركة، وينفرد بها إذا لم يوجد صاحب فرض. ففي حالة ما إذا ترك الميت ابنتين أو ثلاثًا مثلاً، وأمّا وزوجة، فإن البنات لهن الثلثان والأم لها السدس والزوجة لها الثمن وهذه فرائض منصوص عليها في القرآن. فإذا افترضنا المقام (أربعة وعشرين)، فمجموع هذه الفرائض يساوي (23/24)، ويبقي من التركة (واحد) علي (أربعة وعشرين)، وإذا لم توجد أم للميت يصبح الباقي (خمسة) علي (أربعة وعشرين)، وإذا لم توجد أم ولا زوجة يصبح الباقي (ثمانية) علي (أربعة وعشرين)، وهذا الباقي قل أو كثر، هو من نصيب العصبة: أولي رجل ذكر، فأولي الناس بالميت هو أقربهم. وسر توريث العصبة يرجع إلي فلسفة الإسلام في نظام الأسرة فهي ليست الأسرة الضيقة المحصورة في الزوجين وأولادهما، كما هو معروف عند الغربيين وغيرهم، بل هي الأسرة الممتدة، أو الموسعة، التي يدخل فيها الأقارب والأرحام. ولهذا وجدنا القرآن والسنة حافلين بتأكيد حق ذوي القربي وإيجاب صلتهم، وتحريم قطيعتهم. وحسبنا أن نقرأ مثل هذه الآيات: (واعبدوا الله ولا تشركوا به شيئًا وبالوالدين إحسانًا وبذي القربي ...). (النساء: 36). (وقضي ربك ألا تعبدوا إلا إياه وبالوالدين إحسانًا ........) إلي أن قال: (وآت ذا القربي حقه والمسكين وابن السبيل). (الإسراء: 23 -26). (يسألونك ماذا ينفقون قل ما أنفقتم من خير فللوالدين والأقربين واليتامي والمساكين ....). (البقرة: 215). (كتب عليكم إذا حضر أحدكم الموت إن ترك خيرًا الوصية للوالدين والأقربين بالمعروف حقًا علي المتقين). (البقرة: 180). (واتقوا الله الذي تساءلون به والأرحام إن الله كان عليكم رقيبًا). (النساء: 1). (فهل عسيتم إن توليتم أن تفسدوا في الأرض وتقطعوا أرحامكم. أولئك الذين لعنهم الله فأصمهم وأعمي أبصارهم). (محمد: 22، 23). ولم يدع الإسلام الأمر وصايا أخلاقية، ودعوة قائمة علي الترغيب والترهيب فحسب، بل تدخل بالتشريع لحماية الوصايا وتنفيذها: فشرع عدة أنظمة، تكفل بقاء النظام واستمراره كما يحب الله ورسوله، منها:

بريمة

دينا خالد، اهو ناس قوقل ح يشوفوا ليك حل لحساباتك كلها العندهم عشان الجلاجل و كده.
Hay, I am just kidding



http://www.computerworld.com/s/article/923835...f%3Dall%26topic%3Dtc

قوقل الان بتديك الخيار اذا حسابك بقي ما اكتف لمدة 6 شهور، انه يتمسح تماماً او تخلي زول معين يتصرف فيه.

شكراً بريمة علي المعلومة.

Quote: كلام لزوجتك... علِّمها كيف تكون ارملة انت عندما قررت ان تتزوج فمعنى ذلك انك لا تستطيع ان تعيش وحدك,وانما بزوجتك ولها ولاولادكما ايضا.اذن يجب ان تفكر في مصيرهم معك وبعدك.انها نظرة واقعية والناس يكرهون الواقع.ولكن الرجل الذي قرر الزواج لم يعد خاليا.فابدا حالا بعد شهر العسل.اعطها كل ما في جيبك.اجعلها تتقن عملا ينفعها.فمن يدري؟ربما يؤدي ذلك الى ان يطول عمرك.فلا شيء ياكل الحياة كالقلق..فحاول ان تقضي على القلق الذي يتقلب في الفراش بينك وبين زوجتك.. ثيرون من الازواج لا يدركون ان التزاماتهم تجاه زوجاتهم لا تنتهي بالموت,اذ يظل الرجل-حتى بعد موته- مرتبطا بالتزام ادبي للمحافظة على رفاهية الفتاة التي تزوجها. ان الازواج حسب بعض الاحصاءات يموتون قبل زوجاتهم في 70% من الحالات,وهم في الغالب لا يتركون لزوجاتهم شيء يكفي لامداد ورثتهم باقل قدر يكفل لهم البقاء..كما ان من النادر ان نجد الزوجة التي تعرف ما ينبغي ان تعرفه عن عمل زوجها ودخله,واستثماراته وديونه وميزانيته...في حين انها عرضة لمواجهة المشاكل برمتها فجاة ودون سابق انذار. ولا يفكر اغلب الرجال تفكيرا جديا فيما سيحدث لزوجاتهم بعد رحيلهم عن الدنيا,الا بعد ان يبلغوا من العمر ارذله,في حين ان الرجل في سن الثلاثين يجب ان يهتم بهذا الامر اكثر من اهتمام من بلغ الستين,فان زوجته الاولى قد تواجه بعد موته فترة من الترمل قد تصل الى 40 عاما.وقد تكون مضطرة للانفاق على منزل واسرة. على الزوج اذن ان يبدا في تعليم زوجته كيف تكون ارملة في اقرب وقت ممكن..انه ليس عملا سقيما,بل هو عمل ينطوي على الرحمة والاحساس.واذا امكن علاج المشكلة بطريقة محسوسة,فقد تسفر في النهاية عن اطالة حياة الزوج نفسه,اذ ليس هناك ما هو اكثر دماراً للصحة من القلق. إنّ الخطوة الاولى في تعليم الزوجة يمكن ان تبدا بعد شهر العسل مباشرة,اذ ينبغي على العريس عندئذٍ ان يضع امور الاشراف المالي على البيت بين يدي العروس,ولا ريب انه سيكون مشغولا بما يكفيه لكسب دخل الاسرة. وعلى الزوجة ان تتولى بنفسها سداد كل الفواتير واعداد الميزانية,كما يجب عليها ان توفر ما تستطيع توفيره من النفقات.وبهذه الطريقة تدرك تماما عمل زوجها ونفقاته واستثماراته.وعلى مر السنيين سوف تكتسب شيئا من المعرفة بدنيا الاعمال.. ان المراة اكثر ميلا للاهتمام بالتفاصيل من الرجال,وهي لا تكاد تتمرس مرة بالعمل,حتى تصبح افضل شريك يمكن ان يجده الرجل في عمله. والخطو الاولى لتعليم زوجتك كيف تكون ارملة,ان تعدها للقيام بالاعمال التي تكتسب منها نقودا,حتى تستطيع ان تعول نفسها بنفسها اذا دعى الامر. لقد اخبرني احد الاصدقاء ان زوجته تستطيع ان تكسب عيشها اذا وقع له اي حادث,فقد كانت تعمل سكرتيرة قبل زواجهما,وفي استطاعتها ان تعود لممارسة هذا العمل اذا تطلب الامر ذلك. ___________ منقول بتصرف يسير عن مجلة "المختار من ريدرز دايجست عدد من سنة 1959"

وطرفة من نفس المجلة بس عدد اخر:

كان وكيل شركة التامين يحاول عبثاً اقناع احد الفلاحين بالتامين على حياته....واخيرا قال له في حماسة:"انظر الى المسالة من هذه الزاوية..كيف تتصرف زوجتك بعد وفاتك؟"...فقال الفلاح:هذه مسالة لا تهمني....مادامت تتصرف معي جيداً اثناء حياتي

موضوع مهم جدا شكرا سمارت

الموضوع ده اول مره افكر فيه و انا حامل بحمودي و بما انه ولادتي كانت مبكره في الشهر التامن و الدكتور قرر انه بكره لازم نعمل عمليه نطلع البيبي ده فكرت اني ممكن اموت في الولاده قمت كتبت وصيه و مشيت للمحاميه و كتبت وصيتي انه اختي و اخواني الاتنين يكونوا اوصياء علي ولدي باشراف بابا نسبة لانه ابوه مقيم خارج امريكا و نسبه لضيق الوقت كتبت الوصيه بالنسبه للتامين علي الحياة و اصلا كنت كاتبه المستفيدين يكونوا امي و اختي اما قروشي في البنك مضيت شيكات علي بياض لاختي و وريتها هي و ماما ارقام الحسابات و الارقام السريه ( التقول عندي ملايين) المهم لمن ولدت حمودي و رجعت الشغل غيرت المستفيدين من اللايف انشورانس و عملته حمودي بس باشراف اخواني و بابا.
بعد مرضي قبل تلاته سنوات و لاني دخلت في غيبوبه تلاته ايام فكرت في موضوع الوصيه المرضيه و لي عوده.

‎
جاهزين جاهزين لحماية الدين
اسمارت
وضيوفك الأكارم
الحمد لله انا جاهز
ما عندي أي شيء من املاكي
بي اسمي - غريبة موش؟

الحاجات خارج السودان برضو نفس الشيء
وحساب البنك مع النصف الحلو؟


موضوع جميل - كالعادة
بالجنبة كدا:
الايفونات كيف ذي ما قالت دينا؟
وصلنا وين؟
الحبيب الاول والا لسع ننقل؟
_________
الحليلة

بوست مهم جدا، شكرا سمارت والمتداخلين..
التأمين على الحياة والوصية مهمين جدا لمضايرة الأحوال بعد الرحيل..
ويديكم جميعا الصحة وطولة العمر

هههههههههههها يا سمارت ونجوان !
اظرف حاجة انو ناس كندا وامريكا جو يتجدعوا ويتكلمو عن الورته
ياخ شوفوا طريقة لوراثكم يتخارجوا من الديون المردومة دى كيف؟
بطلوا جخ اتاحتهو لكم اسمارت .. التى لاتعدو تركتها بعض كاتلات
وايفون وون واحد .....










ـــــــــــــــــــــــــ
حتى ناس الخليج .. امنعوا الفوضى !
وخلوها مستورة ...

العزيزة سمارت شكراً جزيلاً في الرد على الشريرة أم مؤيد من الفيسبوك

يا أم مؤيد أنا ما عافي ليك حق بناتي دا

‎
اسمارت مرة أخري
والضيوف المحترمون
سلام واحترام
ترددت عبارة التأمين علي الحياة
كم مرة هنا، وحقيقة سمعت بأن
التأمين علي الحياة - شرعاً- لا يجوز
أرجو تنويرنا لو تكرمتم
_________
الحليلة

سلامات يا دانية. ربنا يديك العافية و طولة العمر و يخليك لحمودي. و تكبري و تخرفي و تجننيه بخرفك :)
الوصية في حالة المرض مهمة جداً. أنا مثلا ما عاوزه أكون قاعدة في مستشفي في حالة موت دماغي بالشهور و أهلي يتمشوروا المستشفي كل يوم. برضوا ما عاوزه يسفروا جثماني لاي مكان. الحتة اللي ح أموت فيها يدفنوني في اقرب مقابر مسلمين. و خلاص.


سلامات يا الحليلة. مالك جايب لينا سيرة الدنيا الزائلة دي :)
Just kidding
ال أي فون احتمال 6 أو احتمال يكون 5s
ح يطلع غالبا الصيف ده أو الخريف. لكن ابل مفروض تشد حيلها شديد و تطلع حاجة سمحة. أو أنا ح ارجع للحبيب الاولاني مايكروسوفت. مستحيل طبعا امشي للاندرويد
الإشاعات الآن أن ابل شغالة في تلفزيون. Smart tv و انه ابل ح تغير مفهومنا للتلفزيون ذي ما غيروا مفهومنا للتلفون. غايتو، نشوف.
شكلك جاهز يا الحليلة لتقديم أوراقك. يديك طولة العمر.

شكرًا يا نجوان. واحد صاحبنا قال لي: أنا ح أموت عديل كده و شايل هم ال وراي من كم مشوار للمحكمة ؟

دندون، انت امنعي الفوضي. و روقي و أحلي، (علي رأي الأستاذ احمد المصطفي.)
يا أخي قلنا الوصية ما قروش بس. فيها أولادي يمشوا وين وأنا يدفنوني وين !!!!
بعدين التامين علي الحياة دي قروشه ما هينة بتحصل 300, 400, 500 ألف دولار و مرات اكتر. ده بس من ناس الشغل. يعني من غير ما ادفع فيه مليمة. و ما أظن مفروض الورثة مفروض تدفع منه الديون.
بعدين كيف يعني تقولي أنا عندي أي فون واحد ح اسيبه لورثتي. ح اسيب ليهم معاه أي باد 2 :) . صحيح ناس السودان ورثوني بالحياة في تلفوناتي القديمة. لكن حلال عليهم. اهو تعتبر جزء من الوصية.

مديري في الشغل قال زوجته شافت قيمة التامين، عاينت ليه كداااا. قلت ليه بالله انت قيمتك ميت أعلي كتير جداً من كونك حي!!!!

النذير عاوزه انظر ليك شوية في موضوع الورثة ده. المولانات ما يجوا يشاكلوني :(
قلنا تنظير، ما فتوة.
تعرف يا النذير يا أخوي، لما تعاين للحاجة اللي عملها الإسلام قبل ألف و أربعمائة سنة ح تلاقيها طفرة في البشرية. أصلا النساء ما كانوا بيورثوا أي شيء. و يجي الإسلام و يخليهم يورثوا من اصلوا و يديهم حقهم، ده شيء ما هين. باقي العالم كان لسه بعيد جداً. يا أخي أصلا باقي العالم حصل الإسلام في موضوع النساء قبل مئة او مئة و خمسين سنة بس. و احتمال اقل. يا أخي في أمريكا دي ادوا النساء ( بيض و سود) حق التصويت بعد الرجال السود. اتخيل في الزمن اللي كانت أمريكا في قمة عنصريتها، النساء كانوا اقل درجة. يعني الزمن داك كوني أني امرأة و بلاك، كان as bad as it can get
نرجع لموضوعنا. علي العموم الشرع سمح ليك انك تتصرف في تلت ثروتك ذي ما عاوز. و خلي الباقي يتوزع عادي. أو ممكن توزع كل ممتلكاتك في حياتك. و تخلص. هبة، بيع و شراء. أي شيء. و يا دار ما دخلك شر.
كلام شيخ القرضاوي حقيقي ما كان مقنع. في كونه الأعمام يشاركوا في الورثة. الكلام كان ممكن يكون مقنع شوية لو قال بانه أصلا المرة ما مفروض تصرف في بيتها. و دائماً مسؤل مصاريفها زوج او أخ او عم ( علي الأقل الزمن داك)
أنا حقيقي ح استفيد من موضوع تلت الورثة اللي ممكن أتصرف فيه ده و ح اوزع حجاتي علي أولادي و بناتي بالتساوي.
و ربنا يرحمنا أحياء و أموات.

سلامات يا الحليلة. و الله أنا ما بقدر افتي حلال أم حرام.
لكن ما أظن انه بيفرق عن التامين علي العربية. الفكرة أني بدفع قروش شهريا. في حالة أني مت، بيدفعوا قروش لاولادي تعينهم في الدنيا.
علي العموم أنا هنا ما عندي خيار. الشركة اللي انا شغالة فيها بتدفع القروش الشهرية. و في كل بداية سنة بيكلموني: لو متي السنة دي شركة التامين ح تدفع كذا لورثتك.

Quote: هههههههههههها يا سمارت ونجوان ! اظرف حاجة انو ناس كندا وامريكا جو يتجدعوا ويتكلمو عن الورته ياخ شوفوا طريقة لوراثكم يتخارجوا من الديون المردومة دى كيف؟ بطلوا جخ اتاحتهو لكم اسمارت .. التى لاتعدو تركتها بعض

معاك حق طبعا ... غالبا تجاربك كانت مريرة...

الله يكون في العون بس ...

>
كدة برضو يا اسمارت؟
و الله الليلة دخلت فيني خوفة
أنا مشترك معاك في وصية يدفنوني حيث أموت
برغم أن تصميم الصندوق يجعلك مستلقيآ على الظهر
و ليس مضجعآ على الجانب الأيمن
لكن يا اسمارت الليلة كلامك بقى لي كــُــتــر
برغم إني قريت كل المداخلات
لكن برضو ..
مااااا شاعر بغير رهبة الموت الذي تفرون منه

يا ربي مفروض أقول ليك شكرآ و شنو زي باقي المتداخلين؟


.

مستر قباني، دينا خالد دي خائفة بس و قررت تبرمج بناس أمريكا و كندا.
خلينا في المهم. رأيك أي زول في كندا يعمل شنو!


سلامات أستاذ الطيب. ان شاء الله تكون و الأسرة طيبين.
ربنا يديك طولة العمر و الصحة و العافية، لكن الآن مفروض تفكر في موضوع الوصية ده. و ان شاء الله ما يحتاجوا يشوفوها كلو كلو.
And you can thank me later.

هههههه.. دندون مالك فاطّة سطر الليلة؟

قالوا ليك الموضوع ما قروش (او ديون) بس
انتي قانونية يا بنية وعارفة الأمور ممكن تجوط كيف

ناس امريكا وكندا مش حكاية انهم غنيانين وخايفين على ملايينهم
لكنهم، وغيرهم من العايشين في بلاد عندها انظمتها، لازم يكونوا مستعدين
اذا في طريقة الواحد يرتّب اموره -بى حياته- ليه يخلي الباقيين يتبالوا بيها او ينظروا فيها؟

تعرفي يا نجوان أنا بعرف ناس كتار في السودان ده ظبطوا أمورهم في حياتهم. قسموا الحجات علي اولادهم و كده. ديل غالبا بيكونوا ناس اولادهم كبروا و هم غالبا ما عاوزين مشاكل او حتي سؤ فهم بين اولادهم بعد مماتهم.
أما الناس اللي خارج السودان ما أظن عندهم طريقة يموتوا قبل كتبة وصاياهم. اجهزوا يا جماعة. خليكم مارقين :)

-------------------------
عدم اهتمام الناس بالبوست حقيقي حيرني جدا. ماذا بكم يا جماعة؟ خائفين من الموت؟ أم مستبعدنه علي روحكم جداً؟

ربنا يطول اعماركم لأولادكم

الوصية فى الاسلام
روى البخاري (2738) ومسلم (1627) عَنْ عَبْدِ اللَّهِ بْنِ عُمَرَ رَضِيَ اللَّهُ عَنْهُمَا أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : ( مَا حَقُّ امْرِئٍ مُسْلِمٍ لَهُ شَيْءٌ يُوصِي فِيهِ يَبِيتُ لَيْلَتَيْنِ إِلَّا وَوَصِيَّتُهُ مَكْتُوبَةٌ عِنْدَهُ ) .

قال النووي رحمه الله : "فيه الْحَثّ عَلَى الْوَصِيَّة ، وَقَدْ أَجْمَعَ الْمُسْلِمُونَ عَلَى الْأَمْر بِهَا ، لَكِنَّ مَذْهَبنَا وَمَذْهَب الْجَمَاهِير أَنَّهَا مَنْدُوبَة لَا وَاجِبَة .

قَالَ الشَّافِعِيّ رَحِمَهُ اللَّه : مَعْنَى الْحَدِيث : مَا الْحَزْم وَالِاحْتِيَاط لِلْمُسْلِمِ إِلَّا أَنْ تَكُون وَصِيَّته مَكْتُوبَة عِنْده .
وَيُسْتَحَبّ تَعْجِيلهَا ، وَأَنْ يَكْتُبهَا فِي صِحَّته ، وَيُشْهِد عَلَيْهِ فِيهَا ، وَيَكْتُب فِيهَا مَا يَحْتَاج إِلَيْهِ ، فَإِنْ تَجَدَّدَ لَهُ أَمْر يَحْتَاج إِلَى الْوَصِيَّة بِهِ أَلْحَقَهُ بِهَا .

الوصية نوعان :
وصية واجبة : وهي الوصية ببيان ما عليه وما له من حقوق ، كدين أو قرض أو أمانات مودعة عنده ، أو حقوق له في ذمم الناس ، فالوصية هنا واجبة لحفظ ماله ، وبراءة ذمته .
ووصية مستحبة : وهي التبرع المحض ، كوصية الإنسان بعد موته في ماله بالثلث فأقل ، لقريب غير وارث ، أو لغيره ، أو الوصية في أعمال البر من الصدقة على الفقراء والمساكين أو في وجوه الخير

موضوع مؤرق مضاجعنا كلنا
الله يدينا حسن الخاتمة بس
آمين

زياد جعفر....سلامات
ربنا يدين حسن الخاتمة اجمعين





ربنا يرحم اخونا البحيراوي و يقبلوه قبول حسن.
لا حول ولا قوة الا بالله

يا سمارتي
بدل التعب دا
و زعي لينا الوصية أو الوصاية بتاعتك الدفعتي فيها قروش للمحاميك
و أشطبي إسمك و إسم بعلك و أولادك عشان نخت بدلا عنها أسامينا

و كان الله يحب المحسنين
و بالمرة تمشي الجنة
__________________________________


إن شاء الله تكوني دخلتيني في ورثتك
كمبيوتر أو موبايل أو حتة دهباية

مش نحن أخوان!

الجماعة مالم سكتوا?

كوستاوى...يديك الصحة و العافية.
عاوزه اقول ليك لحدى ما تخرف و تجنن اولادك...لكن انت هسي مخرف:)

يا فردة الوصية قوانينها بتختلف من ولاية لولاية. بعدين احنا ما غنيانين ذيك. انت ضارب قروش الحكومة وقاعد. ^_^
بطل بخل.... و قوم قح ليك كم دولار كده و اكتب وصيتك.
احنا معاش ما عندنا .....كلها حبة قريشات فى ال 401k

ح اكتب فى الوصية يدوك مكتبتى فى البورد *_^. لما بكرى يعمل لى واحدة.

احمد سيد احمد
سلامات....كيفك يا برلومنا?
ده برضوا جانب مهم جدا فى موضوع التجهيز لتقديم الاوراق.
لما اقول ل(بعض) الرجال هنا ما تحبسوا زوجاتكم و بناتكم. خليهم يتعلموا ويعتمدوا على روحهم, فى ناس كتار ما بتفهمنى انا بقول فى شنو. او فاهمين بس افضل (فى نظرهم)ان الزوجة -لا قدر الله- لو اتوفي زوجها تفتش ليها زوج جديد تعتمد عليه.

Quote: أنا حقيقي ح استفيد من موضوع تلت الورثة اللي ممكن أتصرف فيه ده و ح اوزع حجاتي علي أولادي و بناتي بالتساوي.

اسـمارت و الجميع

ان شــاء الله بعـد عمـر طويل من الطاعة و العطاء
و الله يكفيكم و ايانا شــر المصائب و المحـن


يا اســمارت منو القال تلت التركة ممكن يكون للورثة انفســهم او أحدهم


طبعا الموضوع دا فيهو اراء و اختلافات

اظنك قاصــدة ان تهبي لهـم ( بعـد خرف )

الابنة العزيزة

اسمارت

طرحتي موضوع مهم جدااا

الموضوع متشعب وبصراحة لحدي وقت قريب كنت بفتكر الوصية بس تكتب فيها الناس العايزين منك قروش وكم والتلت من الورثة كيف يتوزع

من خلال هذا الخيط القيم تبينت لي نواحي اخرى مهمة

فشكرا لك الف مرة

سلامات أخ القرضابي.
أقترح بكري يعمل مكتبة للوصايا
و الخاين الله يخونو
---------------------
حتي دي بكري ح يطنشني فيها :(

سلامات أخ عبد الله احيمر.
ربنا يديك الصحة و العافية و طولة العمر.
ذي ما قلتا الموضوع فيه كلام كتير.
و حقيقي أنا لسه ما عارفة الشرع بيقول شنو بالضبط. لكن ده لوست ( لو عندك وقت) ارجع ليه. و ان شاء الله لما أخونا ادروب يشوفه و يرد علينا ( مشكور مقدما) ح نستفيد كلنا
استاذ:Adrob abubakr. ممكن دقيقة?


سلامات أخ قرجا. ربنا يخليك لاولادك و تشوف أحفادهم ان شاء الله.
الحمد لله انك لقيت البوست مفيد.

اسمارت انا

ياخ و الله موضوعك حيوي و شفتو من اول يوم, و عملت زايغ هههههههههه ياخ الكلام عن الموت اكثر ما تفزع منه النفس
مهم جدا ان الانسان يا اما يكتب وصية, او يوصي شفاهة.
انا طوالي بوصي زوجتي, في البداية كانت تتحسس, لكنها فهمت اهمية الحكاية.
لما مشيت اشتري تأمين الحياة وضعت اسم زوجتي, فقامت مندوبة التأمين قالت لي ياخ الدنيا ما معروفة, يمكن انت و زوجتك تتلحسوا سوا, خت زول تاني عشان يتم الاتصال به في تلك الحالة (ههههههه ما بطمنوا كلو كلو يعني و لا حتى قالت لي ياخ بعد طول عمر) و وضعت اسم احد اخواني كمنتفع تاني, و دي برضو مهمة لو العيال اقل من تمنتاشر.
واحد "كان صاحبي" و كنت اخبرته (كضمان تاني لو حصل امر الله عشان يساعدوا زوجتي في الاتصال بالشركة و تسوية الموضوع) اني اشتريت تأمين على الحياة, و مرة في حلقة تلاوة قام طرح الموضوع عشان يحرجني, فقال يا جماعة عايزين نعرف الراي الشرعي في موضوع التأمين على الحياة! فخليتهم بعد ما افتوا و طلعوه على الاقل مكروه, فذكرتهم بالحديث النبوي الشريف فيما معناه لا تتركوا ابناءكم فقراء يتكففون الناس, و اظن حجتي كانت قوية. (انا اعتقد ان التأمين يدخل ضمن الاية و تعاونوا على البر و التقوى فالناس هنا تساعد بعضها على تحمل تكاليف قد تكون مرهقة جدا في حالة القيام بها بطريقة منفردة)
صاحبي نسى انه اصلا ما قاعد استفتي و العايز اعرفو باخدو مباشرة من القران و الحديث الشريف; بفتي لنفسي براي (المافي شنو هههههههه زي ما قال قيقراوينا سابقا).
برضو هناك قضية الدفن و تكاليفه; سواء هنا في امريكا او تسفير الجثمان للسودان, مفروض الناس تعيرها اهتمام و للناس التعبانين هناك بعض شركات تأمين تبيع سياسات تأمين لتغطية تكاليف الدفن و التشييع.



لو الله هون بجي راجع.








---

سلاما اخ بدر الدين.
قاطع قلب زوجتك و اولادك انت يل اخى. يوم وصية و يوم ارهاب.
ربنا يغطى عليكم و يديك الصحة والعافية و طولة العمر عشان تخلى بال منهم.

د. ادروب ادانا النجيضة فى البوست ده حول التامين على الحياة و حول موضوع الوصية
استاذ:Adrob abubakr. ممكن دقيقة?
ح انقل كل المداخلت هنا

قبل كم يوم فتحتا البوست ده:
استاذ:Adrob abubakr. ممكن دقيقة?
و كتبت فيه :
سلامات اخ ادروب
فى بوست :
حول الفكرة الجمهورية
كتبتا:

Quote: لو كان هذا الأمر يطبق لحرمة الدستور, فما بالك من القرآن (دستور الأمة), أليس من الغريب أن يصل الأمر بفقهاؤنا أن ينسخوا كلية آية من الاحكام كآية الوصية (كُتِبَ عَلَيْكُمْ إِذَا حَضَرَ أَحَدَكُمُ الْمَوْتُ إِنْ تَرَكَ خَيْراً الْوَصِيَّةُ لِلْوَالِدَيْنِ وَالْأَقْرَبِينَ بِالْمَعْرُوفِ حَقّاً عَلَى الْمُتَّقِينَ) بحديث ظني الثبوت (لا وصية لوارث), ظهر في ظروف التنافس علي السلطة بين آل العباس وآل البيت من ذرية علي بن أبي طالب الذين كانوا يقولون لهم وصية علي الإمامة, فإستدل سلاطين بني العباس بهذا الحديث لقطع الطريق لآل البيت من أبناء علي بن أبي طالب!!!!

عاوزه بس تفاصيل اكتر عن الفقرة دى. و اكون فى غايتة الامتنان.
شكرا مقدما

كان رد د. ادروب كالاتى:

Quote: حياك الله عزيزتي إسمارت في الواقع فقه المعاملات في الإسلام يحتاج كثير منه إلي إعادة ترميم كاملة من ناحية المصطلحات والمفاهيم والأحكام, لأن أصل هذه الأحكام من بنات أفكار المذاهب الأربعة, وقد تكون موافقة لعصرهم, ولكن بالتأكيد يختلف الوضع عن عصرنا, وقد تطورت المعاملات, وظهرت مفاهيم إقتصادية جديدة, وحتي القديمة أصبحت لها مدلولات مختلفة, وللأسف الشديد قعد الفقهاء عن الإجتهاد لمواكبة هذا التطور الهائل في المعاملات المالية والتجارية, وما زالوا ينهلون من فتات الفقه القديم, بذات المصطحات المربكة, وبمفاهيمها "المعقدة", وتمسكون بها حتي ولو لم يعد يجري التعامل بها علي أرض الواقع!!!! ولهذا للآن لم يتم وضع تعريف دقيق لمفهوم "الربا", رغم الأهمية القصوي, مفهوما يصلح للمعاملات التجارية المعقدة في وقتنا الحالي, سواء بين التجار فيما بينهم أو بين التاجر والمستهلك, فما زال الحديث عندهم عن مبادلة "الذهب بالذهب أو الفضة بالفضة" أو مقايضة "القمح بالقمح" أو "الشعير بالشعير", وهي نفس الأمثلة القديمة التي تتكرر عندهم دائما, كأن عقولهم حبست حتي الإتيان بأمثلة جديدة تستعين علي الأقل بطريق القياس بنمازج عصرنا الحالي!!!! والأخطر من ذلك أن خلطوا بين التحريم والبطلان وجعلوا من باب المعاملات المدنية والتجارية الأصل فيه التحريم بدل الإباحة, وجعلوا من العقد "قانوناً آمراً" بدل أن يكون "شريعة المتعاقدين", فحرموا التعاقد مع الغائب عن مجلس العقد, والبيع غير المنجز, وبيع الغرر, وبيع الشيء قبل القبض, وبيع ما عَجَز عن تسليمه حالاً, وبيع الثمار أو الزروع, وبيع حَبَل الحَبَلة, وبيع المضامين والملاقيح, وبيع الملامسة والمحاقلة, وبيع العَرَبون, وبيع حاضر لباد, وتلقي الركبان, وبيع النجش, وبيع الثنيا, والسوم على السوم, وبيع ما لم يُمْلَك إلا في سَلَم إلخ, فماذا تبقي من معاملات مدنية وتجارية لكي يتعامل بها المسلمون!!!! بالمناسبة هذه الأمور لم يرد أي نص من القرآن فيها, إنما إعتمادهم في مجملها علي إجتهادات أئمة المذاهب, ومرويات قليلة من الأحاديث غير الثابتة! أما بالنسبة للوصية, فحدثي ولا حرج, فهي من أكثر المواضيع التي تبين كيف أن السياسة بعد الخلافة الراشدة, خطفت الدين وإستغلته لخدمة السلطان, وكما هو الشاهد الآن عند كيزانا في السودان, وهذا ما يدعونا لعدم التسليم لكل ما ورد عن آراء الإئمة دون الإستيثاق منه, لأن يد سياسة بني أمية وبني العباس قد طالتهم ولم تستثني إستثمار إجتهادات هؤلاء الأئمة, إن لم تكن برعاية منها, وكما قلت أن "الوصية" وهي حكم أصيل وثابت في القرآن, يعد فرضا من الفراض وحداً من حدود الله, يسبق حتي توزيع التركة (مِنْ بَعْدِ وَصِيَّةٍ يُوصَى بِهَا أَوْ دَيْنٍ), فقد نسخوا آية من أحكام الوصية بجرة قلم, بحديث, والغرض السياسي كان ينضح بوضوح, بشأن المنافسة بين الحليفين الذين أسقطوا دولة بني أمية, وهما بني العباس وآل علي, فتم بمقتضي هذا الحديث إقصاء آل علي بن أبي طالب من تولي السلطان, بسبب إدعائهم الوصية علي الإمامة من رسول الله, ولم يكتفي الفقهاء بذلك, بل حتي الوصية المسموح لها عندهم "من غير الوارث", حصروها, طبعا بحديث أيضا, في حدود الثلث!!! (يُوصِيكُمُ اللَّهُ فِي أَوْلادِكُمْ لِلذَّكَرِ مِثْلُ حَظِّ الأُنثَيَيْنِ فَإِن كُنَّ نِسَاء فَوْقَ اثْنَتَيْنِ فَلَهُنَّ ثُلُثَا مَا تَرَكَ وَإِن كَانَتْ وَاحِدَةً فَلَهَا النِّصْفُ وَلأَبَوَيْهِ لِكُلِّ وَاحِدٍ مِّنْهُمَا السُّدُسُ مِمَّا تَرَكَ إِن كَانَ لَهُ وَلَدٌ فَإِن لَّمْ يَكُن لَّهُ وَلَدٌ وَوَرِثَهُ أَبَوَاهُ فَلأُمِّهِ الثُّلُثُ فَإِن كَانَ لَهُ إِخْوَةٌ فَلأُمِّهِ السُّدُسُ مِن بَعْدِ وَصِيَّةٍ يُوصِي بِهَا أَوْ دَيْنٍ آبَاؤُكُمْ وَأَبْنَاؤُكُمْ لاَ تَدْرُونَ أَيُّهُمْ أَقْرَبُ لَكُمْ نَفْعًا فَرِيضَةً مِّنَ اللَّهِ إِنَّ اللَّهَ كَانَ عَلِيمًا حَكِيمًا, وَلَكُمْ نِصْفُ مَا تَرَكَ أَزْوَاجُكُمْ إِن لَّمْ يَكُن لَّهُنَّ وَلَدٌ فَإِن كَانَ لَهُنَّ وَلَدٌ فَلَكُمُ الرُّبُعُ مِمَّا تَرَكْنَ مِن بَعْدِ وَصِيَّةٍ يُوصِينَ بِهَا أَوْ دَيْنٍ وَلَهُنَّ الرُّبُعُ مِمَّا تَرَكْتُمْ إِن لَّمْ يَكُن لَّكُمْ وَلَدٌ فَإِن كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُم مِّن بَعْدِ وَصِيَّةٍ تُوصُونَ بِهَا أَوْ دَيْنٍ وَإِن كَانَ رَجُلٌ يُورَثُ كَلالَةً أَو امْرَأَةٌ وَلَهُ أَخٌ أَوْ أُخْتٌ فَلِكُلِّ وَاحِدٍ مِّنْهُمَا السُّدُسُ فَإِن كَانُواْ أَكْثَرَ مِن ذَلِكَ فَهُمْ شُرَكَاء فِي الثُّلُثِ مِن بَعْدِ وَصِيَّةٍ يُوصَى بِهَا أَوْ دَيْنٍ غَيْرَ مُضَارٍّ وَصِيَّةً مِّنَ اللَّهِ وَاللَّهُ عَلِيمٌ حَلِيمٌ, تِلْكَ حُدُودُ اللَّهِ وَمَن يُطِعِ اللَّهَ وَرَسُولَهُ يُدْخِلْهُ جَنَّاتٍ تَجْرِي مِن تَحْتِهَا الأَنْهَارُ خَالِدِينَ فِيهَا وَذَلِكَ الْفَوْزُ الْعَظِيمُ) كثير من الناس لا يعلمون أن الأصل في التركة والتصرف لما بعد الموت يكون بالأساس بمقتضي "الوصية", حيث لها الأولوية علي موضوع الإرث, فالإرث شرعا أمر مكمل للوصية, فلا ينطبق إلا في حالة عدم وجود وصية, أنها مثل أحكام القانون المدني, في مجملها ليست آمرة, بل مكملة لإرادة المتعاقدين, ويجوز لهما الإتفاق علي خلافها, فهي إبتداء إختياراً, ولكنها ملزمة إنتهاءً, وهذا ما هو عليه العمل حاليا في قوانين الدول الأوربية أيضاً. ومقتضي هذا أن الوصية غير محددة, وبخلاف ما يقولون الأولوية فيها علي الورثة (آبَاؤُكُمْ وَأَبْنَاؤُكُمْ لاَ تَدْرُونَ أَيُّهُمْ أَقْرَبُ لَكُمْ نَفْعًا فَرِيضَةً مِّنَ اللَّه) أما موضوع التأمين علي الحياة, فهو أيضا ظل مدار خلاف بينهم في حكمه, وحجتهم في ذلك أنه من الغرر أو الربا, كما يقولون, والربا في الحقيقة هي الفائدة الثابتة والمضافة إبتداءً علي أصل قيمة المبلغ أو الثمن, وتحسب فائدة علي فائدة إذا تأخر دفع الفائدة وتضاف لأصل القيمة أو الثمن, وهكذا تتضاعف الفوائد ويزيد رأسمال التاجر علي حساب غرم المستهلك (يا أَيُّهَا الَّذِينَ آمَنُواْ لاَ تَأْكُلُواْ الرِّبَا أَضْعَافاً مُّضَاعَفَةً وَاتَّقُواْ اللّهَ لَعَلَّكُمْ تُفْلِحُونَ), وعليه هنا أن تتأكدي من عدم تضمين العقد بند الربا, أو عدم الدخول في العقد, إذا كنت لست متأكدة من الإلتزام بدفع أقساط التأمين, تجنبا لفوائد التأخير عن الدفع, أما الغرر فهو جهل المتعاقد بمصير العقد, من حيث الغنم والغرم, فإذا ربح أحد المتعاقدين خسر الآخر, أو العكس, ولهذا التشابه في النتيجة يشبهونه بالميسر وهم يرون أن المستأمن أو المؤمن ليس بإمكانهما إبتداء تحديد مدة العقد, ولا مقدار قيمة الأقساط التي ينبغي دفعها, فمن الجائز إذن أن يدفع المستأمن مثلا قسطاً أو قسطين, ويقع حادث يؤدي لموته, فيستحق كل التأمين, أو لا يقع الحادث, ويدفع كل أقساط التأمين, ويغنم المؤمن, هذا هو مضمون فتوي مجمع الفقه الإسلامي, ولكنهم في نفس الوقت أجازوا التأمين الإسلامي أو التكافلي, كما يقولون, وهو إتفاقهم علي تلافي الأضرارو في حال وقوع الكارثة, مقابل دفع الإشتراكات لصندوق التامين!!! في الحقيقة الغرر هو الغش أو التدليس أو السحت أوأكل المال بالباطل, يحتمل كل هذه المعاني, وهو بالطبع محرم, ولكن حكمه في العقد يختلف حسب نوعه ومقداره, وما إذا كان في محل العقد أو في سببه, أو قد شاب إرادة المتعاقدين, ويدور حكمه بين البطلان المطلق أو القابلية للإبطال في حق من تقرر في مصلحته, ولكن تظل دائما القاعدة العامة "العقد شريعة المتعاقدين" هي التي تحكم العقود, ما لم يكن هناك تعاقد علي محرم في جنسه أو حكمه, والشرع يستهدف من كل هذا أولاً إستقرار المعاملة وثانياً حماية الطرف الأضعف, إذا كان من المستهلكين, وعليه فإذا تعاقد شخص ذو أهليه كاملة بإرادته الحرة, وهو واعي بأحوال العقد وبنوده, سواء تعاقد بنفسه, أو بواسطة محاميه, فلا مجال من بعد للإحتجاج بالغرر أو بغير الغرر. وعقد التأمين علي الحياة أولا سببه مشروع, وهو كفالة عيش كريم للأطفال المستأمن, حتي لا يتركهم بؤساء عالة علي غيرهم, وثانياً نتيجة العقد, صحيح أنها في رحم الغيب, ولكن من المؤكد أن وقوع حادثة الموت, أمر محقق حتماً, وثالثأ أقساط التأمين التي يدفعها المستأمن, سواء إستمرت طويلا أو قصيرا, فهي تقابل بنفس قدر تعويض المؤمن, في حالة حدوث الوفاة, بالتالي الأمر أمر معاوضة, بقدر ما يربح المؤمن بطول مدة دفع الأقساط, يربح في الإحتمال المقابل المستأمن إذا قصرت مدة دفع الأقساط, وهذا هو الأمر الطبيعي في التجارة, وهو إمكانية الربح أو الخسارة, أما بالنسبة living trust في الحقيقة هذه مثل حكم "الوقف" في الإسلام, فهي بالطبع جائزة, ولكن لا أنصح بها إلا إذا لديك أموال معتبرة أو عقارات. والله أعلم

سالتاانا مرة اخرى قائلة:

Quote: و الله يا أخي ادروب، أنا عاجزة عن الشكر. شكرًا علي ال thoughts و الزمن و المجهود اللي ختيته في الرد. مع أني أكيد مريت علي الآية دي كتير جداً، لكن كحال القران الكريم دائماً، في آيات الزول لما يسمعها مرات بيكون كانه اول مرة يسمعها. كلامك منطقي جداً، الدين الإسلامي دين عظيم، و عشان يكون عظيم، لازم يكون بسيط و منطقي. أنا قريت الرد مرة و اتنين وتلاته. و ذي ما قلت، الرد واضح و مرتب و دسم في النفس الوقت. لكن عندي سؤال بسيط. أنا عايشة في بلاد الفرنجة. لما أموت أولادي ( بنات و أولاد) ح تكون عندهم نفس الواجبات و المسؤليات ( دراسة و سكن و كده). اعتمادا علي أني ممكن أوصي بثلث املاكي، هل ممكن أقسمها عليهم بالتساوي؟ و لو كنت شايفه أني أمي و أبوي ما محتاجين. بل هم في وضع ( مادي) أحسن مني كتير جداً. ممكن ما ادخلهم في الوصية؟. أنا عارفة انك ممكن تكون ما مرتاح نفسيا انك ترد علي الأسئلة دي. عشان كده بقول ليك علي راحتك تماماً. بس - صراحة- أنا طمعانة في رد لانه صعب جداً ألاقي زول ( ذيك) فاهم في الدين و برضوا قادر يشغل عقله و يفكر في الأمور. شكرًا تاني. و يديك العافية.

و كان رد د. ادروب كالاتى:

Quote: حياك الله أستاذة إسمارتو وشكرا علي كلماتك الطيبة في حقي Quote: اعتمادا علي أني ممكن أوصي بثلث املاكي، هل ممكن أقسمها عليهم بالتساوي؟ و لو كنت شايفه أني أمي و أبوي ما محتاجين. بل هم في وضع ( مادي) أحسن مني كتير جداً. ممكن ما ادخلهم في الوصية؟ في الحقيقة موضوع الثلث هذا في الفقه قصته طويلة وغريبة جداً, من ناحية يحرمون الوصية للأقارب, في مخالفة صريحة لأهم آية في أحكام الوصية (كُتِبَ عَلَيْكُمْ إِذَا حَضَرَ أَحَدَكُمُ الْمَوْتُ إِن تَرَكَ خَيْراً الْوَصِيَّةُ لِلْوَالِدَيْنِ وَالأقْرَبِينَ بِالْمَعْرُوفِ حَقّاً عَلَى الْمُتَّقِينَ), ومن ناحية ثانية يجيزون الوصية في حدود الثلث لغير الأقارب, ومن ناحية ثالثة يقولون بوجود "وصية واجبة" للأحفاد الذين تركتهم أمهم أو أبوهم!!!! هناك كما تعلمي نوعين من الوصية, الأولي إختيارية Living Trust وهي تصرف لما بعد الموت في حياة الإنسان, والثانية واجبة Will وتكون علي فراش الموت للوالدين والأقربين (كُتِبَ عَلَيْكُمْ إِذَا حَضَرَ أَحَدَكُمُ الْمَوْتُ إِن تَرَكَ خَيْراً الْوَصِيَّةُ لِلْوَالِدَيْنِ وَالأقْرَبِينَ بِالْمَعْرُوفِ حَقّاً عَلَى الْمُتَّقِينَ), والحالة الأولي رغم إجراءاتها المكلفة, لما تحتاجه من تكاليف الضرائب والحراسة والإشراف والإدارة Management of the Trust assets بالمقارنة مع الثانية التي يكون إشرافها من المحكمة تلقائياً court supervision, فإن صاحبها Settlor حر في الأصل في التصرف في ماله, بأن يوصي بالثلث أو أكثر إن أراد, للورثة أو لغير الورثة, ولكن بالطبع الأقربون أولي بالمعروف, فيجب أن تحرصي في العدل بين أبنائك وبناتك, وإن كان وضع والديك ميسوراً, وكذا زوجك, فمن الأفضل أن تتخذي القرار بالتشاور معهم, ويا حبذا لو قبلوا أن يكونوا شهداء علي الوصية, أما الحالة الثانية فهي التي وردت في الآية السالف ذكرها (كُتِبَ عَلَيْكُمْ إِذَا حَضَرَ أَحَدَكُمُ الْمَوْتُ إِن تَرَكَ خَيْراً الْوَصِيَّةُ لِلْوَالِدَيْنِ وَالأقْرَبِينَ بِالْمَعْرُوفِ حَقّاً عَلَى الْمُتَّقِينَ), كما هو واضح فهي وصية المريض مرض الموت, إن تبقي له مال, فعليه الوصية في حدود الثلث لوالديه والأقربين (الأكثر إستحقاقاً), والأقربين هنا, قد تشمل الأبناء وغير الأبناء, وأي تصرف في المال بغير ذي عوض أكثر من الثلث, لا يسري علي الخلف العام, ولهم الحق في الطعن ببطلانه, فكما لهم إلتزام بدفع ديونه, فلهم أيضا بنفس المقياس الحق في أمواله, والوصية بهذه الصورة Will تسري عليها أحكام الوصية العادية, وهي أقل تكلفة من ناحية الضرائب ومصاريف الإشراف by using a Power of Attorney to manage assets خالص التقدير

فى البوست برضو مداخلة قيمة جدا من اخونا Haitham Elsiddiq:

Quote: Dear Sister Smart_ana2001 you are really smart aren't you sister... .... First of all my apologies for writing in English no Arabic Keyboard It is good that we always seeks the answers from those who are in the know ... get a second opinion and all that ... The smart thing you are doing here is that you are asking the right person... and Adarob masha allah knows what he is talking about.... Muslims have a very special relationship with their religion and believe that it should be with in the answers to all their questions... But of course that can never be the case.... and that is why allah gave us those brain to use them ... using the spirit of Quran... Logic and common sense .... We need to move on from the old and come up with new answers... explanations and ways to understand what is Islam really all about.... We will be doing the same that those men were doing 1000 years ago when they interpreted on their own ways, write or wrong what they believed was the answers to many new questions provided by new cultures, new nations joining, new problems ...due to new times I believe that Islam is all about Justice above anything else ... and anything that is not just and make sense I personally question it ... I look always for alternative answers with in that can make sense to me and just in my opinion, so that I follow it with conviction... What is the point of doing something that deep inside I am questioning it is validity ... who I am lying to ... myself or Allah gal galaluh... I have given up on Hadeath long time ago and stuck with the Quran knowing it is the one source that has not been played with and manipulated to someone's own needs for fatwa .... It is time we stood up to all the old nonsense .... clear our religion from the unjust ... and from the lies .... It is time to give this great religion it is correct and overdue position in this world ... as a guidance to a better world ... Please try to read with open mind some of Dr. Gamal albanna... some of Dr. Sha7rour...and many others who stick to Quran and comon sense to understand it ... and use the quran itself to interpet it ... from within .... Read the real sirra ... and check Farag Foda and others who looked at this history without emotion ... Thanks for inviting the great Dr. Adarob... and keep searching ... but remember the open mind ... and what a wonderful gift the mind is....

فى البوست العديد من المداخلات من الاخوة:
ابراهيم عبدالناصر , aydaroos , الامين موسى البشاري, عبد الله فقير, سامى عبد المطلب , و الاخت Fouz Almansi من الفيسبوك

Quote: في أمريكا ( و احتمال باقي العالم)في حاجتين قريبات من بعض بيقوموا مقام الوصية 1- the will 2 Living Trust عاوزه لي كم ساعة عشان اشرح الفرق بينهم بالعربي.

اسمارت..حبابك يا صديقة..
اهو مشاركة بسيطة..وما ح تعدي وضع المفاهيم المقابلة بالعربي..

الأولاني هو الوصية..
و التاني هو الوقف...(خيري ، اهلي ، و مشترك)..

الباقي يجي يتمو زول تاني..لأنو الموضوع داير بياض ياااااااخ..

كبر

سلامات استاذ كبر. انا حقيقي ما عارفة موضوع الوقف فى السودان (شرعا و قانونا) بيشتغل كيف.
لكن فى بلاد الفرنجة دى ال Living Trust ممكن اكتب فيه اى شيء. منو المسؤل من اطفالى فى حالة -لا قدر الله- حصل مكروه للوالدين. انا شخصيا اتدفن وين وكيف? منو اللى مخول ليه ياخد القرارات الطبية ذا كنت انا فى غيبوبة? اذا عندى قروش تتوزع كيف? فى اى عمر ممكن اطفالى القصر ياخدوا قروشهم ? كل التفاصيل دى .و بتعين زول مسؤل منها (غالبا انا و زوجى) و شخص اخر او اتنين فى حالة انا و زوجى الاتنين ما عايشين.

للفائدة العامة

...

Quote: سلامات استاذ كبر. انا حقيقي ما عارفة موضوع الوقف فى السودان (شرعا و قانونا) بيشتغل كيف. لكن فى بلاد الفرنجة دى ال Living Trust ممكن اكتب فيه اى شيء. منو المسؤل من اطفالى فى حالة -لا قدر الله- حصل مكروه للوالدين. انا شخصيا اتدفن وين وكيف? منو اللى مخول ليه ياخد القرارات الطبية ذا كنت انا فى غيبوبة? اذا عندى قروش تتوزع كيف? فى اى عمر ممكن اطفالى القصر ياخدوا قروشهم ? كل التفاصيل دى .و بتعين زول مسؤل منها (غالبا انا و زوجى) و شخص اخر او اتنين فى حالة انا و زوجى الاتنين ما عايشين.

سلام يا سمارت أظن ما ذكرتينه ليس بوقف ، الوقف هو التبرع بالمال للحي أو الميت لجهة دينية أو خيرية وعائدها إذا ما كانت ربحية أيضاً
لجهة خيرية، مثلاً زول يقول أنا عايز أفتح شركة هندسية وعوائد وأرباح هذه الشركة أريدها أن تذهب لدور الأيتام في المايقوما،
وعليه أظن بأن أخونا كبر قد أخطأ في تعريفه للـ Living Trust وشكراً ليك إنتي بتعريفنا بيها، لكن يا سمارت يا أختي دا منو الثقة دا؟!
ياخي من رابع المستحيلات وجود الخل الوفي علشان تأمنيهو على أملاكك وأسرارك؟

بالجد بوست مفيد، وفخور بيك إنك فردتي قبل البورد

تحياتي وتقديري

العزيزة إسمارت وضيوفها حياكم الله

سوف أتابع معكم في هذا البوست

Quote: انا حقيقي ما عارفة موضوع الوقف فى السودان (شرعا و قانونا) بيشتغل كيف

الوصية في حياة الإنسان living trust تختلف تماما عن الوقف nonprofit foundation وتختلف كذلك عن الهبة وتختلف إجرائياً عن الوصية last Will في حين أن living trust هي شكل من أشكال Testamentary Trust فهي بغرض تخصيص جزء من المال لمستفيدين محتملين أو قُصَّر beneficiaries للإنتفاع به لما بعد الموت, فإن الوقف ينصرف أساسا لتخصيص مال لغرض محدد في سبيل الإنتفاع به, وتكون له شخصية قانونية, وغالبا كأعمال خيرية, بناء مسجد, مدرسة إلخ (صدقة جارية)

living trust تختلف أيضا عن الهبة (lifetime or deathbed gift) لانها تصرف بإرادة منفردة, في حين أن الهبة تعتبر أساسا عقد يستلزم إيجابا وقبولاً, وكما أن إجراءات living trust بخلاف Testamentary Will توفر Probate ومعفية من الضرائب ولا تكلف كثيراً إذا لم يعين لها موثوق Trustee, هذا النظام يدخل ضمن إختصاص قوانين الولايات وتقريبا مطبق في كل الولايات الإمريكية, أما في أوروبا يعمل به بتحفظ بسبب الخوف من التهرب من الضرائب أو ما يسمي في قانون الميراث legitima portio , ولهذا هناك إتفاقية لاهاي الدولية لسنة 1985 تنظم تنازع الدول في هذا الخصوص Hague Convention on the Law Applicable to Trusts

Quote: وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلًا سَدِيدًا

كما قلنا من قبل فإن الأصل هي الوصية بإعتبارها القانون الخاص فله الأولوية علي القانون العام وهو الميراث lex specialis derogat legi generali
نريد هذه المرة أن نلقي الضوء علي بعض قواعد الميراث كقواعد مكملة accessory وقد رأينا الكثيرين يقدحون فيها ويثيرون الشبهات حولها دون أن يكون لهم إلمام بها, ولكن في واقع الأمر اللوم لا يقع عليهم, إنما علي الفقه الموروث, الذي أبطل النصوص, وقدم التفسيرات غير الموضوعية والمنحاذة ضد النساء, فقد كان فقهاً ذكورياً بإمتياز, ووصل بهم الحد إلي منح الأعمام حقاً في حجب البنات, وللأسف إقتبست منه قوانين معظم الدول العربية!!!
(يُوصِيكُمُ اللّهُ فِي أَوْلاَدِكُمْ لِلذَّكَرِ مِثْلُ حَظِّ الأُنثَيَيْنِ فَإِن كُنَّ نِسَاء فَوْقَ اثْنَتَيْنِ فَلَهُنَّ ثُلُثَا مَا تَرَكَ وَإِن كَانَتْ وَاحِدَةً فَلَهَا النِّصْفُ وَلأَبَوَيْهِ لِكُلِّ وَاحِدٍ مِّنْهُمَا السُّدُسُ مِمَّا تَرَكَ إِن كَانَ لَهُ وَلَدٌ فَإِن لَّمْ يَكُن لَّهُ وَلَدٌ وَوَرِثَهُ أَبَوَاهُ فَلأُمِّهِ الثُّلُثُ فَإِن كَانَ لَهُ إِخْوَةٌ فَلأُمِّهِ السُّدُسُ مِن بَعْدِ وَصِيَّةٍ يُوصِي بِهَا أَوْ دَيْنٍ آبَآؤُكُمْ وَأَبناؤُكُمْ لاَ تَدْرُونَ أَيُّهُمْ أَقْرَبُ لَكُمْ نَفْعاً فَرِيضَةً مِّنَ اللّهِ إِنَّ اللّهَ كَانَ عَلِيما حَكِيماً وَلَكُمْ نِصْفُ مَا تَرَكَ أَزْوَاجُكُمْ إِن لَّمْ يَكُن لَّهُنَّ وَلَدٌ فَإِن كَانَ لَهُنَّ وَلَدٌ فَلَكُمُ الرُّبُعُ مِمَّا تَرَكْنَ مِن بَعْدِ وَصِيَّةٍ يُوصِينَ بِهَا أَوْ دَيْنٍ وَلَهُنَّ الرُّبُعُ مِمَّا تَرَكْتُمْ إِن لَّمْ يَكُن لَّكُمْ وَلَدٌ فَإِن كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُم مِّن بَعْدِ وَصِيَّةٍ تُوصُونَ بِهَا أَوْ دَيْنٍ وَإِن كَانَ رَجُلٌ يُورَثُ كَلاَلَةً أَو امْرَأَةٌ وَلَهُ أَخٌ أَوْ أُخْتٌ فَلِكُلِّ وَاحِدٍ مِّنْهُمَا السُّدُسُ إِن كَانُوَاْ أَكْثَرَ مِن ذَلِكَ فَهُمْ شُرَكَاء فِي الثُّلُثِ مِن بَعْدِ وَصِيَّةٍ يُوصَى بِهَا أَوْ دَيْنٍ غَيْرَ مُضَآرٍّ وَصِيَّةً مِّنَ اللّهِ وَاللّهُ عَلِيمٌ حَلِيمٌ)
(يَسْتَفْتُونَكَ قُلِ اللّهُ يُفْتِيكُمْ فِي الْكَلاَلَةِ إِنِ امْرُؤٌ هَلَكَ لَيْسَ لَهُ وَلَدٌ وَلَهُ أُخْتٌ فَلَهَا نِصْفُ مَا تَرَكَ وَهُوَ يَرِثُهَا إِن لَّمْ يَكُن لَّهَا وَلَدٌ فَإِن كَانَتَا اثْنَتَيْنِ فَلَهُمَا الثُّلُثَانِ مِمَّا تَرَكَ وَإِن كَانُواْ إِخْوَةً رِّجَالاً وَنِسَاء فَلِلذَّكَرِ مِثْلُ حَظِّ الأُنثَيَيْنِ يُبَيِّنُ اللّهُ لَكُمْ أَن تَضِلُّواْ وَاللّهُ بِكُلِّ شَيْءٍ عَلِيمٌ)

سنأتي غدا للتفصيل إن شاء الله

سلامات النذير. و شكرًا علي الكلمات الطيبات. ربنا يديم المعروف.
كلامك صحيح. ال living trust طلع شيء مختلف عن الوقف. أنا حقيقة قبل كم أسبوع كده بس بديت اسأل و أحاول افهم شوية عن المواضيع دي. و أظن احسن حاجة حصلت لينا في البوست ده هو مداخلات د. ادروب. ربنا يديه العافية و طولة العمر.
عن موضوع انك ح تثق في منو دي فهي فعلا حاجه صعبة. لكن علي الأقل لما تعمل living trust انت بتكتب بالتفصيل عاوز يحصل شنو لو لا قدر الله انت و زوجتك حصل ليكم حاجه. اكيد الشخص اللي بتوكل ليه إدارة الموضوع ده لازم يكون أهل للثقة، لكن الشخص ده برضو ملزم بانه ينفذ الحجات اللي انت و زوجتك كتبتوها بالضبط.
ربنا لا حوج أولادنا لشيء ذي ده. لكن إحنا احسن نعمل العلينا.




سلامات العزيز د. ادروب. اولاً: شكرًا جزيلا علي عودتك للبوست. ثانيا: شكرًا جزيلا علي توضيح الفرق بين الliving trust و الوقف. و أيضاً شرح كل المصطلحات التانية.
ان شاء الله البوست ده يكون سبب في انه الناس تتثقف في الموضوع ده و يتشجعوا و يكتبوا وصياتهم مع دعواتنا لهم جميعا بطولة العمر.

سلامات يا سمارت و كنت حابة اتداخل بتفصيل اكبر من سطور المواجبة ديل، ان شاء الله بلحق
بوست مفيد للغاية و ادروب من الاكتشافات المريت بيها مؤخرا في المنتدي من بوست بروف امين عن الفكرة الجمهورية
ربنا يديه العافية و كل من اضاف للبوست

الاخوات إسمارت ورهاب حياكما الله
نواصل في موضوع أحكام المواريث, أولاً سأقدم لكم جدول مختصر عن توزيع التركة حسب الفهم التقليدي لآيات المواريث, قبل أن نطرح فهمنا نحن للآيات:






http://dvd4arab.maktoob.com/f259/346875.html

أرحب بكل نقاش في الموضوع, سواء من جماعة التيار السلفي أو من جماعة اللاهثين وراء الشبهات!

!!!
سأطرح الآن تصوري لفقه المواريث بالطبع حسب ما هو وارد بالنصوص, وهو مبني علي قراءات للفقه التقليدي والكتابات الحديثة من بعض المجددين أمثال الشحرور وغيره, وهو كذلك حصيلة دراسات مقارنة في الفقه القانوني الغربي, وسوف أحاول أن أبسط الأمر قدر الإمكان

المواريث في الإسلام هي كما هو معروف إبتداءً حسب رابطة القرابة, والقرابة نوعان, قرابة نسب وقرابة مصاهرة, ورابطة النسب بدورها تتكون من ثلاثة أصناف, الأصول والفروع والحواشي, والتقسيم حسب درجة القرابة (المستوي Rule´s system or Stage), وحسب ما إذا كان فرضا أو حظاً, والفرض هو النصيب المعين الثابت, أما الحظ فهو ما تبقي بعد الفرض, يفسم طبقا لقاعدة (للذكر مثل حظ الأنثيين), إذن للذكر مثل حظ الأنثيين, بخلاف ما يروجه مثيري الشبهات, أنها في الحقيقة ليست في صالح الذكر, بقدر ما هي في صالح الأنثي!

وأصحاب الفرض من رابطة النسب هم أساساً الإناث (البنت وإن نزلت, والأم وإن علت), وقد فضلهم الله من هذه الناحية, بأن جعل أنصبتهن ثابتة ومضمونة, والأخوات كذلك يرثن فرضا في حالتي الكلالة, ويتحوَّل الفرض إلي حظ, إذا كن إخوة وأخوات, أو في حالة وجود الأم مع عدم وجود الأبناء, وكذلك الإبن والأحفاد, والأب والأجداد في حالة عدم وجود الولد جميعا لهم حظوظ, أي الباقي بعد الفروض

ويقوم التقسيم بالدرجة الأولي علي إستيفاء أصحاب الفروض حسب ترتيب مستوياتهم أودرجات القرابة, وما تبقي من بعد الفروض تقسم علي أصحاب الحظوظ أيضا حسب المستوي ودرجة القرابة, وعموما هناك أربعة مستويات:

المستوي الأول: الفروع: الأولاد (الذكر والأنثي) والأحفاد (وإن نزلوا)
المستوي الثاني: الأصول: الآباء (الذكر والأنثي) والأجداد (وإن علوا)
المستوي الثالث: المصاهرة: الوزج والزوجة
المستوي الرابع: الحواشي: الأخوة والأخوات

ويجب التنبيه إلي أنه في كل مستوي يأتي تعقيب الآيات بالتذكير بالوصية (مِن بَعْدِ وَصِيَّةٍ يُوصِي بِهَا أَوْ دَيْنٍ), بإعتبارها العدالة الخاصة, والإرث العدالة العامة, وكما قلنا فإن الخاص مقدم علي العام lex specialis derogat legi generali وهذه قاعدة معترف بها حتي في القوانين الوضعية

نواصل

.

سلامات يا رحاب....ان عارفة الدنيا و مشغولياتها.
ربنا يعين.

سلامات د.ادروب.

Quote: 1) نفترض أن المتوفي ترك خلفه ذرية مكونة من, بنت واحدة, وولد ذكر, أبوين, وأخت, وأخ, وزوج والفروض في هذا المثال هم فقط: البنت (1/2), والأبوين (1/6+1/6) (وَلأَبَوَيْهِ لِكُلِّ وَاحِدٍ مِّنْهُمَا السُّدُسُ مِمَّا تَرَكَ إِن كَانَ لَهُ وَلَدٌ), والزوج (1/4) (فَإِن كَانَ لَهُنَّ وَلَدٌ فَلَكُمُ الرُّبُعُ مِمَّا تَرَكْنَ), أما الأخت هنا لا فرض ولا حظ لها لوجود الولد والأبوين, وكذلك يسقط حق الأبوين والزوج, نسبة لإستغراق التركة في المستوي الأول بين الفروع, وعليه يكون فرض البنت هو النصف (وَإِن كَانَتْ وَاحِدَةً فَلَهَا النِّصْفُ), ويتقاسم الولد الذكر حظاً بالتساوي مع البنتو ويأخذ النصف الآخر من التركة

معاك فى :سقوط حق الاخت و الاخ لوجود الولد.
لكن كنت اظن ان :
حق الزوجة (1/8) و حق الوالدين (1/6+1/6) لا يسقط بوجود الاولاد.
فى الحالة الفوق دى....البنت اخدت النص. لكن ما عارفتا الابن اتقسم مع منو فى الباقى.

من الامثلة الفوق انت بتقول ان (لِلذَّكَرِ مِثْلُ حَظِّ الأُنثَيَيْنِ) دى بس فى حالة انه المتوفى ما عندى ابوين او اولاد او بنات و ما عنده زوجة برضو. و بيبقي ده اساس التقسيم بين اخوان واخوات المتوفى.
و بتقول ان وجود بنت ممكن يحجب الاعمام. وده بيعتمد على التفسير بان (ولد) تعنى بنت او ولد. اظن ان ده الاخيرة دى اكبر تغيير فى موضوع المواريث ده(كون ولد =ذكر او انثي)

Quote: 4) نفترض وجود: ولد ذكر, بنتين, زوج, والأخ وهذه هي الحالة الوحيدة التي يكون فيها نصيب البنت حظاً (لِلذَّكَرِ مِثْلُ حَظِّ الأُنثَيَيْنِ), وعليه يكون التوزيع للفروض أولاً, بتجاوز المستوي الأول إلي المستوي الثالث, ويكون فيه فرض بسبب الكلالة مع الولد الأخ السدس (1/6), ثم إلي المستوي الرابع, ونصيب الزوج فرضا الربع (1/4), وما تبقي بعد الفروض (0.25) يقسم حظاً بين البنت والولد الذكر علي أساس الثلث والثلثين بالترتيب, تقريبا (0.0833, 0

.1667)
غريبة ان الاخ يرث فى اخته حتى مع وجود ولدها و زوجها!!!

الموضوع ده طلع معقد جدا جد

Quote: 5) نفترض وجود: ثلاثة بنات, وثلاثة أولاد, الأم, الزوجة والفروض هي أولا البنات الثلاثة (2/3) (فَإِن كُنَّ نِسَاء فَوْقَ اثْنَتَيْنِ فَلَهُنَّ ثُلُثَا مَا تَرَكَ), ثم الأم ولها السدس (1/6), والزوجة (1/8), ولكن بما أن المستوي الأولي مستغرق لكل التركة, فيسقط حق الأم وحق الزوجة, وعلي الأولاد الذكور تقاسم الثلث (1/3) حظاً بالتساوي

التغيير الكبير برضو: فرض ان البنت لها الثلث ( او الثلثين اذا كانوا بنتين او اكتر) regardless اذا كان عندهم اخوان ذكور ام لا.

.

.

!!!
في اليومين الماضت قلبت فقه المواريث فوق تحت, أخيرا إستقريت علي رأي, أرجو أن اكون قد أصبت فيه, وأرحب بالحوار, لأنه ينبهني إن كانت هناك ثغرات غفلت عنها, وكلنا طلاب حق, ومعرفتنا مهما كنا نسبية تقبل الخطأ والصواب, فلا تبخلوا علينا بآرائكم, خاصة أن موضوع المواريث, من المواضيع الهامة جدا, تمس أملاك الناس وثرواتهم, فإي ظلم يلحق بهم, تعتبر أموال باطلة
في تقديري أن أهل المذاهب والسلف قد إجتهدوا, ونسأل الله أن يثيبهم علي إجتهادهم, ويصفح عن أخطائهم, التي ربما تكون قد مست تيار عظيم من يتامي المسلمين, فضاعت أموالهم ظلما, لا أدري سيكون ذلك ذنب المذاهب الفقهية, أم ذنب الذين إتبعوهم وساروا في ركبهم بغير وعي ولا دراسة, فهذا لا يعني أن وجهة نظري صحيحة مطلقا, لا يعتريها الخطأ, ولكني مقتنع, بأن كل فقه أوتفسير للنصوص يعكس واقع المجتمع التاريخي وفق التراكم المعرفي الذي وصل إليه, ولهذا يقيم كل فقه بآليات عصره, ويترتب علي هذا القول أيضا ضرورة مواكبة الواقع المتجدد بالفهم المتجدد, وأن يتطور الفقه بإستمرار, فلا مكان للجمود ولا لقدسية الآراء, فالنصوص دائما ثابتة, وفهمها وفق الواقع يمثل المتغير بإضطراد
درج مروجي الشبهات علي إتهام الإسلام بالإنحياز للرجل وظلم المرأة من خلال الإستشهاد بآية (لِلذَّكَرِ مِثْلُ حَظِّ الأُنثَيَيْنِ), وعمد أصحاب الفكر السلفي بغية الدفاع الإسلام, بطرح حجج من قبيل أن الرجل عليه الإنفاق وما إلي ذلك من التبريرات, حتي غدا الإسلام في الهجوم الدائمو وعليهم هم إيجاد التبريرات, لتسويغ التصور الذي يمكن بالأصل لا يمثل الإسلام, بل يشوهه, فهم كانوا متلقين, لا باحثين ولا منقبين, حجروا علي عقولهم بقولهم لهم"ليس في الإمكان أفضل مما كان" ولقنوهم أحاديث ملفقة عن رسول الله من قبيل "كل بدعة ضلالة!"...والحق كل الحق فيما قاله الأولون!!!
هم حتي الآن لا يستطيعون التفرقة بين الثابت والمتغير, فيخلطون الفقه والتفاسير بالنصوص, ويجعلون لها نفس القدسية!!!
واضح أن جيل مجتهدي المذاهب, كانت لديه مشكلة كبيرة مع المرأة, لا يكاد يكون أمر يقره الإسلام لصالحها, إلا وحوروه لمعني مخالف, حتي يتماشي مع قيم الجاهلية القديمة, تصوروا أنهم حوروا أكثر النصوص التي تعطي المرأة حقا مفروضا في المواريث, لكي يعصبها الولد, بل وإبن الولد كمان, فيصبح نصيبه ضعف نصيبها, وأكثر من ذلك فقدموا رابطة العصب علي رابطة الرحم, وأدخلوا الأعمام وأبناء الأعمام, وجعلوا أيضا تفرقة في تقسيماتهم بين أبناء البنت وأبناء الولد, والأخ من أب والأخ الشقيق, رغم أن كل ذلك لم تشر إليه الآيات لا من قريب ولا بعيد, فعلي العكس من ذلك, فقد جعل القرآن أنصبة النساء فروضا ثابتة, وأنصبة الرجال حظوظا غير محددة, وذلك لأن الله يعلم أنهم سيجحفون في حقهم, وقد كانوا يفعلون ذلك في الجاهلية, ويرثونهم كرها (يَاأَيُّهَا الَّذِينَ آمَنُوا لَا يَحِلُّ لَكُمْ أَنْ تَرِثُوا النِّسَاءَ كَرْهًا وَلَا تَعْضُلُوهُنَّ لِتَذْهَبُوا بِبَعْضِ مَا آتَيْتُمُوهُنَّ)!!!
سوف أحاول تبسيط الأمر, بنفس نهج القوانين الأوربية, فقواعدهم في المواريث تكاد تكون شبيهة بقواعدنا, ولكن نصوص القرآن كانت أكثر دقة ومرونة, لدرجة أن بروفيسور في جامعة بون, تعجب من إختصار القرآن لفقه المواريث كله في ثلاثة آيات فقط, في حين أن القانون المدني الألماني ينظم الإرث وحده دون الوصية في 1252 مادة!
الأمر الذي جعلني أعيد النظر فيما أوردته في المداخلات السلبقة, إشكالية الباقي والزائد من نهاية القسمة, وهو أمر واجه أيضا الفقه التقليديو فإبتدعوا فكرتي "العول والرد" حلا له, ويقال أن ابن عباس إعترض عليه, ولكن لم يأخذ برأيه أحد, لا أدري لماذا يتشددون لرأي علماء السلف عندما يوافق أهواءهم, ويتركون رأي صحابي مثل ابن عباس, لأنه لم يوافقهم, فلم يشفع عندهم قولهم له أنه حبر الأمة!
المشكلة الأساسية كانت في تحديد قيمة أصحاب الحظوظ, بإعتبارهم مجاهيل, فهل سيتم تحديدها:
ـ من أول نصيب مفروض legitima portio في نفس المقام والمستوي,
ـ أم هو الباقي بعد إستيفاء كل الفروض في كل المستويات؟
فإذا عملنا بالفرضية الأول, فيمكن أن يسقط غالبا حقوق بقية التركة, ويستغرق أصحاب المستوي الأول أو الثاني كامل التركة, فيكفي مثلا أن يكون للمتوفي بنت وولد, ليستغرقا كامل التركة دون غيرهم, مما يطرح السؤال حول جدوي ذكر الآيات فروض الأصول والحواشي والأزواج مع الأولاد, أما الفرضية الثانية واضح أنها تستهدف تغطية كل الفروض المنصوصة, ولكن من شأنها أن توقعنا في مشكلة حسابية, إذا حسبنا كل فرض من كامل التركة, مما يعيدنا في نفس مشكلة الفقه التقليدي فيما يخص "العول الورد!", ولكن تبين لي أن الإشكال حسابي فقط, ويمكن حلها عن طريق خصم كل فرض من باقي التركة لا من جملتها, فلن نحتاج إطلاقا إلي عول ولا رد, إن كان في المستقبل أتمني أن يتم التعبير عن ذلك في شكل دوال حسابية, لإستجلائها وتبسيطها!
نبدأ أولا بأهم شئ في رأي وهو ترتيب المستويات stages, وقد أقمته حسب معايير محددة, إذا كنتم ترون غير ذلك أرجو توجيهي, أولاً وفق الترتيب الوارد في الآيات, وهو تقديم الفروع علي الأصول, والأصول علي الحواشي, وثانياً حسب موقع الوارث من الموّرث, فقدمت هنا بخلاف ما قلت سابقا الأزواج علي الإخوة, فهناك إذن أربعة مستويات stages كالتالي:
1ـ الفروع وإن نزلوا
2ـ الأصول وإن علوا
3ـ الزوج أو الزوجة
4ـ الإخوة والأخوات


نواصل

!!!
آيات المواريث 11 و 12 من سورة النساء: (يُوصِيكُمُ اللّهُ فِي أَوْلاَدِكُمْ لِلذَّكَرِ مِثْلُ حَظِّ الأُنثَيَيْنِ فَإِن كُنَّ نِسَاء فَوْقَ اثْنَتَيْنِ فَلَهُنَّ ثُلُثَا مَا تَرَكَ وَإِن كَانَتْ وَاحِدَةً فَلَهَا النِّصْفُ وَلأَبَوَيْهِ لِكُلِّ وَاحِدٍ مِّنْهُمَا السُّدُسُ مِمَّا تَرَكَ إِن كَانَ لَهُ وَلَدٌ فَإِن لَّمْ يَكُن لَّهُ وَلَدٌ وَوَرِثَهُ أَبَوَاهُ فَلأُمِّهِ الثُّلُثُ فَإِن كَانَ لَهُ إِخْوَةٌ فَلأُمِّهِ السُّدُسُ مِن بَعْدِ وَصِيَّةٍ يُوصِي بِهَا أَوْ دَيْنٍ آبَآؤُكُمْ وَأَبناؤُكُمْ لاَ تَدْرُونَ أَيُّهُمْ أَقْرَبُ لَكُمْ نَفْعاً فَرِيضَةً مِّنَ اللّهِ إِنَّ اللّهَ كَانَ عَلِيما حَكِيماً (11) وَلَكُمْ نِصْفُ مَا تَرَكَ أَزْوَاجُكُمْ إِن لَّمْ يَكُن لَّهُنَّ وَلَدٌ فَإِن كَانَ لَهُنَّ وَلَدٌ فَلَكُمُ الرُّبُعُ مِمَّا تَرَكْنَ مِن بَعْدِ وَصِيَّةٍ يُوصِينَ بِهَا أَوْ دَيْنٍ وَلَهُنَّ الرُّبُعُ مِمَّا تَرَكْتُمْ إِن لَّمْ يَكُن لَّكُمْ وَلَدٌ فَإِن كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُم مِّن بَعْدِ وَصِيَّةٍ تُوصُونَ بِهَا أَوْ دَيْنٍ وَإِن كَانَ رَجُلٌ يُورَثُ كَلاَلَةً أَو امْرَأَةٌ وَلَهُ أَخٌ أَوْ أُخْتٌ فَلِكُلِّ وَاحِدٍ مِّنْهُمَا السُّدُسُ فَإِن كَانُوَاْ أَكْثَرَ مِن ذَلِكَ فَهُمْ شُرَكَاء فِي الثُّلُثِ مِن بَعْدِ وَصِيَّةٍ يُوصَى بِهَا أَوْ دَيْنٍ غَيْرَ مُضَآرٍّ وَصِيَّةً مِّنَ اللّهِ وَاللّهُ عَلِيمٌ حَلِيمٌ (12))
والآية 176 من نفس السورة: (يَسْتَفْتُونَكَ قُلِ اللّهُ يُفْتِيكُمْ فِي الْكَلاَلَةِ إِنِ امْرُؤٌ هَلَكَ لَيْسَ لَهُ وَلَدٌ وَلَهُ أُخْتٌ فَلَهَا نِصْفُ مَا تَرَكَ وَهُوَ يَرِثُهَا إِن لَّمْ يَكُن لَّهَا وَلَدٌ فَإِن كَانَتَا اثْنَتَيْنِ فَلَهُمَا الثُّلُثَانِ مِمَّا تَرَكَ وَإِن كَانُواْ إِخْوَةً رِّجَالاً وَنِسَاء فَلِلذَّكَرِ مِثْلُ حَظِّ الأُنثَيَيْنِ يُبَيِّنُ اللّهُ لَكُمْ أَن تَضِلُّواْ وَاللّهُ بِكُلِّ شَيْءٍ عَلِيمٌ)
الحالة الأولي: (يُوصِيكُمُ اللّهُ فِي أَوْلاَدِكُمْ لِلذَّكَرِ مِثْلُ حَظِّ الأُنثَيَيْنِ): وهي قاعدة الحظ (التعصيب) بالنسبة للأبناء بوجود الولد الذي يعصب البنت, ولا يعصبها غيره
الحالة الثانية: (فَإِن كُنَّ نِسَاء فَوْقَ اثْنَتَيْنِ فَلَهُنَّ ثُلُثَا مَا تَرَكَ)
الحالة الثالثة: (وَإِن كَانَتْ وَاحِدَةً فَلَهَا النِّصْفُ)
الحالة الرابعة: (وَلأَبَوَيْهِ لِكُلِّ وَاحِدٍ مِّنْهُمَا السُّدُسُ مِمَّا تَرَكَ إِن كَانَ لَهُ وَلَدٌ): أبوين + إبناء = السدس فرضا لكل من الأم والاب بوجود الأبناء الذكور, فالأبناء هنا بخلاف البنات عامل مؤثر لنصيب الأبوين (حجب نقصان)
الحالة الخامسة: (فَإِن لَّمْ يَكُن لَّهُ وَلَدٌ وَوَرِثَهُ أَبَوَاهُ فَلأُمِّهِ الثُّلُثُ)
الحالة السادسة: (فَإِن كَانَ لَهُ إِخْوَةٌ فَلأُمِّهِ السُّدُسُ)
الحالة السابعة: (وَلَكُمْ نِصْفُ مَا تَرَكَ أَزْوَاجُكُمْ إِن لَّمْ يَكُن لَّهُنَّ وَلَدٌ): الزوج - الأبناء = فله النصف فرضا
الحالة الثامنة: (فَإِن كَانَ لَهُنَّ وَلَدٌ فَلَكُمُ الرُّبُعُ مِمَّا تَرَكْنَ): الزوج + الأبناء = الربع فرضا بوجود الفرع الذكر
الحالة التاسعة: (وَلَهُنَّ الرُّبُعُ مِمَّا تَرَكْتُمْ إِن لَّمْ يَكُن لَّكُمْ وَلَدٌ): الزوجة - الأبناء = الربع فرضا بعدم الأبناء, أما وجود البنات لا يؤثر في نصيبها
الحالة العشرة: (فَإِن كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُم): الزوجة + الأبناء = الثمن فرضاً بوجود الأبناء
الحالة الحادية عشر: (وَإِن كَانَ رَجُلٌ يُورَثُ كَلاَلَةً أَو امْرَأَةٌ وَلَهُ أَخٌ أَوْ أُخْتٌ فَلِكُلِّ وَاحِدٍ مِّنْهُمَا السُّدُسُ)
الحالة الثانية عشر: (فَإِن كَانُوَاْ أَكْثَرَ مِن ذَلِكَ فَهُمْ شُرَكَاء فِي الثُّلُثِ)
الحالة الثالثة عشر: (إِنِ امْرُؤٌ هَلَكَ لَيْسَ لَهُ وَلَدٌ وَلَهُ أُخْتٌ فَلَهَا نِصْفُ مَا تَرَكَ)
الحالة الرابعة عشر: (وَهُوَ يَرِثُهَا إِن لَّمْ يَكُن لَّهَا وَلَدٌ)
الحالة الخامسة عشر: (فَإِن كَانَتَا اثْنَتَيْنِ فَلَهُمَا الثُّلُثَانِ مِمَّا تَرَكَ)
الحالة السادسة عشر: (وَإِن كَانُواْ إِخْوَةً رِّجَالاً وَنِسَاء فَلِلذَّكَرِ مِثْلُ حَظِّ الأُنثَيَيْنِ)

نواصل

سلامات د.ادروب. ان شاء الله طيب.
شكرا جزيلا على الرد المفصل. I really appreciate it

صراحة.... المداخلتين الاخيتين عشان افهمهم و اقد رارد عليك رد intelligent مفروض اقراهم اكتر من مرة و ابحث عن معانى كلمات كتيرة. اتمنى ان تاخرى فى الرد ما disencourage you من المواصلة فى البوست.
الشيء اللى عاوزة اقوله الان(بعد ما عرفتا كل الحجات دى) ان اى زول واعى قادر مفروض يكتب وصيته فى حياته.

سلامات مةضةع هام جدا
اهم شيئ تحديد شخص معين ليرعى الاطفال في حالة موت الوالدين
واحدة من الامور المخيفة كانت بالنسبة عندما كان اطفالي صغار
هي اج
ذا مت وزوجي وتركناهم صغار وتم تقسيمهم بين العائلة فيفقدون مفهوم الاسرة
حيث كانت لدي صديقة توفي والديها في حادث ففرقوهم بين الاسر
وكانت لديهم مشكلة في التعليم لانهم لم يكونوا يعرفون اللغة العربية
واضطرت الاسر الى ادخالهم مدارس ارسالية ودفع رسوم عالية.ولم يترك الابوين
اي اموال.

ولذلك اهم شيئ تحديد شخص واحد لرعاية الاطفال وضع وصية عند محامي وتحديده
ليكن وصيا على احوال الاطفال لانه يمكن ان يغيب الابوين معا في حادث او موت عادي
تكون ارواحهم متقاربة. وهذا الشخص يكون لديه مواصفات تؤهله لهذه الثقة قد يكون صديق او قريب
آخر حاجة هي الوصية المالية لان كثير من الاسر في الغربة يربون اطفالهم بعيدا من الاسرة الكبيرة
ثم يغربونهم من العادات والتقاليد واللغة كأنهم سيعيشون ابدا
من الملاحظ ان الاطفال في امريكا لا يتحدثون العربية على الاطلاق
يلا لو.حصل ليك حاجة وكانوا صغارا وكان لزاما ان يعودوا للاسرة الكبيرة
شوف اليتم والغربة الحيعيشوها
ولذلك انت في المهجر عد اطفالك للعيش في الوطن واربطهم ببلادهم
واهلهم حتى تؤمن لهم بعد موتك حياة طبيعية
ثم اترك لهم بيت مريح في الوطن
لي عودة تعبت من الكتابة بالمنقاش
احضر قصص لاطفال فقدوا اهلهم ورجعوا الى الوطن

مرحباً دكتورة نجاة
نصيحتك في محلها, أبصم عليها بالعشرة

الله يطول عمركم ويخليكن لأولادكن!

حياك الله أستاذة إسمارت, شكرا علي دعمك المعنوي, فأنا لست مستعجلاً, براحتك...

Quote: اى زول واعى قادر مفروض يكتب وصيته فى حياته

بل هذا واجب, فالإرث عدالة عامة, والوصية عدالة خاصة, ولهذا لو لاحظت يتكرر ذكر الوصية بعد كل قسمة من الإرث
(مِن بَعْدِ وَصِيَّةٍ يُوصِي بِهَا أَوْ دَيْنٍ آبَآؤُكُمْ وَأَبناؤُكُمْ لاَ تَدْرُونَ أَيُّهُمْ أَقْرَبُ لَكُمْ نَفْعاً فَرِيضَةً مِّنَ اللّه)

خالص التقدير

!!!
مثال للتوضيح: متوفي ترك خلفه ثروة تقدر ب 120000 دولاراً, له ثلاثة بنات, وولدين, وأبوين, وزوجة, وثلاثة إخوة رجال ونساء
الحل: أولاً يجب تقسيم الفروض إبتداء من المستوي الأول, وهن البنات الثلاثة, ونصيبهن حسب نص الآية الثلثين من التركة ويساوي 80000 , ولكل واحدة منهن 26666.666 دولاراً
ثم ننتقل للمستوي الثاني, لفروض الأبوين, ونصيبهما بوجود الأبناء السدس لكل منهما من باقي التركة (120000 - 80000) ويقدر لكل منهما 6666.6665 دولاراً
وننتقل إلي المستوي الثالث, لفرض الزوجة, ونصيبها بوجود الأبناء الثمن من باقي التركة ويساوي 3333.3332 دولاراً
أما الإخوة والأخوات يحجبوا لوجود الأبناء والأبوين
وأخيرا يأتي دور أصحاب الحظ, وهما ولدي المتوفي, ويتقاسمان ما تبقي من التركة بالمناصفة 23333.332, فيكون لكل واحد منهما 11666.666 دولاراً

والله أعلم

سلامات د.نجاة.
شكرا جزيلا على تذكيرنا بحجات مهمة جدا.
ربط الاطفال بالوطن و اهلهم فى السودان. و تعليمهم اللغة العربية

Quote: ثم اترك لهم بيت مريح في الوطن

دى عاد الاهل ما عندهم فيها يد. بناء بيت فى السودان او حتى امتلاك شقة بقى شيء صعب جدا جدا. (اغلب) الاسر فى خارج السودان صعب جدا عليها انها تعيش بصورة كويسة* خارج السودان و تبنى بيوت داخل السودان.
_________________________________
* "بصورة كويسة" دى معناها مختلف جدا من زول لزول.
لكن اذا كانت فى السودان معناها عندك بيت وعربية...خلينا نقول ده معناها خارج السودان برضو

سلامات د.ادروب. ان شاء الله طيب.
المشكلة الكبيرة جدا جدا فى نظام المواريث انه صعب ..بل مستحيل تغيره.
الناس فهمته بطريقة معينة. و لانه الموضوع فيه قروش (سبب المشاكل فى الدنيا دى), اكيد التغيير بيعمل ناس منتفعة اكتر(او اقل) بالفهم جديد.
و هنا ح تبقى المشاكل.
شكرا جزيلا على تنبيهى لحجات اطلا ما كنت عارفها او بفكر فيها.
و لو كان الشيء الوحيد اللى طلعت بيه الناس من البوست انهم ممكن يقسموا ورثتهم فى حياتهم و انهم ممكن يدوا بناتهم بالتساوى مع الاولاد انا ح اكون مبسوطة جدا.

Quote: المشكلة الكبيرة جدا جدا فى نظام المواريث انه صعب ..بل مستحيل تغيره. الناس فهمته بطريقة معينة. و لانه الموضوع فيه قروش (سبب المشاكل فى الدنيا دى), اكيد التغيير بيعمل ناس منتفعة اكتر(او اقل) بالفهم جديد. و هنا ح تبقى المشاكل.

فعلا كما قلت يا الفاضلة إسمارت, أكثر الناس حتي العاملين فيها متدينين ضعيفين أمام المال, إنه حقا فتنة المؤمن!
في تقديري يا إسمارت أن هناك تزييف كبير حاصل في مفاهيم الدين الصحيح, وكلها تقريبا بسبب السلطة والإسترزاق من الدين, وترك لمشايخ المساجد
ولهذا الأمر يتطلب ثورة مفاهيمية كاملة, وكما قيل في الأثر (بدأ الإسلام غريبًا، وسيعود غريبًا كما بدأ..)

لك فائق التقدير

سلامات اسمارت

انا قبل سنة تقريبا كتبت وصيتي بالتفصيل المممممممل..
قعدتا ناقشتها مع أمي وأبوي وأختي عشان اشوف رائهم لو ظلمت واحد من اخواني
ندموني على الكتبتو..
لكن فعلا انا غلطت كونو اوريها لابوي وامي ..كانت فكرة صعبة عليهم

المهم ..لسه ما وثقتها

Quote: قعدتا ناقشتها مع أمي وأبوي وأختي عشان اشوف رائهم لو ظلمت واحد من اخواني ندموني على الكتبتو.. لكن فعلا انا غلطت كونو اوريها لابوي وامي ..كانت فكرة صعبة عليهم

العزيزة سارة فعلا حسب ثقافتنا الموروثة أمر صعب علي الوالدين تقبل وصية إبنتهم
كيف هي تعملها وهم ما عملوها, وبعدين حسب معتقداتنا الوصية شؤم وبتقرب الأجل!

لك التقدير

سلامات يا سارة...يديك العافية و طولة العمر.
اظن انه اصعب حاجة ممكن تحصل للوالدين هى فقد واحد من اطفالهم. ربنا لا ضوقها لحبيب او عدو.
امى برضو بتزعل جدا لما اقول ليها لو متا اعملى كده او ما تعملى كده. الغريبة هى طوالى بتقول الكلام ده. و الشيء اللى محيرنى لحدى الان انها كانت بتقول لى الكلام ده و انا فى اولى ابتدائي. انا ما اظن ابدا اتكلم مع اولادى فى حجات ذى دى قبل الثانوى it is just not fair انى اخليهم و هم اطفال لا حول لهم و لاقوة يكنوا خايفين دايما من انى ح اموت و اخليهم. اول تلفون من الحجة هى اسالها ليه كانت بتقول كلام ذى ده لى!!!!
_________________________________
طبعا بعد ما مرقتا من السودان بسنوات بقت عادة انى اضرب لامى واسالها من حاجة حصلت و انا فى الروضة او قبلها. مرات تتذكر و مرات لا. لكن غايتو هسي بتكون عرفت انها كان عندها طفلة ما نصيحة, بس كانت ساكتة :)



سلامات د.ادروب.....
ما متذكرة وين ...لكن اظن انك قلت انه (فى الفهم الحالى المعروف) يرث الاحفاد اذا مات ابوهم قبل جدهم. لكن لقيت انه الكلام ده ما حاصل. اذا مات الاب قبل الجد ..الاحفاد ما عندهم اى شيء.

حياك الله يا أسمارت

Quote: قلت انه (فى الفهم الحالى المعروف) يرث الاحفاد اذا مات ابوهم قبل جدهم. لكن لقيت انه الكلام ده ما حاصل. اذا مات الاب قبل الجد ..الاحفاد ما عندهم اى شيء

لعلك تقصدي بالأحفاد الابناء بالنسبة للمتوفي, يختلف الأمر بالنسبة لهم حسبما كانوا إناثاً أو ذكوراً, فالإناث إن لم يكن معهن ولد فلهن الأسبقية في الفرض علي والد المتوفي, أما إن كانوا ذكورا فقط أو ذكورا وإناثا مجتمعين, فنصيبهم حظا بعد القسمة المفروضة, ولكن لا يعني هذا أنه أقل من نصيب الأب (جد الأبناء), لأن الأب في وجود الولد نصيبه لا يتعدي السدس فرضاً من باقي التركة, أما في غياب الولد, فيكون نصيبه هو الآخر حظا بعد القسمة المفروضة, ويكون للبنت الواحد النصف, وللإثنتين فما فوق الثلثين مما ترك
فمثلا إذا ترك المتوفي بنت, ووالديه, وكانت له من التركة ما قيمته 30.000 دولاراً, فتأخذ البنت أولاً نصيبها المفروض وهو النصف من كامل التركة أي 15.000 $, أما نصيب الوالدين أن يتقاسما باقي التركة حظا, أي لكل واحد منهما 7.500 $, أما إن ترك المتوفي بنت وولد, مع والديه, سيكون نصيب الوالدين لكل واحد منهما السدس فرضا أي 5.000 $, والباقي يقسم بين الأبناء للذكر مثل حظ الأنثيين أي 6666,6666 $ للبنت, و 13333,333$ للولد
في كل الأحوال الوصية للتوفيق والعدالة وفقا لظروف كلا منهم ضرورية وواجبة!

كامل المودة والتقدير

شكرا د.ادروب على الرد المفصل. واسفة على اهمالى للبوست.
لكن انت قصدى لو مات الاب....و اتقسمت تركته ذى ما تفضلت. ةبعدها مات الجد. فى الحالة دى الاحفاد ما عندهم اى نصيب من ورثة جدهم. واسفة مقدما لاستعمال الكلمة دى. فى زول من احد مناطق السودان قال لى ان عندهم بيقولوا للاحفاد ديل (اولاد الفطيسة). لان ابوهم مات قبل جدهم. sorry, again