Post: #1 Title: دي أجمل سودانية صورة وصوت Author: Osman Musa Date: 05-16-2013, 11:04 PM
تلك النجمة هي شهر يار . وشهريار هي بنت الصديق الفنان ابراهيم خوجلي
Post: #2 Title: Re: دي أجمل سودانية صورة وصوت Author: كمال علي الزين Date: 05-17-2013, 01:22 AM Parent: #1
(*)
تحيات ياعثمان منذ مدة ليست بالقصيرة استمع لها كل يوم فصوتها يهدى الاعصاب وبالمناسبة كنت في فترة الدراسة الثانوية مثارا للسخرية حين يسالني احدهم : فنانك المفضل منو؟ واجيبه : ابراهيم خوجلي فيسال : ابراهيم خوجلي منو؟ اجيبه : انسان يمتلك حنجرة قمرية حزينة
اطال الله عمره وربنا يبارك في شهريار هي دعوة لاكتشاف فنان متواضع عظيم
محبتي
Post: #3 Title: Re: دي أجمل سودانية صورة وصوت Author: الصادق صديق سلمان Date: 05-17-2013, 07:12 AM Parent: #2
صدقت يا عثمان موسى
صوتها رهيب ومخارج كلماتها واضحة
نفع الله بها وطنها وأهلها
Post: #4 Title: Re: دي أجمل سودانية صورة وصوت Author: الزنجي Date: 05-17-2013, 07:30 AM Parent: #3
ابراهيم خوجلي من الفنانين المميزين وهو من ابناء جزيرة توتي متعه الله بالصحه والعافية ولابنتة التوفيق والنجاح
Post: #5 Title: Re: دي أجمل سودانية صورة وصوت Author: Mohamed Mekki Date: 05-17-2013, 10:38 AM Parent: #4
شكرا لكل هذا الابداع
Post: #6 Title: Re: دي أجمل سودانية صورة وصوت Author: Mohamed Mekki Date: 05-17-2013, 10:45 AM Parent: #5
الاصل:
Post: #7 Title: Re: دي أجمل سودانية صورة وصوت Author: Osman Musa Date: 05-17-2013, 12:23 PM Parent: #6
سلامات عزيزنا أستاذ كمال وألف شكر علي متابعة شهريار بنت عزيزنا الفنان الاصيل ابراهيم خوجلي . أنظر أليها يا كمال والي خطواتها الفنانة الحذرة في المسرح . ثم تابع سيل التطريب الكاسح من صوتها . شهرياز صوت صادق أرجو أن يستمع اليها الناس وأرجو أن يلتفت اليها الملحنين فشهرياز تحمل جملة سمات الفنانة . لك التحية أخي كمال
Post: #8 Title: Re: دي أجمل سودانية صورة وصوت Author: Osman Musa Date: 05-17-2013, 12:37 PM Parent: #7
عزيزنا الصادق سلامات نعم يا أخ الصادق مخارج وأضحة وضوح الشمس شهرياز يا الصادق يجب أن تسطع . كثير الشكر أخي الصادق
Post: #9 Title: Re: دي أجمل سودانية صورة وصوت Author: Osman Musa Date: 05-17-2013, 01:08 PM Parent: #8
عزيزنا الزنجي سلامات وألف شكر علي المرور الكريم .. أخي أرجو التكرم بمدي بتلفونات عزيزنا محمد سليمان ودالفكي زميل الكفاح أيام الخرطوم ولندن أرجو أن يكون هو بخير بعد رحيل 3 أحباب من أفراد أسرته الكريمة . مع جزيل الشكر
Post: #10 Title: Re: دي أجمل سودانية صورة وصوت Author: Osman Musa Date: 05-17-2013, 01:18 PM Parent: #9
عزيزنا الفنان محمد سلامات وألف شكر يا عزيزي علي جلب فديوهات الأسرة الفارهة . شهرياز يا محمد من أجمل الاصوات النسائية في البلاد . شهرياز تستحق الدعم والاهتمام . لك التحية أخي
Post: #11 Title: Re: دي أجمل سودانية صورة وصوت Author: Osman Musa Date: 05-17-2013, 02:49 PM Parent: #10
من اوصاف عديدة ظهرت بى قوافى وفنون جديدة افكارى تايهة
تطربنى القمارى فى غصنك نشيدة يا الحزت المحاسن يا المنية الوحيدة انا يانور عيونى محبتى ليك اكيدة يا الصاين جمالك حسادك تكيدة
قربك لى سعادة وشوفتك لى مفيدة بشكى ليك حظوظى وظروفى العنيدة يا الناعسات عيونك لى عينا سهيدة بى حالى وسهادى نجوم الليل شهيدة
يا حبيب انت جافى نيرانى بتزيدة شايل قلبى عندك والروح انت سيدة يا عقد الجواهر يا معنى القصيدة تضرب بى سهامك ارواحنا وتصيدة
حبك ياحبيبى اصبح لى فريضة فى وصفك مكمل فى ذاتك فريدة انت سلبت روحى وانا روحك بريدة شفنا الصيدة عارت من جيدك وريدة
الروح تهوى زاتك يا حبيب وانت عيده البدرين تهابك من حسنك بعيدة نظراتك دواى وما منظور تعيده لو طيفك يزورنى دى الليلة السعيدة
Post: #12 Title: Re: دي أجمل سودانية صورة وصوت Author: Ahmed al Qurashi Date: 05-17-2013, 03:15 PM Parent: #11
تعرف يا عثمان موسى اليوم الصبح كنت بستمع لهذه الأغنية بصوت هذه الفنانة الرائعة
الاغنية من كلمات شاعر توتي بر محمد نور شاعر اغنية انت كلك زينة
وهي من اغاني المجاراة حيث جارى بها الشاعر اغنية زهوري اليانعة للشاعر احمد محمد الشيخ الجاغريو
Post: #13 Title: Re: دي أجمل سودانية صورة وصوت Author: Osman Musa Date: 05-17-2013, 10:48 PM Parent: #12
عزيزي د / أحمد القرشي سلامات الفيلم ده يا د / أحمد يوري الدنيا والعالمين سر الصوت النيلي الجميل . أبداع مابعدو أبداع . ألف شكر أخي أحمد
Post: #14 Title: Re: دي أجمل سودانية صورة وصوت Author: Osman Musa Date: 05-17-2013, 11:40 PM Parent: #13
Post: #15 Title: Re: دي أجمل سودانية صورة وصوت Author: أسامة البلال Date: 05-17-2013, 11:54 PM Parent: #14
يا سلام يا عثمان رغم صغر السن لكن ما شاء الله أداء جميل وصوت أجمل
الأغنيات كانت في برنامج تقريبا سنة 2003 إستضاف فيه تلفزيون السودان إدريس صاحب مدارس إدريس الثانوية وبعض طلابه وكانت شهريار طالبة في الثانوي ولكن ما اظنها واصلت في الغناء أو ستواصل فيه من علي البعد التحية ليها ولي والدها إبراهيم خوجلي وهم جيران أعزاء لينا في أمدرمان الثورة الحارة العاشرة
Post: #16 Title: Re: دي أجمل سودانية صورة وصوت Author: Osman Musa Date: 05-18-2013, 01:03 AM Parent: #15
كم نظرنا هلال - للشاعر الكبير صالح عبد السيد
***
كم نظرنا هلال ما شاقنا غير هلالو ما أظنو زلال يروينا غير زلال أرى الهلال ينقص وأرى محيو يتجلالو كل يوم يزداد في خديدو نور يحلالو تتقاصر الأبصار من حسنو من إجلالو يتيه يصد باسم آه .. ما ألذ دلالو ألذ شيء قُربو وغزلي النظر في جمالو وأمرّ شيء بعدو وجفاهو وإهمالو أرى الغصون بتميل وأظن هواها أمالو على الخلاف وإذا مَيّل عليّ أنا مالو طرفو ليه نعسان وأنا طرفي ليه يصحالو يتلو آية الحب الفي الخدود لايحالو جمالو كل ما يزيد جسمي يزيد إنحالو أما قلبي الضّاع خلّي اليروح في حالو إذا أدار لحظو على جبل دكّالو ولو بَسَم أنزل دمع السحاب أبكالو قلبو لا يشفق على عاشقو مهما شكالو حبيبي طبع الطير ينزل على أشكالو أنا لي حبيب يا ليل نوم العيون ملالو وليْ حبيب يا ليل قتل النفوس حلالو وليْ حبيب يا ليل تشوف خِدودو يلالو مع الظلام تشتاق الزهرة تدّلالو
__ أخي د / أحمد وتجلت البنت في كلام عمنا عبدالسيد وكانت الاجمل .
Post: #17 Title: Re: دي أجمل سودانية صورة وصوت Author: Osman Musa Date: 05-18-2013, 02:28 AM Parent: #16
عزيزنا أسامة سلامات حقيقة يا أخ أسامة مافي أبدع من كدي . أغنية كم نظرنا هلال سمعتها بصوت أكثر من 23 مطرب ومطربة . بس عندها كوم براو . كوم مختلف .
.. لك التحية أخي أسامة
Post: #18 Title: Re: دي أجمل سودانية صورة وصوت Author: Osman Musa Date: 05-18-2013, 12:15 PM Parent: #3
نتابع
Post: #19 Title: Re: دي أجمل سودانية صورة وصوت Author: Osman Musa Date: 05-18-2013, 01:36 PM Parent: #3
Post: #20 Title: Re: دي أجمل سودانية صورة وصوت Author: امينة عيسى Date: 05-18-2013, 01:46 PM Parent: #19
شكرا جزيلا على هذا الابداع اخى عثمان والتحية عبرك للاخ العزيز ابراهيم خوجلى وابنته الرائعة واتفق معك جملة وتفصيلا فهى صوت وصورة ربى يحفظها لقد زاملت الاخ ابراهيم خوجلى فى وزارة التربية والتعليم وهو الان عضو فى منتدى العم كمال ميرغنى بامدرمان وانا من اشد المعجبين بصوته وصوت ابنته لك وله ولابنته الفنانة اجمل التحايا
Post: #21 Title: Re: دي أجمل سودانية صورة وصوت Author: Osman Musa Date: 05-19-2013, 02:37 AM Parent: #20
عزيزتنا الأخت الكريمة أمينة سلامات نعم يا أمينة أسرة خوجلي أسرة تتنفس الابداع وتسبح في بحور الجمال .. ألف شكر علي المتابعة
Post: #22 Title: Re: دي أجمل سودانية صورة وصوت Author: Osman Musa Date: 05-19-2013, 03:33 AM Parent: #21
من اوصاف عديده ظهرت لي قوافي وفنون جديده افكاري تايهه
يا جميل انت جافي ونيراني بتزيده شايل قلبي عندك والروح انت سيده ...يا عقد الجواهر يا معني القصيده وتضرب بي سهامك ارواحنا وتصيده ********** والروح تهوي زاتاوحبيبي انت عيده والبدرين تهابك من حسنك بعيده نظراتك دوايه ومامنظور تعيده ولو طيفك يزورني دي الليله السعيده ******** تطربني القماري في غصنك نشيده يا حسد المحاسن يا المنيه الوحيده وانا يانور عيوني محبتي فيك اكيده يا الصاين جمالك حسادك تكيده ******** قربك لي سعاده وشوفتك مفيده انا بشكيلك ظروفي وحظوظي العنيده ويالنعسان عيونك لي عينا سهيده بي حالي وسهادي نجوم الليل شهيده
Post: #23 Title: Re: دي أجمل سودانية صورة وصوت Author: عوض جاه الرسول Date: 05-19-2013, 04:48 AM Parent: #1
التحية ل/ شهريار عبركـ اخوناOsman Musa
وسلامات لأخونا عازف الأورغ (محمد سعيد)
Post: #24 Title: Re: دي أجمل سودانية صورة وصوت Author: Osman Musa Date: 05-19-2013, 11:20 AM Parent: #23
عزيزنا عوض سلامات ولها ولوالدها عبر جميع المشاركين الدعوات بمديد العمر و عديد النجاحات في مشوار الحياة . .. ألف شكر أخي عوض
Post: #25 Title: Re: دي أجمل سودانية صورة وصوت Author: Osman Musa Date: 05-19-2013, 12:29 PM Parent: #24
وليتها هنا شاركت عاصم الأبداع .
Post: #26 Title: Re: دي أجمل سودانية صورة وصوت Author: Osman Musa Date: 05-19-2013, 01:26 PM Parent: #1
نتابع الأستماع فهي بحق صوت نادر يستحق المتابعة
Post: #27 Title: Re: دي أجمل سودانية صورة وصوت Author: خالد درق Date: 05-19-2013, 05:09 PM Parent: #26
فعلا صوت جميل حنون شكرا اخوناOsman Musa
الي الامام ..
Post: #28 Title: Re: دي أجمل سودانية صورة وصوت Author: Osman Musa Date: 05-31-2013, 02:23 PM Parent: #1
***
Post: #29 Title: Re: دي أجمل سودانية صورة وصوت Author: Osman Musa Date: 06-14-2013, 05:54 PM Parent: #1
*****
Post: #30 Title: Re: دي أجمل سودانية صورة وصوت Author: Osman Musa Date: 06-15-2013, 00:52 AM Parent: #29
سلامات عزيزنا خالد نعم البت فنانة حقيقية وتستحق الدعم والاهتمام لها التحية
Post: #31 Title: Re: دي أجمل سودانية صورة وصوت Author: محمد فضل الله المكى Date: 06-15-2013, 03:29 AM Parent: #30
Quote: and#211; دي أجمل سودانية صورة وصوت
صدقت يا عثمان.
Post: #32 Title: Re: دي أجمل سودانية صورة وصوت Author: Osman Musa Date: 06-15-2013, 12:36 PM Parent: #31
سلامات عزيزنا محمد المكي سماحة شاملة وتواضع سوداني أصيل . ياريت عمنا الشاعر الفنان السر قدور يلتفت لتلك البنت الحديقة . سمعت يا ود المكي أن لديها الكثير . لها التحية
Post: #51 Title: Re: دي أجمل سودانية صورة وصوت Author: Osman Musa Date: 06-28-2013, 11:46 PM Parent: #31
نكرر الشكر لعموم المشاركين عبر الفيس بوك
Post: #33 Title: Re: دي أجمل سودانية صورة وصوت Author: Tabaldina Date: 06-15-2013, 02:34 PM Parent: #30
.. . صوت اى .. صورة لا .. !!
---------- !!؟
Post: #34 Title: Re: دي أجمل سودانية صورة وصوت Author: usama Babiker Date: 06-15-2013, 05:05 PM Parent: #33
شوف بالله ياعثمان موسى المعلم عمر الفاروق نقش لك البنت الرائعة دي سنة كم ؟؟ بتاريخ 19/7/2006 م
Quote: بالأمس وفي تلفزيون السودان شاهدت إبنة الفنان إبراهيم خوجلي (إسمها قريب من شاهيناز) ووالله ما رأيت اعذب من هذا الصوت ولا اجمل من هذا الاداء ولكن للأسف لم اسمع بأحد يحاول ان يتبنى مثل هذه الاصوات الجميلة !!!!!!!!!! فلماذا تفرضون علينا شروق ابو الناس؟؟؟؟؟؟؟؟؟؟؟؟؟؟؟
Post: #36 Title: Re: دي أجمل سودانية صورة وصوت Author: Osman Musa Date: 06-16-2013, 11:52 PM Parent: #33
عزيزنا تبلدينا سلامات وشاكرين المتابعة
Post: #37 Title: Re: دي أجمل سودانية صورة وصوت Author: سيف الدين محجوب Date: 06-17-2013, 02:54 AM Parent: #36
صوت ... يعني أما صورة فدي بالغتا فوكا وحرررررررررام عليك في ظلمك لأخوات عزة وصدق أولاد بمبة حين قالو ( الما يشوف من الغربال يبقى أيه ؟؟؟؟؟؟؟ ........ يبقى أعمى )
مجرد إختلاف في وجهات النظر ،،، ويبقى الود بيننا
Post: #38 Title: Re: دي أجمل سودانية صورة وصوت Author: Osman Musa Date: 06-17-2013, 11:52 AM Parent: #37
عزيزنا أسامة سلامات وألف شكر علي المتابعة وجلب الرابط
Post: #39 Title: Re: دي أجمل سودانية صورة وصوت Author: Osman Musa Date: 06-17-2013, 12:27 PM Parent: #38
Post: #40 Title: Re: دي أجمل سودانية صورة وصوت Author: Osman Musa Date: 06-17-2013, 12:28 PM Parent: #38
عزيزنا سيف سلامات وترحيب حار بالمرور
Post: #41 Title: Re: دي أجمل سودانية صورة وصوت Author: Osman Musa Date: 06-17-2013, 10:17 PM Parent: #40
تحية وشكر لجميع المشاركين والمشاركات عبر الفيس بوك
Post: #44 Title: Re: دي أجمل سودانية صورة وصوت Author: عاطف مكاوى Date: 06-18-2013, 08:21 PM Parent: #30
شكراً يا عثمان علي هذه الهدية
أداء هذه البنت أكثر من جيد كآداء والدها تماماً
وبهذه المناسبة أقول بأنني عمها في الحسبة علي الرغم من أنني لم ألتقيها في حياتي وحياتها .
Post: #42 Title: Re: دي أجمل سودانية صورة وصوت Author: Osman Musa Date: 06-18-2013, 03:45 PM Parent: #1
نتابع الاستماع
Post: #43 Title: Re: دي أجمل سودانية صورة وصوت Author: جعفر سومي Date: 06-18-2013, 08:08 PM Parent: #1
الصوت مبالغه. والثبات ليس غريبا عليها طالما أبوها المطرب ابراهيم خوجلي. لكن للأسف قالوا عمها أوقفها من ممارسة الغناء وهو سبب اختفاءها من الساحه. الكلام ده قالو لي واحد قريبها في الحسبه وهو زميل عمل والكلام ده بعد أن تحدثنا كثيرا عن موهبتها . . . يا للخسارة
Post: #45 Title: Re: دي أجمل سودانية صورة وصوت Author: Osman Musa Date: 06-18-2013, 09:13 PM Parent: #43
عزيزنا جعفر سلامات لا لا يا جعفر يا عزيزنا الموهبة صاحبة الصوت الدهب شهر ياز لم تجد أي معارضة لا من عمها ولا من الأسرة الكريمة . بل تجد الكثير من الدعم والتشجيع ولكن شدة جمال روح شهرياز وتواضعها وخوفها المسير في طريق الفن الشايك هو المانع . لها عظيم التحية
Post: #46 Title: Re: دي أجمل سودانية صورة وصوت Author: Osman Musa Date: 06-18-2013, 11:46 PM Parent: #45
عزيزنا الزول الفنان عاطف سلامات صوت مريح وحضور يعجبك لها التحية
Post: #47 Title: Re: دي أجمل سودانية صورة وصوت Author: Osman Musa Date: 06-19-2013, 02:50 PM Parent: #46
زول من المعجبين بصوت شهرياز قال : الزولة دي في ديك الحلقة لو تغنت بي أغنية ( الشوق والريد ) كان القيامة قامت . وقال : في حفلات المدرسة لمان كانت تصل المقطع البقول ديل ياهاجر ... ليكي رسالة لو روحك يوم .. تنسي دلالها .. قال : لحظة تصل المقطع الخطير ده كانت الدنيا تقوم وتقعد . الكاشف عظمة فوق العظمة والبنية قمة الجمال والنيلين في داك المكان عجيبات السماحة .
Post: #48 Title: Re: دي أجمل سودانية صورة وصوت Author: Osman Musa Date: 06-20-2013, 03:16 PM Parent: #1
**
Post: #49 Title: Re: دي أجمل سودانية صورة وصوت Author: Osman Musa Date: 06-28-2013, 01:13 PM Parent: #48
في أنتظار عودتها القوية في رمضان القادم
Post: #50 Title: Re: دي أجمل سودانية صورة وصوت Author: Osman Musa Date: 06-28-2013, 02:32 PM Parent: #49
من أوصاف عديدة ظهرت بي قوافي وفنون جديدة أفكاري تايهة تطربنى القمارى فى غصنك نشيدة يا الحزت المحاسن يا المنية الوحيدة انا يانور عيونى محبتى ليك اكيدة يا الصاين جمالك حسادك تكيدة
قربك لى سعادة وشوفتك لى مفيدة بشكى ليك حظوظى وظروفى العنيدة يا الناعسات عيونك لى عينا سهيدة بى حالى وسهادى نجوم الليل شهيدة
يا حبيب انت جافى نيرانى بتزيدة شايل قلبى عندك والروح انت سيدة يا عقد الجواهر يا معنى القصيدة تضرب بى سهامك ارواحنا وتصيدة
حبك ياحبيبى اصبح لى فريضة فى وصفك مكمل فى ذاتك فريدة انت سلبت روحى وانا روحك بريدة شفنا الصيدة عارت من جيدك وريدة
الروح تهوى زاتك يا حبيب وانت عيده البدرين تهابك من حسنك بعيدة نظراتك دواى وما منظور تعيده لو طيفك يزورنى دى الليلة السعيدة
Post: #52 Title: Re: دي أجمل سودانية صورة وصوت Author: Osman Musa Date: 06-29-2013, 01:06 PM Parent: #50
أغنية أوصاف عديدة أستمعت الي الأغنية بصوت بابكر الزكار وبصوت الخال عثمان الدغور وبصوت المرحوم أحمد سعيد وبصوت الصديق الفنان ابراهيم خوجلي . لكن الشابة شهرياز هي من دفعت بالأغنية الي ساحات التوهج بخصائص صوتها الحلو وطريقتها الجميلة وطلتها السودانية الاصيلة . لها التحية ولهم جميعا التحية وطول العمر والرحمة لعزيزنا الفنان التربال المسكين أحمد سعيد .
Post: #53 Title: Re: دي أجمل سودانية صورة وصوت Author: Osman Musa Date: 06-30-2013, 02:56 AM Parent: #1
نتابع
Post: #54 Title: Re: دي أجمل سودانية صورة وصوت Author: Osman Musa Date: 06-30-2013, 08:27 PM Parent: #53
Post: #55 Title: Re: دي أجمل سودانية صورة وصوت Author: محمد فضل الله المكى Date: 07-01-2013, 03:55 AM Parent: #54
: : أوافقك تاني يا عثمان على إنو بتنا جميله جميله جمال بنوتنا وسماحتن جمال بنات الريف وطيبتن الجمال الطبيعي اللا عليهو كريم ولا بدرة جمالاً سيدو بيغني ووجهو مجلل بالحياء
لم أقصد جمال (خايسي عجرم) مشكوووووور أبو عفان
Post: #56 Title: Re: دي أجمل سودانية صورة وصوت Author: mekki Date: 07-01-2013, 06:31 AM Parent: #55
نصرك الله ونصر الفنان خوجلي ونصر بنوتته الفنانة
Post: #57 Title: Re: دي أجمل سودانية صورة وصوت Author: Osman Musa Date: 07-01-2013, 01:48 PM Parent: #56
عزيزنا ود المكي سلامات وحبابك والبوست بوستك تجي علي كيفك . نعم جمال بنتنا جمال براو .. سماحة الله . ونانسي عجرم لها التحية والأحترام شرفتنا في مانهاتن وكانت فوق النجوم .
Post: #58 Title: Re: دي أجمل سودانية صورة وصوت Author: Osman Musa Date: 07-01-2013, 09:12 PM Parent: #57
MEKKI كيفك يا عزيزنا حقيقة الشابة طلعت بالأغنية طلوع بديع ألف شكر علي المتابعة
Post: #59 Title: Re: دي أجمل سودانية صورة وصوت Author: محمد فضل الله المكى Date: 07-04-2013, 06:19 PM Parent: #58
: : ذلك لأن هنالك حاجة لتهدئة الأعصــاب .
Post: #60 Title: Re: دي أجمل سودانية صورة وصوت Author: محمد فضل الله المكى Date: 07-20-2013, 07:06 AM Parent: #59
: : روِّحـوا عن القلـوب سـاعة ....
Post: #61 Title: Re: دي أجمل سودانية صورة وصوت Author: Osman Musa Date: 07-20-2013, 08:43 PM Parent: #60
بارك الله فيك يا ود المكي ياخ الواحد زي الجابو الشارع وهو صايم وفي أول المفرشة رقدلو بي جك ليمون .