الأسمراني الجميل غاندي ادم .. زول حلو شديد وفناااان شديييييييد .. عن نفسي أول مرة أشوفو كان في حفلة لي محمود ..لفت انتباهي الولد النحييف الأسمراني وهو منصرف تماااماً للعزف على الة الفلوت وهو مغمش وبيعزف بي إحساس عااالي شدييييد .. الشي الملفت أكتر كانت ملامح الوش بتاعت ولد صغييير لو ما أخاف الكضب كان في المرحلة الثانوية في بداياتها ووقتها الواحد كان راسم عن العازفين ديل صورة الناس العجايز أو الشباب في نهايات العشرينات .. بتذكر كويس في مدرسة محمد حسين مدير المدرسة كان صعب جداً وكان ملقب بي "تنقو " كان مدير هيييبة ومالي مركزو وما بيحب الحال المايل ..وبتذكر جدا إنو كان مانع بنطلون الجينز .. الوحيد الكان بيجي بي بنطلون الجينز كان هو هذا الغاندي ..لاحقاً إكتشفنا إنو المدير ده بي كللل قوتو وجبروتو ده كان مقتنع جداً بي إنو الولد الإسمو غاندي ده ولد موهوب وهو أفضل من يمثل المدرسة في المحافل الطلابية من دورات مدرسية .. وفعلاً كان غاندي في كل مشاركات مدرسة محمد حسين هو مفتاح النصر والميدالية الذهبية في العزف المنفرد ثابتة لي محمد حسين للدرجة اللي خلت مدير المدرسة يقول لي غاني أخد راااحتك بس لمن الدورات المدرسية تقرب عليك الله تعال لينا ..:) وهنا بتذكر موقف لطييف حصل في المدرسة ..محمد حسين كانت مدرسة من طابقين .. ويومها المدير كان ساكي ليهو طالب لابس بنطلون جينز ..قووم يا الولد اطلع الدور التاني ..قووم يا سيادة المدير اطلع وراهو .. و قووم أزنق الطالب في الممر .. الولد وقف في حافة الطالب وقال للمديير والله تقرب مني ح أتللب كلمممتك.. المدير لمن شافو لقاهو غاندي قال ليهو هو ده انت ؟؟ تعال تعال والله ما بسألك يا مجنون .. :) :)
بدو إنو غاندي ومنذ الطفولة كانت الة الفلوت هي صديقه الملازم ليهو في حله وترحاله في صحوه ومنامه ..بياكل فلوت وبيشرب فلوت .. ما حصل قابلت غاني وإلا في ضهرو شايل ليهو شنطة جلدية أسطوانية فيها الفلوت .. كان واضح جداً الخط اللي رسمو غاندي لي نفسه وهو وااحد من قلااائل انا شوفتهم في حياتي حققو ما خططو ليهو بالصبر والمثابرة والإجتهاد..وفوق كللل ده إضافة للموهبة والفطرة كمّل الصورة بي التأهيل العلمي والدراسة .. وقد كانت المصادفة التانية إنو الاقي غاندي في جامعة السودان وهو طالب بي كلية الموسيقى والدراما .. كان بيجينا في الغربي فيملأ الغربي حيوية ونشاط ..الكل لمن يسمع غاندي في الغربي أولاد وبنات بيجو يتلمو .. بالججججد لمن كنا بنسمع غاندي بنفهم يعني شنو الموسيقى بتغسل الروح من جوووة .. كان غاندي صاحب شخصية لطيييفة متواااضعة مع إنو وقتها كانت الناس بدت تعاملو كنجم .. واحد من أظرف وأمتع الشخصيات اللي قعدت معاها .. تضحك من جوووة وإنت مع غاندي .. تستمتع حد التخمة وانت في حضرة غاندي وهو بيعزف ليك في مقطوعة في نجيلة فنون أو في الأندر لاب بتاع كمبيوتر.. كانت افكار غاندي الموسيقية بتترجم مع فرقة من أولاد شباب زي الورد كان فيهم عماد ببو على ما أذكر .. وهو إسم إرتبط بي غاندي كتييير حتى بقو زي تيمان برقو الما بتفرقو .. كان واضح إنهم شباب عندو طموح وفهم موسيقي عايزين يحققوهو .. كان واضح جداً إنو عندهم رسالة عايزين يوصلوها .. كان واااضح جداً إنهم ممكن يطلبوا ليها العلم ولو في الصين .. كافح غاندي كتييير ويبدو إنو صبر على معاكاسات النظام كتيير لمحاربة مشروعو الموسيقي.. في السودان فكرة الموسيقى البحتة البدون فنان دي الناس عانت فيها كتيير والتجربة تكاد تكون بتفشل من بداياتها ..وهنا قد يحسب لي الموسيقار حافظ عبد الرحمن تغييره لهذه الفكرة وتبنيه لمدرسة الموسيقى البحتة والعزف المنفرد ولو إنو عندي بعض المقارنات اللي ممكن تلقى معارضة من ناس الموسيقى حول طريقة حافظ وطريقة غاندي في العزف,,, غاندي حالياً في فرنسا وأفتقده في كل إجازاتي في السودان فمكانه يبدو فارغاً والسودان بيفقد موهبة في رأيي إنها موهبة عالمية لا تقل عن عازفين عامليين كبار في مجال الفلوت.. بتذكر جداً المشهد البقت الناس سمتعوداهو في حفلات عقد الجلاد وغاني الشاطح يفاجئ الجمييع حتتتى اعضاء فرقة عقد الجلاد وهو بيطلع المسرح وبيشتغل صولة في حاجة امنة اتصبري للدرجة اللي بقا جمهور عقد الجلاد لمن ما يلقى غاندي قد يحرد الحفلة .. غاندي عازف جميل وصاحب أنامل بالجججد ذهبية ..عندو طريقة عزف مختلفة .. وأصابعينو بتلعب في الفلوت بي طريقة مريييحة وبتحس بيهو وهو بيعزف وكأنه ما قاعد يتنفس ..
سنة 92 الدورة المدرسية بالابيض ... كنا معسكرين في المقر الدائم تقريبا قريب شهرين .. ما يقارب الـ 400 شاب وشابة من ولاية الخرطوم يمثلونها في الرياضة والثقافة
نحن كنا ناس كورة سااااااااااااااااااااااي لكن كان المغرب قعداتنا مع ناس الثقافة
غاندي ده كان ولد صغيروني كانو مجموعة من اولاد الخرطوم خطرين خلاس واحد بتاع دنب من اولاد الصحافة كان زول كارثة وواحد بتاع بيز اظنه ولد عبد العزيز محمد داوؤد ولا واحد من الفنانين ديل وغاندي ده ومطصفى ود ام بلينة عنده اخوه مداح وواحد مجنون كده بتاع هارمونكا وبتاع اوغن اخو خالد الصحافة الصغير قالو
يا زول كل يوم المساء بكون عندهم شغل مجنون
غايتو ناس غاندي ديل وفريق كرة اليد
كانو اجمل حاجة في المعسكر
الخرطوم جابت الكاسات كلها يا عمر في السنة ديل الا كورة القدم
يا سلااام يا عمر ياخ غاندي حبيب و قريب في روحو دي خليهو الفلوت و الموسيقى بالجد العايز يستمتع بالصحبة الحلوة و الصادقة يصاحب غاندي و عماد ببو و الله غاندي دا عندو حكايات و حكايات يا جدعان . ربي يرد غربتو و ينولو مقصدو و مرادو . غاندي و ببو ديل و معاهم مجموعة شباب ضربو مزيكة الكاسيت بتاع (الدرب الأخضر) لعثمان حسين الكاسيت داك خطف الأضواء لسنين طويلة جداً جداً و إي زول في السودان تقريباً كان عندو نسخة منو .
يا وليد اخو مصطفي ود أم بلينة هو محمد بخيت و هم الإتنين دفعتي دراسة وكورة و محمد بخيت في الأصل كان هو المشهور كمغني و مادح .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ هسي يجي بعض الناس يقولو ليك عمر و سفيان و وليد ديل عاملين فيها بتاعين كلو ههههههه وهم في حقيقة الأمر ما ناقشين انو نحنا اولاد قلبا جد جد .
شفته يا وليد مداخلتي الفوق دي دون قصد سقط منيّ أسم فاضلابي (معليش يا صاحبي) فاضلابي دا برضو من الناس الكانو عارفين انهم عايزين شنو تحديداً و كان (ولازال) نجم مميز و انيس و أليف الصحبة و المعشر .
بتذكر صحبتهم التلاته و انهم كانو بيعملو شنو و انهم اسعدونا كتييييير و يشهد المركز الثقافي الفرنسي على الكتير و الكتير .
ياريت فاضلابي يحي يحكي عن غاندي و ببو .
Post: #8 Title: Re: غــــــــــــــــــانـــــــــــــــــــــدي..!! Author: ناذر محمد الخليفة Date: 06-20-2013, 04:58 PM Parent: #6
يا سلام يا عمر ياخ ..!!
كلام طاعم .. بس أهم حاجة ما قلت غاندي صحبك هههههههههه ما في داعي أجيب رابط مش ؟!
اما عن نفسي فبعتبر نفسي محظوظ لأني من الناس القابلو غاندي في معهد الموسيقى كنا بنستمتع جدا في البنشات بي غاندي والفلوت بتاعو .. بتذكر في العصريات كنا بنقعد مجموعة من الطلبة نغني ونعزف بي مختلف الألات وفجأة بدون ما ننتبه نسمع صوت فلوت فنتلفت نلقى غاندي جا براحة شايل الفلوت وانسجم معانا ..
وفعلا فردة غاندي التاني هو عماد ببو بتاع الجيتار ببو زول موهوب جدا وبالمناسبة يتلاقى ببو وغاندي وأمال النور مع بعض في أغنية ياااااااااااااخي !! ما تذكرني ..!
ويا سفيان نابري .. غاندي فردة صحبك اسعد الفنان .. برضو لمن يقعدوا مع بعض والجو يكون مطرة وتمام التمام يقوم أسعد يغني لي محمود عبد العزيز وغاندي يطلع الفلوت وكدة وزاد وجدي ...!!
هههههههههههههههه الاتنين (مشكوتين) هههههه يا ناذر .
ياعمر الفاروق اسعد دا ود عجيب من اولاد سنجة ودرس في معهد الموسيقى صوت ... يا صاحبي و الله العظيم تلاته انا سمعته و شفته* محمود (ربي يرحمو) بيقدم اسعد دا يغني ليهو اغنياتو رسمي و كان مقتنع انو اسعد دا احسن زول يغني ليهو .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ تلاته يوم في بيت (خالة الحوت- ربي يرحمو) بالدويم قبل العرس محمود (ربنا يرحمو) كان قدامنا بكم يوم اول ما وصلنا و عرف اسعد معانا انبسط جداً جداً و قال خلاص اسعد يشتغل كل الإيام و أنا اضرب الحفلة الرئيسية ... الحفلة الرئيسية كانت حكاية ههههه و من اول كوبليه انتهت زي ما قلته ليهم انا بالضبط و رفضته امشي رغم التحانيس بتاعة الحوت (ربنا يرحمو) و تحانيس الشباب .
محظوظين ياخ غاندي في تصفيات الدورة المدرسية (كانت في مدرسة المؤتمر سنة 92) غاندي كمل شغلو وقعدوا مع واحد كدا ورا الفصول وشغالين بي مزااااااج ونحنا مع واحد صاحبي قاعدين بي مزاااااج لحدي ما فاتتنا الفقرة المشاركين فيها ومن اليوم داك بقيت بقول الفلوت حافظ وغاندي لحدي ما سمعت وحيد صلاح الدين (ما متأكد من الأسم) وبعدو مجدي عابدين مع سيف نورين. بي سبب غاندي جليت شغل البيانو وبقيت أهبش في الفلوت لكن يا خساااااااااااااارة ضرسين خلوني أجلي الشغلانة واقفة غاندي أحمد تاور عليه الرحمة عاصم الطيب أسماء في الموسيقى السودانية ما لقت التعريف الجيد بيها عمر الفاروق ياخ أنا ح أصاحبك عديل لو استمريت كدا
Post: #11 Title: Re: غــــــــــــــــــانـــــــــــــــــــــدي..!! Author: عمران حسن صالح Date: 06-20-2013, 05:52 PM Parent: #10
إنَا لله ياخي
Post: #12 Title: Re: غــــــــــــــــــانـــــــــــــــــــــدي..!! Author: عمران حسن صالح Date: 06-20-2013, 06:14 PM Parent: #11
يو ميكـ ماي إيفننغ ياخي :) ....
Post: #13 Title: Re: غــــــــــــــــــانـــــــــــــــــــــدي..!! Author: عمران حسن صالح Date: 06-20-2013, 06:53 PM Parent: #12
طبعاً يا وليد بتذكر الدورة المدرسية دي لكن من خلال التلفزيون ..واحدة من أنجح الدورات ولو إنو طلع فيها قصة الفساد المعروفة بتاعت قروش الشطة !! انا طبعا الوقت داك في المتوسطة غايتو :) :) بالله انتو اللي غلبكم والي الدين الله يرحمو ؟؟ عارف يا وليد بيجيني احساس انو اجمممل اللحظات في الدورات المدرسية هي الاجواء البلليل بين ناس الولايات عموووما قصص وليالي سمر وطرب ومعارف كنوز .. ياخ ما تحكي لي عن الدورة دي وبرامجا البي تحت ياخ ..
Quote: و الله غاندي دا عندو حكايات و حكايات يا جدعان .
يا سفيان ياخ ما حكى ليكم نكتة الفار والأسد؟؟ ياخ زول بيحكي نكتة لي مدة نص ساااعة بتكتشف انهم تلاتة نكت في نكتة ..ومن ما يبدا لحدددي ما ينتهي انت تكون بتضحااااااك.. بتتذكر لبستو الدمورية الكاملة وفيها سكسك ومطقمة مع جراب الفلوت؟؟
Quote: فنان و متواضع كما قلت و صاحب نكتة و بديهة حاضره ...
يا وائل هي بديهة نصاااح؟؟ حصل حضرت غاندي وهو طالع من إمتحان في كلية الموسيقى وهو بيقرا ليك الأسئلة ويوريك كتب الأجوبة شنو ؟؟ ياخ غاندي ده غييير قصة الفلوت دي زول شاااطح بي صووورة .. بالجججد الزول ده لو كان في بلد غير السودان كان بقا زييو زي ناس باخ وجاخ وطاخ وموزارد ومنو ديلك
Quote: بس أهم حاجة ما قلت غاندي صحبك هههههههههه ما في داعي أجيب رابط مش ؟!
طبعاً يا ناذر غاندي صحبي ..الأدق منها إنو انا اللي صاحبتو وكان عن طريق صاحبي ود كسلا غفاري كان معاي في كمبيوتر وغاندي كان عندو مشروع اكتشاف مواهب غنائية وفعلا لقى ضالتو في ناس من كمبيوتر..المهم سيبك من دي :)
لكن يا مان عارف لو سألت غاندي ده فمفروض يقول ليك أووول إيميل عملو في حياتو كان عملتو ليهو انا فييي لاب فنون ووقتها انا كنت أستاذ في الجامعة وبالمناسبة لو إنت كنت قاعد في 2001 وطالب ما بعيد اكون قريتك كمبيوتر لأنو كان اتعملت ورش بتاعت تعريف بالحاسب لي كلية الفنون والموسيقى وانا كنت المحاضر ..ياخ انا كان بدرس لي ناس لمن اسة وعيت للدنيا وعرفت وضعهم نو والله لمممن اتخلعت !!!! اتخيل انو طلبتك يكون درمة عميد كلية الفنون ودكتور أحمد الخطاط ودكتور عبد العال و و و اييك اسامي كده تهجججم ..بس كانوا ناس حلوييين.. بالمناسبة بتذكر جا زول مرة هنا قال لي ياخ ناس غاندي ديل قالوا ما بيعرفوك وانت بتهجججم ساااي :) :) :) والله يا حبوب انا غاندي ده عملت بيهو رحلة بتاعت استقبال البرالمة في بري ..يمين الجامعة كلللها نضمت بيها لي مدة شهر .. الناس نتعوودة تجييب فنانين انا جبت غاندي وفرقته ديل ضربو لينا مزيييكا من الساعة 12 ضهر لحدددي 5 مسا .. تقول لي رابط؟؟ :) :)
Post: #18 Title: Re: غــــــــــــــــــانـــــــــــــــــــــدي..!! Author: ناذر محمد الخليفة Date: 06-20-2013, 07:43 PM Parent: #16
!!!!!!!!!!!
Quote: و من اول كوبليه انتهت زي ما قلته ليهم انا بالضبط
Quote: ياخ زول بيحكي نكتة لي مدة نص ساااعة بتكتشف انهم تلاتة نكت في نكتة ..ومن ما يبدا لحدددي ما ينتهي انت تكون بتضحااااااك..
هاهاهاهاها كاااااااك الله يكتلك يا عمر خليتني اضحك زي المجنون ياخ الزول دا مستعد يومي يحكي ليك النكته دي و يومي تسمعه بطريقة جديدة و تفرفر من الضحك . و يبدأ :- عندي نكته ؟ - بتاعة شنو ؟ - الفار و الأسد - ياخ سمعناها منك مية مرة!! - لا لا ياخ ديل فار و أسد غير ديك - اها طيب قول و يبدأ ليك في الحكي و الوصف و الحركات و فعلاً تسمع النكته بشكل جديد و يكتل بالضحك الحقيقي . العجب لما يقوم ليك بتمثيل أي حركة ههههههههه غايتو مصيبة الزول دا و محل ما يكون الضحك هو الفعل الوحيد و الكامل لكل من حوله .
ياخ الله يديهو العافية و يقويهو و يعمر روحه بالمحبة و بالجد مشتاقين ليهو شديد .
Post: #24 Title: Re: غــــــــــــــــــانـــــــــــــــــــــدي..!! Author: حمد فتح الرحمن Date: 06-20-2013, 10:49 PM Parent: #23
في ناس طبعا بتخش وتدوس وتقش خشما وتمرق عادي ولمن يجي وكت الغلاط بتعمل نفسها ليها شهرين ما خشت نت ، موش :)
ال ( ) دي احسبا لي اخوك يا معفن :)
Post: #25 Title: Re: غــــــــــــــــــانـــــــــــــــــــــدي..!! Author: عمر الفاروق Date: 06-21-2013, 10:58 AM Parent: #24
حيدرنا : ياخ مداخلتك دي ضاعت في دهاليز السطور الكتييرة بتاعت القوم ديل.. تسلم يا حبوب
Post: #26 Title: Re: غــــــــــــــــــانـــــــــــــــــــــدي..!! Author: omer osman Date: 06-21-2013, 11:15 AM Parent: #25
والله شغل جميل ومنسق زي مابقول واحد صاحبنا ......
قبل شوية ياعمر كنت بسمع لي محمود (الحجل بالرجل وحمامتن) خسارتنا في محمود لاتعوض ياعمر .... ربنا يرحمه ويسكنه فسيح جناته
Post: #27 Title: Re: غــــــــــــــــــانـــــــــــــــــــــدي..!! Author: عمر الفاروق Date: 06-21-2013, 11:20 AM Parent: #25
Quote: وبعدو مجدي عابدين مع سيف نورين.
يا تبلدي يا حبوب: إنت قاصد مجدي صالح؟؟ لأنو تحديييداً انا إتنين عندي فيهم قناعة تااامة في الفلوت هم غاندي ومجدي صالح .. مجدي صالح ترطني بيهو علاقة صداقة وعلاقة أسرية ..عايشتو وسمعتو من انا ود صغيروووني وهو وقتها كان بي نفس عنفوان وشباب غاندي ده ووقتها المشاط يقول يا غربتي طبعاً أسة صلعة علماء عدييل.. مجدي صالح بدا مع سيف بشكة أو سيف نورين زي ما قلت وعرفتو عن طريق خالي صديق بيز أو صديق محمد صالح المعتزل للغناء منذ فترة طويلة بعد الهجرة لي كندا.. انا عندي مشكلة صغييرة بختلف فيها متعلقة بي حافظ عبد الرحمن كعازف فلوت متمرس ومحترف ..الفكرة ما قادر أوصلها بالرغم من إني مقتنع إنو حافظ كان مدرسة قائمة بذاتها وواحد من الناس اللي صبرت وجاهدت عشان تثبت فكرة الموسيقى البحتة البدون فنان وأجبر المستمع إنو يقدر يخش عشان يسمعو .. المهم خلينا أسة في الولد الشقي غاندي ..
Post: #28 Title: Re: غــــــــــــــــــانـــــــــــــــــــــدي..!! Author: عمر الفاروق Date: 06-21-2013, 11:40 AM Parent: #27
Quote: التاني هو عماد ببو بتاع الجيتار ببو
يا ناذر مولاي غاندي يغريك السلام ويقول لك : الجيتار بتاع ببو وليس ببو بتاع الجيتار .. هذا وقد أمر لك ب مئة من الإبل ومئة من الخيل وكيس من الدنانير ..
Post: #29 Title: Re: غــــــــــــــــــانـــــــــــــــــــــدي..!! Author: ناذر محمد الخليفة Date: 06-21-2013, 06:58 PM Parent: #28
وبمناسبة ببو وجيتارو :
لو جا ماري بي هنا عضو المنبر خال فاطنة خليهو ينزل ليك صور من الحفلة الكانت في الأسكلا ببو بالجيتار وناذر خليفة بالعود ههههههههههه
تعرف جنابو عمر.. محمود عبد العزيز ربي يرحمو ويغفر ليهو وشوف كلامي ده كل ما ح تسمعو ح تلقى نفسك بتقول المقولة : أضاعوك وأي فتىً أضاعو .. ومحمود ده قدر ما ح تسمعو ح تلقى نفسك بتسمع في زول مختلف ما بيشبه ناس الدنيا ديل في أييي شي.. عارف يا ابو عمير .. في تسجيل لي أغنية يا ليالي الأنس لي عودي بي صوت محمود وبيشتغل ليهو اندي ده الفلوت .. الأغنية دي انا كانت عندي في تسجيل نضيييف ..كنت بسمعا بالليل شديييد وبعيدا أكتر من خمسين مرة .. الأغنية دي لو سمعتها بي طريقتا ديك ح تقول محمود ده حكااااية .. وباقي لي ح تندم إنو زول زي ده مات قبل ما ناس كتيييرة تستمتع بيهو وتحضرو .. زمااان ماردونا لمن عمل إسطورة في نادي نابولي وانا قلت الكلام ده كتيير اليوم الشالو الكأس جمهور نابولي مشى المقابر وقال للأموات يااا حليلكم يا الموتو قبل ما تشوفو ماردونا .. وانا ح أعكس الكلام وح أقول للجايين يااا حليلكم يا الجيتو بعد محمود مات ربنا يرحمو ..
Post: #34 Title: Re: غــــــــــــــــــانـــــــــــــــــــــدي..!! Author: عمر الفاروق Date: 06-22-2013, 07:33 AM Parent: #33
غايتو يا حمد يا فتح الرحمن تشفيرك بقا عااالي وأقواسك كترت .. :)
Post: #35 Title: Re: غــــــــــــــــــانـــــــــــــــــــــدي..!! Author: محمد عبدالرحمن Date: 06-23-2013, 06:45 AM Parent: #34
Quote: فنون ووقتها انا كنت أستاذ في الجامعة وبالمناسبة لو إنت كنت قاعد في 2001 وطالب ما بعيد اكون قريتك كمبيوتر لأنو كان اتعملت ورش بتاعت تعريف بالحاسب لي كلية الفنون والموسيقى وانا كنت المحاضر
عزيزى القارى لايفوت على فطنتك ان كاتب الحديث اعلاه هو عمر الفاروق... لتعلم سيادتك ان التعليم العالى لم ينتهى بالساهل ...وان مافعله ابراهيم احمد عمر فى تعليمنا العالى (نجار فى خشب ماعملو) ....
اما مايخص علاقة صاحب البوست بغاندى فبعد قراءة ماخطه عمر الفاروق تاكد لى ان العلاقة (شبهة معرفة) ليس الا ...معقول زول عايزين يذكروهو بزول يقولوا ليهو (تتذكر اول زول عمل لى ليك ايميل فى حياتك ) ... عمر ياخ انت ممكن تكتب عن غاندى بدون ماتعرفو معرفة شخصية ... المعرفة ماشرط للاعجاب بالفنان والكتابة عنه ..فبالله ماتعمل طوالى انك صاحب البطل .....
Post: #36 Title: Re: غــــــــــــــــــانـــــــــــــــــــــدي..!! Author: عمر الفاروق Date: 06-23-2013, 07:27 AM Parent: #35
محمد عبد الرحمن : الزول المعجب بي وما قادر يقول مااا قادر يصرح .. ياخ إذا كان انا العااادي ده إنت عايز تتلصق فيني وتصاحبني وانا زول عادي أمشي في الأسواق وأقبل الهدايا فما بالك بي إنو زول موهوب ومبدع وفنان زي غاندي ده ما أحتفي انا بي صحبتو..
Post: #37 Title: Re: غــــــــــــــــــانـــــــــــــــــــــدي..!! Author: عمر الفاروق Date: 07-01-2013, 06:26 AM Parent: #36
غاندي في الربع الجديد ورسالة لتعديل المزاج لكل زائر ..
