Quote: شربت على يدها من هوى جنى "الفنريت" وذوب العنب
بتكون صحت البلفة يا ود ساتي كما قال عمنا العبادي في قصيدة السايق الفيات ؟
انت يا شيخ الدرديري كلمة بلفة دى هل كانت معروفة من زمن ناس العبادي وسرور وعمك ود الرضي؟
انا افتكرتها مفردة عصرية - طبعا آخر إصدارتها كلمة ( حنكة ومنها حنّكو ) . شباب الزمن دا بقول ليك حنّكو بمعني امطره بدرر وللآلي الكلم.
Post: #41 Title: Re: منو البحبنا زيل ديل ؟ يوجد فديو مولع نار عديييييييييل كدا Author: محمد عبد الماجد الصايم Date: 06-02-2013, 07:08 AM Parent: #40
فعلا .. أنت الرحيق لنا!!
_ ما أنت يا شيقا إنت تخصص طليع روح بس!!
Post: #42 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر علي حسن Date: 06-02-2013, 09:00 AM Parent: #41
يا خال اجب في سرك عن الاسئلة التاليه - لايوجد اختيار ولا خيارات .. كم تبعد الدوحه من الحبشه ؟ شايف المشاوير بقت متلاحقه .. ينفع الواحد يمشي كل ويك إند ؟ الفيزا بياخدوها من وين ؟ انا فيها والا اطفيها ؟
وارقص وحت سمح لامن تقع علي زمكك فتكسره زي عباس بن فرناس زمكك بالتحتّو حت
Post: #48 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر علي حسن Date: 06-02-2013, 06:39 PM Parent: #47
Quote: Quote: جاوبتها كوووووولها بس في سري
مظبوط .. لكن توب البنية دي بالشمال
عمر علي حسن
Post: #49 Title: Re: منو البحبنا زيل ديل ؟ يوجد فديو مولع نار عديييييييييل كدا Author: خالد علي محجوب المنسي Date: 06-02-2013, 06:59 PM Parent: #48
بعدما قعدنا وقشقشنا دموعو قام تاني جاب سيرة البحر تاني حبش الحبش بدو؟ دبي ريسنق بدت ؟ الناشنوال جوغرفي بدت ؟ ==========================
Quote: صديقتي سلمى سلامة
سلامي - مالك بتاوقي لسودانيز من برة اوع عندك مشكلة فنية تمنعك الدخول بالباب عديل
الفائتة دفقت الحليب في اللابتوب ههههههه المرة دي مالا ؟ يا رب دي واحدة من الخصام الحلو لسلمى سلامة للمنبر لكن تأكد بتكون ماسكا اللابتوب وبتكتب في شئ دسم شديد بتشوفو قريب وكلنا منتظرين يا سلوم العسل تحياتي ومودتي لك ولسلمى المشتاق ليها لآمن قربت انشرط من شوقي الما قدر يعبر البحار لبلاد العم سام ( اليانكي )
خالي ما تدرع لي حبيل في و ضا ح ة باقي لي البنية دي فالحة ممكن نعلمها تهز البخسة وتسرح بالحملان
Post: #77 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر محمد ابراهيم Date: 06-03-2013, 10:38 PM Parent: #47
اسي دي في ذمتكم البسالكم منها الله يوم القيامة دي اغنية : لالالالا لاااااااااااااالا ذاتها حقتنا دي ؟؟؟ ود شيقوق وجماعتو يااخي ما تفكرو لينا في مشروع تحبيش السودان ولا بالعدم سودنة الحبش ونغني لااااااااااااالااااااااااااااااااااالا دي بالنص لامين في الحرم ان شاءالله ههههههه دي عندها نكتة ما بتتقال هنا لظروف امنية تحياتي
Post: #156 Title: Re: منو البحبنا زيل ديل ؟ يوجد فديو مولع نار عديييييييييل كدا Author: مجاهد محمد الهادي Date: 06-09-2013, 06:50 AM Parent: #47
بوست مدخل للبهجة في النفس
من أروع البوستات التي شاهدت جمالا ديدن مشاركاتك الفائحة زهر وأقحوان وورد زاتو .. شكرا ود شيقوق
مداخلة عبر الفيس بوك من اخينا عبد الله محمد عبد الله يقول فيها مشكورا ما يلي :
Quote: والله أت زول رايع حد الثمالة ...ومفعم و بتفهم ...أنا متابع البوست بتاعك التاني داك وهسع رجعت من المكتب صدفة داير أمشي عليه عترت في ده وما خيب ظني ...أمانة في زمتك الناس ديل جبنة ساكت ما حقو نعمل معاهم وحدة فورية ونفتح قبل الحدود قلوبنا وعقولنا ليهم بدل ناس مصر والليمون المابتعصر ديلك بلا يخمهم هم والعرب كلهم ..ياخي واصل ونحنا معاك من القلابات لحدي قندر وبحردار وأديس وجيما ....دمت بخير وكتير (صبوغ ) وانتا (كنجو)
الله يخليك اخي عبد الله - ياخ شغال معانا مصري في سوق الاوراق المالية في سلطنة عمان لاقاني صدفة في الاصنصير قام قال لي تاني لو راجع السودان شيل معاك موية شرابك من الخليج - قلت ليهو لشنو ؟ قال سد النهضة بيحجز منكم الموية . قلت ليهو عندنا قروانات وخرجة الناس ديل بنمشى نرد عندهم بحميرنا وجمالنا نتلاقي معاهم في السد يغنوا لينا ونرقص ليهم ودي براها بس تساوي مصر من اسوان للاسكندرية . قلت ليهو يا مغفل نحن برق عبادي واحد يجي قالي لينا تعل سحابة موية تساوي حصتك كولها في اتفاقية سحب مياه النيل - قال لي قلت شنو؟ قلت ليهو امشي لاقرب حبشي بيشرح ليك انا قلت شنو
Post: #55 Title: Re: منو البحبنا زيل ديل ؟ يوجد فديو مولع نار عديييييييييل كدا Author: خالد علي محجوب المنسي Date: 06-02-2013, 09:21 PM Parent: #54
Quote: الله يخليك اخي عبد الله - ياخ شغال معانا مصري في سوق الاوراق المالية في سلطنة عمان لاقاني صدفة في الاصنصير قام قال لي تاني لو راجع السودان شيل معاك موية شرابك من الخليج - قلت ليهو لشنو ؟ قال سد النهضة بيحجز منكم الموية . قلت ليهو عندنا قروانات وخرجة الناس ديل بنمشى نرد عندهم بحميرنا وجمالنا نتلاقي معاهم في السد يغنوا لينا ونرقص ليهم ودي براها بس تساوي مصر من اسوان للاسكندرية . قلت ليهو يا مغفل نحن برق عبادي واحد يجي قالي لينا تعل سحابة موية تساوي حصتك كولها في اتفاقية سحب مياه النيل - قال لي قلت شنو؟ قلت ليهو امشي لاقرب حبشي بيشرح ليك انا قلت شنو
قد أخرسته بحجر شافي وهذا كان رد الملك فيصل الذي ركع اليانكي عندما قال : موش آبار البترول هذه سوف نحرقها ونرجع نركب الجمل ونشد الخيمة
يا سلآم يا قريبي، والله سرت في جسدي قشعريرة عديييييل كدا جرا هذا التمازج الجميل، عباس محمود العقاد مصر يا أخت بلآدي يا شقيقة، عبد الكريم الكابلي قمّة سودانية لا تُطال، لحن جميل، أهلنا الأثيوبيين دائماً يبدعوا في اداء غناوينا، وهذا الإبداع ينم عن حب عميق لنا، فليتنا نستطيع أن نجزيهم محبة بمحبة، ونبادلهم الإحترام.
هوووووبح وقفت علي حيلي، فالقومة لهاؤلاء الناس العظام.
Quote: موش آبار البترول هذه سوف نحرقها ونرجع نركب الجمل ونشد الخيمة
اصلو الملوك جنهم الجمال !!
Post: #57 Title: Re: منو البحبنا زيل ديل ؟ يوجد فديو مولع نار عديييييييييل كدا Author: يوسف محمود Date: 06-02-2013, 10:06 PM Parent: #54
الطيب وضيوفه المدسترين جميعا فى شغلى اكتر من عشرة حلبى زوى درجات علمية عليا وجوازات اروبية كلهم بيسالونى (انته من الشمال ولا القنوب(الحلاق الهندى بيقولى انته ياباب ابيز(ابيض واجد(يعنى كتير)))للاسف الشديدالله يسامحهم تانيا امام وخطيب جهبز وعلامة منهم واحبه لله (صدمنى) مره قالى ايام مشكلة هجليج سيبوهم اولاد الايه هم القنوب شايفين نفسهم اؤؤؤى؟؟ نأدبهم موش هم اللى فى حدودنا القنوبية قت ليهو انته كده بتهجم حلفا يخرب بيتك
مصرابعدالبلاد عنا حقيقة رغم التلاصق الحدودى وهؤلاء لايقربون الينا بل هم منا ونحن منهم يغنون لنا بروحنا ويحبوننا بقلوبهم يكفيهم شهادة سيدى الرسول صلوات ربى عليه
Quote: مصرابعدالبلاد عنا حقيقة رغم التلاصق الحدودى وهؤلاء لايقربون الينا بل هم منا ونحن منهم يغنون لنا بروحنا ويحبوننا بقلوبهم يكفيهم شهادة سيدى الرسول صلوات ربى عليه
متعك الله بالصحة والعافية والف شكر على الفديو اللقطة
Post: #62 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر علي حسن Date: 06-03-2013, 09:44 AM Parent: #60
Quote: ممكن نعلمها تهز البخسة وتسرح بالحملان
يا خال .. انا قاصدك إت الحمل ال يترس فوقك يخلي راسك لي تحت وكرعينك لي فوق .. قال تهز البخسه وتسرح بالحملان .... عيييك ياخال .. في زمن المجاقنه ديل حملان مافي .. عليك امان الله عدمت الحمل والسخله
لكن عاد البنيه سميحه ..وتوبها (ازيرق) وحلو .. بس لابساه شمال .. والله خالك شوفه اقلب يا ولد
عمر علي حسن
Post: #63 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر علي حسن Date: 06-03-2013, 10:00 AM Parent: #62
Quote: قال سد النهضة بيحجز منكم الموية .
ياخال .. ابو جهل (بتاع مكه) كان من الجماعه ديل برضو ؟ المصرية زمان سألتني : الخرطوم فيه ( سُبُعّه) ؟ .. قلت ليها قاعدين تحت الشجر في شارع النيل يستنوا اليركبهم معاه يوديهم امدرمان يغديهم ويرجعهم ...
Quote: يا خال .. انا قاصدك إت الحمل ال يترس فوقك يخلي راسك لي تحت وكرعينك لي فوق .. قال تهز البخسه وتسرح بالحملان .... عيييك ياخال .. في زمن المجاقنه ديل حملان مافي .. عليك امان الله عدمت الحمل والسخله
ات يا خال الليلة نفسك حار مالو؟
بقى ليكم واحد لعلاع يبسطكم طااااااااب
Quote: لكن عاد البنيه سميحه ..وتوبها (ازيرق) وحلو .. بس لابساه شمال .. والله خالك شوفه اقلب يا ولد
خالي شوفو ما اقلب لكن خالك رامي عينو قريب ولسان حالو يترنم وبقول - حد يشعر بالسعادة ويمشي يختار البعاد؟
البعاد ال ....
Post: #67 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر علي حسن Date: 06-03-2013, 12:42 PM Parent: #65
Quote: لكن خالك رامي عينو قريب
عاد كان كدي بي عافيتك ... يديك الفي مرادك ..
عمر علي حسن
Post: #68 Title: Re: منو البحبنا زيل ديل ؟ يوجد فديو مولع نار عديييييييييل كدا Author: خالد علي محجوب المنسي Date: 06-03-2013, 03:35 PM Parent: #67
فارقت وودرتَّ علي ما نجيتا ويا جرح غوّر إن شاء ما بريتا
Post: #69 Title: Re: منو البحبنا زيل ديل ؟ يوجد فديو مولع نار عديييييييييل كدا Author: خالد علي محجوب المنسي Date: 06-03-2013, 03:45 PM Parent: #68
تقولي شـــــــنو وتقولي منــــو
ـنظر لهذه الصبية كيف تتقصع كقصبة الصفصاف بين الأصابع وحيناً كقصبة مدالق السيل تعلو بها موجــة وتنزلها موجة وهي متيمة ناحية البحر الكبير وقالوا علي شقي ومجنون وصحيح مجنون وإنتو جنوني يا حلوين
أنا ضُمَّ هسي لا شايف ولا بسمع وعيييييييك سدرت وسرحت
Quote: عاد كان كدي بي عافيتك ... يديك الفي مرادك ..
ود اختك الايام دي دوماتو سايلة عدييييييل سكن دوكة دوكة بس - لكن مفدّر بزحمة الشغل يا خال هههههههها
ما تسرح عارفك جنك السرحان ههههههههههها
Post: #72 Title: Re: منو البحبنا زيل ديل ؟ يوجد فديو مولع نار عديييييييييل كدا Author: خالد علي محجوب المنسي Date: 06-03-2013, 09:09 PM Parent: #70
Quote: المنسي
انت البدع دي من عندك ولا بتنده س ف ل ي ك ؟
ديل الجماعة بجيبوها لي الصوماليين دول هم البشبهونا في حاجات كتير لكن انتو الجارين علي الحبش لشئ في نفوس الياعوقاب البدورو بتقولو لي بخيت والما بتدورو بتقولي .............
Quote: سعادة الاخ المحترم ككو ..حفظه الله وابقاه علي حاله
هههههههههههههههههههههها
Quote: حرّم خالي فجّخ الكونكريت ذاتو
ههههههههههههههههها
Quote: بخيت والله وابوهو بخيت وامه كمان بخيته ..
Quote: خالي داك خله ساكت .. غرقان من زمن بمشي في المطره لحدي قندر
ههههههههها
Quote: وشرماركي قال بحبنا
ياخ مالك علينا شارمكلي دا يا سيدي سعادة اللواء حاجة تانية شال مننا اغلى درتين محمد سعد دياب صاحب مدلينا وغضبك جميل زى بسمتك ما تزعلني ياخ وآخر من الدرر السودانية ياخ .
Post: #78 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر محمد ابراهيم Date: 06-03-2013, 11:01 PM Parent: #76
يا جماعة انا والله دخلت لي شئ في نفس يعقوب وقعدت لشئ في نفس عمر وما بمرق من هنا الا لشئ في نفس ذم ذم الجنا وخاله واخرين يااخي ربنا يديكم الصحة والعافية وتملونا جمال (بفتح الجيم ) شان ما تودرو المعني ..لما ندفق انتو اسي كلام تقل المرمجرج ده مش بقي واقع معاش ؟؟؟ دي قعدة
Post: #79 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عبد الناصر الخطيب Date: 06-04-2013, 00:10 AM Parent: #78
وأنتو في بوست تاني بتشدوا فيهوا الرحال نحو أعالى الهضبة الإثيوبية ويمكن لانوا بعجبني الغني السوداني لما يغنو اهلوا وبعجبني غني الجيران لما يغنو الجيران مستمتع بغني ديل وغني ديل ما حيكون عندي إضافة لماديل يغنو لديل ولا ديل يغنو لديل ويمكن كنا في السيرة في بوست د. شهاب الفاتح
هنا يمكن جابني كلام الدكتورة هنا في سيرة الحمام وقبض الحمام : ومن تقاطعاتنا الثقافية (( رّكبيت / حمامه )) معناها المجازي عند ( الحبش ) ما بتخلف عن المعني المجازي العندنا والهم بقولوها مجاز للبت السمحة أو أى بت لما المقام يكون عدم تصريح وده فيرشن قديم في ثقافتنا زمن ناس ود الرضي
ينوحن لي حماماتن .......همن عيني غماماتن بريدن شوقي لي لماتن هياب رعاب جمال فاتن.... ولا شي في الادب فاتن تتوق الروح لشوفاتن .............وارجف حين موافاتن سكينة تجلى فصادن............ قلوب الادبا مرصادن قنابل ترمي قصادن............. فهن صادنه ما صادن
***
والناس ديل بالذات البتخصصهم دكتورتنا في كلامه بدون قصد أهل حمام وغزلان وووووووو بس للأنصاف (( الجوارح )) عندهم اكتر ........وبرضهم بطابقونه في حته الحساسية الزائدة في أي كلام بكون عندهم وممكن يفسروا (( هجمات )) ......يمكن ما متاح لى إندياح في المقام ده بس موجود ومواصل في البوست التاني ...........
الحمامه مهّليت بتغني جزء من سيرة الحمام :
---------------------------------------------- *غير الكلام ده متابع ومستمتع بالبوست جدا الله يديكم العافية
تحياتي
Post: #80 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر علي حسن Date: 06-04-2013, 09:34 AM Parent: #79
Quote: والناس ديل بالذات البتخصصهم دكتورتنا في كلامه بدون قصد أهل حمام وغزلان وووووووو
يا خطيب حمامتك دي تشهي في الحمام .. صوت صوره وطعم .. تصور ياخطيب انا كان عندي قاش وسط زي اللابساه البنية العجيبة دي في وسطها ...... بس فرق .
الغزاله التخلي خالي نفسو قايم من مساككة الحمام ..
عمر علي حسن
Post: #81 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر علي حسن Date: 06-04-2013, 09:40 AM Parent: #80
Quote: دي قعدة
يالشايل الاسم اقعد ابوي واتوهط واتفرررررجخ .. وكان المحل ماشال نتضاير ليك .. زح ياخال .. باقي انا معسّم تب ..
عمر علي حسن
Post: #82 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر علي حسن Date: 06-04-2013, 10:00 AM Parent: #81
خالي .. انا عارف الما جا لي حسع منو .. حسع يجيك تار لايخلي حمام لا يخلي غزلان لا يخلي شادن الناس ديل بحوشو (الهوي) الطاير .. ويفكو الجراب فوقو المسك والصندل .. ويملو الكون فرح وبشاير
مشغوووول شديييييييييييييييد وجيت اعاين ساي لقيت المتلة متروسة قمري ما شاء الله
جاييكم بالمهلة
الخال عافي منك ماسك المضبب وحابس الباب
الخطيب ما يرجع
وضيفكم القعد دا الف مرحب بيهو بس ما يهبر يا خال طالما قال نحن بنحب (الجمال) ....
Post: #84 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر علي حسن Date: 06-04-2013, 02:13 PM Parent: #83
Quote: مشغوووول شديييييييييييييييد
يابا ما تطول .. الشغل ما بخلص .. وكان بخلص كان جابو ليهو مقاول ..
ذاتم الناس ديل مابيدو اوفرتايم .. وقاطعين البونص بسبب الازمة العالمية
عمر علي حسن
Post: #85 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عبد الناصر الخطيب Date: 06-04-2013, 02:33 PM Parent: #84
سعادة اللواء / عمر حسن
التحية وكتير السلام
مريت أعلق على كلام الدكتورة الممكن لما فكرته فيهوا لقيتو ماكان في داعي للتعليق لانوا فاتني أنو الدكتورة بتتكلم بفهمنا البشوف الهضبة كل شعوبه ((( حبش ))) على أى حال اللبسة أم حزام دي الناس ديل معظمهم لبسوها رجال ونساء زمن الدرك ...
وأكيد لسه الأجيال الجديدة بتلبسه كنوع من الوفاء للماضي واعتزاز بيهوا
Post: #86 Title: Re: منو البحبنا زيل ديل ؟ يوجد فديو مولع نار عديييييييييل كدا Author: خالد علي محجوب المنسي Date: 06-04-2013, 02:40 PM Parent: #84
Quote: ابقي معانا جاي .. كان زول سألك لومني .. خالي داك خله ساكت .. غرقان من زمن بمشي في المطره لحدي قندر جايي حسع تقول ليه سياد بري فات بي جاي وشرماركي قال بحبنا
عفارم عليك سيادتو والبراك خربان تتقد الرهيفة إن شاء ما تتلتق
يا سيادتو أنت معاي انو الصوماليين بشبهونا اكتر من الحبش اقصد في غالب الطباع لا الشكل وحتى في غناهم ورقيصهم .. بعدين الصومالي ضكر لو قددت عيونو ما برمش ما زي رهزي ديل جنى الوطواط
بس ديل ناس بخيت كان دارو و ............. لو ما دارو خلي خالك إركز بجيهو مترتر زي الصقر لي نتف الحُبار هيييييييع عيانيلو التلح شوال الملح
Quote: يا سيادتو أنت معاي انو الصوماليين بشبهونا اكتر من الحبش اقصد في غالب الطباع لا الشكل وحتى في غناهم ورقيصهم .. بعدين الصومالي ضكر لو قددت عيونو ما برمش ما زي رهزي ديل جنى الوطواط
مالك يا زول انقلبت ؟ ما كنت ماشي عديل
انت لسه من زمن رجالة البطان والسوط وداك عينو ما بترمش وداك كش قلم كراع العنقريب !!! عييييييييييييك
ياخ الزمن دا الرجالة بقت علم وفكر ورأي - تصنع توماهوك وتلهمو اليرموك وتتابعو بالرموت كنترول زى الرابط ليك ابو الدقيق بخيط وباريهو بالطوالة .
ياخ الحاجات كلها بقت remotely حتى العنكوليب ياخ - قال عينو ما بترمش- امشي كدا بلاء يخمك هههههه
Post: #106 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر علي حسن Date: 06-04-2013, 08:55 PM Parent: #86
Quote: ما زي رهزي ديل جنى الوطواط
يا منسي اتضرع واقدل ساكت .. زولك قال دوماته سايلات .. لابجيبو تاني تلح ولا شوال ملح .. باقي وكت يباري بورصة مسقط ببقي زي الساكي ليهو سحابة .. كان ما قطرت ما بختاها
لكن تعال قول لي .. ناس مقديشو ديل يلقوهم وين بعد فرتقهم الفرتاق وشتتهم قلبه وعدله .. بس اخوك عنده فيهم رأي .. دشنين وشكالين .. مرة مرقوني ليك انصاص الليالي من رباطين دايرين ينهبوني في مصر .. دقو ليك اولاد بمبه لامن جروا وانا اكورك ليهم .. تعالو راجعين .. قالو الا يمسكوهم .. وديناهم الشرطه الضابط عايز يتسلبط فيهم قال ليهم جوازاتكم .. واحد منهم حمر ليه وقال ليه نحن جيناك عشان نوريك جوازاتنا والله عشان نوصل الحرامية ديل ...
برضك تعال بي جاي .. رهزي جني الوطواط ده ما ياهو المتربس خالي فوقهم
Quote: يا اخوانا اتاريها بتعرف اكان الناس قطعوا فيها !!!!!
جاك الككو الفجخ الطين
Post: #92 Title: Re: منو البحبنا زيل ديل ؟ يوجد فديو مولع نار عديييييييييل كدا Author: خالد علي محجوب المنسي Date: 06-04-2013, 06:42 PM Parent: #87
Quote: مالك يا زول انقلبت ؟ ما كنت ماشي عديل
ما إنقلبت ولا شئ الحبش حبش وديك رومي وجبنة ( بنة ) وليالي لولة الحبشية وادق الظار وأنادي الجار وأغني وأقول سيدي ما شاء الله سيدي والأمان يا لولة الحبشية لكن الصومالين حلوين وبشبهونا كتير بس نحن ما بندورهم عشان بنقول ليهم أحم أحم ابت تمرق
Quote: انت لسه من زمن رجالة البطان والسوط وداك عينو ما بترمش وداك كش قلم كراع العنقريب !!! عييييييييييييك
ياخ الزمن دا الرجالة بقت علم وفكر ورأي - تصنع توماهوك وتلهمو اليرموك وتتابعو بالرموت كنترول زى الرابط ليك ابو الدقيق بخيط وباريهو بالطوالة .
ياخ الحاجات كلها بقت remotely حتى العنكوليب ياخ - قال عينو ما بترمش- امشي كدا بلاء يخمك ههه
ها زول ها الرأي طب عندنا ونقعدفي الواطا ونجر الخت نوصف ( رسم دسكربتف جوميتري نقطة نقطة ننزلا ) وقت لي العلم بتلقى والفلك هههههههه الصومالين عندهم جنس فلك إتعدوا الفضاء بي غادي اها الباقي شنو الريموت كنترول ههههههههههه تلقى عند الغافل دا ونباري بي الطوالة دا شغل قصاصين أثر وكلـ ب بوليسي الفي بطني كتير لكن ماقادر أمرقو ليك هنا بتقتنع بآل صوماليا نسيت حليمة الصومالية نسيت أحمد ربشة نسيت الفرقة الصومالية الجات السودان في الثمانينات أهلا سودانا الحبيب نهدي سلاماً فتي عميق من الصومال الشقيق في لياليكم ليالينا صموالنا يا سوداننا وان نسيت ما نسيت يوم لقيت القمرية في مطار روما واقنعتني ان الجمال صومالي
ههههههههههههههههها الله يجازي محنك ويغطس حجرك - يوم بتكتلي ليك زول هنا
الغضيم دا نكتيهو من وين هسه؟
Post: #96 Title: Re: منو البحبنا زيل ديل ؟ يوجد فديو مولع نار عديييييييييل كدا Author: Osman Musa Date: 06-04-2013, 06:56 PM Parent: #92
عزيزنا الطيب سلامات عاين يا الطيب يا أخوي سجل الكلام ده . بعد سمعاني للفنان العظيم ده أنا حقي يا الطيب من موية النيل الأزرق متبرع بيه و ماني دايرو كلوكلو . نشرب جمام ساكت .
Quote: بعد سمعاني للفنان العظيم ده أنا حقي يا الطيب من موية النيل الأزرق متبرع بيه و ماني دايرو كلوكلو . نشرب جمام ساكت .
وانا كمان موية حفير بادوبة بى ضبضوبو
Post: #99 Title: Re: منو البحبنا زيل ديل ؟ يوجد فديو مولع نار عديييييييييل كدا Author: خالد علي محجوب المنسي Date: 06-04-2013, 07:44 PM Parent: #98
Quote: عزيزنا الطيب سلامات عاين يا الطيب يا أخوي سجل الكلام ده . بعد سمعاني للفنان العظيم ده أنا حقي يا الطيب من موية النيل الأزرق متبرع بيه و ماني دايرو كلوكلو . نشرب جمام ساكت .
آ زول ها بتكل جناينا والمنقا بي العطش إت قايل الابيض دا بكب شي في النيل ؟ الايام دي اهلنا راتعين في الجناين والمنقا كان الموسم سمح .... وينك يا حلو عِتمان كيفنك وعلك طيب اسمع دي
مرة حسين خوجلي قال في إتنين من حناكيش أم درمان مشو الجدود قرب الكرمك .. هناك في خور فاصل بين حدود السودان والحبشة وعامو ساحة قطعوا الخور دا هناك إنبطحو في رملة الحبشة ... واحد فيهم قال للتاني : تاري الغربة دي حارة خلاص
Post: #100 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر محمد ابراهيم Date: 06-04-2013, 08:00 PM Parent: #99
Quote: يالشايل الاسم اقعد ابوي واتوهط واتفرررررجخ .. وكان المحل ماشال نتضاير ليك .. زح ياخال .. باقي انا معسّم تب ..
عمر علي حسن
والله يا سيد الاسم متوهطين من امس ومتابعين ومستمتعين يااخي انا لو شائل الأسم البوست ده الشائل المنقة ذااااااااااتو المهم قاعدين والرويس زي مروحة التربيزة شمال ويمين وفوق وتحت بس علا العوجة يطير فوقنا شئ يقلع عينا دي زااااااااتها متوهطين بالحيل
Quote: والله يا سيد الاسم متوهطين من امس ومتابعين ومستمتعين يااخي انا لو شائل الأسم البوست ده الشائل المنقة ذااااااااااتو المهم قاعدين والرويس زي مروحة التربيزة شمال ويمين وفوق وتحت بس علا العوجة يطير فوقنا شئ يقلع عينا دي زااااااااتها متوهطين بالحيل
طول بالك يا عمر اخوى الخال دي الساعة البيكون انتهي من الورد اللولو برفع سبحتو في امينة البيت وبجينا هس قادل
Post: #102 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر محمد ابراهيم Date: 06-04-2013, 08:17 PM Parent: #101
Quote: طول بالك يا عمر اخوى الخال دي الساعة البيكون انتهي من الورد اللولو برفع سبحتو في امينة البيت وبجينا هس قادل
ههههههه مطولين بالنا يا ود شيقوق الا البصبرنا علي المتل ده شنو ؟؟؟ يااخي ناس اي لحمة فيهم تتلولح بي جيهة دي غلبتنا طب ... لكن يانا صابرين ... خالك ده غايتو في الشائفو ده السنة دي بخرف غااااااااادي علا قول يا لطيف
Quote: ههههههه مطولين بالنا يا ود شيقوق الا البصبرنا علي المتل ده شنو ؟؟؟ يااخي ناس اي لحمة فيهم تتلولح بي جيهة دي غلبتنا طب ... لكن يانا صابرين ... خالك ده غايتو في الشائفو ده السنة دي بخرف غااااااااادي علا قول يا لطيف
دا خالي الكلس الفيهو الكرة والدرة بجيك اصبر ما كمل وردو
Post: #104 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر محمد ابراهيم Date: 06-04-2013, 08:36 PM Parent: #103
Post: #113 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر محمد ابراهيم Date: 06-04-2013, 09:57 PM Parent: #109
Quote: نستني لحدي الخريف ؟ .. مهلة تطول عمرك
ما قالو حبل المهلة يربط ويحل ؟؟؟؟ حمدالله علي السلامة
Post: #111 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر علي حسن Date: 06-04-2013, 09:19 PM Parent: #107
Quote: علا العوجة يطير فوقنا شئ يقلع عينا دي زااااااااتها
لولح رساك علي مهلتك وما تخاف .. كان طار عليك شي لزو علينا .. انت قايل نحن قاعدين عشان نلولح راسنا بس ؟ لا يابا نحن مستنين الشي البطير يقلع عينا ...
Quote: خالك ده عندو ألفية ؟؟؟::::::::::
لالوب اوتوماتيك .. وقت تقول ليها استغفر الله تدور براها لما تكمل الالف .. كان ماقلت ليها سبحان الله تدور استغفار تاني الف .. انت قايل جنس ده بيمحوه كيف ؟
عمر علي حسن
Post: #112 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر علي حسن Date: 06-04-2013, 09:30 PM Parent: #111
ده لقيتو نازل براهو .. خفتو ماينشاف يا منسي وياخال قطرته جبتو ليكم
Quote: : ما زي رهزي ديل جنى الوطواط
يا منسي اتضرع واقدل ساكت .. زولك قال دوماته سايلات .. لابجيبو تاني تلح ولا شوال ملح .. باقي وكت يباري بورصة مسقط ببقي زي الساكي ليهو سحابة .. كان ما قطرت ما بختاها
لكن تعال قول لي .. ناس مقديشو ديل يلقوهم وين بعد فرتقهم الفرتاق وشتتهم قلبه وعدله .. بس اخوك عنده فيهم رأي .. دشنين وشكالين .. مرة مرقوني ليك انصاص الليالي من رباطين دايرين ينهبوني في مصر .. دقو ليك اولاد بمبه لامن جروا وانا اكورك ليهم .. تعالو راجعين .. قالو الا يمسكوهم .. وديناهم الشرطه الضابط عايز يتسلبط فيهم قال ليهم جوازاتكم .. واحد منهم حمر ليه وقال ليه نحن جيناك عشان نوريك جوازاتنا والله عشان نوصل الحرامية ديل ...
برضك تعال بي جاي .. رهزي جني الوطواط ده ما ياهو المتربس خالي فوقهم
Post: #117 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر محمد ابراهيم Date: 06-04-2013, 10:38 PM Parent: #111
Quote: لولح رساك علي مهلتك وما تخاف .. كان طار عليك شي لزو علينا .. انت قايل نحن قاعدين عشان نلولح راسنا بس ؟ لا يابا نحن مستنين الشي البطير يقلع عينا
الولح بي وين يا عمك هو انا قادر ...زحو لينا الشئ ده حبة خلونا نطلق رقبتنا ..
Quote: لالوب اوتوماتيك .. وقت تقول ليها استغفر الله تدور براها لما تكمل الالف .. كان ماقلت ليها سبحان الله تدور استغفار تاني الف .. انت قايل جنس ده بيمحوه كيف ؟
والله بختك وكتابة كباااااااااااااااارة لا عاوزة نضارة لا مدد ياشيخ
Post: #119 Title: Re: منو البحبنا زيل ديل ؟ يوجد فديو مولع نار عديييييييييل كدا Author: Osman Musa Date: 06-04-2013, 10:52 PM Parent: #117
يا خال عمر بعد السلامات الكتار والأشواق المدفقة . أقولك : كان الطوفان بعد السد شال عاصمتنا الخرطوم حيكون الرد : الهجرة الي الحبشة وأقامة العدل ووقف التهريب .
Quote: لالوب اوتوماتيك .. وقت تقول ليها استغفر الله تدور براها لما تكمل الالف .. كان ماقلت ليها سبحان الله تدور استغفار تاني الف .. انت قايل جنس ده بيمحوه كيف ؟
عيييييييييك اكان كدا خالك راح فيها لالاوبو ما بدور الا شمامة
Quote: والله أت زول رايع حد الثمالة ...ومفعم و بتفهم ...أنا متابع البوست بتاعك التاني داك وهسع رجعت من المكتب صدفة داير أمشي عليه عترت في ده وما خيب ظني ...أمانة في زمتك الناس ديل جبنة ساكت ما حقو نعمل معاهم وحدة فورية ونفتح قبل الحدود قلوبنا وعقولنا ليهم بدل ناس مصر والليمون المابتعصر ديلك بلا يخمهم هم والعرب كلهم ..ياخي واصل ونحنا معاك من القلابات لحدي قندر وبحردار وأديس وجيما ....دمت بخير وكتير (صبوغ ) وانتا (كنجو)
Quote: ود شيقوق سلامات يااخي الليلو يااخي في ذكرتك والله لو ما فيها تعب عليك الله اجدع لينا خيط احمد الجراي يااخي
ازيك يا عمر
اسف للتاخير ياخ
رقم جنابو الجراي 00249911376344
اها جدعتو ليك في الصقية ساي
Post: #149 Title: Re: منو البحبنا زيل ديل ؟ يوجد فديو مولع نار عديييييييييل كدا Author: عمر محمد ابراهيم Date: 06-07-2013, 10:50 AM Parent: #148
Quote: اسف للتاخير ياخ
رقم جنابو الجراي 00249911376344
اها جدعتو ليك في الصقية ساي
شكرا ود شيقوق ومابتقصر تب انا قصدت خيط كنت كاتبه انت حسب كلام عبدالرحمن الجراي عن شقيقه احمد في حنتوب لك التحية وهم ببلغوك تحاياهم وجمعة مباركة عليكوعلي الجميع
Quote: شكرا ود شيقوق ومابتقصر تب انا قصدت خيط كنت كاتبه انت حسب كلام عبدالرحمن الجراي عن شقيقه احمد في حنتوب لك التحية وهم ببلغوك تحاياهم وجمعة مباركة عليكوعلي الجميع
اها يا عمر كويس خالص بس خليني ابحث ليك عنو وبجيبو ليك
Post: #173 Title: Re: منو البحبنا زيل ديل ؟ يوجد فديو مولع نار عديييييييييل كدا Author: علي محمد الفكي Date: 06-19-2013, 11:38 AM Parent: #172
الاثيبويين ديل وخاصة الامهرا ناس جميلين وتلقائيين بشكل ما عادي وعارف يا ود شيقوق انا لي فترة لازم اتلقى تحية وبسمة امهرية من الصباح عارف بتعدل اليوم كلو ادمنت عديييل
ياخ ماتجي تدي كلام شغبة ده خجة ودالمنسي ده مخليهو سارح براهو؟ ****************************** هييييع ـ داير أبقا ليكن زي فيصل القاسم في الإتجاه المعاكس.
Post: #180 Title: Re: منو البحبنا زيل ديل ؟ يوجد فديو مولع نار عديييييييييل كدا Author: Ali Sirelkhatim Date: 06-20-2013, 03:18 AM Parent: #179
Quote: مالك جنابو على بتباري بجاي ؟
دا بوست الحقوق الاساسية والحريات العامة - يمنع على الجنرالات دخول حرم البوست ههههههههها
مانى مارق من هنا يا مسنوح والله الاتحيلنى الصالح العام
والله مافى زول بحبنا زيهم يا خال و اسالني من الكلام دة لانو عشت في اديس ابابا من 1993 حتي 1999 جرة واحدة كدة وحقيقة احلى سنين العمر ياخ نسيتني ما سلمت عليك يا خال السلام عليكم و شكراً ليك للمتعة ( اقريتا وندموش انيه بطام امسقنال)
Quote: نعم يالطيب الطيب شقيقي الأكبر هو صاحب الإسم د سبيل. بالمناسبة هو كان في زيارة ليكم شهر مارس الماضي.
سلامي لعمنا البنجاوي و الباشمهندس جلال كتير
لله يحفظكم ويخليكم يا دكتور
تبلغ تحاياك للباشمهندس بنجاوي وللاخ جلال
Post: #219 Title: Re: منو البحبنا زيل ديل ؟ يوجد فديو مولع نار عديييييييييل كدا Author: د. ياسر عبد القادر Date: 06-25-2013, 08:54 PM Parent: #217
ود شيقوق و رهطه.......سلام
الاحد الفات دا....جيت ماشي بشارع محمد نجيب بالليل ...وقفت في اشارة ش 15......سمعت ليك غنا و مزازيك ....خيال....عملت U ترن.....وقفت....ودخلت....بدون عزومة....إستقبلوني عند الباب....وأدوني كرسي قداااام.......وعينك ما تشوف إلا النور......أنا قاعد في الكرسي نص ساعة بعد الحفلة ما إنتهت....دي بشرية ما طبيعية أبدا.....تاني يوم ضربت لوكالة السفر.....قلت للموظف....ياخ مافي طريقة أرجع عن طريق أديس؟؟؟
Post: #247 Title: Re: منو البحبنا زيل ديل ؟ يوجد فديو مولع نار عديييييييييل كدا Author: بدرالدين بابكر مصطفى Date: 07-07-2013, 08:48 AM Parent: #245
يا ود شيقوق إنتو الفيديو كيفن بتنزلوهو بي صمتو أنا زولاً جديد، وعلى العلي زول خلا
تعرف ألذ حاجة في الناس ديل، راسين وتقيلين والسماحة البتجهجنا دي شايفنها عادية مافي ولد بجري ورا بت سمحة ويهبل نفسو زي هبالتنا ديك في شوارع الخرطوم وأم درمان يعني تشوف البت لافة في الشارع بي شورت وتي شيرت .. ؤ عاااادي دي لو عملتا عندنا حقها راح
يا ود شيقوق إنتو الفيديو كيفن بتنزلوهو بي صمتو أنا زولاً جديد، وعلى العلي زول خلا
ايوا تعال اوريك - اول حاجة اكان بتعرف انجليزي تقوم تفتح الفديو وخليهو يكون شغال واخد ليك جكة جكتين معاهو وقوم اترس بعيد منو وتعال راجع متلهمو بالكيرسل تقوم تعمل رايت كليك وطوالي تظهر ليك خيارات انت بس اخمش خيار إمبيديد وامشي طوالي ارميهو محل عايزو يتجدع ليك .
واكان ما بتعرف انجليزي خشمك إتملأ طين .
تعرف ألذ حاجة في الناس ديل، راسين وتقيلين والسماحة البتجهجنا دي شايفنها عادية مافي ولد بجري ورا بت سمحة ويهبل نفسو زي هبالتنا ديك في شوارع الخرطوم وأم درمان يعني تشوف البت لافة في الشارع بي شورت وتي شيرت .. ؤ عاااادي دي لو عملتا عندنا حقها راح
ياخ الناس ديل حلوين بالحيل اكان اتلهموك بشهيقة بخلوك تقرطع ريقك اليوم كلو
Post: #250 Title: Re: منو البحبنا زيل ديل ؟ يوجد فديو مولع نار عديييييييييل كدا Author: بدرالدين بابكر مصطفى Date: 07-08-2013, 06:10 AM Parent: #249
Post: #251 Title: Re: منو البحبنا زيل ديل ؟ يوجد فديو مولع نار عديييييييييل كدا Author: بدرالدين بابكر مصطفى Date: 07-08-2013, 06:12 AM Parent: #250