بصراحة كده ... يا ناس لجنة نجوم الغد .. لقد اكل عليكم الدهر وشرب

لمتين تحكموا

وتحكموا على شنو

وتحكموا كيف

ده زمن ما زمنكم

زمنكم فات وغنايكم مات

ده زمن الشباب الجديد

زمن الفات زمان ولهيب الشوق وغيرها من اغاني المرحوم الحوت

زمن لميس وغيرها من اعاني المرحوم نادر خضر

زمن معتز صباحي وصداح

زمن الغنا البشبه الجيل الحالي


ما بينفع الأن وفي زمن تعدد المواهب وتعد المنابر والقنوات

ان تحكم على شخص باداء اغنية من زمن اجداد اجداده


اخر مرة حضرت مشترك قال حيغني الشجن الاليم

كلمات صلاح حاج سعيد والحان وعناء مصطفى سيد اجمد

طبعا الاغنية دي الحان الاستاذ محمد سراج الدين

يعني حتى التسجيل مافي زول صححه

يعني معناها انه في الكثير من المشتركين بيسعوا الاغنية لاول مرة

عشان يجو يغنوها

في المسابقة

يا جماعة ارحمونا وارحمو نفسكم

جيبو فنانين شباب

وموسيقين شباب

خلوهم يصنعوا غناهم ومستقبل الفن للزمن الجاي

خلوهم يحكموا على الشباب الجدد

وصدقوني سوف تتغير خارطة البرنامج

من حيث المشاركات

ومن حيث المشاهدة

بل ستجني قناة النيل الازرق

الكثير من المال من خلال الاعلانات التي ستأتي

لانه سيكون اكبر برنامج مشاهدة في القناة

يا ناس النيل الازرق

ده زمن فك التسجيلات

فكوا العجايز ديل

وجيبوا شباب

يحركوا المياه الراكضة

فقد مللنا عدم التجديد

يا جمال السنوسي

روّق المنقة

وريني غير محمد سليمان العجوز منو

وليد والتاني المعاهو شباب وموسيقيين ونقاد واضح من تعقيبهم انهم ناس عارفين شغلهم كويس

وبصراحة محمد سليمان هو ليمونة وشطة وخبرة البرنامج

اكتر شئ بتكيف منو لما يتجرس في الغناء السمح

فيا اخي زي ما كانوا بيكتبوا لينا في الاملاء


أعِد

قبل اسبوع واحد من المتسابقين اثار موجة من الإعجاب لدى اللجنة مع أنو أداء كان مخجل بصراحة!!

غنى أغنية شجن لعثمان حسين

طول الليل يردد : لمتين يلازمك في هواه مر (الشجل)
وقلب كثير من (نون) هذه الأغنية (لاما)

ومحمد سليمان يبكي ويتنخج!!

معقول ياناس؟؟
ياسماعاتكم كعبة يا اضنينكم

يا أنا كمان الزهايمر تمكن مني لدرجة كبيرة!!


جمال ازيك

بعدين لجنة مافوزت البت دي : مفروض يحاكموها!!

رغم اني ما متابع جيد للبرنامج

ولكني احس انو الصور هي هي مافي تغيير

اما حتة انو الجماعة عجائز ..انا ما شايف عجوز غير محمد سليمان وهو رجل ممل لابعد درجة

اما وليد والصافي فهم شباب

الصافي غايتو متأكد منو صغير وجاهل .....إلا وليد ما بعرفو...

جمال السنوسي

نجوم الغد برنامج اصبح ممل

ويساهم في تدني الذوق السماعي

يا ليت استاذ بابكر صديق اوقفه فترة ثم اعاده

بعد ان يكون نقب ومحص ووجد نجوم تستحق ان تقدم كإكتشاف

جيمي يا صديقي..

بوست مهم جداً..

نصيحتي للشباب قلتها قبل كدا إنه "السكة دي غلط"..

وعشان أكون واضح أكتر ،، لا يصلح نجوم الغد بوضعه الراهن لتقديم أي نجوم للغد..





احتمال كبير "أعود"..ههههه

..

.

Quote: وعشان أكون واضح أكتر ،، لا يصلح نجوم الغد بوضعه الراهن لتقديم أي نجوم للغد..

محمود مصطفى محمود

صديقي الفنان الجميل

نعم لا يصلح ان نخلط نجوم الامس

مع شباب اليوم

لننتج نجوم الغد


وتعال تاني

انا عارف عندك كلام كتير

منتظرنك

علي محمد الفكي

Quote: يا ليت استاذ بابكر صديق اوقفه فترة ثم اعاده

علي اخوي

تحياتي

البرنامج محتاج إعادة تأهيل

الإعداد

الإشتراك

التصويت


وتعديل الفكرة

حتى ينتج نجوم غناء يطوروا الاغنية السودانية

وليس نجوم مجتمع ووجوه تلفزيونية فقط

Quote: رغم اني ما متابع جيد للبرنامج ولكني احس انو الصور هي هي مافي تغيير اما حتة انو الجماعة عجائز ..انا ما شايف عجوز غير محمد سليمان وهو رجل ممل لابعد درجة اما وليد والصافي فهم شباب الصافي غايتو متأكد منو صغير وجاهل .....إلا وليد ما بعرفو..

ياسر منصور

ياخي كدي بس تابع العجايز البحضرو الحلقات

كان في التلفزيون

كان في بيت اي اسرة

وشوفهم لمن يتفاعلوا مع الغنا القديم

واول ما الشباب ديل يغنوا غناهم الخاص


طوالي يزجروهم

ويقولوا ليهم ده كلام فارغ

انا ما عندي اعتراض على الغنا القديم

انا اعتراضي

اجترار الغنا الى ما لا نهاية

ونحن كده مكانك سر

عبد اللطيف البكري

ياخي ازيك

الاضان سيبها

نحن بنتكلم في نوعية السمع والكيفية

ديل شباب بسمعو الاف ام

وبتابعوا غنا العالم

نحن لسه في يا قسيم الريد تعال لي

العالم اتطور شديد

ونحن غنانا زي كورتنا

شلنا كاس 70 افريقيا وبس

الغنا السوداني زمان كان يردد في افريقيا غربها وشرقها ووسطها

بفضل عمالقة قدموا اعمالهم ونافسوا بيها فناني تلك البلاد

الفناء لا يعرف الحدود الجغرافية

وفي ظل الثورة الالكترونية الحاصلة

الغناء اصبح اسهل من الموية

ممكن تسمع اي اغنية من اي بقعة في العالم

حقو الناس تتطور

وخلو الشباب

يعد ويقدم

عشان تحافظ الاغنية السودانية على وجودها الاقليمي ومن ثم العالمي


لك تحياني

قرجة

براحة علينا

كدي جرب وخش ليك في حوار غنائي مع شباب وشابات

يكونو مهتمين بالغنا

وبالذات الغنا السوداني


شوف اهتماماتهم

ياخي نحن هرمناااا

ادوا الفرصة لي غيرنا

كل غنا وليهو زمنو

وزي ما قال الراحل رمضان زايد

خليك مع الزمن

غايتو محمد سليمان دا غلطة كبيرة يكون عضو في لجنة التحكيم ، تعليقات مملة و رجل محرج و لا يعرف كيف يتعامل كعضو لجنة تحكيم مع الشباب المشاركين بل في كثير من الأحيان يكون محطم ليهم أكثر من موجه.
اذا كان عضو لجنة التحكيم خريج معهد الموسيقى و موهوب يكون مقبول كحكم لكن ما هي مؤهلات محمد سليمان ليقيم الأعمال الفنية؟ شخصيا لم أحس بأن له ما يؤهله لذلك..

سلام يا رشاشه

برنامج نجوم الغد دا اتكلمنا عنو لما اصابعينا دي و جعتنا و بابكر صديق
ما شغال الشغلة باراء الناس و النتيجه اهو زي ما قال حبيبنا و زميلنا البروف
و د الريح (فنان لكل مواطن)البرنامج في حد نفسو محتاج لمراجعة كبيرة و كبيرة جداً في الاعداد و التجهيز
و اختيار المشاركين .
بخصوص اللجنة صراحة كدا مشاركة الاستاذ محمد سليمان فيها بالنسبة ليّ مشكلة
كبيرة جداً لأني بصراحة سالته و سالته و عرفته ان مشاركة محمد سليمان مختصة بكونه
اعلامي و وضعه داخل البرنامج محدد بأنه متختص بكيف ينطق و يخرج المشارك و المشاركة
الحروف و الكلمات و مختص بالمظهر العام للمشارك و المشاركة فقط .. لكن محمد سليمان
لم يكتفي بذلك و نجده تعدى تخصصه و اصبح يعلق على الاصوات و جمالياتها و يعلق على
السلم الموسيقي و الاخطاء فيه و يتدخل في كل شي خارج الموضوع الذي في الأساس أتى من
اجله .
اما الصافي مهدي (الصافي موسيقي دارس و خريج شعبة تاليف موسيقي و محاضر) و وليد (موسيقي دارس
و موسيقي و محاضر) الاتنين دا مجالهم و دا شغلهم بس مرات كتيرة بحس انو الصافي بجامل كتير جداً
في مواضيع المجاملة ما بتنفع فيها .

يا جمال برضو احتمال (اعود) ههههههه

من الفيس بوك

الاخت سلمى سلامة

Quote: لاسف ماحضرت ولا حلقة وما اظن حيحصل لانه ماعندى تلفزيون ولا بتابع اليوتيوب ، هسى سمعت واحدة جابوها فى البوست دا وتساءل من "جابها " ما فازت ليه ؟ مافازت لانها بتغنى من حلقها غناها مسطح يعنى بالعربى ، اما فكرة برنامج نجوم الغد فهى اعتقد لانى ما متاكدة انها نفس فكرة امريكان ايدول ، الفرق انه هنا بتطلع ناس بخشو المنافسة طوالى ، يعنى فى منتج بنتظرهم بفارغ الصبر حتى لو مافازوا بالمسابقة ، وكتيرات وكتيرين مافازوا بالمسابقة فازوا بالاوسكار وغيره من الجوائز الكبيرة ، الشاهد انه المسابقة هنا قائمة على الغناء القديم اصلا ، لانه البقدر يغنيهو معناها وصل تماما ، لانه البقدر او البتقدر تغنى لويتنى هيوستن او سام كوك او رى شارلس معناها يمتلك ناصية محترمة للغناء ، بعدين ، البقدر يغنى لمحمد وردى غير ما يقلده دا زول ما عادى ، وهكذا ، فى البرنامج دا شفت كل المواسم تقريبا ، كل مرة بكتشف عظمة الفكرة انها عاوزة تكرس لتخريج جيل جديد من المغنين لهم ذائقتهم الخاصة ، اذكر انه الموسم الماضى جا شاب عمره ما سمع بفرقة الابا الموسيقية واستطاع انه يحفظ الاغنية كلمات والحان فى 15 دقيقة فقط ، معناها عنده قبول ودا الحصل هسى اسطواناته بالملايين بتتباع ، البرنامج لا يقف فى حد ان المغنى يفوز او ما يفوز لكن بعد المسابقة بعمل شنو ؟ واحد من المتسابقين كان مدرس للمعوقين ذهنيا الان يشتغل مع اليونيسف فى اعانة المعوقين ذهنيا من الاطفال فى كل انحاء العالم وباع اكتر من مليار البوم وهكذا ، فماهى الجدوى من الغناء فى برنامج نجوم الغد ؟ هل للتباكى على الماضى ام لخلق التواصل والمشى لقدام ؟ شكرا اخى جمال السنوسى ، وبالمناسبة يتغير الحكام كثيرا ، من باولا عبدول الى ماريا كارى الان وميكى ميناج ... مثلا

سلمى العزيزة

بالفعل هذا اما قصدته من هذا البوست

السؤال هو ثم ماذا بعد نجوم الغد

في امريكان ايدول الناس بتنجح

وتشتهر

وتساهم في تشكيل وجدان شعوبهم والعالم باضافة غناء جديد

لكن عندنا

شغالين بالذكريات

ونجم تلفزيون

وانتهينا

تاني ما تسمع بيهو

Quote: سلام يا رشاشه برنامج نجوم الغد دا اتكلمنا عنو لما اصابعينا دي و جعتنا و بابكر صديق ما شغال الشغلة باراء الناس و النتيجه اهو زي ما قال حبيبنا و زميلنا البروف و د الريح (فنان لكل مواطن)البرنامج في حد نفسو محتاج لمراجعة كبيرة و كبيرة جداً في الاعداد و التجهيز و اختيار المشاركين .

سفيان

سندق الصخر

حتى يقتنع الجميع

بانه لا بد من تطوير مستوى البرنامج

لتأهيل فنانين يستطيعون حمل الرسالة ونشرها في ظل ثورة العولمة

زمن الراديو الواحد والتلفزوين المحلي انتهى

نحن في زمن السوشيال ميديا

Quote: غايتو محمد سليمان دا غلطة كبيرة يكون عضو في لجنة التحكيم ، تعليقات مملة و رجل محرج و لا يعرف كيف يتعامل كعضو لجنة تحكيم مع الشباب المشاركين بل في كثير من الأحيان يكون محطم ليهم أكثر من موجه. اذا كان عضو لجنة التحكيم خريج معهد الموسيقى و موهوب يكون مقبول كحكم لكن ما هي مؤهلات محمد سليمان ليقيم الأعمال الفنية؟ شخصيا لم أحس بأن له ما يؤهله لذلك..

الحاج حمد

ممكن الجماعة ديل يكونو لجنة إستشارية عامة تدلي برأيها في الخطوط العريضة عند البروفات وقبل تسجيل الحلقة

ويتركو ا الباقي للشباب

غايتو مرة كده شفت واحدة بتسأل في واحدة من المشاركات قبل الدخول للاستديو..

قالت ليها .انت بتقبلي النقد؟؟ وهل بتلاقي نقد من الناس الحولك؟؟

فردت عليها : ايوه بقبلو ..لكن الحمد لله مافي زول بنقدني ...وطواااااالي بشيدوا باختياري..

إن شاء الله ينقدك ديك..

خخخخخخخخخخخخخخخخخخخخخخ

جمال السنوسي يا حبيبنا إزيك ياخ..

ياخ أولاً: زي ما قال ليك أحد الأخوان الزول العجوز الوحيد هو عمنا الأستاذ محمد سليمان.. وهو راجل ظريف.. بس المفروض ما يفتي في الصوت والأداء وكده.. معليش ممكن يركز على سلامة نطق الحروف.. الأخطاء النحوية وغيرها.. لكن وجوده عادي ممكني يكون ملطف وخروج عن الرتابة..

ثاني ياخ: أستاذ الصافي والأستاذ خالد هما من الشباب.. فقط أعيب عليهما المجاملة أحياناً وعدم الجرأة .. أتذكر آمال النور زمان كانت بتعجبني في آرائها الواضحة والجريئة لأن المتسابق محتاج لذلك.

ثالث حاجة: أشاركك الرأي أن بابكر صديق المفروض يعطي الفرصة لغيره لمزيد من الإبداع والتجديد..


رابع حاجة: إنت لا يمكن تبني جيل بمعزل عن جيل.. يعني حكاية تواصل الأجيال دي ضرورية جداً.. بعدين المحك الحقيقي للاختبار هو أعمال العمالقة من الأجيال السابقة.. لو تابعت كل برامج المسابقات في القنوات العربية ستجد أن أغاني أم كلثوم وعبد الحليم حافظ ووديع الصافي ووردة وفيروز وفريد الأطرش ونجاة الصغيرة وصباح فخري وجورج وسوف وغيرهم من عمالقة الطرب في الوطن العربي هي الأساس وهي اختيارات المتسابقين لأنها هي (التفتيش) الحقيقي لصوت المتسابق.. بالتالي عندما تختار أغنية لعثمان حسين أو محمد الأمين أو وردي أكيد ستجد التقييم السليم.. وأكيد ستظهر مقدراتك الصوتية والأدائية.. وهذا لا يعني أن أعمال الشباب من المطربين لا ينطبق عليها هذا الأمر بالعكس.. عشان تقيَم المتسابق بصورة سليمة عليه آداء الأغنية الطربية الأصيلة وأيضاً أداء الأغنية الخفيفة الشبابية وده برضو نوع من الإختبار.. لكن اختيار الخط الذي سيسير عليه المتسابق مستقبلاً (شعبي ولا حديث ولا مادح) يتوقف على صوته وأدائه وإحساسه وقبل كل ذلك موهبته ورغبته..

المذيعة التي تلتقي المشاركين قبل دخولهم الاستديو ما زالت تصر

على ترديد هذه العبارة

نجوم ( القد )

الله يقدكم يا بابكر صديق

شكرا حبيبنا السنوسي

ود الباوقة

Quote: الله يقدكم يا بابكر صديق

ود الباوقة بالله ما تقدد الناس!

Quote: ود الباوقة بالله ما تقدد الناس!

يا الحاج انا ما قديتو

لكن اتوقع محمد سليمان يقد بابكر صديق

ويجو الاثنين الباقين ديك يقدو محمد سليمان

ويقوم يجي ( مليجي ) يقد الاثنين ديل

ونرفع الفراش

شكرا الحاج

Quote: المذيعة التي تلتقي المشاركين قبل دخولهم الاستديو ما زالت تصر على ترديد هذه العبارة نجوم ( القد )

ود الباوقة



ازيك ياخ


القدونا كتااار


الله يقدهم زي ما قدونا

Quote: رابع حاجة: إنت لا يمكن تبني جيل بمعزل عن جيل.. يعني حكاية تواصل الأجيال دي ضرورية جداً.. بعدين المحك الحقيقي للاختبار هو أعمال العمالقة من الأجيال السابقة.. لو تابعت كل برامج المسابقات في القنوات العربية ستجد أن أغاني أم كلثوم وعبد الحليم حافظ ووديع الصافي ووردة وفيروز وفريد الأطرش ونجاة الصغيرة وصباح فخري وجورج وسوف وغيرهم من عمالقة الطرب في الوطن العربي هي الأساس وهي اختيارات المتسابقين لأنها هي (التفتيش) الحقيقي لصوت المتسابق

خالد علي

انا معاك في الكلام ده وكلامك صحيبح

الما عنده ماضي ما عنده مستقبل

لكن سؤال

بعد 17 او 18 دفعة اتخرجت من نجوم الغد

ما هي النتيجة النهائية


الفنان يشق طريقة بين الناس لانه فنان

فرق كبير بين نجوم التلفزيون ونجوم الجماهير

لابد من تحريك المياه الراكده

حتى نحصل على فنانين بحق وجقيقة

Quote: الابن جمال السنوسي وهل لشباب اليوم أغاني خاصة بهم ومن هم شعراء الاغاني اليوم وهل اتوا بكلمات وأغنيات تضاهي الأغاني القديمة ولماذا يقلدون القدامى من مبدعي السودان - اقترح عليكم أن تفكوا الارتباط وتترنموا بأغانيكم لوحدكم - الاغاني الحديثة وكذلك الالحان اليوم لا لون ولا طعم لها وأسألوا أهل الفن والعارفين- هل يوجد الآن من هو في قامة أبوداوؤد وبرعي وعثمان حسين ووردي وكرومة وسرور؟ الرحمة لمبدعينا اللذين رحلوا والله معاكم يا شباب الغد-وكل يغني على ليلاه

يا زولنا

ياخ انا قدركم

انا من جيل مايكل جاكسون


ومارادونا

فرقي منهم كم سنة كده


بس بي صراحة كده ما من جيل سرور وكرومة

والفهم الانا بقولو ده

نخلي الشباب يغنو غناهم

وما نقارن بينهم وبين من سبقوهم

كل زمي وليهو جيل

سباق الأغاني السودانية الجديدة على الفيسبوك هنا






ــــــــــ
تحياتي الجميل جمال