Post: #1
Title: إقتراح للأخ بكري بخصوص أفراح البوداب والبوردابيات..!
Author: mekki
Date: 04-21-2013, 09:51 PM
نترحمُ أولاً علي روح الفقيدين العزيزين الأخ البحيراوي والأستاذ طه سورج،،،نزيف متجدد لجرح الوطن،،،رحمهما الله رحمة واسعة بقدر إنسانيتهما ووطنيتهما....
وقد درج الأخ بكري علي تسويد المنبر عند كل فقدٍ جلل من نشطاء الفكر والرأي،،،
والحزن عندنا شئ أصيل،،،ومتجذر،،ونجد لأنفسنا العذر كله،،،فالنكبات تحيط بنا من كل جانب،،وذكريات الأعزاء تضفي علي ملامحنا سحنة الحزن النبيل،،،السرمدي،،،
لكن، ومالنا لا نعطي الفرح مساحته حينما يتسرب الينا،أحياناً، وسط العتمة الكثيفة،،،؟؟؟!!!
يتلمس الشعب الجميل خضرة الحياة مع كل زغرودة للعديل والزين،،،مع كل مناسبة نجاح تفرح الأهل والجيران والأصدقاء
في الحلة،،أياً كان موقعها في وطني العزيز،،يسرق الناس لحيظات الفرح؛؛؛ لا تهم المناسبة كثيراً،،نُفاس، طهور (ذكور)،،،نجاح،،وأكيد العُرس...تلك المناسبة العظيمة دوماً وابداً....
ترتفعُ الزغاريد،،،فتضيع الدموع وسط زخات الدلوكة،،،
ليت الأخ بكري يقدم شكل جديد للإحتفال بمظاهر الحياة التي نقتلعها إقتلاع وسط عتمة الأحزان. ياريت ينقلب لون المنبر للأخضر عند كل فرح بوردابي او بوردابية،،،وأكيد لزواج البوردابي للبوردابية،،وليته يمتد الإخضرار لمناسبات نجاح الأبناء والبنات. مع عمل مكتبة للبورابي\ة المحتفي به
وحيث أنني ما زلت أعيش لحظات فرحي رغم مرور قرابة ال3 شهور علي عُرسي،،،لكن ما زال لسان حالي يقول: طفوا الشموع..ده انا لسه في شهر العسل،،،
بإختصار شدييد انا عايز مكتبة بمناسبة زواجي يا بكري،،،فأبدأ بي،،وإجعلها سنة حميدة،،فتح الله عليك
|
Post: #2
Title: Re: إقتراح للأخ بكري بخصوص أفراح البوداب والبوردابيات..!
Author: محمد عبد الله الامين
Date: 04-22-2013, 08:19 AM
Parent: #1
| Quote: بإختصار شدييد انا عايز مكتبة بمناسبة زواجي يا بكري،،،فأبدأ بي،،وإجعلها سنة حميدة،،فتح الله عليك |
الله .. الله
|
Post: #3
Title: Re: إقتراح للأخ بكري بخصوص أفراح البوداب والبوردابيات..!
Author: عاطف عمر
Date: 04-22-2013, 08:33 AM
Parent: #1
| Quote: إقتراح للأخ بكري بخصوص أفراح البوداب والبوردابيات..! |
| Quote: بإختصار شدييد انا عايز مكتبة بمناسبة زواجي يا بكري،،،فأبدأ بي،،وإجعلها سنة حميدة،،فتح الله عليك |
هههههههههههههههههههههههههههههههههه
طبعاً بتستاهل المكتبة يا عريس
لكن أرشح هذا الطلب لجائزة أفضل طلب للحصول على مكتبة
قبلك قيقاراوي شفع طلبه للحصول على مكتبة بأنه ( يتيم )
|
Post: #4
Title: Re: إقتراح للأخ بكري بخصوص أفراح البوداب والبوردابيات..!
Author: عماد قريش
Date: 04-22-2013, 08:59 AM
Parent: #3
| Quote: بإختصار شدييد انا عايز مكتبة بمناسبة زواجي يا بكري،،،فأبدأ بي،،وإجعلها سنة حميدة،،فتح الله عليك |
والله ده سبب تستاهل عليهو مكتبة وكشف معتبر ( الله يستر من كشف الحال)
ألف مبروك وتستاهل أو كما قال أخونا عاطف
|
Post: #5
Title: Re: إقتراح للأخ بكري بخصوص أفراح البوداب والبوردابيات..!
Author: حامد الغبشاوي
Date: 04-22-2013, 11:01 AM
Parent: #1
| Quote: بإختصار شدييد انا عايز مكتبة بمناسبة زواجي يا بكري،،،فأبدأ بي،،وإجعلها سنة حميدة،،فتح الله عليك |
.
..
...
ألف مبرووووووووووووك
المكتبه الا بعد بنتك تعرس
|
|