Post: #1
Title: النصائح العشر القويّة للمغتربين الجُدد في المملكة العربية السعوديّة..!
Author: mekki
Date: 08-29-2011, 11:04 AM
بعد ما شاب ودّوا الإغتراب...هذا هو لسان حالي الآن...
وخلال شهر من تجربتي الوليدة قابلت الجديد من المفاهيم والثقافات سواء من السعوديين-الجنسيات الأخري-أو من أخواننا المغتربين القدام...!
الحمدلله لم أقابل ما يحرجني أو يفت في كرامتي حتي الآن(!)...لكن هناك الكثير من النقاط التي اود الإشارة اليها...
1.اللبن هنا إسمه حليب،،فإن ذهبت الي بقالة وطلبت لبن سيعطوك زبادي رائب!. وقد حدث لي ذلك حوالي الثلاث مرات أو الأربع...الهم لا خَرَفْ...!
2 . الموظفين السعوديين ماهلين وباردين شديييد،،وممكن لي غرض بسيط (مثل توصيل الإنترنت) ياخد معاك إسبوعين...أو ثلاثة: طوّل بالك سَلَبه...وإياك من الإنفعال مع سعودي...!
3.المغتربين السودانيين هنا شيالين حال...وبي يتبادلوا المعلومات سريعا فيما بينهم عن أي وافد جديد،،،خليك تقيل وما تتكلم كتير...!
4.إذا مغترب سوداني حدثك عن قطعة ارض إشتراها في منطقة ما ،وأنت تعلم أن هذه المنطقة غير جيدة أو غير صالحة للسكن، أياك ثم أياك أن تقول له هذه الحقيقة،،فإنك أما مدقوق أو مشتوم،،،أو مطرود في أحسن الأحوال...!
5.لسبب ما المصريين يغيرون منا غيرة شديدة ودائما يحاولون الحط من قدرنا(طبعا ليس كل المصريين كذلك). فإن شعرت بأي مصري يحاول يقلل من قيمتك أحسمه فوراً...!
6.لا تركب مِصعد مع إمرأة. إذا وجدت المصعد به نساء اتركه يذهب...!
7.إذا كان لديك عربة فلا تملح أجنبي فيها وأياك ثم أياك أن تركب أحد بمقابل مادي. هذا الأمر يعرف بالكَدْ والسائق يسمي بالكدّاد وهو مُباح للسعوديين فقط...!
8.هنا ينادوننا بالزول فلا تغضب من هذه الكلمة...وإبتسم دوما عندما تسمعها...!
9.نحن متعودين علي مداعبة أطفال الغير في الأماكن العامة وهو أمر مقبول ومحمود في بلادنا ومجتمعنا،،،لكن،هنا، بي يفنشك ويوديك علي المطار طوّالي...!
10.لا تتفاءل كثيرا بالإغتراب وتتحدث عن خطط حياتية حالمة وإنك ستفعل كذا وكذا...الجماعة بي يشيلوا حالك...وتصبح فاكهة في ونساتهم...!
نصيحة بُونَص(bonus):
العيش والرغيف اسمه خبز،،،كنت بطلب من البقالة عيش وبي يقولوا لي مافي تلاته يوم...!
هذا مع تمنياتنا للجميع بحياة غُرْبة موفقة ومثمرة وعودة لي وطن نلقاهو حُر ديمقراطي...ده البي نحلم بيهو يوماتي....!
|
Post: #2
Title: Re: النصائح العشر القويّة للمغتربين الجُدد في المملكة العربية السعوديّ
Author: معاوية عبيد الصائم
Date: 08-29-2011, 11:12 AM
Parent: #1
...لقيتك خترى عديييييييييييل يالمكى.
مولود بكفيلك ههههههههههههههه
ذكرتنى .اخر لقاء وانت جاى من واحدة من دول اوربا
وشائل(الشنيطة) حقتك ومارق من المطار وركبنا بص
الجريف سوا.شان تمشى الداخلية ....زمن ..يامكى.....
انا فضيحة صاح
|
Post: #3
Title: Re: النصائح العشر القويّة للمغتربين الجُدد في المملكة العربية السعوديّ
Author: صلاح غريبة
Date: 08-29-2011, 11:12 AM
Parent: #1
| Quote: وخلال شهر من تجربتي الوليدة |
ومال نحن اللينا 30 سنة نألف دكشنري ولا شنو .
|
Post: #4
Title: Re: النصائح العشر القويّة للمغتربين الجُدد في المملكة العربية السعوديّ
Author: jini
Date: 08-29-2011, 11:24 AM
Parent: #3
زكرتنى نكتة فيصل ابشلة مع ابوداؤود الله يرحمه
فيصل ابشلة طلب من ابوداؤود يقيم ليهو صوته وبدا يدندن وصوته ما عجب ابوداؤود فغمزه قائلا يافيصل اخوى نحن الغناء د جيناهو عندنا تفة قام صلعنا انت جاييهو جاهز (فيصل أبشلة أصلع)!
أها يا مكى تحن الغربة جيناها بى تفة...الخ!
ربنا يحقق امانيك بس امسك فى القرش كويس انت جيت بعد فتحوا الابواب!
نحن غلبنا لمه بقت علينا زى خياطة الرباطابابى يخيط وما عاقد الخيط!
نصيحتى ليك اعقد الخيط!
جنى
|
Post: #5
Title: Re: النصائح العشر القويّة للمغتربين الجُدد في المملكة العربية السعوديّ
Author: mekki
Date: 08-29-2011, 11:41 AM
Parent: #4
Quote: ذكرتنى .اخر لقاء وانت جاى من واحدة من دول اوربا
وشائل(الشنيطة) حقتك ومارق من المطار وركبنا بص
الجريف سوا.شان تمشى الداخلية ....زمن ..يامكى..... |
هههه والله زمان،،،لعن الله الفرّق بين الناس
ضربت ليك وتلفونك مغلق
سلامي للاسرة
مكي
|
Post: #6
Title: Re: النصائح العشر القويّة للمغتربين الجُدد في المملكة العربية السعوديّ
Author: ابوحراز
Date: 08-29-2011, 12:07 PM
Parent: #5
أها رايك شنو مغترب جديد شغلناهو في بوفيه
جاء سعودي زبون دائم للبوفيه ووجد اخونا وطلب شاي بريالين
لكن قال عاوز يشرب الشاي مع واحد صاحبه سواق تانكر
السوداني حلف يمين ما يديهو الشاي الا بعد يدفع { أمنية}
والسعودي مافاهم شنو يعني أمنية عشرة ريالات
في حين أنو الكفتيرة والكبابي والصينية كلهم بخمسة ريالات !!!!
واحدأخونا جديد اسبوع كامل نرسله البقالة عشان يجيب زبدة فول سوداني
وكل يوم يجينا يتطاول ويقول الهندي قال ماعندو
زهجنا من الحكاية دي
قمت انا يوم أخذته معاي ومشينا للهندي
وشايف زبدة الفول السوداني مالية الرف
لكزت السوداني الجديد وقلت ليهو كدي اطلب انت من الهندي
طوالي صاحبك قام قال ليهو { عندك فول حاجات } !!!!!
قال فول حاجات قال !!!
واحد عمنا كلما نجيب ليهو ببسي يخت القزازة الصغيرة دي في الشباك
بعد اسبوعين الشباك مليان قزاز للطيش
دا شنو ياعمك ؟؟
مش حاترجعوا القزاز لبتاع الدكان ؟؟؟؟؟؟؟؟؟
غايتو أظرف شيء في المغتربين الجدد عاوزين يغنوا بسرعة
نحن لينا عشرين سنة صابرين
لاغنينا ولافقرنا
لكن هم بس الواحد لو بدأ يتكلم ليك عن احلامه العاوز يحققها
فلا انصحك بان تضع بجوارك جردل مليان حبوب ضغط
بل أنصح الجميع في هذه الحالة ان يكون قريباً من دورة المياه !!!
لأنه فعلاً يصيبك بمغص حاد بحكاويه !!!!
|
Post: #7
Title: Re: النصائح العشر القويّة للمغتربين الجُدد في المملكة العربية السعوديّ
Author: mekki
Date: 08-29-2011, 07:50 PM
Parent: #6
| Quote: ومال نحن اللينا 30 سنة نألف دكشنري ولا شنو |
مرحب بيك صلاح غريبة
|
Post: #8
Title: Re: النصائح العشر القويّة للمغتربين الجُدد في المملكة العربية السعوديّ
Author: معاوية عبيد الصائم
Date: 08-29-2011, 08:07 PM
Parent: #7
بيت سليمان ما فيهو شبكة ..اضف لذلك ابازر النضيف.
اها انت فى ياتو مرحلة ..يا مواطن
|
Post: #9
Title: Re: النصائح العشر القويّة للمغتربين الجُدد في المملكة العربية السعوديّ
Author: د. ياسر عبد القادر
Date: 08-29-2011, 08:11 PM
Parent: #7
تعرف يا مكي.....مشكلة الاغتراب إنو القبلك ما بيكلموك...والبعدك ما بيسألوك
تحياتي
|
Post: #10
Title: Re: النصائح العشر القويّة للمغتربين الجُدد في المملكة العربية السعوديّ
Author: mekki
Date: 09-01-2011, 12:05 PM
Parent: #9
الصديق الجديد جني| Quote: نصيحتى ليك اعقد الخيط! |
توكلنا علي الله وعقدناه
الفنان ابوحراز| Quote: طوالي صاحبك قام قال ليهو { عندك فول حاجات } !!!!! |
التحية والتجلة للحاجّات....معني الشرف والصمود في الزمان الأغبر
الصديق الجميل ياسر| Quote: مشكلة الاغتراب إنو القبلك ما بيكلموك...والبعدك ما بيسألوك |
سترنا الله يا عزيزي
|
Post: #11
Title: Re: النصائح العشر القويّة للمغتربين الجُدد في المملكة العربية السعوديّ
Author: Ammar Elyas Babiker Hassan
Date: 09-01-2011, 04:38 PM
Parent: #10
سلامات يا مكي يا احمدي
ازيد ليك واحدة علي العشرة لو كنت حا تشتغل في جامعة فحا تسمع كلمة (تكفي) يا استاذ كتير جدا, وهي ما يعادل عندنا كلمة عليك الله (حليفة وكده)
يوجد عدد كبير من الشباب الرائعين في ابها وخميس سيتصلوا بك قريبا
بالتوفيق ان شاء الله يا مكي
|
Post: #12
Title: Re: النصائح العشر القويّة للمغتربين الجُدد في المملكة العربية السعوديّ
Author: الرفاعي عبدالعاطي حجر
Date: 09-01-2011, 04:43 PM
Parent: #11
وصلت بقوة .
كل سنة وانت طيب يااخ .
.................................حجر.
|
Post: #13
Title: Re: النصائح العشر القويّة للمغتربين الجُدد في المملكة العربية السعوديّ
Author: omer osman
Date: 09-01-2011, 04:51 PM
Parent: #12
| Quote: كنت بطلب من البقالة عيش وبي يقولوا لي مافي تلاته يوم...! |
لو في الامارات كان اداك (رز) ....
عيش في الامارات = ارز.
بالتوفيق يامكي .......... وعقبالنا
|
Post: #14
Title: Re: النصائح العشر القويّة للمغتربين الجُدد في المملكة العربية السعوديّ
Author: سفيان بشير نابرى
Date: 09-01-2011, 07:56 PM
Parent: #13
و الله يا حليلك يا مكي الأحمدي صاحبي
فد شِهير بقيت تنصح مكروووب يا اخوي!!؟
و الله في و صية من وصاياك العشرة دىل
كنت عايز استرسل فيها كتير لكن خفته
نشرط الكفر و البوست يمشي الخور لكن
كان جدعته لي الايميل هنا بمتع حنانك
ذاتو هاهاهاهاها
و يا معاوية عبيد سلم لي علي ابو ذر
النضيف ياخ
وكل سنة و انتم طيبين
و إن شاء الله بلدنا تشفى
وتنصح و نرجع كلنا.
|
Post: #15
Title: Re: النصائح العشر القويّة للمغتربين الجُدد في المملكة العربية السعوديّ
Author: عاطف رميتي
Date: 09-01-2011, 08:38 PM
Parent: #14
الاخ مكي .. المودة لك ولكل المحيطين بك
كل سنة وانتم طيبين ..
|
Post: #16
Title: Re: النصائح العشر القويّة للمغتربين الجُدد في المملكة العربية السعوديّ
Author: عزيز عيسى
Date: 09-01-2011, 09:24 PM
Parent: #15
الأخ العزيز مكي،
كل عام وأنتم بخير وبتمنى ليك إقامة طيبة في المملكة العربية السعودية.
عشت في السعودية فترة أيام الزمن الذهبي كما يقولون وسبتها برغبتي
بعد أن تركت خلفي والحمد لله سمعة طيبة عن السودان والسودانيين.
المهم لو صادفك سعودي وقال ليك (إيش لونك) ما تنظر لجسمك أو حتى ما تتسرع
أو تتضايق وتقوم تلحق الراجل (بنية) لأنه بسلم عليك وبقول ليك (إزيك).
بتذكر لما كنت في جده عزمت واحد أخينا جاء من السودان جديد على محل
دجاج بروست.. بعد ما أكل قال لي: والله عندكم سمك طاعم بشكل.
أها أخوي دور بالك على رقبتك وربنا يوفقك وتحقق أمانيك.
|
Post: #17
Title: Re: النصائح العشر القويّة للمغتربين الجُدد في المملكة العربية السعوديّ
Author: حذيفه ابراهيم الكباشي
Date: 09-01-2011, 11:51 PM
Parent: #16
| Quote: .وإياك من الإنفعال مع سعودي...! |
ودارهم ما دمت بدارهم
وارضهم ما دمت بأرضهم
......
|
Post: #18
Title: Re: النصائح العشر القويّة للمغتربين الجُدد في المملكة العربية السعوديّ
Author: mekki
Date: 09-02-2011, 01:25 PM
Parent: #17
الأخ العزيز عمار| Quote: يوجد عدد كبير من الشباب الرائعين في ابها وخميس سيتصلوا بك قريبا |
مرحب بيك ومرحب بيهم،،،ووين اراضيك يا عمار بعد خلصت الدكتوراه؟؟
الأخ العزيز الرفاعي حجر | Quote: كل سنة وانت طيب يااخ . |
وأنت بألف خير وربنا يزيدك كمان وكمان
جنابو عمر عثمان لك الف تحية وتقدير وإنت برضو جايي ؟؟؟(سؤال بي يشبة سؤال عادل امام في شاهد ما شافش حاجة)
الأخ الكريم سفيان نابريQuote: الله في و صية من وصاياك العشرة دىل
كنت عايز استرسل فيها كتير لكن خفته
نشرط الكفر و البوست يمشي الخور لكن
كان جدعته لي الايميل هنا بمتع حنانك
ذاتو هاهاهاهاها |
الخور في بلدنا هناك ما مشكلة،،،كعبة مزبلة التاريخ الراجية ناس كدة،،،،، أشرط يا خوي ومحل رهيفة التنقد...!
|
Post: #19
Title: Re: النصائح العشر القويّة للمغتربين الجُدد في المملكة العربية السعوديّ
Author: احمد التجانى احمد
Date: 09-03-2011, 08:15 AM
Parent: #18
| Quote: العيش والرغيف اسمه خبز،،،كنت بطلب من البقالة عيش وبي يقولوا لي مافي تلاته يوم...! |
انصحك بعدم شراء الخبز من البقالة وعليك بالعيش الحار من المخابز والتى من الممكن ان تكون احيانا جزء من البقالات الكبيرة (بيسموها اسواق او تموينات)
الاخ مكى , زميل الاغتراب الجديد
تحياتى وكل عام وانت طيب , الاغتراب فى السعودية زى شاة الضيف , لا بتتشكر ولا بتتنبذ ولكن لى بعض الملاحظات من واقع الخبرة العريضة المكتسبة بعد اقامة اكثر من 16 عاما فى السعودية
1- القادمون لمواصلة الاغتراب من الدول الاوربية او امريكا او الامارات لن يصمدوا طويلا تحت ضربات الحياة اليومية والتى لم يتعودوا عليها وسرعان ما يهربوا بجلودهم
2- ناس كندا وسلطنة عمان وقطر وليبيا قوة الاحتمال عندهم اكبر
3- الحياة فى المنطقة الشرقية (الخبر والجبيل ) وجنوب السعودية (خميس مشيط وابها والطائف) الطف كتير من باقى المناطق الاخرى بما فيها جدة والرياض
4- فرص العمل متوفرة اكثر من دول الخليج الاخرى لكن متوسط الاجور عموما اقل مع انخفاض نسبى فى تكاليف السكن والمعيشة
5- تعليم الاولاد اكثر حاجة بتقصم الضهر وذلك نسبة للصعوبات التى يواجهها المقيمون فى الحاق ابناؤهم بالتعليم العام المجانى
6- لو فى نيتك التوفير قاطع كل السبل التى تؤدى للتحويل الشهرى للسودان
غربة سعيدة
|
Post: #20
Title: Re: النصائح العشر القويّة للمغتربين الجُدد في المملكة العربية السعوديّ
Author: أمير فتحي
Date: 09-03-2011, 02:07 PM
Parent: #19
Quote: ودارهم ما دمت بدارهم
وارضهم ما دمت بأرضهم
|
ودي نظرية خطأ مع السعوديين بالذات يامكي
فهم قوم أجلاف معدومي الذوق ونصيحتي ليك المحترم إحترمو والتاني أديهو على راسو وماتقول دي بلدهم لأنو لوحسو فيك قليل من الضعف جلدوك بالعقال في قارعة الطريق ...
وزي ماقال الخواجة (ساوديا إذ فيري نايس ويزاوت سأوودي )
|
Post: #21
Title: Re: النصائح العشر القويّة للمغتربين الجُدد في المملكة العربية السعوديّ
Author: mekki
Date: 09-03-2011, 04:14 PM
Parent: #20
Quote: الأخ المحترم عزيز عيسيQuote: عشت في السعودية فترة أيام الزمن الذهبي كما يقولون وسبتها برغبتي
بعد أن تركت خلفي والحمد لله سمعة طيبة عن السودان والسودانيين |
فعلا دي اهم حاجة نركز عليها وعندها علاقة مباشرة بتطوير اقتصاد السودان ودعم حقوق الاجيال الجديدة. فالإغتراب ،في ظل فشل الحكومات السودانية عموما وحكومة الكيزان خصوصا، صار مخرج أصيل في حل مشاكل المجتمع السوداني وحفظ تماسكه
الأخ خذيفة الكباشيQuote: ودارهم ما دمت بدارهم
وارضهم ما دمت بأرضهم |
والله بفتكر التوازن ومعرفة أصول لعبة الكر والفر مهم جدا. يعني الواحد لازم يعرف متين يهاجم ومتين يدافع فالحياة (كروفر) علي وزن (لاندروفر) كما قال أحد الساسة السودانيين الكرام..!
|
|
Post: #22
Title: Re: النصائح العشر القويّة للمغتربين الجُدد في المملكة العربية السعوديّ
Author: singawi
Date: 09-03-2011, 04:37 PM
Parent: #21
الاخ مكي .. سلااااام
اهم نصيحة للمغترب الجديد أن يعلم أن العربة حارة دي إشاعة ساي
بس هي العشرة سنوات الأولى يصبر عليها والباقي عادي زي الزبادي
|
Post: #23
Title: Re: النصائح العشر القويّة للمغتربين الجُدد في المملكة العربية السعوديّ
Author: محمد عبد الماجد الصايم
Date: 09-04-2011, 08:54 AM
Parent: #22
يا عمكـ .. تمنياتنا باغتراب سعيد بعيدا عن (ساهر)!!
| Quote: وزي ماقال الخواجة (ساوديا إذ فيري نايس ويزاوت سأوودي ) |
|
Post: #24
Title: Re: النصائح العشر القويّة للمغتربين الجُدد في المملكة العربية السعوديّ
Author: ولياب
Date: 09-04-2011, 09:44 AM
Parent: #23
مع تمنياتي لكم بطيب الاقامة
الباكستاني أختصر لأخوته في نصيحة واحدة ، وقال لهم وقد استوحى نصيحته من شكل شعار المملكة( إستقامة النخلة والسيفين على اليمين واليسار )
سعوديا أنت روح سيدا ،،، تآكل تمر ،،، أنت في روح يمين شمال على طول سيف شيل راسك .
|
Post: #25
Title: Re: النصائح العشر القويّة للمغتربين الجُدد في المملكة العربية السعوديّ
Author: قيقراوي
Date: 09-04-2011, 12:07 PM
Parent: #24
Quote:
أنت في روح يمين شمال على طول سيف شيل راسك .
|
يا مكي
سديق انت ما في روح منى منى!
-------
نسيت يا مكي انو لو كنت رايح في المدينة .. و عاوز تسأل من الحرم ..
ما تسأل عن الحرم المكي!
لأنو بوضوفا ليك موقف مكة طوالي!!
ما شفت السعودي بتاع البص داك ضحك فيها كيف يا مكي البتسأل عن الحرم المكي في المدينة!؟
مع انو بقول اهل مكة ادرى بشعابها .. اظنهم قاصدين السعوديين و قدامى المحاربين من مغتربين بس!
|
Post: #26
Title: Re: النصائح العشر القويّة للمغتربين الجُدد في المملكة العربية السعوديّ
Author: عبدالله كع
Date: 09-04-2011, 12:32 PM
Parent: #25
مكي يا مكي .
كدي انسي اللبن والذبادي والحليب والسيارة والدخان ..
وخليك معاي
شوف يا قلب Download: eType1.com/f.php
اقلة حاجه وبي صراحه 15 سنه من عمرك شتت ساااااااااااااااااكت
:
:
:
:
:
:
دقسته يا فرده
انشالله تكون متزوج عشان تحن لي عيالك وتتدراك الامر سريع وتنفد بي جلدك ..
وبرضو اتمني لك حظ قووووي وقوي للدين
|
Post: #27
Title: Re: النصائح العشر القويّة للمغتربين الجُدد في المملكة العربية السعوديّ
Author: الفاتح شلبي
Date: 09-04-2011, 02:18 PM
Parent: #26
المغترب الجديد لنج مكي
مرحب بيك فى السعودية
ياخي نسيت اهم وصية ... هو أن العشرة سنوات الأولى صعبات شوية بعديها القلب بموت وما بتحسب السنوات
لكن الغريبة ... غريبة متذكر
|
Post: #28
Title: Re: النصائح العشر القويّة للمغتربين الجُدد في المملكة العربية السعوديّ
Author: المسافر
Date: 09-06-2011, 08:17 AM
Parent: #27
شفت كان بقيت شنو ما ممكن تطلع وصية ذي وصية الحاجة دي لي أولادها سمعتها توصيهم وهم بودعوها في موق التاكسي:
(( ودعتكم الله ياولادي وابقو عشرة على قروشكم ما تضيعوها في الحديد والنسوان))
|
Post: #29
Title: Re: النصائح العشر القويّة للمغتربين الجُدد في المملكة العربية السعوديّ
Author: يوسف الدفينة
Date: 09-06-2011, 09:32 AM
Parent: #28
اخونا مكي والمجموعة كل عام وانتم بخير ..
غايتو نصحية الصايم دي ابقى عليها عشرة لو جيت الرياض ..
كل شي ولا ساهر دا بيشاركك في الراتب ..
نصيحتي ليك ..
المدام ما تجبها السعودية ..
كان جبتها السعودية وووووب وكان خليتها في السودان وبييين ...
|
Post: #30
Title: Re: النصائح العشر القويّة للمغتربين الجُدد في المملكة العربية السعوديّ
Author: Mayada
Date: 09-06-2011, 12:04 PM
Parent: #29
بقيت تقول الجوال والسيارة والحين ولا لسة؟؟؟؟؟؟؟؟؟؟
ماتجي تزورنا بهنا............
|
Post: #31
Title: Re: النصائح العشر القويّة للمغتربين الجُدد في المملكة العربية السعوديّ
Author: mekki
Date: 09-06-2011, 04:51 PM
Parent: #30
الأخ الكريم احمد التجاني | Quote: تعليم الاولاد اكثر حاجة بتقصم الضهر وذلك نسبة للصعوبات التى يواجهها المقيمون فى الحاق ابناؤهم بالتعليم العام المجانى |
الحمدلله انا ما عنديش أولاد...لمن يجوا يجوا ربنا بي يفرجها...!
الأخ الكريم امير فتحي| Quote: لأنو لوحسو فيك قليل من الضعف جلدوك بالعقال في قارعة الطريق ... |
أفو يا زول... ده كلام تقولوا لي زول قعد في السودان أثناء حكومة الكيزان وهو مُعارض؟؟؟
الأخ الكريم سنقاوي| Quote: بس هي العشرة سنوات الأولى يصبر عليها والباقي عادي زي الزبادي |
شكلكم كدة بقيتوا (بروفيشنال) مغتربين...!
الأخ الكريم سنقاوي| Quote: يا عمكـ .. تمنياتنا باغتراب سعيد بعيدا عن (ساهر)!! |
شكرا يا جميل
|
Post: #32
Title: Re: النصائح العشر القويّة للمغتربين الجُدد في المملكة العربية السعوديّ
Author: mekki
Date: 09-06-2011, 05:50 PM
Parent: #31
الأخ الكريم ولياب| Quote: سعوديا أنت روح سيدا ،،، تآكل تمر ،،، أنت في روح يمين شمال على طول سيف شيل راسك . |
طبعا سيدا عندنا في السودان يعني شئ واحد...هلالاب وكدة..!..وربنا يحفظ الرؤوس ما تتطاير..!
الأخ الكريم قيقراوي| Quote: سديق انت ما في روح منى منى |
في (الحارّة) الروح بي تتلقي...
الأخ الكريم عبدالله كع| Quote: انشالله تكون متزوج عشان تحن لي عيالك وتتدراك الامر سريع وتنفد بي جلدك .. |
ما فهمنا حاجة والله...!
الأخ الكريم الفاتح شلبي| Quote: لكن الغريبة ... غريبة متذكر |
والله غريبة ده حيرنا معاهو عدييل
الأخ الكريم المسافر| Quote: ودعتكم الله ياولادي وابقو عشرة على قروشكم ما تضيعوها في الحديد والنسوان |
المعادلات كلها صعبة...لكن بفتكر النصيحة دي للزي ما عندها معني...يا خوي نحنا كملنا الحاجات كلها... بس فضل لينا الكيزان...وخطأ نسيب ليهم النسوان...!
|
Post: #33
Title: Re: النصائح العشر القويّة للمغتربين الجُدد في المملكة العربية السعوديّ
Author: mekki
Date: 09-06-2011, 05:55 PM
Parent: #32
الأخ الكريم يوسف الدفينة| Quote: كان جبتها السعودية وووووب وكان خليتها في السودان وبييين ... |
وكان بقت مافي كلو كلو تلاتة وووبات...!
الأخ الكريمة ميادة| Quote: بقيت تقول الجوال والسيارة والحين ولا لسة؟؟؟؟؟؟؟؟؟؟ا............ |
والله يستر كمان تجيب ليها سلام من الخد للخد...دي انا بكرهها في البنات...الليلة شوف عيني زملائي السودانيين عملوها...!
تحياتي يا رائعة
|
|