Post: #1
Title: الماب يعزينى فى موبايلى لى بكا أبوهو ما بمشى....!
Author: mekki
Date: 04-26-2009, 06:43 PM
تعرضت اسرتنا الكريمة لحادثة سطو فقدت على أثرها موبايلى وعدد 2 موبايل أخر من أفراد الأسرة. بقية المسروقات وجدناها امام البيت بعد أن عميت أعين الحرامية منها
والحقيقة انها حادثة السطو الأولى التى تتعرض لها اسرتنا طيلة حياتها...! ( 18 سنة فى عطبرة ومثلها فى العاصمة)....!
ولن أستطيع إرجاع الخط قبل يوم غد الإثنين،،،وهذا للمعلومية يا فتحى البحيرى...!
المهم لقد فقدت كل ارقام الإتصالات بالأصدقاء والأحبة،،،فلكم العتبى،،،ولم أجد ابلغ من أغنية صلاح بن البادية:
http://www.youtube.com/watch?v=-u470JoGNsI
|
Post: #2
Title: Re: الماب يعزينى فى موبايلى لى بكا أبوهو ما بمشى....!
Author: filan
Date: 04-26-2009, 07:01 PM
Parent: #1
ربنا يعوضكم يا زول ...
بس إن شاء موبايلك ما ⇑ نوكيـــا 1100
لو بقى زي الفي البوست دا ، فدي جريمة محترفين ، تبلغ الإنتربول طوالي ، والاهم يكون عندك السيريال نمبر بتاع الموبايل , ولا نامت أعين المافيااات
في خدمة تعطيل للموبايل في حالة سرقته ، تحتاج لإثبات أن الموبايل المسروق يخصك بالفاتورة ، والسيريال نمبر , أتسائل هل توجد مثل هذه الخدمة بالسودان ؟؟
|
Post: #3
Title: Re: الماب يعزينى فى موبايلى لى بكا أبوهو ما بمشى....!
Author: Yassir Bainwi
Date: 04-26-2009, 07:09 PM
Parent: #2
الجاتك في نوكياك سامحتك
خالص الود
|
Post: #4
Title: Re: الماب يعزينى فى موبايلى لى بكا أبوهو ما بمشى....!
Author: mekki
Date: 04-27-2009, 05:32 AM
Parent: #3
| Quote: ربنا يعوضكم يا زول ... |
| Quote: الجاتك في نوكياك سامحتك |
الإعزاء فلان،،،ياسر بيناوى الف شكر،،،وإنشاء الله ما تشوفوا شر
|
Post: #5
Title: Re: الماب يعزينى فى موبايلى لى بكا أبوهو ما بمشى....!
Author: حمزاوي
Date: 04-27-2009, 06:11 AM
Parent: #4
الاخ الحبيب مكي
المريخابي السمح
مسكاقمي
الله يعوضك في موبايلك
بس الحرامي ليه رمى بقية الحاجات امام البيت
يمكن دا حرامي بتاع ما غلى ثمنه وخف وزنه ( ذي الكيزان )
ولا يمكن لقى بقية الممتلكات .............
|
Post: #6
Title: Re: الماب يعزينى فى موبايلى لى بكا أبوهو ما بمشى....!
Author: BitAlhana
Date: 04-27-2009, 07:01 AM
Parent: #5
والله كفاره
الحرامي ده لو عارف فقدك ده ما كان عمل الحكايه دي؟
لو في كشف أدينا خبر ...... اذا ده فراش و كده .... لووووووووول
تاني اشتري 3310
سمح؟
|
Post: #7
Title: Re: الماب يعزينى فى موبايلى لى بكا أبوهو ما بمشى....!
Author: أبو ساندرا
Date: 04-27-2009, 07:07 AM
Parent: #6
وا شريري
جرعوك من نفس الكأس ؟
والله حارة وغياظة
وما بتقل
إلا قليلآ
عن فقد عزيز
أحر التعازي يا حبيب
|
Post: #8
Title: Re: الماب يعزينى فى موبايلى لى بكا أبوهو ما بمشى....!
Author: جمال السنوسي
Date: 04-27-2009, 09:25 AM
Parent: #7
Quote: والله كفاره
تاني اشتري 3310
|
تعديل في الاسم حسب السوق السوداني
تلاتين حشرة وليس تلاتين عشرة
|
Post: #9
Title: Re: الماب يعزينى فى موبايلى لى بكا أبوهو ما بمشى....!
Author: Elham abdelkhalig
Date: 04-27-2009, 09:32 AM
Parent: #8
العزيز مكي ..لك احر العزاء ياخي دة حرامي ماعندو ذوق .....
سلامي للخالة والاخوات وقول ليهم كفارة وصدقة
|
Post: #10
Title: Re: الماب يعزينى فى موبايلى لى بكا أبوهو ما بمشى....!
Author: الفاتح شلبي
Date: 04-27-2009, 09:58 AM
Parent: #9
الجاتكم فى موبايلاتكم سامحتكم ... شخصياً تعرضت من قبل لسرقة موبايل لمن اتذكر اليوم داك طوالي بكشر وشي وبما أننى خبرة سابقة فالمعاناة الحقيقية فى أنك حتفقد بعض الارقام الى الابد وقد يتطور الموضوع ويؤدي الى زعل بعض من الاصدقاء ... شايف كيف الموبايلات دي نعمة ونغمة فى نفس الوقت ؟
|
Post: #11
Title: Re: الماب يعزينى فى موبايلى لى بكا أبوهو ما بمشى....!
Author: انعام عبد الحفيظ
Date: 04-27-2009, 11:05 AM
Parent: #10
غايتو يا مكي سرقة الموبايل تستحق العزاء فيها أسأل مجرب !!!
قبل حوالي الشهرين إتسرق تلفوني الجديد ليهو معاي شهر بس
وكنت فرحانة بإمكانياتو الكبيرة و 8 قيقيا بتاعتو( N95 )
وقمت سجلت فيهو كل الأرقام من المفكرات والكروت وووووو
لغاية ما جاء الحرامي بالليل (الله لا كسبو) وسرقو (وش زعلان للآن)
وجعني الموضوع دا شديد لأنو فقد الأرقام دا حاجة صعبة وما ساهلة
عشان كدا يا مكي انا حسيت بمأساتك دي وغايتو ربنا يصبرك بس!!
|
Post: #12
Title: Re: الماب يعزينى فى موبايلى لى بكا أبوهو ما بمشى....!
Author: فتحي البحيري
Date: 04-27-2009, 11:19 AM
Parent: #11
السوداني الأصيل والصديق الجميل ... مكي
انا قت الزول دا أخد ليهو غطسة في مكان ما قرب بربر أو عطبرة لا تصله "الشبكة"
على العموم أحر التعازي في الموبايلات الـ3
أعرف خسارة أن تفقد "ذاكرتك" التواصلية بخسارة أرقام جميع الهواتف لأن أحدهم احتاج لأن ينط الحيطة أو الجيب ليسرق آلة لن تجيب له "كثيرا"
يا زول الله يعوضك سريع ويخلف ليك بأفضل ويجعلها في ميزان حسناتك
إنا لله وإنا إليه راجعون
|
Post: #13
Title: Re: الماب يعزينى فى موبايلى لى بكا أبوهو ما بمشى....!
Author: مزمل خيرى
Date: 04-27-2009, 11:27 AM
Parent: #11
كفارة يازول الجاتك فى مالك سامحتك
بالمناسبة فى خدمة موجودة فى شركة فى الخرطوم بتنزل برنامج فى الموبايل والبرنامج دة بتدخل فيهو رقمين وبمجرد ما تلفونك يتسرق
والحرامى طبعا بطلع الشريحة ويكسرة وحيمشى جنب البرج ويعرض الموبايل للبيع والزول المسكين (المشترى) يفرح لانو لقى الجهاز رخيص وبمجرد مايدخل شريحتو تلقائيا بتطلع رسالتين للارقام المنزلة فى الموبايل موضحة فية رقم الشريحة النزلت فى الموبايل المسروق .
وبعد دك عينك ماتشوف الا النور .. هاك ياتهديد هاك يا وعيد .. لحدى تلفونك يرجع بالسلامة.
اى زول داير الخدمة دى انا جاهز وهى تقريبا ب 70 جنية بس
وسمسرتنا برة طبعا
|
Post: #14
Title: Re: الماب يعزينى فى موبايلى لى بكا أبوهو ما بمشى....!
Author: محمد أبوالعزائم أبوالريش
Date: 04-27-2009, 11:48 AM
Parent: #13
عايزين نشاركك (نفرش معاك) بشوية تكنولوجيا. لكن الأكواد بتاعة بكري ما شغالة.
عشان كده إستعضنا عنها بالرابط ده:
أعفص هنا: http://www.herosh.com/download/137512/mobily.wmv.html
|
Post: #15
Title: Re: الماب يعزينى فى موبايلى لى بكا أبوهو ما بمشى....!
Author: Shiraz Abdelhai
Date: 04-27-2009, 12:08 PM
Parent: #14
والله يا ابوالريش سبقتنى بديقيقتين...
عمرك اطول....
الواحد لازم يحفظ النمر دايما فى ذاكره الكترونيه تانيه
لانو ضياع الذاكره داء عضال لا شفاء منه....
...عموما طبعا انا ابوى فى ذمة الله من زمان لكن...معليش...تجينا فى السمح!!
وخيرها فى غيرها...تعيش وتعوض....!!
|
Post: #16
Title: Re: الماب يعزينى فى موبايلى لى بكا أبوهو ما بمشى....!
Author: اميمة مصطفى سند
Date: 04-27-2009, 01:06 PM
Parent: #15
فقدك غالي بالحيل
ربنا يعوض عليك
Quote: ...عموما طبعا انا ابوى فى ذمة الله من زمان لكن...معليش...تجينا فى السمح!!
|
وأنا شرحو
|
Post: #17
Title: Re: الماب يعزينى فى موبايلى لى بكا أبوهو ما بمشى....!
Author: محمد أبوالعزائم أبوالريش
Date: 04-27-2009, 01:23 PM
Parent: #16
| Quote: حد لازم يحفظ النمر دايما فى ذاكره الكترونيه تانيه |
إلكترونية برضو يا شيراز؟
يعني ما بتخافي من الكهربا ومزاجاتها؟
قالوا الأيام دي بيجي سمك من أسلاك الكهرباء.
أها يا اخوي .. أنا كمان أبوي مع أبو شيراز وأبو أميمة. لكن طالبك ... إنشاء الله في كمبيوتري ده.
|
Post: #18
Title: Re: الماب يعزينى فى موبايلى لى بكا أبوهو ما بمشى....!
Author: mekki
Date: 04-30-2009, 06:37 PM
Parent: #17
الأخ العزيز حمزاوى الف شكر وتسلم بس يا عزيزى الفاضل شخصى الضعيف هلالابى يعشق الهلال بعنف،،،أشجع المريخ فقط عند الضرورة القصوى....!
الفاضلة بت الهنا الف شكر Quote: تاني اشتري 3310
سمح؟ |
سمح!
الحبيب ابوساندراQuote: وا شريري
جرعوك من نفس الكأس ؟ |
والله با أبو ساندرا الحكاية دى حاااارة بصورة مبالغة،،،،تحياتى للأسرة الكريمة
العزيز جمال السنوسى| Quote: تلاتين حشرة وليس تلاتين عشرة |
يا زول احسن من لفحتين لفحة....!
الفاضلة عالية الأخلاق الصديقة الهام Quote: العزيز مكي ..لك احر العزاء ياخي دة حرامي ماعندو ذوق .....
سلامي للخالة والاخوات وقول ليهم كفارة وصدقة |
الف شكر وتحياتى للأسرة الكريمة
العزيز الفاتح شلبى | Quote: وقد يتطور الموضوع ويؤدي الى زعل بعض من الاصدق |
والله هى تجربة سخيفة حقيقة....وفعلا الآثار السلبية بدأت منذ الآن...
المحترمة انعام عبدالحفيظQuote: غايتو يا مكي سرقة الموبايل تستحق العزاء فيها أسأل مجرب !!!
قبل حوالي الشهرين إتسرق تلفوني الجديد ليهو معاي شهر بس
وكنت فرحانة بإمكانياتو الكبيرة و 8 قيقيا بتاعتو( N95 ) |
ظاهر عليك إنتى مغتربة...!
العزيز فتحى | Quote: يا زول الله يعوضك سريع ويخلف ليك بأفضل ويجعلها في ميزان حسناتك |
والله كمان فى بشريات مبالغة....!
المحترم مزمل خيرى يا خوى العفو والعافية،،،مع السخانة الشديدة مين البى يقدر يتحاوم فى بلاغات؟؟؟!!!
المحترم محمد ابوالعزائم يا زول لقد عفصت فى جيبى وخلاص....!!
المحترمة شيراز رحم الله الوالد الكريم | Quote: وخيرها فى غيرها...تعيش وتعوض....!! |
يااااااا رب
المحترمة اميمة مصطفى سند الف شكر بت الحسب والنسب
|
Post: #19
Title: Re: الماب يعزينى فى موبايلى لى بكا أبوهو ما بمشى....!
Author: ALGARADABI
Date: 04-30-2009, 08:54 PM
Parent: #18
أكيد حرامي مريخابي قاصد الهلالاب
مكي اتلفت كويييس قبل تقطع الشارع الايام دي
وما تفكر في الموضوع ده وانتا بتعبر الشارع
اتذكر الحافلة الزمان
|
Post: #20
Title: Re: الماب يعزينى فى موبايلى لى بكا أبوهو ما بمشى....!
Author: محمد الامين احمد
Date: 04-30-2009, 09:17 PM
Parent: #19
كفارة لك يا زول و بهديك الكليب ده
http://www.youtube.com/watch?v=IOKswMXM9tg
يا قرضابى (لو) الحرامى مريخابى و عرف انو صاحب الموبايل هلالابى كان عمل ليهو صندوق !
اصلو الهلالاب الايام دى بقو سلباطين و بكايييييييييييين
|
Post: #21
Title: Re: الماب يعزينى فى موبايلى لى بكا أبوهو ما بمشى....!
Author: yasir Abdelgadir
Date: 04-30-2009, 09:51 PM
Parent: #20
مكي العزيز
الجاتك في موبايلك سامحتك
هناك رقم معين للموبايل اذا دخلت موقع نوكيا وادخلت هذا الرقم يمكن ان يقفل المبايل..صحيح ما حيرجع ليك الموبايل لكن لن يستفيد منه الحرامي وبذا لن يسرق موبايل احد اخر وتكون ساهمت مساهمة جيدة في تقليل السرقات في المجتمع
وبكدا ممكن تغني اغنية مصطفي مضوي التي تقول موبايلي ( بدل منديلي ) ضاع مني والشالو مايتني مايشيل خلاف غيرو
تحياتي لكل افراد الاسرة
|
Post: #22
Title: Re: الماب يعزينى فى موبايلى لى بكا أبوهو ما بمشى....!
Author: شهاب الفاتح عثمان
Date: 04-30-2009, 11:18 PM
Parent: #21
ربك يعوضك ان شاء الله ,
فقدت قيل حوالي الشهرين ضمن ما فقدت موبالين (جديد وقديم) ولاب توب,
كارثه , تبخرت مئات الارقام وكل ما افتقد رقم و لا معلومه او صوره
تجدد عذب الذكرى :)
اخي الجاتك في مالك سامحتك,
والجاتك في موبايلك اذتك!.
اللهم لا نسائلك رد القضاء لكن نسائلك اللطف فيه.
تعاطفي الكامل.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #23
Title: Re: الماب يعزينى فى موبايلى لى بكا أبوهو ما بمشى....!
Author: mekki
Date: 05-01-2009, 07:00 PM
Parent: #22
المحترم القرضابى| Quote: اتذكر الحافلة الزمان |
وخصوصا إنو موبايلى إتسرق مع الحادث!!!!
العزيز محمد الأمين أحمد| Quote: اصلو الهلالاب الايام دى بقو سلباطين و بكايييييييييييين |
ومن حسع شوفوا لينا حلل لى يوم الأحد....!
الحبيب ياسر زين العابدين| Quote: وبكدا ممكن تغني اغنية مصطفي مضوي التي تقول موبايلي ( بدل منديلي ) ضاع مني والشالو مايتني مايشيل خلاف غيرو |
يا سلام عليك يا ياسر....أخخخ من عطبرة لا طسة عربية ولا سرقة موبايل....!
الغالى شهاب الفاتح| Quote: فقدت قيل حوالي الشهرين ضمن ما فقدت موبالين (جديد وقديم) ولاب توب, |
لأ لأ...سرقة اللاب توب بالنسبة لى تعنى التجانى الماحى عديييييييييييييييل
|
|