بشرى لجلاكين المنبر: "سندباد" على "سبيستون" هذه الأيام....!

Post: #1
Title: بشرى لجلاكين المنبر: "سندباد" على "سبيستون" هذه الأيام....!
Author: mekki
Date: 12-10-2008, 09:26 AM

مسلسل "السندباد" بطلٌ (تَمْ تَمْ) مِنننننننْ بغْداااد،،،يبثُ هذه الأيام على قناة "سبيستون"،،،وقد أوصيتُ بنت أختى (ذات الست سنوات حفظها الله) بأن تنادينى عند بدءه،،، فتأتى الى يومياً لتقتلعنى من أمام الكمبيوتر "مكى،،يا مكى: السندباد جا"...!
فأقوم مهرولاً سابقاً لها،،،اجتر ذكريات الطفولة الجميلة وأيام عطبرة حلوة النسائم،،،
"سندباد" تجلى فيه الوعى الخلاق بالرغم من شُح الإمكانات وعدم وجود أجهزة "الماكنتوش" ليرسم لوحة زاهية من الألق والجمال،،،الخلق والإبداع،،،أشياء حلوة زاهية تكمن فى دهاليز العقل الباطن،،،تتفجر مع بزوق فجر الإنترنت والويندوز والشبكة العنكبوتية،،،
فى حلقة الأمس وأوله إستطاع (العمالقة) سندباد، على بابا، وعلاء الدين ومعهم ياسمين إيقاف حرب كانت على وشك الإندلاع فى جزيرة (الأقزام)...
حرب بين أقزام (جلابة) السهل،،،وأقزام (مهمشى) الجبل أوقفتها حيلة عم علاء حينما إستغل (الوعى التناسلى) السائد فى الجزيرة(!!)،،، وانتهى الأمر بزواج أميرة أقزام السهل على أمير أقزام الجبل...
ليت قوم (بنى سجاح) كانوا قد تابعوا "السندباد" فى طفولتهم بدلاً من متابعة ذلك الشيخ الضال...!
ياااااااا ليتهم....!
المهم جلاكين المنبر "خدر،ود جبر الله، نادوس،،ابو ساندرا،،ود البحيرى ومن لفّ لفيفهم"،،،أمامهم فرصة نادرة لركوب كبسولة "آلانا"،،،، والتمتع بالزمن الجميل،،، ممارسة حبٍ فى زمن (الكوليرا) والحمى (النزفية)...!

Post: #2
Title: Re: بشرى لجلاكين المنبر: "سندباد" على "سبيستون" هذه الأيام....!
Author: najma
Date: 12-10-2008, 10:12 AM
Parent: #1

سنلتقى فى رحلة نبحر كل مساء رحلة جميلة مع سندباد

قبل فتره لقيت ليك مسلسل نيلز فى اسطوانات والله 12 بالليل قمته احضر فيها ومشدوده معاهااقول لاخوى هسع بحولوا قزم والولد جيل التسعينيات يضحك على كبرى وجزيرة الكنز ووووو زمن جميل

ياااخ الطفولة دى عالم جميل

ميكى كل سنةوانت طيب

Post: #3
Title: Re: بشرى لجلاكين المنبر: "سندباد" على "سبيستون" هذه الأيام....!
Author: mekki
Date: 12-11-2008, 05:51 AM
Parent: #1

Quote: ياااخ الطفولة دى عالم جميل

الف شكر المحترمة نجمة،،،مع فائق التقدير
تخريمه:أول مرة أشوف (نجمة) (زرقاء)

Post: #4
Title: Re: بشرى لجلاكين المنبر: "سندباد" على "سبيستون" هذه الأيام....!
Author: الوليد محمد الامين
Date: 12-11-2008, 12:30 PM
Parent: #3

Post: #7
Title: Re: بشرى لجلاكين المنبر: "سندباد" على "سبيستون" هذه الأيام....!
Author: الوليد محمد الامين
Date: 12-11-2008, 04:20 PM
Parent: #4

يا مكي تحياتي

في المداخلة الاتمسحت فوق دي كنت شكرتك وقلت ليك أول ما قريت موضوعك مشيت حؤست الحلقة لما عرضوها ...

ياخي دا زمن ما بيتكرر يا مكي .

أها يازول في مقولة بتقول : انك لا تعبر النهر مرتين !

يعني ممكن تعدي النهر كم مرة لكن كل مرة في موية جديدة ماشة .

أظنو دا الحاصل علينا .

تحياتي يا عزيز .

Post: #5
Title: Re: بشرى لجلاكين المنبر: "سندباد" على "سبيستون" هذه الأيام....!
Author: عبدالله كع
Date: 12-11-2008, 01:08 PM
Parent: #1

مكي ..
كل عيد وانت سعيد والامورة بنتك وبقية الاسرة ..
لي ذمن من متابعي اسبستون ..
والان مستمتع جدا بالسيد سندي ..
مع .. اولادي مصعب 3 سنه واحمد سنتين
...
واجترا ر الماضي لزكريات نحتت في اعماقي..
وكيفية متابعتها .. والمقارنه بهذا الذمن والذمن القبيل
وهل سندبات يحمل نفس الملامح القيبل ..
ولكن .....,,,!
يبدو كما قال الوليد ..!

Post: #6
Title: Re: بشرى لجلاكين المنبر: "سندباد" على "سبيستون" هذه الأيام....!
Author: Solafa Alagib
Date: 12-11-2008, 03:04 PM
Parent: #5

رغم انى من مواليد اخر 5 ايام في 78 الا اننا اسعدتنا الظروف في مرة من المرات وتكرم التلفزيون باعادة مسلسل (انا سندباد المغترب

لااهاب الموت ابدا حين يعلو ويقترب )واتعرفنا علي ياسمينا وعلي بابا والساحرة(زلل) وعميليق

لكن في الاصل احنا جيل ,,,,,ليدي,,,,سالي,,,,فتاة المراعي

شكرا علي التنبيه رغم انو جهازى ما بجيب اسبيستون

د:سلافا العاقب

Post: #8
Title: Re: بشرى لجلاكين المنبر: "سندباد" على "سبيستون" هذه الأيام....!
Author: هشام حسن
Date: 12-11-2008, 06:17 PM
Parent: #6

يا عمك بيجي الساعة كم؟.. كان في مسلسل اسمو "بسبوس" بتاع الكديس.. عملوه هسه فيلم اسمو "جارفيلد" المهم كان التمرين ما بيبدأ لو ما انتهى المسلسل دا.. لأنو الحله كلها كانت متابعاهو..

تحياتنا يا بركه

Post: #9
Title: Re: بشرى لجلاكين المنبر: "سندباد" على "سبيستون" هذه الأيام....!
Author: الوليد محمد الامين
Date: 12-11-2008, 08:15 PM
Parent: #8

يا هشام حسن بالله انت من زمن التمرين يبدا بعد المسلسل ؟؟؟؟؟؟؟؟؟؟

الطريقة دي هسي انقرضت مع البلي وصفرجت وكدا ...........

Post: #10
Title: Re: بشرى لجلاكين المنبر: "سندباد" على "سبيستون" هذه الأيام....!
Author: هشام حسن
Date: 12-11-2008, 08:27 PM
Parent: #9

يا هشام حسن بالله انت من زمن التمرين يبدا بعد المسلسل ؟؟؟؟؟؟؟؟؟؟

ما قالوا للجلاكين.. وللا شنو؟

Post: #11
Title: Re: بشرى لجلاكين المنبر: "سندباد" على "سبيستون" هذه الأيام....!
Author: Frankly
Date: 12-11-2008, 08:56 PM
Parent: #1

كرهتونا لعب البلي ستيشن ذاته

أي حاجة حلوة تمسّخوها بالسياسة

عشان كدا قلت ناخد بوستك دا ونعزل الصالح منه ونظرح أرضاً الطالح

اجترار ذكريات جميلة

و الناس الماعندها قنوات فضائية ما يقوموا من كمبيوترهم

هنا تجدون "سندباد" و"لولو الصغيرة" و"الليث الأبيض" كمان

عالم اسمه اليوتيوب

http://www.youtube.com/watch?v=OR4FhMiNbi0

الحلقة الأولى من مغامرات سندباد

Post: #12
Title: Re: بشرى لجلاكين المنبر: "سندباد" على "سبيستون" هذه الأيام....!
Author: mekki
Date: 12-12-2008, 07:07 AM
Parent: #1

Quote:
أها يازول في مقولة بتقول : انك لا تعبر النهر مرتين !

يعني ممكن تعدي النهر كم مرة لكن كل مرة في موية جديدة ماشة
الف شكر المحترم الوليد محمد الأمين،،، بس متحير شديييد فى حكاية حذف المداخلة لإن الحاذف هو بكرى أبوبكر...!

العزيز عبدالله كع:
Quote: واجترا ر الماضي لزكريات نحتت في اعماقي..
وكيفية متابعتها .. والمقارنه بهذا الذمن والذمن القبيل
الف شكر،،،هو زمن جميل منحوت فى الأعماق الدفينة،،،

المحترمة د.سلافه العاقب:
Quote: لكن في الاصل احنا جيل ,,,,,ليدي,,,,سالي,,,,فتاة المراعي
إذا هى فرصة رائعة ل(إنقاذ) ما يمكن إنقاذة،،،كويس إنو سبيستون غير مشفرة،،،خالص تقديرى،،،

المحترم هشام حسن
Quote: يا عمك بيجي الساعة كم؟
بى يجى فى العصر،،ويعاد بالليل،،،ياخى حلقاتو جميلة شديييد حصل فى أسرع فرصة

العزيز فرانكلى
Quote: أي حاجة حلوة تمسّخوها بالسياسة
ياخى لكن (مغستنا) شدييدة،،،تشكر على مقطع يوتيوب،،،الإنترن طبعا لة ميزة انو العرض غير مرتبط بالزمن،،،تسلم

Post: #13
Title: Re: بشرى لجلاكين المنبر: "سندباد" على "سبيستون" هذه الأيام....!
Author: الوليد محمد الامين
Date: 12-12-2008, 02:44 PM
Parent: #12

العزيز مكي

للتوضيح : المداخلة لم يسحبها بكري بل هو الهكر الضرب المنبر اليومين الفاتو لي كم ساعة كدا , والموضوع دا حصل في بعض البوستات

الاخري .

مع شكري .

Post: #14
Title: Re: بشرى لجلاكين المنبر: "سندباد" على "سبيستون" هذه الأيام....!
Author: الوليد محمد الامين
Date: 12-12-2008, 10:25 PM
Parent: #13

يا جماعة بمناسبة سبيستون دي اتذكرت قصة بتوضح انو نحن فعلا بقينا جلاكين :

مرة كنت ماشي في الجامعة مريت جنب واحد من اركان النقاش , وكان بيتكلم فيهو كادر خطابي معروف في الجامعة ديك ,

المهم الزول دا عشان يوري التانيين انو هم قاعدين ليهم وما ماشين قال ليهم : الليله نحن هنا قاعدين ليكم سبيستون بس !

- بعد داك حتي عرفت انو سبيستون دي قناة بتشتغل 24 ساعة !-

Post: #15
Title: Re: بشرى لجلاكين المنبر: "سندباد" على "سبيستون" هذه الأيام....!
Author: mekki
Date: 12-13-2008, 06:37 AM
Parent: #1

Quote: - بعد داك حتي عرفت انو سبيستون دي قناة بتشتغل 24 ساعة !-

وش مبتسم،،،وش مبتسم تانى،،،،وش مبتسم تالت،،،!

ويش ،يا ود الأمين، الحصل ورانا فى الجامعات،،،وأية يا خوى الأركان (الحنكوشة)،،،زمنا الركن بى يكون محروس ولا أقول ليك خليها مستورة
ديل ما فضل ليهم إلا يجيبوا أسلحة ليزر من سبيستون...!