منتج محرر سودانيز أونلاين فى خدمتكم...

قمت بتطوير محرر لبوستات سودانيز اونلاين. المحرر عباره عن برنامج عادى يعمل من جهازك المحلى. المحرر مفيد جدا فى تلافى أخطاء الHTML التى أصبحت شائعه جدا والتى أدت-بغيرما قصد- الى إتلاف الكثير من البوستات. كما انه وسيله فعاله جدا لحفظ الBand Width إذ يمكن للعضو معاينة بوسته ومراجعته قبل رفعه للموقع دون حوجه للNetwork traffic. كما انه وسيله جيده للأعضاء الذين لا يعرفون لغةHTML مثل صديقى ابو ساندرا.
المحرر لا يحتاج الى تستيب(setup) خصوصا للإخوه الذين يتسخدمون ويندوز فيستا. فإذا لم يعمل فهناك برنامج مرفق يقوم بتزيل الملفات المطلوبه من موقع ميكرسوفت وهو مرفق معه.
على العضو قراءة ملف الويرد المرفق أولاً حتى تتم الإستفاده القصوى من المحرر.
البرنامج مرفوع على نوعين من ضغط الملفات(rar) و(winzip) إختار النسخه التى تتوافق مع برنامج فك الضغط الموجود لديك.
على أستعداد لإجابة كل الأسئله..كما أننى على إستعداد لتوفير مصدر الشفره هدية منى لزملائى المطورين المشتركين معنا....
هذه نسخة ضغط WinZIP:
http://www.esnips.com/doc/1e8ee6f9-6dad-430e-9dd0-1e5cc...d87328/SonlineEditor
وهذه نسخة ضغط WinRar
http://www.esnips.com/doc/c4c4f4ed-aa75-4417-a668-27510...92e292/SonlineEditor

مع تحياتى...مكى الأحمدى

الف الف شكر يامكي .

كنا محتاجين من زمان لبرنامج زي دا .

دي خدمة كبيرة جداً لكل أعضاء المنبر .

الكلمات تعجز عن شكرك وفي ميزان حسناتك إن شاء الله .

ملحوظة: مالقيت البرنامج في الرابط كدي حاول أرفعه تاني.

الف شكر مكي الاحمدي
مجهود جبار في يزان حسناتك

جاري التحميل والتجريب

الأخ الأزهرى2 حاول جرب تانى..عملت بعض التعديلات فى الصلاحيات...وادينى رأيك

يامكي كدا تمام جاري التحميل الآن .

تسلم ياحبيب .

تستحق جائزة من بكري يديك إسمين هدية في سودانيز اون لاين تهديها لمن تحب وكان اداك أتنين أديني واحد هدية محتاج ليه شديد وبكري مطنشني آخر طناش

مكي العزيز


تحية وسلام واحترام


الفكرة جد جميلة وممتعة ومفيدة

وتحمل في طياتا شيء من الاخلاص للمنبر

... وللمستقبل أيضا


انا شكلي حاجي راجع هنا كتير

يعني


ما كتير شديد !!!


لكن بالجد الموضوع دا فيهو خدمة للموقع


وللاعضاء


ولا عزاء للقراء


ولا شنو يا مكي ؟؟؟

الاخ مكى

عمل رائع ..
شكرا ....

ياريت يا مكي


بعض الشروحات

أو ما يشبه المانيوال



عشان يستفيد الجميع


محبتي لك لا تزول

الف شكر يا جميل

الأعزاء الأزهرى2-فتحى البحيرى-النصرى الأمين-حيدر عثمان- لكم خالص الود والحب....
فى إنتظار تعليقاتكم
ونتمنى من الأخ بكرى تبنى المحرر ففى ذلك حفظ لباندودثه

يبدو أنك قمت بمجهود شديد الجمال والجدوى يا صديقي


يمتعك بالصحة والعافية



ويقويك

الرائع مكي الأحمدي

انت داير تعمل لينا لي منيبير بيكيرينا دا قوما وقعدا اكتر من كدا


علي العرس !!!

منيبير بيكيري دا بستاهل !!!




على الرغم من أنو انا شخصيا غير الفلس ووجع القلب والطمام



ما لقيت منو شي



يعني عشان الذمة ما تكون غريقة شديد

غير الفلس ووجع القلب والطمام والاتهامات (الباطلة!!!)


وقليل من الصوت (وانا لا صوت كثير لي ) والوطن (وانا لا وطن وهيط لي ) وايام حلوة شديد (ما خالص خالص !!) وعلاقات عامة جيدة جدا (ما جدا جدا)


ما لقيت منو شي ..............كتير

الفاضل مكي

بعد التجربة اقول بضرس قاطع هذا مجهود رائع ,
ملاحظة اوليه
عند ادراج صورة من الجهاز لو في امكانية عمل بحث بدلا من كتابة الرابط بتكون العملية اسهل بكثير


اتمنى ان تخاطب بكري ابوبكر مباشرة اقلها ليرفع البوست في المانشتات حتى يطلع عليه اكبر عدد


وتسلم يا مبدع

الفاضل مكي

بعد التجربة اقول بضرس قاطع هذا مجهود رائع ,
ملاحظة اوليه
عند ادراج صورة من الجهاز لو في امكانية عمل بحث بدلا من كتابة الرابط بتكون العملية اسهل بكثير


اتمنى ان تخاطب بكري ابوبكر مباشرة اقلها ليرفع البوست في المانشتات حتى يطلع عليه اكبر عدد


وتسلم يا مبدع

برنامج أكثر من رأئع وحل لينا مشاكل كثيرة ... ألف شكر أخي mekki
ولكن هل لك برامج أخرى من أنتاجك الشخصي نتطلع للمذيد

الأخ الحبيب الأزهرى2

Quote: تستحق جائزة من بكري يديك إسمين هدية في سودانيز اون لاين تهديها لمن تحب

غايتو عندى صاحبى عبدالمنعم مناضل جسور عايز يلتحق بالمنبر.... وكمان بكرى لو عمل لى مكتبه يكون كتر الف خيرو

الحبيب النصرى أمين

Quote: عمل رائع .. شكرا ....

تسلم يا جميل

الحبيب حيدر عثمان...مشكور على المرور...وظاهر عليك بديت تستعملوا بصوره جيده...

الصديق الحبيب فتحى البحيرى...أحسن زول فى المنبر بى يتابع (القضايا)...ولو خليت المنتج ده لى صاحبك المسيكين...كان حتل ونزل لى أسفل سافلين...لكن واضح أن مجهودك (النضالى) أثمر..وشايف بكرى-أخيرا- رفعو فى أعلى الصفحه...شكرا جميلا يا جميل...
بس ما تبقى (طالب) متسيب وحساس...!

الحبيب عمار عبدالله عبدالرحمن

Quote: عند ادراج صورة من الجهاز لو في امكانية عمل بحث بدلا من كتابة الرابط بتكون العملية اسهل بكثير

حسب ما فهمت من كلامك-واتمنى اكون فهمت صاح- الصوره التى تعرضها لازم تكون رفعتها فى النت أولا...بجيك راجع -انشاء الله- لمزيد من التوضيح

الحبيب حاتم صالح لك الود والحب

Quote: ولكن هل لك برامج أخرى من أنتاجك الشخصي نتطلع للمذيد

والله لدى منتجات متعدده غير تقليديه...
فعلى سبيل المثال: منتج جديان لتحديث المواقع الإخباريه والصحفيه بواسطة الرسائل القصيره. يستطيع الصحفى من اى مكان وفى اى زمان ودون حوجه لمعرفة النت من ارسال معلومته الخبريه مباشرة لموقعه الإخبارى. المنتج مفيد جدا للصحافه الإلكترونيه والخدمات الصحفيه والإخباريه مثل ناس محمد حامد جمعه..!
عندى منتج عون للأرشفه الهرميه والبحث فيها مفيد للمكتبات ومراكز البحوث.. والشعراء ومكاتب المحامين...
تخريمه: هل أنت حاتم صالح بتاع إقتصاد جامعة الخرطوم فى التمانينات..صاحب الحب الجميل الشهير؟!!.....ولا إسم على إسم؟؟!!

Quote: تخريمه: هل أنت حاتم صالح بتاع إقتصاد جامعة الخرطوم فى التمانينات..صاحب الحب الجميل الشهير؟!!.....

إسم على إسم


بس ياريت تحكى لينا عن تلك القصة وشكرا مرة ثانية

ر

شكرا الحبيب مكي اتضحت الصورة الان


رشحوا هذا المنتج كموضوع لهذا الشهر ,,, تشجيعا للابداع

انا معك يا عمار

رشحوا مكي وموضوعه هذا تشجيعا للابداع وللمنبر .... معا

الأخ العزيز عمار عبدالله عبدالرحمن

Quote: رشحوا هذا المنتج كموضوع لهذا الشهر ,,, تشجيعا للابداع

ياخى ربنا يديك العافيه

العزيز فتحى...رجل الحاره....تسلم يا رائع

الأخ عمار واضح إنو الصور المرفوعه فى سودانيز اونلاين ولسبب انو الأخ بكرى عامل ليها حمايه لا تظهر فى المحرر...
لكن لو جربت صوره مرفوعه فى مواقع اخرى اكيد حا تشتغل معاك مثل هذه الصوره:
http://www.upload2world.com/pic85/upload2world_5dede.jpg
جرب انسخها والصقها فى الجزء الخاص بإدراج الصور...
لو بكرى إتعاون معاى ممكن نحل المشكله دى...
ود موقع مجان لإستضافة الصور دون قيود:
http://www.upload2world.com

يا ريت يا مكي تواصل الشروحات

فيما يشبه المانيوال المختصر

في ناس كتار ما بعرفوا اسألوا


يديك العافية

بسم الله الرحمن الرحيم

لقد نجحت التجربة
شكرا مكي

Quote: لقد نجحت التجربة شكرا مكي

يديك العافيه يا أخ متوكل

Quote: إسم على إسم بس ياريت تحكى لينا عن تلك القصة

_____
شكرا يا مكّي..

***

مكي الحبيب...برنامج خطير..بالرغم من انو ماعارفو عن شنو ولا استخدمته..لكن بما انو منك يبقي خطير

عندي سؤال بدائي ...تحميل الصور الايقونة بتاعت هنا ما شغالة...عندك طريقة تانية ممكن نزل بيها الصور هنا

تحياتي يا صديقي لك ولكافة افراد الاسرة

Thanks for this mekki

العزيزه نجوان

Quote: شكرا يا مكّي..

لك تقديرى وودى
***
الحبيب الدكتور ياسر

Quote: بالرغم من انو ماعارفو عن شنو ولا استخدمته..لكن بما انو منك يبقي خطير

البرنامج بى يساعدك فى كتابة البوستات وتأديب المريخاب...لمزيد من التعليمات إقرأ ملف الويرد المرفق...
بالنسبه لحفظ الصور...إضغط على زر الماوس اليمين سوف تظهر لك قائمه إختر منها Save Targe AS...
***
الغالى حسين محى الدين لك التحيه

Quote: Thanks for this mekki

مشكور مع تمنياتى باستخدام فعال
***
اما انت يا أخ فتحى البحيرى الله لا جاب يوم شكرك

Quote: اما انت يا أخ فتحى البحيرى الله لا جاب يوم شكرك

يا استاذ


العفو

الشكر اوله واخره وسائره .... لك !!

اين انتم
احتاج الى اخباركم

اين انتم

الميجور عبدالله الشيخ


القطر دا ممكن يكون قطر كريمة؟؟؟


لكن شكلك (مدلي ) قطرا تاني !!!


وعلى كل حال

نحن أيضا نحتاج الى اخبارك واخبار هؤلاء

يا مكي

تعال رحب ببعض الملائكة الذين اهتدوا الى بوستك هذا

Thanks,mekki

ألف شكر لك أخ مكي على هذا المنتج القيم .. ولك فائق مودتي وتقديري