Post: #1
Title: بشراكم يا هلالاب:أكان ما إتأهلنا الليله...إنشاء الله يجينا هواء باااارد!
Author: mekki
Date: 04-06-2006, 05:05 AM
وعند الكوره-فى السودان- تبعد (الفيزيقا) لتحل محلها (الميتافيزيقيا)
وبما عرف عنى عن عقلانيه مدعومه بمهنيه-متواضعه-فى مادة الفيزياء...لكن الأمر مختلف-عندى-عندما يتعلق الأمر بالهلال...!
بشراكم يا هلالاب...فقد تكرر الحلم الذى حلمته قبل مباراة الرينجرز...تكرر بالأمس قبل مباراتنا المصيريه امام الرجاء!!
نفس الحلم!...بس بدل الرينجرز...كان الرجاء...!
اليوم داك غلبنا الرينجرز بالأربعه...وبالمناسبه ...دا ما كان الحلم الوحيد الذى تحقق بخصوص الهلال...!
أها نشوف مصير الرجاء الليله شنو؟
عنوان البوست مقتبس من نكته...مفادها ان قوماً قد ذهبوا لفكى طالبين نزول المطر...الفكى عمل العليهو...وبشّر الجماعه: انا شغلى ده ما بقع الواطه...وأكان ما جاكم مطر إنشاءالله بجيكم هواء باااااارد...!
وطبعا المشيخه دى أصلا ما بعيده منى...فيزية شنو وكلام فارغ شنو!...حلمى-إصلا- ما حا يقع واطه...وأكان الهلال الليله ما إتأهّل...إنشاء الله يجينا هواء باااااارد!
|
Post: #2
Title: Re: بشراكم يا هلالاب:أكان ما إتأهلنا الليله...إنشاء الله يجينا هواء باااارد!
Author: ALGARADABI
Date: 04-06-2006, 07:59 AM
Parent: #1
الأخ مكى
الله يبشرك فرجتنا
أما الهوا البااااارد فى خالة عدم التأهل فهو التدحرج للكونفدرالية
و مقابلة الجماعة أياهم(متعودة دايما)
ده لو صمدو للوكت داك
|
Post: #3
Title: Re: بشراكم يا هلالاب:أكان ما إتأهلنا الليله...إنشاء الله يجينا هواء باااارد!
Author: yasir Abdelgadir
Date: 04-06-2006, 09:45 AM
Parent: #2
مكي الحبيب ود الشيخ الاحمدي...صدقني كلاك مابقع واطه وحتي لو وقع انت قايل الهواء البارد دا هين...تحياتي يا استاذ وعالم الفيزياء المتواضع.
للاخ القرضابي المباراة دي ما بتودي للكونفدراليه يامان وانت مستعجل لينا كدا مالك الكونفدراليه دي عندها ناسها وجماعتها لمولفين عليها ومولفه عليهم.. ناس ايفوسكو وكربكو وسجمكو ...والفاظ الشماشه الباقيه
|
Post: #4
Title: Re: بشراكم يا هلالاب:أكان ما إتأهلنا الليله...إنشاء الله يجينا هواء باااارد!
Author: على محمد على بشير
Date: 04-06-2006, 10:18 AM
Parent: #3
هذا المكان محجوز
للتعليق بعد المباراه
|
Post: #5
Title: Re: بشراكم يا هلالاب:أكان ما إتأهلنا الليله...إنشاء الله يجينا هواء باااارد!
Author: على محمد على بشير
Date: 04-06-2006, 10:27 AM
Parent: #2
Quote: أما الهوا البااااارد فى خالة عدم التأهل فهو التدحرج للكونفدرالية
و مقابلة الجماعة أياهم(متعودة دايما)
|
القرضابى
اول حاجه قول بسم الله وخت الرحمن فى قلبك
لانه المباراه دى فى دورى العرب
التانيه ديك مع جنوب افريقيا ولسه باقى
عليها وكت كتير
شفت كيف , بس طوالى جارين على الجماعه واليسمعكم
مايقول انو انتوا طلعتوا من تحت ضل السيف بى كرامة
البليله
|
|