Post: #1
Title: الوافد الجديد بين قسوة ناس الجريف وإستعلاء أهل الحلفايةوعنطزة أولاد أمدرمان
Author: mekki
Date: 01-09-2004, 12:21 PM
فى الستينات والسبعينات...وحتى مطلع الثمانينات...وفى مدينة مثل عطبرة...كان إذا إرتكب أحد الموظفين خطأ شنيعا..وأراد رؤساءة أن يعاقبوة عقوبة رادعة...كانوا يقومون بنقلة-فورا-إلى العاصمة....!ه
وكانت مدينة مثل بورتسودان تتمتع بالهدوء والطمأنينة والرزق الوفير...والنظافة الأوربية...ه
نعم خرج المستعمر وقد أرسى قواعد ثابتة للمدنية فى بلادنا...فأنار المدن..ووفّر الوظائف...وأنشأ المستشفيات...والحديث عن المستشفيات فى (الولايات) يطول...! فكانت مستشفى عطبرة- على سبيل المثال- تفوق أحدث المصتوصفات الآن...لا يضطر مريض فى كل أنحاء السودان الشمالى إلى السفر للعاصمة إلا عندما يتم تحويلة لمستشفى الذرّة....!ه
لكن-ولكن هى أخت لو الصغرى- حكومات ما بعد الإستقلال...الحكومات منعولة أبو الوطنية...وصلت إلى نتيجة بسيطة مفادها :إن بقاءها من عدمة مرهون بمظاهرة صاخبة تخرج فى العاصمة..أو بدبابة مجنزرة تتحرك نحو الإذاعة فى مدينة أم درمان...!ه
بدأت بوادر الكارثة-مثلها مثل باقى الكوارث- منذ عهد الرئيس الأسبق جعفر النميرى...وتم ترسيخها بصورة شنيعة فى ال14 عاما الأخيرة...!ه
أصبحت مدن السودان الكبرى مثل بورتسودان..وعطبرة..والأبيض..وكوستى..ومدنى.. تشكو تقتير الرزق ...والظلام الدامس..والإهمال الصحى...والتدهور البيئى ...وتئن من جيوش العطالة...!ه
لم يجد مواطن الأقاليم بدا من أن يحزم أمتعتة ويشحنها فى لورى متجها إلى كرش الفيل..أو كما يدلّعونها...!ه
|
Post: #2
Title: Re: الوافد الجديد بين قسوة ناس الجريف وإستعلاء أهل الحلفايةوعنطزة أولاد أمد
Author: mekki
Date: 01-09-2004, 12:24 PM
Parent: #1
أتى أهل الشمال بطنابيرهم وعفويتهم المزعجة...وجاء أهل الغرب بأم جنقلهم...ووفد أهل الشرق بسيوفهم وسديرياتهم....وركب أهل الأوسط ما تيسر لهم كى لا يجدوا لقبا فى إنتظارهم سوى عرب الجزيرة.... وفوّج أهل الجنوب برباباتهم...وعيشهم المبلول من أمِس-ذلك- المشرور فى الشمس...!ه
تلاقحت تلك الوفود الغزيرة..فى العاصمة وضواحيها..لتبدأ رحلة معاناه فى ترسيخ الأقدام...واللهث وراء الرزق..ومعاناه من نوع آخر...!ه
أظهر أهل العاصمة الأصليون بوادر تذمر...!ه تفاوتت حدة ذلك التذمر من الهمز واللمز..وإطلاق الضحكات الخفية عند تعليقهم على تصرفات الوافدين الجدد...إلى الجهر بالعداء والتعصب...إلى القطيعة الكاملة وعدم رد التحية كما يحدث فى بعض أحياء أم درمان ذات العراقة...!ه
شكت لى –ذات مرة- الخالة عزيزة وهى من أصول بربراوية(من بربر)...وسموها أهلها العزاز بذلك الأسم ناشدين لها عِزّة عَزَّت –لنا- فى هذا الزمن الأغبر.!ه....شكت لى الخالة المحترمة بعد تنقل بين الحاج يوسف وأم درمان أنها تعانى معاناه غير عادية من نسوان أبروف-حيث إستقر بها المقام أخيرا-: عدم السلام فى السوق..والهمز واللمز الخفى..والمقاطعة من بعض الجيران...!ه
لا أريد أن أفضى-والحديث لى- بكل ما فى جعبتى فى هذا الخصوص..وأفتح باب النقاش فى هذا الموضوع الحيوي الذى لا يخلو من حساسية ..راجيا إثراء الحوار دون حساسية أو تجريح..واعدا بالعودة كان ربنا سهّل...ه
مع تحياتى
|
Post: #3
Title: Re: الوافد الجديد بين قسوة ناس الجريف وإستعلاء أهل الحلفايةوعنطزة أولاد أمد
Author: KOSTA
Date: 01-09-2004, 12:52 PM
Parent: #1
الاخ مكى
الموضوع شيق و ظريف و يمس حقيقة واقعة اليوم شئنا ام ابينا
اعتقد ان الامر يرجع لسلوك اجتماعى اكثر منه لاوضاع سياسية او اقتصادية ... و هنا اعنى سلوك " العاصميين " و " المتعاصميين "
هنالك ظاهرة يمكن ان اسميها " فوبيا العاصمة " ، و هى ان الجميع يخاف ان يوصم بانه غير عاصمى .. و بالتالى غير متحضر ، فيمارس عادات و تقاليد توحى بانه عاصمى اكثر من اهل العاصمة ، و من صميم تلك العادات الاستهزاء بالوافدين الجدد حتى لا يوصم بانه منهم .
الآن صار التقسيم كالتالى : اهل العوض .. و يقصد بهم الوافدين من اى بقعة خارج العاصمة خاصة عرب الوسط و الشمال و الغرب و الشرق
الغرّابة ....
الجنوبيون .....
و اهل العاصمة " و هؤلاء مصنفون لاهل العاصمة الاصليين ( ما كان يعرف بمديرية الخرطوم سابقآ من الجيلى فى الشمال و حتى جبل اولياء فى الجنوب ومن ام درمان باحيائها القديمة و حتى الجريفات فى الشرق ) .. و العاصميين الوافدين و الذين كونوا "لوبى" جديد اكثر قساوة من اهل العاصمة الاصليين فى تعرضهم للوافدين الجدد للعاصمة .
و فى وجهة نظرى المتواضعة ان الكل يخوض فى غير ما معترك اذ ان الحقيقة التى لا يمكن تجاوزها هى اننا حقيقة لا نملك عاصمة بمقومات العاصمة العالمية ، فعلى سبيل المثال انظر الى مداخل العاصمة لمدنها الثلاث فسترى عند الصباح الباكر العديد من الشاحنات التى تحمل على متنهااعلاف البهائم من قصب و برسيم لتصبها فى قلب العاصمة ... ماذا يعنى ذلك ؟؟؟ ، ذلك يعنى ان العديد من البهائم و الانغام يتم تربيتها داخل هذه المسماة " جوازآ " عاصمة . كذلك لتحكم على هذه المدينة المسماة عاصمة انظر لشئ واحد فقط لتتيقن بانها لا تمت للمدن او العواصم بصلة : انظر لنظام الصرف الصحى عندنا ... مازال السواد الاعظم من ما يسمى بالعاصميين يستعملون نظام " الحفر " او " الادبخانة " لقضاء حاجاتهم و قليل من يملك " دورة المياه " او سايفون فى منزله ..... عليه يمكن ان نطلق على العاصمة المثلثة " قرية كبيرة " او " مدينة ريفية " .
و يقينى ان اى عاصمى سافر حول العالم و رأى كيف يعيش الناس فى عواصمهم او حتى مدنهم الاخرى سيعرف ببداهة اننا لا نملك عاصمة .
عليه ، فلينتهين قوم يفتخرون بعاصميتهم ... و ينظرون للآخرين من عل بمفهوم من ليس عاصمى فانه اهل عوض او غرابى او جنوبى او شرقاوى .
|
Post: #4
Title: Re: الوافد الجديد بين قسوة ناس الجريف وإستعلاء أهل الحلفايةوعنطزة أولاد أمد
Author: Munir
Date: 01-09-2004, 07:28 PM
Parent: #3
يا كوستا جيلي شنو ؟ ـ ياخي لغاية قريب دا شمبات كانت تعتبر ريف والحلفاية اقاليم ـ 
صديق عزيز من الحلفاية كنت اهزر معاه قلت ليهو حلفاية شنو الاقاليم دي؟ نحن لمن نكون راكبين القطر مسافرين البلد، لمن القطر يصل الحلفاية نكون نمنا وصحينا ـــ قال لي يعني لما تصلوا بلدكم الما معروفة وين ديك تكونوا متوا وحييتوا ؟؟ــ
|
Post: #5
Title: Re: الوافد الجديد بين قسوة ناس الجريف وإستعلاء أهل الحلفايةوعنطزة أولاد أمد
Author: omdurmani
Date: 01-12-2004, 02:30 AM
Parent: #1
اخى مكي ....السلام عليكم
...............
ناس امدرمان ماعندهم عنطزة في الفاضي لكن عندهم عنطزة في الملان فقط.....يعنى ليست العنطزة هى لاستعلاء بسبب اللون او غيره بل للسلوك والافعال...
......................
لهذا جانب ايجابي ...وهو ان بعض الناس بطلوا الخمج بتاع الريف وبدأوا يسلكون سلوك المدن....يعنى الاحتكاك له جوانب ايجابية.
.....................
امدرمان ميزتها انها تعطى ابنائها ثقة في اصلهم وفصلهم...يعنى ما سأليين حتى في ناس ويلز....ونحمد لهذا التعايشي الخليفة الذي كتب للملكة فكتوريا ان اسلمت لزوجناك ولدنا ودالدكيم...ومن ديك انحنا ما سأليين في اي زول..
..................
لسنا اصحاب هموم هامشية....ولانحاكى غيرنا....نعتز بنفسنا جدا....وبنحب امدرمان...
.................
حسع دى تلقي ناس ليسو من امدرمان ...امتلكوا المال...وحاولوا شراء عزة النفس الامدرمانية....بالسكن الفاخر واللبس الفاخر...والحوامة في نمرة تنين واستيلا ولذيذ....لكن دا كلوا مابغير شئ.... وناس امدرمان اصلوا ما كانوا بتاعين امور هامشية.
................
و انحنااولاد امدرمان
المولودين في الخيران
ورجعنا بيوتنا بالوصف(كناية عن التفتيح )
......................
هذه ردا علي
انحنااولاد العمارات
المولودين في الراهبات
....................
شريف ودامدرمان
|
Post: #6
Title: Re: الوافد الجديد بين قسوة ناس الجريف وإستعلاء أهل الحلفايةوعنطزة أولاد أمد
Author: omdurmani
Date: 01-12-2004, 02:31 AM
Parent: #1
اخى مكي ....السلام عليكم
...............
ناس امدرمان ماعندهم عنطزة في الفاضي لكن عندهم عنطزة في الملان فقط.....يعنى ليست العنطزة هى لاستعلاء بسبب اللون او غيره بل للسلوك والافعال...
......................
لهذا جانب ايجابي ...وهو ان بعض الناس بطلوا الخمج بتاع الريف وبدأوا يسلكون سلوك المدن....يعنى الاحتكاك له جوانب ايجابية.
.....................
امدرمان ميزتها انها تعطى ابنائها ثقة في اصلهم وفصلهم...يعنى ما سأليين حتى في ناس ويلز....ونحمد لهذا التعايشي الخليفة الذي كتب للملكة فكتوريا ان اسلمت لزوجناك ولدنا ودالدكيم...ومن ديك انحنا ما سأليين في اي زول..
..................
لسنا اصحاب هموم هامشية....ولانحاكى غيرنا....نعتز بنفسنا جدا....وبنحب امدرمان...
.................
حسع دى تلقي ناس ليسو من امدرمان ...امتلكوا المال...وحاولوا شراء عزة النفس الامدرمانية....بالسكن الفاخر واللبس الفاخر...والحوامة في نمرة تنين واستيلا ولذيذ....لكن دا كلوا مابغير شئ.... وناس امدرمان اصلوا ما كانوا بتاعين امور هامشية.
................
و انحنااولاد امدرمان
المولودين في الخيران
ورجعنا بيوتنا بالوصف(كناية عن التفتيح )
......................
هذه ردا علي
انحنااولاد العمارات
المولودين في الراهبات
....................
شريف ودامدرمان
|
Post: #7
Title: Re: الوافد الجديد بين قسوة ناس الجريف وإستعلاء أهل الحلفايةوعنطزة أولاد أمد
Author: nazar hussien
Date: 01-12-2004, 12:01 PM
Parent: #6
دقسة التفتيحة صدقة للمجتمع...
ممكن تبقوني معاكم ودمدن
|
|