Post: #1
Title: اها ودة واحد جديد تانى
Author: mekki
Date: 06-16-2003, 11:11 AM
الشباب والشابات
..أو- كما يحلو لكم- الأخوة البورداب
لكم أعطر التحايا وخالص الود...
من الصعب على اى سودانى تعلم فضيلة الصمت..والبعد عن الشلاقة.
.قبل حوالى السنتين تعرفت على البورد..وقلت يا ولد إكتفى بالمتاوقة..وعلم نفسك أن تتعلم!
ياخى إنت قضيت كل سنوات التعليم فى النقة ومحاولة (إيصال) المعلومة للاخرين..
ياخى-والحديث موجة للذات-حاول ولو مرة واحدة ان تتعلم من الاخرين..إنت قايل نفسك الفاهم براك فى الدنيا دى؟؟!
وغايتو سنة سنتين..والواحد بيغالب فى نفسو(وبتصبر)..لكن المواضيع ماشة مسخنة..والحكاية ماشة هايصة..وبصراحة قلت بعد دا الواحد ما بيقدر بسكت أكتر من كدة..
وهاك يا إيميل لى بكرى..!!
يا شباب الواحد فخور بكم وإن كان بختلف مع بعضكم ..لكن بالنقاش حتما ستروق (المنقة)
الأخوة اسامة الخاتم..فتحى البحيرى..بكرى..الأستاذ الموصلى..محمد الخاتم..محمد الواثق..امدرمانى..ود عطبرة..أستاذ حمزة..اجد نفسى مشدود لكتاباتكم..و افكاركم..وإن كان يا أخ بحيرى هناك بعض حدة..
اما الإخوة هوبلس وود محجوب فأجد نفسى مختلف بعض الشى مع طريقة التناول..لكنى اقدركم كافة التقدير..
اما ممثلات حواء..فإستاذن حبيبتى..و أقول ليكم الواحد بي ريدكم من الأعماق..فلكم التحية...بت الأحفاد..رباح الصادق..تماضر..سولارا..هوزى..الجندرية(طبعا اللة يستر ما يكون فى واحد مدسى بيناتكم..وطبعا-هنا-لن تسامحنى حبيبتى فالوضع يجنح لل..والعياذ باللة!)
أما الرائعة هالة قوتة-أكان رضت الخطيبة أكان ابت- فالواحد بى يحبك عديييل!
اما المشاغب عادل عبد العاطى فالحديث عنة يطول ويطول..!!
و يا رودة برضى عندى معاك كلام كتير!!!
********************
فى الختام..الواحد بيحب يعتذر لكل افراد الشعب السودانى إعتذار صادق من الأعماق..فلقد علمتنا ايها الشعب وصرفت علينا من دم قلبك..كان يجب ان نرد لك الجميل بالعلم الغزير والمسئولية الشديدة والتفانى فى العمل..فإذا بنا انصاف متعلمين وانصاف سياسيين
وانصاف دكاترة..وانصاف فلاسفة..وخواء كامل !!!
|
Post: #2
Title: Re: اها ودة واحد جديد تانى
Author: almulaomar
Date: 06-16-2003, 11:19 AM
Parent: #1
أهلا ومرحب وشرفت وكلمات تعبر عن نجم متمرس ينضم إلى كوكبة نجوم البورد ، لكين الصورة دي ما غريبة على أظن أنها صورة ود الشيخ فأفرزكم كيف
|
Post: #3
Title: Re: اها ودة واحد جديد تانى
Author: HOPELESS
Date: 06-16-2003, 11:19 AM
Parent: #1
يا زول مرحب بيك حبابك
والله لا جاب خلاف
ولجوه
|
Post: #5
Title: Re: اها ودة واحد جديد تانى
Author: قرشـــو
Date: 06-16-2003, 11:23 AM
Parent: #3
الاخ مكى
اهلا وسهلا بك وحبابك عشرة
وارجو ان يعجبك الحال وما تهرب تخلينا زى ناس ثانين
لا شك انك من اهل الدار فقد خبرتهم جيدا وعرفتهم عن قرب ونرجو ان نرى مساهماتك معنا
مع تحياتى
|
Post: #4
Title: Re: اها ودة واحد جديد تانى
Author: james
Date: 06-16-2003, 11:21 AM
Parent: #1
مكي ،، هلا بيك
البورد للجميع
تحياتي
|
Post: #6
Title: Re: اها ودة واحد جديد تانى
Author: انور عمر
Date: 06-16-2003, 11:26 AM
Parent: #4
هلا ومرحب بيك في البورد
وحبابك والف مرحب
|
Post: #7
Title: Re: اها ودة واحد جديد تانى
Author: شدو
Date: 06-16-2003, 11:28 AM
Parent: #4
الف مرحب بيك يامكى
البيت بيتك
|
Post: #8
Title: Re: اها ودة واحد جديد تانى
Author: Zaydoon
Date: 06-16-2003, 11:37 AM
Parent: #1
مرحب بيك ...
وتحية عطرة من دفعـة
سنة .. سنتين ... جبته الصبر ده من وين ... متاوقة شهر واحد بس هرهرتني
إتفضل .. الدار دار كرم وجود
|
Post: #9
Title: Re: اها ودة واحد جديد تانى
Author: Elmosley
Date: 06-16-2003, 12:37 PM
Parent: #1
الف مرحب بيك يا مكي شايفك دخلت المدينه وشرفتها
|
Post: #10
Title: Re: اها ودة واحد جديد تانى
Author: elsharief
Date: 06-16-2003, 04:04 PM
Parent: #1
مرحبتين بمكي فى حوش بكري
|
Post: #11
Title: Re: اها ودة واحد جديد تانى
Author: بكرى ابوبكر
Date: 06-17-2003, 08:25 AM
Parent: #10
...
|
Post: #12
Title: Re: اها ودة واحد جديد تانى
Author: زوربا
Date: 06-17-2003, 01:04 PM
Parent: #11
هاي
نيلينك والابنوسه
خش بصوتك اليمين ... أكتب الما بتقدر عليهو وخلي العادي علينا
رغم انك جليت مفكري الهترشة لكن معليش
أتفضل باقي الكاكاو
ماتعشرق
أقيف
اتنفس
أكتب
راجينك
|
Post: #13
Title: re..all
Author: mekki
Date: 06-18-2003, 11:34 AM
Parent: #1
الأخوه الأعزاء الملا عمر-هوبلس-قرشو-جيمس-انورعمر-شدو-زيدون الدفعة-الأستاذ الموصلى-الشريف-بكرى-زوربا..لكم كل الشكر..ويا بكرى مشكور على المقطوعة..
الملا عمر أشكرك على الملاحظة..لكن أعذرنى فالواحد لسة (برلوم) بورد..وبصراحة ما عارف كيف الصورة دى لزقت فينى !
على كل فأنتم موعودون بالصورة الحقيقية..لأن الواضح ما فاضح..
ويا بكرى لم أستطتع أن أعرف النظرية الشغالة بيها ساعة السيرفر..فقد كتبت المساهمة الساعة واحدة فإذا بها تظهر الساعة حداشر فما الأمر؟..بالمناسبة الواحد شغال فى مكان عمل يتقيد بالمواعيد بصورة صارمة..وعندنا بريك من الساعة واحدة لمدة ساعة..فما ذا أقول للمشرف إذا ضبط مكاتباتى فى الساعة حد اشر؟
مع تحياتى
|
Post: #14
Title: Re: re..all
Author: قرنفل
Date: 06-19-2003, 00:41 AM
Parent: #13
mekki سلام
مرحب بيك فى حوشك
|
Post: #15
Title: Re: اها ودة واحد جديد تانى
Author: zumrawi
Date: 06-19-2003, 00:43 AM
Parent: #1
مرحبتين مكى وحبابك فى البورد
ابقى لاجوة وحبابك
|
Post: #16
Title: Re: اها ودة واحد جديد تانى
Author: mekki
Date: 06-24-2003, 02:36 PM
Parent: #1
الأخوة زمراوى وقرنفل مشكورين على كرم الضيافة..
الأخ الملا مشكلة الصورة شايفا إتحلت
|
|