إنـــقـــلاب

الضفة والنيل الوقف

الموجة والجرف النشف

القيفة والغيم الرحل

وحكاية السمبر هجر حلال فريقنا
عشان فريقنا الما خرف
ما بين تكوني
او لاتكوني
انقلاب
انقلاب في المباديء والقيم وانقالاب في شعور
ناس قلوبها ما بتعرف ولف
انا ليك يا وطن السماح جد بعترف
انو الغياب القسري
عن نيلك في زمان اللحية والدين الكذب
ادمى القليب والجوف نزف
الضيم تجذر بين مسامات الرصيف
بين الشوارع والحواري
اتشتت الفقر المخيف
هل يا ترى
الحاكم الموهوب عرف
انو البطون الكان بتشبع من سكات
الليلة ضاوية من الفراغ
جوة العيون
حزنا مخيف
جوة القلوب غبنا عنيف
جوة الشوارع نار مدكنة
راجية القلوب يوم تاتلف.
يا غيمة شايلة الحزن جوات المطر
يا مطرة تبكي على البلد
شدر الحراز كم انتشر
نخل السواقي
ونيمة الشارع
ناحت على الغيم البسافر بي جفا
ناحت على النيل الحزين الما سرف
ناحت على الناس الملاجيء
برة جوات المنافي
والمواني
والمرافي
كمين بشر
جوات قلوبهم ناي حنين
جوات قلوبهم
غضب السنين الاستعر
باكر نعود
شيالين معانا فرح سنين
شايلين عهود
نبنيه رغم المستحيل
شا نا يا سواقي
النيل يجود
بي رحمة الله الما بتقيف
والخير يعود