Post: #1
Title: أنشروها خلي الناس تنوم بمزاج .. براءة إختراع سودانى " مصيدة الناموس "
Author: جمال محمود
Date: 06-27-2013, 09:06 PM
غايتو الليلة الخميس والفيس بوك فيهو العجايب
حد يفتينا فى الاختراع ده
|
Post: #2
Title: Re: أنشروها خلي الناس تنوم بمزاج .. براءة إختراع سودانى andquot; مصيدة ا
Author: Hassan Kamal Hassan
Date: 06-27-2013, 09:58 PM
Parent: #1
الاخ جمال//
الباعوض له القدره علي التعرف علي الانسان والحيوانات ليلا من خلال استشعار معدلات غاز ثاني اكسيد الكربون اثناء النوم
مكونات المصيدة (خميره،مويه،سكر) تتنتج غاز ثاني اكسيد الكربون، يعني الفكره علي اساس جذب الباعوض بالغاز
الموضوع برضوا ما بلبساطة دي لانوا علي سبيل المثال في انواع باعوض ما فارق معاها غاز ثاني اكسيد الكربون ولااوكسجين.
مودتي
|
Post: #4
Title: Re: أنشروها خلي الناس تنوم بمزاج .. براءة إختراع سودانى andquot; مصيدة
Author: جمال محمود
Date: 06-28-2013, 11:53 AM
Parent: #2
| Quote: مكونات المصيدة (خميره،مويه،سكر) تتنتج غاز ثاني اكسيد الكربون، يعني الفكره علي اساس جذب الباعوض بالغاز |
اخى الفاضل حسن كمال
جمعة مباركة
حقيقة هذه معلومة جديدة اختصرت لى المشوار لفهم الاختراع
مودتى
|
Post: #3
Title: Re: أنشروها خلي الناس تنوم بمزاج .. براءة إختراع سودانى andquot; مصيدة ا
Author: Maawya Hussein
Date: 06-27-2013, 10:29 PM
Parent: #1
| Quote: براءة إختراع سودانى |
الاختراع ليس بسوداني ..الصورة وجدتها في احد المواقع العربيه وقمت بنشرها في الفيس بوك للفائدة العامة هنا .ونسال الله لصاحب الفكرة التوفيق والسداد
|
Post: #5
Title: Re: أنشروها خلي الناس تنوم بمزاج .. براءة إختراع سودانى andquot; مصيدة
Author: جمال محمود
Date: 06-28-2013, 11:58 AM
Parent: #3
| Quote: الاختراع ليس بسوداني ..الصورة وجدتها في احد المواقع العربيه وقمت بنشرها في الفيس بوك للفائدة العامة |
ما كتير مثل هذا الاختراع على السودانيين
واقرب مثال المشاركة اعلاه للاخ كمال حسن والتى توضح فكرة الاختراع
يعنى من يملك هذه الفكرة يمكن ان يصمم عدة اختراع بنفس الفكرة
ولو ما كان الاختراع سودانى طيب ممكن تورينا مصدر الاختراع شنو
لانو انا برضو جاتنى الصورة عن طريق الفيس بوك من صفحة سودانية وما استبعد الاختراع ان يكون سودانى
|
Post: #6
Title: Re: أنشروها خلي الناس تنوم بمزاج .. براءة إختراع سودانى andquot; مصيدة
Author: Hassan Kamal Hassan
Date: 06-28-2013, 06:20 PM
Parent: #5
الاخ الفاضل جمال
هذه الفكره موجوده منذ زمن بعيد حتي في السودان يقوم الباحثين في مجال الملاريا والباعوض باستخدام مصايد للباعوض بواسطه غاز ثاني اوكسيد الكربون والضوء تسمي light Trap ، في اغلب الاحيان يستخدم مايعرف ب Dry Ice كمصدر للغاز واستخدام مصدر ضوئ لان الحشرات عموما تنجذب للضوء بمعني مصيده بقوه مزدوجه (ضوء + غاز CO2)
بعض الناس يصاب بالملاريا واخرون لا مع انهم من نفس المنطقه او حتي اخوان من نفس البيت، والسبب افرازات الجسم من مواد كيمائيه اثناء النوم (العرق مثلا) تختلف من شخص لا اخر من حيث المحتوي والكميه بعضها جاذب للباعوض والبعض الاخر طارد
اعمل حسابك لم ترجع السودان لانو الباعوض بحب دم المغتربين لما فيه من عسل،تفاح،فراوله ، حا يفضلك علي دم الغلابه ، علشان كده الواحد لم يرجع من السودان لبلد الاغتراب واول ما الناس تسالوا "كيف البلد؟" يقعد يسب في الباعوض .....
اقترح انو الواحد قبل شهر من زياره البلد يكتر من الويكه علشان الباعوض ما يقرب منو
تحياتي...
"وانشاء الله تبقي حياتنا خاليه منك ياملاريا"
|
Post: #7
Title: Re: أنشروها خلي الناس تنوم بمزاج .. براءة إختراع سودانى andquot; مصيدة
Author: Hassan Kamal Hassan
Date: 06-28-2013, 06:37 PM
Parent: #6
معذرة...
هذه صوره للمصيده ...اعلاها باللون الازرق حافظه لوضع ال Dry ICe مصدر الغاز ، عا ده يتم وضعها قبل الغروب وجمعها في الصباح قبل الشروق يعني اوقات الباعوض الحايم باليل ،
ال Dry ICe او الثلج الجاف مصدر للغاز لمده طويله حوالي 8 ساعات اما الخميره فا اقل من ذلك ....
ودمت...
|
Post: #8
Title: Re: أنشروها خلي الناس تنوم بمزاج .. براءة إختراع سودانى andquot; مصيدة
Author: Hassan Kamal Hassan
Date: 06-28-2013, 06:45 PM
Parent: #7
AbuUbaida Baghadi · Omdurman Ahlia University
"غايتو اتمنى انه ينجح لانه انا زارع كلية ومحتاج لي جو خالي من البعوض"
اخي الفاضل متعك الله بالصحه والعافيه لو مشيت اداره مكافحه الملاريا ممكن يعطوك ناموسيه معقمه ، مفترض تكون مجاني لو ما ادوك رسل لي اميل علي [email protected] وانشاء الله ادلك علي شخص ممكن يوفرها ليك ،
.
.
.
.معليش ياجمال البوست دا خشينا في توش ...تحياتي
|
|