Post: #1 Title: هل طلبة الثانويات حصل عليهم قصة النمر البقى قط ؟ لقاء مع اول الشهادة Author: بكرى ابوبكر Date: 06-26-2013, 05:05 AM Parent: #0
غايتو زمان ده كان حجمنا فى ثانية ابتدائى......دينك .....قلنا الرغيفة تبقى لقمة ما مشكلة....... لكن الشافع يدخل الجامعة دى اكبر مشكلة ...غايتو يا سبدرات العملتها فى السلم التعليمى ما بتمرق بالساهل
Post: #2 Title: Re: هل طلبة الثانويات حصل عليهم قصة النمر البقى قط ؟ لقاء مع اول الشها Author: بكرى ابوبكر Date: 06-26-2013, 05:11 AM Parent: #1
لقاء اول الشهادة السودانية لعام 2013 احمد منصور محمد حسن من مدرسة الشيخ مصطفى الامين
Post: #3 Title: Re: هل طلبة الثانويات حصل عليهم قصة النمر البقى قط ؟ لقاء مع اول الشها Author: عادل خياري Date: 06-26-2013, 05:59 AM
سلام سيد الحوش انت عارف اخر مرة مشيت السودان عندي صاحبي عضو المنتدى منصور الطيب استاذ في الجامعه كلية الاداب مشيت ليه في الجامعه واول تعليق على الجامعه يااستاذ طلبتكم ديل مالهم شكلهم صغار كدة لسه تحس انهم مازي طلبة الجامعه زمان فكان رده على ملاحظتي فعلا اولاد صغار ياخي ديل لسه بتساككوا في الممرات اتخيل يابكري دي جامعه الخرطوم الكانت تهز وترز وتطلع مظاهرات تغير نظام الحكم طلبة حجم صيني
Post: #4 Title: Re: هل طلبة الثانويات حصل عليهم قصة النمر البقى قط ؟ لقاء مع اول الشها Author: محمود بكر Date: 06-26-2013, 06:32 AM Parent: #3
تعرف ياريس في الاجازة تطرقت لذات الموضوع مع شقيقي وهو استاذ جامعي قال لي ان الطلبة لعبهم داخل الجامعة سك سك وده حقيقة رغم نحن عندما دخلنا الجامعة كنا في الثامن عشرة لكن العود كما يقال كان فاره وقوي . هذا يعني ان الاحجام بدات تصغر وادل على ذلك ملاحظة الاجتماعيين مؤخرا ان سن المراهقة للشباب تقدمت فبدلا من ان كانت تبدا من الخامسة عشرة اصبحت في الحادية والثانية عشرة تخيل ماذا سيكون الامر بعد عشرين سنة تحياتي
Post: #5 Title: Re: هل طلبة الثانويات حصل عليهم قصة النمر البقى قط ؟ لقاء مع اول الشها Author: أيمن محمود Date: 06-26-2013, 07:14 AM Parent: #4
اولا: الناس زمان بتخش المدرسة كبيرة - 7-8-9 بشكل عام في مدن وقرى السودان، وخلي بالك اغلب طلبة الجامعات في زمانكم بكونو من الاقاليم ثانيا: احتمالات التعثر في الدراسة كانت اكثر ، ترك الدراسة ثم العودة مرة اخرى لاسباب متعلقة بالزراعة او الرعي او بسبب عدم القناعة الراسخة باهمية التعليم ووجود حلول بديلة ! ثالثا: مسألة انو في سنة واحدة فقط نقصت من السلم التعليمي من المنطقي انها ما بتؤدي للفارق الكبير ده في الاعمار !
