سودانيون وانجليز يتظاهرون ضد نظام البشير في مانشستر يوم 30

مانشسـتر تتأهـب لمـظاهرة كـبري

حدد يوم 30 من الشهر الجاري لقيام مظاهرة كبري بمدينة مانشستر بانجلترا تشارك فيها كل قوي
المعارضة السودانية بكافة كياناتها السياسية واكادميون ونشطاء سياسيون وتشارك فيها منظمات
حقوقية ونقابات وشخصيات اكاديمية بريطانية . والغرض من المظاهرة هو كشف جرائم النظام
الحاكم في السودان للعالم الخارجي من كبت للحريات العامة وتكميم للافواه والقتل والابادة والاغتصاب
وجلد النساء وقذف المواطنين الابرياء في جنوب كردفان والنيل الازرق ودارفور بالطائرات والراجمات
وسرقة اموال الدولة مما ادي الي افقار الشعب وانتشار المجاعات والعطالة والهجرة.
كما ستناشد المظاهرة دول الاتحاد الاروبي والامم المتحدة و المحكمة الجنائية الدولية بأتخاذ خطوات
سريعة للقبض على الرئيس السوداني عمر حسن أحمد البشير, المتهم بالابادة البشرية والتطهير العرقي
وجرائم حرب في دارفور, والضغط علي النظام في الخرطوم ليحترم حقوق الانسان كما جاءت في المواثيق
الدولية, ويوقف الحروب التي يشنها ضد شعبه. كما ستوجه رسالة الي المجتمع الدولي وخاصة المنظمات
الانسانية لتقدم المساعدات العاجلة لللاجئين والنازحين الذين يتعرضون للتجويع والامراض ولكوارث تفوق
التصور.
ستخاطب الكيانات السياسية جماهير المظاهرة لتكشف الجرائم التي ترتكبها السلطة في السودان.
وكان مؤتمر البجا هو الذي بادر بالدعوة لهذه المظاهرة فوجدت المبادرة كل الترحيب من كافة قوي المعارضة
بمانشستر والمنظمات الديموقراطية والنقابية البريطانية وعلي رأسها
RAPAR Humans right organization, Waging Peace, Unite the Union, Manchester Trades Union Council, Common Word Organization

وسيتم اللقاء في شارع اوكسفورد يوم الاحد الموافق الثلاثين من الشهر الجاري ابتداء من الساعة الثانية عشر ظهرا.
ويأتي هذا النشاط ضمن حملة واسعة تنتظم كافة ارجاء المعمورة يقوم بها السودانيون واصدقائهم
لكشف النظام الدموي بالسودان وجرائمة والسعي لاسقاطه بكافة الوسائل
Date/Time: 12:00 to 16:00 Saturday 30th June 2013
عنوان نقطة التجمع
Location: Oxford Road, Manchester, All Saints, opposite 125 Oxford Road, Manchester M1 7DU.

DEMONSTRATION IN MANCHESTER

Beja Congress in the UK and Ireland would like to request all Sudanese people in the UK to take part in a demonstration in Manchester on

Sunday 30th of June in Oxford Road at 12.00 pm.

Assembling at All Saints on Oxford Road
It will be 24 years since the Sudanese democratic Government was overthrown by Omar Al Bashir. In South Kordofan, Blue Nile, Northern and Eastern Sudan countless crimes against humanity have been committed against innocent people. The Beja Congress calls upon all Sudanese, youth, men, women and children to join us in putting an end to these crimes.
We strongly condemn the continued deliberate killing of innocent civilians by the regime forces and their methods of waging war on the Sudanese people.

Your participation is important.

Quote: RAPAR Humans right organization, Waging Peace, Unite the Union, Manchester Trades Union Council, Common Word Organization

شغل منظمات يا ربى اجعلوا خير

Quote: شغل منظمات يا ربى اجعلوا خير

ومن اهم اسباب نجاح العمل السياسي المعارضي هنا في الخارج هو قدرتك علي
كسب اكبر عدد من منظمات المجتمع المدني لتقف الي جانبك وتؤمن بقضيتك وتساعدك
في الضغط علي الحكومة والعمل الاعلامي والسياسي.
بكسبك للمنظمات بما فيها النقابات والمنظمات الطوعية تستطيع الوصول الي المواطن
العادي والذي يقوم بدوره الضغط علي اصحاب القرار ولولا مثل هذه الضغوط الشعبية
لسرحت ومرحت الحكومات الغربية وشركاتها مع الانظمة الدموية من امثال نظام
البشير الدكتاتوري وغيره من الانظمة الشريرة.
يظهر عليك ماعندك ادني فكرة عن العالم الخارجي وسامع بالمنظمات من تلفزيون السودان
المعني هنا هو كسب المواطن العادي والعمل علي مستوي الشارع وهذه المنظمات لها شكوك
ورأي مختلف تماما وتعمل بهمة بنشاط ضد توجهات حكوماتها والشركات الاحتكارية وتقف مع
قضايا المواطنيين العاديين في دولنا ولذلك تجدهم بالملايين يتظاهرون وينظمون الاعتصامات
لمصلحة الشعوب المستضعفة في بلدان العالم الثالث. والمواطن العادي هنا يكتب لعضو البرلمان
ويقوم باستضاحه في اي قضية ويكتب الي الحكومة والحكومة ملزمة بالرد عليه ويجمع التوقيعات
لاجبار البرلمان علي مناقشة الامر اذا بلغ عدد التوقيعات عددا محددا. فالمواطن العادي في هذه
الديمقراطيات الراسخة لديه قوة معتبرة ولذلك يتزاحم اصحاب القضايا في كسبه. فتجد حملات
مساندة الشعب الفلسطيني وحملات مساندة الثورة السورية وحملات حماية غابات الامزون كلها
تعمل علي كسب المواطن العادي. ونحن السودانيين ننافس غيرنا في كسب المواطن مع قضايانا.
فلذلك نحتفط بسجل لكل الاصدقاء ونعمل باستمرار لكسبهم والحفاظ علي زخم قضايانا.
فهمت المعني

Quote: يظهر عليك ماعندك ادني فكرة عن العالم الخارجي وسامع بالمنظمات من تلفزيون السودان

يظهر على دى حلوة يا جعفر

وحاتك انا تيلفزيون السودان لى منو 25 سنة

وكلامك عن المنظمات على المستوى النظرى سمح بالحيل

لكن صدقنى يالحبيب وانا ساكن فى مدينة اكتر حاجة فيها المنظمات واسهل حاجة تعمل ليك منظمة

احكى ليك قصة لو عندك شوية وقت

انا القدامك دا جانى واحد فى بكانى نيجيرى بعرفو من زمن مو قصير

اها صاحبك فاعل فى الكميونتى النيجيرى وبتاع شغل جاليات ومنظمات

ومشكلة دارفور " عافاها الله " كانت فى اوج عنفوانا - وكانت حديث المدينة

صاحبك جاب لى الرسايل والايمالات البتصلو من عمك اوباما بحسبان انو راجل ناشط سياسى ومهتم بقضايا القارة السمراء

المهم - صاحبك بعد نقاش طوييييييييييييييييل عن السودان جنوبو وشمالو وغربوا رماها لى لب

قال " رايك شنو نعمل منظمة لشرح ابعاد قضية دارفور ونورى الراى العام الامريكى المجازر التى يرتكبها نظام الخرطوم ضد الافارقة السود"

قلت ليهو كلامك سمح وليه لا ودى نعملا كيف ؟؟؟

اها دخل فى الغريق على طول وبدأ يتكلم عن الدعم المادى الذى يمكن ان يصله من هنا ومن هناك

اها زولك دا ما زال مدور وعلى استعداد يجى يتكلم عن مشكلة السودان فى اى وقت وكلو بى تمنو

دحين يا جعفر ياخوى المنظمات الكتييييييييييييييييييييرة المهتمة بأمر السودان ما تطمئن ليها كلها

فيها الكثير الذى يعمل من اجل أهداف بعييييييييييييييييييييدة عما تريده انت والمخلصين امثالك

وهناك الكثيييييييييييييييير من المنظمات التى وراءها سودانى وله اتنين برضو مشغلة ماكينة مشكلة الاقليات والهامش وهلم جرا

لكن فى النهاية هدفا لقف ثم لقف ثم لقف

ولو متذكر هنا فى حوش بكرى العوة القامت بين اصحاب المنظمات والاتهامات المتبادلة والتى كشفت الكثيييييييييييير مما كان تحت السطح

على كل نحن قلنا خير يارب اجعلو خير

دحين ما تزعل اخوى وما تنسى تصور المظاهرات لزوم التوثيق

حكمة اليوم

( السودان دا مافى شى غتس حجرو غير المنظمات الأجنبية )

سمح
التجهيزات حسب علمي التجهيزات جارية قدم وساق
ونرجع ليك يا أخونا حسن حماد

يا اخوي حسن حماد
بدل ما تختصر المنظمات في تجربتك مع النيجري كان تشوف انا بتكلم عن ياتو منظمات
منظمات حقوق انسان ونقابات عمالية واتحادات عمال انت ما تجرب عمك قوقل وشوف
انا بتكلم عن شنو بدل تجيب لي النيجري.
أوع يكون النيجيري دا قبضك بأيميل ... حاسب