القنصل العام بجدة يأمر بالتحفظ على المستشار محمد ادم الضي

المستشار محمد ادم الضي رهين الحبس بقنصلية جدة

كيف يعني؟؟

القنصلية فيها حبس كمان؟؟

اقتباس من صاحب الخيط:-

المستشار محمد ادم الضي رهين الحبس بقنصلية جدة
...........................................................

لا دي واسعة شوية

Quote: اقتباس من صاحب الخيط:- المستشار محمد ادم الضي رهين الحبس بقنصلية جدة ........................................................... لا دي واسعة شوي

اخونا قرجة ،، قبل ما توسع الامور وتضيقها
اصبر شوية نديك النجيضة
وسمح الكلام في خشم سيدو

" /> ">

Quote: Mohammed Adam Eldai Eldai منذ ‏منذ 4 ساعات‏ عبر ‏الهاتف المحمول‏ · القنصل العام خالد الترس بخطاب من عنده يسلم محمد ادم الضي السلطات السعودية اثر مشادة كand#65275;مية بينهما امام جمع غفير من الحضور بمباني القنصلية بجدة

كنت على اتصال مع الرجل قبل قليل
وافادني بانه في انتظار تحويله من القنصلية
الى قسم الشرطة المختص بشمال جدة

هؤلاء كهلتر ربما يكون اقل حذر من الخصوم ولكن اشد بأساً بمن بمن يخالفهم من داخل الحظيرة .......لانهم يعدونه خائن وما اكثرها توزيعاً هذه الايام

يا جماعة.

كيف يتم تسليم رجل دبلوماسي الى الشرطة السعودية؟
هذا كلام لا يدخل العقل.
إلا إذا كان ذا المستشار ليس بدبلوماسي وتم تعينه تعين محلي.

البدلوماسي لا يتم القبض عليه إلا بعد موافقة دولته برفع الحصانة عنه.

أخي الأستاذ عبدالماجد
لك الود والتحايا الطيبات
قلقون جداً على وضع الأستاذ الضي
أرجو التفاصيل المطمئنة .... تحياتي
لكل الإخوان طرفكم ....

الاخوة المتداخلين
اعتذر عن اللبس الذي حدث بسبب كلمة مستشار التي وردت في الخبر
استاذنا محمد ادم هو مستشار قانوني
في احد الشركات بجدة
وليس مستشارا بالسفارة .

استاذنا قدور تحياتي
اعتذر عن عدم تواجدي في الساعات الماضية
الحمد لله تم اطلاق سراح استاذنا محمد ادم مساء امس من شرطة النزهة بجدة

\\



\\\\



شكرا اخى المستشار والنسيب الحبيب عبد الماجد على الاتصالات والمجهود اتلكبير الذى

بذل والمساعى الحميدة من الاخوة الحقوقيين من اجل الناظر القاضى والمستشار محمد ادم الضى\

والف حمد لله على السلامة \

وياليتها كانت كاملة

تصرف مدان من قنصل نظام البشير.
أين الرفاعي حجر ليروي لنا ما حدث؟

\\\\\




الحمد لله رب العالمين

اخونا ياسر تحياتي
وشكراً على المرور

اخونا شيخ السماني
تحياتي وتقديري
وشكرنا العميق
لسرعة استجابتك
ووقفتك معنا .

محمد ادم وبحمد الله
ربنا سهل امره وخرج من الحبس
بي وقفة زملائه وبعض وجهاء جدة ،
والباقين من زملاء حبسه ربنا يكون في عونهم ،
-------
-------
------

والباقين ديل قصصهم فيما يلي :

Quote: • Mohammed Adam Eldai Eldai‎‏ ليس محمد الضي وحده الما عندو ضهر، بندق على بطنو أدناه بعض الأسماء من المظلومين الذين سلمتهم القنصلية بجدة بمجب خطاب منها كانوا معي بمخفر شرطة حي النزهة ... وقد وعدتهم لجنة (الجودية) يوم السبت الماضي بحل الاشكال بينهم وبين القنصلية، وقد حاولت الاتصال عليهم ولكن جوالاتهم مغلقة ، ولكن علمت انهم لا يزالون قيد التوقيف لدى الشرطة وهم: 1) الجاك محمد نور ، سوداني ، بديري ، من أهالي جبرة الشيخ : قال جيت القنصلية لتصحيح وضعي، قالو لي امشي جيب (برنتي) من الميناء ، مشيت المينا ، هناك قالو لي امشي راجع سفارتكم انت معاك جواز ، رجعت لقيت مهند البجيب الجوازات بقولو لو اللواء، قام طوالي نهرني ومسك جلابتي من وراء وقببني أنا حاولت اتخلص منو قام ضربني هو ومعاهو ناس تانين اتلمو علي ضرب ورفس بالرجلين... 2) عبد العظيم الأمين حجاز ، سوداني، حساني من أهالي القطينة، يقول أنا جيت لاستلام فيزا اضرارية ، قابلت الضابط المسئول (نحتفظ بالاسم) وكان زول ود ناس، قال لي الفيزا بتاعت ضاعت، لكن ليك علي نعمل ملف جديد ، امشي جيب لي صور، وتعال نعمل ليك بصمة جديدة ، تعال لي طوالي ، ما تمشي بالشباك.. وانا مشيت عملت الصور، والبصمة ، وانا طالع لقيت المسكين دا بضبربو فيها جريت أحجز ... انا زاتي اتلمو علي ضرب وطوالي سلموني الشرطة .... 3) محمود حمد موسى، سوداني، الجزيرة المناقل، انا موضوعي زي موضوع الجاك ، جيت السفارة اكتر من كم يوم ، جاري، آخر شي قالو لي امشي جيب برنت الدخولية ، مشيت الميناء ، العسكري قال لي ارجع لسفارة بلدك ... جيت ، ولمو فينا ضرب ، مهند وجماعتو انا جريت فزيت عديل، لحقوني عن ستتات الشاي وسلموني للعسكري السعودي بعدين سو الخطاب وجابونا لي هنا ... والنبز القالو كتير ما في داعي لشرحو.. هذه قصة سودانيين تم القاء القبض عليهم ومطاردهم من داخل مباني القنصلية بجدة .. وتم تسليمهم السلطات السعودية بموجب كتاب رسمي من القنصلية العامة السودانية أعجبني • • المشاركة • منذ 3 ساعات •

\\\\


ماذا قال سفير قطر

Quote: \\\\ ماذا قال سفير قطر

قال ... شنو ؟؟؟؟؟؟؟؟؟؟؟؟؟؟؟ .

؟؟















؟؟

مشاركة على الفيسبوك أدناه :

Quote: Mohammed Adam Eldai Eldai · جامعة الخرطوم ـ كلية القانوني تبلغت الآن أن المذكورين أعلاه لا يزالون في الحبس بمخفر الشرطة، وانه في حالة عدم وصول خطاب من القنصلية يأمر باطلاقهم عند الواحدة من ظهر هذا اليوم سوف يتم نقلهم الى (عنابر أوسع) ربما تكون (الترحيل) .... وذلك بحسب أن توقيفهم تم بايعاز من قبل جهة رسمية محترمة وفق النظام وهي قنصلية بلدهم، ولذلك لا داعي للتحقيق معهم ...لأن كلام القنصلية مصدق ... رد · 3 · أعجبني · متابعة المنشور · منذ ‏2‏ ساعتين

منقول من حساب الاستاذ/محمد ادم الضي في الفيسبوك :

الرواية الرسمية في مقابلة الرواية الأهلية الشعبية

Quote: Mohammed Adam Eldai Eldai‎‏ الرواية الرسمية في مقابلة الرواية الأهلية الشعبية كثير من صور التاريخ المكتوب تمثل الرواية الرسمية كما أملتها السلطة القابضة على زمام الامر حينئذ على كتبة البلاط الحاكم... إلا أن هذه الرواية الرسمية دائما ما تصادمها روايات أهلية شعبية ، يركن اليها الناس ويطمئنون لها، في الغالب الأعم ، لكونها تشتمل في طياتها على حقائق ، وبيانات تدحض الرواية الرسمية ... فلذلك نجد ذوي البصيرة الباصرة كثيرا ما يتورعون في الاستناد على الرواية الرسمية لوحدها قبل اختبارها وغربلتها برغبال (منخال) الرواية الشعبية الأهلية ... لذلك ولما كثر اللغط حول المشادة الكلامية التي دارت بين طرفين اثنين (تلاسنا، وتلافظا ) على بعضهما البعض ، وكان أحدهما يتمترس خلف حصانة بموجب أعراف دولية مرعية، والآخر مكرم، كغيره من الناس، بالتكريم الإلهي الأزلي لبني آدم ... لذلك رأيت وقطعا للتخرصات والتأويلات أن اسجل ما حدث من وجهة نظري فقط ، لأن الوصف الكامل قد لا يتحقق الا من أوجهة متعددة، وبأعين مختلفة، وفهوم متنوعة، وحتى لا أسلب الآخرين حقهم في تقييم الأشياء من منظور مستقل ... لأن الحكم على الشيء فرع من تصوره ، رأيت من الأولى أن أبدأ بالرواية الرسمية بحسب ما ورد في خطاب القنصلية الموجهة لجهة الاختصاص بالبلد المضيف، وهو مرفق هنا... ويحمل التروسية والشعار الرسمي لدولة السودان والتوقيع والختم المعتبران رسميا ، والذي بموجبه تم إطلاق سراحي من مخفر الشرطة عشية يوم السبت الموافق 22 يونيو 2013م....

up

Quote: 1) الجاك محمد نور ، سوداني ، بديري ، من أهالي جبرة الشيخ : قال جيت القنصلية لتصحيح وضعي، قالو لي امشي جيب (برنتي) من الميناء ، مشيت المينا ، هناك قالو لي امشي راجع سفارتكم انت معاك جواز ، رجعت لقيت مهند البجيب الجوازات بقولو لو اللواء، قام طوالي نهرني ومسك جلابتي من وراء وقببني أنا حاولت اتخلص منو قام ضربني هو ومعاهو ناس تانين اتلمو علي ضرب ورفس بالرجلين... 2) عبد العظيم الأمين حجاز ، سوداني، حساني من أهالي القطينة، يقول أنا جيت لاستلام فيزا اضرارية ، قابلت الضابط المسئول (نحتفظ بالاسم) وكان زول ود ناس، قال لي الفيزا بتاعت ضاعت، لكن ليك علي نعمل ملف جديد ، امشي جيب لي صور، وتعال نعمل ليك بصمة جديدة ، تعال لي طوالي ، ما تمشي بالشباك.. وانا مشيت عملت الصور، والبصمة ، وانا طالع لقيت المسكين دا بضبربو فيها جريت أحجز ... انا زاتي اتلمو علي ضرب وطوالي سلموني الشرطة .... 3) محمود حمد موسى، سوداني، الجزيرة المناقل، انا موضوعي زي موضوع الجاك ، جيت السفارة اكتر من كم يوم ، جاري، آخر شي قالو لي امشي جيب برنت الدخولية ، مشيت الميناء ، العسكري قال لي ارجع لسفارة بلدك ... جيت ، ولمو فينا ضرب ، مهند وجماعتو انا جريت فزيت عديل، لحقوني عن ستتات الشاي وسلموني للعسكري السعودي بعدين سو الخطاب وجابونا لي هنا ... والنبز القالو كتير ما في داعي لشرحو..

الحمد لله تم اطلاق سراح المذكورين اعلاه بمجهود مقدر من السيد/ حاتم سر الختم والمجموعة التي قادت جهود الوساطة مع القنصلية ، لهم التحية والتقير .

Quote: Mohammed Adam Eldai Eldai منذ 2 ساعات • • بيان بالملابسات والوقائع وذلك حسب علمي في افضل الحالات تقديم غير لازم كان يوم السبت الموافق 15 يونيو 2013م يوما غير عادة ، فالسبت كبداية اسبوع مؤشر لدوام عمل يزاحم بعضه بعض، وكان في جدول أعمال ثلاثة اجتماعات بمقر العمل... الا ان السبت نفسه كان هو اليوم الذي قطعته مع عائلتي لاستخراج جواز جديد لابنتي ، لزوم ضرورة فصلها عن جواز امها بغرض تجديد الاقامات حسب توجيهات مسئول متابعة الدوائر الحكومية بالشركة، وكان ذلك يوم الاربعاء الموافق 12 يونيو ...

نواصل ................

Quote: مشهد ايضا غير لازم وصلت مع زوجتي وابنتي الى مباني القنصلية باكرا صبيحة ذلك السبت ... على أمل ان تكتمل اجراءات تجديد الجوازات واستخراج جنسية البنت في وقت معقول، على اقل تقدير نهاية اليوم ... كانت الطوابير الطويلة ملتصقة بجدار القنصلية من الناحية الشمالية والجنوبية ... فالبعض من الناس يصلي سنة الفجر ، وليس فريضة الفجر ، ربما على كرتونة مفروشة على الارض في الصف ... قلت لأهلي شكلها ما في طريقة الليلة ... ولكنهم شجعوني ولو بتسليم الأوراق اليوم ، وبعدين امشي الشركة ... كان ذلك ونحن لا نزال في السيارة نراقب (بكلام ناس الرياضيات تضاغطات وتخلخلات) الطابور وهو يتدافع ... العسكر واقفين طابور ايضا ولكن بغرض التنظيم ، ورد المتسللين من هنا وهناك .... نزلت ودنوت من احد العساكر، اشار الي ان اذهب الى كبيرهم ... فرحت اليه ... قال : إذا كان المعاملة تخص العائلة رح وهاتم معاك ... يدخلون ... قلت الحمد الله ... هذه اشارة خضراء أولى ...

نواصل ....................

Quote: فصل اولي لازم اولا تبادي وانت داخل على الصالة بلاقيك البوخ طالع ... ويديك إشارة طوالي ... بانو انت حر ، اخير ليك جو، ولا برا ... والقرار عندك ... بالداخل كان الطقس يغلي، برغم وجود اكثر من مكيف لتبريد الجو ... ولكن لا يوجد مكان لأخذ النفس ... الحكاية كلها مجابدة ... على طريقة انا اقدر منك ... وانت اقدر مني ... المهم حصلت على الملفات المطلوبة ... وقمت بتعبئتها وفق المتبع ... خلاص كدة ... باقي ليك شباك السداد ... امشي الشباك داك ... كم يا سعادتك ... كم جواز معاك ... تجديد تلاتة ... وجنسية وجواز جديد ... دفعت الفيها النصيب ... خودك ملف الجنسية والجواز الجديد ... امشي الضابط للتحري ... الجوازات التلاتة ... تمشي البدرون ... يكون جهزن وتستلمهم بعد ساعة كدة ... وذهبت للضابط المسئول ... كانت المدافرة معركة حقيقة لكي تصل اليه، عمة شنو جلابية شنو ، وقيافة شنو ... أدفر بس، الحمد الله زولك ما كان لابس شبط، ولا مؤاخذة ... استلمت الشباك، السلام عليكم سعادتك ... يستلم الملف ، وعليكم السلام ... ينظر فيه بسرعة ... لأنو دي شغلتو وعارف داير شنو، وبلقاهو وين في الورق ... الضابط : وين الاصل بتاع جواز الأم ؟ ... مشى التجديد ، سعاتدك ... لا زم تجيبو بعد تستلمو ، لأنو ما حنسلمك الجنسية الآ بأصل الجواز ، عشان بفصلو منو البنت ويتختم ... حاضر ... عند ورقة ناقصة ... شنو دي؟ امشي جيب صورة تانية من شاهدة ميلاد البنت ... لا اله الا الله ... رحت السيارة ، قلبك قلبك، فتش فتش، الحمد الله لقيت صورة مختومة بختم اصلي بانها مطابقة للأصل جبناها من ملف المدرسة... طبعا المرة دي ما تقيف في الصف ... الحكاية زي العيادة كان الدكتور قال ليك امشي سوي الفحص دا، بتسوي وبتجي راجع ... وبتدخل طوالي ، ما عشان الملف جوا ... يا اخي ناقصة ورقة، وكملناها ... وناس كتار زي حالتي دي... وصلت الشباك ... سعادتك ... الضابط: جبت الصورة ؟... أيو ... يستلم ، خلاص، بس قدامك ملفات ... امشي اجلس ... لما تسمع اسمك بالمكرفون ... جيب البت وتعال ...

نواصل ...............

واصل ونتابع

\\



فى خبر عاجل من الاخ المستشار محمد ادم الضى علمت بان الاخ حاتم سر الختم قام

قام باطلاق المسجونبين بكفالة شخصية الى ان تنتهى القضية



جزى الله الاخ حاتم سر الختم الف خير

Quote: \\ فى خبر عاجل من الاخ المستشار محمد ادم الضى علمت بان الاخ حاتم سر الختم قام قام باطلاق المسجونبين بكفالة شخصية الى ان تنتهى القضية جزى الله الاخ حاتم سر الختم الف خير

اخونا السماني ،،، تحياتي
ونواصل ان شاء الله

Quote: طال الانتظار ... نفس طالع ... نفس قايم نازل ، واقف جالس ... شاي ، قهوة ... برد ... آلاء محمد آدم الضي ... يصرخ المكرفون ... ولو انو الضابط .... كان صوتو بي فوق للمركفون بزيادة شوية ... وما بحتاج ينفخ ... جري ... تعالي يابت ... فج ، فج ... انا سمعت اسمي ، مبروك واحد ظريف ودمو خفيف، يبشرني بطريقته الخاصة ... ربما يريد ان يحلي الجو شوية ، والظرفا الزي دي كتيرين ... خلو الراجل دا يا جماعة يوصل ... وسعو شوية الله يوسع عليكم ... وصلت ... الضابط : وقع لي هنا ... وابصم هنا ... وهنا كمان ... بعدين هنا .... وهنا تاني ... وينا البنت ؟ اها ديك ... كدي افتحن ليها يا نسوان ... بسرعة شوية ... وصلت: ابصمي هنا ... بعدين هنا ، وهنا كمان .... الحمد الله .. اها سعادتك، اجي بكرة ولا بعد الدوام، انا مشغول وجاري لاحق الشركة ... بكرة شنو ، ونهياة اليوم شنو ... داير ليك اقل شيء تسعة يوم عشان ما تستلم ... الدهشة كتمت نفسي ... تابع مفسرا الأمر ... شايف بنفسك الحالة كيف ... رجعت ... سعادتك لو تسمعني شوية أشرح ليك ظروفي وانت وتقديرك بعدين ... ظروفك شنو ... ظروفي ... ظروفي ... البنت دي لو ما لحقت ، لأنو تجديد الاقامة مربوط بيها ، هي على كفالتي ... وحضيع فرصة التسجيل الجامعي عليها ... انا عندي مشكلة في الوقت ... الضابط: والله ما اقدر اسوي ليك حاجة مع الزحمة دي، لاكين راجع مدير الجوازات، واشرح ليهو ظروفك يمكن يمشيك ، هو عندو صلاحية ... انا ما عندي ... ما في حل الا كدا ... طيب ما تدني مذكرة ، عشان يمكن يدخلوني عليهو ، لأنو الناس بهناك كتار ... تذكرة الواحد يرفعا فوق ويقدر يحاجج بيها ... الضابط يكتب ... وشرح الظروف في كلمتين منها لتكرم بتحديد مواعيد لظروفه ... اها ... اخذت العيال ... لزوم الترانسيت ... ومشينا بهناك الين البوابة الجنوبية ... ها زول الله لا وراك بهناك ... بهناك حاجة تانية ... مختلفة خالص ... الحكاية جايطة ... جوطة شديدي بلحيل ... حابل ولقي نابل ... مشهد تاني غير ملزم

نواصل ،،،،،،،،،،

Quote: o ............................................................... ............................. لسا نحن في السبت القبال الكلام مافي ركن ولا زقاق الا وفيه زول واقف ولا مرة جالسة ولا واقفة ... اهو داك القنصل بتكلم: قوموا من هنا ... ما اشوف لي زول تاني هنا ... عبط ... حقيقة انا اتحصبنت عشان ما يشوفني، ويقوم يهرشني معاهم ... تسللت مع عيالي براحة قبل ما يشوفنا ... وعشان ربنا ما سوا لزول عيون في ضهروا ... ما شافنا .. طلعنا فوق لي عن مكتب مدير الجوازات... مليان خلاص ، البكان فل ... اها قلت لعيالي انتو اقعدو لي هنا ... في الممشى دا .. وخلوني اشوف طريقة اقابل بيها المدير ... الحاجب متعارض على الباب: شوف يا زول كان ما عندك ورقة ما تحرجنا ... كان دخلناك ... بقول لينا ليه دخلتو ... وكدا تكون دخلتنا في احراج ... قلت ليه، وقد ابرزت المذكرة ... إلا ، معي مذكرة ... الحاجب : طيب انتظر لما يجي دورك ، هو الان بفطر ... بعدين تدخل ... فرحت ... بجد فرحت ... الا انو الراجل لسا ما كمل فطورة ... الباب فتح ودخلونا عليه ، ودخلن كما ستات كسرة انا بعرفن من بني مالك ... وكما مرة تانية ما شفتها قبال كدة ... قعدن وقبالنا كان في ناس تانين ... وكان في راجلين قاعدين امامو ... ونحن قعدنا في الكراسي بتاعت الجلوس وفي ناس واقفين ... واحد من الرجال القاعدين خلص كلامو مع المدير ... وقام مارق لعى جهة الباب ... بعدين المرة القصيري قعدت في محلاتو ... طوالي ... الراجل التاني ... كان جالس قبلها ... بس خلالها تتكلم ... المرة دي ما صغيري ... كبيري في السن زي سبعين سنة وكدة ... ولكن بتعرف تتكلم بكلام مفهوم ... وهادي ... اها من الكلام ... ونحن امنسمع ... (فلاش باك) : المرة القصيري دي جات قبل كدة وقابلت مدير الجوازات زاتو ... وقدمت ليهو تذكرة سفر قديمة جات بيها من السودان قبل كم سنة ... التذكرة دي فيها اسمها ورقم وثيقة السفر الجات بيها قبل زمن وقالت ضيعتها .... وانو المدير قال ليها انا اعرفك كيف دي انتي ... المسكينة ... مشت واتصلت على عيالها في السودان ... وورتم الحاصل ... قامو لقو ليهم زول مسافر وادوهو جوازا زاتو الفيهو صورتا واسمهما ... ويا مؤمن يا مصدق ... فرحت زي فرح العيال الصغار ... وركبت جواد القش ... وهاك يا قنصلية ... قالت جاي تقنع المدير بجوازا القديم انو الاسم الفي التذكرة حقت السفر دي هي زاتا ... وعشان انا باقي حفيييييظ ، نقول ليكم الحصل شنو ورفع لي الضغط (التحتاني) ..