Post: #1
Title: شوفت الرسول يا ارزقى ياكــــــــــــــــــــــــــــــــوز معتق وامنجى
Author: معاوية عبيد الصائم
Date: 06-22-2013, 05:13 AM
الشاعر محمد معروف :
شفت الرسول؟
ياكوز امورو ملخبطة ؟؟
شفت الرسول ؟؟
وكمان معاهو الفاسقين
الغارقين فى بير فساد؟؟
وماكلين قروش نص العباد ؟؟
شفت الرسول يا ارزقى
ياكوز معتق وامنجى
ما بتختشى؟
حتى الرسول
لاحقنوا
بكومة نفاق?
ما اصلك الكوز المعاق
حلمك دجل
بكل عجل.. كذبت قدام رجرجة
وهرجلت باعلاك صوت
ورجفت حد الارتعاش
ضحك الجميع على ربكتك
بكى اخرين
على ها الرزيلة المستفضة مبجحة
وهاااااااان الوطن
جات كبوتو
جيتنا انت مرهون بالنفاق
ياكوز ملخبط ومنتشى
ياكوز اضيفت على قرفنا
طمام كتيييييير
وخليتنا عايشين فى مغص
لكنها المعهود فيك
فى اسيادك اولاد ال…..
شفت الرسول؟؟ ذات الرسول؟؟
النحنا نحبوا
ونصلى عليهو تمام
والا الرسول الانت قاصدو نفر جديد؟؟
ورينا قبل ننفجر
اوعاك تكون قاصد رسل زمن الهوان
اوعاك تكون قاصد رسل من ناس فلان
يبقالى قاصد كوز مرسل
وامنجى
ياهو الرسول الممكن يتحكر مع حلم الغبى
شفت النبى ؟؟
ياكوز بتلهمنا النواح
سيدنا النبى
اشرف من الكذب المباح
واياك تتعدى النبى
وتفكا فينا كما الرياح
قول شُفت
اب عفين حُلُم
ومعاه شله فاسدين
لكن رسلونا عدييل كدة
من يومنا قلنا البنقوا شر
والبشربوا لازم يلخبط
دونيتو
ويفكها فينا
مدوية
|
Post: #2
Title: Re: شوفت الرسول يا ارزقى ياكــــــــــــــــــــــــــــــــوز معتق وا
Author: Abdlaziz Eisa
Date: 06-22-2013, 05:19 AM
Parent: #1
سلامات ول الصائم
زول يكذب اما الملأ وبصورة مخجلة
ويستخدم الرسول أداة في الكذب!!!
هذه أواخر عهد الانحطاط
|
Post: #3
Title: Re: شوفت الرسول يا ارزقى ياكــــــــــــــــــــــــــــــــوز معتق وا
Author: مرتضي عبد الجليل
Date: 06-22-2013, 11:29 AM
Parent: #2
Quote:
شفت الرسول يا ارزقى
ياكوز معتق وامنجى
ما بتختشى؟
حتى الرسول
لاحقنوا
بكومة نفاق?
|
العزيز معاوية :
لا قاع ولا حد يحد نفاق هؤلاء اللصوص
ولكن هيهات. أصبح الشعب السوداني واعيا بما يدور وحتما سيثور ويقتلع العفن من الجذور عاجلا او آجلا.
شكرا لجلبك هذا النص المعبر وشكرا للشاعر الذي عبر عنا بكل صدق.
تحياتي .
|
|