شفت الرسول يا ارزقى ياكوز معتق وامنجى الشاعر محمد معروف

شوفت الرسول يا ارزقى ياكوز معتق وامنجى



الشاعر محمد معروف




شفت الرسول؟

ياكوز امورو ملخبطة ؟؟

شفت الرسول ؟؟

وكمان معاهو الفاسقين

الغارقين فى بير فساد؟؟

وماكلين قروش نص العباد ؟؟

شفت الرسول يا ارزقى

ياكوز معتق وامنجى

ما بتختشى؟

حتى الرسول

لاحقنوا

بكومة نفاق?

ما اصلك الكوز المعاق

حلمك دجل

بكل عجل.. كذبت قدام رجرجة

وهرجلت باعلاك صوت

ورجفت حد الارتعاش

ضحك الجميع على ربكتك

بكى اخرين

على ها الرذيلة المستفضة مبجحة

وهاااااااان الوطن

جات كبوتو

جيتنا انت مرهون بالنفاق

ياكوز ملخبط ومنتشى

ياكوز اضفت على قرفنا

طمام كتيييييير

وخليتنا عايشين فى مغص

لكنها المعهودة فيك

فى اسيادك اولاد ال…..

شفت الرسول؟؟ ذات الرسول؟؟

النحنا بنحبوا

ونصلى عليهو تمام

والا الرسول الانت قاصدو نفر جديد؟؟

ورينا قبال ننفجر

اوعاك تكون قاصد رسل زمن الهوان

اوعاك تكون قاصد رسل من ناس فلان

يبقالى قاصد كوز مرسل

وامنجى

ياهو الرسول الممكن يتحكر مع حلم الغبى

شفت النبى ؟؟

ياكوز بتلهمنا النواح

سيدنا النبى

اشرف من الكذب المباح

واياك تتعدى النبى

وتفكا فينا كما الرياح

قول شُفت

اب عفين حُلُم

ومعاه شله فاسدين

لكن رسولنا عدييل كدة

من يومنا قلنا البنقو شر

والبشربو لازم يلخبط

دونيتو

ويفكها فينا

مدوية