أخرصيحة لبنات الخرطوم( تعالي الليله أرقصي معنا في الزومبا) وب علينا#

Post: #1
Title: أخرصيحة لبنات الخرطوم( تعالي الليله أرقصي معنا في الزومبا) وب علينا#
Author: زهير عثمان حمد
Date: 06-19-2013, 09:48 PM

كنت الليله مع شباب قالوا عندهم فيلم رهيب سألت طبعا قلت ليهم ثقافي قالوا لي أنت والله متخلف ثقافة شنو يا خي بس أنت تعال مشيت وكمان شلت النضارة حقت القراية الفلم دا شنو يالله والموضوع شنو وكلي لهفة عشان أعرف المهم الجماعة عندهم شاشة بلازما رهيبه كانت حقت البلاي أستشين بتاع دكتور خالد خالد قام بجهلاو وكمان عوير من ما يرجع من الشغل حارس الشاشة دي لحدي قريب الصباح المهم طبعا في شقة الانس الجميلة في أخر سوبا الحلة لقيت كل كلاب الليل من منزول العب لحدي مناصر ثورة الشباب حماده الكلامنجي بتاع الاقاشي بالشطة دا كمان حالة نفسية عايز علاج عديل كدا كان المعلب جاهز الدي* في *دي علي الانطلاق بس باقي منصور جنو منو مشي يجيب عشا وسجاير وعصير قصب لانو الجماعة عاملين مقاطعة للمشروبات الغازية المهم جا منصور ديك العده وخلاص كانت ضربة البداية الفلم جاهز وبدأ الفلم حاجة عجيبه والله جد كم من الحسناوات بنات بلد ورقيص رقبة بملابس رياضية والله يا جماعة الحرمان كعب جماعتي شيء يصرخوا و مرة بكاء وعويل وجرسة وجن وحركات ناس بس مساجين السنين أستمر الشريط لنص ساعة كدا لكين أنا ذاتي عرقت وجفيت مع أنو تكييف الشقة ممتاز جدا وبعدها تمت أعادة مقاطع من الشريط حسب جمال كل راقصة وراهابة الجسم وطريقة الرقيص شيء ما شيء يا ود الصايم حاجة كدا تعيد الحياة للميت وترجع الدم في العروق هو الموت الا بالسيف يا ولد ؟؟؟؟
سألتهم كيف أتسرب الشريط دا ليكم يا مرضانين ؟ قالوا الحبشية الشاغلة في الزومبا هي سبب التسريب وأشتروا الشريط منها بخمسماية جنيه بالله شوفوا الفراغ عمل فينا شنو ؟
لكين والله بجد كدا كان أخر صيحة لرقيص الرقبة لبنات الخرطوم الراقية لكين ما زومبا وب وب علينا بجد كدا ما أنوثتنا نصها رقيص رقبة والباقي حنه ودخان !
ربي ما تحرم جميلة من الزومبا وبالله تعالي أرقصي معنا في الزومبا الليله وبوب وبوب وبوبووووووووووووب !!!!!

http://www.youtube.com/watch?v=sjXX_wYF-_M

http://www.youtube.com/watch?v=rKuBKb26BJA

*بالجد كدا دا ما أنا ديل هم والحرمان .
*(هام جدا هذه التسجيلات للذين لا يعرفون الزومبا من قبيل العلم وليس هذه هي الشريط المسرب عرفتو )

Post: #2
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: سيف الدين محجوب
Date: 06-20-2013, 05:13 AM
Parent: #1

شريط
شلة
عصير قصب
شقة
بلازما
سوبا الحلة
تكييف
!!!!!!

صباح الخير يازهير

Post: #3
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: أيمن الطيب
Date: 06-20-2013, 05:51 AM
Parent: #2

Quote: قام بجهلاو
وجنن أهلاو,,,,,,

____________________________
أبوالزهور شيل الحال دا حا يجيب ليك الهبوب
وإحتمال معاها حاجات تانية!!!!

Post: #4
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: Tabaldina
Date: 06-20-2013, 09:46 AM
Parent: #3

..
.
سلام يا زهير
والله صراحة رغم انه موضوعك دا موضوع ما عنده موضوع ولما بقى خيال وشمار منك ساى ..
لكن بالجد المعلومه الفيه دى خطيرة جدا جدا .. ولو بقت فى اشرطة
بتتسرب من مراكز الزومبا .. وبكره اكيد حتنزل اليوتيوب .. ياها الخربت بيوت
وقفلت مراكز ...

------------

بس ما يكون كمان فيه استراحة للشيشة والسجاير وماخفى ,,,

Post: #5
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: أيمن الطيب
Date: 06-20-2013, 09:56 AM
Parent: #4

أبوالزهور بقيت عامل محطة بث خارجى
أبوحراز زاتا ما تلحقك...

تمشى تهجج بالليل وأول ما تصحى
تفكو فى سهلة بكرى دى..
______________________

Post: #6
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: Tabaldina
Date: 06-20-2013, 10:07 AM
Parent: #5

..
.
والله يا ايمن كلامو دا ما بترمى فى السهلة ..
Quote: سألتهم كيف أتسرب الشريط دا ليكم يا مرضانين ؟ قالوا الحبشية الشاغلة في الزومبا هي سبب التسريب
وأشتروا الشريط منها بخمسماية جنيه بالله شوفوا الفراغ عمل فينا شنو ؟

بعدين ياخى من قلة " ....." فى البلد ولا من قلة الافلام الثقافية .. لمن يركزوا مع سامبا وزمبا ..
اها هم فارغين انت الوداك شنو ؟ ما تقول لى شلة بتاع ..؟؟؟
---------------

مسكينة الحبشية الشغاله فى الزومبا ..

Post: #7
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: جمال الباقر
Date: 06-20-2013, 10:49 AM
Parent: #6

الموضوع ده ماعندو علاقة بماكينة الصرافة بتاعة بنك التضامن ؟؟

حقو الحبشية دي تتبرع بال500 الف دي لسد النهضة عشان تضوي ليهم ..... كيتن في اولاد بمبة

-------- زهير كيفك

Post: #8
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: فيصل نوبي
Date: 06-20-2013, 11:19 AM
Parent: #7

يعني يا زهير إنت رجعت تسكر تاني !
و ده كان حنكـ منكـ ساي !
جن كلكي #

و جاي تشيل حال الحبشية !
مركز الزومبا ده أصلاً ليه يسجل و يصور الناس !
ده عدم إحترام لخصوصية و اذا كان عندي زولة قريبتي بتمشي الزومبا ولا النصيبة دي كان جيتك قبقبتك من بيتكم و معاكـ شلة الصعاليكـ و الحبشية و مركز الزومبا حقكم ده زاتو
ياخ أسكر سكركـ ماف زول بيسألكـ ده أنت و ده سكركـ لكن البتسوي فيهو ده أخير منو تمشي تجيب ليكـ فيلم سكس و تقعد تمارس العادة السرية لأنه المراهقين ما بيسوو جنس سواتكمم دي

_
عذراً يا أيمن و بقية المتداخلين فالموضوع هذه المرة لا يحتمل المزاح !

Post: #9
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: أيمن الطيب
Date: 06-20-2013, 12:14 PM
Parent: #8

Quote: عذراً يا أيمن و بقية المتداخلين فالموضوع هذه المرة لا يحتمل المزاح !

ياخ ما بيناتنا لكن وين المزاح هنا!!!!

Post: #10
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: الكباشى البكرى
Date: 06-20-2013, 12:15 PM
Parent: #8

شنو حكاية الفيديوهات الكثيرة نسأل الله الستر لعروض المسلمين
حقيقه يجب علي الجميع من الدوله وحتي الاسر التعامل بحزم معها
فالامر خطير جدا

تحياتي زهير...

Post: #11
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: بكري الخير
Date: 06-20-2013, 12:20 PM
Parent: #10

اقرب زومبا متين يا زهير يا صاحبي

Post: #12
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: البشير دفع الله
Date: 06-20-2013, 01:11 PM
Parent: #11

Quote: كتب زُهير عُثمان حمد -أعلاه-: [كنت الليله مع شباب قالوا عندهم فيلم رهيب سألت طبعا قلت ليهم ثقافي] (إنْتهى).

يا حليلك ياخ.. تلِمع في رقبتك ساااااي شكيتك على الله.. قُلت لي سألتهُم [الفيلم ثقافي] لا ياخ.. يا عضو إنت غير دي طلقوها ودي حَتَتْ شِن ثقافتك بِالله يا زُهير.. وبعدين إنت ما تقيف مع نفسك شوية في مسألة الكِتابة دي.. عاوزك تقعُد مره مع روحك وتحِل المُشْكِلة الحاصلة بين [رغبتك في الكِتابة] وبين [عدم القُبولك] لأنو إنت ضارباك وهمه.. يعني مِثال بس، أنا أجريت بحث على سبيل الحصر لا المِثال لِأعمدتك في الـ5 صفحات الأولى.. شوف يا سيدي:

- إسم العمود: آخر صيحة لبنات الخرطوم...
- عدد المُتداخلين: 1
- عدد المُشاهدين: 505
ــــــــــــــــــــــــــــــ
- إسم العمود: نبارك للزملاء عاصم ادارة التحرير
- عدد المُتداخلين: 1
- عدد المُشاهدين: 232
ــــــــــــــــــــــــــــــ
- إسم العمود: سناء الحمد رئيس تحرير
- عدد المُتداخلين: صفر
- ع...دد المُشاهدين: 437
ــــــــــــــــــــــــــــــ
- إسم العمود: دعوة لمؤتمر صحفي لمسعود بادرين
- عدد المُتداخلين: صفر
- عدد المُشاهدين: 32
ــــــــــــــــــــــــــــــ
- إسم العمود: الوهم ممارسة وانعتاق
- عدد المُتداخلين: صفر
- عدد المُشاهدين: 61
ــــــــــــــــــــــــــــــ
- إسم العمود: تجدد الصراع بين رئيس تحرير
- عدد المُتداخلين: صفر
- عدد المُشاهدين: 161
ــــــــــــــــــــــــــــــ
- إسم العمود: الى مجهولة
- عدد المُتداخلين: 2
- عدد المُشاهدين: 299
ــــــــــــــــــــــــــــــ
- إسم العمود: من أحق بالتكريم الشعب الصابر
- عدد المُتداخلين: 1
- عدد المُشاهدين: 96
ــــــــــــــــــــــــــــــ
- إسم العمود: أبيات في العشق الأصمعي
- عدد المُتداخلين: 1
- عدد المُشاهدين: 117
ــــــــــــــــــــــــــــــ
- إسم العمود: بيان طليعي.. نص منثور
- عدد المُتداخلين: صفر
- عدد المُشاهدين: 73
ــــــــــــــــــــــــــــــ
- إسم العمود: الباز رئيس تحرير
- عدد المُتداخلين: صفر
- عدد المُشاهدين: 345
ــــــــــــــــــــــــــــــ
- إسم العمود: قناة (اكسير)
- عدد المُتداخلين: صفر
- عدد المُشاهدين: 154
ــــــــــــــــــــــــــــــ
- إسم العمود: عروس الخيال
- عدد المُتداخلين: صفر
- عدد المُشاهدين: 90
ــــــــــــــــــــــــــــــ
- إسم العمود: وزير الداخلية يعلن العفو
- عدد المُتداخلين: صفر
- عدد المُشاهدين: 75

(إنتهى الحصر)

يعني لا في السِياسة مقبول ولا في العواطِف الجياشة مقبول.. أسمع ما تجرِب تكتِب مسرح.. جرِب كورة القدم.. ياخ معقول تكْتِب [14] عمود يِكون المُتداخلين معاك [6] أعضاء ! وعدد المُشاهدين [ 2776 ] والله يا زُهير حقو بِجد تفكِر في الإعْتِزال النِهائي لِلكِتابة وتقدِم إسْتقالتك مِن أي بكان بكْتِبو فيهو البشر.. ده رأي.. ما تزعل بِاللهمشاهدة المزيد

Post: #13
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: Deng
Date: 06-20-2013, 01:12 PM
Parent: #11

زهير.

أطلب من بكري يسحب لك البوست ده بسرع’

لأنو فضيحة عديل كده.

البنات ديل يمارسون الرياضة بطريقة عادية جدا، وأنت والمعاك ديل أثبتم أنكم متخلفين بحق وحقيقية.

Post: #14
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: خالد عبدالوهاب
Date: 06-20-2013, 07:15 PM
Parent: #13

الاخ زهير

ارجو ان لاتهتم لما كتبه عزام فرح

فهي مجرد كتابة مريضة لا اكثر

تحياتي

Post: #15
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: زهير عثمان حمد
Date: 06-20-2013, 11:14 PM
Parent: #14

أبوالزهراء وقرد الاسافير مابين نزق الجنون وحكمة الصعاليك #

Post: #16
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: تبارك شيخ الدين جبريل
Date: 06-21-2013, 04:56 AM
Parent: #15

انا متأكد اني نزلت الفيديو دا هنا قبل كدا ... مشيت الشغل وجيت لقيتو ما نزل ....

(انتو قايلين الدايرين تشيلوا حالن ديل ما عندهن صوت؟ صوت وصورة كمان!)

... المهم ....

Post: #17
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: الصادق سلفاب
Date: 06-21-2013, 10:48 AM
Parent: #16

ابو الزهور سلام

غايتو زومبتك دي نحن ما شفناها لكن لو كانت ياها الفيديو النزله تبارك ده
فاحسن ليك تبلع من سكات

وانصحك انت وشلة الاصدقاء ديل انكم تمشوا تاخدوا كورسات انجليزي
واهو يكون حج وتجاره

Post: #18
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: MOHAMMED ELSHEIKH
Date: 06-21-2013, 11:12 AM
Parent: #17

الرقص فن جميل
زومبا ولا كمبا
شعب جنوب افريقيا رقص بحضرة وغياب مانديلا خرتين سنة وبه تحرر من التفرقة العنصرية

برنامج ناس الأحفاد دا -حسب ظني- قطرة في بحر رافض قادم
انا معجب به جدا وكنت اول من انزلو هنا

تحياتي يا ابو الزوز و بالله ازعل كدى وكب لينا العندك

Post: #19
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: بدرالدين الطائف
Date: 06-21-2013, 04:47 PM
Parent: #18

Quote:
غايتو زومبتك دي نحن ما شفناها لكن لو كانت ياها الفيديو النزله تبارك ده
فاحسن ليك تبلع من سكات

Post: #20
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: مريم بنت الحسين
Date: 06-21-2013, 07:24 PM
Parent: #19

انا سعيدة اانه البوست المقرف ده نزل عشان اشوف الفيديو النزله لينا تبارك هنا.... واتمنى فعلا انه ما يتمسح، خلي القرف يطفح.... عشان كل زول يشوف العالم الحايمه دي عامله كيف...

هل ده معناه ما نمشي نتريض!؟
ما نطلع نقرا ونركب المواصلات؟!
ما نعيش!؟ نتقفل في بيوت عشان الناس العيانين ديل!؟

الزي الناس ديل حقو يتعالجوا، لانهم ممكن بعد شويه يصوروا نسوان في حلقة تحفيظ قرآن عديل كده، ويتلموا ليهن...

قرف يقرفكم

Post: #21
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: Abdelslam Malik Ali Elhag
Date: 06-21-2013, 08:26 PM
Parent: #20

Quote: انا سعيدة اانه البوست المقرف ده نزل عشان اشوف الفيديو النزله لينا تبارك هنا.... واتمنى فعلا انه ما يتمسح، خلي القرف يطفح.... عشان كل زول يشوف العالم الحايمه دي عامله كيف...

هل ده معناه ما نمشي نتريض!؟
ما نطلع نقرا ونركب المواصلات؟!
ما نعيش!؟ نتقفل في بيوت عشان الناس العيانين ديل!؟

الزي الناس ديل حقو يتعالجوا، لانهم ممكن بعد شويه يصوروا نسوان في حلقة تحفيظ قرآن عديل كده، ويتلموا ليهن...

قرف يقرفكم

LIIIIIIIIIIIIIIIIIIIIKE

يا جماعة الخير الزول ده عنده فيلم تاني غير ده وهو ما قاصدة الزومبا دي

Post: #22
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: عبدالرحمن الحلاوي
Date: 06-22-2013, 07:41 AM
Parent: #21

زهير بن أبي سلمى شاعر مضري جاهلي قال:
ولا تكثرُ على ذي الضغنِ عتباً وَلا ذِكْرَ التّجَرّم للذّنُوبِ
وَلا تَسْألْهُ عَمّا سَوْفَ يُبدي وَلا عَنْ عَيْبِهِ لكَ بالمَغيبِ
مَتى تَكُ في صَديقٍ أوْ عَدُوٍّ تُخَبّرْكَ الوُجُوهُ عنِ القلوبِ
وكتب زهيرنا عن الزومبا عصرئذ فشتان بين الزاهرين !!
تأمل يا ملاسي

Post: #23
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: حيدر حسن ميرغني
Date: 06-22-2013, 08:32 AM
Parent: #22

Post: #24
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: عمر السلمة
Date: 06-22-2013, 08:58 AM
Parent: #23

حيدر مرغني سلااااااااام

كلام زهير الفوق داك كوووولو ما عندي فيهو غرض ... لكن الفيديو الجبتو دا ...... ما أظن في وصف مقعول ليهو !!! معقولة في ناس قاعدة تشاهد في المسخ دا وكما ن بتصور ؟؟؟؟ أستغفر الله العظيم

Post: #25
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: abas
Date: 06-22-2013, 09:09 AM
Parent: #23

الحاصل شنو يعني اسي

من زمان الناس بترقص وتهجج في الحفلات وتحضر رقيص العروس والناس نيتها صافيه في شنو اتغير يعني

مش سودانيين نحنا ولا بقينا اي دوله تانيه

والسكران يفرتق الحفله والناس تاني يوم يتونسو معاه عادي

ياخ والله ده كلام غريب

Post: #26
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: زهير عثمان حمد
Date: 06-22-2013, 09:56 PM
Parent: #25

الاخوة والاخوات الاجلاء
ليس من العيب عرض ظاهرة سالبة أن كانت منا نحن الذين جلبوا شريط الزومبا أو بنات الزومبا الراقصات لا غروو أن نذهب مذأهب شتي كل منا يقوده رايه وتجربته وهو ويدافع عن قيم ذاهبة للأنقراض أو يحاول ترويج ثقافة أباحية و بحق هنالك ما هو مخيف ومزعج بل يقودنا للقلق ولو كنا نقرأ أواضعنا الاجتماعية بدقة
في نهاية الامر سادتي ليس ناقل الكفر بكافر ........ وأحتراما لخصوصية الذين بالشريط في البداية وثانيا تاكيد للمكانة الراقية التي بلغها منبرنا هذا لاأريد أداراج الشريط هنا وعلكم في دروب دنيانا تجدونه وترون بشاعة ما ما وددت أطلاعكم عليه
وتجدوني لكم شاكر علي كل رأي ورد هنا أن ناقد بعنف أو بلطف أو مؤيد قصد المجامله أو التهريج في موجة الجنون التي أمارس وأخير ا خالص أعتذاري للذين تضرروا مما كتبت وأخيرا أيضا شكري لكل الزوار والعابرين
و دمت لي نعم الاخوان و الاصدقاء

*أغلق البوست في ساعته وتاريخه

باي

Post: #27
Title: Re: أخرصيحة لبنات الخرطوم( تعالي الليله أرقصي معنا في الزومبا) وب علين
Author: حيدر حسن ميرغني
Date: 06-22-2013, 10:32 PM
Parent: #26

سلامات عمر
والله ياحبيب فعلا مسخ
بس قلنا نرفد المساخات بمسخ آخر ، ومعليش لو أذينا مشاعرك
مرة اخونا هشام هباني جاب فيديو للزول الخايب ده ومعاهو رفيقا ليهو سمين كده بيرقصوا رقيص اخير منو ده
عجـــول المشروع الحضاري يؤدون رقصات رسالية ( فيديو تحفة)!!