اعتذار من حيدر الزين وعمر الفاروق

اتمني من الاخ حيدر الزين وعمر الفاروق ان يبادرا بالاعتذار لشخصي عما بدر منهما
الاول فيما جري منه من اساءة اوقف بسببها ردحا من الزمان عن المنبر
والاخر عن الكذب الصراح الذي ساقه علينا ورمانا بما ليس منا في شيئ

اتمني ان تجدا الشجاعة الكافية وتقديم فضيلة الاعتذار , وان كنت قد صفحت عنكما في شخصي و ولكني اجد في نفسي المنبرية منكما شيئ لذا بادرا بالاعتذار لتصفح عنكما نفسي المنبرية

الكلام دا جد ما ضحك

اتمني من الجميع حمل المدعويين للاعتذار , لنشر هذه الثقافة الغائبة واعلائها كقيمة انسانية مفقودة بين السودانين

يا اساسي ممكن نفسك المنبريه تساعدنا بروابط عشان نصطف في صفها


__________________________
ما عارف نصطف دي صحيحه املائيا ونحويا ولا لا

يا بوب اول حاجة احملهم علي الاعتذار بعد داك نشوف قصة الروابط والناشئين دي , وان كنت غير ميال لنكأ الجراح بعد ان اندمل الفتق في شخصي الصريح وما يزال ينزف في روحي المنبرية

Quote: اتمني من الاخ حيدر الزين وعمر الفاروق ان يبادرا بالاعتذار لشخصي عما بدر منهما الاول فيما جري منه من اساءة اوقف بسببها ردحا من الزمان عن المنبر والاخر عن الكذب الصراح الذي ساقه علينا ورمانا بما ليس منا في شيئ اتمني ان تجدا الشجاعة الكافية وتقديم فضيلة الاعتذار , وان كنت قد صفحت عنكما في شخصي و ولكني اجد في نفسي المنبرية منكما شيئ لذا بادرا بالاعتذار لتصفح عنكما نفسي المنبرية

معلم والله لكن..

-------------
للحصول على كراسة المواصفات ، يُرجى مراجعة السيد/ محمود مصطفى محمود بعد دفع تأمين 2% لا تُرد..

سلامات يا مصطفي

Quote: للحصول على كراسة المواصفات ، يُرجى مراجعة السيد/ محمود مصطفى محمود بعد دفع تأمين 2% لا تُرد..

نفهم من كلامك دا انو انت نفس اساسي المنبريه ولا شنو

Quote: نفهم من كلامك دا انو انت نفس اساسي المنبريه ولا شنو

يا بوب نفس اساسي شنو كمان , محمود دا نفسو ( دنية) حتي طالب 2% اتعاب علي الشرخ النفسي بتاعي

Quote: نفهم من كلامك دا انو انت نفس اساسي المنبريه ولا شنو

بالعكس يا بوب ياخي...

مش زماااااان كدا كان في مسرحية بتاعة علي مهدي وتحية زروق؟؟

حتى بالأمارة كانت تحية زروق بتقول ليهو: أنا نفسك يا محمود..


يلا بالله .. أعتذروا سريع خلونا نشوف غيركم..

.

.

خليتو الواحد يرجع للمنبر

ويحجز بنبر للاعتذار


مرور للتحية

يامخضرم اشتقنا لكتاباتك


،،،،أبوقصي،،،،

ابو قصي يا صاحب , لو تابعت القعاد في البنبر ومع دناوة محمود دا ما اظن عبار عسلية يمر عليك في بنبرك دا خليك من كأس طويل

Quote: للحصول على كراسة المواصفات ، يُرجى مراجعة السيد/ محمود مصطفى محمود بعد دفع تأمين 2% لا تُرد..

يا محمود ما تتاجر بقضيتي , اسع فرقك من ياسر عرمان شنو مع الجبهة الثورية

روحك المنبرية بتتوحم يا اساسي

Quote: روحك المنبرية بتتوحم يا اساسي

اولن يا ايمن هي ما روح منبرية بل نفس منبرية , والنفس امارة بالسؤ فلا اعصمها , عشان كدا متوقع منها كل حاجة

Quote: اولن يا ايمن هي ما روح منبرية بل نفس منبرية

الروح هي النفس والنفس هي الروح يا اساسي !

بتوقع منك اعتذار يتسق مع روح البوست

روحك المنبرية ......؟؟؟؟؟

يعني في واحدة تانية غير منبرية ........

ما عندك روح تالته إسبير ....؟؟؟؟؟؟


أساسي ياخ مليتنا فقر ................

يا ابو الحسين البوست دا بوست احرار مافيهو درويشة

بررررررررررة

الأخ اساسي :
معليـــــش..

Quote: يا ابو الحسين البوست دا بوست احرار مافيهو درويشة

دي كبيرة يا عواليق .....

يا بوب نفس اساسي شنو كمان , محمود دا نفسو ( دنية) حتي طالب 2% اتعاب علي الشرخ النفسي بتاعي

Quote: الأخ اساسي : معليـــــش..

شكرن يا شفيف يا رائع , كنت اظن فيك خيرا من البداية , وحقيقة الكضب ما بشبهك , واعلم ان الامر جاء عن طريق المزاح الا ان نفسي المنبرية ابت ان ترمى بما ليس فيها
فشكرا لكن وان تحق الحق , وردع نفسك الامراة بالسؤ نفسك الكريهة الحقيرة الوضـعة التي رمتني بما ليس في الا ان الحق ابلجح ولا يحتاج لجلجة
فشكرا يا صديقي عمر علي الاعتذار وتمريغ انفك في التراب من اجل الاعتذار لي

شنو يا عمر السرعة دي, ضيّعت على محمود العمولة و علينا الصفحات الخرتمية :)

Quote: ابلجح

أسة أجي بعد كم يوم أحلف وأقول اساسي ما بيعرف يقول أبلج تطالبني بي إعتذار تاني..
هيي يا يمة هيييييي... مرمي الله ما بيترفع ..

يا زول عمر الفاروق زي ود المويه ...

بجي طالع ليه بي حتة تانية ....

Quote: شنو يا عمر السرعة دي, ضيّعت على محمود العمولة و علينا الصفحات الخرتمية

يا هندسه ازييك
حنعول علي حيدر الزين تعويلا كبيرا في الاطلاع بهذه المهمه
خاصة بعد رد اساسي لاعتذار عمر الفاروق


____________________________

والله با الفاروغ غايتو بقيت مسكين مسكنه
محمد عبد الرحمن ياكل عشاك

حسابات بسيطة

استلمنا من السيد/ عمر الفاروق:

Quote: معليـــــش..

طيب...(معليش) يعني خمسة حروف..يعني 5 × 0.02 = 0.1

يفتح الله يا عمك..

نحن لا نتهاون في "النفس"..

للضمان كدا..الإعتذارات في حدودها الدنيا خالص بتكون في بوست منفصل

لا يقل عن 3 صفحات وبحد أدنى 3000 مشاهدة في أول أسبوع على أن يكون ذلك بعد الأرشفة..

.

.

اساسي من حيث المبدأ ..فقوم لف ..



اما الاعتذار فانا يآخي اعتذرت ليك بالباب عديل.. و اتجرست وسفيت التراب وذرفت دموع الندم الخ الخ الخ..
هو في اعتذار اكتر من دا


ــــــــــــــــــــــــــ
الناس الماعارفين مقدار وقيمة الاعتذار لهم ان يراجعو هنا:
حيدر الزين .......... او ( الطريفي ) سابقاً !!
حايجدو فضيلة الاعتذار موثقة ..

Quote: والله با الفاروغ غايتو بقيت مسكين مسكنه محمد عبد الرحمن ياكل عشاك

يا بــــــوب ..ناس محمد عبد ارحمن ديل نوع الناس البيتعشو بعد المغرب .. الواحد يضرب كورة اللبن وبعد داك الدنيا تضلم ..نحن بعد المغرب ده يادوووب بنكون قمنا من النوم عشان نشوف الدنيا حاصل فيها شنو ..

اول مرة اشوف زول يقول لكتابو المفضلين يعتذروا ليه

Quote: اساسي من حيث المبدأ ..فقوم لف .. اما الاعتذار فانا يآخي اعتذرت ليك بالباب عديل.. و اتجرست وسفيت التراب وذرفت دموع الندم الخ الخ الخ.. هو في اعتذار اكتر من دا ــــــــــــــــــــــــــ الناس الماعارفين مقدار وقيمة الاعتذار لهم ان يراجعو هنا: حيدر الزين .......... او ( الطريفي ) سابقاً !! حايجدو فضيلة الاعتذار موثقة ..

يا حيدر شكرا ( نص بس) انا بصراحة داير اعتذار طازج لنفسي المنبرية , كما اسلفت انه شخصي اتجاوز الموضوع دا , كما اونه دا بيعتبر اعتذار بايت (برة التلاجة) وريحته خمرت الان .
علي الاقل جدد عهود اعتذارك واحيه من جديد ليتناغم مع الواقع واستطيع تجاوز الامر لك
وليلتئم جرح نفسي المنبري , فانت قد تعديت علينا في المنبر واعتذرت بي تحت تحت

ما دام الاتنين جو اعتذروا سريع سريع والصفحة الاولي لم تنتصف بعد
اقترح انه تجيبو لينا الدرويشة بت ضياء نتم بيها كم صفحة علي الاقل نحرر البوست شوية

Quote: علي الاقل جدد عهود اعتذارك واحيه من جديد ليتناغم مع الواقع واستطيع تجاوز الامر لك وليلتئم جرح نفسي المنبري , فانت قد تعديت علينا في المنبر واعتذرت بي تحت تحت

سمح اسمع تجديد العهود* دا :)


ألمْ ترَ أنّ اللهَ أعطاكَ سورة ً .... ترى كلّ مَلْكٍ، دونَها،يتذَبذَبُ
فإنكَ شمسٌ ، والملوكُ كواكبٌ ....*** إذا طلعتْ لم يبدُ منهنّ كوكبُ
و لستَ بمستبقٍ أخاً ، لا تلمهُ على شَعَثٍ، أيُّ الّرجال المُهَذَّبُ؟
فإنْ أكُ مظلوماً ؛ فعبدٌ ظلمتهُ وإنْ تكُ ذا عُتَبى ؛ فمثلُكَ يُعتِبُ



ـــــــــــــــــــــ
الله اعلــم والله تقدر تفهم معني الابيــات دي او شرحها الا تلجأ لقوقل .. طالما ان ثقافتك ثقافــة كنسيّة مكتسبة من ام بي سي ماكس بعهودها وتجديد عهودها :)
فاذا وجدت اي صعوبة الجا لأقرب موقع تعليمي ..

شكرا جزيلا للاخوان عمر الفاروق .. وحيدر ..
الاعتذار شيم الكرام ..
دي المحريـة فيكم ..
شكرا يا اساسي على هذا البوست ..

Quote: شكرا جزيلا للاخوان عمر الفاروق .. وحيدر .. الاعتذار شيم الكرام .. دي المحريـة فيكم .. شكرا يا اساسي على هذا البوست ..

:) :) :) :) :) :) :) :)

Quote: Ummoayad Moayad · الأكثر تعليقا يا ايمن ما تلخبت ساي الروح والنفس ما واحد الروح والجسد يا دوب بيبقو نفس .. لو طلعت الروح من الجسد بيبقي جثة . رد · أعجبني · متابعة المنشور · منذ ‏7‏ دقائق

ناس فوق شايفهم بتجاهلو ناس تحت ........

اها بعد السحسحة دي .....

كنتتكم الجاية شنو ؟


____________

اساسي ... انت اولاك في السودان ولا شنو ؟

تمبس ... يا جهيزة

Quote: Ummoayad Moayad · يا ايمن ما تلخبت ساي الروح والنفس ما واحد الروح والجسد يا دوب بيبقو نفس .. لو طلعت الروح من الجسد بيبقي جثة .

بالله يا أيمن ممكن تديني فرصة أرد ليك على أم مؤيد دي؟

كدي تحت الحساب كدا ...تأملوا الكلام عن النفس في القرآن الكريم كما لخصه الدكتور مصطفى محمود :

(( فطوعت له نفسه قتل أخيه)) (30 – المائدة)
(( و لقد خلقنا الإنسان و نعلم ما توسوس به نفسه)) (16 – ق)
(( و نفس و ما سواها، فألهمها فجورها و تقواها)) (7، 8 – الشمس)
(( بل سولت لكم أنفسكم أمراً فصبر جميل)) (18 – يوسف)
(( و ضاقت عليهم أنفسهم و ظنوا ألا ملجأ من الله إلا إليه)) (118 – التوبة)
(( إنما يريد الله ليعذبهم بها في الحياة الدنيا و تزهق أنفسهم)) (55 – التوبة)
(( و من يرغب عن ملة إبراهيم إلا من سفه نفسه)) (130 – البقرة)
(( و من يوق شح نفسه فأولئك هم المفلحون)) (9 – الحشر)
(( و أحضرت الأنفس الشح) (128 – النساء)
(( و ما أبرئ نفسي إن النفس لأمارة بالسوء)) (53 – يوسف)

أضيف ليها :

"الله يتوفى الأنفس حين موتها والتي تمت في منامها.........." الآية

بوست غير موفق











ـــــــــــــــــــــــــــــــ
اعتذار بلفور من من لايملك لمن لا يستحق ....

وانا أقوووول!!!!!
أصصصلن انا قلت ليك قلبي مااا كان مرييحني بي مساككتك الفوق العادة دي :) :) :)
غايتو للضمااان كده ..إنت معليش دي قريتا بي ياتو فهم وكيف ؟

بسم الله الرحمن ارحيم
اساسى الاساسى
واحد اعتذارو قلت بايت

والتانى شكلو بدا يزمزغ

دبارة نفسك المنبرية حا تكون شنو


تحايا بالكوم



ارتيقا