القدم بالقدم وركن مهم فى العايله انهدم

لقدم بالقدم .. وركن مهم من العائلة اتهدم

وبرضو تقولي
نحن ونحن
اهل الجود والكرم
... ونحن اول دولة
اتحررت ورفرفت
فوق ساريتها العلم
وعلمنا الناس
دهاليس السياسة
والفن وكرة القدم
والله صح القلم
مبزيل بلم
والله ولو تعلم
او لا تعلم
اعرف انو هناك
ركن في العائلة اتهدم
بالله انت شايل مني
وانا اخر من يعلم
وتقولي القدم بالقدم
ما اصلو الامات خدم
وحرم دا ما كان العشم
وانا السعيت ومشيت
عشان ازيل
الجفاف والورم
انت مالك
باريت اخلاق العجم
وفضلك بس
ترسم وشم
الحمدلله عمري يوم
ما حسيت علي
فعل شئ بالندم
وعارف الله
هو البجازي
و زمان رفع القلم
وهو البيدي
وياخد النعم
لو ادي او منع
هو بحال
عبده اعلم
ومن اليلة يا قريببي
نصيحتي ليك
انسمع درر امنا بت وهب
وهي اصلا
بتدي الحكم
بس نحن
في الغالب والاعم
ما بنعرف نميز
بين الطعم
واصلو الظلم طعمو
ظاهر مثل العلقم
يا قريبي
الدنيا شن فيها
واخيرلك بين اهلك
تسويلك سهم
وبكرة اكيد
بتعرف وتعلم
واريتو يكون الشعار
البينا التسامح والتصافي
بس دا شيتن
بدور الدراية والفهم
وبيهو بنعرف
منو الفينا في طبعو
قاسي وفي طبعو اظلم
الحق نفسك قبل
ما تعض بنان الندم
وبرضو تقولي نحن
اهل الجود والكرم

سلام عليكم جلال و مرحب بيك في المنبر - معذرة على الترحيب المتأخر
حبيت اسأل عن القصيدة لها قصة أو حادثة معينة او حوار دار, أم فكرة عامة صغتها كدا؟

مرحب بيك يا جلال مرة اخرى في هذا الفضاء الحر
وبشعرك السلس
لعلاج اوهام البعض الذى ظن بانفصال الجنوب سيتعافى السودان ولكنه تعفن في ظل فجر كاذب انهار من تركيا لحدي القاهرة
د.سعاد محمود
اصدرت مجموعة قصصية من دار سندباد في القاهرة وبتتباع في مكتبة مدبولي باسم ظل سور المسجد الكبير
اتمنى انك تلقاها-لانها من ادب المهمشين والنزوح
وكمان تمشي للناس ديل يطبعو ليك ديوانك حزن الابنوس
وخليك مواكب هنا
غياتو نحن من خدم مورة
انت
من خدم وين ؟؟؟