دينق .. إختشى .

دينق !
زول عجيب ,,,, وفريد ...
ود عز , حنكوش , وشهاده عربيه كمان ,, خرطومى مولدا ونشأة .
وفى الخرطوم ( خرطوم 2 ) يعنى جار دينا خالد الهيطه بالهيطه .
درس قيها حتى الثانوى ثم هاجر لأمريكا ,
والده من كبار رجالات الخدمه المدنيه فى عصرها الأول بعد الإستقلال .
يفهم فى الأدب والسياسه . حكاى ,, وله مخزون مذهل من المعرفه فى شتى
ضروب الحياة السودانيه .
عندما أفاض فى الحديث عن التاريخ الإسلامى وذكر بعضا من قصص الحجاج
وجدت نفسى مندهشا وأنا أوجه إليه السؤال , يا دينق إنت مسلم ولا مسيحى ؟!
وأنفجر الجميع بالضحك .
وعلى مائدتى المتواضعه ضرب ( التقليه باللقمه ) زى الماحاصل حاجه , بعهدها
إستعدل وقضى على القراصه بالدمعه . وكان قبلها قد عجن الرجله بالكسره .
ولم يتوقف حتى قلت له يا دينق ( إختشى ) .
الحمد لله لقد تأكدت تماما الآن إن الجنوب والشمال سيتعانقان من جديد قريبا .
تمنيت أن لوكنت معنا ياوهبه . دينق بحق يستحق أن يعرفه الجميع .

أعلاه كانت مداخله فى بوست بدر الدين الأمير ( دينق فى الدوحه ) .
أحد الأخوان أصر وألح بأن تكون فى بوست لوحدها .

نسيت أن أقول إنه ( أى دينق ) زول فى غاية التهذيب والأدب ,

اها ما عندكم لمة تاني

اتصلت به ووجدته مشغول

تحياتي اليك اخي كمال ومن عبرك الى الاخ دينق

الامين

Quote: دينق ! زول عجيب ,,,, وفريد ... ود عز , حنكوش , وشهاده عربيه كمان ,, خرطومى مولدا ونشأة . وفى الخرطوم ( خرطوم 2 ) يعنى جار دينا خالد الهيطه بالهيطه . درس قيها حتى الثانوى ثم هاجر لأمريكا , والده من كبار رجالات الخدمه المدنيه فى عصرها الأول بعد الإستقلال . يفهم فى الأدب والسياسه . حكاى ,, وله مخزون مذهل من المعرفه فى شتى ضروب الحياة السودانيه . عندما أفاض فى الحديث عن التاريخ الإسلامى وذكر بعضا من قصص الحجاج وجدت نفسى مندهشا وأنا أوجه إليه السؤال , يا دينق إنت مسلم ولا مسيحى ؟! وأنفجر الجميع بالضحك . وعلى مائدتى المتواضعه ضرب ( التقليه باللقمه ) زى الماحاصل حاجه , بعهدها إستعدل وقضى على القراصه بالدمعه . وكان قبلها قد عجن الرجله بالكسره . ولم يتوقف حتى قلت له يا دينق ( إختشى ) . الحمد لله لقد تأكدت تماما الآن إن الجنوب والشمال سيتعانقان من جديد قريبا . . دينق بحق يستحق أن يعرفه الجميع .

بعد الغداء بمنزل كمال سالم قام كمال فتح حوار عن الاسلام قام دينق شبكو ليك تاريخ اسلامى واحاديث
كمال سالم نطط عيونو وسال دينق بخلعة دينق انت مسلم
ضحكت وقلت لكمال سالم صاحب العقل يميز زول اسمو جورج
رد كمال سالم ياخى ماخلعنى بالحاجات الحافظها دى

بدون قراريص وسوق واقف واحاديث اسلامية والحجاج الثقفي قبل عشرة سنين قلنا انه دينق (حنكوش) لكن منو البيقرأ في البورد دا

هل يجوز ان يطالب دينق (حنكوش العمارات) بتسعير الحرب في غابات الجنوب

الأستاذ كمال سلام التحية لك والعريس بدر الدين الأمير
والرئيس بكري ابوبكر الذي جعل ذلك ممكن
أما دينق يكفي انه سوداني ابن بلد بالرغم من
كلام السياسة وخلافه ونحيبه. من هنا

--------
دينق اختشي

دينق . . . إختشى

ود الباوقة

ياسلام ياكيمو
دينق قعد على نفس الطاولة القعدنا فيها في بيتكم العامر
دي لمَة فاتتني ياخ
ومرحبا بالعزيز دينق وسط اهله

سلام يا دينق..
أهل الدوحة ناس كريمين جدا فيابختكم ببعض. وباللمات.
وبعدين يا دينق مالك ماكررت تلفونك بتاع الخرطوم داك؟؟

سلم لي علي سوق واقف وكل الاحباب هناك وسلم لي عليك برضه..


كمال ازيك..مشتاقين

Quote: لكن بقول ليك حيييييييي أنا

___________
عامرين يا جماعة

مرحباً بالزميل دينق بين أهله وأحبابه في الدوحة المنوّرة بوجوده، وعذراً إن جاء الترحيب متأخراً بسبب تواجدي خارج قطر لفترة طويلة.

أمير الشرق كمال سالم: والله مشتاقين

سلام يا دينق
وشكرا لك يا كمال سالم موفق في اختيار عنوان البوست
ولك ألف تحيه ، المثل القائل الما بتعرفه ما بتعزه ، أخوتنا الجنوبيين وكل الذين زاملتهم من نيالا الفنية وحتى دكتور نونج بأمريكا لهم التحية ، لهم دعابة وظرافة لو عرفها أهل السودان الشمالي لهاجروا جنوبا وحتما لأصل دكتور نونج نائب رئيس مجلس ادارة نفط الجنوب ، فلك التحية وما بين الشعب السوداني لن تفرقه السياسة.

ونحنا بنقول ليك يا دينق تعال الامارات


وبنوسط ليك النزير حجازي يجيبك بي هنا

والله يا كمال سالم وعادل سالم

اختشوا

يااااخ أنا زعلان منكم شديد تضيفونا نحن بس بالنواشف والمنشفات وتحرمونا من التقلية والرجلة؟
والله طلعتوا ناس ابدا ما عندكم خوة ...لكن ما دام ضربها السلطان دينق نعتبر نفسنا ضربناها في مائدتكم العامرة أدامها الله عليكم بالصحة والعافية
مع تحياتي لكل شباب الدوحة الحلوين وسلامي للسلطان دينق.

يا إخوانا اختشوا بالله .. ما تشكروا لينا الراكوبة في الخريف ...

كدى سيبونا من دينق و التقلية و الحجاج
الكاميرا إشتراها ولا ما إشتراها يا ود الأمير! من سوق قاعد



إنتو سوقكم دا واقف مالو?
سوق صابون!

Quote: الكاميرا إشتراها ولا ما إشتراها يا ود الأمير! من سوق قاعد

يوميها سالنى قالى بلدكم دى فيها مكان لبيع الكميرا المستعملة قلت له دى تسال منها ناس
كمال سالم البعرفو الجخانين انا سوق اقف دا جيتو بس عشان خاطرك

Quote: الحمد لله لقد تأكدت تماما الآن إن الجنوب والشمال سيتعانقان من جديد قريبا .

فال الله ولا فالك ما صدقنا قلنا يا فكيك
الترحيب بى دينق حاجة ويتعانقان حاجة تانيه خالص
:
:
:
:
:
:
:
مع التحيات لله الزاكيات

كمال سالم وود الأمير كنت قايلهم ناس عبابير.

طلعو ناس فشنك ساكت.

كمال مشتاقين والله

مابنلقى لينا شده فى السلطان يومين انشاء الله فى دبي

والله مشتاقين للونسه معاه

كمال سالم .. اختشي

دينق زول لذيذ .. والذ ما فيه لما يسخن









ــــــــــــــــــــــــــــــــ
غايتو يا دينق لو تميت جميلك وجيت الخدطوم تكون ما قصرت
انا علي اعزمك في قندهار .. بحضو وهبة وبدر الدين والمسلمي اخوان
بس انت تعال

sorry wrong post

bala kostawi ma3akum

Quote: Quote: الحمد لله لقد تأكدت تماما الآن إن الجنوب والشمال سيتعانقان من جديد قريبا . فال الله ولا فالك ما صدقنا قلنا يا فكيك

ليه كدا يا محمد يا أبن عمي؟
السودان دا واااحد بي جنوبوا و بي شمالو...والله كلما أشوف خريطة السودان الجديدة العبرة تخنقني
إنشالله يعود سوداننا بلد المليون ميل مربع...من حلفا لي نمولي و من نمولي لي حلفا
و قل يا منقو لا عاش من يفصلنا...
...
دينق من الشخصيات في سودانيز التي سيسعدني ان أتعرف بها
حتى إذا اختلفت معه في بعض المواقف
له التحية أينما كان

Quote: ليه كدا يا محمد يا أبن عمي؟ السودان دا واااحد بي جنوبوا و بي شمالو...والله كلما أشوف خريطة السودان الجديدة العبرة تخنقني إنشالله يعود سوداننا بلد المليون ميل مربع...من حلفا لي نمولي و من نمولي لي حلفا و قل يا منقو لا عاش من يفصلنا...

ابن عمى يا زياد
شوق شديد واخبارك ياخى وتحايا للعم جعفر والحاجه بطرفكم
اتخيل يا زياد بعد الغُــنى والمعناة دى كولها كوع وكوف من سنة 55م برضو انفصلوا
معقول نرضى بالهم والهم ما يرضى
بعدين انتا زول مطول من البلد سااااى تعال شوف النيولك للخرطوم بعد 2011 بقى كيف
ياخى الموجود معانا من ابناء الجنوب غاية اللطف والذوق وحتى لا نقرف البوست بحكاوى قميئة
لك ان تتخيل بث
ياخى انا لمن فاقان قال حا نرتاح من وســخ الخرطوم ضحكتى ملئ شدوقى وقلتا ليهو ياريت لو جيت
مارى بى شارع بيتنا عشااان تشوف نموذج بث للموســـخ البلد منو
:
:
:
:
:
:
:
مع التحيات لله الزاكيات

يا كمال سالم دى خيانة عظمى
بالطريقة الصاح,,, صاح ؟؟
دينق إنت لسة فى الدوحة!!!


طيب إختشى ياخ..

Quote: كمال سالم وود الأمير كنت قايلهم ناس عبابير. طلعو ناس فشنك ساكت.

بالله شوف الزول دا عايز يخرب اولاد الناس كيف !!
:
:
:
:
:
دينق اختشى

يا كيمو سلامات
ياخي ان شاء الله دائما دارك عمرانة
بس ضيوفكم ديل بنسمع بيهم سمع زي ما قال الفنان
شايفك بقيت عاصر فقط علي راعي الفوريل قهقهقهقهقه
ان شاء الله يضوي ليك

الأخ كمال سالم
تحياتى ،،
شكراً للبوست الموفق - يعنى دينق طلع ود حلة - والله دينق أضفى على المنبر العام نكهة خاصة ، وزميله اللدود ود الباوقة - كل يتمتع بأخلاق السودانيين ، إنى أجزم إذا صدف وإلتقوا مع بعض فسوف يتلاقون بحرارة وود وآلفة وما (حيختشوا) - هكذا نحن السودانيين - وعقبال أن نلم شملنا مع الجنوب مرة أخرى - تحياتى للأخ كمال وكل المتداخلين الكرام وكافة القراء الأعزاء .
مودتى ،،،

كان لي شرف تناول التقلية وما جاورهافي سفرة الوجيه كمال العامرة مع الاخ دينق الذي اقابله لاول مرة

تحدثنا كما لو كانت المعرفة منذ سنين

وجدته كما ذكر كمال وود الامير انسان مكمل الظرف ووناس ومطلع وذو ثقافة عالية

وينك يا دينق .... اوعك تكون سافرت!!

شكرا كمال .. شكرا بدر

وشكرا دينق عريس الجلسة

Quote: كمال سالم وود الأمير كنت قايلهم ناس عبابير. طلعو ناس فشنك ساكت.

بالله طلعوا فشنك?
يعني تقلية بالبيبسي!

عجبني ليك
البي وديك محلات الهبايب و الدبايب شنو!

خلاص عود لسكناتك و حصل العبار بريمة
مراهيضو حردان الأيامات دي و تعبان من فراقك

ود الباوقة إختشي

Quote: دينق ! زول عجيب ,,,, وفريد ... ود عز , حنكوش , وشهاده عربيه كمان ,, خرطومى مولدا ونشأة . وفى الخرطوم ( خرطوم 2 ) يعنى جار دينا خالد الهيطه بالهيطه . درس قيها حتى الثانوى ثم هاجر لأمريكا , والده من كبار رجالات الخدمه المدنيه فى عصرها الأول بعد الإستقلال . يفهم فى الأدب والسياسه . حكاى ,, وله مخزون مذهل من المعرفه فى شتى ضروب الحياة السودانيه . عندما أفاض فى الحديث عن التاريخ الإسلامى وذكر بعضا من قصص الحجاج وجدت نفسى مندهشا وأنا أوجه إليه السؤال , يا دينق إنت مسلم ولا مسيحى ؟! وأنفجر الجميع بالضحك . وعلى مائدتى المتواضعه ضرب ( التقليه باللقمه ) زى الماحاصل حاجه , بعهدها إستعدل وقضى على القراصه بالدمعه . وكان قبلها قد عجن الرجله بالكسره . ولم يتوقف حتى قلت له يا دينق ( إختشى ) . الحمد لله لقد تأكدت تماما الآن إن الجنوب والشمال سيتعانقان من جديد قريبا . تمنيت أن لوكنت معنا ياوهبه . دينق بحق يستحق أن يعرفه الجميع .

صحيح والله الما بعرفك ما بيعزك
.
.
.
.
.
التحية ليك برضو يا كمال

الأخ دينق من القلائل في هذا البورد الذين ثبتوا علي مبادئهم برغم العداوة الشرسة ... و الخبيثة من أنصار النظام و العنصريين و كل من يجسدون مشاكل السودان هنا في هذا المنبر ....

لم يتردد يوما في قول الحق و يضعها بلا مجاملة او رتوش ....

أساسي غاص الي اعماق البورد و اتي ببوست من بوستاته .... ليؤكد فعلاً أن دينق رجل مبادئ .... و أن السيئين .. هم أنفسهم سيئين رغم مرور السنين .

شكراً يا كمال سالم و ناس الدوحة في ترحابكم بالاخ دينق.

Quote: اها ما عندكم لمة تاني اتصلت به ووجدته مشغول تحياتي اليك اخي كمال ومن عبرك الى الاخ دينق الامين

شكرا يا الأمين ,,
دينق موجود ربما لعدة أيام أخرى ,, حاول الإتصال به دائما فى المساء .

Quote: بدون قراريص وسوق واقف واحاديث اسلامية والحجاج الثقفي قبل عشرة سنين قلنا انه دينق (حنكوش) لكن منو البيقرأ في البورد دا

لا حولا يا أساسى !!
أتاريك زول عجوز خلاص ! بأخ زمن بوستك ده أنا الكمبيوتر ماشفتوا لسه !
والله إنتو طلعتو متقدمين علينا بسنوات ضوئيه كتيره !
تصدق قريت البوست كلو وإستمتعت جدا بالحوار الراقى الذى دار بينكم .
بعدين وين هسه الشخصيات الجميله دى ناس مردا وغيرها من الفطاخله الكانوا
مشاركين فى الحوار ؟
خساره والله المولد ده كلو يفوتنا ونجى فى زمن جادات والدرويشه !
بأخ والله إنت بتشبه أولاد قلبا ,, المقعدك مع ناس أيمن الطيب ديل شنو ؟!
تحياتى ,, وبعد كل هذه السنوات يظل دينق ممسكا بجمر القضيه .

Quote: الأستاذ كمال سلام التحية لك والعريس بدر الدين الأمير والرئيس بكري ابوبكر الذي جعل ذلك ممكن أما دينق يكفي انه سوداني ابن بلد بالرغم من كلام السياسة وخلافه ونحيبه. من هنا

محمد المسلمى ,, كيفك يا رجل .
عندما قلت إن الجنوب والشمال سيتعانقان من جديد كنت أقصد
ذلك . فالجنوبيين لن يتخلوا عن سودانهم الكبير بهذه السهوله ولا الشماليين
سوف ينسون جنوبهم فى يوم من الأيام .
لعن الله الإنقاذ فى كل مكان وزمان . تحياتى ,

Quote: دينق . . . إختشى ود الباوقة

شكرا صديق ضرار على المرور .

Quote: ياسلام ياكيمو دينق قعد على نفس الطاولة القعدنا فيها في بيتكم العامر دي لمَة فاتتني ياخ ومرحبا بالعزيز دينق وسط اهله

حبيبنا الحنين حيدر ,, والله حقيقة إفتقدناك بشده .
لكن أتمنى أن نراك قريبا فى الدوحه . ( قرط على قريبا دى ) .
تحياتى .

Quote: سلام يا دينق.. أهل الدوحة ناس كريمين جدا فيابختكم ببعض. وباللمات. وبعدين يا دينق مالك ماكررت تلفونك بتاع الخرطوم داك؟؟ سلم لي علي سوق واقف وكل الاحباب هناك وسلم لي عليك برضه.. كمال ازيك..مشتاقين

منى خوجلى مليون سلام والله .
ليك غيبه من المنبر ,, بركه الجابك دينق .
سلمى لى على الحاجه وآيه وأولادها .
يأخ عايزين نشوف صورة يسين بعد مابقى يمشى الدكان براهو .
تحياتى .

Quote: Quote: لكن بقول ليك حيييييييي أنا ___________ عامرين يا جماعة

( أحى ) ولا ( حيييى ) أنا ؟
بتفرق يا وليد .
شكرا وعامرين بوجودك .

Quote: مرحباً بالزميل دينق بين أهله وأحبابه في الدوحة المنوّرة بوجوده، وعذراً إن جاء الترحيب متأخراً بسبب تواجدي خارج قطر لفترة طويلة. أمير الشرق كمال سالم: والله مشتاقين

علاء الدين !! أين أنت يا رجل ؟
والله فى غاية الشوق ,, وكيف القلب ؟
أظنك لقيت ( البلطى ) حق مانيلا ده ونسيتنا .
نحن هينين ,, بس أعمل حساب للقلب .
تحياتى يازول ياراقى .

Quote: سلام يا دينق وشكرا لك يا كمال سالم موفق في اختيار عنوان البوست ولك ألف تحيه ، المثل القائل الما بتعرفه ما بتعزه ، أخوتنا الجنوبيين وكل الذين زاملتهم من نيالا الفنية وحتى دكتور نونج بأمريكا لهم التحية ، لهم دعابة وظرافة لو عرفها أهل السودان الشمالي لهاجروا جنوبا وحتما لأصل دكتور نونج نائب رئيس مجلس ادارة نفط الجنوب ، فلك التحية وما بين الشعب السوداني لن تفرقه السياسة.

شكرا يا صديق الغالى على هذه الكلمات الصادقه .
وهكذا الحال ... لابد من عودة الجنوب للشمال والشمال للجنوب .
تحياتى ,,

(ونحنا بنقول ليك يا دينق تعال الامارات


وبنوسط ليك النزير حجازي يجيبك بي هنا )


أخونا عباس الذى فى نواحى الإمارات ,, تحياتى يارجل .
وشكرا على المرور ,, دينق قاعد على الهبشه ,, بس إنت كلم النذير حجازى .

Quote: والله يا كمال سالم وعادل سالم اختشوا يااااخ أنا زعلان منكم شديد تضيفونا نحن بس بالنواشف والمنشفات وتحرمونا من التقلية والرجلة؟ والله طلعتوا ناس ابدا ما عندكم خوة ...لكن ما دام ضربها السلطان دينق نعتبر نفسنا ضربناها في مائدتكم العامرة أدامها الله عليكم بالصحة والعافية مع تحياتي لكل شباب الدوحة الحلوين وسلامي للسلطان دينق.

مرحب بالناظر هشام هبانى ,,
حقو نعرش على كده ,, بقى عندنا فى البوست ناظر وسلطان .
يأخ والله مشتاقين ليك ,, بعدين يأخ ما تلومنا ساى ,, معقوله نعشيك بتقليه ؟!

Quote: يا إخوانا اختشوا بالله .. ما تشكروا لينا الراكوبة في الخريف ...

أخونا محمد هارون ,, تحياتى .

إنت قايلو راكوبه زى رواكيب سوق ليبيا ديك !
دينق طلع راكوبه إنجليزى أصلى ,, زى رواكيبكم الفى البيكاديلى ديك .

Quote: كدى سيبونا من دينق و التقلية و الحجاج الكاميرا إشتراها ولا ما إشتراها يا ود الأمير! من سوق قاعد إنتو سوقكم دا واقف مالو? سوق صابون!

يا خوى كوستاوى دينق جاى بكميراتو الأمريكيه الأصليه ,, مالو بشترى الصينى من سوق واقف ,
بعدين السوق ده نحن لما جينا لقيناهو ( واقف ) كده .
نسوى شنو ؟1

Quote: يوميها سالنى قالى بلدكم دى فيها مكان لبيع الكميرا المستعملة قلت له دى تسال منها ناس كمال سالم البعرفو الجخانين انا سوق اقف دا جيتو بس عشان خاطرك

هى لكن يا بدر الدين سوق واقف تعرفو كيف وإنت لسه قاعد فى الدوحه ببداوة أربجى .
أخير محمد عبد الرحمن ,, بقى يعرف الجخانين دى .

Quote: فال الله ولا فالك ما صدقنا قلنا يا فكيك الترحيب بى دينق حاجة ويتعانقان حاجة تانيه خالص : : : : : : : مع التحيات لله الزاكيات

محمد حمزه الحسين ,, أسمع كلام ود خالتك التحت ده .
شئت أم أبيت يا محمد ففى زمن جميل قادم سيتعانق السودان كله جنوبه وشماله
شرقه وغربه .
تحيااتى وشكرا على المشاركه والترحيب بدينق .

Quote: كمال سالم وود الأمير كنت قايلهم ناس عبابير. طلعو ناس فشنك ساكت.

غايتو الشئ المحيرنى إنو دينق طلع من النوع المابخسر على راسو ده إلا حق الحلاقه !!
لا شاى ولا قهوه ولا سجائر ولا تمباك ولا حتى ( الحليب ) البشربوا بالليل ده .!!





حليب مقصود بيها حليب المراعى يا جماعه .

Quote: ابن عمى يا زياد شوق شديد واخبارك ياخى وتحايا للعم جعفر والحاجه بطرفكم اتخيل يا زياد بعد الغُــنى والمعناة دى كولها كوع وكوف من سنة 55م برضو انفصلوا معقول نرضى بالهم والهم ما يرضى

إبن عمي و صديقي محمد همزة (آآآيي همزة زي ما بقولوها أهلنا)
تحاياك وصلت يا حبيب..و كل الأهل بخير و الحمدلله
يا محمد..السياسيين و كلنا يوم من الأيام حنموت و ننتهي
لكين..الأرض..الوطن..دي حاجات ما بتتعوض بي تمن...و إنفصال الجنوب سيظل أكبر وصمة عار في جبين نظام البشير مادام هناك تاريخاً يكتب!
يامحمد أنا واحد من الناس مقتنع تمام الأقتناع أنو مشكلة الجنوب دي كان ممكن تتحل سياسياً بالمفاوضات و تحكيم مبدأ العدالة و إعلاء المصلحة العليا للسودان ككل و شعب السودان بدون تمييز قبلي أو جهوي أو عرقي أو ديني..
و هذا ما فشلت فيه جميع الحكومات الوطنية منذ الأستقلال...و وصلت المأساة ذروتها كما هو معروف في حرب حكومة الترابي-البشير الدينية ضد الجنوبيين و التي أدت في نهاية المطاف الى الانفصال.
فهل الإنفصال هو في مصلحة الشمال و الجنوب؟؟ هل توقفت الحرب بعد الإنفصال؟ هل توقف نزيف الدم؟ هل زاد السودان قوة أم مزيد من الضعف و الهوان؟
والخوف يا محمد علي السودان الفضل...فليس في نهاية النفق من ضوء

Quote: كمال سالم .. اختشي دينق زول لذيذ .. والذ ما فيه لما يسخن ــــــــــــــــــــــــــــــــ غايتو يا دينق لو تميت جميلك وجيت الخدطوم تكون ما قصرت انا علي اعزمك في قندهار .. بحضو وهبة وبدر الدين والمسلمي اخوان بس انت تعال

حافظ أنقابو ,, يأخ والله أنقابو دى فيها موسيقى حلوه خلاص .
تحياتى يارجل .
دينق ربما يأتيكم فى يوم من الأيام سفير للولايات المتحده فى الخرطوم !
قول للجماعه ناس نافع وعبد الرحيم يعملوا حساب ليوم زى ده .

Quote: ليه كدا يا محمد يا أبن عمي؟ السودان دا واااحد بي جنوبوا و بي شمالو...والله كلما أشوف خريطة السودان الجديدة العبرة تخنقني إنشالله يعود سوداننا بلد المليون ميل مربع...من حلفا لي نمولي و من نمولي لي حلفا و قل يا منقو لا عاش من يفصلنا... ... دينق من الشخصيات في سودانيز التي سيسعدني ان أتعرف بها حتى إذا اختلفت معه في بعض المواقف له التحية أينما كان

جعفر زيا د ,, شكرا ليك يا بعيد النظر .
وقسما عظما أنا بقيت أتحاشى أن أرى الخريطه الجديده للسودان .
لأننى حينما رأيتها لأول مره وكأن خنجرا حادا دخل فى قلبى .
أبشرك ففى زمن الأفراح الورديه القادم قريبا سيلتئم شمل الوطن بأكمله وهذا الزمن قادم قادم
عما قريب وحواء السودانيه أنجبت رجاله وهم الآن قد شبوا عن الطوق وفى إنتظار
ساعة الصفر .
تحياتى ,, وكتر من الوصايا لإبن عمك هذا.

Quote: يا كمال سالم دى خيانة عظمى بالطريقة الصاح,,, صاح ؟؟ دينق إنت لسة فى الدوحة!!! طيب إختشى ياخ..

معليش يا أيمن ما خيانه ,, المسائل كلها جات من غير ترتيب .
ومافى مشكله ود الباوقه جاى قريب ,, حنكلمك من بدرى .

Quote: بالله شوف الزول دا عايز يخرب اولاد الناس كيف !

عكستها يا شيخنا ... الصاح إنو أولاد الناس كانو عايزين يخربوا دينق .
لكن دينق أخجلهم .

Quote: يا كيمو سلامات ياخي ان شاء الله دائما دارك عمرانة بس ضيوفكم ديل بنسمع بيهم سمع زي ما قال الفنان شايفك بقيت عاصر فقط علي راعي الفوريل قهقهقهقهقه ان شاء الله يضوي ليك

أوووه ود طمبل ,, تحياتى ,,
شايفك متجدع فى الحرم .. يازول ذنوبك الكتيره دى عايزه ليها حجه عديل ,, عمره ما كفايه .. ههههههه
راعى الفور ويل هو العاصر على ,, لكن برضو فيهو فائده أخير منكم .
وين هسه إنت فى السودان ولا رجعت ؟
تحياتى ,,

Quote: الأخ كمال سالم تحياتى ،، شكراً للبوست الموفق - يعنى دينق طلع ود حلة - والله دينق أضفى على المنبر العام نكهة خاصة ، وزميله اللدود ود الباوقة - كل يتمتع بأخلاق السودانيين ، إنى أجزم إذا صدف وإلتقوا مع بعض فسوف يتلاقون بحرارة وود وآلفة وما (حيختشوا) - هكذا نحن السودانيين - وعقبال أن نلم شملنا مع الجنوب مرة أخرى - تحياتى للأخ كمال وكل المتداخلين الكرام وكافة القراء الأعزاء . مودتى ،،،

طارق عبد العزيز صادق !! والله الإسم ده بيشبه إسم أعماما لينا فى المسالمه بأمدرمان ,, تكون منهم ؟
عموما تحياتى وبالتأكيد لو كنت فى سن دينق تكونوا أولاد حله واحده ( أصلها الخرطوم 2 ) صغيره .
وإنشاء الله شملنا سوف يتلم من جديد .
تحياتى وشكرا على مرورك .

Quote: كان لي شرف تناول التقلية وما جاورهافي سفرة الوجيه كمال العامرة مع الاخ دينق الذي اقابله لاول مرة تحدثنا كما لو كانت المعرفة منذ سنين وجدته كما ذكر كمال وود الامير انسان مكمل الظرف ووناس ومطلع وذو ثقافة عالية وينك يا دينق .... اوعك تكون سافرت!! شكرا كمال .. شكرا بدر وشكرا دينق عريس الجلسة

أخونا العزيز حسن طه ,,
أولا لك الشكر على تشريفك لنا ,, وبحق كانت جلسه طيبه ,, تعلمت منها أن لاتحكم على الناس أبدا بما تراه منهم هنا .
تحياتى ,, وما تنقطع يأخ .

Quote: بالله طلعوا فشنك? يعني تقلية بالبيبسي! عجبني ليك البي وديك محلات الهبايب و الدبايب شنو! خلاص عود لسكناتك و حصل العبار بريمة مراهيضو حردان الأيامات دي و تعبان من فراقك ود الباوقة إختش

والله يا كستاوى زولك طلع فشنك وحنكوش جد جد ( تقرأ حنكوش القبل عشره سنين ديك ,, بتاعة أساسى ) .

Quote: صحيح والله الما بعرفك ما بيعزك . . . . . التحية ليك برضو يا كمال

شكرا محمود على ,, وحقيقة فى سودانيز أون لاين مافى محبه إلا بعد عداوه .
تحياتى .

Quote: الأخ دينق من القلائل في هذا البورد الذين ثبتوا علي مبادئهم برغم العداوة الشرسة ... و الخبيثة من أنصار النظام و العنصريين و كل من يجسدون مشاكل السودان هنا في هذا المنبر .... لم يتردد يوما في قول الحق و يضعها بلا مجاملة او رتوش .... أساسي غاص الي اعماق البورد و اتي ببوست من بوستاته .... ليؤكد فعلاً أن دينق رجل مبادئ .... و أن السيئين .. هم أنفسهم سيئين رغم مرور السنين . شكراً يا كمال سالم و ناس الدوحة في ترحابكم بالاخ دينق.

شكرا يا محمد سليمان .. وفعلا دينق مازال على مبادئه التى لا تتقاطع أبدا مع فهمنا لمناهضة العنصريه .

الأعزاء ناس تحت.

تحياتى وشكرا على المشاركه ,, سوف أرد عليكم فى الغد بإذن الله .

Quote: لكن أتمنى أن نراك قريبا فى الدوحه . ( قرط على قريبا دى ) .

قرَررطت ياكيمو لامن انحرفت كمان
-
مشكور ياحبيب على الاهتمام

Quote: الحمد لله لقد تأكدت تماما الآن إن الجنوب والشمال سيتعانقان من جديد قريبا . تمنيت أن لوكنت معنا ياوهبه . دينق بحق يستحق أن يعرفه الجميع .

الاخ كمال
مريت في البوست مراراً وانا بين الشك واليقين من ان يكون محتواه غير ما اود
ان يكتب عن دينق ولكن كون انك كاتب البوست حسم ترددي اخيراً وفتحت البوست..
وفعلاً لم يخب ظني ووجدت محتوى البوست كما ينبقي ان يكون في حق دينق

للك ودي وتقديري ول دينق ايضاَ

كمال
أنت موووووأجز الأيامات دي و لا شنو
زي الشايل ليك طبنجة و حشيت بيها نجيلة الناس دي
cool down ya man
البوست لسع زغروتو ما جات
ود الأمير كدوسو لسع ما قال بغم


يا دينق أديهم في حنانم
طلع صليبم

أكلوك التقلية و لعبوا بيك بالرجلة

أصبر لغاية ما تجي راجع!
كمان عملت ليك أنجيرات
over seas

كتب ظلامي الدوحة بدر الدين الأمير:

Quote: يوميها سالنى قالى بلدكم دى فيها مكان لبيع الكميرا المستعملة قلت له دى تسال منها ناس كمال سالم البعرفو الجخانين انا سوق اقف دا جيتو بس عشان خاطرك

مستعملة في عينك.

يا كوستا. ود الأمير نكر علاقتو بسوق واقف تماما، وأدعى بأنه لا صلة له بهذا السوق الشعبي.
وأنا بعد داك أكتشفت أنو سوق واقف ده مكانو المفضل لأكل اللحوم المشوية.

Quote: ود الأمير كدوسو لسع ما قال بغم

ابوالنسب كوستاوى
في زمتك الغريقة دى كم سنة بحاحى فيك تجينا الدوحة تقوم ترسل لينا هذا المستلب
اها خم وصر كمال سالم طلعو شمالى ومسلم كمان عشان تانى يخرمج الرجلة
وياكل اكل الجلابة (المدغمس) دا غير معلوماتك المضللة قال جيبو ليهو شفاز
شيفاز في عينك دا يجبو ليهو محاية من جك حبوبتى نفيسة بت جبرالله
المهم انت عندك عندى 150 دولار بتاعت الكتب لو بتضمن زولك دا بديها ليهو
وتانى انا ماداير معاهو اي تواصل لاسفيرى ولاشخصانى حلوة شخصانى

Quote: وأنا بعد داك أكتشفت أنو سوق واقف ده مكانو المفضل لأكل اللحوم المشوية.

شوف يامستلب لو انت من مواليد الخرطوم نحن من مواليد الدوحة بس ماحصل لينا اسلاب وبقينا قطرين
زى مابقيت انت جلابى ايوة صحيح اكلتى المفضلة (المجبوس ) بس دى ثقافة اكلية نشانا عليها نحن اولاد الدوحة
وبعدين نحن بنعرف ان سوق واقف هذا السوق الشعبى العتيق صار قبلة للاجانب الزيك وزى كمال سالم وباقي
الدهماء ناس عمر بوب وهجو الاقرع اما نحن اولاد الدوحة لوداير تعرف بنجلس وين ومع مين تحتاج لخريطة طريق
اسفى ان زيارتك للدوحة بتكون عورت قلب المسكين بشاشة حين يرى هنا حقيقتك كمستلب

يا اخواننا دينق اختشى ولا لسع؟

سلام يا ناس الدوحة ومرحبا بكم وسط دينق

يا سلام يا كمال سالم
والله دينق طلع زول جميل ورقى ومهذب
وبعرف عربي احسن من وضاحة ظاتوا

سعدنا أنا وعبدالله ولدي بمقابلة أخونا دينق وبقية شباب الدوحة الظريفين..

وبعدين الناس الشابكننا والله بيعرف يتكلم عربي ديل مواهيم واللا شنو؟؟
زول سكن نمرة 2 والديم، دايرينو يتكلم ليكم لاوندي!! أما فارات صحي .
الصادق أخوان الفي الفيس ، إنتو وين في نمرة اتنين؟؟ جنب ناس يوسف عبدالله الهادي؟؟
لأنو ناس دينق كانوا ساكنين في بيوت الحكومة، تحت كبري المسلمية طوالي، مقابل المطافئ
وديك خلة ناس يوسف..
ثبت لي إنو الاختلافات والمناقرات الاسفرية دي حدها هنا.
الإختلاف في وجهات النظر وتبني الآراء أبداً ما مفروض تتجاوز حدها ده، وده الحاصل خارج أسوار الأسافير.
فاجأني دينق !! كنت متخيلوا زول ( حتة ) كده ، لقيتو ما شاء الله زول ( جِتة ) .. عملاق .
غايتو يا ود الباوقة ، لو دينق ده لمّ فيك مُطرّف ، إلا تنكر وتقول أنا ود الخرطوم ، مش الباوقة ..

مرحب بيك يا دينق، وآسف لعدم تمكني من مقابلتك مرة أخرى، بسبب إجراء عملية جراحية للوالدة..



إلا أن الرهان ما زال قائم، وإن شاء الله نشوف بعد خمسة الى سبعة سنين، لو حيين ما متنا..

سبحان الله الناس قاعدة تشيل و تشكر فى دينق ساكت

اهه هاكم من سنوات مضت استضيفنا ينق فى غرفة

محادثات منتديات ابنائى ( سودانى للابد) تكلم مع الشباب

بصورة طيبه شرح اوجة الخلاف بين الشمال و الجنوب

طلع كل شباب المنتدى بصورة طيبه عن علمه و سعة صدره

فى النقاش .

على ولدى حضر لقاء دينق فى سوق واقف قال الزول حنكوش

ساكت البسمع بى دينق المصادم ما يصدق يشوفو من الادب

و الزوق . بدر الدين الامير عاوز يموت على رفض يرسل

له صور اللقاء . دى بعدين بنساوم بيها فى موضوع البلف

اهه يا بدر و كمال سالم مرحبا بكم فى دخان ، نحن حاضرين

شوفوا المتمرد و حددو الزمان.

أخوى صلاح عبد الله ، تعرف كان كدا دينق بكون ساكن ثالث زول بعد بيت المرحوم/ فتح الرحمن البشير والمرحوم المهندس / مامون بشير محيميد ، وبعده بكون بيت ناس كرياكو ! وديل الناس يمين كبرى المسلمية وإنت نازل من الكبرى بإتجاه الخرطوم 2 ، أما يسار كبرى المسلمية ، ما أظن لأنو فى بيت أخوناالأستاذ / عماد وأخيراً ما كان يعرف بالنادى اليونانى !
مودتى ،،

صلاح عبد الله ياخي كفارة للوالدة
نسينا نقول ليك في بوست الجماعة الطيبين الحناكيش بالجد ديك
البوست داااك تجي ترد على زول في صفحة 22 تعمل رفرش تلقاه في 44

كمال سالم

أعمل حسابك من المدح الزائد ده.

لأني بعد شوية بقوم بكسر ركبة في بلدكم دي وتاني يحلني منكم الله.

ود القريش الظلامي ما تصدق كلامي ده تعال راجع الدوحة.

Quote: قاسم الانصاري · الأكثر تعليقا · جامعة الخرطوم دينق ليس عنصريا ، هو في موقع المدافع عن إهله أكثر منه مهاجما وقد فرض عليه ذلك ، لابد من أن نعترف بأخطاء أجدادنا ونعتذر عنها ونتجاوزها بفهم يتناسب مع عصر البشرية الحالي ، الجميع تناسوا ماضي أجدادهم وبنوا حيواتهم بمفاهيم إنسانية راقية . مايزال دينق يحمل روح الوحدة ويتألم لقضايا المرض في طوكر ودارفور ويتألم لمعاناة المناصير ، ويقف ضد الإستبداد ويتفاعل مع قضايا البلد وكأنها لم تنفصل .رجل بهذا القلب يستحق التقدير والإحترام

قاسم الأنصارى ’’ لا أزيد على كلامك ,,
فحقيقة دينق يتعامل الآن مع السودان وكأنه لم ينفصل .
شكرا ليك على المشاركه الفاهمه .

Quote: راعى الفور ويل هو العاصر على ,, لكن برضو فيهو فائده أخير منكم . وين هسه إنت فى السودان ولا رجعت ؟

بالغت يا يكمو ياخي في الحتة الفوق دي أحسن مننا في شنو يا صديقده ساقط إجتماعي وعندو نقص في فتمينات
الأدب ياخي .......(أنا موجود بالدوحة ) خلينا نشوفك ياخي

Quote: غايتو يا ود الباوقة ، لو دينق ده لمّ فيك مُطرّف ، إلا تنكر وتقول أنا ود الخرطوم ، مش الباوقة ..

يا صلاح

دي كلها املاح وثاني اكسيد المنجنيز

الإخوان من نافذة الفيس بوك : محمد صديق
يدرى محمد
على بوب

شكرا على المشاركه ,, تحياتى ,,

أخونا حسن طه.

يا سعادة المستشار.

خليك من ناس كمال سالم وبدر ديل، أنا بجيك قريب.

الاخ كمال سالم
شكراً لى سعة صدرك وردودك المهذبة على برلوم حاول مع سبق الاصرار والترصد حرف مسار البوست كيتاً على دينق
يا خى دينق دا ليهو حق لمعتو شديد يقولوا ليهو اختشى ما عايز يختشى

Quote: يا محمد..السياسيين و كلنا يوم من الأيام حنموت و ننتهي لكين..الأرض..الوطن..دي حاجات ما بتتعوض بي تمن...و إنفصال الجنوب سيظل أكبر وصمة عار في جبين نظام البشير مادام هناك تاريخاً يكتب! يامحمد أنا واحد من الناس مقتنع تمام الأقتناع أنو مشكلة الجنوب دي كان ممكن تتحل سياسياً بالمفاوضات و تحكيم مبدأ العدالة و إعلاء المصلحة العليا للسودان ككل و شعب السودان بدون تمييز قبلي أو جهوي أو عرقي أو ديني.. و هذا ما فشلت فيه جميع الحكومات الوطنية منذ الأستقلال...و وصلت المأساة ذروتها كما هو معروف في حرب حكومة الترابي-البشير الدينية ضد الجنوبيين و التي أدت في نهاية المطاف الى الانفصال. فهل الإنفصال هو في مصلحة الشمال و الجنوب؟؟ هل توقفت الحرب بعد الإنفصال؟ هل توقف نزيف الدم؟ هل زاد السودان قوة أم مزيد من الضعف و الهوان؟ والخوف يا محمد علي السودان الفضل...فليس في نهاية النفق من ضوء

يا زياااد تسلم كتير ياخى وشكراً على وجهة النظر المقدرة
لكن انتا عارف فى قطاع كبير من الشعب السودانى دا بيفتكروا انو الحسنة الوحيدة فى سجل عمر البشير دا ورهطه
هو موافقتهم السلسة لانفصال الجنوب وان كان هناك لوم او مؤاخذة
فقط فى سوء التقدير الذى لازم عملية الانفصال ودا يرجع لى طبع ولؤم الحركة الشعبيه واجندتها التى لم يتصور عاقل ان تتمدد هكذا
ولن يفوت عليك اننى واحد من هؤلاء المشكلة اعمق من ان ينصلح الحال يا زياااد لكن هناك قاسم مشترك مع بقية السودان الفضل دا
اهووو لسع ما قطعنا العشم ينصلح الحال
:
:
:
:
:
مع التحيات لله الزاكيات

Quote: ضرب ( التقليه باللقمه ) زى الماحاصل حاجه , بعهدها إستعدل وقضى على القراصه بالدمعه . وكان قبلها قد عجن الرجله بالكسره . ولم يتوقف حتى قلت له يا دينق ( إختشى ) .

يا كمال سالم
والله الفيك انعرفت ... انا كتبت مداخلة (مهمة جدا) في البوست دا مشت وين ؟
وحتى اخونا وليد الشفت مقتبس منها حتة صغيرة .. بقيت تبلغ في مداخلاتي ولا يكون دا المحتفى به ؟
والله ما بعيد المحتفى به تكون كسرتك دي وخميرة وبايتة طلعت ليهو في راسو ؟
شكلو كدا الزبون راسو خفيف هههههههههههههه

يادينق انت في ولا مشيت
كمال سالم شد سلك تلفونك ضاع مني

التحية لك أخي العزيز كمال

ولأهل الدوحة الطيبين

التحية للاخ العزيز دينق الذي شرف ونور الدوحة

في الحقيقة الاخ دينق أحد الأخوة الأعزاء من جنوب الوادي يتميزون بثقافة عربية عالية وهذه ميزة يحمد عليها

وهو أيضا أحد الأخوة الأعزاء من جنوب وادينا الذي أدمى قلوبنا .. وأبكى عيوننا لحظة الإنفصال عنه لأننا أعدنا

في تلك اللحظة شريطالكثير من الذكريات الجميلة في جامعة الخرطوم حيث كنا نتسكع في الطرقات ، وحينما تحل

أيام الامتحانات نهرول نحو إخوتنا من جنوب الوادي بكل الحب لكي ننقل اللكاشر من دفاترهم الأنيقة ،،

كانوا جادين وأذكياءمتفوقين ،، ومميزين بأناقتهم ،، وهندامهم المرتب والنظيف ..

في واقع الأمر ما دفعني إلى الكتابة في هذا البوست الجميل النبرة العنصرية البغيضة التي يحاول

البعض نشرها في هذا المنبر المتعدد الثقافات والأعراق ، ولكن مهما اختلفنا ، ومهما حاول البعض

نشر بذور الفرقة يبقى دينق الجميل رمزا للإخوة والمحبة ، والدم كما يقال عمره ما يبقى موية

فلنا إخوات عزيزات أمهاتهن من جنوب الوادي ، وأخوة أعزاء آمهاتهن من شمال الوادي .. كنا نلتقي

بهم بكل الحب والود نعزمهم في بيوتنا ويعزموننا في بيوتهم ولم نسمع في أي يوم لهجة عنصرية

تجرح الشعور أو تسم البدن ، أيضا لنا أخ عزيز من الجنوب كان من أميز الصحفيين في إمارة أبوظبي

لقدرته الفائقة في الكتابة باللغتين العربية والانجليزية، ولأناقته ونظافته ، وكرم أخلاقه

وهو الأخ ميوم ألير الذي يشغل في الوقت الحالي منصبا مهما في وازرة الخارجية بدولة الجنوب ،

بعد أن لبى نداء الوطن وترك عمله في وكالة أنباء الإمارات ، والقلف توداي

وقد كان مثار إعجاب بالنسبة للسودانيين والإماراتيين لأدبه الجم وروحه الجميلة

كنت أداعبه دائما لو كانت لي بنت لزوجتها لك وسوف أبحث عن زريبة أخت فيها البقر بتاعة المهر اللي حدتفعم لينا

أيضا كنت أدفعه إلى إكمال نصف دينه فيرد بأنه بحاجة إلى مئة بقرة لكي يتزوج فأرد عليه ما عليك سوف نعمل لك كشف أبقار

بدلا من الفلوس لذلك أرجو أن نتقي الله في نفوسنا ، وفي ديننا فلا فرق عند الله بين عربي أو عجمي أو مسلم أو مسيحي

فكلنا لآدم وآدم من تراب

لك التحية أخي العزيز كمال ، والتحية لأخونا العزيز دينق وشكرا على هذا البوست الجميل