عبد الله ود البوش يجده بخير .....!

يا زول يعلم الله فاقدنك .... دحين ما تطول الغيبه
ان شاء الله نظره بالرقراق ....

فيك الخير يا سامي وحقيقة المنبر محتاج نسمة هواء

تحياتي

سلام سامى ومحمد
ود البوش بخير لكن اللورى بتاعه موتح فى برجوبه التصحيح
اكان عندكم ترتل ماسى وقطره افزعوا زولكم قبل ما يغرق للاضنين

يصله ويجده بخير
مع خالص الاشواق والتحايا
وانتظار رؤيتك الغالية المريحة
شكرا سامي وانت تفتقد البوش الجميل

هيبه وجبره ...... يا جبره
ود البوش من يوم الوصلوا ناس حمودى وحسن * مشكل غياب تام من المنبر
المدارس فى السودان فتحت فدحين تعال صاد



* ربنا يحفظم ليك ويغتيهم بجناح جبرين ....

شكرا سمسم على الفقدان
امي خادم الله يا سامي الله اديها العافية رسلت ليها تلفون زي حقي
اللهو الكشاف منها تتكلم ومنها اضوي ليها
قالت دا ما بدورو ..... بدور البقشو باللصبع
هي يا يمة هي
اتي يا يما بتذكري لمن اول مرة جيتي الخرتوم تتصلي علي مش مسكتي التلفون
وبقيتي تقولي
السلام عليكم يا عبدالله ورحمة الله تعالى وبركاته
كيف حالكم واحوالكم في المدة الطويلة التي ما ريناكم فيها
وكنتي دايرة تقولي ملحوظة قصب السعية
قمت انا وقلت ليك يما اتكلمي عديل دا ما شريط اتي تتكلمي وانا اتكلم
قلتي عبدالله ؟ ومستغربة
اسع تقومي تطوري فجعتن وتقولي بدور التلفون البقشوهو باللصبع ؟
.
.
شكرا مرة اخرى على الفقدة وزي ما قال ليك موسى الراجل زنقة الكلــب اللكل الدريش
زمان كنا شغالين قنطية ساهي عندنا عمال الحقوا ليهن تلتمية عامل من هندي لباكستاني
شئ على كفالة الكفيل وشئ على عمو ود اعم ابوهو
وشيتا ولا بتوصف اها الشغلة دي كلها فوق راس عمك ود البوش
وكل يوم ويش صار ويش صار
وفي نص المعمعة دي اجوا ناس حمودي وحسن
ودايرني العب معاهم
مسلة مسلة شقلبي على الصفح شبير شد طار بجماعتو ورك برا
بنبقا ولا عصا
شيل واردع
بنبقا ولا عصا ؟
الله عفا
ومن جهة اخرى عمك الليام دي بقى اغني
الله لي انا من سامية

شكرا
محمد جبره
شكرا موسى الراجل
شكرا علي محمد الفكي
.
.
قلت ليك يا سامي عاين جاي
خالي القرعي زمان جا عمرة عشان اسرح والسرحة حرقتو قام رجع ساهي برا كشة
وصل الحلة يوم العيد والناس اتلمو فوقو قاليهو ليهو مالك جيت براك قالوا ولا كشوك
قاليهم والله اتو بتتكلمو ساهي لكن علي الليمان والرحمان الواحد فيكم اجدوا مع جمال
وسط تلاتة جبال الا اقول يا ليتني كنت ترابا
.
.
يا ليتني كنت المذكور ادناه

(((( السلام عليكم يا عبدالله ورحمة الله تعالى وبركاته
كيف حالكم واحوالكم في المدة الطويلة التي ما ريناكم فيها
وكنتي دايرة تقولي ملحوظة قصب السعية
قمت انا وقلت ليك يما اتكلمي عديل دا ما شريط اتي تتكلمي وانا اتكلم
قلتي عبدالله ؟ ومستغربة )))

ما كان اخير تخلو موتح في برجوبة التصحيح

الله يدي العافية للوالدة وبعد داك حمد لله على السلامة
...........................................
حبوبة صاحبي اولادها رسلوا ليها موبايل من السعودية عشان اناغموها
وهي باقي سمعا تقيل في شان كدي سو ليها الموبايل هزاز
اها وكتين اضربو ليها و الموبايل يتر في التربيزه تدنقر فيهو وتقول بسم الله الهبشك ما ضراك .

شكرا سامى عبد المطلب .

الذي جعل عودة عبد الله ود البوش ممكناً

ود البوش، وينك يا رجل ...
فاقدنك ومقدرين الظروف،
فكلنا في الهم حسن وحمودي وكفالة ،
سعيدين بطلتك،
والشوق قطر، ومطر، وماسورة مكسورة ، كما يقول شباب الفيسبك
شكرا سامي وتحياتنا....

شكراً اخوتى واحبابى
محمد جبره
موسى الراجل
على محمد الفكى
فيصل خليل
عبد المنعم الطيب
على مروركم الجميل على حوش الزول الجميل ود البوش عمدتنا وكبيرنا فى هادا البورد ......
شكراً وكتر خيركم