لايستطيع البشير ان يفعلها والصحف السودانية تمومة جرتق

لا يستطيع فعلها لان عليه ملفات خاصة وفساد يزكم الانوف
ولن يفعلها لانه يدين ويترك من اذا ما كانت الحكومة بكامل
طاقمها ترتع في الفساد والافساد .



القدوة هو من يفعل هذه الخطوات في سبيل الوطن والمواطن .

الحية للإخوة في دولة جنوب السودان وهم يمضون بثبات في

تأسيس دولة قوية .



........................................................................حجر.

لهم التحيه والتقدير






فرق الثرى للثريا يا العوض



.
.
.
.

ومكافحة الفساد هي الخطوه الاولي لدوله لها مستقبل
احترامي لكم يا شعب الجنوب......

يا العوض قول بسم الله ياخى معقول
حسى على محمود يسرق 7 مليون دولار من خزينة الدولة البشير ما يوقفوا لييييه يسوى بيهو شنو
عليّا الايمان موش يوقفوا وكمان يديهو طلقة ولو ما عملها قبيلتوا تعملا وترتاح منووو هو الحرامى دا فى زول بى يتعاطف معاهو
ياخى ديل ناس خاام وانا لمن قلتا الكلام دا دينق بقا لى فى رقبتى
لكن اصلاً لم اتوقع ان يكونوا خااام على مستوى وزراءهم ومثقفيهم
ياخى ديل جابوها واسعة شديد
ياخى ديل البشير اداهم 60 مليون دولار لتعمير الجنوب اتقاسموها ولمن جو يتفاصحوا فضحم ليك على الهواء مباشرتننننننن
سكتووووا انجم وبدوا يسربوا فى الاشاعات انو اشتروا بيها سلاح قلنا خير سرقوا مكتب سلفا قلنا خير هو زاتو سلفا القروش بى ختوها فى المكتب
ما فى وزارهـ وبنك خليهم المال السايب يعلم السرقه ياخى ديل ناس خااام للاسف حتى على مستوى وزراءهم ومثقفيهم خااام لو عايزين يستبيحوا المال العام
ما يعرفوا يضاروا عوراتم .
عليّا الايمان لو كلموا اقرب محاسب رانكر قالوا ليهو عايزين نجاسف لينا 7 مليون دولار كان هداهم يشوفوا ليهم مشروع بى 70 مليون دولار وينجروها معاهو ويخلصوا
اهو داااك الجنوب كلوا خربان وعايز تعمير معقول ما لقوا ليهم عمار يعمروهو ويلحسوا الــ 7 مليون دى والله لسع عايشين بى عقلية الغابة
وبرضك تقول لى ديل ناس شفافين وحساسين وبى يطورووا اهااا انا معاك وانا فى وانت فى لو ربنا مدا فى الآجال تانى 50 سنة يسرقوا زى دا وشعبهم المغلوب ياكل فى صفق الشُدر
ويصيد من البرارى انا ما عارف انتو بتفكروا كيف لكن قليل من الموضوعية لا يضر
رسالة اخير لك اخى العوض
ياخى الحكومة دى فيها ستين ثغرة ممكن تنتقدها وتطلعا اى كلام لكن هيييك حكى ومقارنات ما بصير
:
:
:
:
:
مع التحيات لله الزاكيات

المؤكد ان السودان ليس بلد ملائكة وليس بلدا خاليا من السرقة او الفساد .. بل العكس تماما فالبئية في السودان تساعد علي الفساد وتاخذ بيد المفسد الي بر الامان والجلوس في صالون الاوفياء ، هذا طبعا للمواطن العادي فكيف هو ان كان الفاسد مسئولا او مقربا من المسئول !!!!
تتحدث الخرطوم صباح مساء عن الفاسدين مشيرة باصابعها اليهم ومعلنة عن اسماء شركاتهم وريسنا ونوابه ومستشاريه يسدون اذنيهم بكل الطيب والعجين !!
وحتي عندما استلم ابوعصاية ملف الفساد حورب ومنع حتي من مقابلة البشير لاكثر من سبعة شهور ، سلم بعدها ملفه خلسة في مسجد انتهز حضور الريس اليه ...
من يحمي بلدا تنهب ليل نهار ومن يعيد الثقة في قلوب الناس اذا كان الفاسد المفسد يرقي لاعلي الوظيفة بدلا عن ان يحاكم !!

Quote: تحدث الخرطوم صباح مساء عن الفاسدين مشيرة باصابعها اليهم ومعلنة عن اسماء شركاتهم وريسنا ونوابه ومستشاريه يسدون اذنيهم بكل الطيب والعجين !! وحتي عندما استلم ابوعصاية ملف الفساد حورب ومنع حتي من مقابلة البشير لاكثر من سبعة شهور ، سلم بعدها ملفه خلسة في مسجد انتهز حضور الريس اليه ...

يا العوض ما قلنا حاجه
البينة على من ادعى واليمين على من انكر
وكونهم يكون عندهم سلطان يمنعوا الادلة تصل مكان بى يتحاسبوا دا معناها الجهة التى تحاسب لم ترتقى الادلة طرفها لموضوع الحساب
والمثل بقول الحرامى ان ما قبض شريف
وهم وشطارتم والله فى وان سترم اليوم سيفضحهم غداً لكن تفتح الخزنة تسرق 7 مليون دولار يا زول 7 الف جنية بث تاخد طلقة وتكون منبوذ فى مجتمعك
ياخى الحرامى دا عندو عشرة كمااان ياخى البسرق دا لمن يتفضح لو خلى السرقة هى السرقة ما بتخليهو واقول لك حاجة عليّا الايمان اولادوا ما يأكلوا من مالوا
هو مال السرقة دا بى يتأكل يعنى يا العوض لو حاسبتك الجهه التى سرقتها المجتمع بى يحاسبك
ديل جابوها واسعة .. واسعة شديد والله صحى
:
:
:
:
:
:
:
مع التحيات لله الزاكيات

اما الصحافة السودانية فحالها عجب فقد احتفت بهذا الخبر ايما احتفاء وجعلته عنوانا
كبيرا بالمانشيت الاحمر وكأنها اكتشفت ارضا جديدا او وجدت ما تبحث عنه من خبر او انها افادت المواطن ببشريات ببان غده اصبح واضحا ....
صحف تتهرب من مناقشة الفساد في الدولة . وان ذكرته كان ذلك علي استحياء او خدمة لغرض احد اطراف النزاع !!
كيف تنتشئ صحفنا بخبر دون ان تطالب مسئولينا بحذو حذوه وهي تري ان البلد كل يوم تتدهور حالتها ...
ام ان الصحف ورؤساء تحريرها مشغولين بتكريم وزير المياه ولا وقت لديهم لغير ذلك !!؟؟

يا محمد حمزة سلام
من متين في اثبات علي زول في يده القلم ؟!
انت ما سمعت باختلاسات هئية الحج والعمرة ولا سمعت بشركة الاقطان ولا ما سمعت الابراج والاراضي الحكومية التي تحولت لافراد !!
يا حليل زمن السرقة كانت كهرباء من مسجد ولا بناء دون تصديق

.



تحياتي يا مسلمي


أخي محمد حمزة
عمر البشير أوقف بأمر منه مناقشة ملف الفساد في المجلس الوطني، أمشي راجع محاضر المجلس الوطني!
أمر عجيب أن تستهين بسرقة المال العام وتبرر لذلك إذا كان المسروق أقل من 7 مليون دولار!!
حكومة الجنوب حققت مع باقان أموم حتى ثبتت براءته، أعطينا مثال واحد لتحقيق تم مع معتمد محلية من جماعة الإنقاذ؟!

هذا ما يجعل دولة الجنوب أقرب لصناعة المستقبل أكثر من دولة الشمال.


.

اخطأت الصحافة كعادتها فبدلا من الثناء علي هذا القرار والاشارة الي ان دولة جنوب السودان تسير في طريق محاربة الفساد ركزت علي ان هذا المسئول من منطقة ابيي وكأنها تبشر بان هذا التحقيق يعيد ابيي للسيادة السودانية ...
والغريبة ان صحيفة السوداني احتفت به في صفحة كاملة !!

اخى سيف اليزل
انا لم استهن بسرقة المال العام ولا يحزنون لكن ما أعلمه حتى الآن لم يقدم مستند واحد لإدانة مسؤل سرق مال عام
عيااان بيااان كدا وانما هى كومشنات تضخمات لحسابات موظفين لا يستحقون ان يمتلكون هذة الارصدة والتحقيق معهم
يتم بواسطة الثراء الحرام تحت طائلة قانون من اين لك هذا وما عدا ذلك ما يرشح عن تقارير المراجع العام هى عبارة عن تجاوزات
فى مخصاصات صرف بنود الموازنات من الغير الرجوع للجهات المسؤلة لكن زول يختلس مبلغ مالى يحولوا لى حسابوا الخاص
زى ما بعملوا الجماعة ديل ياخد طلقة طوالى فرق اضنينوا ولو ما ادهو طلقه اهلوا وعشيرتوا واسرتوا بدوهو طلقة

Quote: هذا ما يجعل دولة الجنوب أقرب لصناعة المستقبل أكثر من دولة الشمال.

ياخى ديل رئيس دولتم بحتفظ بى اكثر من مليون دولار فى مكتبوا وتنسرق كمان وما يتعرف السرقا منو
وحسى متهمين عناصر الحماية الاجنبية تقول لى اقرب لصناعة مستقبل دا مستقبل شنو دا يا سيف
اهاااا ان شاء الله بوسطن هدأت يا حبيب
:
:
:
:
:
:
مع التحيات لله الزاكيات

Quote: انا لم استهن بسرقة المال العام ولا يحزنون لكن ما أعلمه حتى الآن لم يقدم مستند واحد لإدانة مسؤل سرق مال عام عيااان بيااان كدا وانما هى كومشنات تضخمات لحسابات موظفين لا يستحقون ان يمتلكون هذة الارصدة والتحقيق معهم يتم بواسطة الثراء الحرام تحت طائلة قانون من اين لك هذا وما عدا ذلك ما يرشح عن تقارير المراجع العام هى عبارة عن تجاوزات فى مخصاصات صرف بنود الموازنات من الغير الرجوع للجهات المسؤلة لكن زول يختلس مبلغ مالى يحولوا لى حسابوا الخاص زى ما بعملوا الجماعة ديل ياخد طلقة طوالى فرق اضنينوا ولو ما ادهو طلقه اهلوا وعشيرتوا واسرتوا بدوهو طلقة

السيد محمد حمذة سلام:
يبدو انك لم تكن متابع او انك تتجاهل الحقائق ........بعيداً عن المقارنة مع دولة الجنوب ......سرقة المال العام بائنة ولا تحتاج الي عين مجردة ......فانظر حولك وشف المسؤلين الذين لم يكن لديهم قوت اليوم اصبحو يمتلكون من المال من العمارات من السيارات ويتعالجون في الاردن وتركيا والمانيا بعد ان لم يكن في استطاعتهم الذهاب للخرطوم...يمتلكون المزارع والبويتات والنساء مثني وثلاث ورباع ولو قدر لهم ان ادخرو رواتبهم وظلو جوعي يودعون كل رواتبهم في البنوك لما استطاعو ان يشترو هذه الممتلكات .......ثم ان المراجع العام اثبت ان هناك فساد وتجاوزات وهناك شركات حكومية رفضت مبدأ المحاسبة اصلاً اذن لماذا؟ وطالما هناك مال مسروق ، هذا يحتم وجود سارق ؟؟؟؟؟فلماذا لا يقدمونهم للمحاسبة ؟ هناك فساد وحتي النظام نفسه معترف بيهو ولكن لماذا تغيب المحاسبة ؟
هذا سؤال مهم جداً واعتقد جازماً ان السبب وراء غياب المحاسبة يكمن في طبيعة السلطة ......لانها سلطة اقلية قائمة علي تقريب المخلصين وتوفير الحصانات لهم فكيف يجوز لها ان تحاسبهم طالما هم مخلصين ؟ وليس السبب الوحيد وراء عدم المحاسبة لان السارق امام المحكمة ربما يجرر من هم اقرب للسلطان ، والسبب الاخر هو عدم استقلالية القضاء وهو نفسه سبب رئيسي وراء الفساد وسرقة المال العام ....
الجرائم التي بحاجة لمحاسبة ليست سرقة المال العام فقط ان الجرائم المتعلقة بارواح المواطنين فالنظام لا يقوى علي المسآلة والتحقيق ....فاممك من قتل الطالب في امدوم ومن قتل عوضية عجبنا ومن القاتل طلاب الجزيرة الدارفورين ومن قتل الطالب محمد عبدالسلام ومن قتل الدكتور علي فضل ومن ومن ......عدم قدرة النظام علي التحقيق في كل الجرائم مرده انه نظام قائم علي تقريب وحماية منسوبيه،وتوفير العدالة لا ياتي ضمن اغراضه البتة .......والسارق لا يسرق يا عزيزي الا اذا تاكد من عدم ملاحقته وقوة يده وغياب القانون حياله .........
النظام قائم اصلاً علي احتكار السوق واحتكار قوت المواطن ومن ثم تجويعه ليسهل قيادته ودهنسته ومن ثم يضمن البقاء .......
ومن ثم كلام الاستاذ العوض اعتقد عين الحق ........بخصوص عدم قدرة البشير علي ملاحقة مسؤليه ولذلك فان ال immunity هي الضامن الحقيقي لاستمرار المخلصين من جهة والضمان الحقيقي لاستمرار النظام من جهة أخرى .وهو لا يبحث عن تايد من الشارع وانما يبحث عن الضحك وخداع المواطنين ولكن اضحت هذه الالاعيب لا تنطلي حتي علي المخدرين باسم الدين ......ومن هنا تستطيع ان تفهم حديث الاخ المسلمي بانه كنظام اقلية لا يرغب وان رغب فهو لا يستطيع محاكمة منسوبيه لذلك فهو يحيطهم بحصانة غير مسبوقة .....حصانة تتعلق حتي بالتعدي علي حق الحياة دعك من المال العام ........