Post: #1 Title: محمد بشير ( كفيف)رئيس قسم في أكبر الشركات اليابانية Author: Ridhaa Date: 06-19-2013, 04:48 AM
Post: #2 Title: Re: محمد بشير ( كفيف)رئيس قسم في أكبر الشركات اليابانية Author: معتصم محمد عبدالرحمن Date: 06-19-2013, 07:41 AM Parent: #1
الاخ رضا سلامات
ياخى والله حاجة ترفع الرأس فووووق ... الطموح يحقق الاهداف ويقتل كل اعاقة ... الحاجة الثانبة الثقة في النفس ... اليابان عالم تانى ناس فاهمة وبتقدر المواهب ... ربنا يوفقوا كمان وكمان عشان خاطر اولادو الحلوين ديل
Post: #3 Title: Re: محمد بشير ( كفيف)رئيس قسم في أكبر الشركات اليابانية Author: سامى عبد المطلب Date: 06-19-2013, 11:07 AM Parent: #2
يا سلام عليك يا رضا ياخى ....... محمد بشير تجربه انسانيه يجب ان تدرس فى الجامعات حتى يعلم الناس ان الانسان قادرعلى قهر المستحيل حين يمتلك الاراده والعزم محمد بشير صديق عزيز ودفعه تزاملنا فى مدرسه المعيلق الثانويه وكان من الطلاب المتميزين فى كل شئ تخرج من اقتصاد جامعه الخرطوم وعلمت انه نال بعثه الى اليابان ..... ربنا يوفقه كمان وكمان ..... ويحفظ ليهو الحلوين ديل
Post: #4 Title: Re: محمد بشير ( كفيف)رئيس قسم في أكبر الشركات اليابانية Author: Gaafar Ismail Date: 06-20-2013, 04:17 AM Parent: #3
الحبيب رضا شكرا جزيلا على تسليط الضوء على الشاب محمد بشير احمد وهو احد ثلاثة مكفوفين سودانيين - رغم الإعاقة - درسوا واجتهدوا في اليابان ونالوا درجات علمية رفيعة مشرفة . فبالإضافة إلى محمد بشير هنالك الدكتور محمد عمر عابدين والدكتور هشام السر بلال ومرتضى الذي يدرس حاليا لنيل الماجستير والدكتوراه. وجميعهم وجه مشرق للسودان .
ومؤخرا قام الدكتور محمد عمرعابدين بتأليف كتاب باللغة اليابانية عن السودان وحياته في اليابان وهو يعمل استاذ باحدى الجامعات اليابانية .
الملا محمد عمر عابدين كما يحلو لنا أن نداعبه يتحدث عن كتابه
Post: #5 Title: Re: محمد بشير ( كفيف)رئيس قسم في أكبر الشركات اليابانية Author: ديامي Date: 06-20-2013, 08:30 AM Parent: #4
محمد بشير ومحمد عمر عابدين وهشام السر ومرتضى
استطاعوا أن يحققوا من النجاحات العلمية هنا في اليابان
لأنهم مجتهدين وشطار في المقام الأول
ولإحترام الحكومة اليابانية لحق التعليم والتوظيف للجميع