Post: #1
Title: مولانا الميرغنى ... عيب يا راجل ! ....................... كاريكاتير
Author: عمر دفع الله
Date: 06-18-2013, 08:49 PM
Parent: #0
انا كنت زى زى صديقنا الناقد معاوية البلال ودكتور جون قرنق كنا قايلين القبة تحتها فكى ... بس يا خسارة سقطت في نظرى . صحيح انا ما عندى نظر قدر مقامك لكن على قدر النظر العندى سقطت فيهو ........ يا للهول ويا للعار .
يا ربى الدكتور جون قرنق يكون سمع بالحكاية دى قبل ما يرحل ! غايتو لو سمع بيها يبقا كلام الراحل الخاتم عدلان كان صحيح مية في المية عن التجمع الوطنى الديمقراطى الله يطراهو بالخير ويحسن مسواه ....
|
Post: #2
Title: Re: مولانا الميرغنى ... عيب يا راجل ! ....................... كاريكا
Author: NEWSUDANI
Date: 06-19-2013, 04:55 AM
Parent: #1
ياأستاذ والله الحزب ده أحسن من فيه الميرغني نفسه والله لو شفت الباقين تقول الناس دي مبارية ليهاجلاليب ساكت
السودان ده ما عنه مستقبل لو ما أنتهت الياء المعرجة هذه من القاموس السياسي
|
Post: #3
Title: Re: مولانا الميرغنى ... عيب يا راجل ! ....................... كاريكا
Author: محمد عمر الفكي
Date: 06-19-2013, 07:25 AM
Parent: #2
Quote: ياأستاذ والله الحزب ده أحسن من فيه الميرغني نفسه والله لو شفت الباقين تقول الناس دي مبارية ليهاجلاليب ساكت السودان ده ما عنه مستقبل لو ما أنتهت الياء المعرجة هذه من القاموس السياسي |
صدقت والله ثم صدقت، طلع لي سيد احمد الحسن وعلى محمود حسنين وجيب كبريتك وقشك
|
Post: #4
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-19-2013, 09:06 AM
Parent: #3
اعتقد او على الاصح ارجح ان ما ذكره جنرال المشروع الحضارى عن مولانافي تلك الايام المرعبة كان صحيحا وإلا خرج على بوق آل الميرغنى صاحب الصوت الجهور والحلقوم العريض كفرس البحر الاستاذ معتصم حاكم وقال في حق البشير ما لم يقله النائب البرلمانى حسب الرسول المسطول في نساء بلادنا المغلوب على امرهن ........
|
Post: #5
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-19-2013, 09:39 AM
Parent: #4
الاستاذ محمد المعتصم حاكم عامل اضان الحامل طرشا وعندما يأتى الامر الى مواضع اخرى يجهض الرجل جنينه ويحشو بطنه بالكلام الفارغ والعنتريات التى ما قطعت ضنب كوز .
ان السيد حاكم مهما بلغ من العلم والحكمة فلن يساوى ظفرا في القدم اليسرى لابن مولانا المدلل الذى يجلس الآن كالدمية المزركشة في ردهات القصر الجمهورى في خرطوم السجم والرماد .
الله يجازيك يا الفاتح جبرا ويجازى محنك ............
|
Post: #6
Title: Re: مولانا الميرغنى ... عيب يا راجل ! ....................... كاريكا
Author: الزبير بشير
Date: 06-19-2013, 09:51 AM
Parent: #5
ال بيت النبي تعداهم العيب
هؤلاء طهرهم الله في كتابه العزيز
لن ينصلح حال هذه الامه الا بمعرفه حق ال البيت
يلقي المرء بالكلمه و لا يضع لها بالا فتهوي به في نار جهنم
سر بقدميك الي الهاويه
غدا نري
الزبير الختمي
|
Post: #7
Title: Re: مولانا الميرغنى ... عيب يا راجل ! ....................... كاريكا
Author: حامد بدوي بشير
Date: 06-19-2013, 10:41 AM
Parent: #6
إذا أراد الشعب السوداني حياة كريمة متقدمة منتمية لعصره،
فعليه: أن يخم السجم مع الرماد مع باقي الوساخة ويرميها في الكوشة عشان يبولو عليها الشماشة... حتى يستطيع أن بنطلق.
|
Post: #8
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-19-2013, 12:23 PM
Parent: #7
Quote: ال بيت النبي تعداهم العيب هؤلاء طهرهم الله في كتابه العزيز لن ينصلح حال هذه الامه الا بمعرفه حق ال البيت يلقي المرء بالكلمه و لا يضع لها بالا فتهوي به في نار جهنم
سر بقدميك الي الهاويه غدا نري الزبير الختمي |
اهلا وسهلا بشيخ الزبير .
كلامك صحيح يا شيخ الزبير في نقطتين : الاولى هى ان حالنا لم ينصلح لان البشير لم يعرف حق آل البيت عندما اذل مولانا الميرغنى واستحقره وجعله مضحكة امام العالمين وحتى شخصكم الكريم اصبح عاجزا في الذود عن كرامة آل البيت . ام النقطة الثانية : ان آل البيت لم يمشوا على خطا اسلافهم الاوائل في الشجاعة والاقدام كما فعل الامام الحسين عندما واجه الامويين وهم يفوقونه في العدد والعتاد حتى قتل وقطع رأسه وارسل الى يزيد وعندما وضع الرأس امام يزيد كان يزيد ينكت في ثغره بقضيب كان في يده وزعم الرواة ان ابا برزة صاحب النبى كان حاضرا هذا المجلس فقال ليزيد : لا تفعل هذا فربما رأيت شفتى رسول الله صلى الله عليه وسلم على هذا الثغر مكان هذا القضيب .
يا شيخ الزبير للاسف فإن مولانا لم يكن في شهامة الحسين يوم رضخ لاذلال البشير واتى بما لم يفعله الاوائل من اسلافه الكرام .
|
Post: #9
Title: Re: مولانا الميرغنى ... عيب يا راجل ! ....................... كاريكا
Author: عبدالكريم أحمد الامين
Date: 06-19-2013, 12:50 PM
Parent: #8
** الفنان عمر دفع الله.. ** مساءك خير.. ## الميرغنى شغال بالمثل المصرى :- أطــعـــم الــفـــم تـسـتـحـى الــعــيـــن ,,, والكيزان مامقصرين على طوال شغالين إطعام ,,, من تعيين الطفل المعجزه وإستلام المعلوم سمعتو قال :- كلمه .. ## غايتو عملا ظاهره .................................. **الشئ المُحير أنه لايزال هنالك حواريين يتبعون لهؤلاء الأشباح !!!
|
Post: #10
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-19-2013, 01:17 PM
Parent: #9
سلام للجميع ....
اخونا عبدالكريم مساء الخيرات
اللهم لا حسد وربنا يزيدهم من عطايا الانقاذ كمان وكمان وهى الانقاذ شالت فيها طورية !!!! ومبروك على ولد الميرغنى الوظيفة في القصر وشاحد ربى ان ترفع الانقاذ من شأنه درجات ودرجات فوق ولد الصادق المهدى لانو ولد مهذب ولطيف وبرئ مش زى ولد المهدى داك ضهخرو يلعن قفاهو .....يخسى على دى تربية ......
بس دا ما موضوعنا فالموضوع حاجة تانية خااااااالس يا عبد الكريم ولو لا انها سيطرت على كيانى والح الكاريكاتير علينا في امرها لما فكرت في عرضها عليكم وحملت وزرها لانها معيبة وشينة عدييييل وفي ذات الوقت طريفة الى حد الدهشة ....
|
Post: #11
Title: Re: مولانا الميرغنى ... عيب يا راجل ! ....................... كاريكا
Author: الزبير بشير
Date: 06-19-2013, 02:45 PM
Parent: #10
الاخ عمر
انت كركتريست معروف و تمثل وجدان امه
نتحترم اعمالك الادبيه ، احري بك انت تحترم عقائدنا في مشايخنا
لك الحق في النقد و لكن الاساءه قد تفقدك بعض الاحترام من معجبيكم علي الاقل من الطريقه الختميه
لك الحق في قول ما تشاء بالدخول للب الموضوع دون التعريض للشخوص
نحن نتفق علي احفاقات الوطني
ولكن نختلف في الاساءه للشخوص
اقولها لك وانا مسئول امام الله ان لم يكن السيد الميرغني موجود في البلد لارأيت لهيب نارها في مهجرك
لك ودي
الزبير الختمي
|
Post: #12
Title: Re: مولانا الميرغنى ... عيب يا راجل ! ....................... كاريكا
Author: الزبير بشير
Date: 06-19-2013, 02:53 PM
Parent: #11
عبد الكريم الامين
سبحان الله
من يطعم من اشراف مكه و ساكني الطائف و الديار العنبريه
شر البليه ما يضحك
اللهم لا نسالك رد القضاء و لكن نسألك اللطف فيه
اللهم لا تنزل علينا غضبك بما فعل سفهاء قومنا
انا لله و انا اليه راجعون
الزبير الختمي
|
Post: #13
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-19-2013, 03:23 PM
Parent: #11
سلامات تانى يا شيخ الزبير
انا هنا لا اتحدث عن العقائد فالناس احرار فيما يعتقدون ولو تلاحظ اننى لم اتطرق الى نسب مولانا الى قريش والذى ينكره عليه الكثير من الناس فآل الميرغنى احرار فيما ينتسبون مثلهم مثل حبوبتى آمنة بت الزبير طيب الله ثراها عندما كانت تعتقد ان اهلنا البطاحين ينتسبون الى الصحابى الجليل الزبير بن العوام .
نحن هنا يا شيخ الزبير نعنى بالشأن السياسى فهو يمس حياتنا وحياة اهلنا ومستقبلهم ومدام مولانا الميرغى قد اختار ان يخوض في السياسة ومنزلقاتها فعليه ان يتحمل عواقبها ومردودها في بلد تقتل فيه الناس بالطائرات وبنقص الغذا والدواء .
شئت ام ابيت يا شيخ الزبير فمولانا الميرغنى غير متسق وغير معتدل في مواقفه السياسية وفي اغلب الاحوال يغلب مصالحه الذاتية على مصالح اهل السودان الجوعى والمشردين في معسكرات الموت في مناطق عديدة في السودان .
وانت ايضا يا شيخ الزبير غير منصف في احكامك فمولانا السياسى الذى تعلقت به الابصار وعقدت عليه الآمال العراض في اتفاق كوكادام مع العقيد الراحل الدكتور جون قرنق ليس هو مولانا الميرغنى الآن والذى يرسل ابنه الى قصر السفاح ويضعه في وكر الفاسدين واللصوص وآكلى مال اليتامى . وليس هو مولانا الميرغنى الآن الذى ينكر على اولياء الدم في دارفور حقهم في العدالية الدولية بعد ان فشل في ان يقول كلمة حق في وجه قاتلهم السفاح البشير .
يا شيخ الزبير ان مولانا الميرغنى احق بالنصيحة منى لكنك لا تريد إلا ان تراه في صورة مثالية ثابتة فإن اردت له ذلك فأنصحه بإن يترك السياسة او ان يتحمل مسوؤليته تجاه المتضررين من سياسة عصابات المافيا الاسلاموية في بلادنا .
الدين النصيحة يا شيخ الزبير .............
تحياتى ودمتم
|
Post: #14
Title: Re: مولانا الميرغنى ... عيب يا راجل ! ....................... كاريكا
Author: زياد جعفر عبدالله
Date: 06-20-2013, 04:39 AM
Parent: #13
السيد محمد عثمان المرغني له مكانته المحترمة كزعيم ديني لطائفة الختمية ولكن كسياسي فهو معرض للنقد زيو و زي السيد الصادق و بقية الزعماء.. شخصياً...أصبت بالاحباط و فقدان الثقة في المرغني من زمااااان...منذ أن قرأت في الصحف في السودان ما مفاده أن الميرغني (كان رئيس المرحوم التجمع الوطني) قد طالب البشير بإعادة أملاكه جزء من إعادة بناء الثقة!!! حاولت جاهداً ان اجد من يكذب او ينفي ذاك الخبر!!! معقولة؟ الناس بتموت و تجوع و تتعذب في بيوت الاشباح و تفقد مصادر رزقها..و زعيم سياسي كالمرغني مهموم بالجناين و البيوت التي صادرتها الانقاذ و يطالب بتعويضه؟؟؟ طيب على الاقل الانقاذ عملت خير و حولت احد هذه البيوت الى مستشفى يتعالج فيه الناس! (مع اني لست مع مبدأ المصادرة من الاساس) ... أرجو ان تفهم أحزاب المعارضة لماذا يفضل الشعب الأنقاذ على قادة أحزابهم (التاريخية)!!!! ... ... و عوض فتح البلف
|
Post: #15
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-20-2013, 10:09 AM
Parent: #14
Quote: السيد محمد عثمان المرغني له مكانته المحترمة كزعيم ديني لطائفة الختمية |
صباحك سعيد يا اخ زياد . لو بقى مولانا الميرغنى في محيط طائفة الختمية يرعى شئونها الروحية ويهتم بإمورها لمل تعرضنا له ولابنائه الذين دفع بهم في امر يخصنا ويتعلق بمصير اهلنا .
صدقنى اننى حتى هذه اللحظة لم اشاهد مولانا في حياتى ولا حتى ولدا من اولاده او بناته وكنت اعتقد ان له ابن واحد واسمه هاشم لانه يكنى بى ( ابوهاشم ) ولم اسمع في حياتى بالسيد جعفر الصادق إلا بعد ان دخل الى قصر سفاح الخرطوم بعيد تعيينه مستشارا للطاغوت . ولا ادرى ان كان شيخ الزبير لا يرى في وظيفة نجل السيد الميرغنى في قصر السفاح اساءة لنا ولاهلنا ولشعبنا فكيف تكون الاساءة يا رعاك الله ! ان شيخ الزبير يطالبنا ان نتعامل في شأن آل الميرغن بقدر من الاحترام الذى يليق بمكانتهم الدينية الرفيعة فيما يجهل شيخ الزبير بأن آل الميرغنى قد اساؤا الى انفسهم قبل ان نتهم نحن بالاساءة اليهم وذلك بتلويث شخوصهم في مذابل الحركة الاسلامية وعصبة اللصوص والقتلة .
لقد اختار آل الميرغنى الانحياز الى محور الشر المعادى لكل اهل السودان ووضعوا ايديهم فوق ايدى القتلة تحت حجج واهية لا تليق بهم ولا بتاريخهم السياسى القريب الذى كان يشرفنا عندما كان مولانا رئيسا للتجمع الوطنى الديمقراطى .
ان شيخ الزبير شأنه شأن شباب حزب الامة الذين يرفضون الظلم وتتوق ارواحهم الى الحرية والعدالة وتطفح قلوبهم بالحزن والاسى على الدرك الذى انحدرت اليه حياة الناس في بلادنا إلا ان قادتهم اوقعوهم في حرج عظيم وحيرة كبيرة . فصاروا بين خيارين كلاهما مر كطعم الحنظل وهذه هى اللحظة الفارقة التى ستجرهم رغما عنهم إما الى خندق الظالمين او خندق المظلومين ............................................
يا شيخ الزبير
لنشيدك انكسرت سماء الماء . حطّاب وعاشقة ، وينفتح الصباح على المكان . تواصل الكلمات نسيانا تزوّج ألف مذبحة . يجيء الموت أبيض . تهطل الأمطار . يتضح المسدّس والقتيل . سيجيئك الشهداء من جدران لفظتك الأخيرة . يجلسون عليك تاجا من دم ، ويتابعون زراعة التفاح خارج ذكرياتك . سوف تتعب ... سوف تتعب سوف تطردهم فلا يمضون . تشتمهم فلا يمضون يحتلّون هذا الوقت . تهرب من سعادتهم إلى وقت يسير على الشوارع والفصول. ويجيئك الفقراء . لا خبز لديك ، ولا دعاء ينقذ القمح المهدّد بالجفاف . تقول شيئا ما عن الغضب الذي زفّ السنابل للسيوف . تقول شيئا ما عن النهر المخبّأ في عباءات النساء القادمات من الخريف . فيضحكون ويذهبون ، ويتركون الباب مفتوحا لأسئلة الحقول .
|
Post: #16
Title: Re: مولانا الميرغنى ... عيب يا راجل ! ....................... كاريكا
Author: أيمن الطيب
Date: 06-20-2013, 10:49 AM
Parent: #15
الحقيقة أن سقطات (السيدين) و(الزعامات) التاريخية و(كبار القوم) وقادة الأحزاب مع الإنقاذ صعب أن تغتفر ويغض الطرف عنها بإسم الإحترام والتأدب حين تناول سيرتهما,, إذا ثار الشعب السودانى ستكون هذه الثورة عليهم أيضا وفعلا يجب على الشعب السودانى أن يتجاوز هذه الزعامات التى ضلت الطريق..
شاركوا فى جرائم الإنقاذ بالسكوت والصمت وليس آخرها إرسال مندوبين عنهما للقصر فى مهمات غير مفهومة وأدوار مبهمة لدينا نحن عامة الناس..
كمية الإنشقاقات والفصائل والأجنحة والإنقسامات داخل هذه الأحزاب وحده يفضح حالها.. كل البنفهو إنو صعب عليهم بعد دا يقولو نحن مع الشعب السودانى,,
تحياتى يا عمر,,
|
Post: #17
Title: Re: مولانا الميرغنى ... عيب يا راجل ! ....................... كاريكا
Author: علي محمد الفكي
Date: 06-20-2013, 11:15 AM
Parent: #16
الاخ عمر دفع الله
لك التحية
الميرغني الذي خرج الى المنافي في العام 90 وتزعم التجمع الوطني منافح ومناضل ضد نظام الانقاذ وهو صاحب سلم تسلم التي اطلقها داوية عندما كان الجميع في المخابئ او ملتزمين بالصمت في منازلهم ..
وعودة الميرغني كانت بناء على قرار التجمع الوطني بالعودة فالعودة كانت عودة مؤسسة .. ولم تكن عودة شخص ..
والمشاركة قرار مؤسسات حزب ايضاً ..
وماذا يضيف المنصب للسيد جعفر الميرغني .. ؟
ولكن دوماً ننظر الى الجانب الفارغ من الكأس ونسارع الى القدح والانتقاد فهما الاسهل وهذه طبيعة الانسان ..
تربى موسى في قصر فرعون ليكون له حزناً ..
ودس يوسف المكيال في رحل اخيه ليستعيد اخيه ويضمه اليه ..
وسؤال هل من الحكمة والعقل ان نترك الساحة للمؤتمر الوطني ونلوذ جميعاً بالمعارضة الصراح ..
اسال نفسك 24 عام من غياب كوادر الاحزاب عن مفاصل ادارة الدولة السياسية ... كيف سيكون تاثيره سالب على التجربة الديمقراطية وعلى مستقبل هذه الاحزاب وقدرتها على ادارة الدولة ..
اليس من الحكمة ان نتعامل بواقعية وندفع بكوادرنا لتتدرب على الحكم من داخل قصر الطاغية ومؤسساته لتكون عليه حزن ..
واختلافنا مع اي شخص يا عمر في وجهة النظر لا يعني ان نغمطه حقه او ان لا نتخير مفرداتنا التي تحفظ له مكانة مكتسبة بعطاء طويل
ولك الود
|
Post: #19
Title: Re: مولانا الميرغنى ... عيب يا راجل ! ....................... كاريكا
Author: الزبير بشير
Date: 06-20-2013, 11:32 AM
Parent: #16
الصبر لم نصبر علي الديمقراطيه
قلب الشيوعيون الطاوله علي الشعب
لم نصبر علي الديمقراطيه
قلب الاسلاميون الطاوله علي الشعب
لم نلوم السيد الميرغني و هو يلملم الجراح
ذوقوا نكال الحزب الشيوعي و الجبهه الاسلاميه
ابواب الحزب الاتحادي مفتوحه و انضموا للعضويه و هلموا للتغيير من داخل الحزب و من ثم بسواعد الرجال الي تغيير واقع السودان للرفاهيه المنشوده
التغييير سنه الحياه و غدا سوف ياتي الحزب الاتحادي بالسواعد الخضراء
نصبر و نبني للاجيال ، امريكيا صبرت 200 سنه و فرنسا 200 سنه و بريطانيا 600 سنه
يا اخي عمر البطحاني التغريد خارج السرب لا فيد و من يده في الماء ليس كمن يده في النار
تعال الي السودان و شارك في البناء بالتغيير فعلا
انت رجل و الديمقراطيه و الرفاهيه دونها دماء الرجال
قدم حزب الجبهه شبابه قربانا لمشروع حضاري فاشل
هلم انت وقدم نفسك قربانا لمشروع حضاري ناجح
يهمني امرك لانك فنان نبض هذه الامه
يهمني امرك لشئ اخر لا اود ذكره كي لا اتهم بالعنصريه
اخوك الزبير الختمي سقادي غرب شندي
|
Post: #18
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-20-2013, 11:32 AM
Parent: #15
Quote: شخصياً...أصبت بالاحباط و فقدان الثقة في المرغني من زمااااان...منذ أن قرأت في الصحف في السودان ما مفاده أن الميرغني (كان رئيس المرحوم التجمع الوطني) |
يا سيد زياد من حق آل الميرغنى ان يطالبوا بحقوقهم المصادرة بغير وجه حق والحق حق والشئ الطبيعى ان يرجع الحق الى اصحابه وهى بادرة جيدة لكى يطالب الآخرون برد حقوقهم من مغتصبيها من الممتلكات الخاصة الى الحقوق المدنية والانسانية المنصوص عليها في الميثاق الدولى للحقون الانسان
كان اهل دارفور يطالبون بحقوقهم في التنمية والعدالة منذ امد بعيد إلا ان صوتهم لم يجد آذانا صاغية وعندما نجح الجنوبيون في نيل حقوقهم انفجرت دارفور لانها اكتشفت ان نيل الحقوق يمر عبر افواه البنادق في هذا العهد الغيهب ولا عزاء للضعفاء .
كان مولانا الميرغنى رئيسا للتجمع الذى كانت الحركة الشعبية تمثل ذراعه العسكرى الرئيسى ولو كانت المحكمة الجنائية موجودة في ذلك الوقت وحدث ان احيل اليها الشأن السودانى الجنوبى لما اعترض مولانا على ذلك بحكم مسؤوليته السياسية والاخلاقية فمالذى بدل هذه المسؤلية ونعنى فقط في جانبها الاخلاقى وحل محلها التعاون التام والمشاركة الفعلية بفلذات الاكباد .
لقد تمددت الجبهة الاسلامية القومية سا بقا في مناطق الاتحاديين ما بعد ابريل , وها هى الآن تستعير جلودهم لتبدل بها جلدها وغدا ستأخذ منهم سائر اعضائهم والعياذة بالله من هكذا حال .
|
Post: #20
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-20-2013, 11:38 AM
Parent: #18
Quote: اليس من الحكمة ان نتعامل بواقعية وندفع بكوادرنا لتتدرب على الحكم من داخل قصر الطاغية ومؤسساته لتكون عليه حزن .. |
يا اخونا ود الفكى انت جادى في كلامك دا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لكن ما بسعلك .......
|
Post: #21
Title: Re: مولانا الميرغنى ... عيب يا راجل ! ....................... كاريكا
Author: الزبير بشير
Date: 06-20-2013, 11:39 AM
Parent: #18
الصبر
لم نصبر علي الديمقراطيه
قلب الشيوعيون الطاوله علي الشعب
لم نصبر علي الديمقراطيه
قلب الاسلاميون الطاوله علي الشعب
لم نلوم السيد الميرغني و هو يلملم الجراح
ذوقوا نكال الحزب الشيوعي و الجبهه الاسلاميه
ابواب الحزب الاتحادي مفتوحه و انضموا للعضويه و هلموا للتغيير من داخل الحزب و من ثم بسواعد الرجال الي تغيير واقع السودان للرفاهيه المنشوده
التغييير سنه الحياه و غدا سوف ياتي الحزب الاتحادي بالسواعد الخضراء
نصبر و نبني للاجيال ، امريكيا صبرت 200 سنه و فرنسا 200 سنه و بريطانيا 600 سنه
يا اخي عمر البطحاني التغريد خارج السرب لا فيد و من يده في الماء ليس كمن يده في النار
تعال الي السودان و شارك في البناء بالتغيير فعلا
انت رجل و الديمقراطيه و الرفاهيه دونها دماء الرجال
قدم حزب الجبهه شبابه قربانا لمشروع حضاري فاشل
هلم انت وقدم نفسك قربانا لمشروع حضاري ناجح
يهمني امرك لانك فنان نبض هذه الامه
يهمني امرك لشئ اخر لا اود ذكره كي لا اتهم بالعنصريه
اخوك الزبير الختمي سقادي غرب شندي
|
Post: #22
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-20-2013, 11:56 AM
Parent: #21
والله يا شيخ الزبير كلامك عن التغيير وحتميته شي مهم وضرورى بس اخونا ودالفكى قلب الريكة وجاب عاليها واطيها وذكرنى قصة الجماعة بتاعين حزب الامة جناح المبارك .
قام المبارك دخل الحكومة قام التابعين الكرام دخلوا معاهو الحكومة وللامن قال ما عايز ومرق من الحكومة قال للتابعين الكرام نحنا لازم نطلع من الحكومة دى قام التابعين الكرام قالوا ليهو ....... لا يا باشا دا كان زمان .....
بالغت يا ودالفكى
اها نبقا في جنس دا !
|
Post: #23
Title: Re: مولانا الميرغنى ... عيب يا راجل ! ....................... كاريكا
Author: علي محمد الفكي
Date: 06-20-2013, 12:02 PM
Parent: #21
عمر
لا اسعلني تب عشان اجاوبك واقول ليك كدي اقرأ تاريخنا السياسي القريب الجبهة الاسلامية دي كيف صنعت نفسها وصنعت كوادرة الدمرت بيها البلد استفادت الجبهة من مشاركته في نظام مايو بعد المصالحة وتغلغلت بكوادره داخل مايو وكان ليها ولي كوادره الموجودة داخل مايو الدور والقدح المعلا في ابريل عشان ما يجي زول يغالط رئيس المجلس العسكري ونائب الرئيس ووزير الدفاع من المحسوبين علي الاسلاميين عشان كده انا قلت نشوف الجانب الاخر من الكأس
|
Post: #24
Title: Re: مولانا الميرغنى ... عيب يا راجل ! ....................... كاريكا
Author: محمد حمزة الحسين
Date: 06-20-2013, 12:25 PM
Parent: #23
عمر دفع الله يصر اصراراً ان يفقد المنطق ويستعدى قطاع كبير من معجبي رسوماتة يا عمر دفع الله آى حاجه منك .... إلا المريخ : : : : : : : مع التحيات لله الزاكيات
|
Post: #26
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-20-2013, 12:53 PM
Parent: #24
معقولة يا ابوحمزة المريخابى تمسك في رسمتى الغلبانة دى وتعمل فيها ما سامع كلام الاستاذ سيف الدولة حمدنالله ؟
سيف الدولة قال جمال الوالى امنجييييييييييييييييييييييييييييييييييييييييي عديييل . نلحنها ليك عشان تقع ليك يا ابوحميد .
امشوا يا مريخاب يا جواسيس ....... عشان كدى كورتكم فكت .............
|
Post: #29
Title: Re: مولانا الميرغنى ... عيب يا راجل ! ....................... كاريكا
Author: محمد حمزة الحسين
Date: 06-20-2013, 06:14 PM
Parent: #26
Quote: سيف الدولة قال جمال الوالى امنجييييييييييييييييييييييييييييييييييييييييي عديييل . |
يا ابو الدفاع لو على القول ياخى اللسان دا فلغه واهو ناس المنبر ديل اى زول يختلف مع التانى بطلعوا امنجى وكوز وكم تصنيف كدا ما عارف ياخى سعيلى الله عتاة المناضلين لمن اختلفوا مع بعض طلعوا غواصات وامنجية وجواسيس يا قولك واهو داك عادل عبد العاطى وصلاح جادات ونور وتاور والاستاذ ولا ابا كبر قيل فيهم بعد اتهامهم بالكوزنه والامنجه ما لم يقلة مالك فى الخمر
المريخ دا نادى الصفوة والختمية طريقة الهاشميين الشرفاء والشرفه على حدِِ سواء مولاى وسيد الميرغنى دا لمن قال سلم تسلم ما كوللكم ترجمتوا وهتفتواا عاش ابو هاشم حوض العاشم اهووو صحى وعقلا ويمكن حلم بالذات المحمدية قالت ليهو الحق والامن ورخاء البلد ليس مع الجبهة الثورية وعرف انهم ظلمة وعنصريون واقصائيون اكثر من الاخوان المسلمين ذات نفسهم اهااا قام ضرب خماس فى سداس وقال جناً تعرفوا ولا جناً مجنن موش كل زول حر فيما يراهـ واصلح له ولمريدنه جمال الوالى رئيس طوالى جمال الوالى رئيس طوالى جمال الوالى رئيس طوالى : : : : : : : مع التحيات لله الزاكيات
|
Post: #25
Title: Re: مولانا الميرغنى ... عيب يا راجل ! ....................... كاريكا
Author: عمر قسم السيد
Date: 06-20-2013, 12:39 PM
Parent: #18
Quote: من حق آل الميرغنى ان يطالبوا بحقوقهم المصادرة بغير وجه حق والحق حق والشئ الطبيعى ان يرجع الحق الى اصحابه |
دى حقوق الشعب يا ابو عمير .. والناس الزماااااان صدقوهم ووهبو ليهم حقوقهم بسبب -جهلهم ومعتقدهم - والناس ديل ما عندهم اي حق
كذلك آل المهدي المسيطرين على ودنوباوي والهجرة وشاطئ النيل من كبري الحديد حتى كبري شمبات
|
Post: #27
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-20-2013, 01:36 PM
Parent: #25
Quote: دى حقوق الشعب يا ابو عمير .. والناس الزماااااان صدقوهم ووهبو ليهم حقوقهم بسبب -جهلهم ومعتقدهم - والناس ديل ما عندهم اي حق
كذلك آل المهدي المسيطرين على ودنوباوي والهجرة وشاطئ النيل من كبري الحديد حتى كبري شمبات |
والله يا ابوعمير لو احصينا الدم والدموع والحقوق المهدرة وسنوات الضياع التى تسبب فيها الكيزان تساوى اضعاف اضعاف خسائرنا واحزاننا منذ دولة الفونج .
اما ان كنت ترى ان آل المهدى وآل الميرغنى قد اخذوا من ثروات السودان اكثر مما يستحقون فتلك قضية اخرى لا تقع في دائرة المساءلة القانونية سوى ان حصلوا على هذه الثروات بالتراضى او بمنحة من المستعمر الاجنبى وفي النهاية فتلك قصة من الماضى اما المأساة الحقيقة هو ما يحدث الآن وعلى عينك يا تاجر من سلب ونهب وفساد وقلع قوة عين لهذا السبب اقول دائما اننى نذرت جهدى ووقتى ومشروعى الفنى لمحاربة الاسلاميين ليس في السودان وحده بل وفي العالم العربى والاسلامى كله . فالكيزان هم آفة الشعوب مثلهم مثل الحشرات الضارة والحيوانات المفترسة والاوبئة الفتاكة . وانا - رغما عنى وللاسف - سعيد هذه الايام من ان مصر التى خرج منها الطاعون قد عاد اليها في قصر الاتحادية . لتشرب مصر اليوم من السم الذى حقنت به شرايين شعبنا بالامس وسممت به افكار ابنائه .
المهم ..... نرجع ونقول : اللعنة على الدكتور الترابى حيا وميتا ..........
|
Post: #28
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-20-2013, 01:43 PM
Parent: #27
Quote: Ahmad M A Salih · الأكثر تعليقا هو بالله لسه في ناس كدا فاكرين ان الميرغني دا من الذين شملهم التطهير التطهير شمل اصحاب الكساء فقط, وليس كل من انتسب للنبي صل الله عليه وسلم شمله التطهير بل هناك من انتسب للنبي صل الله عليه وسلم وهو موغل في الكبائر والذنوب والشرك ايضا, غايتو في ناس كدا نسال الله ان يهدينا واياهم بس رد · أعجبني · متابعة المنشور · منذ حوالي ساعة |
معليش يا استاذ احمد ... لا تعليق . احيلك يا شيخ الزبير ....
|
Post: #30
Title: Re: مولانا الميرغنى ... عيب يا راجل ! ....................... كاريكا
Author: حامد بدري
Date: 06-20-2013, 06:51 PM
Parent: #28
مسا الخير من الرسول خاتم الانبياء عليه الصلاة والسلام وجاي كلو لازم يخضع للتقييم ومايستثنى من النقد لانها تجارب بشرية لافيها خوارق لا وحيي لكن ناس سيدي ولع وطلع من تحتو مويه ومن ايدو روووب ماحيقتنعو استغرب جدا من ايام طفولتي رافض القصه دي وكان الوالده توديني الزواره وشيل قلم الامتحان واتمسح بي رمله وضبايح في الضرايح وبتذكر موقف ادوني كباية شاي تفل فيها الشيخ وابيت نشربا وكشحتا ومن يوما بقيت عواف وشامي ليك ايو دجال وفي الحج امي قالت لي ياولدي دي ماايام الجهل ربنا يغفر لينا بس غايتو النصيحه لله كان ختمي كان انصار شوفو حولياتكم وزحو من السياسة او دربو ليها رجالا واعملو لينا احزاب مدنيه بعيده ايو انتماء ديني عشان نأسس دولة القانون الله يرحمك ابوحريره عشرة منو كان ريحونا
|
Post: #31
Title: Re: مولانا الميرغنى ... عيب يا راجل ! ....................... كاريكا
Author: عمر دفع الله
Date: 06-20-2013, 09:04 PM
Parent: #30
Quote: كل ماهو آت ات فقد رفعت الاقلام وجفت الصحف..الاخ الكريم صاحب البوست التحيات الطيبات..السيد الميرغنى يجرى مع وفق القدر وهو وانت وانا وغيرنا فى خضم هذا الامتحان والناجى من استمسك بالعروة الوثقى وعمل بالصالحات من قول او فعل ..قال الله تعالى (وقفوهم إنهم مسئؤلون)...الكل يعلم العداء السافر للحركة الاسلامية لآل الميرغنى والتى تتفاوت بين التهكم والسخرية فى الصحف الى مصادرة الاموال وبعد ذلك ماذا حدث؟ تحنيس من اعلى رأس فى الحكم . لقد شاهدت وزير الدفاع يمسح عرق الميرغنى وانشاء الله تكون له رصيد يوم القيامة ومناظر اخرى تسر الناظرين وتزيد يقين اصحاب الفهوم...وممكن الكيزان الحارق جازك فيهم ديل يدخلوا الجنة وعلى سرر متقابلين مع سادتنا المراغنة وانت تتمقلب وتخش مع الناس البتحبهم...نسيت شئ عن الراحل السيد أحمد الميرغنى يحكى أنه لا يقول كلمة تجرح احد قط حتى اعدآئه |
Quote: .الكل يعلم العداء السافر للحركة الاسلامية لآل الميرغنى والتى تتفاوت بين التهكم والسخرية فى الصحف الى مصادرة الاموال وبعد ذلك ماذا حدث؟ |
الاخ عبدالماجد تحية طيبة . اعتقد انك وضعت يدك على الفكرة التى اردت تسليط الضوء عليها والهدف الاساسى من هذا الخيط والرسالة اصلا تستهدف قطاع عريض من شباب الاتحاديين الذين حار بهم الدليل وتشابهت عليهم المشاهد في هذه الفوضى التى تجعل تسامح مولانا مع ثلة من القتلة واللصوص اقرب الى الضعف وقلة الحيلة منها الى الحكمة . انفصل الجنوب وغدا سيأتى دور اقاليم اخرى ان ظلت قامات مثل المهدى والميرغنى على وفاق مريب مع عصابة الاسلاميين وبذرائع واهية . ان الواجب يحتم علينا ان نقول رأينا بدون مواربة ان الذى يحدث من وفاق بين زعماء الطوائف وسفاح الخرطوم امر غير مقبول ومذل وسنرفضه بكل الوسائل شاء من شاء وابى من ابى وتنقد الرهيفة انشالله ما تتلتق ..........انشاءالله ما تتلتق ........
|
Post: #32
Title: Re: مولانا الميرغنى ... عيب يا راجل ! ....................... كاريكا
Author: إحسان عبد العزيز
Date: 06-20-2013, 10:26 PM
Parent: #31
لك التحية استاذ عمر بؤسنا يرتبط ارتباط مباشر بالاحزاب التقليدية التى قادتنا منذ الاستقلال وظلت تتبادل الادوار مع الحكومات العسكرية الواحدة تلو الاخرى الى ان سلمت كل المجاديف لحكومة الانقاذ وأخيراً سلمت دقونها كمان.. التجمع الوطنى لم تؤتى اكله لسبب رئيسى لا ينكره الا مبكابر.. قيادة الميرغنى للتجمع الوطنى جعلته فى حالة تراجع دائم نحو الخلف.. كلما تقدمت قوى السودان الجديد (التى كانت تشكل الاغلبية بين فصائل التجمع الوطنى) خطوة الى الامام كان الميرغنى يعود بها خطوتين الى الخلف.. لولا تراجعات الميرغنى لدخلت القوات المشتركة للتجمع الوطنى بقيادة الحركة الشعبية الى الخرطوم قبل مشاكوس.. ودليل هذا أحداث كثيرة وشهود أكثر ولكن الاتحادى الديمقراطى بقيادة الميرغنى عمل على طمس تاريخ تلك الحقبة واخفاء معالمها ووثائقها وكل ما يشير الى ان ( هنا كانت تجربة ملك للشعب السودانى).. تجربة التجمع الوطنى الديمقراطى تجربة ثرة قدمت عبرها الدماء والارواح باسم الحرية والديمقراطية والعدالة.. وستبقى مسئولية التوثيق لها وجمع تاريخها على عاتق كل القوى السياسية خاصة التى شاركت فيها فهى تجربة تخص الشعب السودانى وحق يجب ان تمتلكه الاجيال القادمة ولا يحق لجهة او مجموعة او حزب او احزاب التقول عليها ودفنها.. الاخ عمر.. اقدم لك دعوة الى قراءة كتاب (نساء فى مرمى البندقية).. ستجد عبر صفحاته شئ من ملامح ذلك التاريخ وكيف سيطر الحزب الاتحادى على التجمع الوطنى وحوله خاصة فى المرحلة الاخيرة الى مؤسسة تتبع له يديرها كيفما شاء وحيثما اراد حتى قضى عليه ودقّ على نعشه الاسفين الاخير.. لك التحية فقد تطرقت الى موضوع أصابنا فى مقتل.. والتحية موصولة لضيوقك الكرام
|
Post: #33
Title: Re: مولانا الميرغنى ... عيب يا راجل ! ....................... كاريكا
Author: Hussein Mallasi
Date: 06-20-2013, 11:57 PM
الميرغني لا يلام .. أي زول يلقى ليهو تُبّع مغيبين زي تُبعوا ديل حيخرمج أكتر من خرمجتوا البيخرمج فيها دي!
|
Post: #34
Title: Re: مولانا الميرغنى ... عيب يا راجل ! ....................... كاريكا
Author: MAHJOOP ALI
Date: 06-21-2013, 03:03 AM
Parent: #33
الاسلامية دي كيف صنعت نفسها وصنعت كوادرة الدمرت بيها البلد استفادت الجبهة من مشاركته في نظام مايو بعد المصالحة وتغلغلت بكوادره داخل مايو وكان ليها ولي كوادره الموجودة داخل مايو الدور والقدح المعلا في ابريل عشان ما يجي زول يغالط | عشان مايجي زول زول يغالط ... ال الميرغني وال المهدي و ال الترابي (باعتبارها طائفية في طور التكون ) كانوا اعضاء لجنة مركزية او (سياسة ) في الاتحاد الاشتراكي (منسوب للشرك بالله علي راي اهل الظلام ) لماذا لم يصنع السيدين نفسيهما !!!؟ لماذا لم يصنع السيدين كوادرهما !!!؟ لماذا لم يستفد السادة من المشاركة في نظام مايو ويتغلغلوا !!!؟ هل شغلتهم اموالهم واهلوهم وصفاء الجو للجبهة الاسلامية فباضت واصفرت !!!!!!!!!!! القدح المعلا لو كان فيه صون لمصالح الاسرة واستثمارتها فهو قدح السادة بغض النظر عن من يحكم ... اما اذا كان قدح الفته ام التوم فليس له عليا غير افواه البسطاء hglt',kddk بحب العقيدة وتبجيل ال بيت سيد المرسلين
|