اين ايقونة رد يا بكري ؟!!

لا أجد هذه الايقونة الا بعد الدخول للموضوع اكثر من تلاته اربعه مرات أو أكثر ..
لا أعلم تفسيرا لذلك ولكن ..
المساله ليها كم يوم كده ..
والكتابة هنا ما بالسهولة الفائقة ..
يعني تلقى وقت تكتب فيهو بوست ..
وتلقي وقت تتابعو ..
وتلقي وقت ترد فوقو ..
وتعمل ده كلو وما تلقى ايقونة رد ؟!!

الحاصل شنو يا بكري ؟!!
ولا يبقي علينا المثل الدارج ..
تلقي المنبر ما تلقي كلمة وااااحده تقولها ..
تلقي الكلمة .. ما تلقي المنبر !!!

غير النضارة .....................

ثم إزيك

Quote: غير النضارة .....................

كلامو صاح يا عادل،
أمبارح بالليل نزلت موضوع ( إحذروا هذه المرأة) ، مداخلة وقلت على طول أنزل الفيديو
بتاع المرأة المغناطيسية (الجاذبه ، زي الوحده الجاذبة اللتضح إنها كاذبة) أها، أيقونة
الرد أبت تجي كلو كلو لامن نعست وقلت أنوم ، دي كانت حتكون شينه مني ، المهم يا زول
وبعد اليأس في آخر لحظه جات.. زي إنتفاضاتنا..

بصراحه المنبر دا مما بقت تظهر فيهو الحاجات بتاعت التـخـسيـس الأيقونات خسَّت.

سلامات يا المشرف.

سلام يادكتور
تصدق قربت افتح بوست بي كلامك ده تاني قلت ياولد انت برلوم امكن شالوها منك براك
الغريبة خشيت افتش علي الحل في البوست ده لقيتا قاعدة فحمدت الله الما اتشالقت

كُلكم طلعتو ما قانشين حاجة
أنا شخشياً بكري دا اصلي ما بسألو
و الايقونات ديل و حاة الله العظيم احوم بالمواوس جاي جاي
لحدي ما يظهر الكف المادي صباعو داك و ادوس تطلع تعديل ارجع باك
و تاني احوم جاي وجاي بالمواس لحدي ما تلفق معاي و اقبض ايقونة
ادوسها تطلع رد و ارد .




ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يا مرتضي بكري عايز يعلمكم (صيد العوام) يازول

Quote: هسع دي ما لاقي ايقونة رد يا مولانا ..

يا بكري، د. المشرف دا بقا يحاحي بالزقاقات ..هسه ايقونة الوجه اللخدر الضاحك أنا ما لاقيها..

ايقونة رد بتاع فنيلتكم?

يا خرد الحل بسيط
أعمل #######
بتجيك جارية براها و تقول ليك كلكني عليك الله




_________________________________________________
ناس بتمشي المريخ و ناس بتفتش في الأيقونة في المايقومة

نضارة ايه يا ابو حسين

الايقونة مختفية وتتلاعب عليها بتغير محرك البحث

يظهر الامور معاك باسطة

دينق في الامارات جهز حالك يمكن يجي الرياض

مشتاق والله يا ابوحسين

معليش يا جماعة الزول دا غرقان بي تحت و الله يا دوب شفتو :-

Quote: Mohd Haider Elmusharaf · The University of Khartoum عبداالله فقير .. كيفك وكيف كيفك يا صديق .. الكتابة في هذا المنبر غير الارهاق الفيها .. بقت في ذاتها مرهقة جدا .. هههههههههه .. القراية مرهقة .. الكتابة مرهقة .. وكلو والقسم العظيم بلا فائده تماما .. عدا القليل جدا من البوستات .. والقليل جدا من الوطن مودتي رد · أعجبني · متابعة المنشور · منذ ‏51‏ دقيقة

Quote: Mohd Haider Elmusharaf · The University of Khartoum نضارة !! نضارة يا قريبي !! بعد الزمن ده كلو تقول لي غير النضارة يا عادل ؟!! الزمن ده كلو شغالين غلط ولا شنو ؟! نحنا اولاد البوسته يا ود العرضه ؟!! نحنا اولاد قلبا مما امدرمان كلها ما تامة 250 الف ؟! هسع تقول لي غير النضارة ؟!! رد · أعجبني · متابعة المنشور · منذ ‏58‏ دقيقة

قلبا بتاع فنيلتك أهو غطست بي تحت .... نحن أولاد قلبا الحقيقين و لسه قاعدين في قلب بوستك....

كمان بتفاصح ............

Quote: Mohd Haider Elmusharaf · The University of Khartoum هسع دي ما لاقي ايقونة رد يا مولانا .. رد · أعجبني · متابعة المنشور · منذ حوالي ساعة

بالله يا بكري شوف طلبات الجلاكين ديل و لبي ليهم كل رغباتهم

أعمل ليهم ايقونة إحتياطي علشان لو طشت منهم واحدة التانية تكون موجودة

أو أقول ليك حاجة تانية حاول أربط ليهم الأيقونة دي تحديدا بي سلك علشان ما تطش

و كمان حاول كبرها ليهم خليها كبيرة علشان الواحد إشوفها من على بعد10 أمتار

و بالله خليها تبقبق علشان تلفت إنتبهاهم .....

و في واحدين لو ختيت ليهم فيها صورة جكس نضيف بتظبط معاهم لأنو عيونهم ممكن تجلي أي شئ إلا الجكس النضيف...

ياخ بكري دا ما عذبتو ....

والله أنا في البوست بتاعك دا ذاتو
لميت في الأيقونة دي بعد تلتلة

يا جماعة في بطء في تحميل الصفحات و لو النت عندكم بطئ حا تكون أسوأ

أصبرو لغاية ما الصفحة كلها تحمل و بظهر ليكم كل شئ


الشفقة ليكم شنو .......

ود المشرف

قبل كم يوم كنت في نقاش في بوستين, و قدر ما اكتب اجي ارسل الكلام الكتبته, افتش ما القى اي ايقونة و لا بطيخ!
كتبت لبكري ايميل و شرحت ليهو مشاكلي العاطفية مع البورد, قال لي :

"Thanks
change your browser"

ههههههههههه
استعوضت الله و نسيت البوستات
حقيقة الكتابة ما عادت سهلة في سودانيز و بكري مفروض يتحرك يسهل الموضوع على الناس شوية

جميع المسائل
تمام التمام
وكل الكلام دا
مجرد كلام
فصبرا جميلا
ولاتقلقوش
وشغل الضغاين
أنا ما اقبلوش
مافيش أي حاجه
على الطلاق والعتاق بالتلاته
مافيه اي حاجه
وقدر كمان ان فيه أي حاجه
مافيش اي حاجه
ما لوش أي لازمه الكلام
واللجاجه
_________________________
تحياتي ود المشرف و كل الناس الحلوة...

ويعيش عمنا الفاجومي

في درب الايقونة دي يا ود المشرف
ليلة البارح ساعتين بعافر .
تجيك الايقونة يروح منك الكلام الداير تكتبو .
يجيك الكلام تروح الايقونة .

يا بكري اصحى للموضوع ده يااخ

بقينا زي العمايا

نفتش باللمس

سلام لجميع الما لااقين يردو

Quote: تصدق قربت افتح بوست بي كلامك ده تاني قلت ياولد انت برلوم امكن شالوها منك براك

وانا زاتي

الزول لسه رايحة منو الأيقونة دي .....؟؟؟؟؟

وأخيراً تفتيش عميان بالماوس تحت المداخلة لمن الماوس ضبانتو تبلغك بوجود شيء

فتجدها هي الأيقونة !

يا يحيى قباني ياخي البتسوي فيهو دا شنو

كتلتنا بالضحك

قلت تلقى الأيقونة ما تلقى الكلام تلقى الكلام الأيقونة تابا

الله يجازي محنك

هههههههههه ..
عجايب منبر بكري ده لا تنتهي ..
أغرب حاجة فتحت البوست فطالعتني ايقونة رد في مكانها الصحيح ..

كيفك يا شباب ..
ويبدو انو كلام صديق الموج صحيح ..
فالمنبر عاد رجاليا صرفا والحمد لله الذي لا يحمد علي مكروه سواه ..

فكره تخمن مكان الايقونه دى فكره صحيحه ؟!

تختفي كل الإيقونات.... وأحيانا الصور عند تعطيل
CloudFlare
تم تفعيله حديثا في المنتدي.....(سكو المهندس بكري ..الشرحو ليكم)


هذه عن تجربة في فايرفوكس مع استعمال
Noscript
والأخير عبارة بلوقن .. يسمح لك بفلترة الإسكربتس في الصفحة
يعطيك قائمة بكل الإسكربتات في الصفحة
وعليك أن تختار ما تحتاجه

..........

والله أعلم

Quote: تلقي المنبر ما تلقي كلمة وااااحده تقولها .. تلقي الكلمة .. ما تلقي المنبر !!!

لا لتشويه ( التراث ) السوداني




___________________

أعطيك طريقة مضمونة ومجربة يا دكتور

عندما لا تجد أيقونة الرد وأخواتها
أطلع أعلى الصفحة
واضغط على أيقونة ( أقرا المشاركات في شكل سلسلة )
ثم
أرجع وأضغط في الأيقونة الجديدة التي تظهر لك ( أقرأ المشاركات في صورة مستقيمة )

وانظر

تجد الأيقونات قد رجعت

Quote: يا جماعة في بطء في تحميل الصفحات و لو النت عندكم بطئ حا تكون أسوأ أصبرو لغاية ما الصفحة كلها تحمل و بظهر ليكم كل شئ الشفقة ليكم شنو .......

فعلاً يا ابو حسين كان دا اعتقادى الاول لانو النت فى السودان بطئ خالص خالص
لكن ما دام اتفتح بوست تبقى المشكلة اكبر من بطئ فى النت
فنسأل معاك يا ود المشرف

Quote: اين ايقونة رد يا بكري ؟!!

:
:
:
:
:
:
مع التحيات لله الزاكيات

it works

خمنوا مكان الايقونة اولا ..
مرر السهم حول المنطقه المشكوك فيها ثانيا ..
يتحول السهم لقبضة يد تشير بسبابتها في منطقة ايقونة عدل وايقونة رد .. هذا ثالثا
رابعا وأخير خذ أقصي شمال ممكن لعلامة السبابة قبل ان تتحول لسهم مجددا ..

هذه هي بالتحديد ايقونة رد ..
اضغط عليها وارسل مساهماتك بكل ارتياح ..

...

هههههههههه ..
معا للمحافظة علي تراث امثالنا السرية يا عاطف ..

Quote: يا جماعة في بطء في تحميل الصفحات و لو النت عندكم بطئ حا تكون أسوأ

إنت يابوحسين داير تشرِّع مالك
أنا النت عندي هنا من ضرع أمها
وبرضك تقول لي بطيئة وشنو؟
ياخ المنبر ده في زول عامل ليهو عمل.
يكونوا ديل سحرة الفيسبوك؟
أنا غايتو بدوس علي الهايبرلنك بتاع English Forum وبرجع للصفحة تاني بتجيني عدة بكري راجعة.

حأدّيك حل حيلف راسك شوية ...

شايف الرابط دا:-

sudaneseonline.com/cgi-bin/sdb/2bb.cgi?seq=postandboard=430andmsg=1371583136andrn=24

طبعاً سحبت منّو http://www. عشان أتجنّب القراية التلقائية للرابط ...

لاحظ الآتي:-
الرقم دا 430 هو رقم القسم واللي هو المنبر العام الحالي يعني القادم احتمال يكون رقمو 440

الرقم دا 1371583136 هو رقم الموضوع .. يعني هسّة بمثّل رقم موضوعك دا

الرقم دا 24 هو رقم مُداخلتك الأخيرة واللي متضمنة الجزء الكتبتو إنت دا (خمنوا مكان الايقونة اولا .. )

وطبعاً andrn= دي بتعني رد جديد على المُداخلة رقم كذا واللي هي في الرابط الفوق دا رقم 24

وحسب المُعطيات الفوق دي .. أضغط على أيقونة إضافة رد في أيّ موضوع وأحفظ الرابط في المفضلة .. وفي حالة لم تظهر لك الأيقونة عند محاولتك الرد وكُنت مُستعجل .. ما عليك إلاّ أن تفتح الرابط الذي حفظته في المُفضلة ثمّ قم بتغيير رقم الموضوع برقم الموضوع الجديد بنسخ الرقم الجديد ولصقه في الرابط مكان الرقم القديم .. ثم قُم بتغيير رقم رد المُداخلة واللي بتمثّل في شرحي الفوق دا رقم 24 يعني حتحسب المُداخلة العايز ترد عليها رقم كم .. أو اختار أيّ رقم مُداخلة على شرط ما تكون لسة مافي دا طبعاً إذا عايز ردّك ينزل محل ما ينزل ...

وبعد ذلك اضغط Enter وعندها ستفتح لك صفحة الرد وحينها تستطيع الرد ...

طبعاً في الربع القادم عليك بتغيير الرقم 430 إلى رقم القسم الجديد واللي هو احتمال يكون 440


ومع روتانا سينما مُش حتقدر تغمض عينيك




ـــــــــــــ

ههههههه ..
والله يا صبري يا صاحبي أعمل كلامك ده ..
العكليت أبوحسين بكره دي يطلعني الدرويشه
والله صحي !!
يكبشروك ويطلعو ليك مافي www !!!

...
كتر خيرك يا صاحب ..
مودتي ياخ