Post: #1 Title: الزول السمح .. ود العرب .. اللونو من لون أمو وأبوه .. فليتفضل !! Author: محمد حيدر المشرف Date: 06-18-2013, 03:22 PM Parent: #0
هذا وتدفقت الالحان مترافقة مع الاعلان اعلاه للترحيب بذلك الفنان ال .. سمح .. ودالعرب .. اللونو زى لون أمو وأبوه ..
وللحق كان الإختيار جميلا .. يا غالية يا .. زينة حياتي .. مشتاق لشوفتك لي زمن .. الا أن الجمال يتوقف عند محطة الاختيار .. فلا الصوت كزيدان .. ولا الأداء كأداءه .. و .. ضاعت ملامح الأغنية تماما ..
أقفلت جهاز التسجيل في العربية وانتقلت للبي بي سي .. الا أن كلمات مقدم الحفل ظلت عالقة .. كان صوته جميلا وقويا وفيه جرأة لا تعرف الارتباك .. ذكرني بمقدمي حلبات المصارعة ..
المناسبة لا أعلمها .. الا أن أحد الأصدقاء أهداني فلاش ميمورى بذاكرة تسع 16 قيقا من الأغاني السودانية .. وردي وكابلي وعقد الجلاد وعثمان حسين و .. و .. وأخيرا هذا الملف .. مكتوب عليه collections .. وهناك تفاصيل أكثر لاسماء الفنانين .. عرفت نصفهم .. ولم أعرف النصف الآخر ..
أجملهم كان الجزار .. امكانيات صوتية مميزة جدا وافكار موسيقية جميلة .. توجد فرقة اسمها هايبرد باند .. برضو أفكارهم جميله .. انصاف مدني بالدلوكة آسره جدا ..
في واحده اسمها رندا عندها غنية اسمها سبتني .. الاغنية غريبة وشديدة اللهجة تجاه حبيبها الذي خانها مع أحدي قريباتها او صديقاتها .. وهي تشحد الله ان ينتقم منه !!! عموما أتمني لو يقف الامر عند هذا الحد !! ويهدي جوفها البفور كما ورد في أغنيتها "اللطيفة" هذه !!
المهم زولنا مقدم الحفل ده ما بالغ ؟!! الزول السمح .. ودالعرب .. اللونو من لون امو وابوه .. فلللللل يتقضللللل !!!!
Post: #2 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: محمد حيدر المشرف Date: 06-18-2013, 03:37 PM Parent: #1
قام كاتب هذا البوست .. أنا .. بارسال البوست ده .. وفي باله أنه أراح نفسه من الحيرة البالغة التي رماها في نفسه مقدم الحفل أعلاه .. أراح نفسه بتوزيعها - أي الحيرة - علي الناس وبينهم !! لتتفرق بين الأعضاء بالمنبر .. وما أحلاهم شالوا معاي الهم بالجمله ..
Post: #3 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: قاسم المهداوى Date: 06-18-2013, 03:43 PM Parent: #2
حمدا لله على السلامة حابب ارفع البوست وارمى السلاااااااام
قاسم المهداوى
Post: #4 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: محمد حيدر المشرف Date: 06-18-2013, 03:47 PM Parent: #3
قاسم يا صديقي .. كيفك وكيف كيفك آ زول .. ومشتاقين وتسلم يا حبيب ..
Post: #5 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: عبدالمنعم الطيب حسن Date: 06-18-2013, 05:38 PM Parent: #4
محمد المشرف سلامات يا زول .... واحد صاحبنا يحكي لاخته في وجودنا، واسهب ... من ضمن ما قال: ان جدنا هاجر من الجزيرة العربية للسودان قبل خمسمية سنة، عشان كدا؛ اسمعي يا الشريفة ، - ما زال موجها الكلام لاخته؛ وللاسف ما زلت موجودا، ومفروضا عليَّ ان استمع - انت ما عندك اي علاقة بالسودان، قالها بيقينية الجمتني، واكتسب وجهه ثقة وحبورا ، وكاد ان يبيضَّ، اها دحين السمح ود العرب اللونو من امو وابو دا ... لا يُقرا بعيدا عن هذه الاجواء اليقينية التي تخالف كل منطق، بل يُقرا قريبا جدا من الوفد العربي الذي زار المقابر، واستقبلوهوا هناك بالنحاسات والدلاليك ... ويُقرا متماهيا جدا مع الزول الشاف النبي والبشير وعلي عثمان ونافع معا ... ............................................... يعجز المنطق، يا صديقي في مقارعة ما هو غير منطقي ... وان قطعناهو في مصارينا كمان حار ...
تعديل : البشير كان مكتوبا مرتين، فاستبدلنا احدهما بنافعن
Post: #13 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: محمد حيدر المشرف Date: 06-18-2013, 07:22 PM Parent: #5
منعم سلامات وكيف الحال ..
كثيرا ما يقفز لبالي أن غابريل غارسيا ماركيز كان ليكتب غرائب أكثر غرائبية لو كان سودانيا !!
تعرف ! تفوتنا الكثير من التفاصيل المحيًرة في زحمة هذا الوطن .. هسع مسألة الاجتماع مع الرسول صلي الله عليه وسلم .. دي ما مسألة عجيبة يا منعم !! ديكتاتور وإثنان من أرفع معاونيه في إجتماع فوق العادة مع رسول الانسانية الذي ما أنزل الا رحمة للعالمين !! .. يا له من إجتماع !!!
Post: #6 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: حامد بدري Date: 06-18-2013, 05:41 PM Parent: #4
تحياتي وسلامي يامشرف ومرورو الكريم غايتو ياللخو مع الزيارة بتاعت شيوخ الاشراف الجايين يشوفو جدودوم قبل كم يومفدي نظرية المؤامرة البقولوها ظاتو غايتو الله يعين نوبة نخيل ونوبة جبال واتوقع خطاب مدغمس من الريس خاصة بعد الفيديو
Post: #7 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: ibrahim alnimma Date: 06-18-2013, 05:58 PM Parent: #6
تحيات زاكيات لك ياودالمشرف ........ اليوم قابلت احد اقربائي هنا بالسعودية ، وفي السعودية هناك وقف يعرف بوقف السنارية لصاحبه عجيب المانجلوك .....هذا الوقف يصرف للسودانين المقيمين بالمدينة المنورة والذي مكثو اكثر من 10 أعوام ......المهم في الامر ان صاحبنا هذا من المستفيدين .....فقال لي : انه ذاهب للتقديم لهذا الوقف ......فقلت له والله لكن عجيب ان يكون واحد يصرف من وقف جده عجيب المانجلوك ولكنه في نفس الوقت يدعي ان جده الحقيقي هو الزبير بن العوام ......فضحكنا حتي القهقهة ؟ وقال لي ياخي انت حاكيها شديد كدة مالك ؟
Post: #8 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: سفيان بشير نابرى Date: 06-18-2013, 06:06 PM Parent: #7
غايتو يا صاحبي زولك السمح ود العرب دا ما بعرفو بس بالجد بركة السمعته محمد فيصل (الجزار) و سمعته ناس هايبر الجزار دا يا مشرف فنان فنان فنان .
Post: #17 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: محمد حيدر المشرف Date: 06-19-2013, 04:54 PM Parent: #8
سفيان .. كيفك يا صاحب ..
Quote: الجزار دا يا مشرف فنان فنان فنان .
زول فنان مافي كلام يا سفيان .. باقي يكون عندو مشروع فني واضح المعالم وواصل للناس .. اخاف ان يكون مازال واقفا في محطات التجريب ؟!! لا أعلم !! ولكن بعضهم يقف عندها كثيرا .. لاسيما وان المجال في مستواه الاعلى ضاغط جدا وفيه الكثير من العقبات ويفتقد للوسائل والوسائط الاعلامية والانتاجية ..
Post: #9 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: نايف محمد حامد Date: 06-18-2013, 06:12 PM Parent: #7
سلام يا صديق
الواطة ضلمة قلنا نسلم
Post: #10 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: Musab Osman Alhassan Date: 06-18-2013, 06:27 PM Parent: #9
دكتور سلام و تحية
قوة عين مقدم الحفل لا تضاهيها إلا قوة عين هذا الكوز رائي الرسول عليه الصلاة والسلام
بعيدا عن هذا و ذاك، البوزعوا فلاشات ماكني ديل أريتن أصحابي ياخ
تحياتي
Post: #12 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: كمال سالم Date: 06-18-2013, 06:39 PM Parent: #10
اتمسحت ونمت وبرضو حلمت بالاجتماع !! في نصيحة تانية يا صديقي ؟!
Post: #19 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: محمد حيدر المشرف Date: 06-19-2013, 05:03 PM Parent: #10
مصعب عثمان .. تحياتي آ زول وكيف الحال ..
Quote: قوة عين مقدم الحفل لا تضاهيها إلا قوة عين هذا الكوز رائي الرسول عليه الصلاة والسلام
واخد بالك .. سمح و ودعرب و لونو من لون امو وابوه !!
في الحقيقة ما فاهم الرسالة بتاعت اللون دي ؟! الزول ده عاوز يؤكد علي ماذا ؟!!
ما الخطأ أن تكون الام خدرا والابو قمحي ؟!!
Post: #18 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: محمد حيدر المشرف Date: 06-19-2013, 04:58 PM Parent: #9
نايف !!
Quote: الواطة ضلمة قلنا نسلم
كتمت والله يا صديقي .. وضاقت حلقاتها شديد
.. هل تسربت أي أخبار عن إجتماع البشير ونافع وعلي عثمان الاخير ؟!!
Post: #16 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: محمد حيدر المشرف Date: 06-18-2013, 07:53 PM Parent: #7
ابراهيم عنكبة كما تواترت الاخبار .. كيفك وكيف كيفك يا زول آ جميل ؟!
ادهشني هذا الوقف الجاري الى يومنا هذا يا ابراهيم !! بيد انها دهشة طبيعية .. جميلة وتباغتك بالمعاني الجميلة والمفارقات الممكنة في الحياة .. هي !! ليست موجعة كدهشة ذلك الاجتماع الغريب, ولا هي مريرة كطعم الحنظل إذ يستبد بحلقك إزاء هذا الوطن ال .. ملعون !!
مودتي الكثيرة يا صاحبي ..
Post: #15 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: محمد حيدر المشرف Date: 06-18-2013, 07:33 PM Parent: #6
حامد بدري .. كيف الحال والاحوال يا عزيزي ..
يبدو أن زيارة الاشراف من جهة .. وهذا هو الخبر المدهش الثالث .. بعد المغني السمح ود العرب .. واجتماع الديكتاتور البشير ومعاونوه مع الحضرة النبوية .. تبدو هذه الزيارة يا حامد, متناغمة الي حد ما الخبرين الاول والثاني .. وفي بالي النشيد الوطني إذ يقول: هذه الارض لنا, فليعش للعرب سوداننا !!!!
Post: #11 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: وائل فاروق Date: 06-18-2013, 06:33 PM Parent: #1
العزيز محمد حيدر :
البت اسمها رندا مصباح و الغنيى اسمها ما عافية ليك :)
Post: #14 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: سفيان بشير نابرى Date: 06-18-2013, 07:22 PM Parent: #11
سلامات يا وائل فاروق ياخ معليش نديها لحبيبنا المشرف دا (حية تفرفر)
Post: #21 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: محمد أبوجودة Date: 06-19-2013, 05:10 PM Parent: #14
ود المشرف
بالغتا ياخ!!!
Post: #22 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: محمد حيدر المشرف Date: 06-19-2013, 05:25 PM Parent: #11
وائل سلامات وكيف الحال ؟!
كتر خيرك ياخ علي الفيديو ورندا واغنيتها الحانقة دي .. زمان أصالة ولا أخري, غنت " كرهتك " .. وكانت حدث .. والآن هاهي رندا تعيد الكرة مستعينة بالدعوات علي الحبيب ..
Post: #23 Title: Re: الزول السمح .. ود العرب .. اللونو من لون أمو وأبوه .. فليتفضل !! Author: خالد عبدالوهاب Date: 06-19-2013, 07:46 PM Parent: #22
والله صحي اغنية غريبة جدا
بعدين هي مالها قاعدة تبكي ؟ عاشت الدور شديد ولا شنو!
اما الزول القال حلمان شاف الرسول الكريم مجتمع مع ناس البشير ونافع فقول ليهو انا ذاتو حلمان انو الرسول ما اجتمع مع البشير ونافع ولا هم يحزنون