Post: #1 Title: إحذروا هذه المرأة.. Author: محمد المرتضى حامد Date: 06-17-2013, 08:59 PM Parent: #0
وما تفسير هذه الحالة؟
Post: #2 Title: Re: إحذروا هذه المرأة.. Author: محمد المرتضى حامد Date: 06-17-2013, 09:29 PM Parent: #1
-
-
Post: #3 Title: Re: إحذروا هذه المرأة.. Author: دينا خالد Date: 06-17-2013, 09:36 PM Parent: #2
اساااااااسا اى مرأة مفروض تكون مغنطيس عشان كنتو فهمتو حاجة ..
ــــــــــــــــــــــــــ قال احذروها قال ... مالكم انتو حديد ؟؟
Post: #4 Title: Re: إحذروا هذه المرأة.. Author: محمد المرتضى حامد Date: 06-17-2013, 09:47 PM Parent: #3
Quote: اساااااااسا اى مرأة مفروض تكون مغنطيس عشان كنتو فهمتو حاجة ..
وفي حد قال غير كده؟
Quote: مالكم انتو جديد ؟؟
دندون ، طلعتي بتاعت مشاكل... وش أخدر ممرغ في التراب..
أستغفر الله
-
Post: #5 Title: Re: إحذروا هذه المرأة.. Author: كمال سالم Date: 06-17-2013, 11:23 PM Parent: #4
Quote: اساااااااسا اى مرأة مفروض تكون مغنطيس عشان كنتو فهمتو حاجة ..
مغنطيس أكتر من كده ؟! ما كفايه لازقين فينا العمر كلو .
سلام يا بن خالتى .
Post: #6 Title: Re: إحذروا هذه المرأة.. Author: سيف النصر محي الدين Date: 06-18-2013, 01:32 AM Parent: #5
سلامات يا مولانا جيمس راندي من مؤسسة راندي عارض مليون دولار لي اي زول او زولة عندو قدرات خارقة يعتقد انها حقيقية لا يتمكن هو -اي راندي- من اثبات انها مجرد خداع شوفو هنا مثلا مع واحد عامل فيها انو مغنطيس زي عمتك ديك :)
Post: #7 Title: Re: إحذروا هذه المرأة.. Author: محمد المرتضى حامد Date: 06-18-2013, 08:07 AM Parent: #5
Quote: مغنطيس أكتر من كده ؟! ما كفايه لازقين فينا العمر كلو .
يا بن خالتي ، دي ياها ضربني وبكا ... إلخ الغريبه بعضهن بالعين فقط.. لكن ، لو لم تخني حصص العلوم ، أحيانا تقل قوة القطب بمرور الزمن..
- ننتظر تفسيرا..
Post: #8 Title: Re: إحذروا هذه المرأة.. Author: tmbis Date: 06-18-2013, 09:43 AM Parent: #7
يا مولانـــا ازيك ياخ ..؟ زمان لما الواحد كان بيقرا كتب علم النفس الاجتماعي والحاجات العجيبة دي .. كان بيسرح في تكوينات البشر سايكلوجيا وفايسلوجيا .. والحاجات دي لو الواحد سرح فيها طبعا .. بفوت بي وشـو وتاني ما يرجع .. مرة قريت انو في منطقـة ما في جسم الانسان بي نوعيـه .. في حتة خاصة بالاشارات والتخاطب والجذب المغنطيسي دا .. حته لها علاقة بالكيمياء والفيزياء .. بي كيمياء الناس البترتاح ليهم وفيزياء الكهربه والمغنطيس الممكن يشدكم لي بعض .. ودا تفسير ضمني لي مسالة الحب والكراهيـة .. او الحب تحديدا بين اتنين والتفاهم .. يقال والعهدة على القائل ان هناك جزء ما في ضلع الانثى هو المنوط بيهو إخراج وارسال الاشارات دي .. يظل يرسل في كل الاشارات دي لتختلط مع الاشارات المختلفــة في الكون دا .. وكل اشارة ليها كينونته الخاصة .. وفيها جزء يجب ان (يلتصق) او يتوافق مع شق آخر من عنصر حتى تكتمل المنظومة التي تشبه البويضة والحيوان المنوي .. او التلقيح للزهور عن طريق الهواء او الشعيرات الدقيقة في أرجل النحل أو الصوف الذي في جسم الحيوانات المحتلفة لذلك .. يظل الارسال متواصل في رحلة البحث عن الالتصاق حتى ان تم .. ذلك .. كانت اللقيا .. وكان ان قربت الاشارات بين الاتنين . وتبــا للمسافات واختلاف العملات .. يعني عادي جدا يا مولانـا الواحد يكون ساكي ليهو اشارة توديهو ليك سقط لقط .. وتطلعو ليك من الثورة بالشنقيطي لي السويد راسو عديل.. يعني بي صورة اوضح يا مولانـا لما الاشارات دي تتشابك .. بتحصل الحتة بتاعت رشقتني عيونو وبقيت مجنونو من اول نظرة .. وإلخ إلخ. ولما شفتك .. شفت فيك كل العجبني .. وقلبي دقـة .. لما شفتك من بعيد تنظر إلي .. وإلخ إلخ إلخ يعني في اصل الحكاية هذه المرأة .. حسب ما قيل ان الرجل من ضلعها خلق .. يعني الضلع دا زاتووو سبب الاذيـة .. اهااولاد عمنا اليابنين يقال انهم: وفي رحلة بحثهم عن التقليد للكائن البشري .. قعدوا عديل كدا واخترعوا ليهم اشارات زي دي .. اخترعوا ليهم جهاز في شكل طوق يتلبس في المعصم للجنسين ... واحد بيطلع السالب .. والتاني يتلقى الموجب .. الجهاز دا بكون ملبوس من الجنسين .. ولما الواحد يتلاقى مع النصف الاخر ,, ويحصل التشابك .. يقوم الجهازين يصفرو في لحظة واحدة والاشعة تتحول لي مغنطيس تجر كل طرف للآخر ... شفته كيف ؟؟ يعني يا مولانـا نحن عبارة عن روبوتات بي شحمنا ولحمنا بي اشعتنا ومجالنا المغنطيسي وايوناتنا ونيتروجوناتنا السالبة والموجبة .. في ناس ادوهم ليها زيادة شويـة .. قامت لصقتم كدا دا .. .. ملحوظـة : احيانا ما اكتبه ضرب من ضروب الخيال بتمها مويـة ساااي من عندي زي التممان الفوق دا
Post: #9 Title: Re: إحذروا هذه المرأة.. Author: محمد المرتضى حامد Date: 06-18-2013, 11:26 AM Parent: #8
سلامات يا دكتور سيف، كل ما يراه راندي أن الحالة لاتندرج ضمن ال psychic power وعليه تصبح الحالة كغيرها من الحالات تحتاج توضيحا علميا ، الحالة المعنية تتصل بأخرى في الفيديو أدناه لامرأة مغناطيسية تلتصق بجسدها مواد متباينة من الزجاج والبلاستك والخشب وتم فحصها بواسطة إختصاصيين، والمسألة هنا لاتتصل بالخدع البصرية، وإنما بعض الظواهر التي يراها الإنسان العادي (أشياء غير عادية) . كنت قرأت قبل سنوات عن فتاة روسية تقرأ وتشاهد بأصابع كفيها كما لوأنها أعين ، كما أن هناك فتاة روسية أخرى تستطيع مشاهدة أعضاء الإنسان الداخلية زيها زي الاسكانر ( الأعضاء المعنية هنا هي الكبد والكلى والقلب اللي قال عنها ودالرضي في معالق الجوف موسو مجلوخه ... يا الله) ، في ظني أن العلم سيكشف يوما هذه الظواهر وربما يصبح عمل كنقل صرح بلقيس وحركات ال Telekinesis وخبرات آصف بن برخيا بعض من تطبيقات سامسونج ..
-
Post: #10 Title: Re: إحذروا هذه المرأة.. Author: أمير محي الدين محمد Date: 06-18-2013, 11:33 AM Parent: #8
يامولانا سلام وتحيات طيبة وبعد إذنك مغروض في تامبا
Quote: ملحوظـة : احيانا ما اكتبه ضرب من ضروب الخيال بتمها مويـة ساااي
شنو ياتامبا ما إتمغنطنا ونحن راجينك بي هناك للحورية النصها في الموية جيت هنا عملتها لينا نيوتروجين وأتش تو أو ــ مش قالو الأرواح جنود مجندة ما تعارف منها ائتلف وما تناكر منها اختلف.. إعتقد والله أعلم دا التفسير للحب والكراهية و....من باب ذكر ..الكراهية عامل أثبتت بطلانو الأيام* ....ويعني ممكن نغني بعد دا وبقلب قوي و..القلوب المتمغنطة حولك ياحلو بتتمنى ليك...لحدي مانصل ممغنطين سالمين لــ..إنت ماااكلك مغنطيس و*..عليّه محبة للجميع
Post: #11 Title: Re: إحذروا هذه المرأة.. Author: tmbis Date: 06-18-2013, 11:51 AM Parent: #10
يا امير الشاعر المغنطيسي .. ياخ قلت ليك الزولة ديك ما حوريــة .. انت مالك ما عايز تفهمني .. يعني عشان متخيله حوريــة ورمانه ليك كدا في راسك وعايز التمومـة ..؟ ايدها صنـة ياخ .. قلت ليك بتمها ..
Post: #12 Title: Re: إحذروا هذه المرأة.. Author: محمد المرتضى حامد Date: 06-18-2013, 02:20 PM Parent: #10
Quote: وبعد إذنك مغروض في تامبا
إذنك معاك يا أمير واعمل الدايرو في الزول دا لامن أجيهو راجـع..
Post: #13 Title: Re: إحذروا هذه المرأة.. Author: عمر نملة Date: 06-18-2013, 04:02 PM Parent: #12
سلام
Quote: مشاهدة أعضاء الإنسان الداخلية زيها زي الاسكانر ( الأعضاء المعنية هنا هي الكبد والكلى والقلب اللي قال عنها ودالرضي في معالق الجوف موسو مجلوخه ... يا الله) ،
Quote: مرة قريت انو في منطقـة ما في جسم الانسان بي نوعيـه .. في حتة خاصة بالاشارات والتخاطب والجذب المغنطيسي دا .. حته لها علاقة بالكيمياء والفيزياء .. بي كيمياء الناس البترتاح ليهم وفيزياء الكهربه والمغنطيس الممكن يشدكم لي بعض ..
ما داير اختك فى كورنه واقول ليك المنطقة دى وين ..!؟؟
----------------
غايتو يا تامبا دى تميتها مويه ساااى على قولك ... تحياتى لك ولمولانا المتفرد ..
شايف البوست دا من الصباح وحاولت اتلهمو بس خايف اتلصق والدوام يفوتني
Post: #16 Title: Re: إحذروا هذه المرأة.. Author: محمد المرتضى حامد Date: 06-18-2013, 09:38 PM Parent: #15
تمبس، أوعا تكون قايل كلامك دا (تممان مويه) ساي، وأرجو ألا تظن أن المويه دي برضها ساي، الله سبحانه وتعالى قال وجعلنا من الماء كل شئ حي ، والعالم وحيد الدين خان قال كل الأشياء جاءت من الهيدروجين والأوكسجين ( الماء) لأنو ذرة الهيدروجين فرقها من الأوكسجين إلكترون فقط في المدار الخارجي وهكذا الفرق بين كافة الذرات ، زيادة فقط في الإلكترونات والبروتونات وإنت عارف إنو الإنسان 70% من جسمه ماء والباقي كالسيوم وبقية عناصر الجدول الدوري، وانتهى إلى مقولة أن الزول/ه مجرد mad dance of electrons ، الحفله كلها في الذبذبات يا تمبس، والروح دي لامن تلاقي نديدا معناها الإرسال الموجي في ذات المستوى..عشان كدا خوجلي عثمان أطلقها كإشارات كما يفعل ناس (ناسا) عساها تصادف ردا من كائنات غير أرضية وقال: ياروحي هاجري وفتشي .. هاجري عاد كان تلقي شي..
- بالله عليك الله بطل الشيشه والكتاتيح وواصل في الكلام السمح ..
ياخ قال : أنا عندي زول بقا كل شي
Post: #17 Title: Re: إحذروا هذه المرأة.. Author: محمد المرتضى حامد Date: 06-18-2013, 10:22 PM Parent: #13
Quote: Quote:
Quote: مشاهدة أعضاء الإنسان الداخلية زيها زي الاسكانر ( الأعضاء المعنية هنا هي الكبد والكلى والقلب اللي قال عنها ودالرضي في معالق الجوف موسو مجلوخه ... يا الله) ،
يعني بتشوف البعيد ومابتشوف القريب
يا عمر ، في ناس ينفذوا ببصرهم إلى لب الأشياء ويتجاوزوا السطحيات.. زي جهاز المايكروييف وكدا..
الشافعه عمرها 17 سنه وإسمها ناتاشا ديمكينا وممكن تقيف أمامها تعاين ليك في بطنك وتقول ليك يا عمر نمله الليله تَقَّلتَ في أم fit fit
