مولانا معتصم العجيمى يقود مبادرة لاطلاق سراح قوش

نما الى علمنا ان مولانا معتصم العجيمى عضو المجلس الوطنى ونفر من ابناء مروى يقودون مبادرة لاطلاق الاخوين صلاح قوش من منطقة نورى البلل والاخ صلا ح محمد عبد الله التوم (صلاح ود شيخنا) الجدير بالذكر ان مولانا الشيخ معتصم العجيمية هو الابن الاكبر للسيد نور الدائم العجيمى رحمه الله شيخ سجادة السادة العجيمية بالبرصة وكان مولانا السيد محمد عثمان الميرغنى (قدس الله سره الشريف) قد توسط من قبل لدى رئيس رئيس الجمهورية لنقل ابنهم صلاح قوش لاجراء عملية بمستشفى الزيتونة والسماح لابنته الطبيبة الدكتورة عائشة بمرافقته وقد استجاب رئيس الجمهورية لطلب مولانا واجريت العملية وتمت المرافقة .

لماذا الوساطة؟ لماذا لا ينتظرون ليرون إن كان مداناً لينال جزاءه أو بريئاً فيطلق سراحه؟ صحي أم منقور كلا قدوما أحمر.
إستغربت أن يكتب عمار آدم مولانا ... قدّس الله سرّه... عاوزة شرح.



كبـّاشي الصـّـافي



(العوج راي والعديل راي)

يرغبون في إطلاق سراحه ولكنه رفض أن يقدم استرحاماً؛
فماذا يفعلون غير أن يوسطوا معتصماً ليتوسط له!

والله يا صديقى عمار حيرتنى........ انت قوش ده ما كان بتفرج عليك و نافع بضرب فيك و بحرق فى بيتك مالك شغال بيه ...اتفرج فيه زى ما كان بتفرج فيك.....انسى يا عمار صحبة البركس و تهراقا ...........واسع فى ذمتك عوض جادين شغال بيك ولا لو لاقاك بعبرك

Quote: والله يا صديقى عمار حيرتنى........ انت قوش ده ما كان بتفرج عليك و نافع بضرب فيك و بحرق فى بيتك مالك شغال بيه ...اتفرج فيه زى ما كان بتفرج فيك.....انسى يا عمار صحبة البركس و تهراقا ...........واسع فى ذمتك عوض جادين شغال بيك ولا لو لاقاك بعبرك

نصيحة تخدرك يا سيد الحوش ... تخدرك كان بتقولها حبوبتي وأظنها من الخضار يعني تكون أخضر ويانع على طول. أنا كنت من المعجبين بعمار بعد كتاباته التي قرأتها في الصحف وكان ممكن توديهو التوج .. لكن الزول دا توا حيرني والله. لكن قال قوش ودأعمو وعليه أنا وأخي على إبن عمي وأنا وإبن عمي على الغريب.. ما عارف الغريب هنا منو؟


كبـّاشي الصـّـافي


(العوج راي والعديل راي)