ما هو أرخص شيئ في السودان؟

ما هو أرخص شيئ في السودان؟

ما فى شئ رخيص فى السودان. حتى الإنسان غالى وغالى جدا أغلى من أوروبا وامريكا. لا أعنى قيمة الإنسان المادية من إهتمام الدولة به بتأمين صحى وتامين على الحياة وقوانين تسن لحمايته، لا أبدا. أعنى قيمة الإنسان المعنوية لدى أهله واخوته فى الوطن الواحد. كدة بس افتح بوست الان يا أشرف واطلب مساعدة فى أى حاجة حتى ولو مادية، ستجد الإستجابة الفورية فى غضون دقائق حتى من اناس لا تعرفهم. وعلى مدى سنوات شهدنا مواقف نقف بها إجلالا لهذا الإنسان السودانى وعلو قدره ومكانته.
حتى النساء أغلى، لكى تخطب الحسناء السودانية ينكسر ظهرك وتبيع الوراك والقدامك، لا لشئ لانها غالية وغالية جدا.
العقارات، السلع الغذائية، الماء، الكهرباء، التعليم، الصحة، ووو كلها غالية.
.باختصار لا يوجد شئ رخيص لحد ما.

.
تحياتى أشرف.

ارخص شى فى السودان كرامة الانسان ودمه،،،

المواطن السوداني العادي الغير منتمي للمؤتمر الوطني
هو ارخص شئ في السودان .

طبعا توقعت الإجابة التقريرية مسبقا،
"الإنسان".
وهى إجابة خطا إلا إذا كان السؤال: ما هو أرخص شئ فى نظر حكومة السودان؟

بغض النظر عن ماهية السؤال وشكلو فعلياً ارخص شئ في السودان
حالياً هو الانسان ...

أرخص شى فى السودان (التنباك) والمشهور بالسعوط .......!!!!!!!!!


تسفوا وتتوفوا ...

وتبصق ساااااكت ...

فى اى ملف موجود .....!!!!

ارخص شي
1- الانسان
2- وصفة الطابور الخامس
3- وراها اسرائيل
4- بل واشرب مويتة
5- الحليفة بالله وبالطلاق

أن تطلــق الكـــــــــــــــــــلام علـى الهــــواء دون أفعـــــــــــال

مافي ارخص من الانسان في السودان

لاقيمه له البته

الكلام من دون تريُّث

ثقافة معرفة أن حقوقك تنتهي عند حقوق غيرك

الإنسان عندنا رغم دوران الزمن يظل عزيز النفس ودا الطلعنا بيهو من كونا سودانيين

أقسم بالله إني حتى اللحظة لا أسمح لأياً كان أن يغلط في - في أي شبر على أرض هذا الكوكب

وحقاً ما وراهو مطالب بيضيع

وحقي كلو كلو ما قاعد أسيبو

----------------------

بس التنباك يا خالي من أروع معطيات سودانا الجميل

ياخي في أروع من السفّة دي؟؟

والعجب عماري الوطنية

هو الوطنية في ولا قفلوهو هو وتمباك نوري


يااااااه اذكرنا الذي مضى..

----------------------

برضو .. صحيح سوء الحال وقلة ذات اليد وجشع الكثيرين يجعل الغلابة من أهلنا تحت فك ورحمة أناس ضعاف نفوس لا ترحم..

-----------------------

سلام أشرف على بوستاتك الخفيفة الدم

المشاركة فى حكومة البشير هى ارخص شي

يا ادريس لقما
يبقى وصفة يا امنجى يا كوز هى الارخص على الاطلاق
أما من ناحيتى أنا يا دكتور الأرخص أقل من الاطلاق شويييية كدا النضال والطربدة
لانو الناس الوصلت المرحلتين ديل كُـــثر وصاروا يطلقون الوصفتين اعلاهـ بِلا عواهن (شوفتا عواهن دى كيف)
:
:
:
:
:
:
مع التحيات لله الزاكيات

تصدق القرض المر بقى غالي
لكن الإنسان أرخص شئ بالذات لو غير موالي لحماية كراسي السادة

الانسان

Quote: بس التنباك يا خالي من أروع معطيات سودانا الجميل ياخي في أروع من السفّة دي؟؟ والعجب عماري الوطنية هو الوطنية في ولا قفلوهو هو وتمباك نوري يااااااه اذكرنا الذي مضى..

مجاهد الجميل تحياتى ..

باااالغت لكن ...

تعرف الدنيا ما بقت لى حلوة وملونة الا بعد ان تركت التنباك .....!!

والله العظيم كنت عامل لنفسى ازمة وانا فرحان وقايل الشره مزاج ....


اتمنى ان تترك هذا الافيون ..يا اخى ...


على قول{ اروى }وييييييييييييييييييييييييييييييييييييييع........


وتحياتى ومودتى .

شكرا للأخوان والأخوات الأعضاء وكذلك الأحباء من الفيس بوك
لمشاركتكم في البوست الذي قصدت منه كسر جمود المنبر

بالله زمان السؤال ده كان تسأله يمكن معظم الناس لو ما كلها تقول ليك الملح
لكن حسي الناس بقت مشتركة في هم واحد ,,, هم مؤلم ومحزن
نسأل الله التوفيق لبلادنا ولأهلنا في الداخل والخارج
تسلموا كتير يا رب