Post: #3 Title: Re: ما هو الرد الذى قامت به حكومة السودان و يعلمه نتنياهو و لا نعلمه ن Author: بكرى ابوبكر Date: 06-15-2013, 02:08 AM Parent: #2
Post: #4 Title: Re: ما هو الرد الذى قامت به حكومة السودان و يعلمه نتنياهو و لا نعلمه ن Author: نبيل عبد الرحيم Date: 06-15-2013, 02:29 AM Parent: #3
الرد أرسله وزير دفاعة الفاقد للأهلية بنشر ردارات بشرية في البحر الأحمر تعتمد على العين المجردة بدلا من إستخدام التكنلوجيا . أعتقد الرد هو مزيد من الخنوع وتقديم الاعتذار لإرسرائيل. كان خيرا لبلال الصمت
Post: #5 Title: Re: ما هو الرد الذى قامت به حكومة السودان و يعلمه نتنياهو و لا نعلمه ن Author: Abureesh Date: 06-15-2013, 02:57 AM Parent: #4
حسب كلام الزول دا، الرد لم يكن على اسرائيل، ولكنه ارسل بصفـة شخصيـة لناتنياهو.. قد يكون ارسل له برسالة قصيرة على الموبايل أو بالإيميل.
السودان ضيعـة وملك شخصى لأمثال هؤلاء.. يضرب السـودان ثم يكون رد الحكومـة عبارة عن رسالة ترسل لمسؤول اسرئيلى.. وليس من حق الشعب ان يعلم كيف كان الرد.. يبرطعـوا على كيفهـم.
Post: #6 Title: Re: ما هو الرد الذى قامت به حكومة السودان و يعلمه نتنياهو و لا نعلمه ن Author: أسامة العوض Date: 06-15-2013, 04:11 AM Parent: #5
لقد علمت أن الرد على ضربة بورتسودان كان موجعاً حيث تسبب في مقتل مستشار الموساد مائير عاميت , من المؤكد أن الرد على ضرب المصنع كان أدهى وأمر
Quote: (وكالات-تسفي زامير وشبتاي شافيت) أوردت صحيفة يديعوت احرونوت العبرية في عددها الأخير نقلاً عن تامير باردو خبر وفاة مائير عميت مستشار وكالة الاستخبارات الاسرائيلية (موساد) لشئون شرق إفريقيا إثر نوبة قلبية لم تمهله طويلاً. والجدير بالذكر أن عميت كان منسقاً للعملية العسكرية الأخيرة (أيار/مايو) في شرقي السودان والتي أودت بحياة رجل أعمال سوداني اعتبرته إسرائيل مهرباً للسلاح. وعلى سياق متصل فقد أكدت مصادر مطلعة أن عميت كان يتفرج على مقطع فيديو مسجل ومترجم لوزير الدفاع السوداني الفريق عبدالرحيم حسين في لقاء تلفزيوني معه وعندما سأله مقدم البرنامج عن الوسيلة التي سيتبعها للدفاع فأجاب حسين بأنه سيتبع إجراءات ستارة النظر وحينما استفهمه مقدم البرنامج عن هذه الوسيلة فأجاب بأن تتواجد القوات على طول الساحل وبالنظر ترقب السماء لتصعيب المهمة. في تلك اللحظة انتابت عميت نوبة من الضحك الهستيري لمدة استمرت ساعات ونقل على إثرها إلى مستشفى تل ابيب وهو يضحك ويغالبه الضحك حتى تسبب له في النوبة القلبية.
Post: #7 Title: Re: ما هو الرد الذى قامت به حكومة السودان و يعلمه نتنياهو و لا نعلمه ن Author: قاسم المهداوى Date: 06-15-2013, 06:02 AM Parent: #6
نائب الرئيس رد وطلب من نتنياهو انو بلاش بالطائرات ينزل ليهم تحت وهو حيحشهم بالسواطير دا مش رد برضو رد عملى ونظرى كمان وفيهو حقيقة ـــ ( سواطير ) ومن هنا جاءت تسمية الحاج ساطور
ــــ
قاسم المهداوى
Post: #8 Title: Re: ما هو الرد الذى قامت به حكومة السودان و يعلمه نتنياهو و لا نعلمه ن Author: محمد عبد الماجد الصايم Date: 06-15-2013, 09:57 AM Parent: #7
يا ريس .. قالوا واحد خشى الجامع يصلي واتسرقت سفنجتو .. مسكـ ليكـ الناس ديل كواريكـ: يا تطلعوا سفنجتي يا كمان بعمل زي ما عمل أبوي!!
... .. .
المهم واحد اتشجّع وقال ليهو: وأبوكـ عمل شنو؟ قال ليهم: رجع البيت حفيان!!
Post: #9 Title: Re: ما هو الرد الذى قامت به حكومة السودان و يعلمه نتنياهو و لا نعلمه ن Author: محمد علي البصير Date: 06-15-2013, 10:44 AM Parent: #8
عبود شخصية لطيفة جداً وبجب ليك الطرب والبهجة شديد
يوم عندهم حفلة كاربة وكان من المنظمين وأخر تنظير
كان حاتيه قرض مع التمتم الحبشي
فجأء كدا جاء واحد همس وقال ليه ـ أختك ( ز) ومعاها بتين مسكوهم ناس البوليس لقوهم (مشكسنهم) أولاد جنب الصينية ، وأسع في الحراسة
مشى عبود وساق معاه نفرين ثلاثة دفعوا المعلوم وفكوا البنات من الحراسة وجوا سايقنهم قدامهم
أول ما وصلوا مكان الحفلة الجماعة أفتكروا عبود كبير أخوانو يلصق لأختو كف صاموتي بعد العملة الشينة دا
لكن صاحبنا قال لأختو والمعاها بالله ما تتلوا دينا ـ ما قلنا ليكم ما تشجكسوا في الشارع ، الأوكار دي بتعمل في شنو ؟ ما تخشوا جوا الأوكار دا
أها ناس الإنقاذ ديل ما أفضل من عبود في شئ
ردهم لنتنياهو بكون :
ياعمك شنو الحكاية ياخ ، أرفع رجلك من الأبنص شوية ما تدونا من التقيل كدا تخلوا الشعب دا يقوم علينا
خلوها غمتي كدا زي بتاعت الشفاء ، حتى اليوم ما عارفنا جات وين ولا هي ذاتا شنو
Post: #10 Title: Re: ما هو الرد الذى قامت به حكومة السودان و يعلمه نتنياهو و لا نعلمه ن Author: Mutaz Hussien Date: 06-15-2013, 11:24 AM Parent: #9
الرد بيكون كالآتي، عدد 1 علم اسرائيلي + حبة جاز + علبة كبريته، الطريقة: مردغ العلم الاسرائيلي في الواطة ويا حبذا لو شرط نجمة داؤود، نطط شويه فوق العلم، صب حبة جاز,مرق الكبريتة واحرق العلم وهلل وكبر ونبذ اولاد الخنازير وانعل ابو الصهيونية، وبي كده تمشي بيتكم تتعشى فول وتنوم مطمئن البال انك دمرت الاسرائيلين وغظتهم.
Post: #11 Title: Re: ما هو الرد الذى قامت به حكومة السودان و يعلمه نتنياهو و لا نعلمه ن Author: waleed nayel Date: 06-16-2013, 03:34 AM Parent: #10
من اين اتي هؤلاء....يكذبون جهارا نهارا كانما يشربون الماء
يا باشمهندس صلح كلمه اسرائيل ل Israel
Post: #12 Title: Re: ما هو الرد الذى قامت به حكومة السودان و يعلمه نتنياهو و لا نعلمه ن Author: محمد عمر الفكي Date: 06-16-2013, 11:35 AM Parent: #11
مقتبس بالحرف من رد بشار الاسد عند سؤاله عن رده على الغارة الاسرائيلية ضد سوريا والله لو محل بشار الا ارفع عليه دعوى ملكية فكرية
ما بهظر والله ياهو نفس الكلام القالو بشار وياريت القى الفيديو واجيبو
Post: #13 Title: Re: ما هو الرد الذى قامت به حكومة السودان و يعلمه نتنياهو و لا نعلمه ن Author: امين علي الشيخ Date: 06-16-2013, 10:15 PM Parent: #12
والله يا بكري بعد كلام بلال ده أتخيل لي نتنياهو ذاتو يكون مخلوع يتلفت يكون الناس ديل ردو بي شنو وهو ما جايب خبر. ---------- بالجنبه كده يا بكري والا أي واحد الإخوان يرد علي Khalid almubark من ناس الفيس بوك بيسأل من كيفية وشروط التسجيل مع خالص تقديري للجميع
Post: #14 Title: Re: ما هو الرد الذى قامت به حكومة السودان و يعلمه نتنياهو و لا نعلمه ن Author: زياد جعفر عبدالله Date: 06-16-2013, 11:02 PM Parent: #13
Quote: الرد بيكون كالآتي، عدد 1 علم اسرائيلي + حبة جاز + علبة كبريته، الطريقة: مردغ العلم الاسرائيلي في الواطة ويا حبذا لو شرط نجمة داؤود، نطط شويه فوق العلم، صب حبة جاز,مرق الكبريتة واحرق العلم وهلل وكبر ونبذ اولاد الخنازير وانعل ابو الصهيونية، وبي كده تمشي بيتكم تتعشى فول وتنوم مطمئن البال انك دمرت الاسرائيلين وغظتهم.
Like شديد
Post: #15 Title: Re: ما هو الرد الذى قام به السودان علىIsrael ويعلمه نتنياهو ولا نعلمه Author: معتصم احمد صالح Date: 06-17-2013, 05:09 AM Parent: #1
Quote: قالوا واحد خشى الجامع يصلي واتسرقت سفنجتو .. مسكـ ليكـ الناس ديل كواريكـ: يا تطلعوا سفنجتي يا كمان بعمل زي ما عمل أبوي!!
واحد اتشجّع وقال ليهو: وأبوكـ عمل شنو؟ قال ليهم: رجع البيت حفيان!!
