Post: #1 Title: يهزُّني أداء بلال موسى هنا .. في طرب تاني متشاكل ومتلوِّن Author: مجاهد محمد الهادي Date: 06-12-2013, 06:03 AM
تعالوا شوفو الكنتا راجيه
شكرا لشاعر الأغنية فكلماتها تحمل ما تحمل من شجن وصدق وتحريك للنخاشيش والوجدان صح ولا ما صح؟ ههههه
Post: #2 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: مجاهد محمد الهادي Date: 06-12-2013, 06:14 AM Parent: #1
مافي حتى رساله واحدة
هل يجوز والغربة حارّة .. بالخطاب تبخل عليّا
الرحمة للجابري
شكرا لا تكمُل للجميل .. الشاعر سيف الدين الدسوقي
Post: #3 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: مجاهد محمد الهادي Date: 06-12-2013, 06:19 AM Parent: #2
شكرا للرائع محمد زمراوي
في ناس بتتعذّب وحيدة وناس بتنعم .. بالوداد
Post: #4 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: مجاهد محمد الهادي Date: 06-12-2013, 06:29 AM Parent: #3
مين فكرك ياحبيب
أنا قلتا حبَّنا راح ... مر الزمن وطواه
والباقي منو شجن ... وعزانا في ذكراه
سلام عميم للجميل محمد ميرغني .. للمبدعة إنصاف فتحي
Post: #5 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: مجاهد محمد الهادي Date: 06-12-2013, 09:12 AM Parent: #4
في عزّ اللَّيل
أتذكر نزار وهو يغنيها على مسرح خورعمر في الفترة 1985- 1986 إن لم تخني الذاكرة ..
تحية للأيام النواضر.. تحية لأبينا الجليل عبدالباقي محمد والوكيل عبدالفتاح..
تحية مضمَّخة بعبير ورد وياسمين ونرجس وأقحوان وكل جميل على الأرض؛ لكل تيم المدرسة في العام 1984-1987
الرحمة لأحبائنا د.خالد عبدالقادر.. ولعلي حسين وأسامة مقبول من رحلا وهما يخدمان الوطن..
ولكل من رحل من شبابنا في خورعمر.. الرحمة ولدنا من نفّذ فكرة المدرسة القومية النموذجية الثانوية من أبيننا عبدالباقي تمنياتي له بوافر صحة عميم عافية وسلام ..
فلترقد بسلام يا نميري.. من منطوق إنساني محضّ.. بعيداً عن السياسة وأوجاعها وملابساتها التي لست ممن يخوض في بحورها المغرِقة.. والتي لا أُجيد السباحة في تياراتها رغم أني سباح في مياه نيلنا العذبة بالفطرة..
يااااااااااه كم أتذكر تلكم الأيام الرائعات الحالمات..
تحية عظيمة لشبابنا في خورعمر الذين فرقتنا بهم الأيام .. منهم أطباء .. مهندسين .. سفراء للبلاد ..الخ الخ لم تفرّقنا مذاهب ولا غيرها..
محبة عميمة لتلكم الأيام من هنا من القلب..
جميل محبة لنور الجيلاني ... أنّى كان وكيفما كان.. تمنياتي له بدوام صحة وعافية..
Post: #6 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: Kabar Date: 06-12-2013, 09:32 AM Parent: #5
مجاهد..حبابك يا صديق التحية من عبرك للفنان بلال موسى.. و من الطرائف.. من نفس الفترة التي ذكرتها عن خور عمر.. زملائي (في جامعة الخرطوم/كلية القانون) الشباب محمد حسن هلال و محمد هاشم عبد الغني.. التحية لهما اينما كانا و كيفما كانا..!!
اول مرة سمعت بلال موسى في 1987..و كانت شرائط الكاسيت بتجينا في الدلنج.. تلاتة استريوهات الواحد لغاية الليلة متذكرها: استريو النجوم في الأبيض.. استريو فيصل في سنار ..و استريو و استديو سارة بالصافية..!!
من استريو فيصل بتاع سنار.. كانت جاتنا تلاتة اشرطة لفنانين من سنار..الأولاني سليمان محمود..و من ضمن اغاني الكاسيت.. اغنية لسيد خليفة بقيول فيها: في بحور من موية بكتب ..بحروف حبي المحال.. ما اظن في حب اساسو يبقى ثابت في الرمال.. اضافة لأغنية (وداد) للأستاذة امبلينا السنوسي..و كنت متكيف من حكاية انو زول يغني غنا امبلينا.. و التاني.. كاسيت لعصام محمد نور و كان بيغني فيهو غنا ابراهيم عوض.. و التالت ..كاسيت للفنان بلال موسى..و متذكر منو اغنيتين.. الأولاني.. بيقول فيها تلاتة سنة.. يوم ورا يوم منتظرك انا..و اغنية البيعيو.. الصــُلاح رجال كسلا .. هموا لي بأجلا..!! ايام.. ياخي.. و نوستالجيا عجيبة خلاص.. و يمكن ده السبب الورا انو الواحد صديقاتو (لاحقا) كانن من سنار و كسلا.. الله يديهن العافية و السعادة اينما كانن و كيفما كانن..
نهديها لأستاذنا بلال موسى.. مع امنياتنا ليه بطولة العمر و العافية..
مرة تانية نجي نجدع حاحات تانية كمان...
و دمت..
كبر
Post: #7 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: مجاهد محمد الهادي Date: 06-13-2013, 02:44 PM Parent: #6
يا سلام عليك عزيزي وصديقي kabar
تحية للأيام الخوالِ...
لمولانا محمد هلال ود كتم الفاضل ولمولانا محمد هاشم ود عبد الغني الجميل رفيقي و ود المايقوما "دياري التانية" التي أحبها وأهلي فيها ولكن ليس بمقدار عشقي للكلاكلة أو الثورة والموردة ولا أم درمان حيث عتّبت على هذه البقاع قبل سكناي فيها.. كلي رجاء ودعاء أن أعود للديار وللمايقوما بعد شتات وابتعاد 9 سنوات عنها..
تحية ومحبة لك وللبعيو ولبلال ولكسلا ولكل من تحب..
أنا من عشاق البعيو حد العظم..
دا طرب هدية مني ليك يا كبر
Post: #8 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: مجاهد محمد الهادي Date: 06-13-2013, 02:46 PM Parent: #7
ما تنسى وعدك الذي قطّعت لي عزيزنا كبر .. أبزعل منك ههه
فدوى فريد
ما بخاف من شيء..
Post: #9 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: مجاهد محمد الهادي Date: 06-15-2013, 06:28 PM Parent: #8
حبيبي ناوي الرحيل .. الرائع الجميل عبد الكريم الكابلي
Post: #10 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: صلاح شعيب Date: 06-16-2013, 00:33 AM Parent: #9
Quote: حبيتو بأمانة من غير خيانة
بلال موسى فنان بحق انفعالاته..وبحق صوته الندي الذي يخترق سطح القلب، لحن الأغنية التي أبدع فيها سهل ممتنع وهذا من أصعب أنواع التلحين..كما السهل الممتنع في "غصن الرياض" واعتقد أنه بحاجة إلى ملحن يستخرج أكثر جمالية صوته. أداء إنصاف فتحي ومخارج حروفها وصوتها الميز نقاط تتجاوز بها مغنيات كثيرات وجدن إعلاما متحيزا أكثر مما وجدته. في غاية الآمال إنصاف أخذت "الاوسكار" بطريقتها. زمراوي فنان عالي الإحساس. تقمص الجابري وانسل منه بحضوره الرائع. أما النور الجيلاني فقد سألت مصطفى سيد أحمد يوما إن كان هناك فنان يمكن أن نقدمه للعالمية، وبعد صمت طويل قطعت تفكيره.. وواصل تأمله أكثر إلى أن قال لي النور الجيلاني.. عز الليل عند الكابلي لوحة زيتية لسهول وغابات استوائية..وعند النور لوحة بألوان ماء لروضة غنية بالسنبر البفرح صغيرو.. والإحساس هو الأهم.
شكرا الزميل مجاهد الهادي على الذوق الرفيع
Post: #11 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: مجاهد محمد الهادي Date: 06-16-2013, 09:10 PM Parent: #10
Quote: بلال موسى فنان بحق انفعالاته..وبحق صوته الندي الذي يخترق سطح القلب، لحن الأغنية التي أبدع فيها سهل ممتنع وهذا من أصعب أنواع التلحين..كما السهل الممتنع في "غصن الرياض" واعتقد أنه بحاجة إلى ملحن يستخرج أكثر جمالية صوته. أداء إنصاف فتحي ومخارج حروفها وصوتها الميز نقاط تتجاوز بها مغنيات كثيرات وجدن إعلاما متحيزا أكثر مما وجدته. في غاية الآمال إنصاف أخذت "الاوسكار" بطريقتها. زمراوي فنان عالي الإحساس. تقمص الجابري وانسل منه بحضوره الرائع. أما النور الجيلاني فقد سألت مصطفى سيد أحمد يوما إن كان هناك فنان يمكن أن نقدمه للعالمية، وبعد صمت طويل قطعت تفكيره.. وواصل تأمله أكثر إلى أن قال لي النور الجيلاني.. عز الليل عند الكابلي لوحة زيتية لسهول وغابات استوائية..وعند النور لوحة بألوان ماء لروضة غنية بالسنبر البفرح صغيرو.. والإحساس هو الأهم.
شكرا الزميل مجاهد الهادي على الذوق الرفيع.
شكرا لا ينتهي صلاح شعيب واضح للعين والذوق السليم ما حباكَ به المولى من موهبة وتحليل لا يخطيئ بلد يصيب كبد الحقائق
لديك - ماشاء الله - قدرة مبدعة جميلة في التحليل وتلمُّسْ مواضع الجمال
أشكرك كتير على الإطراء في نهاية تحليلك الذي "وربي" وددِتُ أن لا يتوقف..
Post: #12 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: مجاهد محمد الهادي Date: 06-16-2013, 09:13 PM Parent: #11
البريد دايماً يداري **** والقلوب كايسة المحنّة
مهداة للقامة بروفنا الجميل معز عمر بخيت .. أحباب لي هنا وهناك فرقتنا بهم الأيام وتنكّبت بنا السُّبل .. أناس في تورنتو - كندا منهم الأستاذة الفنانة الرائعة أختي زينب الحويرص..دكتورنا الوسيلة حسين (إستشاري الأطفال) في كندا أيضاً .. لحبيبنا هشام شيخ الدين ولأخي بحقّ فتحي بسفارة ألمانيا هناك في مكان دانِ قريب .. لفزع الجميل بالبحرين .. لأختي العزيزة أميرة عمر بخيت.. لحبيب هناك يتابع علاجه في القاهرة أخي "بُلْدا" عامر محمد الهادي أخصائي النساء والتوليد .. لأختي نازك فاروق (بنت الخال الراحل) ورأفت ود الخالة بمناسبة زواجهما .. لأناس كثر هنا بجدة والرياض وأبها والشرقية لهم عندي غالِ المعزّة .. لأناس هناك في سودانيز اونلاين أحببتهم دون الالتقاء بهم - تحية عاطرة لحبيبنا عبدالكريم محمد علي"النبع الحالم" بجريدة الوطن السعودية.. ولشخص يسكن هنا في القلب يتحكر في الشريان التاجي وفي كل مسارب الرُّوح... ولبنتي لميس الرائعة توأمي وولدي الجميل إبراهيم ولأمهما الرائعة .. لأناس قد لا أستطيع تذكُّرُهم غير أنِّي أعلم حقّ العِلم أنهم يبادلونني رائع الوُّد.. ولأبي وأمي أسباب كل الخير والبركة التي تظلِّلْني كل آنٍ وحين ..وإخواني حبّات القلب.. لهم ولكم هنا .. ولهؤلاء وأولئك أهدي هذا الأداء وهذا اللَّحْن الطروب الدَّسِم..
من مشاركة لي في صفحتي على الفيس ...
مهداة لك أيضا زميلي وأخوي صلاح شعيب ولذوقك وتحليلك الأخَّاذ..
Post: #13 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: مجاهد محمد الهادي Date: 06-17-2013, 06:37 AM Parent: #12
عبد الكريم الكابلي - أي صـوت زار بالأمـس خيالـي
سوف نرقى سُلَّلم المجدِ رُقِياً
Post: #14 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: Kabar Date: 06-26-2013, 10:07 AM Parent: #13
up
Post: #15 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: Kabar Date: 06-26-2013, 11:40 AM Parent: #14
يا مجاهد يا صديقي.. كتبت ليك جواب سمح سماحة... لكنو ضاع ياعم.. سبيت ليك لمن عرفت حاجة..و سبيت لغاية عمك هاشم صديق...!!! سبيت ليهن/ ليهم لمن عرفوا /عرفن حاجة.... و ختمت القول: هأنا ظمآن الاقي من حنيني ما لاقي... فأسقني ،و املأ من النور ليالي البواقي..!!!
عيال امدرمان: اشراقة ادم المصطفى... دكتر عبد الباقي حامد الجزولي... محمد حامد الجزولي... احمد حامد الجزولي... خالد حامد الجزولي (عضو المنبر).. دكتور اسمامة احمد مختار... نعمات جبريل.. الهميمة الأنصارية الجميلة (ايمان احمد الخواض.. ايمان احمد عثمان (اينمان الموج).. تهاني يحي... اماني تاج السر.. ايمان عبد القادر منصور ( و كنت اسميها ايمان البحر درويش..!!) قريبتي المسيراوية الوجيهة حنان على يعقوب...
بنات كسلا: مشاعر سعيد فضل الله... نعمات فضل السيد ... تهاني هاشم... روح المرحوم فوزية حسين...!!!
رباطاب الخلا (قبل انت نعرف انو الموضوع جلابة و شنو كده ما عارف) مصطفى ابشر... وهيبة امحمد احمد..
و برضك ما قصرنا مع عمك بلال موسى.. ليك ، ليهن ، ليهم جميعا... ازىد الزمن المر المشتتتين في صدر هذا الزمان الوحش...\
كبر
Post: #16 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: حامد الغبشاوي Date: 06-26-2013, 08:48 PM Parent: #15
العزيز مجاهد والله بلال موسي زول رآئع من زمان من زمن أغنية 3 سنة يوم وري يوم والصبر جميل منتظرك انا بفكر في سعادتي معاك وانت غدرت بي انا
......................................................... التحية لك زوار البوست
Post: #17 Title: Re: يهزُّني أداء بلال موسى هنا .. في طرب تاني متشاكل ومتلوِّن Author: مجاهد محمد الهادي Date: 06-27-2013, 01:23 PM Parent: #16
الأعزاء كبر و حامد الغبشاوي
بجيكم برواق بس سماح أنزل الغنية دي
ما كنت عارف .. يا ريتني كنت عاارف : من الأغانِ الحبيبة جداً لي ..