Post: #1
Title: يا عوض .. اقفل الانبوب .. !!
Author: humida
Date: 06-09-2013, 11:23 AM
Parent: #0
السيد رئيس الجمهورية ..
طوال مدة حكمه المديدة أطال الله في عمرنا لم يسعفني صبري لمتابعة خطاب من خطاباته الرنانة ..
نسبة لكمية الكواريك .. و منظر الناس الغلابة الساكينهم بالسوط ..
بالامس .. دخلت في موقف ضيق ..
كنت في زيارة اسرية .. لناس من النوع البيكون خاتي تلفزيون السودان رقم واحد .. و بعدها الشروق ..
و كان الحديث عن ارتفاع الدولار و زيادة اسعار السلع في رمضان .. و ايقاف بترول الجنوب ..
ثم طلع علينا عوض الجاز .. قال كلام كتير لمن ألتقط منه غير عبارة .. و اشرئبت الاعناق ..
لكن عموما الجاز لونه فتح من الترطيبة ..
ثم الخضر .. عملت فيها الجو جميل و ما سمعت و لا كلمة ..
ثم البشير ..
عبارتين فقط استوقفتني ..
يا جماعة قري دي كانت تبع شندي .. بس ما عارف ناس الخضر ديل جابوها الخرطوم كيف .. لكن الكهرباء حتجيكم من شندي ..
و يا عوض اقفل الانبوب ..
العبارة الاخيرة ادتني دي احساس انه البشير قاعد في بيت عزابة .. و خاتي قدامه طشت و بغسل .. و بكورك لعوض يقفل الماسورة .. !!
|
Post: #2
Title: Re: يا عوض .. اقفل الانبوب .. !!
Author: حيدر حسن ميرغني
Date: 06-09-2013, 11:25 AM
Parent: #1
اها ياحبيب قفلوه
|
Post: #3
Title: Re: يا عوض .. اقفل الانبوب .. !!
Author: Isa
Date: 06-09-2013, 11:51 AM
Parent: #2
| Quote: يا عوض .. اقفل الانبوب .. |
سـلام حميدة.. غـايتو يا عـوض أقفل الأنبوب دي (أو: أقفـل الأنبوب يا عـوض) فيها حـلاة فكـرة كتابة غنية هابطة!.. نحـولها للشعـراء الحداثيين بالبورد على هـدى شـراكة أساسي الذكية..
|
Post: #4
Title: Re: يا عوض .. اقفل الانبوب .. !!
Author: AMNA MUKHTAR
Date: 06-09-2013, 12:22 PM
Parent: #3
حميضة ذاتو إحتار ..
وحميضة ما بيحتار بالساهل ..هههههه
عوض دا بيكون بتاع الحاجة الخدرا ديك ..
|
|