|
Re: الصيف فى أمريكا: شياتنا دخاخينها فى السماء فوق .. تفضلوا .. (صور) (Re: بريمة محمد)
|
أيمن، سلام ..
Quote: ما هو سر احتفاء السودانيين الدائع والمالغ فيهو بالطعام ؟!!! الحته جميلة خالص يا بريمة ،،، ان شاء الله دايما في سعادة |
أنا أفتكر المسألة ليس أحتفاء بالطعام .. وممكن تختلف معى في الحتة دى .. لكن أنا الشايفه هو محاولة للهروب من الروتين وضغوط الحياة .. ويبدو ثقافتنا في الشواء ضعيفة .. يعنى جينا وأنا رجعت "السبوماركت"" مرتين مرة المقابط مافى .. ومرى أخرى وأخوة أخرون ذهبوا لأحضار حاجات نسيناها .. في حين كل الشعوب الأخرى ناسها بجوا جاهزين وعارفين كل عدة الشغل.
بريمة
| |
|
|
|
|
|
|
Re: الصيف فى أمريكا: شياتنا دخاخينها فى السماء فوق .. تفضلوا .. (صور) (Re: بريمة محمد)
|
الأخ عماد، سلامات ..
Quote: كيلو اللحمه عندكم بكم ... ؟؟؟
تحياتي |
في المناسبات نحن نشترى "الجكن" بالكرتونه .. مقطع جاهز للشواء .. الكرتونه فيها حوالى 26 باوند بحوالى 35-50 دولار .. والخرفان بشتريها أيضاً جاهزة مقطعة بسعر 150 -200 دولار للخروف ..
شوينا حوالى 12 دور في الشوايتين .. وحتى لحظة رجوعنا "الجكن" راقد لسع ما قدرنا شوياناه كله .. الحديقة، بحيرة "فيرفاكس" في فرجينيا .. بأكلمها فيها حوالى 40 شواية .. كلهن كان مدورات إلى بداية الليل.
بريمة
| |
|
|
|
|
|
|
Re: الصيف فى أمريكا: شياتنا دخاخينها فى السماء فوق .. تفضلوا .. (صور) (Re: قلقو)
|
قلقو يا حبيب. ما نحسده كيف وانحنا فى الخرطوم نشترى المس كول. طبعا "المس مول" مصطلح جديد ظهر فى الخرطوم. تمشى الجزارة وتقول للجزار داير لحمة عجالى مس كول، همس وليس جهرا. المس كول هو نص الربع هههههههإ. يعنى ربع الكيلو الناس بتق ما قادرة عليهو؛ بقينا فى نص ربع الكيلو يعنى ثمن كيلو جرام ههههه. وبعد دة كله ما نحسده على النعمة دى وكمان ما قادر يهضم. اللهم لا حسد. ربنا يبارك لك فى نعمه أخى بريمة ويزيدك كمان وكمان. مجرد ممازحة مع قلقو. وبرضو اعمل حساب الكوليسترول، القاوت هين.
| |
|
|
|
|
|
|
Re: الصيف فى أمريكا: شياتنا دخاخينها فى السماء فوق .. تفضلوا .. (صور) (Re: بريمة محمد)
|
هههههها يا دكتور محمد الأمين موسى،
Quote: لا هبابة لا خروف حمري...؟؟ شيييييييييييتكم فشنك! |
الخروف الحمرى بينى وبينك ليس هناك أجود منه في الشيات .. لكن الهبابة! .. البدايل بالنسبة لها راقده.
غايتو أنت شكلك حاسدنا حسادة عدييل .. هل تصدق الشية عملناها ل 100 نفر، رجعت حوالى 10 كيلو جزء منها لم يتم شويه .. الجماعة رخموا تب .. يا أخى يا ها دى لذة ماما أمريكا.
بريمة
| |
|
|
|
|
|
|
Re: الصيف فى أمريكا: شياتنا دخاخينها فى السماء فوق .. تفضلوا .. (صور) (Re: ombadda)
|
سلام يا أخي بريمة ... صورة جميلة تعكس ترابط أبناء السودان القديم وتعايشهم وهم أمل الحل في سوداننا المعقد ولا للسودان الجديد يا بريمة والذي زاد تعقيده بعد تسلط وجني بني كوز عليه ... بالهناء ... البع ولا تفكر لي لا في كوليسترول أو قاوت ... وكتر لي من البصل الحار مع الشطة السودانية ... ومبروك للعروسين وان شاء الله بيت مال وعيال ... وكل إنسان نصيبه نازل من السماء سواء مس كول أو غيره وحتى المسكول أنواع ... في مسكول اسمه عطسه يستحيل تسمعه يعني لو ناس السودان وصلوا لمرحلة العطسة اللحمة دي الا تكون تعاطي بالنظر ... ولا ننسى تفشي وجبة تسمى "أصبر" في المطاعم السودانية ... الله يصبرهم يا مان ...،،،، بالهناء
| |
|
|
|
|
|
|
Re: الصيف فى أمريكا: شياتنا دخاخينها فى السماء فوق .. تفضلوا .. (صور) (Re: ombadda)
|
ول أبا عثمان، سلامات ..
Quote: وكل إنسان نصيبه نازل من السماء سواء مس كول أو غيره وحتى المسكول أنواع ... في مسكول اسمه عطسه يستحيل تسمعه يعني لو ناس السودان وصلوا لمرحلة العطسة اللحمة دي الا تكون تعاطي بالنظر ... ولا ننسى تفشي وجبة تسمى "أصبر" في المطاعم السودانية ... الله يصبرهم يا مان ...،،،، بالهناء |
يا أخى مالك على المدام .. من شافت كلامك دا قالت أحسن تنقص إجازتها الصيفية للسودان ..
يا أخى .. والله أنا الصيف الفات لما كنت في السودان، من الصباح أغشى ميدان جاكسون، أكتل كورية بتاعت مديدة دخن أو مديدة بلح .. يومك كله تدشع.
بريمة
| |
|
|
|
|
|
|
Re: الصيف فى أمريكا: شياتنا دخاخينها فى السماء فوق .. تفضلوا .. (صور) (Re: بريمة محمد)
|
Quote: حلآتهم عيالك يا بريمة.. ربنا يحفظ.. |
ما الذي يجعل ابناء بريمة حلويين ومحفوظيين وأبناء إحسان عبدالعزيز منبوذين متهمين مطاردين !! اليس الابناء هم الابناء ؟؟ اليست برائة ابناء بريمة هي ذات برائة أبناء إحسان ؟؟ وهل يعجبك ان أخذ شخص ما صور أبنائك البريئين هؤلاء وزج بهم في نقاشات جانبية لغرض التشهير والاسائة ؟؟
المهم .. بالهناء والشفاء عليكم للخيار والفقوس والشية والمرارة النية !!
| |
|
|
|
|
|
|
Re: الصيف فى أمريكا: شياتنا دخاخينها فى السماء فوق .. تفضلوا .. (صور) (Re: Kostawi)
|
كوستا، علىّ اليمين طلعت فشنك ..
Quote: إنتو ناس الصحة و البلدية ما شافوكم هسع دي شية دي لحمة حمراء ما بتعمل دخان....دي دخاخين جاز و كمان مستعملين شواية الحكومة أها الزول القبلك كانت شيتو من لحم البورك حا تودي وشك من ربك وين يا عبابيرو
من أكل المشك لأكل الجكن....سبحان الله |
أولاً لا جاز ولا شيئ .. نحن قاعدين نعملوا الدخان مخصوص عشان لزوم فتح الشهية .. لاحظ صور الأطفال الذين يشتغلون معى يحملون عوانى بلاستيك .. هذه هى العوانى التى تبلنا فيها اللحمة لتصير لونها أحمر أو أصفر، overnight .. وبعد وضع اللحمة في الشوايا تفضل موية اللحمة والتوابل وموية اللحمة .. بعدين أنا أقوم وأقول للأطفال دوروا .. وهم يصبوا موية اللحمة في اللحمة على الشواية .. هناك يطلع دخان كثيف بالأضافة لذلك تشب النار في اللحمة.
وهناك الجماعة يقولوا بريمة دور .. وغالباً ما نعملوا الحركة قرب نهاية أستواء الشية .. الشغلانة fun
-------------- بعدين حسب فهمى لحمة الجكن أفضل من لحمة الضـأن والبقر .. ولا شنو؟
بريمة
| |
|
|
|
|
|
|
Re: الصيف فى أمريكا: شياتنا دخاخينها فى السماء فوق .. تفضلوا .. (صور) (Re: بريمة محمد)
|
Quote: الواحد بقى يفكر ألف مرة قبل ما يكتب مداخلة فى بوست. زى ناس Osman mohammedein وتعليقاتهم المليئة بالإيحائات الناس أصبحت تتفرج وتركت المشاركة بأريحية وطيب خاطر فى البوستات. غايتو ندمت ندامة الكسعى وتوبة. |
الأخ/ ombadda السلام عليكم ورحمة الله ...
أولا الله لا جاب الندامة وتجدني آسفاً على مداخلة أصاب رزازها مشاعرك ودواخلك النبيلة ... وأكرر أسفي وعند كتابتي لتعليقي هذا ... لم أستنبطه باعتبارك أنت قد كتبت شيئاً ... وكعادتي لا أركز على ما من يكتب خاصة في المواضيع التي تتسم بالفرفشة ... أو ذات إطار إجتماعي ... وليست خاصة تخص شخص لا أمت له بصلة ... والأمر لا يعدو من كونه مشاغلة تحدث نادراً بيني وبين الأخ بريمة في نمط معين من البوستات ... بالطبع لم أقصدك ... ويمكنني أن أحذف مداخلتي إن لم يزل في النفس شئ ... مع دوام تقديري ومحبتي لشخصكم الكريم
| |
|
|
|
|
|
|
Re: الصيف فى أمريكا: شياتنا دخاخينها فى السماء فوق .. تفضلوا .. (صور) (Re: othman mohmmadien)
|
الحبيب عثمان، سلامات ..
Quote: وكعادتي لا أركز على ما من يكتب خاصة في المواضيع التي تتسم بالفرفشة ... أو ذات إطار إجتماعي ... وليست خاصة تخص شخص لا أمت له بصلة ... والأمر لا يعدو من كونه مشاغلة تحدث نادراً بيني وبين الأخ بريمة في نمط معين من البوستات |
والله مداخلتك كانت في الصميم .. يا أخى، المدام أعادت كل أولوياتها .. بالله أرقعنا تانى .. بواحدة من جنس عطسة أو مس كوول ..!
لوووووول يا ول أبا عثمان .. الحال بقى طين عدييل.
بريمة
| |
|
|
|
|
|
|
|