Post: #1
Title: العوير !
Author: محمد حامد جمعه
Date: 06-08-2013, 07:01 PM
زرت اليوم وعدت صديق مريض ، حملت باقة ازهار ندية ، جلبتها من احد المحال بالخرطوم حيث ينشط شباب نضيرون من الجنسين فى اختيار الصنف والنوع حسب مطلوب الزيارة والغرض حينما دخلت متأبطا الازهار لحظت ان اهل الدار التى اعود مريضها كانوا ينظرون الى بحيرة وشفقة كدت اسمع همسهم (الزول دا عوير ) لهذا حينما خرجت قررت ان احمل فى المرة المقبلة (بطيخة) او اكتفى من المعاودات بمسج جوال
|
Post: #2
Title: Re: العوير !
Author: د.نجاة محمود
Date: 06-09-2013, 03:07 AM
Parent: #1
سلامات يا جنابو(وش ضاحك)
ثقافة الورد دي ما موجودة في السودان مرة الملك كتب في الموضوع دا
حيث المريض احتج قال هو ما نصب تذكاري والفواكه دي مالها
فقط الورح يصلح في فالنتاين حي المستورد مع ورده
مع التحية
|
Post: #3
Title: Re: العوير !
Author: صلاح عباس فقير
Date: 06-09-2013, 06:12 AM
Parent: #2
| Quote: لهذا حينما خرجت قررت ان احمل فى المرة المقبلة (بطيخة) |
هههههه
وتحياتي!
|
Post: #4
Title: Re: العوير !
Author: MOHAMMED ELSHEIKH
Date: 06-09-2013, 06:12 AM
Parent: #2
(الزول دا عوير )
بالمناسبة زهرة " العوير" ذات اللون النفسج هي اجمل انواع الزهور!!
|
Post: #5
Title: Re: العوير !
Author: محمد المسلمي
Date: 06-09-2013, 06:24 AM
Parent: #4
محمد حامد وضيوفه سلام
الزيارة والدعوات للمريض كفاية
-----
بطل الحركات دي ماحقتنا
|
Post: #6
Title: Re: العوير !
Author: أيمن محمود
Date: 06-09-2013, 06:34 AM
Parent: #4
| Quote: قررت ان احمل فى المرة المقبلة (بطيخة) او اكتفى من المعاودات بمسج جوال |
الزهور كان ممكن يكون وقعها جميل جدا لو اهل المريض ما معصورين في حق العلاج
- تجيهم شايل زهور !! - حق الزهور ده لو كان عصرتو ليهم تحت المخدة كان سد فرقة ،،،
|
Post: #7
Title: Re: العوير !
Author: mohmmed said ahmed
Date: 06-09-2013, 06:38 AM
Parent: #6
زمان يا جنابو
نحنا طلبة فى رومانيا
ثقافة اهداء الورد راسخة جدا وما ممكن تمشى تقابل بت فى موعد دون ورود
اها كنا نضارى من اصحابنا
ولو شافوك شايل ورد
عوير دى ساهلة
فى كلمة بذيئة تانية بيوصفوك بيها
|
Post: #8
Title: Re: (الطنقعة زمـــن اللإنقاذ) مش ( العوير !)
Author: آدم صيام
Date: 06-09-2013, 07:33 AM
Parent: #7
ود جمعة حبابك
بقيت زي ود أخت الراجل الجاء من السعودية بعد زمن..
ردم الشنط أم قلوب في الديوان ويفضي فيهن الواحدة تلو الأخرى، هاك جلابية يا جارنا العزيز وتوب الكرب للداية البتول والجزمة السمحة للسرة والساعة الستاتية لأم نفل الممرضة لحد ما الشنط فرغت!
الخال قلبو أكلو، قال لود أختو المربيه من صغر: دحين ما جبت لخالك شيتاً؟
قال ليهو إنت نصيبك خاص بس نخلص العامة والرجرجة ديل.
لما خلص الهدايا في عرق العامة، حمل مصحف في صندوق أخدررررر مغطى بغلالة حرير خدررررا وقدمها لخالو: يا خال هديتك (كتاب الله) المصحف الشريف مكتوب بماء الذهب وماضي عليه الملك فهد بخط يدو.
حتى في التقاليد الوطنية مثل الهدية، استوردتو للأمة باقات الوارد!
وين نصنع ولا نزرع أو نهدي مما تعارفت عليه تقاليدنا؟
|
Post: #9
Title: Re: (الطنقعة زمـــن اللإنقاذ) مش ( العوير !)
Author: عبيد الطيب
Date: 06-09-2013, 07:59 AM
Parent: #8
| Quote: حيث المريض احتج قال هو ما نصب تذكاري والفواكه دي مالها |
شكرا دكتورة نجاة
والله هذا لسان حال كل المرضي....
والفواكه دي مالها....................!
"ونافعة خلاااااااااااس للمريض ولي الممارض...........!
محبتي
|
Post: #10
Title: Re: العوير !
Author: د.نجاة محمود
Date: 06-09-2013, 01:37 PM
Parent: #1
سلامات يا جنابو(وش ضاحك)
ثقافة الورد دي ما موجودة في السودان مرة الملك كتب في الموضوع دا
حيث المريض احتج قال هو ما نصب تذكاري والفواكه دي مالها
فقط الورح يصلح في فالنتاين حي المستورد مع ورده
مع التحية
|
Post: #11
Title: Re: العوير !
Author: ismeil abbas
Date: 06-09-2013, 04:15 PM
Parent: #10
إنت ما عوير هم العوره..بس ممكن تكون ما إخترت نوع المريض الممكن تحضر ليه ورد ..
ثقافة أتمنى أن تنمو.
ألأخ/المسلمى حبابك..
| Quote: بطل الحركات دي ماحقتنا |
هل كل الحركات البنعمله حقتنا...وإذا حركة جميلة وإيجابية ليه ما نكتسبها ونستمر فيها؟.
تحياتى أخى محمد حامد جمعة ولكل المتداخلين ألأحترام والتقدير.
|
Post: #12
Title: Re: العوير !
Author: Ali Abdalla Hassan
Date: 06-09-2013, 04:18 PM
Parent: #11
يعني ما سمعت بفتوى تحريم إهداء الزهور للمريض؟
أسأل عماد موسى للتوضيح والشرح
|
Post: #13
Title: Re: العوير !
Author: محمد حيدر المشرف
Date: 06-09-2013, 04:20 PM
Parent: #12
دخلت البوست وفي بالي قرار (قفل الانبوب) ..
والطريقة التي اعلن بها !!
|
Post: #14
Title: Re: العوير !
Author: Tabaldina
Date: 06-09-2013, 08:45 PM
Parent: #13
..
.
فى كردفان حيث موطنى وموطنك عندنا شجرة تقوم فى اى مكان بلا انذار ..تسمى شجرة العوير ..مظبوط
فى الخرطوم استجلبت شجرة حسنتها امريكا للسعودية لايقاف الزحف الصحراوى بتقوم فى اى مكان بدون ماء
شجرة عويرة .. ومشربكة ولايوقه .. وبتقفل مواسيرالمياة والسايفونات ؟؟ قدر ما تقصها وتمنع منها الماء بتقوم تانى اها العوراء سموها ..المؤتمر الوطنى .. عشان شربكتها دى ..
وللاسف هؤلاء العوراء هم شعب مثلهم لا يعرف ضررها ويزرعها امام المنازل والحدائق .. برضو شعب عوير
والشعب دا عندو ناس بتكلمو ساااى .. وواحدين بنفذوا برضو سااى....!!
--------
انا شخصيا ما خطر ببالى نهائيا ان هذا مقصدكـ
وطيلة معرفتى ليك فى هذه السنوات العجاف متاكد ما قاصد نفسك
بس غلبك تقولها .. والله اعلم ..
|
|