هَيْ لاكيين إتَّ فاضي يا نادال؟ غايتو الله ستر المرة دي

زهجتنا ياخ ..

يذهب جزء كبير من تركيزك في تخليص سروالك كثير الإلتصاق..

ما ممكن ياخ..

البلد دي ما فيها ترزية ولا شنو؟؟


..

.

والله يا محمود أبدعت عديل كده....وانا قايل نفسي ملاحظ الحاجةدي براي....
لكن اليوم كان مبالغة ..ولعب بلياقة بدنية وذهنية عالية...
أتمنى أن يحافظ على اللقب
تحياتي

Quote: يذهب جزء كبير من تركيزك في تخليص سروالك كثير الإلتصاق..

والله صحي عذبنا المباراة كلها شغال فك لزق لو ما كدا النول كان من المجموعة الرابعه ودع

يا مصطفى إنت أوول مرة تحضر مباراة لي نادال؟؟
دي من تعاويذ نادال وتوقعي إنو بيستخدمها ك حركة تطاير أكتر من كونها التصاق وجر شورت..

نادال أبدع , أمتع , و حرق روحنا كلنا ,,


ونوفاك كمان لعاب والله

Quote: ونوفاك كمان لعاب والله

أقل ما يمكن أن يُقال في حق بطل العالم..

عارف يا فارس يعني شنو بطل العالم؟؟

نوفاك جوكوفيتش فعلاً لعاب وعيبه الوحيد العصبية وعدم ضبط الإنفعالات..

تحياتي..

..

.

Quote: يا مصطفى إنت أوول مرة تحضر مباراة لي نادال؟؟..

لا طبعاً يا عمر ياخي... متابع نادال من أول ظهور ليهو وحتى اليوم..

Quote: دي من تعاويذ نادال وتوقعي إنو بيستخدمها ك حركة تطاير أكتر من كونها التصاق وجر شورت..

الغريبة يا عمر...المدام قالت نفس الشي...قلت ليها إنتي زولة ضهاري ساي

ايش لك والألعاب بتاعة الأرستقراطيين دي..

دا طبعاً على افتراض إنها عارفة أرستقراطيين يعني شنو؟؟

ياخ إذا كان أساسي عرف كلمة أرستقراطيين السنة الفاتت دي..

ههههههههههههههه

..

..

تعديل ساي..

العزيز مرتضى..

حبابك..

Quote: والله صحي عذبنا المباراة كلها شغال فك لزق لو ما كدا النول كان من المجموعة الرابعه ودع

نوفاك كان الأقرب يا مرتضى..

لكن الخبرة رجحت كفة نادال..

هذا ..والله تعالى أعلم..

..

تحياتي..

..

.

الحبيب محمد محمود محمد

حبابك..

Quote: لكن اليوم كان مبالغة ..ولعب بلياقة بدنية وذهنية عالية... أتمنى أن يحافظ على اللقب

رافا يا محمد كان حامل اللقب ؟؟.

معك أتمنى أن يحرز اللقب..

تحياتي..

..

.

..

الأحباب محمود كمال وأحمد سيد أحمد..

شكراً للاهتمام والمتابعة..

..

.

والله انا قايل نفسي مدمن تنس براي ..
مبالغة لكن يا محمود .. الراجل ده من اول يوم عرفتو وهو كدة ..
بعدين المدام بتشجع ندال وانا بشجع فيدرير وتعال شوف المنافسة ..



الجماعة ديل شكلهم عايزين ترزية من السوق الافرنجي بتاعنا ..

Quote: والله انا قايل نفسي مدمن تنس براي .. مبالغة لكن يا محمود .. الراجل ده من اول يوم عرفتو وهو كدة .. بعدين المدام بتشجع ندال وانا بشجع فيدرير وتعال شوف المنافسة .. الجماعة ديل شكلهم عايزين ترزية من السوق الافرنجي بتاعنا ..

العزيز هشام كمال عبادي..

حبابك..

التنس رياضة أنيقة وجميلة فعلاً..

بعدين البطولات العالمية كلها بكون حريص على متابعتها بشغف حقيقي..

خاصةالويمبلدون والرولان غاروس..أمريكا وأستراليا (المفتوحتين) فما خالص كدا..

يعني حسب التساهيل..لعوامل ترتبط غالباً بالتوقيت.

أها ما قلت لي هشام.. سيرينا وليامز وماريا شربوفا كيف؟؟

أنا غايتو بصراحة تشجيعي ليهم قاعد يعمل لي شوية "مشاكل عائلية" وكدا..

لكن النهائي طبعاً حا نشجع بنتنا سيرينا وليامز...عشان خاطر "السواد الأعظم"

على قول التكاسي "المسغف"

.. تحياتي ..

..

.

Quote: أنا غايتو بصراحة تشجيعي ليهم قاعد يعمل لي شوية "مشاكل عائلية" وكدا.. لكن النهائي طبعاً حا نشجع بنتنا سيرينا وليامز...عشان خاطر "السواد الأعظم" على قول التكاسي "المسغف"

أوووووووووووهــ...الله الله عليك يا سيرينا...فعلتيها يا ابنة العم؟

السماحة براها ما كفاية...ولا كيف؟؟

كونغراتيوليشنز أيتها الجوهرة..

..

.

النهائي (الإسباني الخالص) سينطلق بعد قليل..

غايتو مشجعين نادل .. التركيز يطير في السماء..

..

.

Quote: يا مصطفى إنت أوول مرة تحضر مباراة لي نادال؟؟ دي من تعاويذ نادال وتوقعي إنو بيستخدمها ك حركة تطاير أكتر من كونها التصاق وجر شورت..

يعني دي اتفوقت فيها علي المصرين في النجر والافتاء دون سند فقهي رياضي , طيب لو ما (الشورت لزق) او اين كان , بحشيهو براهو ويفك اللذق ولا الفتوى في الحالة دي شنو ؟ عشان التعويذة تكتمل


ـــــــــ
يا محمود

تصدق امس بس امس القريبة دي حتي عرفت كلمة البراجماتيه : تعني الذرائعية
المصيبة انه الذرائعية زاتا يعني شنو اديني لي نهاية الحول وبجيب خبرها

Quote: يعني دي اتفوقت فيها علي المصرين في النجر والافتاء دون سند فقهي رياضي , طيب لو ما (الشورت لزق) او اين كان , بحشيهو براهو ويفك اللذق ولا الفتوى في الحالة دي شنو ؟ عشان التعويذة تكتمل

حامضة يا عمك....أطربتني كالعادة والله..

Quote: تصدق امس بس امس القريبة دي حتي عرفت كلمة البراجماتيه : تعني الذرائعية المصيبة انه الذرائعية زاتا يعني شنو اديني لي نهاية الحول وبجيب خبرها

عليك بالمرة يا أساسي شوف لأخوك الدوغمائية ... اتعذبنا كتير ياخ...:)

تحياتي..

..

النجيضة:

نادال بطلاً على رولان غاروس..ويقول ليكم:

مالكم ومال سروالي...

..

.

شكراً حسن مختار الفيسابي..

ما تخليهم أربعة ياخ..

تحياتي..

..

أحيييييي أنا ... ما فاتت على المباراه,
لأنها كانت في عز دوام العمل. رغم متابعتي
لمقتطفات من التقرير الرياضي, كانت فقط حول
سير تقدم المباراه... وروحي حرقتني برضو,
بس التقول فيلم جانوار.

لو في زول سجل المباراه, يتكرم علينا بإنزال
الرابط هنا, عشان نشوف ونفتي معاكم في حكاية
السروال دي وأي إمور أخرى. جاهزين يا مان,
ففي السودان تحولنا كلنا إلى علماء السودان
....هههه

وأنتم في معرض هذا الحال, حاولوا جيبو سيرة
بت الخالة, سيرينا وليام, وممكن في الحتة دي
تفحصوا حكاية الأرانب الفي المخلاية, إن رأيتم
أن السروال هنا إرريليفانت.

يا مالديني يا صاحبي ...بالغت مع رافا ياخ...
ديفيد فيريروكان دون مستوى النهائي...لذلك الندّيّة كانت مفقودة...
مبروك محمود مصطفى محمود ..وكل محبي نادال

حيدرنا...

حبابك..

عندي بوست كامل عن سيرينا وليامز...

Quote: تفحصوا حكاية الأرانب الفي المخلاية,.

أكيد قاصد: الأسد الفي القيد يناتل..

طبعاً أصلو عيوني ما (كعبات) في الحتة دي..

أقول ما تقرأون ..واستغفر الله لي ولكم يا حيدر ياااااااخ..

تحياتي أيها الجميل..

..

.

انتهى...

شكراً للمتابعة..

..

.