Post: #1
Title: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-06-2013, 06:12 PM
Parent: #0
في ناس الواحد تلقاهو عامل زي عُشرمية بوست في الصفحة الاولي في نفس الربع المفتوح.
* يحلم باليل جري علي المنبر بوست
* تجيهو أضغاث احلام جري علي المنبر بوست
* تجيهو بت ابليس جري علي المنبر بوست
* في ناس الواحد تلقاهو متداخل في بوست جاتو فكرة بدل يقولها في نفس البوست ـ جري علي المنبر ـ بوست متفرع من البوست المتفرع من البوست الاولاني.
* ناس عينها لموضوع عامل غاغة في المنبر والدنيا قايمة وقاعدة عشانو
* بدل يقول رايو هناك يجيك بي هنا يعمل بوست في نفس الموضوع.
* حتي الكورة الشافها راعي الضان في الخلا (علي موبايلو طبعا) واحد يفتح بيها بوست ـ يجي زي مية واحد يفتحوا بوست عن نفس الكورة . طيب كان تقسموها كل واحد يذيع لينا شوط والتالت والرابع والخامس يعملوا بوست عن الاستديو التحليلي قبل وبعد واثناء المباراة.
دي نتيجة تحليل البول والفسحة بتاعة المنبر ده لي قِدام بنوريكن الامراض والمضاعفات اللي بسببها الاسهال في الكتابة
|
Post: #2
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-06-2013, 06:14 PM
Parent: #1
زمان كان المداخلات حتي تصل مية مداخلة حتي الصفحة تقلب.
هسع بقيت تغمِّد تفتِّح تلقي الصفحة قلبت ـ بقت زي قيمة الجنيه السوداني..
أي شئ ارتفعت في البلد دي الا جداول الضرب.
|
Post: #3
Title: Re: اقترحات لرفع نسبة الإستفادة من المنبر
Author: حيدر حسن ميرغني
Date: 06-06-2013, 07:27 PM
Parent: #2
والله ياولدنا كلامك كلو صح
بس البقنع ود المدير شنو
|
Post: #4
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-06-2013, 07:37 PM
Parent: #3
بدل نظام الكوتات ده
ليه ما نخلي العضو يكتب بوست واحد في كل ربع
وكان البوست عاجبو شديد يعتِّلو للربع الجاي
وكان البوست قضي غردو ـ يعرش علي كدي لما تجي الارشفة
وكان داير يوسع يفتح ليهو برندة في الربع الجاي (بوست جديد)
وكان الموضوع لايحتمل التأجيل وزمنه بي فوت لغاية مايجي الربع الجاي ـ في الحالة دي حقو العضو قبل لايفتح ليهو بوست يقلب المنبر لو لقا ليهو زول فاتح موضوع يستوعب فكرته يرمي بيضو هناك عشان البيض كله يفقس مع بعض.
وفي المداخلة الجاية نوريكن ان شاء الله فهمي من الاقتراح ده شنو.
والـ عنده اقتراحات بديلة او إضافية يدفقا هنا.
|
Post: #5
Title: Re: اقترحات لرفع نسبة الإستفادة من المنبر
Author: محمد البشرى الخضر
Date: 06-06-2013, 07:57 PM
Parent: #4
الفاضلابي يا عمك
كدي ادينا مثال لي واحد من بوستات بت ابليس دي:)
|
Post: #6
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-06-2013, 08:06 PM
Parent: #5
| Quote: البقنع ودالمدير شنو |
الحبيب حيدر ـ ود المدير هَِّين ركُّو علي منفاخ فوق صلعتو العاجباهو دي .
الكلام الناس المعشعشة في الصفحة الاولانية ديل.
|
Post: #7
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-06-2013, 08:09 PM
Parent: #6
| Quote: كدي ادينا مثال لي واحد من بوستات بت ابليس دي:) |
هووي ياباشمهندس نحن ماشين جنب الحيط داير تجيب لينا الهوا؟
يحول الي بوستي التاني ـ والله الا يبقي في اصبعك ـ
إنت مابتجيش هناك ليه ؟ أٌبا تِجي.
|
Post: #8
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-06-2013, 08:34 PM
Parent: #7
الفهم:
في مواضيع مهمة واصحابها ماعندهن زمن يصاقروها عشان يعتلوها كلما حتلت ـ خاصة بعد نظام بكري الجديد ده.
يبقي عشان ندي المواضيع دي فرصة للصمود في الصفحة الاولي اكبر فترة ممكنة نقوم بحكاية الغربلة الـ قلناها فوق دي.
وتاني حاجة بي كده بنكون وزعنا الفرصة بطريقة اقرب للعدل.
يلا الـ عندو قنزب يجيبو هنا.
|
Post: #9
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-06-2013, 09:18 PM
Parent: #8
| Quote: وتاني حاجة بي كده بنكون وزعنا الفرصة بطريقة اقرب للعدل. |
لما كنا في الجامعة ـ كان معانا ود اهلنا وكان بياكل بسرعة
نامن نمشي البوفيه بتاع الادارة نعبي صحن الفول وكل زول نديهو
رغيفتو في إيدو ـ زولنا كان بياكل سريع سريع ـ بعد شوية
يعاين لي رغيفتو يلقاها قرَّبت تكمل ـ يقوم يقول لينا:
نقَطِّعوا فتَّة.
اها رايكُن شنو نخلي المنبر ده فتَّة ولاَّ ندي كل زول رغيفتو في إيدو؟
|
Post: #10
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-06-2013, 11:09 PM
Parent: #9
يعني هسع بكري ماشاف البوست ده؟
شنو يابكري ـ ساعدوهو في قبر ابوهو دسَّ المحافير؟
|
Post: #11
Title: Re: اقترحات لرفع نسبة الإستفادة من المنبر
Author: أيمن محمود
Date: 06-07-2013, 00:01 AM
Parent: #10
فعلاً ... المسألة عايزة معالجة من بكري
|
Post: #12
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-07-2013, 12:20 PM
Parent: #11
سلامات أيمن
ياخ الساس ده رميناهو من أمس
لا لاقين طلب نكمّل البنيان
لا المقاول جا عشان يورينا نعمل شنو؟
تفتكر نعرش علي كده؟
|
Post: #13
Title: Re: اقترحات لرفع نسبة الإستفادة من المنبر
Author: قسم الفضيل مضوي محمد
Date: 06-07-2013, 02:41 PM
Parent: #12
هباني وجادات مفروض يشيلو منهم ضريبة -
معقولة يا اخونا مليون بوست لهباني وجادات في الصفحة الأولى
|
Post: #14
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-07-2013, 03:10 PM
Parent: #13
سلامات ياقسم
المشكلة ماها في الاسامي بس
المشكلة معظم المواضيع ممكن تدمجها في بوست واحد
يعني حتي الزول اللي ماعنده اكتر من بوست تلقاهو كاتب بوست
في زي مليون بوست زيه في نفس الصفحة.
المنبر ده قائم علي الشللية وشيلني واشيلك
|
Post: #15
Title: Re: اقترحات لرفع نسبة الإستفادة من المنبر
Author: عماد الشبلي
Date: 06-07-2013, 03:43 PM
Parent: #14
| Quote: * تجيهو بت ابليس جري علي المنبر بوست |
اقترحات لرفع نسبة الإستفادة من المنبر
ودا بيكون مرفوع بالضمه ولا شنو !!!!
غايتو سلام يا الفاضلابي
|
Post: #16
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-07-2013, 03:57 PM
Parent: #15
عمدة مسا الخير عندكن
صباح الخير عندنا
طيب بت ابليس خليناها وكت مي عاجباك إنت وود البشري
نسو شنو مع فقدان السوايل الحاصل للمنبر ده ـ نسقيه فيتريته؟
|
Post: #17
Title: Re: اقترحات لرفع نسبة الإستفادة من المنبر
Author: عماد الشبلي
Date: 06-07-2013, 04:10 PM
| Quote: نسو شنو مع فقدان السوايل الحاصل للمنبر ده ـ نسقيه فيتريته؟ |
شنو
يعنعي لحنتها
صباح الخير عندكم
|
Post: #18
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-07-2013, 04:25 PM
Parent: #17
غايتو جنس عكلتة ـ إنت مصوِّر ولاَّ محامي.
*****************************
إتنين راكبين جنب بعض ـ واحد سعل التاني:
اللخو من وين؟
رباطابي.
وبتشتغل شنو؟
محامي.
قالُّو : وكمان؟
|
Post: #19
Title: Re: اقترحات لرفع نسبة الإستفادة من المنبر
Author: Balla Musa
Date: 06-07-2013, 04:32 PM
Parent: #18
يافاضلابى
مداخلاتى أصبحت زى الويحيد عند أمو وابوه لكن ماخسارة فيك :)
نوع بوستك دا بضر بكرى
يعنى انت قايل الناس بتفتح بوستات متشابهة ويفرخوا البوستات والبوستات تبيض وتفقس والموضوع دا كلو ماشى كدا بدون ترتيب وسابق اصرار وترصد؟
ياخليلك زمن كنت بترضع فوق الخلال
شكلك بقيت الصرار مابتقدر تنتفوا من الضرع وترضع !!
ياخى عدد النقرات هو الأهم
وانت المهم والناس جميع ماتهمنى
وافرد يراعك خمنى!!!
|
Post: #20
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-07-2013, 05:26 PM
Parent: #19
Quote: ياحليلك زمن كنت بترضع فوق الخلال
شكلك بقيت الصرار مابتقدر تنتفوا من الضرع وترضع !! |
ودعمي الكلس ـ بلة ود موسي
آآفو ـ انا حصحاص البليلة ـ جَزَمْ نرضع فوق الخُلال وفوق الخريتة زاتا.
*****************************************************************
طيب وكتين المسعلة مسعلة مصالح المعارضة والقيامة الرابطة دي فوق كم ؟
إذا كان قايد المعارضة للمصالح كائساً ** فشيمة اهل المنبر كلهمو النقرُ .
يعني هسع كلامك ده معناتو نعرش البوست ده علي كدي؟
|
Post: #21
Title: Re: اقترحات لرفع نسبة الإستفادة من المنبر
Author: عماد الشبلي
Date: 06-07-2013, 06:50 PM
Parent: #20
Quote: غايتو جنس عكلتة ـ إنت مصوِّر ولاَّ محامي.
***************************** |
اول حاجة .. بت ابليس بتجي للناس البينومو !!
وانت الناس القاصدم ديل اصلا مابينومو
ولا بيخلو الناس ينومو !!!!
ودا اختراحي في الاضية يعني
!!!!!!!!
|
Post: #22
Title: Re: اقترحات لرفع نسبة الإستفادة من المنبر
Author: عبدالعزيز الفاضلابى
Date: 06-07-2013, 08:04 PM
Parent: #21
Quote: اول حاجة .. بت ابليس بتجي للناس البينومو !!
وانت الناس القاصدم ديل اصلا مابينومو
ولا بيخلو الناس ينومو !!!!
ودا اختراحي في الاضية يعني |
تصدق دي كانت فايتا عليَّ ياعمدة
طيب مشكلة المنبر دي نحلها كيف؟
نأجر صعايدة يدغدغو الناس الما بتنوم دي؟
ولا كيف الشورااا؟
واحد زي البورداب ديل شفقان شفقة شديدة الليل والنهار جاري
في الحلة معاهن واحد بتاع طمبرة وهلـ س ـ ابوه مات.
الولد سمع إنو ابوه ده جاء لي الزول الشفقان ده في المنام وقال ليه ولدي ده مايرث مع اخوانه.
لانو عاصي وبتاع هلـ س.الولد خاف ـ المال الخلاهو ابوهو كتير.
راح للزول الشفقان ده قال ليهو : إنت صحيح ابوي جاءك في المنام وقال ليك انا مابرث فيهو؟
الزول الشفقان قال للولد: يازول ابوك زاتو النام ليهو منو عشان يحلم بيهو.
|
Post: #23
Title: Re: اقترحات لرفع نسبة الإستفادة من المنبر
Author: عماد الشبلي
Date: 06-07-2013, 08:20 PM
Parent: #22
Quote: نأجر صعايدة يدغدغو الناس الما بتنوم دي؟
ولا كيف الشورااا؟
|
فكرة حلوة
لكن لازم تعتذر لبت ابليس دي
|
|