Post: #1
Title: ناشط مصرى مشيرا للسودان (بلد ضاربها السلك) !
Author: محمد حامد جمعه
Date: 06-06-2013, 12:59 PM
Parent: #0
يا جماعة الاعلام المصرى حيمقرنا من طورنا ، قبل قليل فى قناة مصرية - خاصة ما حكومية - فى ناشط من ناس حركة سياسية قال انو الجرى ورا السودان مافيش منو فايدة دى بلد ضاربها السلك واضاف متهكما (ايش ياخد الريح من البلاط ) ومضى بطريقة مستفزة يا عم سيبك منهم نحنا ننصغ - قاصد ننسق - مع جماعة جارانج !!!
|
Post: #2
Title: Re: ناشط مصرى مشيرا للسودان (بلد ضاربها السلك) !
Author: محمد حامد جمعه
Date: 06-06-2013, 01:10 PM
Parent: #1
نصيحة لمتابعى القنوات العربية - تقرأ المصرية - عدم المشاهدة فى حضور الاسرة او فى اجواء عائلية خصوصا لتلك البرامج لان المشاهد قد يخرج عن طوره ، قد تصيح بلفظ غير لطيف او يمكن تملص هدومك وتضرب راسك فى الحيطة ..غيظا
|
Post: #3
Title: Re: ناشط مصرى مشيرا للسودان (بلد ضاربها السلك) !
Author: د. ياسر عبد القادر
Date: 06-06-2013, 01:24 PM
Parent: #2
محمد جمعه سلامات
دا طبعهم و دي طريقة تعاملهم....بس عندكم ناس ما بيعرفوا الحقائق دي....ديل بيلعبوا لمصلحتهم بس....
خارج الخط:: بالله أولاد بمبة ديل هبروا كم من جمال الوالي ؟؟؟
|
Post: #4
Title: Re: ناشط مصرى مشيرا للسودان (بلد ضاربها السلك) !
Author: Hani Arabi Mohamed
Date: 06-06-2013, 01:25 PM
Parent: #2
سلام محمد حامد جمعة
سبحان الله
قبل ساعات قليلة قال متحدث في التلفزيون القومي - خلال عرض مسائي للصحف التي صدرت صباح اليوم - لا أدري إن كان مباشراً أو مسجلاً منذ الصباح .... قال المتحدث في خضم التعليق على تصريحات أيمن نور بشأن موقف السودانيين "المؤرف"
"نحن حساسين زيادة"
حساسين؟
هو نحن لسع بنحس ؟
- استغفر الله
|
Post: #5
Title: Re: ناشط مصرى مشيرا للسودان (بلد ضاربها السلك) !
Author: محمد حمزة الحسين
Date: 06-06-2013, 01:28 PM
Parent: #2
ديييل اولاد بمبه يا عم سييييييييبك منهم
عااارف عزووو مستريــح خالص خالص
:
:
:
:
مع التحيات لله الزاكيات
|
Post: #7
Title: Re: ناشط مصرى مشيرا للسودان (بلد ضاربها السلك) !
Author: محمد حامد جمعه
Date: 06-06-2013, 01:34 PM
Parent: #5
Quote:
النشر في فيس بوك
Sudan Rebel · متابعة · الأكثر تعليقا · 178 من المشتركين
ولـمـاذا لاتـواجـه نـظـامـك الـمـنـبـطـح بـهـذا الـرأي ايـهـا الامـنـجـي الـمـتـسـول ؟؟ هـل تـخـشـى انـقـطـاع الـعـلـوق وارسـالـك للـجـلـوس عـلـى صـنـاديـق زوادة احـدي اللـواري فـى غـرب السـودان كـمـسـاعـد حـلـه كـمـا كـنـت فى السـابـق قـبـل ان تـجـد ضـالـتـك فـى هـذا الـنـظـام الـفـاسـد؟؟ |
حينما يكون البعض (قصيرا ) لا بأس (ان ترفعه) ليحادث الرجال
|
Post: #6
Title: Re: ناشط مصرى مشيرا للسودان (بلد ضاربها السلك) !
Author: محمد حمزة الحسين
Date: 06-06-2013, 01:32 PM
Parent: #1
| Quote: ومضى بطريقة مستفزة يا عم سيبك منهم نحنا ننصغ - قاصد ننسق - مع جماعة جارانج !!! |
يا محمد حامد جمعة
يعنى هم موش كانو بى (نصغوا) من اصلوا والله اييييييييه 
:
:
:
:
:
مع التحيات لله الزاكيات
|
Post: #8
Title: Re: ناشط مصرى مشيرا للسودان (بلد ضاربها السلك) !
Author: محمد حامد جمعه
Date: 06-06-2013, 01:37 PM
Parent: #6
غايتو انا غضبى على المصريين استثنى منه النجمة لو طلبت تأجيل تشييد السد حقو الحبش يراعو ليها
|
Post: #9
Title: Re: ناشط مصرى مشيرا للسودان (بلد ضاربها السلك) !
Author: Mahjob Abdalla
Date: 06-06-2013, 01:40 PM
Parent: #6
برضو احسن لينا المصريين ديل و لازم نجيب منهم 2 مليون للسودان لانو في اكثر من 8 مليون غرب افريقي يدخلون السودان و اذا تركنا الامر هكذا فأن الافارقة سوف يكونون الاغلبية في السودان و نفقد السودان كبوابة عربية في افريقيا.
___________________
اليس هذا الكلام شبيه بما قاله عبدالرحيم محمد حسين يوما ما؟
|
Post: #10
Title: Re: ناشط مصرى مشيرا للسودان (بلد ضاربها السلك) !
Author: محمد حامد جمعه
Date: 06-06-2013, 02:09 PM
Parent: #6
| Quote: هم موش كانو بى (نصغوا) من اصلوا والله اييييييييه |
مش معروف
|
Post: #11
Title: Re: ناشط مصرى مشيرا للسودان (بلد ضاربها السلك) !
Author: عبداللطيف شريف على
Date: 06-06-2013, 02:47 PM
Parent: #10
| Quote: نصيحة لمتابعى القنوات العربية - تقرأ المصرية - عدم المشاهدة فى حضور الاسرة او فى اجواء عائلية خصوصا لتلك البرامج لان المشاهد قد يخرج عن طوره ، قد تصيح بلفظ غير لطيف او يمكن تملص هدومك وتضرب راسك فى الحيطة ..غيظا |
مقاطع من زمااااان ...
لاكثر من سبب ..
اقلها سخفهم وسرقتهم لافكار غيرهم وفبركتها ...
وبعدين الواحد بقى (زول ضغط وقولون ) ...
وحلايب ســـــــــــــــــــــودانية ..
والاثنين دغش سامر على سفارة اثيوبيا لاتبرع لسد النهضة ...!!
|
Post: #12
Title: Re: ناشط مصرى مشيرا للسودان (بلد ضاربها السلك) !
Author: Mohamed Suleiman
Date: 06-06-2013, 03:25 PM
Parent: #11
Quote:
نصيحة لمتابعى القنوات العربية - تقرأ المصرية - عدم المشاهدة فى حضور الاسرة او فى اجواء عائلية خصوصا لتلك البرامج لان المشاهد قد يخرج عن طوره ، قد تصيح بلفظ غير لطيف او يمكن تملص هدومك وتضرب راسك فى الحيطة ..غيظا
|
يعني إنت ما زعلت و ما خرجت من طورك لمّا المصريين قلعوا منك أرضك (حلايب) ... لكنك عايز تضرب راسك في الحيطة من الزعل عشان في النهاية هم فعلاً ورّوك قدرك شنو: السوداني طيب و مغفل و عبيط و بليد و و و ...
تستاهلوا (فاكرها .. و كمان بلكنة مصريّة ثقيلة)
|
Post: #13
Title: Re: ناشط مصرى مشيرا للسودان (بلد ضاربها السلك) !
Author: محمد حامد جمعه
Date: 06-06-2013, 06:17 PM
Parent: #12
| Quote: اللي متحبش تشوف وشه يجي يوم وتتمنى تشوف قفاه |
اها دى شوتة جديدة من ناشط برضو ... طبعا نحن ناس الوش والقفا يعنى
|
Post: #14
Title: Re: ناشط مصرى مشيرا للسودان (بلد ضاربها السلك) !
Author: مهدي صلاح
Date: 06-06-2013, 07:07 PM
Parent: #13
الكلام اللي بنسمعوا من النظام الحاكم عندنا ان مصر لم تكن في يوم ما اقرب للسودان اكثر مما هي عليه الان والبشير وبحسب ما جاء في الانباء ماهان عليهو يعاتب مرسي على التجاوزرات التي نالت السودان في حضرة مرسي في الجلسة السرية المنقولة على الهواء
|
Post: #15
Title: Re: ناشط مصرى مشيرا للسودان (بلد ضاربها السلك) !
Author: Abd Alla Elhabib
Date: 06-06-2013, 07:52 PM
Parent: #14
وإنتا زعلان ليه يا محمـد حامد ?
داس المصريون علي كرامتكم
لقرابة العشرين عام !!
هسـع جاي تستنفر فينا شنو ?!
--------------
قبـّح اللهُ كيزانَ الهوان وأذلهـم
|
Post: #16
Title: Re: ناشط مصرى مشيرا للسودان (بلد ضاربها السلك) !
Author: علاء الدين صلاح محمد
Date: 06-06-2013, 08:12 PM
Parent: #14
استمع واشاهد القنوات المصرية ومدمن
ابراهيم عيسى -القاهرة والناس والبرامج الحوارية في الاون تي في و قنوات صدى البلد والنهار وسي بس سي
والحق يقال قنوات ممتازة خاصة في تحليل وتشخيص امراض الاسلامويين الفاسدين الكذوبين ويعجبوك عندما يتحدثوا
عن ازوداج شخصية الاسلاموي داعمين ذلك باقوالهم وافعالهم بعد وقبل اللسطة
صراحة في الحتة دي دي هم هم شطار وفايتين ناسنا بكثير ولذلك ادعو الجميع لمتابعة البرامج الحوارية في هذه القنوات وفيها ستتعرف على امراض كيزانا الفاسدين .
وسترى مصر بكل تاريخها خلف السودان 20 سنة لانك ستشاهد اسلاموي مصر وهم يعيدون فيلم انقاذ المشروع الحضاري لا لدنيا قد عملنا نحن للدين فداء وكيف يتحويل
الاسلاموي الفقير المعدم الى ثري بفضل التجارة في الدين | Quote: نصيحة لمتابعى القنوات العربية - تقرأ المصرية - عدم المشاهدة فى حضور الاسرة او فى اجواء عائلية خصوصا لتلك البرامج لان المشاهد قد يخرج عن طوره ، قد تصيح بلفظ غير لطيف او يمكن تملص هدومك وتضرب راسك فى الحيطة ..غيظا |
الغريبة تعتريني هذه الحالة عندما اشاهد فضائية المؤتمر الوطني خاصة عندما يتحدث كوز فاسد في الدين ويدعو الناس الى التمسك بالقيم الاسلامية او عندما يدعي الكوز الفاسد انهم مستهدفين في دينهم وان اسرائيل
واميركا وروسيا زوالصهوينية العالمية يقفون وراء ويدعمون الحركات الثورية لانهم ماسكين طريق الله الله منذا 1989م
او اشاهد كوز بعرفه من الحلة او زاملته في الثانوي او جامعة الخرطوم وقد تبدل حاله وظهرت عليه اثار ثروة الفساد لذلك حريص ان لا اشاهد قنواتكم
والمثال الحي الاخير لكوز يطلعك من طورك ويخليك تخرج من يبتك عاريا كارخميدس
الكوز الفاسد وزير المالية الذي يبشرنا برفع الدعم
|
Post: #17
Title: Re: ناشط مصرى مشيرا للسودان (بلد ضاربها السلك) !
Author: أحمد عز الدين
Date: 06-06-2013, 10:51 PM
Parent: #16
سلامات أستاذ محمد حامد
إنت بتلوم المصريين ليه وسايب عبيد المنازل العندنا الجيبين لينا التريقة دي كولها ؟؟ عندك نخبة مش ناس ساكت نخبة كااااملة متمصرة ومستعدة ينداس عليها وتتكفت وتنضرب على قفاها ويعطسو في وشها ويبلعوا رذاذ عطسة المصري
... في واحد فيهم قبل فترة كان زعلان لأنو في واحد من وزارة الخارجية المصرية قال إنو ناس المؤتمر الوطني بقو أقرب حزب سياسي ليهم .. قام زعل واحتج بيفتكر المعاملة بتاعت نمرة واحد دي حكر عليهو هو وبس ..
طبعاً الزول ده وناس المؤتمر الوطني - إنهم أقرب الناس إليك - هم الجايبين الذلة دي - على الأقل حديثاً - بالذات السيد إبتسامة .. عرفتو ؟ ما تتعب روحك ممكن تتفشى في أيي واحد من الإتنين ديل .. والله مرات بيجيني إحساس بإنو المصري
بيقوم بالحقارة دي كولها وفي ذهنو واحد من الوجهين المألوفين ديل قدامو .. بصراحة جبتو لينا الذلة يالمقصودين
حكمة : الذلة بيجيبها المذلول
|
|