فيصل العجب يقدم خطاب اعتزاله.... وداعا ياملك...!!!

الملك العجب

وبعد 16 سنة خدمة وابداع وامتاع

في عالم الاحمر الوهاج

بلا حدود.....

ومحبة جماهيرية غير مسبوقة

ونجاحات كثيرة

والقاب جميلة

وبضغوط كثيرة ......

يترجل الفارس من صهوة جواده

ويقدم خطاب اعتزاله لمجلس ادارة المريخ

هل نقول وداعا للملك ....؟

Quote: السادة/ رئيس واعضاء مجلس ادارة نادي المريخ بواسطة/السيد/ الامين العام السلام عليكم ورحمة الله وبركاته بعد تفكير عميق وبعض التردد توصلت الى قرار اعتزالي كرة القدم ، كلاعب بنادي المريخ الرياضي، هذا التردد ليس عن مصلحة مادية سوف افتقدها انما اكبر من ذلك بكثير واعمق ، وهو حبي وعشقي لاسرتي المريخية وجمهور المريخ العظيم، هذا العشقولمدة 16 عاما كاملة اصبح فيه المريخ ابي وامي واخي واختي وبيتي، لهذا السبب صار القرار صعبا للغاية ، ولكن اليوم قد اتخذت قراري بالاعتزال وأن المريخ سوف يظل على الدوام بيتي وأن جماهير المريخ سوف تظل دائما في قلبي متنيا لكبان المريخ دوام العزة والرفعة والبطولات ابنكم المخلص فيصل العجب سيدو

Quote: هذا التردد ليس عن مصلحة مادية سوف افتقدها انما اكبر من ذلك بكثير واعمق ، وهو حبي وعشقي لاسرتي المريخية وجمهور المريخ العظيم،

كبيييييييييييييييييييييييييير ياملك

معلوم ان اللاعب الكبير الكابتن فيصل العجب

كان قد تعرض لضغوط كثيرة ومنذ نهائة الموسم الماضي

لاعلان اعتزاله الكرة .... ولكنه اوضح بانه لازال قادرا

علي العطاء.....

في عموده اليومي بصحيفة الصدي

كبد الحقيقة امس الاول

ودع الاستاذ مزمل ابو القاسم

الكابتن فيصل العجب حتي قبل ان

يكتب خطاب اعتزاله

Quote: * لكل بداية نهاية، وكل أول ليهو آخر. * (صعب فراق الزول بعد ما يوالف). * نتفهم مسببات رفض الملك فيصل للاعتزال، ونعلم أن مفارقة عالم النجوم صعبة الوقع على نفسه، ولكن، لو دامت لبريمة وسامي لما آلت إليك. * حان أوان اعتزال السلطان. * تلك سنة الحياة، التي فرضت على أهل المريخ أن يقبلوا فراق الحاج عبد الرحمن شاخور رحمة الله عليه، مع أنه اشترى لهم أرض النادي والإستاد من حر ماله، كما دعتهم لتقبل رحيل مؤسس النادي عبد السيد فرح وأول رؤسائه خالد عبد الله، وعبد الحميد حجوج أول من ظفر المريخ في عهد رئاسته ببطولة خارجية، ومن بعده رئيس الرؤساء مهدي الفكي، فتألمت الصفوة لعظم الفقد، لكن مسيرتهم لم تتوقف. * لم يمنع القلب الحار والوفاء للشعار المريخاب من تقبل اعتزال سليمان عبد القادر (أبو داوود). * ولم تعصم النجومية الطاغية والأسطورة الحية بريمة من الترجل باكياً في آخر المطاف، بعد أن ملأ الدنيا وشغل الناس، وسطر اسمه بحروف من ذهب في ذروة سنام التألق، وقاد المريخ للفوز بكل كؤوسه الجوية. * تقبل أهل المريخ رحيل سامي مرتدياً بدلة التدريب. * وودعت جماهيره سكسك عندما أخلى خانته لأمير كاريكا وحملته على الأعناق وهي تبكي مرارة الفراق. * ذرفت الصفوة الدموع على إيداهور الذي ودع الفانية داخل الملعب، مرتدياً الشعار الأحمر. * تلك سنة الحياة، وتلك هي تصاريفها التي تجبر الوالد على أن يقبر فلذة كبده ويهيل عليه التراب، وتلزم الابن أن يضع الأب في شقٍ من الأرض، وسط فورة الدموع والأحزان، لكن الحياة تستمر. * الاعتزال في قمة العطاء أفضل من الجلوس على الدكة يا فيصل. * التجديد سنة الحياة، وقد عزم أهل المريخ على دعم فريقهم بثلة من الشباب، كي تستمر مسيرة الأحمر، وتقوى مدفوعةً بالدماء الحارة. * خرج من استلزم قانون التجديد رحيلهم، ودخل إبراهومة وحسن سليمان، وفي الطريق أحمد ميسي ويوحنا وأحمد نمر والرضي ومالك عبد الرحيم وعطا ورفاقهم الذين فتحت بهم الصفوة كنز الشباب الأبقى، ليواصلوا المسيرة ويزودوا الفرقة الذهبية بطاقة الشباب. * خرج الملك فيصل العجب من كشف المريخ، لكن حبه سيظل باقياً في قلوب الصفوة أبد الدهر، رمزاً للعطاء، وستبقى مكانته السامية في نفوس كل من تلمظوا فنه الجميل، واستمتعوا بأهدافه البديعة، ولمساته الرقيقة. * يا العجب العجيب.. (فرقك علينا صعيب)!

هل كان مزمل ابو القاسم يعلم بان العجب

سيعلن اعتزاله..... ام هي من اساليب الضغط.....؟

ستفتقد الملاعب السودانية لاعب من طراز فريد

في مهاراته وسلوكه

وداعا يا ملك

هلاللابي من محبي العجب

شكرا دياب

سلامات ياعمر

Quote: ستفتقد الملاعب السودانية لاعب من طراز فريد في مهاراته وسلوكه وداعا يا ملك هلاللابي من محبي العجب

والله صدقت ياحبيب

اما انا فمازلت غير مصدق انوا المريخ

بدون العجب والعكس....!!!!

وهذا ماجاء في صحيفة الزاوية الالكترونية

صباح اليوم

Quote: اعلن فيصل العجب القائد التاريخي لنادي المريخ اعتزاله كرة القدم رسميا ، قبل قليل في جلسة جمعته مع رئيس نادي المريخ السيد جمال الوالي بمنزله ، وسلم فيصل العجب خطابه رسميا لرئيس المريخ،، وحضر الجلسة الفريق عبدالله حسن عيسى نائب رئيس مجلس الشرف المريخي ، ومحمد جعفر قريش ودكتور حاتم ادريس

ووااااااااااااااااعجباه .....!!!!

وكان الفريق طارق عثمان الطاهر

الامين العام لنادي المريخ قد سبق

الجميع عندما نصح العجب بالاعتزال

Quote: أكد الفريق طارق عثمان الطاهر الامين العام لنادي المريخ ان الوقت مناسب لاعلان اللاعب فيصل العجب عن اعتزاله حسب رؤيتهم واضاف في تصريحاته لناة قوون:" القرار بيد فيصل العجب اذا اراد الاستمرار من عدمه" واوضح الفريق طارق ان ناديه على استعداد لتأهيل اللاعب من اجل ان يصبح مدربا كبيرا والسعي من أجل تسفيره الى الخارج لدراسة كورسات تدريب على مستويات عالية وذكر الفريق طارق ان فيصل العجب خلال فترة ثلاثة مدربين اجانب لم يجد حظه من المشاركة مبينا ان اللاعب عليه الاعتزال وقال:" لا نريد ان يسمع صافرات الاستهجان من الجماهير" واكد طارق عثمان الطاهر ان العجب قيمة كبيرة ، واسم يعتبر تاريخ في نادي المريخ .

حتي عودة للملك

يا منقه ازيك ياخ


ياخ ما ممكن اسبوع في اعتزل ولا ما اعتزل


يكون قبض السمينه


دي حجوة ام اعتزيلونه


الغريبه قال اسبانيول في التكريم

وبالعدم السد القطري ناس راؤول تتخيل


والحكامه من امس قلت لي يودع فيه غايتو عليه حركات

عباس ياحبيبنا

سلامات واشواق

انت عارف ياحبيب السمينة مش المشكلة

المشكلة انوا يكونوا لجنة لاقناعه بالاعتزال....!!!!!!

وبعدين اسبانيول وغلطة سراي وحمام الوادي ياراحل

دي كلها حركات ديش

العجب لحظة كتابة خطاب الاعتزال



الصور من موقع الزاوية الالكترنية

وداعاً يا فنان

سلامات محمد بابكر

ووداعا من القلب للملك

تحاياي

سلامات الحبيب الصفوي دياب


العجب انضم لكوكبة التاريخ وجيل العباقرة بعد ان حفر اسمه وطرزه ابداعا في الملاعب..


له التحية

وداعا ايها الخلوق الملك والسلطان والاسطورة

تبكيك القاعدة الجماهيرية الرياضية بمختلف ميولها لاانك الملك وفعلا اخلاق الملوك فيك يا ملك السلوك الرياضي

عكســة :- يا هارون شفت مزمل قال ليهو ترجل لان المريخ غير جلده بالشباب فدخل ميسي وسليمان ولكن هيثم مصطفى ده علموا ليهو شهادة تسنين وللا شنو

نعم العجب كان عليه ان يعتزل واعتقد انه ربما كان يعتزل لو لا ظهور هيثم كلاعب في المريخ وبالتالي والله شينة وبايخة وتصرف بالجد لا يليق بنادي كالمريخ ..

سؤال يا هارون لاعب لا يقل عمره عن فيصل العجب في الملاعب وفي الميلاد وفوق ده مشطوب من ناديه بسبب سوء السلوك هل يعقل اجبار فيصل وتكوين لجنة لاقناعه بالاعتزال وهل يمكن منح هيثم الكابتنيه ولا تسقط من حساباتك ان ادارة الفريق القومي اسقطت هيثم من حساباته بنفس فهم مزمل ابو القاسم تجديد الدماء والاعتماد على العناصر الشبابية

مودتي

الرحـــال

Quote: ووداعا من القلب للملك

تسلم يا حبيب

ازيك يا صفوة يا دياب..مشتاقين
ومبروك* للكرة السودانية هذا الترجل من على الصهوة

Quote: الملك العجب وبعد 16 سنة خدمة وابداع وامتاع

لا حولااااااا
الزمن داك طلحة عبد الله حايم في شوارع الضهاري بيدردق في ترتارة عجلة ويقول احححن اححننن بيييب بيب ..ولابس برمودا صفراء مخططة بالجنبات بالازرق .. بالله والعجب من الزمان داك بيلعب.؟!
غايتو معناها هيثم مصطفي باقي ليهو على الاقل خمسة سنة تاني .. فهو صغير في عمره جداً مقارنة بالعجب زي ما قال طلحة في احد البوستات ..:)


ــــــــــــــــــــــــــــــ
*والله ماعرفنا نبارك والا نعزي لكن اهو جات كدة وعقبال مازدا وطارق احمد ادم يعتزلوا حتى مشاهدة مباريات كاس العالم

حيدرنا ياحبيبنا

مشتاقين وجايين

Quote: غايتو معناها هيثم مصطفي باقي ليهو على الاقل خمسة سنة تاني .. فهو صغير في عمره جداً مقارنة بالعجب زي ما قال طلحة في احد البوستات

واذا قال طلحه فصدقوه.....

فعلا هيثم يستطيع الاستمرار لانه لازال لديه الكثير

وحق لك ان تفجع فقد غادر فارس الحوبة تاركا المكان للجوقة

شكرا لكل المرور

ساعود مع كثيرا من الوعود التي ستظهر

هذه الايام في حق الملك ... ثم تختفي

وترجل ملك الكرة السودانية العجب
حبيناك من قلوبنا يا الفيصل وانت تسعدنا بفنياتك
وستظل الملك

تحياتى حبيبنا هرون دياب ..

حقا ترجل فارس المستديرة وونجم النجوم.. وهو فى أوج مجده وقمة عطائه

وحتما مكانه سيظل شاغرا .. مثلما شغر مكان حمورى وبريمه و سكسك وبفية العقد من نجوم الأحمر من قبل

.. حدثنى مرة الاعب عبد الحميد جدوع نجم نادى الأهلى جده مبديا اعجابه بالأسطورة فيصل العجب

وانه تمنى اللعب بجانبه .. هذا الخلوق المتواضع الذى عشقته نجوم الكرة ومشجعيها على إختلاف ألوانهم

لفنه وسيظل واحد من منارات نادى المريخ السامقة له كل الدعوات بالصحة والتوفيق فى مقبل الأيام

دا ما اعتزال دى اقالة

أجبر على كتابة هذه الاستقالة و حوصر من كل الجهات
هو قال ما زال قادر على العطاء لكن البيخليه يعطى منو


لك التحايا اخونا هارون و ضيوفك الكرام

اخونا هارون
لك التحية تانى

و هذا ما جاء فى صحيفة الصدى


الخميس, 06 يونيو 2013 00:00






انعقد اجتماع بمنزل جمال الوالي رئيس المريخ مساء أمس ضم الوالي والفريق عبد الله حسن عيسى نائب الرئيس السابق ومحمد جعفر قريش السكرتير السابق والدكتور حاتم إدريس قطب المريخ بالإضافة إلى فيصل العجب وكان مجلس إدارة المريخ تسلم خطاباً من قائد الأحمر أعلن فيه اعتزاله وطلب الوالي من

فيصل العجب مراجعة نفسه مشيراً إلى أن المريخ لن يفرض عليه رأياً.. فإذا كان يرغب في الاستمرار سيكون مُرحّباً به وإذا قرر الاعتزال سينظّم المريخ مهرجاناً حاشداً لتكريمه فأوضح العجب أنه قرر الاعتزال وليس في حاجة إلى مراجعة نفسه وتم الإعلان عن تكوين لجنة للمهرجان بقيادة جمال الوالي وتضم الفريق عبد الله ومحمد جعفر قريش وكل أعضاء لجنة التسيير وأثنى المجتمعون على العجب واعتبروا أنه قدم للمريخ ويستحق الاحتفاء والتكريم.


قال ايه الوالى قال ليه تراجع نفسك و لن نفرض عليك راى

يعنى كذب حتى على انفسهم
حاصروهو و اجبروا على كتابة الاستقالة و قالوا ليه راجع نفسك
و هو لو بى خياره كان كتبها من الاول

دى ادارتكم المنتظرين منها رجاء تبدأ بى كذبة و ستنتهى بكذبة اخرى
و كان الله فى عون الرياضة فى السودان

حمزاوي ياقريبي

سلامات

نودع الملك وفي الحلق غصة

وسننتظر كثيرا نري عجبا اخر

سلامات يا اعز عزيز

Quote: العجب انضم لكوكبة التاريخ وجيل العباقرة بعد ان حفر اسمه وطرزه ابداعا في الملاعب..

وسيظل خالدا باذن الله

مشتاقين يارحال

Quote: وداعا ايها الخلوق الملك والسلطان والاسطورة تبكيك القاعدة الجماهيرية الرياضية بمختلف ميولها لاانك الملك وفعلا اخلاق الملوك فيك يا ملك السلوك الرياضي عكســة :- يا هارون شفت مزمل قال ليهو ترجل لان المريخ غير جلده بالشباب فدخل ميسي وسليمان ولكن هيثم مصطفى ده علموا ليهو شهادة تسنين وللا شنو نعم العجب كان عليه ان يعتزل واعتقد انه ربما كان يعتزل لو لا ظهور هيثم كلاعب في المريخ وبالتالي والله شينة وبايخة وتصرف بالجد لا يليق بنادي كالمريخ .. سؤال يا هارون لاعب لا يقل عمره عن فيصل العجب في الملاعب وفي الميلاد وفوق ده مشطوب من ناديه بسبب سوء السلوك هل يعقل اجبار فيصل وتكوين لجنة لاقناعه بالاعتزال وهل يمكن منح هيثم الكابتنيه ولا تسقط من حساباتك ان ادارة الفريق القومي اسقطت هيثم من حساباته بنفس فهم مزمل ابو القاسم تجديد الدماء والاعتماد على العناصر الشبابية

فعلا يارحال هو فقد كبير للقاعدة الرياضية

طبعا من وجهة نظري الشخصية انا مع اعتزال العجب

ولا اريد ان اقحم هيثم في الموضوع لانو العملية فنية بحتة

بعدين ياخي هيثم ما اتشطب لسوء السلوك زي ما انت وانا عارفين....!!!!!

واعتقد بان هيثم اثبت خلال الدورة الاولي بانه ىلازال قادرا علي العطاء

والافضل ان يعتزل العجب وهو في القمة .

العديل راي والعوج راي ... او كما قال اخونا كانتونا

سلام

درة الملاعب ..الذي نثر الابداع في الملاعب...

نجم خلوق ...احد عملاقة فريق الزعيم .....اتمني لك حياة سعيدة كما نشرت الفرح في قلوبنا ...

ونحن مندهشون و انت تطوع المستديرة كما تشاء ...الله عليك يا ملك ...لك الشكر ...



http://www.youtube.com/watch?v=3fi1B25bCB0

للأسف يا هارون دياب العجب لم يترجل ولا بطيخ ولكن وضعوه أمام خيارين لا ثالث لهما أحلاهما مر

إما الإستقالة أو الشطب

الرجل قدم إستقالته وهو يعتصر الألم وقال فرضوا علي تقديم الإستقالة والكلام مكتوب في شريط اخبار الشروق

للأسف وجد نفسه وحيدا لا حول له ولا قوة ومن يجرؤ أن يقف ضد إرادة الوالي... حتي مزمل الكان هاوس الناس بان هيثم كبر والملك العجب مازال قادر علي العطاء فجأة غير رأيه ومال إلي من عنده المال وإستغل جريدته في الضغط علي العجب.

هيثم أولي بالشطب واتمني الهلال يسجل العجب ولو لموسم واحد

إنها سنة الحياة وسرو رياضة كرة القدم، ترجل اليوم جوهرة الكرة السودانية ومليكها
الكايتن الموهوب فيصل العجب بعد عطاء وافر أمتع جمهور الكرة ، قدم العجب العجاب
والصعب الممتنع على رفاق جيله، بفنونه ولمساته الساحرة وخياله الكروى الواسع. بصماته
كانت واضحة فى عودة الفريق القومى السودانى للمشاركة فى بطولة أفريقيا بعد غياب لثلاث
عقود زمنية. سجل إسمه فى سجل المبدعين الخالدين .. وسيظل أنشودة وأسطورة تتناقلها
الأجيال .. وداعاً يالعجب العجيب وأمنياتنا لك بالتوفيق والسعادة فى مستل أيامك

فيصل العجب فقد كبيرللكره السودانيه (اخلاقا)

وكما امتطي ترجل كغيرة من( فرسان )الاندية السودانيه قاطبة
دون اي انجازات تذكر



اول مره اسمع لاعب يكتب خطاب اعتزاله

معليش يا عجب


هكذا قد اجبروك وقالو لك ترجل



كيفك هارونا

العجب مع نهاية الموسم الماضي لو إعتزل كان أفضل ليهو.
كابر وأعتزل فى الطراوة.
هناك من يستحق الشطب والجلد مازل بـ الكشف.
للأسف الاعلام الرياضي سبب بلاوي المريخ.

يا هارون عايز تقنعني إنو الخطاب ده كتبو العجب؟؟؟
لأ وكمان إنت مكووتو وبتقول ليهو كبييير يا عجب !!!!
يا هارون ياخ كلنا عارفين البير وغطاه فما تتعامل بي الطريقة دي عشان ما بتشبهك ..

قرارات الإعتزال الفيها جبرية لي اللاعب أوول حاجة فيها بيكون الترضية المالية .. وعشان تجبر لاعب يقدم خطاب إعتزال أوول حاجة بتديهو تعويض مااادي ووعوود ماادية من خلال تكريم وجوائز من اعضاء الشرف إضافة لمبلغ الدخل من مباراة التكريم مع وعود بعدم الخروج من القطاع الرياضي و و و ..

اول مره اسمع لاعب يكتب خطاب اعتزاله

و يا ريت لو كتبه و هو مقتنع بيه
كتبه و هو مجبرآ على ذلك و مكرهآ
اما الاعتزال او الشطب فاختارالاولى و حسرة تملأ قلبه حينما لم يجد غيرهذا الطريق

لكم التحايا